#Local_News
Published_ 31 october 2022

မန္တလေးတိုင်း၊ ပျော်ဘွယ်မြို့၊ မင်းလမ်းကျေးရွာအုပ်စုရှိ တောင်ကြီး-ပျော်ဘွယ်သွားကားလမ်းမကြီးပေါ်တွင် အောက်တို ဘာလ ၃၀ ရက်၊ ညပိုင်းက လမ်းဘေး၌ ရပ်ထားသည့် ၁၀ဘီးကားအား လိုက်ထရပ်ကားမှ ဝင်တိုက်သည့် ဖြစ်စဉ် ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့ဌာနချုပ်မှ သိရသည်။

ယမန်နေ့ ည ၇ နာရီ ၅၄ မိနစ်ခန့်တွင် တောင်ကြီး- ပျော်ဘွယ်သွားကားလမ်းမကြီးပေါ်၌ TOYOACE လိုက်ထရပ်(အဖြူရောင်) ကားသည် အခင်းဖြစ်နေရာအရောက် အရှိန်မထိန်းနိုင်ဘဲ လမ်းဘေးတွင် စက်ပျက်၍ရပ်ထားသည့် NISSAN DIESEL (အဖြူရောင်) ၁၀ ဘီးကားအား အနောက်က ဝင်တိုက်မိခဲ့သည်။

ယင်းကဲ့သို့ တိုက်မိမှုကြောင့် လိုက်ထရပ် ကားခေါင်းခန်းအတွင်း လူညပ်နေကြောင်းသတင်းအရ ပျော်ဘွယ်မြို့နယ်မီးသတ်စခန်းတပ်ဖွဲ့ဝင်များနှင့် လူမှုကူညီရေးအသင်းများမှ ကယ်ဆယ်ရေးလုပ်ငန်းများပြုလုပ်ခဲ့ကြသည်။

ကားခေါင်းခန်းအတွင်းညပ်နေသူအား ကယ်ထုတ်နိုင်ခဲ့ပြီး ထိခိုက်ဒဏ်ရာများရရှိနေသောကြောင့် အလင်းရောင်လူမှုကူညီရေးအသင်းကားဖြင့် ပျော်ဘွယ်မြို့နယ်ပြည်သူ့ဆေးရုံကြီးသို့ ပို့ဆောင်ပေးခဲ့ကြကြောင်း သိရှိရသည်။

#ymg/NN
#Yangon_Media _Group

#Local_News
Published_ 31 October 2022

တရုတ်နိုင်ငံ ကျေးလက်ဖွံ့ဖြိုးတိုးတက်ရေးဖောင်ဒေးရှင်း (CFRD) မြန်မာနိုင်ငံရုံးခန်းဖွင့်လှစ်ခြင်း ၇ နှစ်ပြည့် ခြုံငုံသုံးသပ်ကူးလူးဖလှယ်ပွဲကို အောက်တိုဘာလ ၂၈ ရက်နေ့တွင် ရန်ကုန်မြို့၌ကျင်းပခဲ့ပြီး အပြည်​ြပည်ဆိုင်ရာ ပူးပေါင်းဆောင်ရွက်ရေး ဝန်ကြီး ဦးကိုကိုလှိုင်၊ တရုတ်သံရုံး သံမှူးကြီး Ms. Cao Jing နှင့် တာဝန်ရှိသူများ တက်ရောက်ခဲ့ပါတယ်။

