'ရွေးကောက်ပွဲမှာပန်းတိုင်မဟုတ်ဘဲတိုင်းပြည်ထိခိုက်နစ်နာမှုအနည်းဆုံးဖြင့်ပြုပြင်ပြောင်းလဲရန်နည်းလမ်းတစ်ခုအဖြစ်သာရွေးချယ်ခဲ့တယ်လို့ ပြည်သူ့ပါတီဥက္ကဌဦးကိုကိုကြီး ကပြောပါတယ် '
#Local_News
Published 29 January 2024
#ဦးကိုကိုကြီး #ရွေးကောက်ပွဲကိုရွေးချယ်ခဲ့
#YMG/ NN #Yangon_Times

#Local_News
 Published_ 29 January 2024

ဘေးမကင်းသည့် ပေါင်းသတ်ဆေး (၅) မျိုးအား ၂၀၂၅ ခုနှစ်၊ ဇန်နဝါရီ (၁) ရက်မှ စတင်၍တင်သွင်း ခွင့်၊ ရောင်းချခွင့်မပြုတော့ကြောင်း မြန်မာနိုင်ငံပိုးသတ်ဆေးမှတ်ပုံတင်အဖွဲ့မှသိရသည်။

ပေါင်းသတ်ဆေးများဖြစ်ကြသည့် (၁)Atrazine၊ (၂)Fomesafen၊ (၃)S-metolachlor၊ (၄)Terbuthylazine၊ (၅)Mesotrione စသည့် ပေါင်းသတ်ဆေး (၅)မျိုးအား  မြန်မာနိုင်ငံတွင် သုံးစွဲရန် တားမြစ်ပိတ်ပင်သော ပိုးသတ်ဆေး (Banned Pesticide)အဖြစ်မြန်မာနိုင်ငံပိုးသတ် ဆေးမှတ်ပုံတင်အဖွဲ့မှသတ်မှတ်လိုက်သည်ဟုဆိုသည်။

၂၀၂၃ ခုနှစ် ဒီဇင်ဘာ(၂၇)ရက်က မြန်မာနိုင်ငံ ပိုးသတ်ဆေး မှတ်ပုံတင်အဖွဲ့မှ ကျင်းပခဲ့သော (၄၁) ကြိမ်မြောက် ပိုးသတ်ဆေးမှတ်ပုံတင်အဖွဲ့ အစည်းဝေးဆုံးဖြတ်ချက်အရ အဆိုပါ ပေါင်းသတ်ဆေး (၅)မျိုးအား တားမြစ်ပိတ်ပင်သော ပိုးသတ်ဆေးအဖြစ် သတ်မှတ်ခြင်းဖြစ်သည်။

အဆိုပါ ပေါင်းသတ်ဆေး (၅)မျိုးတွင်အဆိပ်ရှိ ပစ္စည်းများက Rotational Period (၄)လ ဖြစ်နေသဖြင့် နောက်စိုက်သီးထပ်သီးနှံအပေါ် အဟန့်အတားဖြစ်စေနိုင်ခြင်း၊ လူ့ကျန်းမာရေးအန္တရာယ် မြင့်မားစေခြင်းနှင့် မြေအောက်ရေ အရင်းအမြစ်များကို ညစ်ညမ်းစေခြင်းတို့ကြောင့် တားမြစ်ပိတ်ပင်ရခြင်းဖြစ်ကြောင်း မြန်မာနိုင်ငံ ပိုးသတ်ဆေးမှတ်ပုံတင်အဖွဲ့မှ သိရသည်။  

အဆိုပါ ပေါင်းသတ်ဆေးများ တင်သွင်းခွင့် ထောက်ခံချက်ကိုလည်း ၂၀၂၄ ခုနှစ်၊ ဇွန် (၁) ရက်ထိသာ ထုတ်ပေးတော့မည်ဖြစ်ကြောင်းနှင့် ပိုးသတ်ဆေးလုပ်ငန်းရှင်များအနေဖြင့် ဈေးကွက်တွင် ဖြန့်ဖြူးရောင်းချနေသော ပစ္စည်းများအား အပြီးရုပ်သိမ်းရမည်ဖြစ်ကြောင်းလည်း သိရသည်။

ထို့အပြင် မှတ်ပုံတင်ခွင့်၊ တင်သွင်းခွင့်၊ ရောင်းချခွင့်၊ ဖော်စပ်ခွင့်၊ ပြန်လည်ထုပ်ပိုးခြင်းတို့ကို ၂၀၂၅ ခုနှစ်၊ ဇန်နဝါရီ (၁) ရက်မှ စတင်၍ ခွင့်မပြုတော့ကြောင်းနှင့် ဆက်လက်ဖြန့်ဖြူး ရောင်းချသည်ကို စစ်ဆေးတွေ့ရှိပါက ပိုးသတ်ဆေးဥပဒေအရ ထိရောက်စွာအရေးယူမည်ဖြစ်ကြောင်း မြန်မာနိုင်ငံပိုးသတ်ဆေးမှတ်ပုံတင်အဖွဲ့မှ အသိပေးကြေညာထား‌ကြောင်း သိရသည်။

