#Daily_News
Published 9 October 2024

၁။ ငမိုးရိပ်ဆည်တွင် ရေပိုမိုသိုလှောင်နိုင်ရန် ရေပိုလွှဲတွင် Shutter များတပ်ဆင်

၂။ ဖီဖာနိုင်ငံတကာခြေစမ်းပွဲအဖြစ်မြန်မာ-သီရိလင်္ကာခြေစမ်းပွဲနှစ်ပွဲ သုဝဏ္ဏကွင်း၌ ကန်မည်

၃။ ကမ္ဘာ့ရွှေဈေးကျ၍ ရည်ညွှန်ဈေးအနည်းငယ်ကျဆင်းသော်လည်း ပြင်ပဈေးတက်

၄။ အီရန်ရေနံတွင်းများတိုက်ခိုက်ခံရမည်ကို စိုးရိမ်လာရသဖြင့် နိုင်ငံတကာရေနံဈေးနှုန်းများ သိသိသာသာမြင့်တက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၉ အောက်တိုဘာ ၂၀၂၄

ထိုင်းနိုင်ငံက အာဆီယံအဖွဲ့ဝင် ၁၀ နိုင်ငံရဲ့ အလွတ်သဘော ဆွေးနွေးညှိနှိုင်းပွဲတစ်ခုကို လာမည့်ဒီဇင်ဘာလ အတွင်း အိမ်ရှင်နိုင်ငံအဖြစ်ကျင်းပသွားဖို့ လာအိုမှာ ကျင်းပတဲ့ အာဆီယံထိပ်သီးအစည်းအဝေးအတွင်း ကမ်းလှမ်း ခဲ့ပါတယ်။

“ အာဆီယံအနေနှင့် မြန်မာနိုင်ငံမှာရှိနေတဲ့ အဖွဲ့တွေအားလုံးကို “ စစ်ရေးအဖြေဆိုတာမရှိ” ကြောင်း တူညီတဲ့ သတင်းစကားပါးသင့်ပါတယ်။ အခုအချိန်ဟာ စတင်ဆွေးနွေးစကားပြောကြရမယ့်အချိန်ပါ” လို့ ထိုင်းဝန်ကြီးချုပ် ပေတွန်တန် ရှင်နာဝါထရာက အာဆီယံခေါင်းဆောင်များအစည်းအဝေးမှာပြောကြားတယ်လို့ ရိုက်တာက သတင်းရေးပါတယ်။

အဆိုပါထိပ်သီးအစည်းအဝေးသို့ မြန်မာနိုင်ငံမှ နစကကိုယ်စားလှယ်အဖြစ် နိုင်ငံခြားရေးဝန်ကြီးဌာန အမြဲတမ်း အတွင်းဝန် ဦးအောင်ကျော်မိုးတက်ရောက်နေပါတယ်။

“ ထိုင်းနိုင်ငံအနေနှင့် ကူညီရန်အဆင်သင့်ပဲ” လို့ ထိုင်းဝန်ကြီးချုပ်ကပြောပါတယ်။

အာဆီယံအနေနှင့် နစကရဲ့ အဆိုပြုရွေးကောက်ပွဲအကြောင်း သိပ်မပြောဘူးလို့လည်း သတင်းကရေးပါတယ်။

ဒါပေမယ့်  ထိုင်းဝန်ကြီးချုပ် ပေတွန်တန်ကတော့ ရွေးကောက်ပွဲကျင်းပမှာကို ထိုင်းကထောက်ခံတဲ့ သဘော ပြောသွာပါတယ်။

“  မြန်မာနိုင်ငံဟာ ရွေးကောက်ပွဲတွေနှင့် ရှေ့သို့သွံားနေတဲ့အခါ နိုင်ငံရေးနေရာ ပိုမိုရှိလာဖို့နှင့် အဖွဲ့တွေအကြား စေ့စပ်ဆွေးနွေးမှုတွေပြုလုပ်ဖို့က မရှိမဖြစ်လိုအပ်တယ်” လို့ သူမကပြောပါတယ်။

