#World_News
Published 26 July 2024

▪️ ဂါဇာမှာ အပစ်အခတ်ရပ်စဲရေး သဘောတူညီချက်ရယူရန် အမေရိကန်ဒုသမ္မတ ကာမယ်လာဟားရစ်က အစ္စရေးလ်ဝန်ကြီးချုပ် ဘင်ဂျမင်နေတန်ညာဟူကို ကြာသပတေးနေ့က ဖိအားပေးပြောကြားလိုက်ပါတယ်။

▪️ ပါလက်စ်တိုင်းလူမျိုးတွေ စစ်ဘေးဒဏ်ခံစားနေရတာတွေ လျှော့ချပေးဖို့ လိုအပ်တဲ့အကြောင်းကို ဟားရစ်က သမ္မတဂျိုးဘိုင်ဒင်ထက် ပိုမိုပြတ်သားမာကျောတဲ့ လေသံဖြင့် ပြောကြားခဲ့တာ ဖြစ်ပါတယ်။

▪️ ဟားရစ်ဟာ နေတန်ညာဟူနဲ့ မျက်နှာချင်းဆိုင် ဆွေးနွေးမှုများ ပြုလုပ်ပြီးနောက် စစ်ပွဲအဆုံးသတ်ချိန်တန်ပြီလို့ ထုတ်ဖော်ပြောဆိုခဲ့ပါတယ်။

▪️ ရွေးကောက်ပွဲယှဉ်ပြိုင်မှုကနေ ဘိုင်ဒင်နုတ်ထွက်ပြီးနောက် ဒီမိုကရက်တစ် သမ္မတရွေးကောက်ခံ ကိုယ်စားလှယ် ဖြစ်လာနိုင်ခြေများနေတဲ့ ဟားရစ်က ဂါဇာမှ လူသားချင်းစာနာကူညီမှုအကြောင်း ပြောကြားရာမှာ ပျော့ညံ့မနေခဲ့ပါဘူး။

▪️ လူတွေ ဒုက္ခခံစားနေရတာကို ဒီအတိုင်း ကြည့်မနေနိုင်သလို နှုတ်ဆိတ်နေမှာလည်း မဟုတ်ဘူးလို့ ဆိုပါတယ်။

▪️ ဟားရစ်ရဲ့ ပြောဆိုချက်တွေက လေသံပြတ်သားမာကျောပြီး သမ္မတအဖြစ် ရွေးချယ်ခံရပါက နေတန်ညာဟူနဲ့ ပြောဆိုရာမှာ ဒီထက်ပိုပြီး ပြတ်သားနိုင်မလားဆိုတာ စဉ်းစားစရာဖြစ်လာပါတယ်။

▪️ ဒါပေမဲ့ အစ္စရေးလ်အပေါ်ထားရှိတဲ့ အမေရိကန်ရဲ့ မူဝါဒကတော့ ပြောင်းလဲမှုကြီးကြီးမားမား ဖြစ်လာဖွယ်မရှိဘူးလို့ သုံးသပ်နေကြပါတယ်။

▪️ ဘိုင်ဒင်ကလည်း အစောပိုင်းက နေတန်ညာဟူနဲ့ တွေ့ဆုံပြီး ဂါဇာမှာ အပစ်အခတ်ရပ်စဲရေးအတွက် ညှိနှိုင်းဖို့၊ အထောက်အပံ့ကူညီမှုများ ရောက်ရှိရေးအတွက် အဟန့်အတားများ ဖယ်ရှားဖို့ ပြောကြားခဲ့ပါသေးတယ်။

▪️ အပစ်အခတ်ရပ်စဲရေးကို အဓိကထားညှိနှိုင်းလာတာ လနဲ့ချီနေပြီဖြစ်ပြီး ရက်သတ္တပတ် ၆ ပတ်ကြာ ရပ်စဲရေး သဘောတူညီချက် ရဖို့ရာ အဖွဲ့အစည်းပါတီများအနေဖြင့် ပိုမိုနီးကပ်စွာ ဆက်ဆံလာရကြောင်း အမေရိကန်အရာရှိများ ယူဆထားပါတယ်။

