အမျိုးသားစီမံကိန်းဥပဒေမှာ ထည့်သွင်းပြဋ္ဌာန်းနိုင်ဖို အခု ၂၀၂၆-၂၀၂၇ ဘဏ္ဍာရေးနှစ်အတွက်ကုန်သွယ်မှုပမာဏ အမေရိကန်ဒေါ်လာ ၂၉ဒဿမ၁ ဘီလီယံလျာထားဆောင်ရွက်နေတယ်လို့ မြန်မာကုန်သွယ်မှုမြှင့်
တင်ရေးအဖွဲ့ကနေ သိရပါတယ်။

#Local_News
Published 13 June 2026
#အမျိုးသားစီမံကိန်းဥပဒေ
#YMG/NN #Yangon_Times

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီကထုတ်ပြန်တဲ့စားအုန်းဆီရည်ညွန်းဈေးမှာ တစ်ပိသာကို ကျပ် ၇၃၀၀ သာရှိသော်လည်း ပြင်ပပေါက်ဈေး ၁၃၀၀၀ကျပ်အထိရှိနေတယ်လို့ ဈေးကွက်အတွင်းမှ သိရပါတယ်။

#Local_News
Published 13 June 2026
#စားအုန်းဆီ
#YMG/SW #Yangon_Times

တစ်နိုင်ငံလုံးတွင် ဒူးရင်းစိုက်ဧက ၂၇,၀၀၀ ကျော်စိုက်ပျိုးထားတယ်လို့ မြန်မာနိုင်ငံဒူးရင်းသီး စိုက်ပျိုးထုတ်လုပ်တင်ပို့ရောင်းချသူများအသင်း က
သိရပါတယ် ။

#Local_News
Published 13 June 2026
#ဒူးရင်း
#YMG/NN #Yangon_Times

#Local_News
Published 13 June 2026
 
■ ဓာတ်အားလိုင်းကြိုး ကြံခိုင်ရေးအတွက် ၁၃၂ ကေဗွီ ကျိုင်းတောင်း-နမ့်စန် ဓာတ်အားလိုင်းနှင့် ၆၆ ကေဗွီ စက်မှုဇုန်- လှိုင်းဘွဲ ဓာတ်အားလိုင်း များအား ယခုလ၁၄ရက်တွင် လိုင်းပိတ်ဆောင်ရွက်မည် ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနမှ ထုတ်ပြန်ထားသည်။
 
■ အဆိုပါထုတ်ပြန်ချက်တွင် ၁၃၂ ကေဗွီ ကျိုင်းတောင်း-နမ့်စန် ဓာတ်အားလိုင်းသည် ရှမ်းပြည်နယ်(တောင်ပိုင်း) ရှိ ခရိုင်၊ မြို့ ဧရိယာများတွင် စဉ်ဆက်မပြတ် ဓာတ်အားပို့ လွှတ်ဖြန့် ဖြူးပေး နိုင်ရေးအတွက် အရေး ပါသည့်ဓာတ်အားလိုင်းဖြစ်ပြီး၊ ၁၃၂ ကေဗွီ ကျိုင်းတောင်း-နမ့်စန် ဓာတ်အားလိုင်းအား အသေးစိတ်စစ်‌ဆေးခြင်း လုပ်ငန်းများဆောင်ရွက်ခဲ့ရာ ကျိုင်းတောင်းမြို့နယ်၊ ၁၉ မိုင် ကျေးရွာအနီး တာဝါတိုင်အမှတ် (၁၅၇ နှင့် ၁၅၈) အကြား A Phase ဓာတ်အားလိုင်းကြိုး ကြိုးလွန်းဖွာ နေခြင်း၊ တာဝါတိုင်အမှတ် (၁၁၉ နှင့် ၁၂၀) အကြား A Phase ဓာတ်အားလိုင်းကြိုး ကြိုးလွန်းပြတ်နေသည်ကို စစ်ဆေးတွေ့ရှိရသဖြင့် ပြန်လည်ပြုပြင်ခြင်းလုပ်ငန်းများ ဆောင်ရွက် သွားမည်ဖြစ်ကြောင်း၊ ထို ထိန်းသိမ်းပြုပြင်ခြင်းလုပ်ငန်းများ ဆောင်ရွက်ပြီးပါက ဓာတ်အားပြတ်တောက်မှုလျော့နည်းပြီး ဓာတ်အားလွှတ်စက်ပစ္စည်းများ ထိခိုက်ပျက်စီးမှုကို ကာကွယ်နိုင် မည်ဖြစ်သည့်အတွက် ဖော်ပြပါလုပ်ငန်းများကို ၂၀၂၆ ခုနှစ် ဇွန်လ ၁၄ ရက်(တနင်္ဂနွေနေ့)၊ ၀၈:၀၀ နာရီမှ ၁၅:၀၀ နာရီ အထိလုပ်ငန်းများဆောင်ရွက်သွားမည်ဖြစ်ကြောင်း သိရသည်။

■ ဓာတ်အားပိတ်လုပ်ငန်းဆောင်ရွက်နေစဉ်အတွင်း ကျိုင်းတောင်းဓာတ်အားပေးစက်ရုံမှ ဓာတ်အား ထုတ်လုပ်မှု (၃၄) မဂ္ဂါဝပ်ခန့် လျော့နည်းနေမည်ဖြစ်၍ ကျန်ဓာတ်အားပေးစက်ရုံ များမှ တိုးမြှင့်ထုတ်လုပ်သွားမည်ဖြစ်ကြောင်း သိရသည်။