“ မြန်မာနိုင်ငံအနေနှင့် အဖွဲ့ဘက်အသီးသီးအကြား ပြည်တွင်း ဆွေးနွေးပွဲရှိသင့်တယ်လို့ ယုံကြည်ပါတယ်။  ဒါဟာ လည်း ထိုင်းနိုင်ငံရဲ့ရပ်တည်ချက်ဖြစ်ပြီး ဒါကိုအားပေးထောက်ခံတယ်” လို့ ထိုင်းနိုင်ငံခြားရေးဝန်ကြီးဌာန ပြောရေး ဆိုခွင့်ရသူ နစ်ကွန်ဒက်ချ်ကလည်းပြောပါတယ်။

ပြီးခဲ့တဲ့လတွေတုန်းကလည်း မြန်မာနိုင်ငံရဲ့  အရှိန်အဝါရှိလှတဲ့ အိမ်နီးချင်းတွေဖြစ်တဲ့ အိန္ဒိယနှင့် တရုတ် နိုင်ငံတွေဟာ ငြိမ်းချမ်းရေးကြိုးပမ်းမှုမှာ အခန်းကဏ္ဍတစ်ရပ်အနေနှင့်ပါဝင်ဖို့ အကြံပြုထားပါတယ်လို့လည်း ထိုင်း ဝန်ကြီးချုပ်ကပြောပါတယ်။

အာဆီယကြိုးပမ်းအားထုတ်မှုတွေကို အားဖြည့်တဲ့အနေနှင့် အိမ်နီးချင်းနိုင်ငံတွေရဲ့ အခန်းကဏ္ဍကို ထိုင်းနိုင်ငံက မြှင့်တင်နေပါတယ်လို့လည်း ထိုင်းဝန်ကြီးချုပ်ကပြောသွားပါတယ်။

Ref : Bangkok Post

မြန်မာမှုလက်မှုပညာနဲ့လုပ်ထားတဲ့ မီးပုံးတွေ ရောင်းအားမနှစ်လောက်မမှီသေးပေမယ့် ဒီနှစ်မှာလုပ်ငန်းတွေ၊ ကုမ္ပဏီတွေက ပိုမိုအားပေးနေတယ်လို့ သိရပါတယ်။
#Local_News
Published 9 October 2024
#မြန်မာမှုလက်ရာမီးပုံး #မြန်မာမှုလက်မှုပညာ
#YMG/tthl #Yangon_Times

သီတင်းကျွတ်ကာလအတွက် ညောင်ဦးနဲ့ ပုဂံရှေးဟောင်းယဉ်ကျေးမှုနယ်မြေ အတွင်းရှိ  ဟိုတယ်ကြီးတွေနဲ့ တည်းခိုခန်းအများစု လူပြည့်နေပြီလို့ ခရီးသွားဝန်‌ ဆောင်မှုလုပ်ငန်းလုပ်ကိုင်သူတွေထံက  သိရပါတယ်။
#Local_News
Published 9 October 2024
#ပုဂံ-ညောင်ဦး #တည်းခိုခန်းအများစုလူပြည့်
#YMG/NN #Yangon_Times

#Local_News
Published 9 October 2024

▪️ မြန်မာ့‌ဘောလုံးအားကစား တိုးတက်မြင့်မားလာစေရန်နှင့် အရည်အချင်းပြည့်ဝသည့် နည်းပြဆရာများ ပေါ်ထွက်လာစေရန် ရည်ရွယ်၍AFC/MFF "A" Diploma Coaching Course - Module I နည်းပြသင်တန်းကို ရန်ကုန်မြို့၌  ဖွင့်လှစ်သွား မည်ဖြစ်ကြောင်းမြန်မာနိုင်ငံဘောလုံးအဖွဲ့ချုပ်မှ သိရသည်။

▪️ အဆိုပါ  သင်တန်းကို ဒီဇင်ဘာ ၂ ရက်မှ ၁၀ ရက်အထိ ဖွင့်လှစ်သွားမည် ဖြစ်ပြီး သင်တန်းကို မြန်မာနိုင်ငံဘောလုံးအဖွဲ့ချုပ်မှ တာဝန်ပေးအပ်သည့် သင်တန်း နည်းပြဆရာများမှ သင်ကြားပေးမည်ဖြစ်သည်။

▪️ အဆိုပါသင်တန်း တက်ရောက်သူများသည် AFC B (သို့မဟုတ်) AFC/MFF B အောင်လက်မှတ်ရရှိပြီးသူ၊ နည်းပြသက်တမ်းအနည်းဆုံး(၂)နှစ်ရှိရမည်ဖြစ်ပြီး နာရီ (၈၀)စာ log book တင်သွင်းခြင်းစသည့်အရည်အချင်းများနှင့်ပြည့်စုံရမည်ဖြစ်‌‌ကြောင်း သိရသည်။