▪️ ဘိုင်ဒင်ရဲ့ သဘောထားအတိုင်း ဒုသမ္မတတစ်ယောက်အနေဖြင့် ဟားရစ်ကလည်း အစ္စရေးလ်ရဲ့ ကိုယ်ပိုင်ကာကွယ်ခွင့်ကို ထောက်ခံထားပေမယ့် အစ္စရေးလ်ရဲ့ စစ်ရေးချဉ်းကပ်ပုံနဲ့ ပတ်သက်ပြီး စိတ်မရှည်တော့ဘူးလို့ ကြာသပတေးနေ့က ပြတ်ပြတ်သားသား ဆိုလိုက်ပါတယ်။

▪️ စစ်ဘေးရှောင်များစွာရှိနေတဲ့ ဂါဇာတောင်ပိုင်းမှ ရာဖာမြို့ကို အစ္စရေးလ်ကျူးကျော်မှုကြီး ပြုလုပ်ပါက ဖြစ်လာနိုင်မယ့် အကျိုးဆက်တွေလည်း ရှိလာနိုင်တယ်ဆိုတာကို ဟားရစ်က သတိပေးခဲ့ပါတယ်။

#Source: Reuters

#World_News
Published 26 July 2024

▪️ တရုတ်မှ သိပ္ပံပညာရှင်တွေက အာကာသမှာ လွယ်ကူစွာသွားလာနိုင်ရန် ရည်မှန်းပြီး ကမ္ဘာမြေနဲ့ လကမ္ဘာကြား ဆက်သွယ်မှုကွန်ရက်ကြီး ဖန်တီးဖို့အတွက် လမ်းကြောင်းချနေပါတယ်။

▪️ တရုတ်အာကာသ နည်းပညာအကယ်ဒမီနဲ့ ပေကျင်းအာကာသစနစ် သုတေသီများအဖွဲ့အစည်းတို့မှ ဖော်ပြချက်အရ တစ်ကမ္ဘာလုံးမှ အသုံးပြုသူများ လက်တွေ့ဆက်သွယ်ရေး၊ လမ်းညွှန်ပြခြင်း၊ စောင့်ကြည့်ရေးဝန်ဆောင်မှုများ ပေးစွမ်းနိုင်ရန် လကမ္ဘာစခန်း ၃ ခုကွန်ရက်ကြီးနဲ့ ဂြိုဟ်တု ၃၀ ပါဝင်ပါတယ်။

▪️ ဒီလမ်းကြောင်းကြီး ဖန်တီးရန် ရည်ရွယ်ချက်က အာကာသခရီးသွား ၂၀ နဲ့အထက်အနေနဲ့ အသံ၊ ပုံရိပ်၊ ဗီဒီယိုတွေကတဆင့် ကမ္ဘာမြေနဲ့ တပြိုင်တည်းဆက်သွယ်နိုင်ရန် ဖြစ်ပါတယ်။

▪️ ကွန်ရက်ဟာ လနဲ့ ကမ္ဘာကြား အာကာသယာဉ် ခရီးသွားစဉ်နဲ့ လကမ္ဘာမျက်နှာပြင် လုပ်ဆောင်ချက်များ ပြုလုပ်နေစဉ် တိကျစွာ နေရာချခြင်း၊ လမ်းညွှန်ပြခြင်း၊ အချိန်ကိုက်မှုတွေ ပေးစွမ်းနိုင်မှာ ဖြစ်ပါတယ်။

▪️ အာကာသအတွင်းရွေ့လျားနေတဲ့ အရာတွေဟာ လူသားတွေအတွက် နယ်မြေအသစ် ဖြစ်လာနိုင်တယ်လို့ တရုတ် ချန်ဂယ်-၅မစ်ရှင် ဒီဇိုင်းဖန်တီးရေးမှူး ယန်မန်းဖေဦးဆောင်တဲ့ အဖွဲ့က ဆိုပါတယ်။

▪️ ထိုနေရာဟာ ကမ္ဘာနဲ့လကြားက နေရာဖြစ်ပြီး လကမ္ဘာပတ်လမ်းကြောင်းရှိတဲ့ ကမ္ဘာနဲ့ အာကာသကြားက ဂြိုဟ်တုပတ်လမ်းကြောင်းတွေ ပါဝင်ပါတယ်။

