#Local_News
Published_ 11 February 2023

ပြည်ပနိုင်ငံများရှိ မြန်မာသံရုံးများနဲ့ ကောင်စစ်ဝန်ရုံးများမှာသွားရောက် တာဝန်ထမ်းဆောင်ကြမယ့် စီးပွားရေးသံမှူးများနဲ့တွေစုံစဉ် ပြည်ထောင်စုဝန်ကြီး ဦးသန်းဆွေက တိုက်တွန်းပြောဆိုလိုက်တာပါ။ ကမ္ဘာ့စီးပွားရေးအခြေအနေနဲ့ ဒေသတွင်း နိုင်ငံတွေက စီးပွားရေးအခြေအနေတွေကို လေ့လာပြီး မြန်မာ့စီးပွားကို ထိုက်သင့်တဲ့အခြေအနေတစ်ခုရောက်အောင် ရည်မှန်းဆောင်ရွက်ရမှာဖြစ်တယ်လို့ဆိုပါတယ်။

ပြည်ပနိုင်ငံတွေက လုပ်ငန်းရှင်တွေအနေနဲ့ မြန်မာနိုင်ငံတွင်းက စီးပွားရေးအခွင့်အလမ်းတွေကို စိတ်ဝင်စားလာအောင်လုပ်ဆောင်ဖို့လိုအပ်တယ်လို့လည်း ဆိုပါတယ်။ မြန်မာနိုင်ငံဟာ လူ့စွမ်းအားအရင်းအမြစ် ရေအရင်းအမြစ်နဲ့မြေအရင်းမြစ်များစွာရှိတဲ့အတွင်းပြည်ပရင်းနှီးမြှုပ်သူများ စိတ်ဝင်စားလာစေဖို့ လုပ်ဆောင်ကြဖို့လိုတယ်လို့လည်း ဆိုပါတယ်။

မြန်မာနိုင်ငံမှာ ဘီလီဇ်၊ ဘဂ်လားဒေ့ရှ်၊ အန္ဒိယ၊ ဂျပန်၊ ထိုင်း စတဲ့နိုင်ငံပေါင်း ၅၂ နိုင်ငံတို့က မြန်မာနိုင်ငံအတွင်း စီးပွားရေးလုပ်ငန်းတွေမှာ ရင်းနှီမြှုပ်နှံထားပါတယ်။ ၂၀၂၂ ခုနှစ်အတွင်း နိုင်ငံပေါင်း ၁၃ နိုင်ငံမှနိုင်ငံခြားရင်းနှီးမြှုပ်နှံမှု ပမာဏ ၁ ဒဿမ ၆ ဘီလီယံဝန်းကျင်ရရှိခဲ့ပြီးစင်ကာပူနိုင်ငံက ၂၀၂၂ _ ၂၀၂၃ ပထမ ၁၀ လတာကာလအတွင်း ၁ဒဿမ ၁၅၇ ဘီလီယံနဲ့ အများဆုံးဖြစ်တယ်လို့ ထုတ်ပြန်ချက်မှာဖော်ပြထားပါတယ်။

#ymg/ynzw
#Yangon_Media_Group

#Local_News
Published_ 11 February 2023

ပဲခူးတိုင်းဒေသကြီး၊ ညောင်လေးပင်မြို့နယ်၊ ထော်နွတ်ကျေးရွာအနီးရှိ သံကူကွန်ကရစ် တံတားတစ်စင်းကို နစက ဆန့်ကျင် ပူးပေါင်းအဖွဲ့က မိုင်းထောင်ဖောက်ခွဲဖျက်ဆီးခဲ့ကြောင်း သရသည်။

ဖေဖော်ဝါရီလ ၉ ရက် ညနေ ၃ နာရီခန့်က ညောင်လေးပင်မြို့နယ်၊ ထော်နွတ်ကျေးရွာအနီး ရန်ကုန်-မန္တလေးကားလမ်းဟောင်း မိုင်တိုင်အမှတ် ၉၀ မိုင် ၁ ဖာလုံနှင့် ၂ ဖာလုံကြားရှိ သံကူကွန်ကရစ်အမျိုးအစား(ဒေသအခေါ်)တောင်ဘို့ ၃ လုံးတံတားကို ဖောက်ခွဲဖျက်ဆီးခဲ့ခြင်း ဖြစ်သောကြောင့် တံတား၏ အရှေ့ဘက်လက်ရမ်းနှင့်ကြမ်းခင်းတို့တွင် အလျား ၂၅ ပေ၊ အနံ ၁၀ ခန့် ကျိုးကျပျက်စီးခဲ့ကြောင်း သိရသည်။