▪️ ထို့အပြင် ကျန်းမာရေးကောင်းမွန်ပြီး စာတွေ့/လက်တွေ့လေ့ကျင့်မှုများ လုပ်ဆောင်နိုင်သူ ဖြစ်ရမည်ဖြစ်ကြောင်း၊သင်တန်းကာလပြီးဆုံးသည်အထိ တက်ရောက်နိုင်သူဖြစ်ရမည်ဖြစ်ပြီး လက်ရှိတွင် အသင်းနည်းပြတာဝန်ထမ်းဆောင်နေသူများအား ဦးစားပေး ရွေးချယ် မည်ဖြစ်ကာ အင်္ဂလိပ်ဘာသာကို အတော်အသင့်နားလည်သူဖြစ်ရမည်ဖြစ်ကြောင်း သိရသည်။

▪️ ၎င်းအပြင်  ကွန်ပျူတာဗဟုသုတရှိရမည်ဖြစ်ပြီး Powerpoint ဖြင့် တင်ပြဆွေးနွေးနိုင်သူ ဖြစ်ရမည်ဖြစ်ကာ သင်တန်းတက်ရောက်ရန် ရွေးချယ်ခြင်းခံရသူများသည် Module – I သင်တန်း ဝင်ကြေးအဖြစ် နိုင်ငံသားတစ်ဦးလျှင် မြန်မာငွေကျပ်နှစ်သိန်းငါးသောင်း (၂၅၀,၀၀ဝိ/-)၊ နိုင်ငံခြားသားတစ်ဦးလျှင် အမေရိကန်ဒေါ်လာ တစ်ထောင့်ငါးရာ (USD 1500) ကို ပေးသွင်းရမည်ဖြစ်ကြောင်း သိရသည်။

▪️ မြန်မာနိုင်ငံဘောလုံးအဖွဲ့ချုပ်အနေဖြင့် သင်တန်းသား အမည်စာရင်းကို အာရှဘောလုံး အဖွဲ့ချုပ်သို့ အချိန်မီတင်ပြရမည် ဖြစ်သောကြောင့် သင်တန်းတက်ရောက်လိုသော အထက်ပါ အရည်အချင်းသတ်မှတ်ချက်များနှင့် ကိုက်ညီသူများသည် သင်တန်းဝင်ခွင့် လျှောက်လွှာကို အောက်တိုဘာ  ၁၅ရက် ညနေ(၄)နာရီနောက်ဆုံးထားပြီး မြန်မာနိုင်ငံဘောလုံးအဖွဲ့ချုပ်၊ နည်းပြပညာရေးဌာန (Coach Education)သို့  ပေးပို့လျှောက်ထားရမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 9 October 2024

▪️ မွန်ပြည်နယ်၊ မော်လမြိုင်မြို့နှင့် ကျိုက်မရောမြို့နယ်များရှိ ရဟန်းရှင်လူများ စုပေါင်း၍ ရေဘေးသင့်ဒေသများရှိ ပြည်သူများအား သိန်းထောင်ကျော်လှူဒါန်းခဲ့ကြောင်း ဘိုဘိုဝင်းအရေးပေါ်ကယ်ဆယ်ရေးအဖွဲ့မှ သိရသည်။

▪️ ထိုသို့လှူဒါန်းရာတွင် နေပြည်တော်မှ ကျေးရွာနှစ်ရွာ၊ တပ်ကုန်းမှနှစ်ရွာ၊ရမည်းသင်းမှ ကျေးရွာခုနှစ်ရွာ၊ ပျော်ဘွယ်မြို့အရှေ့ဘက်ရှိ လျှော်ဖြူကုန်းရွာ၊ သာစည်မြို့ ကြက်စခန်း ရွာ၊ ကလောမြို့ရှိ သဖန်းဆိပ်ရွာ၊ လွိုင်လင်မြို့နယ်ရှိ ကျေးရွာ ခုနှစ်ရွာ၊ အင်းလေးဒေသရှိ ကျေးရွာတစ်ရွာစသည်ဖြင့် ရေဘေးသင့်ဒေသမြို့(၇)မြို့ရှိ ရွာ(၂၂)ရွာကို ‌ရေဘေးပြန်လည်ထူထောင်ရေးအလှူဖြင့် စုစုပေါင်းသိန်း၈၀၀ ကိုထောက်ပံ့လှူဒါန်းခဲ့ပြီးဖြစ်ကြောင်း သိရသည်။

