#LocalNews
Published -22 May 2022

မေလ(၂၂)ရက်မနက်ပိုင်း တိုင်းထွာချက်အရသောင်ရင်းမြစ်ရေဟာ မြဝတီမြို့မှာ စိုးရိမ်ရေမှတ်အထက် (၅)ပေခွဲခန့် ကျော်လွန်ရောက်ရှိနေပြီးနောက်ထပ် (၂)ပေခန့်ဆက်တက်နိုင်တဲ့အတွက် မိုးလေဝသနှင့်ဇလဗေဒညွှန်ကြားမှုဦးစီးဌာနက သတိပေးချက် ထုတ်ပြန်လိုက်ပါတယ်၊၊

သောင်ရင်းမြစ်ဟာ မြဝတီမြို့မှာ စိုးရိမ်ရေအမှတ် အထက်(၅)ပေခွဲမြင့်တက်နေရာမှ နောက်(၁)ရက်အတွင်း(၂)ပေခန့် ဆက်လက်တက်လာနိုင်တယ်လို့ ဆိုပါတယ်၊၊

ဒါကြောင့်မိုလို့ မြဝတီမြို့နယ်အတွင်းရှိ မြစ်ကမ်းအနီးနဲ့ မြေနိမ့်ပိုင်းနေထိုင်သူများအနေဖြင့် အထူး သတိပြုနေထိုင်ကြဖို့ မိုး/ဇလက သတိပေးချက်ထုတ်ပြီး နှိုးဆော်ထားပါတယ်၊၊

ymg/tthl
#Yangon_Media_Group

#WorldHealth
Published 22 May 2022

အမေရိကန်မှာ ကိုဗစ်ကူးစက်မှုနဲ့ ဆေးရုံတက်ကုသခံယူရမှုများ မြင့်မားလာကာ လူ ၃ ယောက်မှာ ၁ ယောက်နှုန်း ကူးစက်ခံနေရတာကြောင့် နှာခေါင်းစည်းတပ်ဆင်ခြင်းနဲ့ ကာကွယ်ရေးအတိုင်းအတာများ ပြန်လည်လုပ်ဆောင်သင့်ကြောင်း အစိုးရအုပ်ချုပ်ရေးအရာရှိများက သတိပေးတိုက်တွန်းလိုက်ပါတယ်။

အခုရက်ပိုင်းအတွင်း တစ်နေ့တည်းမှာပင် ကူးစက်သူပေါင်း ၁ သိန်းနီးပါးအထိ ရှိလာပါပြီ။

ဒီအရေအတွက်ဟာ အမှန်တကယ်ကူးစက်မှုထက် နည်းပါးနိုင်ပြီး အိမ်မှာတင်ကိုဗစ်စစ်ဆေးလာနိုင်တာကြောင့် သတင်းမပို့တဲ့သူတွေလည်းရှိနိုင်ကြောင်း တာဝန်ရှိသူများက ယူဆထားပါတယ်။

ရောဂါကူးစက်သူတွေနဲ့ ဆေးရုံတက်ကုသခံယူရမှုတွေများလာတာကြောင့် သတိပေးချက် အဝါရောင်အဆင့် သို့မဟုတ် လိမ္မော်ရောင်အဆင့်သတ်မှတ်ထားပြီး လူအများကြားနှာခေါင်းစည်းတပ်ဆင်ဖို့နဲ့ ကာကွယ်ရေးအတိုင်းအတာများဆောင်ရွက်ဖို့ ရောဂါထိန်းချုပ်ကာကွယ်ရေးစင်တာ(CDC)မှ ညွှန်ကြားရေးမှူး’ရိုချယ်လ်ဝယ်လန်စကီ’က တိုက်တွန်းလိုက်ပါတယ်။

ကိုဗစ်ရောဂါစစ်ဆေးခြင်း၊ နှာခေါင်းစည်းတပ်ဆင်ခြင်း၊ ကူးစက်လာခဲ့ရင် စောလျင်စွာကုသခံယူခြင်း၊ ကာကွယ်ဆေးထိုးခြင်းများပြုလုပ်ဖို့ ညွှန်ကြားခဲ့ပါတယ်။

အမေရိကန်ရှိ ကိုဗစ်ကြောင့်သေဆုံးသူအရေအတွက် ၁ သန်းကျော်ခဲ့ပြီဖြစ်ရာ ကပ်ရောဂါအစကခန့်မှန်းချက်ထက် ပိုများနေခဲ့တာဖြစ်ပြီး ဗုဒ္ဓဟူးနေ့က ‘ဝယ်လန်စကီ’အပြင် အိမ်ဖြူတော်မှကိုရိုနာကြီးကြပ်ရေးမှူး’အာရှစ်ဂျာ’နဲ့ ဆေးပညာအကြံပေးအရာရှိချုပ်’အန်သိုနီဖော်ချီ’တို့ကပါ သတိပေးချက်များ ထုတ်ပြန်ခဲ့တာဖြစ်ပါတယ်။