ယခုအခါ ပျက်စီးသွားသည့် တံတားကို ပြန်လည်အသုံးပြုနိုင်ရေး တာဝန်ရှိသူများက ပြင်ဆင်လျက်ရှိကြောင်းနှင့် ကျူးလွန်သူများကို ဥပဒေနှင့်အညီ ထိရောက်စွာ အရေးယူနိုင်ရေးလုပ်ဆောင်နေကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

#ymg/mt
#Yangon_Media_Group

#Local_News
Published_ 11 February 2023

နေပြည်တော်၊ ဒက္ခိဏသီရိမြို့နယ်ရှိ မာရဝိဇယဗုဒ္ဓ ဥယျာဉ်တော်အတွင်းတည်ထားကိုးကွယ်ရန် ဆောင်ရွက်လျက်ရှိသည့် မာရဝိဇယဗုဒ္ဓရုပ်ပွားတော်မြတ်ကြီး ရတနာပလ္လင်တော်ထက် အလယ်ဗဟိုဌာနများတွင် နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်အမှူးပြုသည့် နိုင်ငံတစ်ဝန်းလုံးမှ ဌာပနာတော်အလှူရှင်များ လှူဒါန်းထားရှိသော ဌာပနာတော်များအား ဖေဖော်ဝါရီလ ၁၀ ရက်က သွင်းလှူပူဇော်ခြင်း မဟာမင်္ဂလာအခမ်းအနားကျင်းပ ပြုလုပ်ခဲ့သည်။

အဆိုပါ ဌာပနာတော်သွင်းလှူပူဇော်ခြင်း မဟာမင်္ဂလာအခမ်းအနားသို့ မာရဝိဇယရုပ်ပွားတော်မြတ်ကြီးတည်ဆောက်ရေး ဩဝါဒါစရိယဆရာတော် နေပြည် တော်၊ ပျဉ်းမနားမြို့၊ ပါဠိတက္ကသိုလ် မင်္ဂလာဇေယျုံကျောင်းတိုက် ပဓာနနာယက အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိကဓဇ ဘဒ္ဒန္တ ဝိမလဗုဒ္ဓိ အမှူးပြုသည့် ဆရာတော် သံဃာတော်များ ကြွရောက်ချီးမြှင့်တော်မူကြပြီး ဦးဆောင်ဘုရားဒါယကာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဘုရားဒါယကာများ တက်ရောက် ကြည်ညိုကြကြောင်း နစကသတင်းများအရ သိရသည်။

မာရဝိဇယဗုဒ္ဓ ရုပ်ပွားတော်မြတ်ကြီး ရတနာပလ္လင်တော်ထက် ဗဟိုဌာနနေရာရှိ ဌာပနာတိုက်တော်များအတွင်းသို့ နိုင်ငံတစ်ဝန်းလုံးရှိ (၇)ရက် သားသမီးဘုရား ဒါယကာဒါယိကာမများ၊ စေတနာရှင်အလှူရှင်များ စုပေါင်းလှူဒါန်းထားသည့် အဖိုးတန်ရတနာရွှေငွေ ကျောက်သံပတ္တမြားများ၊ နိုင်ငံတကာမှ ငွေဒင်္ဂါးပြားများ အပါအဝင် ဌာပနာတော်ပစ္စည်းများ ထည့်သွင်းထားသည့် ရွှေသေတ္တာတော်များနှင့် မာရဝိဇယဗုဒ္ဓ ရုပ်ပွားတော်တည် မော်ကွန်းကမ္ပည်းကျောက်စာတော်တို့ကို သတ်မှတ်ဌာပနာတော် နေရာအသီးသီးတွင် ထုံးတမ်းစဉ်လာများနှင့်အညီ သွင်းလှူပူဇော်ခဲ့ကြခြင်းဖြစ်ကြောင်း သိရသည်။