▪️ တရုတ်ဟာ နက်ရှိုင်းတဲ့ အာကာသနဲ့ လကမ္ဘာစူးစမ်းရေးမှာ အဓိကလှုပ်ရှားနေပြီး အနာဂတ်မစ်ရှင်များအတွက် ရင်းမြစ်များ အများဆုံးရရှိနိုင်ဖို့ လုပ်ဆောင်နေကြောင်း သုတေသီများဆိုပါတယ်။

▪️ ထိုအစီအစဉ်ထဲမှာ စကြဝဠာစနစ် အပြင်ဘက်ရှိ စူးစမ်းရေးမစ်ရှင်များ၊ နိုင်ငံတကာ လကမ္ဘာသုတေသနစခန်း တည်ဆောက်ရေး၊ လကမ္ဘာပေါ် လူသားများဆင်းသက်ရေး စတာတွေ ပါဝင်ပါတယ်။

▪️ ဒီလိုအစီအစဉ်တွေက အမေရိကန်၊ ဥရောပ၊ ဂျပန်တို့မှာ ရှိထားပေမယ့် လက်တွေ့အကောင်အထည် မဖော်ကြသေးဘဲ တရုတ်ကတော့ အခွင့်အရေး ထူးထူးခြားခြား ရရှိနေတယ်လို့ ပြောသွားပါတယ်။

#Source: WION

#World_Health
Published 26 July 2024

▪️ ပူပြင်းတဲ့ နွေရာသီကျရင် အပြင်သွားရင်ဖြစ်ဖြစ်၊ အိမ်ထဲမှာပဲဖြစ်ဖြစ်၊ အိပ်နေရင်းနဲ့ပင် ချွေးတွေထွက်နေတတ်ပါတယ်။

▪️ အိပ်ရာထဲမှာ ချွေးထွက်ခြင်းဖြင့် ခေါင်းအုံးတွေမှာ ဘက်တီးရီးယားတွေ ပေါက်ဖွားလာနိုင်ပြီး အိမ်သာထက်ပင် ပိုပြီးညစ်ပတ်စရာ ဖြစ်နိုင်တယ်လို့ ပညာရှင်များ ဖော်ပြလာပါတယ်။

▪️ ထိုဘက်တီးရီးယားတွေက မိမိဆီကနေ ထွက်ပေါ်တာကြောင့် ဘေးအန္တရာယ်တော့ မဖြစ်စေနိုင်လောက်ဘူးလို့ ဒေါက်တာ ဂါရက်နဲက ဆိုပါတယ်။

▪️ ပိုးမွှားနဲ့ ဘက်တီးရီးယားများ ကင်းရှင်းရန်အတွက် ခေါင်းအုံးတွေနဲ့ အိပ်ရာခင်းတွေကို တစ်ပတ်တစ်ခါ လျှော်ဖို့ တိုက်တွန်းထားပါတယ်။

▪️ မလျှော်ဘဲနဲ့ တစ်ပတ်ကျော်ကြာလာရင် ခေါင်းအုံးတွေမှာ တစ်လက်မစတုရန်းလျှင် ပိုးမွှား ၃ သန်းCFU ရှိလာနိုင်ပါတယ်။

▪️ ပျမ်းမျှအားဖြင့် တစ်ညကို ချွေး ၅၀၀ မှ ၇၀၀ မီလီမီတာခန့် ဆုံးရှုံးနိုင်ပြီး ၂၀၀ မီလီမီတာလောက်က အိပ်ရာခင်းထဲ ရောက်သွားနိုင်ပါတယ်။

▪️ ခန္ဓာကိုယ်ကနေ အရေပြားဆဲလ်တွေ တစ်နေ့ကို သန်း ၅၀၀ လောက်ဆုံးရှုံးနေပြီး အရည်တွေလည်း ဆုံးရှုံးနေပါတယ်။

▪️ သတိမထားလိုက်ပါက ထိုဆဲလ်တွေကနေ မှိုများ၊ မွှားများပါ ထွက်ပေါ်လာနိုင်ပြီး ဓာတ်မတည့်ခြင်းနဲ့ ရင်ကြပ်ခြင်းတို့ ဖြစ်ပေါ်နိုင်ပါတယ်။

▪️ ခေါင်းအုံးတစ်ခုမှာ မှိုမျိုးကွဲပေါင်း ၁၆ မျိုးခန့်နဲ့ အကောင်ပေါင်း သန်းချီပါဝင်နိုင်ပါတယ်။

