နိုင်ငံတကာသုံးသပ်ချက်ဆောင်းပါး

ရေးသူ- ဆိုင်မွန်တီ 

အရှိန်ဩဇာအတွက် ကမ္ဘာလုံးဆိုင်ရာ ရုန်းကန် ပြိုင်ဆိုင်နေကြရာမှာ ယခုအခါ တင့်ကားတွေ၊ ဒုံးကျည်တွေဆိုတာတွေက တစ်ခုတည်းသော လက်နက်တွေမဟုတ်ကြတော့ပါဘူး။ အစိုးရမဟုတ်တဲ့ အင်န်ဂျီအို အဖွဲ့အစည်းတွေ၊ အလှူရှင်တွေရဲ့ ရန်ပုံငွေတွေနှင့် အတွေးအခေါ်ပိုင်း မက်ဆေ့ချ်တွေ သွတ် သွင်းခြင်းတွေဟာ အသံတိတ်လက်နက်အသစ်  ဒါမှမဟုတ် ညှာတာမှုကင်းတဲ့ စစ်ပွဲအသစ်တစ်ခု ဖြစ် လာနေပါတယ်။

အဲဒီစစ်ပွဲရဲ့အလယ်မှာ ထီးထီးကြီးရပ်နေသူကတော့ ဘီလျံနာ ငွေကြေးထောက်ပံ့သူ ဆိုရော့စ်ပဲ ဖြစ်ပါ တယ်။ သူ့ရဲ့ ပွင့်လင်းလူ့အဖွဲ့အစည်းဖောင်ဒေးရှင်း  (Open Society Foundations (OSF)ဟာ ဒီမိုကရေစီ နှင့် လူ့အခွင့်အရေးဆိုတဲ့ နဖူးစည်းစာတန်းကြီးအောက်ကနေ အလုပ်တွေလုပ်နေပါတယ်။ ဒါပေမယ့် ကတ္တီပါခန်းဆီးကြီးရဲ့ နောက်ကွယ်မှာတော့ ကြိုးကိုင်ခြယ်လှယ်မှုတွေ၊ထိုးဖောက်စိမ့်ဝင်ခြင်းတွေနှင့် မတည်မငြိမ်ဖြစ်အောင်လုပ်ဆောင်ခြင်းတွေအများအပြားရှိနေပါတယ်။ အထူးသဖြင့် အားနည်းတဲ့ တောင်နှင့် အရှေ့တောင်အာရှဒေသတွေမှာ အဲဒါတွေကျူးလွန်နေပြီး ဒါတွေကို အထူးစိစစ်ဖို့လိုအပ်နေ ပါတယ်။

ပရဟိတလား ကြားခံပါဝါလား

ဂျော့ဆိုးရော့စ်ဟာ  ပွင့်လင့်းလူ့အဖွဲ့အစည်းတွေ အတွက် လူသိရှင်ကြား ထောက်ခံအားပေးမှုတွေ လုပ်ခဲ့ ပြီး  မြို့ပြလွတ်လပ်မှု၊တရားဥပဒေစိုးမိုးမှုနှင့် လွတ်လပ်စွပြောဆိုမှုအကြောင်းပြကာ  အမေရိကန် ဒေါ်လာ ၃၂  ဘီလျံ အထိသုံးစွဲခဲ့ပါတယ်။

ဒါပေမယ့် အတွင်းထဲ ထိုးဖောက်ကြည့်ရင်တော့ အခြားသော ဇာတ်လမ်းတစ်ခုပေါ်လာပါလိမ့်မယ်။  အဲဒါကတော့ သူ့ဖောင်ဒေးရှင်းဟာ အောက်ခြေလူတန်းစားတွေကို အတွေးအခေါ်ရိုက်သွင်းတာ၊ ဆုံးဖြတ်ချက်ချနိုင်တဲ့ အဆင့်ထဲကို ထိုဖောက်ဝင်ရောက်တာ၊အနောက်နိုင်ငံတွေကို အာခံနေတဲ့ အမျိုးသားအစိုးရတွေကို အနှောက်အယှက်ပေးတာတွေအတွက် ငွေကြေး အမြောက်အမြားသုံးစွဲခဲ့ပြိး ဆက်လက်သုံးစွဲနေပါတယ်။