သံမှူးကြီး Ms. Cao Jing က ဖောင်ဒေးရှင်းသည် မြန်မာနိုင်ငံတွင် အရည်အသွေးမြင့် ပညာရေး၊ စားနပ်ရိက္ခာဖူလုံရေး၊ ရေအရင်းအမြစ်သန့်ရှင်းရေးစသည့် ပြည်သူ့အကျိုးပြုနယ်ပယ်တွင် စီမံကိန်းများစွာ ဖော်ဆောင်ခဲ့ခြင်းကို ချီးကျူးလိုက်ပြီး ဖောင်ဒေးရှင်းလုပ်ဆောင်သည့်လုပ်ငန်းများသည် တရုတ်နိုင်ငံနယ်ပယ်အသီးသီးက မြန်မာနိုင်ငံ ပြည်သူလူနေမှုဘဝအကျိုးပြုမှုအား ဂရုပြုထောက်ခံအားပေးမှု၏ ပုံရိပ်ငယ်ဖြစ်ကြောင်း၊ ကြာရှည်သည့်ကာလအတွင်း၌ တရုတ်နိုင်ငံသည် မြန်မာနိုင်ငံ၌ ဆေးရုံ၊ စာသင်ကျောင်း၊ အားကစားရုံများကို ကူညီတည်ဆောက်ပေးခဲ့ပြီး တရုတ်-မြန်မာချစ်ကြည်ရေး ပညာသင်ထောက်ပံ့ဆုများချီးမြှင့်ကာ ဖွံ့ဖြိုးတိုးတက်မှုနှင့် ဆင်းရဲနွမ်းပါးမှုပပျောက်ရေးစီမံကိန်းများဖော်ဆောင်ခဲ့ကြောင်း၊ ကိုဗစ်-၁၉ ကပ်ရောဂါဖြစ်ပွားပြီးနောက် တရုတ်နိုင်ငံက မြန်မာနိုင်ငံ ကပ်ရောဂါတိုက်ဖျက်ရေးအတွက် ကူညီမှုများ တက်တက်ကြွကြွပေးခဲ့ပြီး မြန်မာပြည်သူများအတွက် အသက်ကျန်းမာရေး ကာကွယ်ရေးလိုင်း တည်ဆောက်ပေးလိုက်ကြောင်း၊ မကြာသေးမီက အောင်မြင်စွာ ကျင်းပပြီးစီးသွားသည့် တရုတ်ကွန်မြူနစ်ပါတီ (၂၀) ကြိမ်မြောက် နိုင်ငံလုံးဆိုင်ရာပါတီညီလာခံတွင် အထွေထွေအတွင်းရေးမှူးချုပ် Xi Jinping က ပြည်သူကိုဗဟိုပြုသည့် ဖွံ့ဖြိုးတိုးတက်မှုအတွေးအခေါ်ကို စွဲမြဲစွာကိုင်စွဲ၍ ခေတ်မီတည်ဆောက်မှုရလဒ်ကို ပြည်သူတစ်ရပ်လုံးထံ ပိုမိုတရားမျှတစွာ အကျိုးပြုစေပြီး တစ်ချိန်တည်းတွင် နိုင်ငံအသီးသီးပြည်သူများ၏ ယေဘုယျဂရုပြုမှုကိုလည်း တုံ့ပြန်ကာ လူသားတို့ရင်ဆိုင်ရမည့် ဘုံပြဿနာများဖြေရှင်းရေးအတွက် အကျိုးထမ်းဆောင်ပေးရမည်ဟု အကြိမ်များစွာ အလေးထားပြောကြားခဲ့ပါတယ်။