▪️ အိပ်ရာထပြီးနောက် အိပ်ရာသိမ်းတဲ့အခါမှာလည်း လေမရတဲ့နေရာဖြစ်ပါကလည်း ပိုးမွှားတွေပေါက်နိုင်ပါတယ်။

▪️ နွေရာသီမှာ အိပ်ရာကို နေပြသင့်ပြီး မကြာခဏ လဲပေးသင့်တယ်လို့ ပညာရှင်များ အကြံပြုပါတယ်။

#Source: New York Post

ဘေဂျင်းတွင်ပြုလုပ်သည့် ပါလက်စ်တိုင်းအဖွဲ့ခွဲများ ပြန်လည်သင့်မြတ်ရေးဆွေးနွေးပွဲတွင် သဘောတူညီမှုများရရှိ

ဇူလိုင် ၂၁ ရက်နေ့မှ ၂၃ ရက်နေ့အထိ ဘေကျင်းမှာပြုလုပ်တဲ့ ပြန်လည်သင့်မြတ်ရေး ဆွေးနွေးပွဲမှာ ပါလက်စ်တိုင်းအဖွဲ့ခွဲ ၁၄ ဖွဲ့ဟာ ဂိုဏ်းကဏကွဲပြားမှု အဆုံးသတ်ရေးနဲ့ စည်းလုံးညီညွတ်မှု အားကောင်းရေးတို့အတွက် လက်တွေ့ကျပြီး အသေးစိတ်ကျတဲ့ သဘောတူညီချက်တစ်ခုရရှိခဲ့ကြောင်း ပါလက်စ်တိုင်းအမျိုးသားအဖွဲ့အစည်း (PNI)မှ အထွေထွေအတွင်းရေးမှူး မူစတာဖာဘာဂေါ်တီက ပြောပြခဲ့ပါတယ်။
#World_News
Published 25 July 2024
#ပါလက်စ်တိုင်းအဖွဲ့ခွဲ #မူစတာဖာဘာဂေါ်တီ
#YMG #Yangon_Times #Yangon_Media_Group

၂၅ ဇူလိုင် ၂၀၂၄

မူးယစ်ဆေးဝါး တရားမဝင်ရောင်းဝယ်ဖောက်ကားမှုနှင်သံသယရှိနေတဲ့ တရုတ်နိုင်ငံသား (၃)ဦးကို မြန်မာနိုင်ငံက တရုတ်နိုင်ငံဘက်သို့ ဇူလိုင် ၂၄ရက်က လွှဲပြောင်းပေးလိုက်တယ်တယ်လို့ တရုတ်ပြည်သူ့လုံခြုံရေးဝန်ကြီးဌာနကပြောပါတယ်။

မြန်မာနိုင်ငံထဲ မြောက်ပိုင်းမှာ နှစ်ကာလရှည်ကြာ အခြေချနေထိုင်ခဲ့တဲ့ အဲဒီတရုတ်နိုင်ငံသား (၃)ဦးဟာ  တရုတ်နိုင်ငံသို့ မူးယစ်ဆေးဝါး နှစ်ထောင် ကီလိုဂရမ်ကျော် မှောင်ခိုတင်ပို့ခဲ့တယ်လို့ ပြောပါတယ်။

Source CCTV+

#Daily_News
Published 25 July 2024

၁။ အပျော်စီးသင်္ဘောပေါ်၌ အသုံးပြုနိုင်မည့်လုပ်ငန်းသုံး အင်္ဂလိပ်စာအခမဲ့သင်တန်းဩဂုတ်လ၌ထပ်ဖွင့်မည်

၂။ စစ်ကိုင်းတိုင်းအတွင်းရှိ ယဉ်ကျေးမှုအခြေခံသည့် ဒေသများသို့ တစ်လတာအတွင်းပြည်တွင်း၊ပြည်ပခရီးသွားတစ်သောင်းကျော်ဝင်ရောက်ထား

၃။ သံလွင်မြစ်‌ရေနှင့် ဘီးလင်းမြစ်ရေတက်နေ၍ ဘားအံနှင့်ဘီးလင်းမြို့သူမြို့သားများ သတိထားရန်လို 