အဆိုပါ မာရဝိဇယဗုဒ္ဓရုပ်ပွားတော်မြတ်ကြီး ရတနာပလ္လင်တော်ထက် အလယ် ဗဟိုဌာနတွင် ဌာပနာတော် သွင်းလှူပူဇော်ခြင်းကို ဇန်နဝါရီလ ၂၇ ရက်တွင်ပြုလုပ်ခဲ့ပြီး (၇)ရက် သား၊ သမီး၊ ဘုရားဒါယကာ၊ ဒါယိကာမများ၊ စေတနာရှင်၊ အလှူရှင်များ စုပေါင်းလှူဒါန်းထားသည့် ရွှေထည် ၁၀၄ ကျပ်သား ၆ ပဲ ၃ ရွေး၊ ကျောက်မျက် ရတနာပါရွှေထည်ပစ္စည်း ၂၀၀ ကျပ်သား ၁ ပဲ ၁ ရွေး၊ ကျောက်မျိုးစုံ ၃ ကီလိုဂရမ် အပါအဝင် ဗုဒ္ဓမြတ်စွာဘုရား၏ ဇာတာတော်များ၊ နိုင်ငံတကာမှ ငွေဒင်္ဂါးပြားများ၊ အဖိုးတန်ရွှေငွေ ကျောက်သံပတ္တမြားများကို ဌာပနာသွင်းလှူပူဇော်နိုင်ခဲ့ကြောင်းလည်း သိရသည်။

ထို့ပြင် နိုင်ငံတစ်ဝန်းလုံးရှိ ပြည်သူများ ထပ်မံဆက်သွယ်လှူဒါန်း ခဲ့ကြသည့် ရွှေထည် ၁၃၆၀ ကျပ်သား ၅ ဒသမ ၄ ရွေး၊ ကျောက်မျက်ရတနာပါ ရွှေထည်ပစ္စည်း ၁၆၈၄ ကျပ်သား ၁၅ ပဲ ၁ ဒသမ ၆ ရွေး၊ ကျောက်မျက်ရတနာပါ ငွေထည်ပစ္စည်း ၁၂၆ ပဲ ၅ ဒသမ ၁ ရွေး၊ ကျောက်မျိုးစုံ၊ ပုလဲမျိုးစုံ အပါအဝင် နိုင်ငံ တကာမှ ငွေဒင်္ဂါးပြားများ၊ အဖိုးတန်ရွှေငွေ ကျောက်သံပတ္တမြားများကို ယနေ့တွင် မာရဝိဇယဗုဒ္ဓရုပ်ပွားတော်မြတ်ကြီး၏ ရတနာပလ္လင်တော်ထက် အလယ်ဗဟိုဌာနများ တွင် ဌာပနာသွင်းလှူပူဇော်နိုင်ခဲ့ကာ ဘုရားကြီးဘက်စုံအလှူငွေအဖြစ် ငွေကျပ်သိန်းပေါင်း ၈၁၀၀ ကျော်ကိုလည်း လက်ခံရရှိခဲ့ကြောင်း သိရသည်။

မာရဝိဇယ ဗုဒ္ဓဥယျာဉ်တော်အတွင်း၌ ကျောက်စာရုံ စေတီတော်များ၊ ရေပန်းရင်ပြင်တော်များ၊ ဘုရားကြီးရင်ပြင်တော်၊ သုဓမ္မာဇရပ်များနှင့် ပင်မအဝင်လမ်းတို့တွင် အများပြည်သူ ကြည်ညိုသပ္ပါယ်ဖွယ်ဖြစ်အောင် မီးထွန်းညှိ၍ အလင်းပေးပူဇော် ထားရှိကြောင်း လည်း သိရသည်။

#ymg/mt
#Yangon_Media_Group

#Local_News
Published_ 11 February 2023

ဟောင်ကောင်သင်္ဘော နစ်မြုပ်မှုတွင် အသက်ဘေးလွတ်ခဲ့သည့် မြန်မာသင်္ဘောသားဦးဇေယျာမင်းအား ဂျပန်နိုင်ငံမှ မြန်မာနိုင်ငံသို့ လေကြောင်းခရီးစဉ်ဖြင့် ပြန်လည်ပို့ဆောင်ပေးခဲ့ကြောင်း တိုကျိုမြို့ရှိ မြန်မာသံရုံး၏ ထုတ်ပြန်ချက်အရ သိရသည်၊၊