#Local_News #ပေါင်းသတ်ဆေး (၅)မျိုး #ရောင်းချခွင့်မပြုတော့ #tthl #Yangon_Times

#Local_News
Published 29 January 2024

ပြည်ပသွင်းကုန်သမားများအဆင်ပြေစေရန်ဗဟိုဘဏ်မှ အမေရိကန်ဒေါ်လာကိုးသန်း ယနေ့တွင်ရောင်းချပေးခဲ့ကြောင်း မြန်မာနိုင်ငံတော်ဗဟိုဘဏ်မှ သိရသည်။

ထိုသို့အမေရိကန် ဒေါ်လာရောင်းချပေးခြင်းသည် ယခု၂၀၂၄နှစ်နှစ်ဆန်းပိုင်းအတွင်းခြောက်ကြိမ်မြောက်အဖြစ်ရောင်းချပေးခြင်းဖြစ်ကြောင်း သိရသည်။

မြန်မာနိုင်ငံတော်ဗဟိုဘဏ်သည် ၂၀၂၄ ခုနှစ် ဇန်နဝါရီ ၁ ရက်တွင် ဒေါ်လာ ၁၂ ဒသမ ၉၄ သန်း၊ ဇန်နဝါရီလ ၅ ရက်တွင် ဒေါ်လာ ၁၆ သန်း၊ ဇန်နဝါရီ ၁၅ ရက်တွင် ဒေါ်လာ ၁၅ သန်းနှင့် ဇန်နဝါရီ ၂၅ ရက်တွင် ဒေါ်လာ ၉ သန်း၊ဇန်နဝါရီ၂၆ရက်ဒေါ်လာ ၅သန်းနှင့် ဇန်နဝါရီ ၂၉ ရက်တွင် ဒေါ်လာ ၉ သန်းထပ်မံ ရောင်းချပေးထားခြင်းဖြစ်သည်။

ထို့အပြင် ဇန်နဝါရီ ၁၉ ရက်တွင် ထိုင်းဘတ်သန်း ၅၀ ၊ ဇန်နဝါရီ ၂၅ ရက်တွင်ထိုင်းဘတ်ငွေ သန်း ၂၀၀နှင့် ဇန်နဝါရီ ၂၆ ရက်တွင်ထိုင်းဘတ်ငွေ သန်း ၅၀ရောင်းချပေးထားခဲ့ပြီး ဖြစ်သည်။

၄င်းအပြင် အမေရိကန်ဒေါ်လာ ၄ သန်းနှင့်ညီမျှသော တရုတ်ယွမ်ငွေအား SWAP Facility (ကျပ်ငွေကို အပေါင်ယူပြီး ၄င်းနှင့်ညီမျှသော နိုင်ငံခြား ငွေထုတ်ပေးခြင်း) စနစ်ဖြင့် ဗဟိုဘဏ်က ထုတ်ရောင်းပေးထားကြောင်း သိရသည်။

လတ်တလောတွင် ငွေကြေးဈေးကွက်အတွင်း ကျပ်ငွေဈေးနှုန်းများ ဆက်လက်ကျဆင်းနေပြီး ထိုင်းဘတ်တစ်ဘတ်လျှင် ၁၀၀ဒဿမ၅ ကျပ်ဝန်းကျင်၊ အမေရိကန်တစ်ဒေါ်လာလျှင် ၃၅၃၅ နှင့်တရုတ်ငွေတစ် ယွမ်လျှင် ၄၉၃ကျပ်အထိ ပေါက်ဈေးရှိနေကြောင်း သိရသည်။

#Local_News #ကန်ဒေါ်လာကိုးသန်း #ယနေ့ရောင်းချပေး #YMG/ NN #Yangon_Times

(၇.၆)ပြင်းအားရှိ ငလျင်ဒဏ်ခံခဲ့ရသည့်ဂျပန်ရောက်မြန်မာများကိုကူညီနေ၊ သံရုံးကိုဆက်သွယ်အကူအညီတောင်းခံနိုင်

"နာနာအိုမြို့ရှိ မြန်မာနိုင်ငံသား (၁၆)ဦးကတော့ နေအိမ်ပျက်စီးခဲ့လို ကာနာဇာဝါ မြို့မှာ နေရာချထားပေးပြီး လိုအပ်တာတွေ ဆောင်ရွက်ပေးနေတယ်။ ဆောင်းတွင်းကာလဖြစ်ပြီး ရှီကာမြို့နှင့် ကာနာဇာဝါမြို့တို့မှာ ဆီးနှင်းများ ကျရောက်လျက်ရှိလို့ ကျန်းမာရေး အထူးဂရုပြု၍ နေထိုင်ကြရန်နှင့် အစားအသောက်နှင့် ဆေးဝါးများလည်း ထပ်မံပေးပို့သွားမယ်"ဂျပန်နိုင်ငံဆိုင်ရာ မြန်မာသံအမတ်ကြီး
#Local_News
Published 29 January 2024
#(၇.၆)ပြင်းအားရှိငလျင် #ဂျပန်ရောက်မြန်မာများကိုကူညီနေ
#tthl #Yangon_Times

