#Local_News
Published_ 19 June 2022

နေပြည်တော် ပုဗ္ဗသီရိမြို့နယ်ရှိ ဥပ္ပါတသန္တိစေတီတော်ကြီး၏ ပထမဖောင်းရစ် ဧရိယာ ၂၆၀၄ စတုရန်းပေအား ရွှေစင်ရွှေပြား၊ ရွှေသင်္ကန်းနှင့် ရွှေဆေးသင်္ကန်းများ ကပ်လှူပူဇော်ပွဲကို ၂၀၂၃ ခုနှစ်တွင် ကျင်းပပြုလုပ်ရန်ရှိကြောင်း သိရပါတယ်။

စေတီတော်ကြီး ထီးတော်တင်လှူပြီးချိန်တွင် အပေါ်ပိုင်း စိန်ဖူးတော်၊ ငှက်မြတ် နားတော်၊ ထီးတော်၊ ပန်းလည်တိုင်၊ ငှက်ပျောဖူးတော်၊ ကြာလန်ရွဲနှင့် ကြာမှောက်၊ အောက်ကြာ နုအထိ ရွှေစင်ရွှေပြားများကို တစ်ပြိုင်နက်ပူဇော်ထားရှိပြီး စေတီတော်မြတ်ကြီး၏ ဖောင်းရစ်အောက် ကြာမှောက်မှ ပန်းတည်ခုံသို့တိုင် ရွှေဆေးသင်္ကန်းများ ကပ်လှူပူဇော်ခဲ့ရာ ရွှေစင်ရွှေပြား သုံးကျပ်သားအချပ်ရေ ၁၂၀၇ ချပ်၊ တစ်ကျပ်သား အချပ်ရေ ၂၂၀ တို့ဖြင့် ပထမအကြိမ် လှူဒါန်းပူဇော်ခဲ့ကြပါတယ်။

စေတီတော်မြတ်ကြီး၏ တတိယဖောင်းရစ်ဧရိယာ ၂၂၈၀ ဒသမ ၁၃ စတုရန်းပေအား ရွှေစင်ရွှေပြား ၂၅၅၄ ချပ်ဖြင့် ၂၀၁၅ ခုနှစ်တွင် ကပ်လှူပြီးစီးခဲ့ပြီး ကျန်အောက်ခြေ ပန်းတည်ခုံအထိ ရွှေဆေးသင်္ကန်းကို ၂၀၁၅ ခုနှစ်တွင် ကပ်လှူခဲ့ပါတယ်။

ဒုတိယဖောင်းရစ်ဧရိယာ ၂၂၀၀ ဒသမ ၉၆ စတုရန်းပေအား ရွှေစင် ရွှေပြား ၂၂၃၂ ချပ်ကပ်လှူခြင်းနှင့် ကျန်အောက်ခြေပန်းတည်ခုံတိုင် ဧရိယာတို့အား ရွှေဆေးသင်္ကန်း ကပ်လှူခြင်းကို ၂၀၁၉ ခုနှစ်အတွင်း ဒုတိယအကြိမ် ကပ်လှူခဲ့ပါတယ်။

ရွှေတိဂုံစေတီတော်မြတ်ကြီး၏ အမြင့်ပေအောက် တစ်ပေလျော့၍ တည်ထားခဲ့ သော ၃၂၅ ပေ ဉာဏ်တော်အမြင့်ရှိသော ဥပ္ပါတသန္တိစေတီတော်ကြီးတွင် ဂေါတမ ဘုရားရှင်၏ “သာရီရက” ဓာတ်တော်အစစ်ခြောက်ဆူကို ဌာပနာ သွင်းလှူပူဇော်ထားရှိကြောင်း သိရပါတယ်။

ymg-mnn
#Yangon_Media_Group

#LocalNews
Published_18 June 2022

မြန်မာ-ဘင်္ဂလားဒေ့ရှ် နှစ်နိုင်ငံကုန်သွယ်မှုပမာဏကို တိုးမြှင့်လိုဟု ဘင်္ဂလားဒေ့ရှ်ကုန်သည်များ ပြောကြားခဲ့ကြောင်း ရခိုင်ပြည်နယ်ကုန်သည်များနှင့် စက်မှုလက်မှုလုပ်ငန်းရှင်များအသင်း (RSCCI) က သိရသည်။