ကူးစက်မှုတွေက ပြီးခဲ့တဲ့အပတ်ကထက် ၂၆ ရာခိုင်နှုန်းများလာကာ ပြီးခဲ့တဲ့လကထက် ၃ ဆပိုများလာတာဖြစ်ပါတယ်။

အိုမီခရွန်မျိုးနွယ်ခွဲ ဗိုင်းရပ်စ်တွေကလည်း ခန္ဓာကိုယ်ခုခံအားကို ရှောင်ရှားနိုင်တာကြောင့် ‌လာမယ့်ဆောင်းဦးနဲ့ ဆောင်းရာသီတိုမှာ ကူးစက်မှုလှိုင်းတွေကနေ ကူးစက်သူ ၁ သန်းခန့်ရှိလာနိုင်တယ်လို့ သတိပေးထားကြပါတယ်။

အစိုးရအနေနဲ့ ကာကွယ်ဆေးတွေ၊ ပိုးသတ်ဆေးတွေ၊ ရောဂါပိုးစစ်ဆေးရေးပစ္စည်းတွေ၊ အရည်အသွေးမြင့် နှာခေါင်းစည်းတွေ မဝယ်ယူနိုင်ပါက ကူးစက်မှုလှိုင်းရောက်လာရင် အန္တရာယ်များကြောင်း တာဝန်ရှိသူများက သတိပေးလိုက်ပါတယ်။

မိုဒါနာနဲ့ ဖိုင်ဇာဘိုင်အိုတက်ခ်ကုမ္ပဏီတို့က အိုမီခရွန်မျိုးနွယ်ဝင်ဗိုင်းရပ်စ်အားလုံးကို ကာကွယ်နိုင်မယ့် အားမြှင့်ကာကွယ်ဆေးထုတ်လုပ်စမ်းသပ်လျက်ရှိပါတယ်။

လွန်ခဲ့တဲ့လတွေတုန်းက အမေရိကန်အုပ်ချုပ်ရေးအဖွဲ့က ကိုဗစ်ထောက်ပံ့ရေးစရိတ် ၂၂.၅ ဘီလီယံတောင်းခံခဲ့ပေမယ့် သဘောတူညီမှုမရခဲ့ပါဘူး။

ကူးစက်မှုမြင့်တက်လာခြင်းအကြောင်းအရင်းက နှာခေါင်းစည်းမဖြစ်မနေတပ်ဆင်ခြင်းနဲ့ လူအများနေရာတွေမှာ လူဦးရေကန့်သတ်ခြင်း စတဲ့ကန့်သတ်ချက်တွေကို ဖယ်ရှားလိုက်ခြင်းကြောင့်လည်း ပတ်သက်နေပါတယ်။

Source: The Washington Post.

#Yangon_Media_Group

#LocalNews
Published - 21 May 2022

ဧရာဝတီတိုင်းဒေသကြီး၊လပွတ္တာခရိုင် မော်လမြိုင်ကျွန်းမြို့တွင် မြိုနယ်တရားရုံး အဆောက်အဦသစ် ဖွင့်ပွဲအခမ်းအနားကို ယနေ့ မေ(၂၁)ရက် နံနက်ပိုင်းအချိန်က မော်လမြိုင်ကျွန်းမြို့၊ အသောကလမ်းရှိ အဆိုပါနေရာ၌ကျင်းပခဲ့ပါတယ်။

ထိုအဆောက်အဦးသစ်ဖွင့်ပွဲကို ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်း၊ ဧရာဝတီတိုင်းဒေသကြီး တရားလွှတ်တော်တရားသူကြီးချုပ် ဦးဝင်းမြင့်တို့က ဖဲကြိုးဖြတ်ဖွင့်လှစ်ပေးပြီး မြို့နယ်တရားရုံး ဆိုင်းဘုတ်ကို စက်ခလုတ်နှိပ်ဖွင့်လှစ်၍ အမွှေးနံ့သာရည်များ ပက်ဖျန်းပေးကာ ဖွင့်လှစ်ပေးခဲ့ကြပါတယ်။

ထို့နောက် ကမ္ပည်းမော်ကွန်းဆိုင်းဘုတ်ကို အမွှေးနံ့သာရည်များ ပက်ဖျန်းပေး ကြပြီး၊ အစီအစဉ်အရ အဆိုပါရုံးရှိ အစည်းအဝေးခန်းမ၌ ဆက်လက်ကျင်းပရာ ဧရာဝတီသား(ဟေ့) ဆောက်လုပ်ရေးကုမ္ပဏီမှ မန်နေးဂျင်းဒါရိုက်တာ ဦးမင်းမင်းက အဆောက်အဦးနှင့် ပတ်သက်၍ ရှင်းလင်းတင်ပြပြီး အဆောက်အဦးနှင့် ပတ်သက်သည့်စာရွက်စာတမ်းများကို တာဝန်ရှိသူများထံ လွှဲပြောင်းပေးအပ်ခဲ့ပါတယ်။

