#LocalNews
Published_ 22 January 2023

မွန်ပြည်နယ်၊ သထုံမြို့နယ်၊ သထုံ-ဘာအံမော်တော်ကားလမ်း၊ ကြာပန်းကျေးရွာအနီး၊ ရန်ကုန်မြို့မှ (၁၅၆)မိုင်အကွာတွင်တည်ရှိသည့် စက်မှုဝန်ကြီးဌာန၊ အမှတ်(၂)အကြီးစားစက်မှုလုပ်ငန်း၊ အမှတ်(၂၁)အကြီးစားစက်ရုံ(တာယာစက်ရုံ-သထုံ)ကို ပူးပေါင်းလုပ်ကိုင်နိုင်မည့် ပြည်တွင်း ပြည်ပ ပုဂ္ဂလိကလုပ်ငန်းရှင်များအား တင်ဒါခေါ်ယူနေကြောင်း သိရသည်။

အဆိုပါ စက်ရုံမှာ စက်မှုဝန်ကြီးဌာန ၊အမှတ်(၂)အကြီးစား စက်မှုလုပ်ငန်း လက်အောက်တွင်ရှိပြီး အစိုးရ - ပုဂ္ဂလိက ပူးပေါင်းဆောင်ရွက်မှု (Public Private Partnership -PPP) ပုံစံဖြင့် လုပ်ဆောင်သွားမည် ဖြစ်ကြောင်း၊စိတ်ဝင်စားသူများအနေဖြင့်နေပြည်တော် ၊ရုံးအမှတ် ၄၁ အမှတ်(၂) အကြီးစား စက်မှုလုပ်ငန်းသို့ ဖေဖော်ဝါရီလ ၁၀ ရက်နောက်ဆုံးထားကာ စိတ်ဝင်စားမှုအဆိုပြုလွှာများတင်သွင်းနိုင်ကြောင်း သိရသည်။

၎င်းစက်ရုံကို Czech နည်းပညာဖြင့် တည်ဆောက်ကာ ၁၉၈၅ ခုနှစ်တွင် ကျွတ်တပ်ဆင်အသုံးပြုရသည့် Bias Tyre များ စတင် ထုတ်လုပ်ခဲ့ခြင်းဖြစ်ကြောင်း၊အဆိုပါတာယာစက်ရုံတွင် တာယာနှင့် ရာဘာပစ္စည်းထုတ်လုပ်မှုလုပ်ငန်းအပြင် အခြားစက်မှုထုတ်ကုန်ပစ္စည်းများ ထုတ်လုပ်ခြင်းလုပ်ငန်းများကို အစိုးရ-ပုဂ္ဂလိကပူးပေါင်းဆောင်ရွက်မှု(Public Private Partnership - PPP) ပုံစံဖြင့် ပူးပေါင်းဆောင်ရွက်ရန်အတွက် စိတ်ဝင်စားမှုဖော်ပြခြင်းဆိုပြုလွှာ (Expression of Interest- EoI) ခေါ်ယူခြင်းဖြစ်ကြောင်းလည်း သိရသည်။

ymg/mt
#Yangon_Media_Group

#Local_News
Published_ 22 January 2023

စင်ကာပူစက်သုံးဆီဈေးနှုန်း မြင့်တက်နေတဲ့အတွက် ပြည်တွင်းစက်သုံးဆီဈေးနှုန်းဟာ ယခုရက်ပိုင်းအတွင်း တရိပ်ရိပ်နဲ့ ပြန်လည်မြင့်တက်လာတာကို စက်သုံးဆီအရောင်းဆိုင်တွေက ဖော်ပြထားတဲ့ ဈေးနှုန်းတွေအရ သိရပါတယ်။

#Yangon_Media_Group

#TV Yangon Times Matters အစီအစဉ်
Published - 22 Jan 2023

အစီအစဉ်တင်ဆင်သူ ဆရာဟိန်းလတ်က တေးသံရှင် ရင်ခုန်သံမောင်အေးထွန်းနှင့်အတူ

-"တေးရေးကိုကြည်တိုးရဲ့ သီချင်းအများကြီးထဲမှာမှ "ရင်ခုန်သံ"ဆိုတဲ့ သီချင်းကိုဘာမှန်းမသိဘဲ ရွေးချယ်ခဲ့တာဖြစ်ကြောင်း

-"ရှောင်လေဝေးဝေးမူးယစ်ဆေး"ပညာပေးသီချင်းကို ကျွန်တော်ဆိုတာမှန်း အခုထိ မသိကြသေး‌တာရှိကြောင်း