၄။ ဘေဂျင်းတွင်ပြုလုပ်သည့် ပါလက်စ်တိုင်းအဖွဲ့ခွဲများ ပြန်လည်သင့်မြတ်ရေးဆွေးနွေးပွဲတွင် သဘောတူညီမှုများရရှိ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပြည်ပနိုင်ငံ‌တွေကို စေလွှတ်ထားတဲ့ အလုပ်သမားတွေရဲ့ ကိုယ်ရေးအချက်အလက်ပေးပို့ဖို့ ပျက်ကွက်တဲ့ အေဂျင်စီ ထက်ဝက်ခန့်ရှိနေတယ်လို့ အလုပ်သမားညွှန်ကြားရေးဦးစီးဌာနက သိရပါတယ်။ အလုပ်သမားတွေရဲ့အချက်အလက်ပေးပို့ဖို့ ပျက်ကွက်တဲ့ အေဂျင်စီတွေကိုလုပ်ငန်းဆိုင်းငံ့မယ့်အ​ပြင် ဒဏ်ကြေး​ပါ ကောက်မယ်လို့ သိရပါတယ်။
#Local_News
Published 25 July 2024
#ကိုယ်ရေးအချက်အလက်မပေး #အေဂျင်စီတွေကိုလုပ်ငန်း
#YMG/NN #Yangon_Times

#Local_News
Published 25 July 2024

▪️ တရုတ်-မြန်မာနှစ်နိုင်ငံ မူကြီး(၅)ရပ်ကို ဆက်လက်ကျင့်သုံးပြီး မြန်မာနိုင်ငံနှင့်အတူကမ္ဘာလုံးဆိုင်ရာဖွံ့ဖြိုးတိုးတက်မှု အစီအမံများ ဆက်လက်ဆောင်ရွက်မည်ဖြစ်ကြောင်း မြန်မာနိုင်ငံဆိုင်ရာ တရုတ်သံရုံးမှ သိရသည်။

▪️ ယင်းကဲ့သို့ ဆောင်ရွက်မည့် အကြောင်းကို တရုတ်နိုင်ငံမှစီစဉ်ကျင်းပတဲ့ "ငြိမ်းချမ်းစွာအတူယှဉ်တွဲနေထိုင်ရေးမူကြီး(၅)ရပ် ထုတ်ပြန်ခြင်းနှစ်(၇၀) ပြည့်ဆွေးနွေးပွဲ"အခမ်းအနားတွင် မြန်မာနိုင်ငံဆိုင်ရာ တရုတ်သံရုံးမှသံမှူး Ms.Qiao Liမှထည့် သွင်းပြောကြားခဲ့ခြင်းဖြစ်သည်။

▪️ မြန်မာနိုင်ငံဆိုင်ရာ တရုတ်သံရုံးမှသံမှူးက  "တရုတ်နိုင်ငံဟာ ဆက်လက်ပြီး  ငြိမ်းချမ်းစွာအတူယှဉ်တွဲနေထိုင်ရေးမူကြီး(၅)ရပ်လမ်းညွှန်ချက်ဖြင့် ချစ်ကြည်ရင်းနှီးခြင်း၊ ရိုးသားစွာဆက်ဆံခြင်း၊ အပြန်အလှန်အကျိုးဖြစ်ထွန်းခြင်း၊ အားလုံးပါဝင်ခြင်းဆိုတဲ့ အိမ်နီးချင်းနိုင်ငံများနဲ့ သံတမန်ဆက်ဆံရေးကို လက်တွေ့ဖော်ဆောင်ကာ မြန်မာနိုင်ငံနဲ့ အတူ (၁)ကမ္ဘာလုံးဆိုင်ရာဖွံ့ဖြိုးတိုးတက်မှု အစီအမံ၊(၂)ကမ္ဘာလုံးဆိုင်ရာလုံခြုံရေးအစီအမံ၊ (၃)ကမ္ဘာလုံးဆိုင်ရာ လူသားယဉ်ကျေးမှု အစီအမံဆိုတဲ့ အစီအမံ(၃)ခုကို ချိတ်ဆက်ဖော်ဆောင်ကာ တရုတ်မြန်မာနိုင်ငံက Belt and Roadsစီးပွားရေးစင်္ကြန် တည်ဆောက်မှုကို မြှင့်တင်ဖော်ဆောင်သွားမှာဖြစ်တယ်"လို့ ထည့်သွင်းပြောကြားခဲ့သည်။