ယနေ့ ဖွင့်လှစ်သည့် မော်လမြိုင်ကျွန်းမြို့နယ်တရားရုံး၏ ပင်မအဆောက်အဦးသစ်မှာ အလျား (၁၁၇)ပေ၊ အနံ (၄၆)ပေ၊ အကျယ်အဝန်းရှိသည့်သံကူကွန်ကရစ်အမျိုးအစားနှစ်ထပ်အဆောက်အဦးဖြစ်ပြီး တရားရုံးတွင် အသုံးပြုသူများအနေဖြင့် တရားစီရင်ရေးဆိုင်ရာ လုပ်ငန်းများကို အဆင်ပြေချောမွေ့စွာ ဆောင်ရွက်နိုင်ရန် စီစဉ်ထားရှိတယ်လို့ သတင်းရရှိပါတယ်။

ymg/kg
#Yangon_Media_Group

#WorldArts
Published 21 May 2022

ဂျပန်တို့ရဲ့ တိုင်ကိုဒရမ်တီးခတ်ခြင်းကို ဘာသာရေးပွဲတော်များ၊ ရိုးရာပြဇာတ်ဖျော်ဖြေရေးပွဲများနဲ့ ရာသီအလိုက်ပျော်ပွဲ ရွှင်ပွဲတွေမှာ တီးခတ်ဖျော်ဖြေလေ့ရှိပါတယ်။

#Yangon_Media_Group

#HealthMatters
Published - 21 May 2022

မြန်မာနိုင်ငံမှာ ဘယ်လိုကြိုတင်ကာကွယ်မှုတွေလုပ်သင့်ပါသလဲ???

#Yangon_Media_Group

Published 21 May 2022

ရုရှားသမ္မတ ဗလက်ဒီမာပူတင်က နည်းပညာဆိုင်ရာ အချုပ်အခြာအာဏာကို တောင်းဆိုလိုက်ပြီး နိုင်ငံခြားနည်းပညာတွေ အပေါ်မှီခိုတာတွေဖြတ်တောက်ပစ်ရလိမ့်မယ်လို့ပူတင်ကပြောပါတယ်။ ယူကရိန်းကို စစ်တပ်တွေစေလွှတ်ကတည်းက ရုရှားဟာ များပြားလှစွာသော ဆိုက်ဘာတိုက်ခိုက်မှု ခံနေရတာဖြစ်ပါတယ်။

Source AFP

#HealthMatters
Published - 21 May 2022

ကိုဗစ်ကပ်ရောဂါနှင့်ရော ဆက်စပ်နိုင်ပါသလား???

#Yangon_Media_Group

#HealthMatters
Published - 21 May 2022

အခုကမ္ဘာ့နိုင်ငံပေါင်း ၂၄ နိုင်ငံကျော်မှာ ကလေးသူငယ်တွေကြားထဲ ထူးဆန်းတဲ့ အသည်းရောင်ရောဂါဖြစ်ပြီး ကလေးငါးဦးသေဆုံးခဲ့ပြီးပါပြီ။ အဲဒီရောဂါဟာ ဘယ်လိုရောဂါမျိုးလဲ???

#Yangon_Media_Group

#LocalNews
Published - 21 May 2022

ရန်ကုန်တိုင်းဒေသကြီးအတွင်းရှိ ခရမ်း၊ သုံးခွ၊ သန်လျင် မြို့နယ်(၃)မြို့နယ်အား ဆိုင်ကယ်မစီးရ မြို့နယ်များအဖြစ် သတ်မှတ်လိုက်ပြီဖြစ်တယ်လို့ သိရပါတယ်။

#Yangon_Media_Group

#LocalNews
Published -21 May 2022

မိုးရွာလို့၊ မိုးကြီးလို့ လူတွေသိပ်မထွက်တာကတစ်ကြောင်း၊ အင်တာနက်ကနေပဲ သတင်းတွေဖတ်ကြတာကတစ်ကြောင်းကြောင့် ရန်ကုန်မှာ ဂျာနယ်နဲ့သတင်းစာရောင်းအားတွေ ထက်ဝက်လောက်ထပ်မံကျဆင်းလာတယ်လို့ ဂျာနယ်၊ သတင်းစာရောင်းချသူတွေထံမှ သိရပါတယ်၊၊