မြန်မာသံရုံး၊ တိုကျိုမြို့အနေဖြင့် အသက်ဘေးမှ လွတ်မြောက်ခဲ့သည့် ဦးဇေယျာမင်းအား ဂျပန်နိုင်ငံမှ တာဝန်ရှိအဖွဲ့အစည်းများ၊ သက်ဆိုင်ရာသင်္ဘောကုမ္ပဏီကိုယ်စားလှယ်တို့နှင့် ဆက်သွယ်ကာလိုအပ်သည့် ထောက်ပံ့မှုကိစ္စရပ်များ၊ ကောင်စစ်ဆိုင်ရာကိစ္စရပ်များကို ဆောင်ရွက် ပေးခဲ့ပြီး ဖေဖော်ဝါရီ(၈)ရက်တွင် ဂျပန်နိုင်ငံမှ မြန်မာနိုင်ငံသို့ လေကြောင်းခရီးစဉ်ဖြင့် ပြန်လည် ပို့ဆောင်ပေးခဲ့ကြောင်း ဖော်ပြထားသည်၊၊

ဂျပန်နိုင်ငံအနောက်တောင်ပိုင်းရှိ Nagasaki ကမ်းလွန်ပင်လယ်ပြင်တွင် ၂၅-၁-၂၀၂၃ ရက်နေ့ နံနက် ၀၂၃၀ အချိန်က မြန်မာသင်္ဘောသားများပါရှိသည့် Jin Tian အမည်ရှိ နိုင်ငံခြား ကုန်တင်သင်္ဘောတစ်စီးနစ်မြုပ်ခဲ့ပြီးသင်္ဘောပေါ်တွင် တာဝန်ထမ်းဆောင်နေကြသည့် မြန်မာနိုင်ငံသား(၈) ဦးအနက် (၃) ဦးအား ဂျပန်နိုင်ငံ ကယ်ဆယ်ရေးအဖွဲ့များက ရှာဖွေတွေ့ရှိခဲ့ကြောင်း ရှာဖွေတွေ့ရှိသူ (၃)ဦး အနက် (၂)ဦးမှာ အသက်ဆုံးရှုံးခဲ့ပြီး (၁)ဦးအား အသက်ရှင်လျက်ကယ်ဆယ်နိုင်ခဲ့ကြောင်းသိရသည်၊၊

ပျောက်ဆုံးနေသည့် ကျန်မြန်မာနိုင်ငံသား(၅)ဦးအတွက် ရှာဖွေရေးလုပ်ငန်းများကို ယနေ့အချိန်အထိ ဂျပန်နိုင်ငံ တာဝန်ရှိ အဖွဲ့အစည်းများမှ ဆက်လက်ဆောင်ရွက်နေဆဲဖြစ်သော်လည်း ရေပြင်ရှာဖွေရေးလုပ်ငန်းများ ရပ်ဆိုင်းခဲ့ပြီး ဝေဟင်မှ ရှာဖွေမှုလုပ်ငန်းများကိုသာ ဆက်လက်ဆောင်ရွက်နေကြောင်းလည်းထုတ်ပြန်ချက်တွင်ရေးသားဖော်ပြထားသည်၊၊

#ymg/tthl
#Yangon_Media_Group

#Local_News
Published_ 10 February 2023

ဧရာဝတီမြစ်ရေဟာ မန္တလေး၊ စစ်ကိုင်း၊ မင်းဘူး၊ မကွေးမြို့တို့မှာ စိုးရိမ်ရေနည်းအမှတ်အောက်ရောက်ရှိနေတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Yangon_Media_Group

#Local_News
Published_ 10 February 2023

အလုပ်သမားအငြင်းပွားမှုဖြေရှင်းရေးဆိုင်ရာ နည်းဥပဒေကို အစိုးရ အလုပ်ရှင်အလုပ်သမား သုံးပွင့်ဆိုင်တွေ့ဆုံဆွေးနွေးပြီး ပြန်လည်ပြင်ဆင်သွားမှာ ဖြစ်ပါတယ်။

#Yangon_Media_Group