#Local_News
Published 7 May 2025

▪️ စစ်ကိုင်းတိုင်းဒေသကြီးအထက်ပိုင်းနှင့် တနင်္သာရီတိုင်းဒေသကြီးတို့တွင် မိုးတိမ်တောင်များ ဖြစ်ထွန်းလျက်ရှိရာ မိုးတိမ်တောင် ဖြစ်ထွန်းရာတစ်လျှောက်၌မိုးရွာသွန်း ခြင်းနှင့်အတူ လေပြင်းတိုက်ခတ်ခြင်း၊မိုးသီးကြွေခြင်းများဖြစ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန မှသိရသည်။

▪️ ယနေ့ညနေအထိခန့်မှန်းချက်အရ နေပြည်တော်၊ ပဲခူးတိုင်းဒေသကြီး၊ ကယားပြည်နယ်နှင့် ရခိုင်ပြည်နယ်တို့တွင် တိမ်အသင့်အတင့် ဖြစ်ထွန်းမည်ဖြစ်ပြီး တနင်္သာရီတိုင်းဒေသကြီးတွင် နေရာအနှံ့အပြား၊  ကချင်ပြည်နယ်တွင် နေရာစိပ်စိပ်၊ စစ်ကိုင်းတိုင်းဒေသကြီးအထက်ပိုင်းနှင့် မွန်ပြည်နယ်တို့တွင် နေရာကျဲကျဲနှင့် ကျန်တိုင်းဒေသကြီးနှင့် ပြည်နယ်တို့တွင် နေရာကွက်ကျား မိုးထစ်ချုန်းရွာသွန်းမည်ဖြစ်ကာ ရွာရန်ရာနှုန်း ၈၀ ဖြစ်ကြောင်းသိရသည်။

▪️ မိုးတိမ်တောင်ဖြစ်ပေါ်မှုအခြေအနေများမှာမူ  စစ်ကိုင်းတိုင်းဒေသကြီးအထက်ပိုင်းနှင့် တနင်္သာရီတိုင်းဒေသကြီးတို့တွင် မိုးတိမ်တောင်များ ဖြစ်ထွန်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်း ခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်း စသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ရန် အကြံပြု ထားကြောင်း သိရသည်။

▪️ ထို့အပြင် နောက် ၂ ရက်အတွက်ခန့်မှန်းချက်အရ  စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင် ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်းရွာမည်ဖြစ်ကြောင်းသိရသည်။

#YMG/NN #Yangon_Times

#Local_News
Published 7 May 2025
▪️ မန္တလေးမြို့အနီး၌ နေ့မနက်အစောပိုင်းတွင် ၁၆၃ ကြိမ်မြောက် မြေငလျင်ငယ်တစ်ခုလှုပ်ခတ်ခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန ၏ ထုတ်ပြန်ချက်အရ သိရသည်။

▪️ မေလ  ၇ရက်နေ့ မနက် ၁နာရီ ၂၆မိနစ်၂၆ စက္ကန့် တွင် အင်အားပမာဏ  ၃.မ ၈ ရစ်(ခ်)တာစကေး ရှိပြီး မန္တလေးမြို့၏ အရှေ့မြောက်ဘက်(၃)မိုင်ခန့်တွင် အနက် - ၁၅ ကီလိုမီတာ ဗဟိုချက်တည်နေရာ၌ ငလျင်တစ်ခုလှုပ်ခတ်ခဲ့ကြောင်း သိရသည်။

▪️ ထို့အပြင် မေလ ၆ ရက်နေ့၊ မြန်မာစံတော်ချိန် ၁၀နာရီ၊ ၅၅မိနစ်၊ ၃၆စက္ကန့် အချိန်တွင်လည်း  ကမ္ဘာအေးမြေငလျင်စခန်းမှ အရှေ့မြောက်ဘက် (၆) မိုင်ခန့် ကွာဝေးသော မြန်မာနိုင်ငံပြည်တွင်း (လှည်းကူးမြို့၏ တောင်-အနောက်တောင်ဘက် (၁၀) မိုင်ခန့်အကွာ) မြောက်လတ္တီတွဒ် (၁၆.၉၅) ဒီဂရီ၊ အရှေ့လောင်ဂျီတွဒ် (၉၆.၁၉) ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အားရစ်(ခ်)တာစကေး (၃.၄) အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ရှားသွားကြောင်း သိရသည်။