■ ၁၃၂ ကေဗွီ ကျိုင်းတောင်း-နမ့်စန် ဓာတ်အားလိုင်းအပြင် ၂၃၀/၆၆/၁၁ ကေဗွီ ဘားအံပင်မ ဓာတ်အားခွဲရုံမှ ဓာတ်အားဖြန့်ဖြူးပေးထားသည့် ၆၆ ကေဗွီ စက်မှုဇုန်-လှိုင်းဘွဲဓာတ်အားလိုင်းကို လျှပ်စစ်အန္တရာယ်ကင်းရှင်းစွာ ဓာတ်အားဖြန့်ဖြူးပေးနိုင်ရေး၊ ဓာတ်အားပြတ်တောက်မှု လျော့နည်းစေ ရေးနှင့် ဓာတ်အားကြံ့ခိုင်ကောင်းမွန်စေရေးတို့အတွက် ၂၀၂၆ ခုနှစ်၊ ဇွန်လ ၁၄ ရက်နေ့ နံနက် (၀၈:၀၀) နာရီမှ (၁၇:၀၀) နာရီအထိ ဓာတ်အားပိတ်၍ ထိန်းသိမ်းပြုပြင်ခြင်းလုပ်ငန်း ဆောင်ရွက်သွားမည်ဖြစ်ရာ အဆိုပါ လုပ်ငန်းဆောင်ရွက်နေစဉ် ၆၆/၃၃/၁၁ ကေဗွီ လှိုင်းဘွဲ (ချမ်းသာ) ဓာတ်အားခွဲရုံမှ ဓာတ်အားဖြန့်ဖြူးပေးထားသည့် လှိုင်းဘွဲ ၊ ပိုင်ကျုံ၊ မြိုင်ကြီးငူ၊ ကမမောင်းမြို့တို့ရှိ မြို့ပေါ်ရပ်ကွက်အားလုံးနှင့် ကျေးရွာ(၈၃)ရွာတို့တွင် ဓာတ်အား ယာယီပြတ်တောက်နေမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 13 June 2026

■ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ (၃၁)နှစ်မြောက် နှစ်ပတ်လည်နေ့အထိမ်းအမှတ်စုပေါင်းသွေးလှူဒါန်းပွဲကိုယမာန်နေ့က ပြုလုပ်ခဲ့ကြောင်း သိရသည်။

■ ဇွန် ၁၅ ရက်တွင်ကျရောက်မည့် (၃၁) နှစ်မြောက်နှစ် ပတ်လည်နေ့ကို ကြိုဆိုဂုဏ်ပြုသည့်အနေဖြင့် ဝန်ကြီးရုံးနှင့် ဦးစီးဌာနများမှဝန်ထမ်းများက နေပြည်တော်ပြည်သူ့ဆေးရုံကြီး (ခုတင်-၁၀၀၀) ရှိ သွေးလှူဘဏ်ခန်းမဆောင်၌ စုပေါင်းသွေးလှူဒါန်းခဲ့ကြခြင်းဖြစ်သည်။

■ အဆိုပါ စုပေါင်းသွေးလှူဒါန်းမှုကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီးဦးမြင့်ကြိုင်၊ ကျန်းမာရေးဝန်ကြီးဌာန ပြည်ထောင်စုဝန် ကြီးဒေါက်တာသက်ခိုင်ဝင်းနှင့် တာဝန်ရှိသူများကြည့်ရှုအားပေးခဲ့ကြပြီး
ကျန်းမာရေးဝန်ထမ်းများကသွေးလှူဒါန်းမည့် ဝန်ထမ်းများအား သွေးပေါင်ချိန်တိုင်းစစ်ဆေးမှု၊ သွေးအမျိုးအစားခွဲခြားသတ်မှတ်မှုနှင့် သွေးအလှူရှင်အား နည်းပညာအသုံးပြုမှတ်တမ်းတင်နေမှုတို့ကိုကြည့်ရှုပြီး သွေးလှူရှင်များကိုအာဟာရဖြည့်စွက်စာများ ထောက်ပံ့ပေးအပ်ခဲ့ကြ ကြောင်းသိရသည်။

#YMG/NN #Yangon_Times

#Daily_News
Published 13 June 2026

၁။‌ ကုန်သွယ်မှုပမာဏ ဒေါ်လာ ၂၉ ဒဿမ ၁ ဘီလီယံ လျာထားဆောင်ရွက်နေ

‌‎၂။ ‌‌‌‌စားအုန်းဆီရည်ညွန်းဈေး တစ်ပိသာကျပ်(၇၃၀၀)သတ်မှတ်သော်လည်း ပြင်ပပေါက်ဈေး ၁၃၀၀၀ကျပ်အထိရှိနေ

‎၃။‌‌‎ တစ်နိုင်ငံလုံးတွင် ဒူးရင်းစိုက်ဧက ၂၇,၀၀၀ ကျော်စိုက်ပျိုးထား

၄။‎ ‌‌‌‌‌‌‌‌‌အရှေ့အလယ်ပိုင်းတင်းမာမှုများကြောင့် ဂျပန်ထောက်ပံ့ပို့ဆောင်ရေးလုပ်ငန်းလည်ပတ်မှုအခက်အခဲတိုးများစေသည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group