▪️ အဆိုပါ ဆွေးနွေးပွဲသို့မြန်မာနိုင်ငံဆိုင်ရာ တရုတ်သံရုံးမှယာယီတာဝန်ခံ Ms.Cao Jing၊ နိုင်ငံတော် စီမံအုပ်ချုပ်‌ရေးကောင်စီဥက္ကဌရုံး၊ ဝန်ကြီး ဌာန(၂)ပြည်ထောင်စုဝန်ကြီး ဦးကိုကိုလှိုင်၊

▪️ မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ ဥက္ကဌ ဦးသန့်ကျော်၊ပြည်ထောင်စုကြံ့ခိုင်ရေးနှင့်ဖွံ့ဖြိုးတိုးတက်‌ ရေးပါတီ ဗဟိုအလုပ်အမှုဆောင်၊ ရန်ကုန်တိုင်းဒေသကြီးပါတီ ဥက္ကဌ  ဦးခင်မောင်စိုး၊

▪️ မြန်မာ-တရုတ်ချစ်ကြည် ရေးအသင်းဒုတိယဥက္ကဌဦးခင်မောင်ဌေး၊ နိုင်ငံခြားဘာသာတက္ကသိုလ်ဒုပါမောက္ခချုပ်ဒေါက်တာချောချောစိန်၊

▪️ နေအုပ်ဖောင်ဒေးရှင်းဥက္ကဌ ဦးနေအုပ်နှင့် မြန်မာနိုင်ငံဆိုင်ရာ တရုတ်သံရုံးမှသံမှူး Ms.Qiao Li တို့တက်ရောက် အမှာစကားပြောကြားခဲ့ကြောင်း သိရသည်။

#YMG/tthl #Yangon_Times

မိုးရွာသွန်းမှုသည်းထန်ပြီး ရေတိုက်စားတာကြောင့် ကရင်ပြည်နယ်၊ ဘားအံ-ထီလုံ-သရက်တော-နဘူး-ထိုကော်ကိုး-မြဝတီလမ်းပေါ်ရှိ နောင်ခွီးချဉ်ကပ်တံတားကျိုးကျမှု ဖြစ်ပွားခဲ့တယ်လို့ ဒေသခံတွေဆီက သိရပါတယ်။
#Local_News
Published 25 July 2024
#ဘားအံ-မြဝတီလမ်း #နောင်ခွီးတံတားကျိုးကျ
#YMG/NN #Yangon_Times

သံလွင်မြစ်‌ရေနဲ့ဘီးလင်းမြစ်ရေတက်နေလို့ ဘားအံနဲ့ မော်လမြိုင်၊ ဘီးလင်းမြို့သူမြို့သားများသတိထားဖို့ လိုအပ်တယ်လို့ သိရပါတယ်။
#Local_News
Published 25 July 2024
#သံလွင်မြစ်‌ရေ #ဘီးလင်းမြစ်ရေတက်
#YMG/tthl #Yangon_Times

စစ်ကိုင်းတိုင်းဒေသကြီးအတွင်းရှိ ယဉ်ကျေးမှုအခြေခံတဲ့ ဒေသတွေကို တစ်လတာအတွင်းပြည်တွင်း၊ ပြည်ပခရီးသွားတစ်သောင်းကျော်ဝင်ရောက်ထားတယ်လို့ ဟိုတယ်နှင့်ခရီးသွားညွှန်ကြားမှုဦးစီးဌာနက သိရပါတယ်။
#Local_News
Published 25 July 2024
#ယဉ်ကျေးမှုအခြေခံ #ဟိုတယ်နှင့်ခရီးသွားညွှန်ကြားမှု
#YMG/NN #Yangon_Times

၂၅ ဇူလိုင် ၂၀၂၄

ထိုင်းနိုင်ငံ ဆမွန်ပရာကန်ပြည်နယ် ဘန်ဘိုခရိုင်ရှိ ကလောင်ဒန်မှာ ဇူလိုင်၂၄ရက်ညက အရက်မူးနေတဲ့သူတစ်ဦးက ဓားနှင့် တိုက်ခိုက်တဲ့အတွက်  မြန်မာအမျိုးသမီးတစ်ဦးသေဆုံးပြီး သူ့ခင်ပွန်းလည်းဒဏ်ရာရရှိသွားတယ်လို့ ထိုင်းမီဒီယာတွေရဲ့ ဖော်ပြချက်အရသိရပါတယ်။