▪️ အဆိုပါ မြေငလျင်ကြောင့် ရန်ကုန်မြို့ရှိ တာမွေမြို့နယ်၊အလုံမြို့နယ်၊စမ်း‌ ချောင်းမြို့နယ် အပါအဝင် မြို့နယ်အချို့၌ သိသိသာသာသိရှိခဲ့ကာ
တိုက်ခန်းနေပြည်သူများ မြေပြင်သို့ဆင်းသက်ခဲ့ရကြောင်း သိရသည်။

#YMG/NN #Yangon_Times

#Daily_News

Published 06 May 2025

၁။ ရန်ကုန်-မော်လမြိုင်ရထားခရီးစဉ်များ ယနေ့ယာယီဖျက်သိမ်းထား

၂။ ရွှေတိဂုံစေတီတော်၌  ကဆုန်ညောင်ရေသွန်းပွဲတော် စည်ကားသိုက်မြိုက်စွာကျင်းပမည်

၃။ EMI နှင့် MCEF (မန္တလေး)တို့ ပူးပေါင်း၍ ငလျင်ဘေးဒဏ်သင့် အဆောက်အဦးများကို ယခုလ ၉ရက်အထိစစ်ဆေးမည်

၄။ ထိုက်ချိပညာကို ဆန်းသစ်နည်းလမ်းများဖြင့် အွန်လိုင်းမှသင်ပြပေးနေသည့်တရုတ်ထိုက်ချိပညာရှင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နေပြည်တော်ရှိ ငလျင်ဘေးသင့် ပြည်သူ‌ေတွအတွက် MSME ထုတ်ကုန်‌တွေကို မေလ ၅ရက်မှစတင်ကာ အရောင်းယာဉ်နဲ့ တစ်လကြာစတင်လှည့်လည်ရောင်းချပေး‌နေပြီဖြစ်တယ်လို့ ပဲခူးတိုင်းဒေသကြီး စားသုံးသူရေးရာဦးစီးဌာနမှ သိရပါတယ်။
#Local_News
Published 06 May 2025
#MSMEထုတ်ကုန် #အရောင်းယာဉ်ဖြင့်ရောင်းချပေး
#YMG/SW #Yangon_Times

EMI (Engineering Ministries International) နဲ့ မန္တလေးတိုင်းဒေသကြီး ဆောက်လုပ်ရေးဆိုင်ရာ လုပ်ငန်းရှင်များအသင်း (MCEF)တို့ ပူးပေါင်းပြီးငလျင်ဘေးဒဏ်သင့် အဆောက်အဦးတွေကို ယခုလ ၉ရက်အထိ စစ်ဆေးပေးသွားမှာဖြစ်တယ်လို့ သိရပါတယ်။
#Local_News
Published 06 May 2025
#EMIနှင့်MCEF(မန္တလေး) #Engineering_Ministries_International
#YMG/SW #Yangon_Times

ရန်ကုန်တိုင်းဒေသကြီး ဒဂုံမြို့နယ်ရှိ ရွှေတိဂုံစေတီတော်မှာ (၄၂)ကြိမ်မြောက် ကဆုန်ညောင်ရေသွန်းပွဲတော်ကို မေလ ၁၁ ရက်(ကဆုန်လပြည့်နေ့) မနက် ၇ နာရီမှာ စည်ကားသိုက်မြိုက်စွာ ကျင်းပပြုလုပ်သွားမယ်လို့ ရွှေတိဂုံစေတီတော် ဘဏ္ဍာတော်ထိန်း ဂေါပကအဖွဲ့က သိရပါတယ်။
#Local_News
Published 06 May 2025
#ရွှေတိဂုံစေတီတော် #ကဆုန်ညောင်ရေသွန်းပွဲတော်ကျင်းပ
#YMG/NN #Yangon_Times