▪️ ထို့အပြင် ပစ္စည်းတန်းဖိုး သိန်း၅၀၀ကျော်ကိုလည်း လှူဒါန်းခဲ့‌ကြောင်းသိရသည်။

▪️ အဆိုပါ လှူဒါန်းမှုများသည် ဘိုဘိုဝင်းအရေးပေါ်ကယ်ဆယ်ရေးအဖွဲ့၊မော်လမြိုင်မြို့သူ/မြို့သားများ၊ ကျိုက်မရောမြို့ရှိကျေးရွာများမှဆရာတော်၊ရဟန်သံဃာတော်များ၊ ဒါယကာ၊ ဒါယကာမများပြည်တွင်း/ပြည်ပအလှူရှင်များ၏စုပေါင်းအလှူအဖြစ်လှူဒါန်းခဲ့ခြင်းဖြစ်ကြောင်း၊ ယင်းလှူဒါန်းမှုများအတွက် အင်းလေးနန်းဦးလယ်ခြေဘုန်းကြီးကျောင်းမှအလှူ ရေစက်ချလှူဒါန်းခဲ့ကြောင်း သိရသည်။

#YMG/NN #Yangon_Times

အခုရက်ပိုင်းအတွင်း ကမ္ဘာဈေးနဲ့အတူ အခေါက်ရွှေရည်ညွှန်းဈေးနှုန်း‌တွေပါ အနည်းငယ်လိုက်ပါကျဆင်းနေပြီး ပြင်ပရွှေဈေးကတော့မြင့်တက်လာတယ်လို့ရွှေဈေးကွက်ထဲက သိရပါတယ်။
#Local_News
Published 9 October 2024
#ကမ္ဘာ့ရွှေဈေးကျ #ပြင်ပရွှေဈေးတက်
#YMG/NN #Yangon_Times

ဖီဖာနိုင်ငံတကာခြေစမ်းပွဲအတွက် ပြင်ဆင်တဲ့အနေနဲ့ မြန်မာလက်ရွေးစင်အသင်းနဲ့ သီရိလင်္ကာအသင်းတို့ ခြေစမ်းပွဲနှစ်ပွဲကန်သွားဖို့ရှိတယ်လို့ သိရပါတယ်။
#Local_News
Published 9 October 2024
#မြန်မာ-သီရိလင်္ကာ #ဖီဖာနိုင်ငံတကာခြေစမ်းပွဲ
#YMG/tthl #Yangon_Times

စိုက်ပျိုး​ရေနဲ့သောက်သုံး​ရေ လုံ​လောက်စွာပေး​ဝေနိုင်​စေဖို့အတွက် ငမိုးရိပ်တမံမှာ တမံ​ရေပြည့်မှတ်ထက်​ရေ ပိုမိုသို​လှောင်နိုင်​စေဖို့ ရေပိုလွှဲမှာ Shutter  တွေထောင်ပြီး ရေသို​လှောင်ထားဖြစ်တယ်လို့ သိရပါတယ်။
#Local_News
Published 9 October 2024
#ငမိုးရိပ်ဆည် #ရေပိုလွှဲတွင်Shutter
#YMG/tthl #Yangon_Times

#World_News
Published 09 October 2024

▪️ မုန်တိုင်းအမျိုးအစား နံပါတ် ၅ အဆင့်ရှိ မီလ်တန်ဟာရီကိန်းမုန်တိုင်းဟာ အင်္ဂါနေ့က ဖလော်ရီဒါမှ ပင်လယ်ကွေ့ကမ်းခြေကို ဦးတည်တိုက်ခတ်သွားသဖြင့် လမ်းခရီးသွားလာမှုများ ပိတ်ဆို့ကုန်ပြီး လောင်စာပြတ်လပ်မှုများ ဖြစ်ပေါ်ခဲ့ပါတယ်။

▪️ တမ်ပါပင်လယ်အော်ဒေသသို့ မဝင်ရောက်ခင် လူ ၁ သန်းကျော်ကို ထွက်ပြေးတိမ်းရှောင်ဖို့ တာဝန်ရှိသူများက အမိန့်ပေးထားပါတယ်။