သူဟာ ယူကရိန်းမှာ ဆန္ဒပြပွဲတွေကို ထောက်ခံအားပေးတာ၊ ပိုလန်နှင့်ဟန်ဂေရီက အမျိုးသား‌ေ*း ခေါင်းဆောင်တွေကို ဥပဒေတိုက်ပွဲဆင်တာ၊လက်တင်အမေရိကမှာရှိတဲ့ အစွန်းရောက်တိုးတက်ရေးဝါဒီ တွေကို ငွေကြေးထောက်ပံ့တာတွေလုပ်ခဲ့ပြီး OSF ရဲ့ ဩဇာထူထောင်မှုဟာ အရပ်သားပြည်သူတွေကို ထောက်ခံအားပေးတာထက် ကျော်လွန်နေပြီး အစိုးရတွေ၊အုပ်ချုပ်ရေးပုံစံတွေနှင့် နိုင်ငံရေးလမ်းကြောင်း တွေကို ကြိုးကိုင်ခြယ်လှယ်လုပ်ဆောင်နေတာတွေအထိ ရှိလာခဲ့ပါတယ်။

သီရိလင်္ကာ- နူးညံ့သိမ်မွေ့သော ဖြိုခွဲရေး စံနမူနာတစ်ခုလော။

ရာဇပက္ခအစိုးရ ပြိုလဲခြင်းမှသည် ၂၀၂၂-၂၀၂၄ ဖွဲ့စည်းပုံအခြေခံဥပဒေ အကျပ်အတည်းအထိ သီရိလင်္ကာ၏ နိုင်ငံရေးအကျပ်အတည်းများသည်  Open Society နှင့် ချိတ်ဆက်ထားသည့် လှုပ်ရှားမှုများ၊ ဥပဒေရေးရာ ပြုပြင်ပြောင်းလဲရေးလှုပ်ရှားမှုများ နှင့် အချို့သော အထက်တန်းလွှာများ၏ အကျိုးစီးပွားကို အလေးပေးသည့် မီဒီယာ ပုံဖော်မှုများ သိသိသာသာ မြင့်တက်လာခြင်းနှင့် တိုက်ဆိုင်  နေသည်။

"Soros' Shadow: Open Society's Sri Lanka Coup?" ဟူသော ခေါင်းစဉ်ဖြင့် မကြာသေးမီက ထုတ်ဖော်ခဲ့သည့် ဆောင်းပါးတစ်ပုဒ် တွင် သီရိလင်္ကာ၏ ထိလွယ်ရှလွယ် နိုင်ငံရေး အသွင်ကူးပြောင်း  မှုများအတွင်း OSF ၏ ထိပ်တန်းကိုယ်စားလှယ်များ ရောက်ရှိနေခဲ့ပြီး နိုင်ငံခြားရန်ပုံငွေဖြင့် လှုပ်ရှားသော ဆန္ဒပြအဖွဲ့များ၊ NGO များနှင့် အနောက်နိုင်ငံများ၏ သံတမန် ဖိအားပေးမှုများနှင့်အတူ ရှေ့ဆင့်နောက်ဆင့် လုပ်ဆောင်ခဲ့ကြောင်း စွပ်စွဲထားသည်။ အတိအကျ ကောက်ချက်ချနိုင်ခြင်း မရှိသော်လည်း ဤအဖွဲ့အစည်းများ၏ အချိန်ကိုက် တိုက်ဆိုင်မှုနှင့် ပူးပေါင်းဆောင်ရွက်မှုတို့က စိုးရိမ်စရာ များကို ဖြစ်စေခဲ့သည်။

Soros နှင့် ဆက်စပ်နေသော ရန်ပုံငွေရရှိသူများမှတစ်ဆင့် USAID နှင့် EU ၏ ဖွံ့ဖြိုးရေးရန်ပုံငွေများကို အသုံးပြုခဲ့သည်ဟူသော ဖော်ထုတ်ချက်များကလည်း အခြေအနေကို ပိုမိုရှုပ်ထွေးစေသည်။ ၎င်းသည် လူသားချင်းစာနာထောက်ထားမှုဆိုင်ရာ အကူအညီလား သို့မဟုတ် အရပ်ဘက်လူ့အဖွဲ့အစည်း  အသွင်ဆောင်ထားသော ပထဝီဝင်နိုင်ငံရေးဆိုင်ရာ ကြားဝင်စွက်ဖက်မှုလား။