-ကိုယ့်ကိုယ်ကို အ‌ဆိုတော်လို့‌မသတ်မှတ်ဘဲ တေးသံရှင်လို့ပဲ ခံယူထားတာ‌ဖြစ်ပြီး သီချင်း‌တွေဆိုနိုင်နေသေးသရွေ့ စင်မြင့်ပေါ်မှာ‌ ဖျော်‌ဖြေဖြစ်နေဦးမှာဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#LocalNews
Published_ 22 January 2023

ထိုင်းနိုင်ငံ၊ စမုဆွန်ခရမ်ခရိုင်တွင် ပြီးခဲ့သည့် ဇန်နဝါရီလ ၁၇ ရက်က ဆီတင်သင်္ဘောပေါက်ကွဲစဉ် သေဆုံးသွားသည့် မြန်မာလုပ်သား ၇ ဦး အတွက် ထိုင်းနိုင်ငံအလုပ်သမားဝန်ကြီးဌာနက သေဆုံးသူမိသားစုဝင်များအား နစ်နာကြေးပေးပြီးဖြစ်ကြောင်း ထိုင်းနိုင်ငံဆိုင်ရာ မြန်မာ အလုပ်သမား သံအရာရှိရုံးက သိရသည်။

အဆိုပါ Soosh Sea C22 ဆီတင်သင်္ဘောမှာ စမုဆွန်ခရမ်ခရိုင်၊ မဲခေါင်မြစ်ခွဲ၌ ပြုပြင်ထိန်းသိမ်းရန် ရပ်နားထားစဉ် ပေါက်ကွဲခဲ့ခြင်းဖြစ်သည်။

ယင်းကြောင့် ထိုင်းအလုပ်သမားဝန်ကြီးဌာနက သေဆုံးသူတစ်ဦးချင်းအတွက် နာရေးပြုလုပ်ခ ဘတ် ၅၀,၀၀၀၊ အလုပ်ခွင်အတွင်း သေဆုံးမှုကြောင့် လျော်ကြေး ဘတ် ၇၇၀,၉၅၂ ပေးအပ်ခဲ့ကာ သက်ကြီးပင်စင်ကြေးကိုတော့ သေဆုံးသူများ၏ သူသက်တမ်းအလိုက် ပေးအပ်ခဲ့ကြောင်းလည်း သိရသည်။

လူမှုဖူလုံရေးဌာနအနေဖြင့် ဆေးကုသမှုကျသင့်ငွေကို ဝန်ကြီးဌာန ဥပဒေသတ်မှတ်ချက်အတိုင်း ပြန်ပေးမည်ဖြစ်ပြီး ဆရာဝန်က ဆေးရုံအတွင်း ကုသမှုခံယူမှုကို ရပ်နားရန် ညွှန်ကြားခဲ့ပါက တစ်နှစ်မကျော်သည့် ယခင်ရရှိသည့် လုပ်ခလစာထဲမှ ၇၀ ရာခိုင်နှုန်း လုပ်အားခကိုရရှိမည် ဖြစ်ကြောင်း၊ ကိုယ်အင်္ဂါဆုံးရှုံးခဲ့ပါက ထောက်ပံ့ကြေးပေးခြင်းဆိုင်ရာဥပဒေအရ ၁၀ နှစ်ကာလအတွင်း နစ်နာမှုထောက်ပံ့ကြေး ရရှိမည်ဖြစ်ကြောင်းလည်း သိရသည်။

ဓာတ်ပုံ-MGR

ymg/mt

#Yangon_Media_Group

#Myanmar_News
Published 22 Jan 2023

နေပြည်တော်၊ ဇေယျာသီရိမြို့နယ်အတွင်းမှာ အပူစွမ်းအင်သုံး ဓာတ်အားပေးစက်ရုံ တည်ဆောက်ဖို့ စီစဉ်နေတယ်လို့ သိရပါတယ်။

တည်ဆောက်မယ့်နေရာက ဇေယျာသီရိမြို့နယ်၊ ပေါင်းလောင်းရေလှောင်တမံအနီးမှာဖြစ်ပြီး အဲဒီစီမံကိန်းနေရာကို နစက လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်က သွားရောက်စစ်ဆေးကြည့်ရှုခဲ့တာဖြစ်တယ်လို့ နစက ပြန်ကြားရေးရဲ့ သတင်းထုတ်ပြန်ချက်မှာဖော်ပြထားပါတယ်။

ယခုအခါ အဆိုပါနေရာမှ မြေနေရာရွေးချယ်မှုကို ကနဦးဆောင်ရွက်နေပြီး ရေရရှိမှု၊ အောက်ခံကျောက်သားဘူမိအခြေအနေတွေကို တာဝန်ရှိသူတွေက ဝန်ကြီး ဦးသောင်းဟန်ကိုရှင်းလင်းတင်ပြခဲ့ကြပါတယ်။