#Yangon_Media_Group

#LocalNews
Published_21 May 2022

နိုင်ငံတော်သြဝါဒါစရိယအဘိဓဇ မဟာရဋ္ဌဂုရု အဘိဓဇအဂ္ဂမဟာသဒ္ဓမ္မဇောတိက အဂ္ဂမဟာသဒ္ဓမ္မဇောတိကဓဇ အဂ္ဂမဟာပဏ္ဏိတ ဒေါက်တာဘဒ္ဒန္တသိဒ္ဓိယ D.Litt (Doctor of Literature) (ပုညနိမ္မိတာ ရွှေသုဝဏ် ကျောင်းတိုက်၏ ပဓာနနာယကဆရာတော်) ဘုရားကြီးသည် ယနေ့ မေလ၂၁ ရက် နံနက် ၁ နာရီ ၄၀မိနစ်အချိန်က အမှတ် (၂) တပ်မတော်ဆေးရုံ (ကုတင်၅၀၀) ၌ ပျံလွန်တော်မူသွားကြောင်း သိရသည်။

ဆရာတော်ကြီးသည် ဆေးကုသမှုခံယူနေရခြင်းဖြစ်ကြောင်း၊ ပျံလွန်တော်မူစဉ် သက်တော် (၈၄)နှစ်အရွယ်ရှိပြီ ဖြစ်ကာ ဆရာတော်ဘုရားကြီး ၏ ရုပ်ကလက်တော်အား မေလ၂၈ ရက်ထိ သင်္ဃန်းကျွန်းမြို့နယ်၊ ကြီးပွားရေးရပ်ကွက်၊ ရွှေသုဝဏ်ကျောင်းတိုက်အတွင်း အပူဇော်ခံထားရှိမည်ဖြစ်ကြောင်း သိရသည်။

ymg/mt
#Yangon_Media_Group

#LocalNews
Published -21 May 2022

မုန်တိုင်းဖြတ်ကျော်မှုကြောင့် နေအိမ်တွေပြိုပျက်တာ၊ ထိခိုက်ပျက်စီးတာတွေရှိလို့ မော်လမြိုင်ရှိ မုန်တိုင်းရှောင်စခန်းမှာ ခိုလှုံနေရသူ လူဦးရေ(၁၅၀)ကျော်လောက်ရှိတယ်လို့ မုန်တိုင်းရှောင်ပြည်သူတွေကို စောင့်ရှောက်ထားတဲ့ ကိုဇင်မိုးက YMG ကို ပြောပါတယ်၊၊

မော်လမြိုင် သာယာအေးရပ်မှ မုန်တိုင်းရှောင်စခန်းဖြစ်တဲ့ ဓမ္မာရုံထဲမှာ မုန်တိုင်းရှောင်ပြည်သူ (၁၅၀)ကျော်ကို ကျွေးမွေးစောင့်ရှောက်ထားတယ်လို့ ဆိုပါတယ်၊၊

"မော်လမြိုင်မှာမနေ့က မုန်တိုင်းဖြတ်တာပေါ့နော်၊၊ ရာသီဥတုအခြေအနေဆိုးခဲ့တာပေါ့နော်၊၊သာယာအေး၊ ဝက်ကြီးကွေ့ဘက်ခြမ်းနေရာတွေမှာ အိမ်ကြီး အိမ်ကောင်းတွေမဟုတ်တော့ သွပ်မိုး၊ ထရံကာတွေဆိုတော့ ပြိုတဲ့ဟာပြို လုံးဝသုံးမရတာတွေရှိတော့ လေဒဏ်မိုးဒဏ်ခံတဲ့ ဓမ္မာရုံကို ကျွန်တော်တိုရွေ့ပြောင်းပေးခဲ့တယ်၊၊ ညက ထမင်းဟင်းတွေ ချက်ကျွေးခဲ့တယ်၊၊ ဒီကနေ့အထိ မုန်တိုင်းရှောင်တဲ့သူ(၁၅၀)လောက်ရှိတာပေါ့ သူတို့စားဖို့သောက်ဖို့ကို ကျွန်တော်ပဲတာဝန်ယူချက်ပြုတ်နေတယ်၊၊ နေအိမ်တွေပြန်လို့တော့မရသေးဘူး၊၊ သွပ်မိုးတွေ ဘာတွေ ပြန်ပြင်ရဦးမယ်"လို့ မုန်တိုင်းရှောင်ပြည်သူတွေကို စောင့်ရှောက်ထားတဲ့ ကိုဇင်မိုးက ပြောပါတယ်၊၊

အလှူရှင်တွေကတော့ ဆက်သွယ်လှူဒါန်းမှုတွေရှိနေပြီဖြစ်ပြီး လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဦးစီးဌာနကတော့ လာရောက်တာမျိုး မရှိသေးဘူးလို့ သိရပါတယ်၊၊

ymg/tthl
#Yangon_Media_Group