ထို့ပြင် မြန်မာနိုင်ငံ၏ ဆွေမျိုးပေါက်ဖော်ညီအစ်ကိုနှင့် ချစ်ကြည်ရင်းနှီးသည့် အိမ်နီးချင်းနိုင်ငံအနေဖြင့် တရုတ်နိုင်ငံက မြန်မာပြည်သူတစ်ရပ်လုံးအပေါ် ချစ်ကြည်ရင်းနှီးသည့် မူဝါဒကို အမြဲတစေကိုင်စွဲထားပြီး မြန်မာပြည်သူများနှင့်အတူ ဖွံ့ဖြိုးတိုးတက်မှုရလဒ်များ အတူမျှဝေကြောင်း၊ မိမိတို့သည် မြန်မာနိုင်ငံနှင့်အတူ သမ္မတကြီး Xi Jinping ၏ မြန်မာနိုင်ငံခရီးစဉ်သဘောတူညီချက်များကို ဆက်လက်တက်တက်ကြွကြွ အကောင်အထည်ဖော်ကာ တရုတ်ပုံစံခေတ်မီမှုနှင့် ဖွံ့ဖြိုးတိုးတက်မှုအသစ်ဖြင့် မြန်မာနိုင်ငံအပါအဝင် ကမ္ဘာ့နိုင်ငံအသီးသီးအတွက် အခွင့်အလမ်းအသစ်များ ထောက်ပံ့ပေးကာ “Belt and Road” နှင့် တရုတ်-မြန်မာစီးပွားရေးစင်္ကြံ အတူတည်ဆောက်မှုကို အဓိကထားခြင်းဖြင့် နယ်ပယ်အသီးသီးလက်တွေ့ကျ ပူးပေါင်းဆောင်ရွက်မှုကိုနက်ရှိုင်းစေကာ တရုတ်-မြန်မာချစ်ကြည်ရင်းနှီးစွာ ပူးပေါင်းဆောင်ရွက်မှုရလဒ်ကို နှစ်နိုင်ငံပြည်သူများအတွက် ပိုမိုကောင်းမွန်စွာ အကျိုးပြုစေမည်ဖြစ်ကြောင်း ပြောကြားခဲ့ပါတယ်။

အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ဝန်ကြီး ဦးကိုကိုလှိုင်က မြန်မာ-တရုတ် သံတမန်ဆက်ဆံရေး ထူထောင်သည့် နှစ် ၇၀ ကျော်အတွင်း၌ နှစ်နိုင်ငံသည် အပြန်အလှန်လေးစားကာ အပြန်အလှန်ထောက်ခံအားပေးပြီး ဆွေမျိုးပေါက်ဖော်သံယောဇဉ် နက်ရှိုင်းလှကြောင်း၊ တရုတ်နိုင်ငံသည် မြန်မာနိုင်ငံအား ကူညီမှုအများအပြားပေးခဲ့ကြောင်း၊ CFRD ဖောင်ဒေးရှင်း၏ စီမံကိန်း ၁၄ ခုသည် မြန်မာပြည်သူပေါင်း ၄၉၀၀၀၀ ကျော်ကို အကျိုးခံစားရစေတယ်လို့ ဆိုပါတယ်။

အခမ်းအနားတွင် ပွဲတက်ဧည့်သည်တော်များက မြန်မာကျောင်းသား ကျောင်းသူများအတွက် Panda Pack များချီးမြှင့်ခဲ့ကြပါတယ်။

#ymg_mnn
#Yangon_Media_Group

#Local_News
Published_ 31 October 2022

ဧရာဝတီတိုင်းဒေသကြီး ပုသိမ်စက်မှုမြို့တော်ဆိပ်ကမ်းမှ ပထမဆုံးအကြိမ်အဖြစ် ဆန်တန်ချိန် ၂၆၅၀ ကို အောက်တိုဘာ ၂၈ ရက်က စ၍ MV MCL-7 ပင်လယ်ကူး သင်္ဘောဖြင့် တိုက်ရိုက်တင်ပို့ရန် ဆောင်ရွက်နေကြောင်း သိရပါတယ်။

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် ဘင်္ဂလားဒေ့ရှ်နိုင်ငံတို့ကြား ဆန်ရောင်းဝယ်မှုဆိုင်ရာ G to G သဘောတူစာချုပ်အရ ဆန်တန်ချိန် နှစ်သိန်းတင်ပို့ နေတာ ဖြစ်ပါတယ်။

မြန်မာနိုင်ငံနှင့်ဘ င်္ဂလားဒေ့ရှ်နိုင်ငံတို့အကြား ဆန်တန်ချိန် နှစ်သိန်းတင်ပို့ရန် G to G သဘောတူစာချုပ် ချုပ်ဆိုထားပြီး ပုသိမ်စက်မှုမြို့တော် ဆိပ်ကမ်းမှ ဆန်တန်ချိန် သုံးသောင်းမှ ငါးသောင်းတင်ပို့ရန် လျာထားဆောင်ရွက်လျက်ရှိရာ အောက်တိုဘာ ၂၈ ရက်မှစ၍ ဧည့်မထဆန် (၅မတ်) 50kg ဆန် တန်ချိန် ၂၆၅၀ ကို စတင်၍ သင်္ဘောတင်နေခြင်းဖြစ်ပါတယ်။