သေဆုံးသူမှာ အသက် ၅၁နှစ်အရွယ် မြန်မာအမျိုးသမီး မီမီအေးဆိုသူဖြစ်ပြီး သူမဟာ တစ်ထပ်အဆောက်အဦက ငှားထားတဲ့ အခန်းရဲ့ရှေ့ လမးပေါ်မှာ လဲကျသေဆုံးနေတာတွေ့ရတယ်လို့ ရဲမှူး ပွန်ချိုင်း ကွမ်ကန်တော့ဒ်က ပြောပါတယ်။

သူမဟာ နှလုံးအပါအဝင် ခန္ဓာကိုယ်အနှံ့မှာ ဓားထိုးဒဏ်ရာ အချက်ပေါင်းများစွာရရှိထားပါတယ်။ သူမဟာ အခင်းဖြစ်ပွားနေရာ မှာပဲ သေဆုံးခဲ့တာဖြစ်ပါတယ်။

သူမရဲ့ခင်ပွန်း အသက် ၃၈ နှစ်အရွယ် ဇင်ပန်ဟာလည်း တိုက်ခိုက်ခံရမှုကြောင့် ဒဏ်ရာတွေရရှိခဲ့ကာ ဘန်ဘိုဆေးရုံသို့ အရေးပေါ်ကုသခံရန် ပို့ဆောင်လိုက်ရပါတယ်။

အိမ်နီးချင်းတစ်ဦးဖြစ်တဲ့ “ဝင်း” ဆိုတဲ့ မြန်မာတစ်ဦးအပြောအရ အခန်းနံပါ(၉)မှာ ပြစ်မှူကျူးလွန်တဲ့ အသက်၂၉နှစ်အရွယ် ရာဇာကွန်ဟာ သူ့မိန်းမနှင့် အကြီးအကျယ်အော်ဟစ်ရန်ဖြစ်နေကြတာကို အခန်းနံပါတ်(၁)က မီမီအေးနှင့်ဇင်ပန်တို့က  အသံလျှော့ပြောကြဖို့ သွားပြောခဲ့တယ်လို့ဆိုပါတယ်။

အဲသလိုလာပြောတာကိုမကျေနပ်လို့ ပြစ်မှုကျူးလွန်ခဲ့တဲ့သူက အပြင်မှာအရက်သောက်နေကြတဲ့ သူ့သူငယ်ချင်းတွေကို လူသွားစုဖို့ ထွက်သွားခဲ့ပါတယ်။ အဲဒီနောက် အခန်း(၁)ကိုပြန်လာကာ ဇင်ပန်ကို ကိုယ်ထိလက်ရောက်စတင်တိုက်ခိုက်ခဲ့ ပါတယ်။ အဲဒီအခါ ဇနီးဖြစ်တဲ့ မီမီအေးက ရပ်တန့်သွားအောင်ကြိုးစားခုခံစဉ် ဓားနဲ့ အချက်ပေါင်းများစွာ အထိုးခံရတာဖြစ် ပါတယ်။

အသက် ၃၈နှစ်အရွယ်အိမ်နီးချင်းမြန်မာတစ်ဦးဖြစ်တဲ့ “စိုင်း”က သူဟာ လမ်းပေါ်မှာ မီမီအေးသွေးတွေအများအပြာနှင့်လဲကျ နေပြီး သူဘေးမှာ ဇင်ပန်က ထိုင်လျက်တွေ့ရလို့ ရဲကိုဖုန်းဆက်အကြောင်းကြားခဲ့ပါတယ်လို့သိရပါတယ်။

ပြစ်မှုကျူးလွန်သူဟာ ဇနီးဖြစ်သူနှင့် နှမဖြစ်သူတို့နှင့် အတူနေထိုင်ပြီး အဲဒီနှစ်ယောက်ကတော့ အမှုမှာမပတ်သက်ကြ ပါဘူး။

@ymg/knl