#Local_News
Published_ 21 June 2022

ဒီမိုကရေစီအကျိုးပြု ကရင်တပ်မတော် (DKBA) ကိုယ်စားလှယ်အဖွဲ့နှင့် ငြိမ်းချမ်းရေးဆွေးနွေးပွဲကို ဇွန် ၂၀ ရက် နံနက်ပိုင်းတွင် နေပြည်တော်ရှိ အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ဗဟိုဌာန၌ ကျင်းပခဲ့ပါတယ်။

တွေ့ဆုံဆွေးနွေးပွဲသို့ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ငြိမ်းချမ်းရေး ဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်နှင့် အဖွဲ့ဝင်များ၊ ဒီမိုကရေစီအကျိုးပြု ကရင်တပ်မတော် (DKBA) စစ်ဦးစီးချုပ်အဆင့်ရှိ စောစတီးနှင့် အဖွဲ့ဝင်များ တက်ရောက်ခဲ့ကြပါတယ်။

တွေ့ဆုံဆွေးနွေးပွဲတွင် ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်နှင့် ဒီမိုကရေစီအကျိုးပြု ကရင်တပ်မတော် (DKBA) စစ်ဦးစီးချုပ်အဆင့်ရှိ စောစတီး တို့က နှုတ်ခွန်းဆက်အမှာစကား ပြောကြားကြပြီး တက်ရောက်လာကြသူများက ငြိမ်းချမ်းရေးနှင့် ဖွံ့ဖြိုးရေးဆိုင်ရာကိစ္စရပ်များကို အပြန်အလှန်ဆွေးနွေးခဲ့ကြပါတယ်။

ဒုတိယနေ့ ဆွေးနွေးပွဲကို ဇွန် ၂၁ ရက်တွင် ဆက်လက်ကျင်းပသွားမှာ ဖြစ်ကြောင်း သိရပါတယ်။

ymg-mnn
#Yangon_Media_Group

#LocalNews
Published - 20 June 2022

လိပ်ကျွန်းလူသတ်မှုနဲ့ ဘန်ကောက်မြို့ ဘန်ခွမ်အကျဉ်းထောင်မှာ အကျဉ်းကျခံနေရတဲ့ ဝင်းဇော်ထွန်းနဲ့ ဇော်လင်းတို့ကို ထောင်ဝင်စာတွေ့ဆုံနိုင်ဖို့အတွက် ပြင်ဆင်ဆောင်ရွက်နေတယ်လို့ ထိုင်းနိုင်ငံတောင်ပိုင်း အခြေစိုက်ပညာရေးနှင့် ဖွံ့ဖြိုးတိုးတက်ရေးဖောင်ဒေးရှင်း(FED)ရဲ့ ဒါရိုက်တာ ဦးထူးချစ်က ပြောပါတယ်။

#Yangon_Media_Group

#LocalNews
Published _ 20 June 2022

ရန်ကုန် ကြက်သွန်နီစျေးက လက်ရှိမှာတော့ ကျပ် ၂၀၀၀ အောက်ကျဆင်းနေပြီး နယ်စျေးကတော့ ကျပ် ၁၅၀၀နဲ့ စျေးငြိမ်နေတယ်လို့ ဘုရင့်နောင်ကုန်စည်ဒိုင်ကနေ သိရပါတယ်။

#Yangon_Media_Group

#LocalNews
Published - 20 june 2022

မန္တလေးတိုင်းဒေသကြီးအစိုးရအဖွဲ့ထံမှ လျာထားရရှိမယ့် ကျပ်သိန်း(၅၀၀)ကို အသုံးပြုပြီး ပုဂံဘုရားများထိန်းသိမ်းရေးလုပ်ငန်းတွေကို ဆောင်ရွက်သွားဖို့ရှိတယ်လို့ Bagan Heritage Trust အဖွဲ့ ဒုဥက္ကဌ ဦးမျိုးညွန့်အောင်က ပြောပါတယ်၊၊

#Yangon_Media_Group

#LocalNews
Published - 20 June 2022

သွေးလွန်တုပ်ကွေးရောဂါမဖြစ်ပွားအောင် ကြိုတင်ကာကွယ်သည့်အနေဖြင့် ခြင်ဆေးဖြန်းလိုသူများအနေဖြင့် စမ်းချောင်းမြို့နယ် အရန်မီးသတ်တပ်ဖွဲ့ကို ဆက်သွယ်အကူအညီတောင်းခံနိုင်ကြောင်းသိရသည်၊၊

"စမ်းချောင်းမြို့နယ်သာမက ရန်ကုန်က အခြားမြို့နယ်တွေကလည်း ဆက်သွယ်အကူအညီတောင်းခံနိုင်ပါတယ်၊၊ ခြင်ဆေးဗူးဖိုးတော့ ပြန်လှူရပါတယ်၊၊ ပြန်ဝယ်ပြီးတော့ လိုက်ဖြန်းပေးနိုင်အောင်လို့ပါ"လို့ စမ်းချောင်းမြို့နယ်အရန်မီးသတ်တပ်ဖွဲ့က တာဝန်ရှိသူတစ်ဦးက YMG ကိုပြောသည်၊၊