လျှပ်စစ်စွမ်းအား ဝန်ကြီးဌာနနှင့် ရုရှားနိုင်ငံ ROSATOM မှ ပညာရှင်အဖွဲ့ဟာ ယမန်နှစ် ဒီဇင်ဘာ ၉ ရက်က နေပြည်တော်ကောင်စီနယ်မြေအတွင်းစီမံကိန်း လုပ်ငန်းနေရာများသို့ သွားရောက်ပြီး ဇေယျာသီရိမြို့နယ် ဇီးရိုင်းကျေးရွာ၊ သစ်တော်ကျေးရွာအုပ်စု၊ ငါးတဲစုကျေးရွာ၊ ပေါင်းလောင်းရေလှောင်တမံအနီးရှိ မြေနေရာတွေမှာ အပူစွမ်းအင်စီမံကိန်းအတွက် ကျောက်သား Mechanic ဆိုင်ရာများလေ့လာခြင်း၊ ရေရရှိနိုင်မှု၊ ငလျင်နှင့် ပြတ်ရွေ့များလေ့လာခြင်း၊ သယ်ယူပို့ဆောင်ရေးလမ်းကြောင်းများ၊ သဘာဝပတ်ဝန်းကျင်အခြေအနေနှင့် လူမှုဘဝနေထိုင်မှုတို့ကိုလေ့လာခဲ့တယ်လို့ ဝန်ကြီးဌာနက သတင်းထုတ်ပြန်ပေးခဲ့ပါတယ်။

#ymg/knl

#Myanmar_Russia

#Yangon_Mediad_Group

Published 23 Jan 2023

တစ်နိုင်ငံတည်း ဗိုလ်ကျစိုးမိုးနေသည့် ဧကဝင်ရိုးမှ ဗဟုဝင်ရိုးကို ပြောင်းလဲနိုင် ရေးအတွက် အခြားကမ္ဘာ့နိုင်ငံများနှင့် ပူးပေါင်း လုပ်ဆောင် သွားမည့်ကိစ္စများ အပေါ်၌ လည်း ကြိုဆိုအားပေးပါတယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ပြောကြားကြောင်း နစက ပြန်ကြားရေးရဲ့ သတင်းထုတ်ပြန်ချက်အရသိရပါတယ်။

ဇန်နဝါရီ ၂၂ရက်  ညနေပိုင်းက ရန်ကုန်မြို့ရှိအမျိုးသားအားကစားပြိုင်ပွဲရုံ(၁)သုဝဏ္ဏ၌ ကျင်းပ ပြုလုပ်ခဲ့တဲ့တရုတ်နှစ်သစ်ကူးပွဲတော်အထိမ်းအမှတ်ချစ်ကြည်ရေးဘက်စကက်ဘောပြိုင်ပွဲ ပိတ်ပွဲနှင့် တရုတ်နှစ်သစ်ကူးပွဲတော်အခမ်းအနားမှာ ဗိုလ်ချူပ်မှူးကြီးက အထက်ပါအတိုင်းပြောကြားခဲ့တာဖြစ်ပါတယ်။

အဲသလို ဗဟုဝင်ရိုးကိုပြောင်းလဲအောင်ဆောင်ရွက်ခြင်းဟာ မြန်မာနိုင်ငံလို ဖွံ့ဖြိုးဆဲနိုင်ငံတွေအတွက် အလွန်အကျိူး ဖြစ်ထွန်းမယ့်ကိစ္စဖြစ်တယ်လို့ နစက ဥက္ကဋ္ဌက ဆက်လက်ပြောဆိုခဲ့ပြီး  ရှန်ဟိုင်းပူးပေါင်းဆောင်ရွက်ရေးအဖွဲ့ (Shanghai Cooperation Organization)၌ မြန်မာနိုင်ငံ ကို ဆွေးနွေးဖက်နိုင်ငံအဖြစ် (Dialogue Patner) သတ်မှတ်ပေးခဲ့တဲ့အတွက်  တရုတ်နိုင်ငံကို အထူးပင်ကျေးဇူးတင်ရှိတယ်လို့လည်း သူကဆက်လက်ပြောဆိုပါတယ်။

တရုတ်နိုင်ငံအနေဖြင့် ၂၀၂၂ ခုနှစ်၊ ဩဂုတ်လ ၁၀ ရက်တွင် တရုတ်(တိုင်ပေ) နှင့်ပတ်သက်၍ တတိယအကြိမ် စက္ကူဖြူစာတမ်း ထုတ်ပြန်ခဲ့ပါကြောင်း၊ မြန်မာနိုင်ငံ အနေဖြင့် မည်သူတရားပျက်ပျက် ကိုယ်မပျက်စေနှင့် ဟူသည့်အတိုင်း အိမ်နီးချင်း ကောင်းပီသစွာ တရုတ်တစ်နိုင်ငံတည်း မူဝါဒ(One China Policy)ကို အစဉ်ထောက် ခံရပ်တည်လျက်ရှိတယ်လို့လည်း နစက ဥက္ကဋ္ဌကပြောပါတယ်။

