#LocalNews
Published _ 9 June 2022

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ယခုအကောင်အထည်ဖော်ဆောင်ရွက်လျက်ရှိသည့် ၂၀၂၄ ခုနှစ်၊ သန်းခေါင်စာရင်း၏ မြေပုံရေးဆွဲခြင်းနှင့် စာရင်းကောက်ကွက်ဖွဲ့စည်းခြင်းလုပ်ငန်းတွင် ပထမခြေလှမ်းဖြစ်သည့် ရပ်ကွက်၊ ကျေးရွာ တည်နေရာ Point များ ကောက်ယူလျက်ရှိရာ ရှိပြီးသည့် တည်နေရာ Point များကို အတည်ပြုရန်နှင့် မရရှိသေးသည့် တည်နေရာ Point နှစ်သောင်းကျော်ကို ရယူရန် ဆောင်ရွက်သွားမည်ဖြစ်ကြောင်း လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန၊ ဗဟိုသန်းခေါင်စာရင်းကော်မရှင် ဥက္ကဋ္ဌ ပြည်ထောင်စုဝန်ကြီး ဦးခင်ရီက ပြောသည်။

"ဝန်ကြီးဌာနအနေနဲ့ ပြီးခဲ့တဲ့ ၂၀၁၄ ခုနှစ်တွင် ပြည်လုံးကျွတ် လူဦးရေနှင့်အိမ် အကြောင်းအရာ သန်းခေါင်စာရင်းကို အောင်မြင်စွာကောက်ယူခဲ့ပြီး ၂၀၂၄ ခုနှစ်တွင် နောက်တစ်ကြိမ် သန်းခေါင်စာရင်းကောက်ယူရန် အလှည့်ကျရောက်ပြီဖြစ်ပါတယ်။ ယင်းလုပ်ငန်းစဉ်ဟာ နိုင်ငံတော်အဆင့်ဆောင်ရွက်ရမည့် စီမံကိန်းလုပ်ငန်းတစ်ခုဖြစ်တာကြောင့် ကြိုတင်ပြင်ဆင်ခြင်း လုပ်ငန်း၊ စာရင်းကောက်ယူခြင်းလုပ်ငန်း၊ စာရင်းဇယား ပြုစုခြင်းလုပ်ငန်း၊ ဆန်းစစ်လေ့လာခြင်းနှင့် အစီရင်ခံစာထုတ်ပြန်ခြင်းလုပ်ငန်း စတဲ့လုပ်ငန်းစဉ် (၄) ရပ်နဲ့ လုပ်ငန်းစီမံချက်ရေးဆွဲပြီး ၂၀၂၁ ခုနှစ်၊ အောက်တိုဘာလမှ စတင်ဆောင်ရွက်ခဲ့ပါတယ်။ လက်ရှိနိုင်ငံတော်အစိုးရ တာဝန်ယူစဉ်ကာလအတွင်းမှာ ပြီးစီးနိုင်သမျှသော လုပ်ငန်းတွေကို ဆောင်ရွက်မှာဖြစ်ပြီး သန်းခေါင် စာရင်း ကောက်ယူရာတွင် အသုံးပြုမည့်စနစ် တည်ဆောက်ခြင်း၊ လိုအပ်သောစက်ပစ္စည်း ကိရိယာများနှင့် ဆက်စပ်ပစ္စည်းများ ဝယ်ယူတပ်ဆင်ခြင်း စသည့်အဆင့် (၅) ဆင့်ကို စတင်အကောင်အထည်ဖော် ဆောင်ရွက်လျက်ရှိနေပါတယ်" ဟု ယင်းက ပြောသည်။

ဇွန်လ ၈ ရက် တွင် နေပြည်တော်၌ ကျင်းပပြုလုပ်သည့် ၂၀၂၄ ခုနှစ်၊ လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူနိုင်ရေးအတွက် ရပ်ကွက်၊ ကျေးရွာတည်နေရာ Point များ ကောက်ယူခြင်းသင်တန်း (၁/၂၀၂၂) ဖွင့်ပွဲတွင် အထက်ပါအတိုင်းပြောကြားခဲ့ခြင်းဖြစ်သည်။

ymg/NN
#Yangon_Media_Group

#LocalNews
Published_9 June 2022

ကမ္ဘာ့ကျန်းမာရေးအဖွဲ့အစည်း(WHO) တွင် တာဝန်ထမ်းဆောင်နေသော ဌာနေဝန်ထမ်းတစ်ဦး မွန်ပြည်နယ် မော်လမြိုင်မြို့တွင် ဇွန်လ ၈ ရက် ညနေ ၅ နာရီခန့် သေနတ်ဖြင့် ပစ်သတ်ခံခဲ့ရကြောင်း WHO က ထုတ်ပြန်ထားသည်။