ဇွန်လ(၂၀)ရက်တွင် စမ်းချောင်းမြို့နယ်အတွင်းရှိ ဦးညို(၄)လမ်း၊ ဦးညို(၆)လမ်းနှင့် စစ်ကိုင်းလမ်းရှိနေအိမ်များကို စမ်းချောင်းမြို့နယ် အရန်မီးသတ်တပ်ဖွဲ့က ဆေးဖြန်းပြီးကူညီပေးခဲ့ကြောင်းသိရသည်၊၊

ymg/tthl
#Yangon_Media_Group

#LocalNews
Published _ 20 June 2022

အချို့သောနိုင်ငံများတွင် လက်ဖက်ရည်အား အဓိကသောက်သုံးရာမှ ကော်ဖီကို ပြောင်းလဲသောက်သုံးလာကြသဖြင့် ကမ္ဘာ့ကော်ဖီဈေးကွက် မြင့်တက်လာကြောင်း International Coffee Organization ရဲ့ သုံးသပ်ချက် များအရ သိရသည်။

မြင့်တက်နေမှု အလားအလာအရ မြန်မာနိုင်ငံမှာ ကော်ဖီတိုးချဲ့စိုက်ပျိုးပါက ဈေးကွက်ကောင်း ရရှိနိုင်မှုဟာ သေချာနေပြီး သီးနှံစုံစိုက်ပျိုးနိုင်သော ဂေဟစနစ်အခြေအနေကောင်းများရှိနေသည့် မြန်မာနိုင်ငံအနေဖြင့် ကော်ဖီ အဓိကထုတ်လုပ်တင်ပို့သည့် နိုင်ငံဖြစ်လာရန်အတွက် စိုက်ဧကများ တိုးချဲ့စိုက်ပျိုးခြင်းနှင့် စိုက်ပျိုးထားရှိသော ကော်ဖီများအား အရည်အသွေးမြင့်မားသည့် ကော်ဖီများ ထုတ်လုပ်နိုင်ရေးတို့ကို စနစ်တကျစီမံဆောင်ရွက်သွားရန် ကြိုးပမ်းနေခြင်းဖြစ်ကြောင်း ကော်ဖီဗဟိုအဖွဲ အတွင်းရေးမှူး ဒုတိယဝန်ကြီးဒေါက်တာအောင်ကြီး ကပြောသည်။

"ကမ္ဘာ့ကော်ဖီကုန်သွယ်မှုတန်ဖိုးက နှစ်စဉ် အမေရိကန်ဒေါ်လာ (၃၀)ဘီလီယံကျော် ရှိကာ International Coffee Organization ရဲ့ ခန့်မှန်းချက်တွေအရ ကမ္ဘာ့ကော်ဖီ သောက်သုံးမှုဟာ လာမယ့် (၅)နှစ်အတွင်း နှစ်စဉ် ၃ ရာခိုင်နှုန်း တိုးတက်လာနိုင်ပါတယ်။ စီးပွားရေးတိုးတက်တဲ့ နိုင်ငံတစ်ခုအတွင်း တစ်ဦးချင်းဝင်ငွေ တိုးတက်လာတာနဲ့အမျှ ကော်ဖီကို ပိုမိုသောက်သုံးလာတာ တွေ့ရပါတယ်" ဟု ဒုတိယဝန်ကြီးက ဆိုသည်။

မြန်မာ့ကော်ဖီကို ကမ္ဘာ့ဈေးကွက်သို့ ထိုးဖောက်နိုင်ရေးအား ကော်ဖီဗဟိုအဖွဲ့နှင့် စီမံကိန်းနှင့် ဘဏ္ဍာရေးဝန်ကြီးဌာန၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ စိုက်ပျိုးရေး မွေးမြူရေးနှင့်ဆည်မြောင်းဝန်ကြီးဌာန၊ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သယံဇာ တနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာနများနှင့် ကော်ဖီထုတ်လုပ်မှုဆိုင်ရာ ပုဂ္ဂလိကလုပ်ငန်းရှင်များဖြင့် ဖွဲ့စည်းဆောင်ရွက်လျက်ရှိကြောင်း သိရသည်။

မြန်မာနိုင်ငံတွင် အာရေးဗီးကား(Arabica) ကော်ဖီ ထုတ်လုပ်နိုင်သည့် တောင်ကုန်း၊ တောင်တန်းဒေသများ၊ ရိုဘတ်စတာ (Robusta)ကော်ဖီများ ထုတ်လုပ်ရန် သင့်တော်သော မြေပြန့်ဒေသများရှိနေသော်လည်း လက်ရှိကော်ဖီထုတ်လုပ်မှုမှာ တစ်နှစ်လျှင် တန်ချိန် (၉,၀၀၀) ကျော်ခန့်သာ ရှိနေဆဲဖြစ်၍ ကော်ဖီ အဓိကထုတ်လုပ်တင်ပို့သည့် နိုင်ငံဖြစ်လာစေရန်အတွက် စနစ်တကျစီမံဆောင်ရွက်သွားရန် ကြိုးပမ်းနေခြင်းဖြစ်ကြောင်း ယင်းဌာနမှ သိရသည်။

ymg/NN
#Yangon_Media_Group