ဇွန်လ ၁၇ ရက်နှင့် ၁၈ ရက်က စစ်တွေမြို့ Royal Sittwe Resort ၌ ဘင်္ဂလားဒေ့ရှ်နိုင်ငံသံအမတ်ဦးဆောင်သော ကုန်သည်များအဖွဲ့နှင့် ရခိုင်ပြည်နယ်ကုန်သည်များနှင့် စက်မှုလက်မှုလုပ်ငန်းရှင်များအသင်း(RSCCI)ဦးဆောင်သောကုန်သည်များအဖွဲ့တို့ ဆွေးနွေးခဲ့ကြစဉ် ဘင်္ဂလားဒေ့ရှ်ကုန်သည်များအနေဖြင့် အထက်ပါအတိုင်း ဆွေးနွေးခဲ့ခြင်းဖြစ်ကြောင်း သိရသည်။

"လက်ရှိလုပ်နေတဲ့ နယ်စပ်ကုန်သွယ်ရေးလမ်းကြောင်းထက် ပိုပြီးအဆင်ပြေမယ့် လမ်းကြောင်းတစ်ခုစီစဉ်ပြီး ကုန်သွယ်မှုပမာဏကိုတိုးမြှင့်ချင်လို့ သူတို့ဘက်က အဓိကထားပြီး တွေ့ဆုံဆွေးနွေးကြတယ်။ ကျွန်တော်တို့ဘက်ကကျတော့ နယ်စပ်ကုန်သွယ်ရေးလမ်းကြောင်းအပြင် နောက်ထပ်ဖြစ်နိုင်ခြေရှိတဲ့အရာတွေက ဘာတွေရှိနိုင်မလဲပေါ့ အဲဒါတွေကို ဆွေးနွေးတာပါ။အခုလို တွေ့ဆုံဆွေးနွေးတာကတော့ ကုန်သည်အချင်းချင်းအတွက် စီးပွားရေးပလက်ဖောင်းတစ်ခုဖြစ်လာအောင် ကနဦးအစပျိုးတဲ့သဘောမျိုးပေါ့"ဟုရခိုင်ပြည်နယ် ကုန်သည်များနှင့်စက်မှုလက်မှုလုပ်ငန်းရှင်များအသင်း ဥက္ကဌ ဦးတင်အောင်ဦးက YMG ကို ပြောသည်။

အဆိုပါဆွေးနွေးပွဲသို ဘင်္ဂလားဒေ့ရှ်နိုင်ငံဘက်မှ ဘင်္ဂလားဒေ့ရှ်နိုင်ငံသံအမတ်ကြီး HE- Manjural Karim Khan Chowdhury နှင့် စစ်တွေကောင်စစ်ဝန် Mohammad Barikul Islam တို့က ဦးဆောင်ဆွေးနွေးကာ လုပ်ငန်းရှင် ၉ ဦး တက်ရောက်ခဲ့ပြီး ရခိုင်ပြည်နယ် ကုန်သည်များနှင့် စက်မှုလက်မှုလုပ်ငန်းရှင်များအသင်း (RSCCI) ဘက်မှ အသင်းဥက္ကဌ ဦးတင်အောင်ဦး ဦးဆောင်၍ ရခိုင်ပြည်နယ်ရှိလုပ်ငန်းရှင် ၂၇ ဦး တက်ရောက်ခဲ့ကြကြောင်း သိရသည်။

photo-RSCCI

ymg/mt
#Yangon_Media_Group

Published 18 June 2022

ထိုင်းနိုင်ငံဆိုင်ရာ အထူးအာဏာကုန် လွှဲအပ်ခြင်းခံရသော ပြည်ထောင်စုသမ္မတ မြန်မာနိုင်ငံတော် သံအမတ်ကြီး ဦးချစ်ဆွေဟာ ၎င်း၏သံအမတ် ခန့်အပ်လွှာကို ဇွန်လ (၁၇)ရက်နေ့တွင် ဗန်ကောက်မြို၌ ထိုင်းနိုင်ငံ ဘုရင်မင်းမြတ်ထံ မဟာဗာချီရာ လောင်ကွန်း ဖရာ့ ဗာဂျီယာ ကလောင့် ကျောင့်ယူဟူဝါ ထံ ပေးအပ်ခဲ့တယ်လို့ နစကရဲ့သတင်းထုတ်ပြန်ချက်အရသိရပါတယ်။

#Health_Matters
Published - 18 June 2022

-One Health က ကျန်းမာရေးစရိတ်တွေကို ဘယ်လောက်လျှော့ချပေးနိုင်မလဲ။ဘယ်သူတွေပါဝင်ရမှာလဲ??

#Yangon_Media_Group

#Health_Matters
Published - 18 June 2022

-One Health ဟာ ဂေဟစနစ်ကို ဘယ်လိုအထောက်အကူပြုပါသလဲ??

#Yangon_Media_Group

#Health_Matters
Published - 18 June 2022

-One Health ဆိုတာ ဘာကိုဆိုလိုသလဲ။ဘာကိုရည်မှန်းပါသလဲ??

#Yangon_Media_Group