▪️ ဖလော်ရီဒါမှ လူဦးရေထူထပ်တဲ့ အနောက်ဘက် ကမ်းခြေနေရာဟာ လွန်ခဲ့တဲ့ သီတင်းပတ်တွေတည်းက ဟယ်လင်းဟာရီကိန်းဒဏ်ကို ခံစားနေရဆဲဖြစ်ပါတယ်။

▪️ ယခု မီလ်တန်မုန်တိုင်းဟာ အပြင်းထန်ဆုံး အတ္တလန္တိတ် ဟာရီကိန်းတွေထဲက တစ်ခုဖြစ်လာပြီး ဗုဒ္ဓဟူးနေ့နှောင်းပိုင်း ဒါမှမဟုတ် ကြာသပတေးနေ့ အစောပိုင်းမှာ မြေပြင်သို့ ကျရောက်နိုင်တယ်လို့ ခန့်မှန်းထားခဲ့ရာ ကမ်းခြေတလျှောက်ကို ခြိမ်းခြောက်နေပါတယ်။

▪️ တမ်ပါမြို့တော်ဝန် ဂျိန်းကက်စ်တာက ဟယ်လင်းမုန်တိုင်းဟာ အစပျိုးရုံဖြစ်ပြီး ပင်လယ်အော်နေရာတွေကနေ ထွက်ပြေးကြဖို့ သတိပေးထားပါတယ်။

▪️ တမ်ပါမှ ထွက်ပြေးလာသူ မိသားစုတွေဟာ အရေးကြီး စာရွက်စာတမ်း ငွေသားတွေကို ယူဆောင်ပြီး ကျန်တာတွေကို ထားရစ်ကာ ဘေးကင်းရာသို့ ထွက်ပြေးနေကြပါတယ်။

▪️ မီလ်တန်ဟာရီကိန်းဟာ တစ်နာရီကို အမြင့်ဆုံး ၁၆၅ မိုင်နှုန်းဖြင့် လေပြင်းတိုက်ခတ်ခဲ့ကာ Saffir-Simpson တိုင်းတာမှု အဆင့် ၅ ဆင့်မှာ အမြင့်ဆုံးဖြစ်ခဲ့ကြောင်း အမေရိကန် အမျိုးသားဟာရီကိန်းဌာနက ပြောပါတယ်။

▪️ ဒေသစံတော်ချိန် ည ၇ နာရီမှာ မုန်တိုင်းက တမ်ပါအနောက်တောင်ပိုင်း ၄၄၀ မိုင်မှာ ဗဟိုပြုပြီး တစ်နာရီကို ၁၀ မိုင်နှုန်းဖြင့် အရှေ့မြောက်ဘက်သို့ ရွေ့လျားနေခဲ့ပါတယ်။

▪️ မီလ်တန်ရဲ့ လေပြင်းအကျယ်အဝန်းက ဖလော်ရီဒါသို့ ချဉ်းကပ်လာစဉ်မှာ ကျယ်ပြန့်လာမယ်လို့ ခန့်မှန်းရပြီး တရားဝင်ခန့်မှန်းချက်များအရ ဟာရီကိန်းနဲ့ လေပြင်းတိုက်ခတ်မှုဟာ မြေပြင်သို့ ကျရောက်တဲ့အခါ နှစ်ဆလောက် ပိုကြီးမားကျယ်ပြန့်လာမယ်လို့ ဟာရီကိန်းဌာနက ပြောထားပါတယ်။

▪️ အမေရိကန် ပြည်တွင်းအသားတင်ထုတ်ကုန်များရဲ့ ၂.၈ ရာခိုင်နှုန်းလောက်ဟာ မီလ်တန်တိုက်ခတ်မယ့် လမ်းကြောင်းမှာ တိုက်ရိုက်ရှိနေကြောင်း အောက်စ်ဖို့ဒ်စီးပွားရေးမှ ရိုင်ယန်ဆွိက အင်္ဂါနေ့က ဖော်ပြခဲ့ပါတယ်။

▪️ လေကြောင်းလိုင်း၊ စွမ်းအင်ကုမ္ပဏီတို့ကတော့ ဖလော်ရီဒါမှာ လုပ်ငန်းများ စတင်ရပ်တန့်နေပြီ ဖြစ်ပါတယ်။