အရှေ့တောင်အာရှ နယ်ပယ်

မြန်မာ၊ ထိုင်း၊ မလေးရှားနှင့် အင်ဒိုနီးရှားကဲ့သို့သော နိုင်ငံများတွင် OSF ၏ ရန်ပုံငွေများသည် မီဒီယာစောင့်ကြည့်ရေးအဖွဲ့များ၊ ဥပဒေအကူအညီပေးရေးအဖွဲ့များနှင့် အဂတိလိုက်စားမှုတိုက်ဖျက်ရေး  လှုပ်ရှားမှုများကို ထောက်ပံ့ပေးခဲ့ရာ အချို့မှာ ငြင်းမရအောင်ပင် အရေးပါနေခဲ့ကြသည်။ သို့သော် ကိစ္စများစွာတို့တွင် ထိုသူတို့သည် ပြုပြင်ပြောင်းလဲရေးဟူသော အရေကိုခြုံထားသည့် လူမှုရေး အစိတ်အပိုင်းဖြစ်မှုများကို မြှင့်တင်ပေးသည့် အတွေးအခေါ်ဆိုင်ရာ ပဉ္စမအုပ်စုများအဖြစ် လုပ်ဆောင်ခဲ့  ကြသည်။

မြန်မာနိုင်ငံတွင် OSF က ထောက်ပံ့သော အဖွဲ့အစည်းများသည် စစ်တပ်၏ လူ့အခွင့်အရေး   ချိုးဖောက်မှုများကိုလုပ်ကြံဖန်တီးကြခြင်းဖြင့်  ပိတ်ဆို့အရေးယူမှုများ တိုးမြှင့်  လာစေရန်နှင့် အဓိက အဖွဲ့ အစည်းများကို အထီးကျန်ဖြစ်စေရးအတွက်  နိုင်ငံခြား လော်ဘီလုပ်ငန်း   များတွင် ပံ့ပိုးကူညီခဲ့ကြသည်။ ယင်းလုပ်ရပ်များသည် နောက်ဆုံးတွင် စစ်တပ်၏ ကာကွယ်ရေးဆိုင်ရာ ရပ်တည်ချက်ကို ပိုမိုခိုင်မာစေခဲ့ပြီး နိုင်ငံကို ပြည်တွင်းစစ် ပိုမိုနက်ရှိုင်းလာအောင် တွန်းပို့ခဲ့သည်။

ထိုင်းနိုင်ငံတွင် Open Society နှင့် ချိတ်ဆက်ထားသော ဥပဒေရေးရာအဖွဲ့များနှင့် လူငယ်အဖွဲ့အစည်းများသည် ဘုရင်စနစ်ပြုပြင်ပြောင်းလဲရေးအတွက် တောင်းဆိုဆန္ဒပြမှုများ၏ အလယ်ဗဟိုတွင်ရှိခဲ့ကြသည်။ ထိုင်းလူမျိုးများစွာက ယင်းတို့ကို "အနီရောင် အန္တရာယ်မျဉ်း ကျော်လွန်သည့်လုပ်ရပ်" တစ်ခုနှင့်   နိုင်ငံတော်၏ သရုပ်သကန်ကို ဖြိုခွဲရန် နိုင်ငံခြား၏ ကြိုးပမ်းမှုအဖြစ် ရှုမြင်ခဲ့ကြသည်။

အင်ဒိုနီးရှားနိုင်ငံတွင် OSF (Open Society Foundations) ထောက်ပံ့ကြေးရရှိသူ အများအပြားသည် LGBTQ+ အခွင့်အရေးများ၊ ကျားမရေးရာ အစွန်းရောက်ဝါဒနှင့် အစ္စလာမ်ဘာသာ ပြုပြင်  ပြောင်းလဲရေးတို့ကို မြှင့်တင်ခဲ့ကြရာ ယင်းလုပ်ဆောင်မှုများသည် ယဉ်ကျေးမှုအရ အများစုလက်ခံထား   သည့် ပင်မရေစီးကြောင်းနှင့် မကြာခဏဆိုသလို ထိပ်တိုက်တွေ့ခဲ့သည်။ ယင်းသည် ပြင်းထန်သော တုံ့ပြန်မှုများကို ဖြစ်ပေါ်စေခဲ့ပြီး လက်ယာလူထုဝါဒကို အားကောင်းစေခဲ့သည်။