ပုသိမ်စက်မှုမြို့တော်ဆိပ်ကမ်းမှ ဆန်တန်ချိန် ၂၆၅၀ ကို အောက်တိုဘာ ၃၁ ရက်နေ့အပြီး တင်ဆောင်ပြီးပါက ဘင်္ဂလားဒေ့ရှ်နိုင်ငံသို့ MV MCL-7 ကုန်တင်သင်္ဘော ထွက်ခွာမည်ဖြစ်ကာ သင်္ဘောများ တစ်စီးဝင် တစ်စီးထွက်စနစ်ဖြင့် ဆက်လက် တင်ပို့သွားမှာ ဖြစ်ကြောင်း သိရပါတယ်။

#ygm_mnn
#Yangon_Media_Group

#Local_News
Published_ 31 October 2022

အောက်တိုဘာလတွင် ပဲခူးတိုင်းဒေသကြီးသို့ နိုင်ငံခြားရင်းနှီးမြှုပ်နှံမှု အမေရိကန် ဒေါ်လာ ၄၁ ဒသမ ၅၀၅ သန်း တိုးတက်ဝင်ရောက်ခဲ့ကြောင်း ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းရဲ့ ပြောကြားချက်အရ သိရပါတယ်။

ပဲခူးတိုင်း၌ ၂၀၂၁ ခုနှစ် ဖေဖော်ဝါရီ (၁) ရက်မှ ယနေ့အထိ နိုင်ငံခြားရင်းနှီးမြှုပ်နှံမှု စုစုပေါင်း အမေရိကန်ဒေါ်လာ ၁၃၂ ဒသမ ၉၂၆ သန်းနှင့် ပြည်တွင်း မြန်မာနိုင်ငံသား ရင်းနှီးမြှုပ်နှံမှု စုစုပေါင်းငွေကျပ် ၆၄၉၀၈ ဒသမ ၂၁၅ သန်း ရှိပြီ ဖြစ်ပါတယ်။

ထပ်မံလာရောက် ရင်းနှီးမြှုပ်နှံလိုသူများအတွက် လူ့စွမ်းအားအရင်းအမြစ် ပေါကြွယ်မှုရှိခြင်း၊ အလုပ်ရှင် အလုပ်သမား ပြဿနာ ကင်းရှင်းခြင်း၊ မြေနေရာကျယ်ဝန်း ခြင်း၊ လမ်းပန်းဆက်သွယ်ရေး ကောင်းမွန်ခြင်း၊ ရင်းနှီးမြှုပ်နှံမှု လုပ်ငန်းများ တိုးချဲ့နိုင်ရေး အားပေးနေခြင်းနှင့် အေးချမ်းတည်ငြိမ်ခြင်း စတဲ့အခွင့်အလမ်းကောင်းများကို ရရှိနိုင်တယ် လို့ ဝန်ကြီးချုပ်က ဆိုပါတယ်။

အောက်တိုဘာ ၂၈ ရက်က ပဲခူးတိုင်းဒေသကြီး အစိုးရအဖွဲ့ရုံး၌ ကျင်းပသည့် တိုင်းဒေသကြီးရင်းနှီးမြှုပ်နှံမှုကော်မတီ လုပ်ငန်းညှိနှိုင်း အစည်းအဝေးတွင် တိုင်းဒေသကြီး ဝန်ကြီးချုပ်က ရင်းနှီးမြှုပ်နှံလိုသူများကို ဖိတ်ခေါ်ပြောကြားခဲ့တာ ဖြစ်ပါတယ်။