အဲဒီအပြင် ဗိုလ်ချူပ်မှူးကြီးက “မြန်မာနိုင်ငံသည် တရုတ်ပြည်သူ့သမ္မတနိုင်ငံနှင့် တရုတ်လူမျိုးများ၊ တရုတ်နွယ် ဖွား မြန်မာနိုင်ငံသားများအတွက် မျက်နှာနှစ်ဖက် ဆက်ဆံရေးမျိုး မရှိသည့် ယုံကြည် စိတ်ချရသည့် အိမ်နီးချင်းနိုင်ငံတစ်ခု ဖြစ်ကြောင်းနှင့်၊တရုတ်နိုင်ငံသည်လည်း မြန်မာ နိုင်ငံအတွက် အရေးကြီးသည့် အိမ်နီးချင်းနိုင်ငံတစ်ခုဖြစ်သကဲ့သို့ ဘက်စုံမဟာဗျူဟာ မြောက် ပူးပေါင်းဆောင်ရွက်ရေး မိတ်ဖက်နိုင်ငံတစ်ခုလည်း ဖြစ်တယ်” လို့လည်း ထပ်လောင်း ပြောကြားတယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီနောက်ဗိုလ်ချူပ်မှူးကြီးက တရုတ်နှစ်သစ်ကူး ယုန်နှစ်အတွက် ဆုတောင်းစကားပြောကြားပေးခဲ့တယ်လို့လည်း သိရပါတယ်။

မြန်မာနိုင်ငံဆိုင်ရာတရုတ်ပြည်သူ့သမ္မတမြန်မာနိုင်ငံသံအမတ်ကြီး Mr. Chen Hai ကလည်း တရုတ်နှစ်သစ်ကူးပွဲတော်သို့ ယခုကဲ့သို့ နိုင်ငံ့အကြီးအကဲကိုယ်တိုင် တက်ရောက်သည်မှာ ပထမဦးဆုံးအကြိမ်ဖြစ်ပြီး တက် ရောက်ချီးမြှင့်ပေးခဲ့သည့်အတွက်  ကျေးဇူးအထူးတင်ရှိပါကြောင်း၊ နှစ်သစ်တွင် တရုတ်နိုင်ငံအနေဖြင့် မြန်မာနိုင်ငံနှင့်အတူ ဆွေမျိုးပေါက်ဖော်သံယောဇဉ်ကို ဆက်လက်လက်ဆင့်ကမ်းပြီး တရုတ်-မြန်မာ အေးအတူပူအမျှ အသိုက်အဝန်း တည်ဆောက်မှုကို စဉ်ဆက်မပြတ်ဖေါ်ဆောင်ကာ နှစ်နိုင်ငံချစ်ကြည်ရင်းနှီးမှု ရလဒ် များဖြင့် နှစ်နိုင်ငံပြည်သူများအတွက် အကျိုးကိုပိုမိုဖော်ဆောင်သွားမည်ဖြစ်ကြောင်း၊နှစ်နိုင်ငံဆက်ဆံရေးနှင့် ချစ်ကြည်ရင်းနှီးမှုများ ယခုထက်ပိုမိုတိုးတက်ခိုင်မြဲပြီး အဓွန့်ရှည်တည်တံ့ပါစေရန် ဆုမွန်ကောင်းတောင်းပါကြောင်းဖြင့် ပြောကြားခဲ့ပါတယ်။

အဲဒီနောက် နစက ဥက္ကဋ္ဌနှင့်ဇနီးအဖွဲ့ဝင်တွေဟာ အခမ်းအနားတက်ရောက်လာကြသူများတွေနှင့်အတူ တရုတ်ရိုးရာနှစ်သစ် ကူး အထိမ်းအမှတ်ဂုဏ်ပြုညစာကို အတူတကွသုံးဆောင်ခဲ့ကြတယ်လို့သိရှိရပါတယ် ။ ညစာစားပွဲအတွင်း ဘတ်စကက်ဘောပြိုင်ပွဲဆုပေးပွဲကိုပါ ထည့်သွင်းကျင်းပပေးခဲ့ပါတယ်။

ယခုနှစ် တရုတ်နှစ်သစ်ကူးပွဲတော်ကို ချစ်ကြည်ရေးဘတ်စကက်ဘောပြိုင်ပွဲပိတ်ပွဲနှင့်အတူ ရန်ကုန်မြို့တွင် ခမ်းနားစွာကျင်းပပေးခဲ့တာဖြစ်ပါတယ်။

-ymg/knl

#Myanmar

#China_Myanmar

#China_Lunar+_New Year_in_Myanmar