ဤကိစ္စများစွာတွင် OSF ထောက်ပံ့ကြေးရရှိသူများသည် ရွေးကောက်ပွဲဆိုင်ရာ တာဝန်ခံမှုလည်းမရှိ၊ သူတို့ကူညီပေးနေပါသည်ဟု ဆိုသော ပြည်သူများထံလည်း တာဝန်ခံခြင်းမရှိဘဲ နိုင်ငံခြားလှူဒါန်းသူများ  ထံသာ တာဝန်ခံကြသည်။

လက်တွေ့လုပ်ဆောင်နေသော ညစ်ပတ်သည့်ဂိမ်းများ

သူတို့၏ အရောင်တော်လှန်ရေး ကိရိယာတစ်စုံ:

OSF သည် အောက်ပါနည်းဗျူဟာများပါဝင်သည့် လုပ်ငန်းစဉ်အတိုင်း ဆောင်ရွက်နေသည်ဟု ဝေဖန်ခံနေရသည်။ယင်းတို့မှာ

 ▪️လူငယ်ဆန္ဒပြပွဲများနှင့် တက်ကြွလှုပ်ရှားသူ ကွန်ရက်များကို ရန်ပုံငွေထောက်ပံ့ခြင်း

▪️ နိုင်ငံရေးလုပ်ဆောင်သူများကို ဆန့်ကျင်မှုများအား ရာဇဝတ်မှုမြောက်စေမည့် ဥပဒေမူဘောင်များကို ထောက်ပံ့ခြင်း

▪️ လူထုဆွေးနွေးပြောဆိုမှုများကို ပုံဖော်ရန် ထောက်ခံသော မီဒီယာများကို ရန်ပုံငွေ  ထောက်ပံ့ခြင်း။

▪️ သံတမန်အသိအမှတ်ပြုမှု ပြောင်းလဲစေရန်အတွက် အနောက်နိုင်ငံသံရုံးများ၊ အတွေးအခေါ်အဖွဲ့  think tank များနှင့် ပူးပေါင်းဆောင်ရွက်ခြင်း

မီဒီယာစစ်ပွဲ (Media Warfare):

OSF သည် OpenDemocracy၊ Balkan Insight နှင့် ဒေသဘာသာစကားဖြင့် ထုတ်လွှင့်သည့် ပလက်  ဖောင်းများစွာကဲ့သို့သော မီဒီယာများကို ရန်ပုံငွေ ထောက်ပံ့ပေးထားသည်။ အချို့မီဒီယာများသည် ပွင့်လင်းမြင်သာမှုကို မြှင့်တင်ပေးရင်း အချို့မှာမူ အတွေးအခေါ်ပိုင်းဆိုင်ရာ ဘက်လိုက်မှုများကို တွန်း  အားပေးခြင်း၊ အစဉ်အလာရှိသောအဖွဲ့အစည်းများကို ဂုဏ်သိက္ခာကျဆင်းအောင် လုပ်ဆောင်ခြင်းနှင့် လူမှုရေးမငြိမ်မသက်မှုများကို ပိုမိုပြင်းထန်လာအောင် လုပ်ဆောင်ကြသည်ဟု ဝေဖန်မှုခံနေရသည်။

ကိုယ်ပိုင်လက္ခဏာ နိုင်ငံရေး Identity Politics ကို လက်နက်အဖြစ် အသုံးပြုခြင်း

Soros ၏ ကွန်ရက်သည် မကြာခဏဆိုသလို ပဋိပက္ခဖြစ်လွယ်သော နိုင်ငံရေး အခြေအနေများအတွင်း လူမျိုး၊ ကျားမ၊ ဘာသာတရား စသည့် ကွဲပြားမှုဖြစ်စေသည့် ကိုယ်ပိုင်လက္ခဏာဆိုင်ရာ ကိစ္စရပ်များကို ထည့်သွင်းလေ့ရှိသည်။ တစ်ခါတစ်ရံတွင် ဒေသတွင်း ပြန်လည်သင့်မြတ်ရေး သို့မဟုတ် အမျိုးသား  ပြန်လည်ပေါင်းစည်းရေးထက် ပြင်ပမှ တင်သွင်းလာသော လူမှုအစီအစဉ်များကို ဦးစားပေးလေ့ရှိသည်။