၂၀၂၃ခုနှစ် အောက်တိုဘာလက လှည်းကူးမြို့နယ်အတွင်း ရေဘေးသင့်ခဲ့တဲ့ပြည်သူတွေကို မြန်မာနိုင်ငံကြက်ခြေနီအသင်း အပါအ၀င်အဖွဲ့အစည်းများက ရေဘေးသင့်ပြည်သူများထဲက ကျန်းမာရေးမကောင်းသူတွေ ကိုယ်ဝန်ဆောင်တွေ၊ ကလေးငယ်တွေစတဲ့ သတ်မှတ်ချက် ၅ချက်နဲ့ ကိုက်ညီတဲ့အိမ်ထောင်စုတွေကို တစ်စုလျှင် ငွေကျပ် ၂သိန်း၅သောင်းနဲ့ ရေဘေးထောက်ပံပစ္စည်းတွေလှူဒါန်းပေးအပ်ခဲ့ပါတယ်။
#Local_News
Published 29 January 2024
#မြန်မာနိုင်ငံကြက်ခြေနီအသင်း #ငွေကြေးများထောက်ပံ့ကူညီ
#YMG/LW #Yangon_Times

#Local_News
Published 29 January 2024

မွန်ပြည်နယ် ကျိုက်ထိုမြို့ရှိ ဆံတော်ရှင် ကျိုက်ထီးရိုးစေတီတော်မြတ်ကြီး၏ ဗုဒ္ဓပူဇနိယပွဲတော်ကျင်းပသည့်သီတင်းကျွတ်လပြည့်နေ့မှ ယခုဇန်နဝါရီလ ၂၈ ရက်အထိ ပြည်တွင်းပြည်ပခရီးသွား ၃သိန်းကျော်ဝင်ရောက်ကြောင်း စေတီတော်ဘဏ္ဍာတော်ထိန်း ဂေါပကအဖွဲထံမှ သိရသည်။

ယခုဇန်နဝါရီလအတွင်း ဘုရားဖူးဧည့်သည်ပိုများကာ တစ်လအတွင်းဧည့်သည့်တစ်သိန်းကျော် ဝင်ရောက်ကြောင်း သိရသည်။

ပြည်တွင်းခရီးသွားများ ပိုမိုများပြားပြီး နိုင်ငံခြားခရီးသွားဧည်သည့် ၆၅၀၀ကျော် ဝင်ရောက်ကာ ထိုင်းနိုင်ငံမှ အများဆုံးဖြစ်ကြောင်း သိရသည်။

ဘုရားဖူးလာရောက်ကြသည့် ပြည်သူများ၊ အန္တရာယ်ကင်းဝေးစေရန်နှင့် စိတ်ချမ်းမြေ့စွာ ဘုရားဖူးမြော်နိုင်ရန်အတွက် စေတီတော်ဘဏ္ဍာတော် ထိန်းဂေါပကအဖွဲ့နှင့် တာဝန်ရှိသူများကလုံခြုံရေး၊ အခမဲ့တည်းခိုနေထိုင်ရေး၊ စားသောက်ရေးနှင့် ကျန်းမာရေးစောင့်ရှောက်မှုများကို ကြပ်မတ်ဆောင်ရွက်ပေးလျက်ရှိကာ တောင်တက်မော်တော်ယာဉ်အစီးရေ ၁၅၀ ကိုလည်း နေ့စဉ်ပြေးဆွဲပေးနေကြောင်း သိရသည်။

ဘုရားဖူးပြည်သူများ စည်ကားများပြားသည့်အတွက် ကျိုက်ထီးရိုး‌တောင်တော်တစ်လျှောက် အထင်ကရနေရာများဖြစ်သည့် မုဆိုးတောင်တော်၊ ကျီးကန်းပါးစပ်လိုဏ်ဂူတော်၊ ကျောက်ထပ်ကြီး စေတီတော်၊ ရေတံခွန် စသည့်နေရာများ၊ ရင်ပြင်တော် ဈေးဆိုင်တန်းတစ်လျှောက်ရှိ ထမင်းဆိုင်များ၊ အမှတ်တရအရောင်းဆိုင်များ၌ ဘုရားဖူးများဖြင့် စည်ကားလျက်ရှိကြောင်း သိရသည်။

#Local_News #ဆံတော်ရှင်ကျိုက်ထီးရိုး #သီတင်းကျွတ်လပြည့်နေ့ #ခရီးသွားဧည့်သည်၃သိန်းကျော်ဝင်ရောက် #YMG/LW #Yangon_Times