အဆိုပါအစည်းအဝေးတွင် ပဲခူးတိုင်းဒေသကြီးအတွင်း ရင်းနှီးမြှုပ်နှံမှု ထပ်မံတိုးချဲ့ခြင်းစက်ရုံ (၂) ရုံနှင့် ကုန်ပစ္စည်းထပ်မံမှာယူခြင်းစက်ရုံ (၁) ရုံ၊ တည်ဆောက်ရေးကာလ သက်တမ်းတိုး စက်ရုံ (၁) ရုံနှင့် စက်ရုံအဆောက်အဦ တိုးချဲ့ခြင်း စက်ရုံ (၁) ရုံတို့၏ အချက်အလက်များကို ရှင်းလင်းတင်ပြပြီး ဝန်ကြီးချုပ်က လိုအပ်သည်များကို ဥပဒေ၊ လုပ်ထုံးလုပ်နည်းများနှင့်အညီ ဆောင်ရွက်ပေးခဲ့ကြောင်း သိရပါတယ်။

၂၀၂၁ ခုနှစ် ဖေဖော်ဝါရီ (၁) ရက်မှ ယနေ့အထိ ပဲခူးတိုင်းဒေသကြီးအတွင်းရှိ ပြည်တွင်းပြည်ပ ရင်းနှီးမြှုပ်နှံမှု လုပ်ငန်းများတွင် လူဦးရေ ၇၅၁၈ ဦးကို အလုပ်အကိုင် အခွင့်အလမ်း ဖန်တီးပေးနိုင်ခဲ့ကြောင်း သတင်းရရှိပါတယ်။

#ygm_mnn
#Yangon_Media_Group

#Local_News
Published_ 30 October 2022

ကုလသမဂ္ဂ၏ ချို့ယွင်းမှုများရှိသော အစီရင်ခံစာများနှင့် မြန်မာနိုင်ငံကို ကိုယ်စားပြုသည့် တရားဝင်ကိုယ်စားလှယ်များ ပါဝင်ခြင်းမရှိသည့် အပြန်အလှန်ဆွေးနွေးမှုများနှင့် နိုင်ငံအချို့၏ မြန်မာနိုင်ငံပြည်တွင်းရေး စွက်ဖက်ပြောကြားချက်များကို မြန်မာနိုင်ငံက ပြင်းထန်စွာ ရှုတ်ချ၍ ပြတ်သားစွာ ကန့်ကွက်ပယ်ချကြောင်း နိုင်ငံခြားရေးဝန်ကြီးဌာနက အောက်တိုဘာ ၃၀ ရက်တွင် ထုတ်ပြန်ထားပါတယ်။

(၇၇) ကြိမ်မြောက် ကုလသမဂ္ဂအထွေထွေညီလာခံ၊ တတိယကော်မတီ (လူမှုရေး၊ လူသားချင်း စာနာထောက်ထားမှုနှင့် ယဉ်ကျေးမှုကော်မတီ) ၌ အောက်တိုဘာ ၂၅ ရက်နှင့် ၂၆ ရက်တို့တွင် အသီးသီး ပြုလုပ်ခဲ့သော ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Noeleen Heyzer ၏အစီရင်ခံစာပါ အကြောင်းအရာ တစ်ခုလုံးနီးပါးသည် ကုလသမဂ္ဂအမည်ခံ မြန်မာနိုင်ငံဆိုင်ရာ လူ့အခွင့်အရေးကိစ္စအတွက် လုပ်ပိုင်ခွင့်ပေးအပ်ထားသည်ဆိုသည့်သူများ၏ သိမ်းကြုံးစွပ်စွဲပြောကြားချက်များကို တိုက်ရိုက်ပြန်လည်ဖော်ပြထားခြင်းသာ ဖြစ်ပါတယ်။