ယင်းထုတ်ပြန်ချက်တွင် အဆိုပါ WHO ဝန်ထမ်းမှာ ဦးမျိုးမင်းထွဋ်ဖြစ်ပြီး ရုံးမှ အိမ်သို့အပြန် သံလွင်ဥယျာဉ်လမ်းတွင် ၎င်း၏ ကိုယ်ပိုင်မော်တော်ဆိုင်ကယ်စီးနင်းလာစဉ် သေနတ်ဖြင့်ပစ်ခံရကာ သေဆုံးခြင်းဖြစ်ကြောင်းနှင့် ယင်းဖြစ်စဉ်အပေါ် လုပ်ဖော်ကိုင်ဖက်၏ မိသားစုနှင့် ထပ်တူထပ်မျှ အထူးဝမ်းနည်း ကြေကွဲရကြောင်းလည်း ဖော်ပြထားသည်။

ဦးမျိုးမင်းထွဋ်သည် WHO မြန်မာရုံးတွင် ၅ နှစ်ခန့် ကားဒရိုင်ဘာအဖြစ် တာဝန်ထမ်းဆောင်ခဲ့သူဖြစ်ကြောင်းနှင့် အဆိုပါ ဖြစ်ရပ်၏ အသေးစိတ်အခြေအနေမှာ အတိအကျမသိရှိရသေးကြောင်းလည်း ဖော်ပြထားသည်။

ymg/mt
#Yangon_Media_Group

#LocalNews
Published_9 June 2022

ရခိုင်ပြည်နယ်၊ မောင်တောမြို့နယ် အောင်မင်္ဂလာကျေးရွာအနီး ဝမ်းဗိုက်ပွင့်ထွက်ဒဏ်ရာဖြင့်သေဆုံးနေသော တောဆင်ရိုင်းတစ်ကောင်ကို ယနေ့ ဇွန်လ ၉ ရက် နံနက်တွင် ဒေသခံများက တွေ့ရှိခဲ့ကြကြောင်း သိရသည်။

ယင်းတောဆင်ရိုင်းကို ရွာ၏အရှေ့ဘက် မီတာ ၄ဝ ခန့်အကွာရှိ တံတားငယ်အနီး တောစပ်တစ်နေရာတွင် ဒဏ်ရာများဖြင့်တွေ့ရှိခဲ့ခြင်းဖြစ်ပြီး လူတစ်ဦးတစ်ယောက်၏ ပယောဂကြောင့်ဟု ယူဆ၍မရဘဲ အချင်းချင်းတိုက်ခိုက်ကြသည်ဟု ယူဆရကြောင်းလည်း သိရသည်။

"ဒီနေ့မနက် ၈ နာရီလောက်က တောစပ်နားလေးမှာတွေ့တာပါ။ ဆင်က အထီး၊ ဗိုက်မှာ ၁ ပေလောက် ကျယ်တယ်ဒဏ်ရာကလေ။ နောက်ပြီးတော့ အမြီးအဖျားမှာလည်း အရေပြားတွေ လန်နေတဲ့ဒဏ်ရထားတယ်"ဟု ဒေသခံတစ်ဦးက ပြောသည်။