▪️ သမ္မတဂျိုးဘိုင်ဒင်က မုန်တိုင်းအခြေအနေကို ကြီးကြပ်ရန် နိုင်ငံခြားခရီးစဉ်တစ်ခုကို ရွှေ့ဆိုင်းထားပြီး သေရေးရှင်ရေးကိစ္စဖြစ်တာကြောင့် ထွက်ပြေးတိမ်းရှောင်ရန် အမိန့်ပေးခံရသူတွေကို အမြန်ဆုံးချက်ချင်း ထွက်ပြေးဖို့ တိုက်တွန်းထားပါတယ်။

#Source: Reuters

#World_Science
Published 09 October 2024

▪️ 2024 TW2 လို့အမည်ပေးထားတဲ့ ဘတ်စ်ကားတစ်စီးအရွယ် ဂြိုဟ်မွှားတစ်ခုဟာ ကမ္ဘာဂြိုဟ်နဲ့ နီးကပ်တဲ့အနေအထား ရောက်လာမယ်လို့ နာဆာ(NASA)က သတိပေးချက် ထုတ်ပြန်လိုက်ပါတယ်။

▪️ ၂၁ ပေနီးပါးရှိတဲ့ အာကာသကျောက်တုံးဟာ တစ်နာရီကို ၆၀၉၆၈ ကီလိုမီတာနှုန်း ကြောက်မက်ဖွယ် အရှိန်ဖြင့် ရွေ့လျားနေပါတယ်။

▪️ ထိုဂြိုဟ်မွှားနဲ့ ကမ္ဘာမြေကြား အကွာအဝေးက စိုးရိမ်စရာရှိပေမယ့် ဘေးအန္တရာယ် ဖြစ်စေမှာမဟုတ်ဘူးလို့တော့ နာဆာက ဆိုပါတယ်။

▪️ 2024 TW2 ဟာ ကမ္ဘာမြေနဲ့ ၂၈၈၀၀၀ ကီလိုမီတာ အကွာအဝေးကနေ ဖြတ်သန်းသွားမှာဖြစ်ပြီး ဒါဟာ လနဲ့ ကမ္ဘာမြေကြား ပျမ်းမျှအကွာအဝေးထက် အနည်းငယ်သာ ပိုနည်းပါတယ်။

▪️ ဒီလောက်အထိ နီးကပ်စွာ ဖြတ်သန်းမှာဖြစ်ပေမယ့် ဘေးအန္တရာယ်ဖြစ်နိုင်မယ့် ဂြိုဟ်မွှားအမျိုးအစားထဲ မပါဝင်ပါဘူး။

▪️ အဆိုပါဂြိုဟ်မွှားမျိုးဟာ နာဆာကနေ ပုံမှန်စောင့်ကြည့်နေတဲ့ ကမ္ဘာဂြိုဟ်အနီး အရာဝတ္ထုများ အဖွဲ့ထဲမှာ ပါဝင်ပါတယ်။

▪️ ဂြိုဟ်မွှားရဲ့ အရှိန်နှုန်းနဲ့ အကွာအဝေးနီးစပ်မှုက ထင်ရှားပေမယ့် အရွယ်အစားသေးငယ်တာကြောင့် ကမ္ဘာ့လေထုထဲ ဝင်ရောက်ခဲ့ရင်တောင် ထိခိုက်မှုကြီးကြီးမားမား ဖြစ်နိုင်ခြေ အလွန်နည်းပါးပါတယ်။

▪️ ထိုကဲ့သို့ အရာဝတ္ထုတွေက ကမ္ဘာဂြိုဟ်နား အလွန်နီးနီးကပ်ကပ် မလာတတ်ပေမယ့် အချို့ကတော့ ကြောက်စရာ အရှိန်နှုန်းနဲ့ ရွေ့လျားနေကြတာကြောင့် စောင့်ကြည့်ဖို့ လိုအပ်ပါတယ်။

#Source: WION

#World_Health
Published 09 October 2024

▪️ သွားနဲ့ခံတွင်း ကျန်းမာရေးကို ပုံမှန်မထိန်းသိမ်းပါက ကင်ဆာရောဂါ ၂ မျိုးဖြစ်နိုင်ခြေ မြင့်မားစေတယ်လို့ အမေရိကန် သိပ္ပံပညာရှင်များ တွေ့ရှိထားပါတယ်။