အလားတူ မြန်မာနိုင်ငံ လူ့အခွင့်အရေးအခြေအနေဆိုင်ရာ အထူးအစီရင်ခံစာ တင်သွင်းသူ Thomas Andrews ၏ အစီရင်ခံစာတွင်လည်း အပြုသဘောဆောင်သော ဖော်ပြချက်တစ်ခု တစ်လေမျှမပါဝင်ဘဲ အပျက်သဘောဆောင်သည်များကိုသာ ချဲ့ကားဖော်ပြထားသည်ကို တွေ့ရတယ်လို့ဆိုပါတယ်။ Thomas Andrews အား မြန်မာနိုင်ငံ လူ့အခွင့်အရေးအခြေအနေဆိုင်ရာ အထူးအစီရင်ခံစာ တင်သွင်းသူအဖြစ် ခန့်အပ်မှုအပေါ်တွင်လည်း အသိအမှတ်ပြုခြင်းမရှိသကဲ့သို့ ပြည်ဝင်ခွင့်လည်း မပြုခဲ့ဘူးလို့ ထုတ်ပြန်ချက်မှာ ဖော်ပြထားပါတယ်။

အပြစ်မဲ့ပြည်သူ ၄,၀၇၃ ဦးကို သတ်ဖြတ်ခဲ့သည့် အကြမ်းဖက် NUG နှင့် PDF တို့၏ အကြမ်းဖက်တိုက်ခိုက်မှုများအပေါ် မျက်ကွယ်ပြုလျစ်လျူရှုခဲ့တယ်လို့ ဆိုပါတယ်။ ကုလသမဂ္ဂအမည်ခံ အထူးကိုယ်စားလှယ်နှင့် အထူးအစီရင်ခံစာတင်သွင်းသူများ၏ ဆောင်ရွက်ချက်များသည် ဓမ္မဓိဋ္ဌာန်ကျမှုမရှိဘဲ ဘက်လိုက်မှုရှိကြောင်း ဖော်ပြထားပါတယ်။

မြန်မာနိုင်ငံအရေးကိစ္စနှင့်ပတ်သက်၍ မှန်ကန်မှုမရှိတဲ့ သတင်းအချက်အလက်များနှင့် ချဲ့ကားထားတဲ့အချက်များကိုအခြေခံ၍ နိုင်ငံတကာရဲ့ အာရုံစိုက်မှုရရှိရန် ရည်ရွယ်ပြုလုပ်ခဲ့တဲ့ အပြန်အလှန်ဆွေးနွေးမှုများသည် ကုလသမဂ္ဂအနေဖြင့် ဘက်မလိုက်သော၊ ပညာရှင်ဆန်သော ယင်း၏ကိုယ်ပိုင်ဝိသေသ လက္ခဏာများကို ကိုယ်တိုင်ပြန်လည်ဖျက်ဆီးနေပြီး ဂုဏ်သရေညှိုးနွမ်းစေတဲ့ လုပ်ရပ်များသာဖြစ်ကြောင်း ဖော်ပြထားပါတယ်။

ygm_mnn
#Yangon_Media_Group

#TV Yangon Times Matters အစီအစဉ်
Published - 30 Oct 2022

အစီအစဉ်တင်ဆင်သူ ဆရာဟိန်းလတ်က ဇော်ထက်ဟန်(အဆိုတော်)နှင့်အတူ

-"ငယ်စဉ်ကတည်းက သီချင်းတွေကိုကြိုက်နှစ်သက်ပြီး တူရိယာ ၇ မျိုးကို တီးခတ်တက်သူဖြစ်ကြောင်း

-တစ်ကိုယ်တော်အယ်ဘမ် ၅ ခုနှင့် စုပေါင်းအခွေ ၄‌ ခုထွက်ရှိခဲ့ပြီး နောက်ပိုင်းတွင်ကိုယ်ပိုင်တီးဝိုင်းဖြင့် သီချင်းတွေဖန်တီးလျှက်ရှိကြောင်း အခွင့်အခါသင့်ရင် တစ်ကိုယ်ဖျော်ဖြေပွဲလုပ်ချင်တဲ့ဆန္ဒရှိကြောင်း

-၁၂ နှစ်သားအရွယ်ကတည်းက ပန်းချီစဆွဲခဲ့ပြီး ပုံတူပန်းချီများစွာရေးဆွဲဖြစ်ခဲ့ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

 
#Yangon_Media_Group