သေဆုံးနေသည့်ဆင်အနီးတွင် သစ်ပင်အချို့လည်း လဲနေကြောင်း၊ ယခုအခါ မောင်တောမြို့နယ်သစ်တောဦးစီးဌာန၏ ညွှန်ကြားချက်အတိုင်း ဆက်လက်ဆောင်ရွက်သွားမည်ဖြစ်ကြောင်း သိရသည်။

photo-CJ
ymg/mt
#Yangon_Media_Group

#LocalNews
Published_8 June 2022

ရခိုင်ပြည်နယ်ရဲ့ ပထမဆုံး ဗုဒ္ဓတက္ကသိုလ်ကို စစ်တွေမြို့ ဆတ်ရိုးကျရပ်ကွက်၊ စုပေါင်းရုံးရှေ့က ငါးဧကလောက်ကျယ်တဲ့ မြေကွက်ပေါ်မှာ တည်ဆောက်ဖို့ ဇွန်လ ၇ ရက်နေ့က ပန္နက်တင်ခဲ့ကြပါတယ်။

#Yangon_Media_Group

#LocalNews
Published - 8 June 2022

ပြည်တွင်း စက်သုံးဆီဈေးမြင့်တက်နေတာရယ် ဝယ်ယူဖို့ အခက်အခဲဖြစ်နေတာတွေကြောင့် အနယ်နယ်အရပ်ရပ်ကနေ ရန်ကုန်ကိုတင်ပို့တဲ့ ကားခတွေ ဈေးတတ်သွားပြီး ဈေးကွက်မှာလည်းအရောင်းအဝယ် အေးစက်သွားတယ်လို့ ဘုရင့်နောင်ကုန်စည်ဒိုင်က နေသိရပါတယ်။

#Yangon_Media_Group

#LocalNews
Published - 8 June 2022

ကျောက်ခေတ်၊ ကြေးခေတ်၊ သံခေတ်နှင့် ပျူခေတ်အကြောင်းများကို သမိုင်းဆိုင်ရာစာအုပ်အဖြစ်ရေးသားပြီး ထုတ်ဝေသွားမည်ဖြစ်ကြောင်း သမိုင်းသုတေသနနှင့် အမျိုးသားစာကြည့်တိုက် ဦးစီးဌာန၊ ညွှန်ကြားရေးမှူးချုပ်ဦးအောင်မြင့်က YMG ကိုပြောသည်၊၊

ကြေးခေတ်၊ သံခေတ်များကတော့ ရေးသားနေပြီဖြစ်ပြီး ကျန်ခေတ်များကို ဆက်လက်ရေးသားနေကြောင်း သိရသည်၊၊

"မြန်မာ့နိုင်ငံရေး သမိုင်းကတော့ အားလုံးဆက်စပ်ထုတ်ထားပြီးဖြစ်တယ်၊၊ အခုလောလောဆယ်ကတော့ကျောက်ခေတ်၊ ကြေးခေတ်၊ သံခေတ်၊ပျူခေတ်အကြောင်း ဖြည့်ဖို့ရှိပါတယ်၊၊ အဲဒါတွေကို စာအုပ်ရေးသားထုတ်ဝေနိုင်ဖို့ ဆောင်ရွက်နေတာရှိတယ်၊၊ ကြေးခေတ်၊ သံခေတ်အကြောင်းကိုတော့ ရေးထားပြီးတဲ့ဟာကို ရှေးဟောင်းသုတေသနအဖွဲ့နဲ့ ဆွေးနွေးနေတာရှိပါတယ်၊၊ လိုအပ်တာကို ဖြည့်စွက်ဖို့ လုပ်နေတာလေးတွေရှိပါတယ်၊၊ ခေတ်တွေကို မရေးရသေးတဲ့အပိုင်းတွေထပ်ဖြည့်နေတာရှိပါတယ်"လို့ သမိုင်းသုတေသနနှင့် အမျိုးသားစာကြည့်တိုက်ဦးစီးဌာန၊ ညွှန်ကြား ရေးမှူးချုပ်ဦးအောင်မြင့်က ပြောသည်၊၊

သမိုင်းဆိုင်ရာ စာအုပ်ဖြစ်သောကြောင့် သမိုင်းသုတေသနက သမိုင်းပညာရှင်များက တာဝန်ယူရေးသားမှာဖြစ်ပြီး ရှေးဟောင်းသုတေသနက ပညာရှင်များထံမှ အထောက်အထားအချက် အလက်များနှင့် စစ်ဆေးဆွေးနွေးပြီးရေးသား ဆောင်ရွက်သွားမည်ဖြစ်ကြောင်းသိရသည်၊၊

ymg/tthl
#Yangon_Media_Group