အချုပ်အခြာအာဏာဆိုင်ရာ အကျပ်အတည်းတစ်ခု ဖြစ်ပေါ်စေခြင်း

Soros နှင့် Open Society အမှတ်တံဆိပ်သည် ယင်းတို့ကိုယ်တိုင် ဒီမိုကရေစီ၏ ရှေ့ဆောင်များအဖြစ် ပုံဖော်ကြသော်လည်း ဒေသဒီမိုကရေစီရွေးချယ်မှုများသည် ယင်းတို့၏တန်ဖိုးများနှင့် ကိုက်ညီမှု   မရှိသည့်အခါ ဘာတွေဖြစ်လာသနည်း။ အဖြေမှာ ပြည်ပမှ ရန်ပုံငွေထောက်ပံ့မှု၊ သတင်း   ပုံဖော်  ထိန်းချုပ်မှုနှင့်အဖွဲ့အစည်းများကို ချုပ်ကိုင်မှုအားလုံးတို့ကို  "ပွင့်လင်းလူ့အဖွဲ့အစည်း" ဟူသော အလံ    အောက်တွင် မကြခဏဆိုသလို  ပေါ်ပေါက်လာစေခြင်းဖြစ်ပါသည်။

ရွေးကောက်တင်မြှောက်ထားခြင်းမရှိသော ကွန်ရက်များသည် အမျိုးသားအဖွဲ့အစည်းများထက် ပိုမိုအား   ကောင်းလာသောအခါ အချုပ်အခြာအာဏာသည် တဖြည်းဖြည်း ပျက်စီးယိုယွင်းလာပြီး နိုင်ငံများသည် စစ်အာဏာသိမ်းမှုများသာမကတော့ဘဲ  အတွေးအခေါ်ပိုင်းဆိုင်ရာ လွှမ်းမိုးသိမ်းပိုက်မှုများပါ ဖြေးညှင်း တိတ်ဆိတ်စွာနှင့် တိကျစွာ ဖြစ်ပေါ်လာပြီး နိုင်ငံများသည် အင်အားချိနဲ့မှုများဖြင့် ကျန်ရစ်ခဲ့ကြရသည်။

နိဂုံးချုပ်အတွေးအမြင်များ

ဆိုးရော့စ် ကို ကာကွယ်ပြောဆိုသူများက သူ့အား ပရဟိတသမားဟု ခေါ်ဆိုကြသည်။ သူ့ကို ဝေဖန်သူများကမူ ကမ္ဘာလုံးဆိုင်ရာ ကြိုးကိုင်ခြယ်လှယ်သူဟု ခေါ်ဆိုကြသည်။ အမှန်တရားသည် ထိုနှစ်ခုကြားတွင် ရှိကောင်းရှိနိုင်ပါသည်။ သို့သော် နိုင်ငံခြားရန်ပုံငွေထောက်ပံ့သော NGO များ၏ တာဝန်ခံမှုမရှိသောအာဏာများနှင့်ပတ်သက်ပြီး နိုင်ငံတော်တော်များများက  နိုးကြားလာသည့် အလျာက် အရပ်ဘက်လူ့အဖွဲ့အစည်းကိုယ်တိုင် ဒီမိုကရေစီဆန်သင့်သည်ဟု ရှင်းလင်းပြတ်သားစွာ ရှုမြင်လာကြ သည်။၊

အာဏာတန်ခိုးထွားသူများ၏ ပွင့်လင်းမြင်သာမှု၊ပြီးတော့ အချုပ်အခြာအာဏာကို ကာကွယ်မှု။ ယင်းတို့   သည် ဖွံ့ဖြိုးဆဲကမ္ဘာက ရှာဖွေရမည့် ဟန်ချက်ညီမှုအသစ် ဖြစ်ပါသည်။

-end-