▪️ ဒါ့အပြင် ဆီးချိုနဲ့ သွေးဖိအားများခြင်းတို့လည်း ဖြစ်နိုင်ခြေ များစေပါတယ်။

▪️ သွားဖုံးရောဂါဖြစ်စေတဲ့ ပါးစပ်ထဲက ဘက်တီးရီးယားများကြောင့် ဦးခေါင်းနဲ့ လည်ပင်းဆဲလ်ကင်ဆာများ ဖြစ်စေနိုင်တာ ဖြစ်ပါတယ်။

▪️ ကင်ဆာဖြစ်နိုင်ခြေများ လျှော့ချဖို့အတွက် ခံတွင်းသန့်ရှင်းရေး ပုံမှန်ထိန်းသိမ်းဖို့ အရေးကြီးကြောင်းကို နယူးယော့ခ်တက္ကသိုလ်မှ ပရော်ဖက်ဆာ ရစ်ချတ်ဟေးယက်စ်က အလေးပေးဖော်ပြသွားပါတယ်။

▪️ အိန္ဒိယဟာ ခံတွင်းကင်ဆာ အဖြစ်အများဆုံး နိုင်ငံဖြစ်နေပြီး ဆေးလိပ်သုံးစွဲခြင်းက ခံတွင်းကင်ဆာ ဖြစ်ပွားခြင်းမှာ ၈၀ ကနေ ၉၀ ရာခိုင်နှုန်းအထိ ပတ်သက်နေပါတယ်။

▪️ ဦးခေါင်းနဲ့ လည်ပင်းကင်ဆာ လက္ခဏာများက နေရာနဲ့ ကင်ဆာအဆင့်အပေါ် မူတည်နေပါတယ်။

▪️ အဖြစ်များတဲ့ လက္ခဏာတွေထဲမှာ အဖုအပိမ့်၊ နာကျင်ခြင်း၊ မျိုချရ ခက်ခဲခြင်း၊ အသံပြောင်းလဲခြင်း၊ အဆက်မပြတ် လည်ချောင်းနာခြင်း၊ နာရွက်နာခြင်း၊ အသက်ရှူရခက်ခဲခြင်း၊ အကြောင်းအရင်းမရှိ ကိုယ်အလေးချိန်ကျခြင်း၊ သွေးထွက်ခြင်း၊ ထုံကျဉ်ခြင်းတို့ ပါဝင်ပါတယ်။

▪️ ဦးခေါင်းနဲ့လည်ပင်း ကင်ဆာတို့ဟာ လက္ခဏာမပေါ်တတ်တာကြောင့် ကင်ဆာနောက်ပိုင်းအဆင့်ရောက်မှ တွေ့ရှိပြီး ကုသရခက်ခဲစေပါတယ်။

▪️ အမေရိကန်မှ လူပေါင်း ၁၆၀၀၀၀ ကျော်ကို စားသောက်နေထိုင်မှုပုံစံများ၊ ခံတွင်းကျန်းမာရေးတို့ကို လေ့လာခဲ့ကြပြီး တံတွေးနမူနာများ ရယူခဲ့ကြပါတယ်။

▪️ ၁၅ နှစ်ကြာ စောင့်ကြည့်ပြီးနောက် ၂၃၆ ဦးဟာ ဦးခေါင်းနဲ့လည်ပင်း ဆဲလ်ကင်ဆာများ ဖြစ်ပွားခဲ့ပြီး သူတို့ရဲ့ ခံတွင်းဒီအင်န်အေကို ကင်ဆာမဖြစ်တဲ့ ၄၅၈ ဦးနဲ့ နှိုင်းယှဉ်ခဲ့ကြပါတယ်။

▪️ ကင်ဆာဖြစ်နိုင်ခြေများစေတဲ့ ဘက်တီးရီးယား ၁၃ မျိုးကို တွေ့ရှိခဲ့ပြီး အချို့တွေဆိုရင် ကင်ဆာဖြစ်နိုင်ခြေကို ၅၀ ရာခိုင်နှုန်းအထိ မြင့်မားစေပါတယ်။

▪️ ဒီဘက်တီးရီးယားတွေကို တွေ့ရှိခြင်းက ရောဂါဘယ်လိုဖြစ်ပွားစေသလဲဆိုတာနဲ့ ဘယ်လိုဟန့်တားရမလဲဆိုတာ သိရှိစေနိုင်မယ်လို့ မှတ်ချက်ပြုသွားပါတယ်။

#Source: India Today