#Local_News
Published 15 October 2024

ရန်ကုန်မြို့၊ ဗိုလ်တထောင်ကျိုက်ဒေးအပ်ဆံတော်ဦး စေတီတော်မြတ်ကြီးကို လုံးတော်ပြည့် ရွှေသင်္ကန်း ကပ်လှူနိုင်ရန် နှင့်အရံစေတီများကို  ရွှေသင်္ကန်းကပ်လှူရန် အတွက် ရွှေစင်၊ရွှေပြားနှင့် ရွှေဆိုင်းလုပ်ငန်းများအား တင်ဒါခေါ်ယူနေကြောင်း ဗိုလ်တထောင်ကျိုက်ဒေးအပ်ဆံတော်ဦးစေတီတော် ဘဏ္ဍာတော်ထိန်း ဂေါပကအဖွဲ့မှ သိရသည်၊၊

ထိုသို့ စေတီတော်မြတ်ကြီးကို လုံးတော်ပြည့် ရွှေသင်္ကန်းကပ်လှူရာတွင်  ၉ လက်မပတ်လည် ရွှေစင်ရွှေပြားကပ်လှူသည့်လုပ်ငန်း၊ စေတီတော်ကြီး၊ အရံစေတီများနှင့် ရင်ပြင်တော်ရှိစေတီများကို ရွှေသင်္ကန်းကပ်လှူသည့် လုပ်ငန်းနှင့် နှစ် လက်မပတ်လည် ရွက်ရေ (၁၀၀) ပါ ရွှေဆိုင်း ၇,၅၀၀ ဆိုင်း တင်သွင်းသည့် လုပ်ငန်းများကို ဆောင်ရွက်သွားမည်ဖြစ်ကြောင်း သိရသည်။

ထို့ကြောင့်  လျှောက်လွှာတစ်စုံကို ငွေကျပ် ၃ သောင်းဖြင့်ဝယ်ယူနိုင်ပြီး စျေးပြိုင်တင်ဒါတင်သွင်းနိုင်ကာ အောက်တိုဘာလ ၂၀ ရက် ညနေ ၄ နာရီခွဲအချိန် နောက်ဆုံးထားပြီး လျှောက်လွှာများကို ဘဏ္ဍာတော်ထိန်း ဂေါပကအဖွဲ့ရုံးသို့ တင်သွင်းရမည်ဖြစ်ကြောင်း သိရသည်၊၊

#YMG/NN #Yangon_Times

#World_Health
Published 15 October 2024

▪️ ရေချိုးခန်းထဲက နမူနာ ရေပန်းခေါင်း ၉၂ ခုနဲ့ သွားတိုက်တံ ၃၄ ခုတို့ကနေ အမျိုးမျိုးသော ဗိုင်းရပ်စ် ၆၀၀ ကျော်ကို အနောက်မြောက်ပိုင်းတက္ကသိုလ်မှ သုတေသီများ တွေ့ရှိခဲ့ကြပါတယ်။

▪️ တွေ့ရှိတဲ့ ဗိုင်းရပ်စ်အရေအတွက်က အတော်လေးများလွန်းပြီး သိပ်မသိတဲ့ ဗိုင်းရပ်စ်တွေရော မမြင်ဖူးတဲ့ ဗိုင်းရပ်စ်တွေလည်း ပါဝင်တယ်လို့ အဏုဇီဝပညာရှင် အဲရစ်ကာဟာ့တ်မန်းက ပြောပါတယ်။

▪️ ရေပန်းခေါင်းတွေနဲ့ သွားတိုက်တံတွေမှာ တွေ့ရတဲ့ ပိုးမွှားတွေက ဘက်တီးရီးယားတွေကို စားပစ်တဲ့ ဗိုင်းရပ်စ်တွေသာ ဖြစ်ပါတယ်။

▪️ အများဆုံးကတော့ တီဘီ၊ အနာကြီးရောဂါ၊ အဆုတ်ရောဂါအချို့ စတဲ့ရောဂါတွေဖြစ်စေတဲ့ မိုင်ကိုဘက်တီးရီးယားတွေကို စားပစ်တဲ့ဗိုင်းရပ်စ်တွေ ဖြစ်ပါတယ်။

▪️ ဒီလိုရောဂါပိုးတွေကို ရှင်းပစ်တဲ့ဗိုင်းရပ်စ်တွေရဲ့ လုပ်ဆောင်ချက်တွေကို လေ့လာပြီး ဘယ်လိုအသုံးချရမလဲဆိုတာ ရှာဖွေရမယ်လို့ ဟာ့တ်မန်းက ရှင်းပြပါတယ်။

▪️ သွားတိုက်တံတွေမှာ တွေ့ရတဲ့ အဏုဇီဝပိုးမွှားအများစုဆိုရင် ပါးစပ်ထဲကနေလာတာ ဖြစ်ပြီး လေမှုန်များစွာ ပါဝင်ပါတယ်။

▪️ ပိုးမွှားတွေဟာ မျက်နှာပြင်တွေ နံရံတွေမှာ အသက်ရှင်ဖို့ ခက်ခဲပြီး ရေရှိတဲ့နေရာမှာ ရှင်သန်ကြတာကြောင့် ရေပန်းခေါင်းတွေနဲ့ သွားတိုက်တံတွေမှာ ရှိနေတာ ဖြစ်တယ်လို့ ဆိုပါတယ်။

▪️ ရေပန်းခေါင်းတွေကို ရေ၊ ဆပ်ပြာတို့ဖြင့် ဆေးကြောခြင်း၊ ရှာလကာရည် စိမ်ခြင်းတို့ ပြုလုပ်နိုင်ကြောင်း၊ လျှပ်စစ်သွားတိုက်တံခေါင်းတွေကိုလည်း ပုံမှန်အစားထိုးသင့်ကြောင်း အကြံပြုပါတယ်။

▪️ ပိုးမွှားတွေဟာ နေရာတကာမှာ ရှိပေမယ့် အများစုက လူတွေကို ရောဂါမဖြစ်စေကြောင်း၊ ပိုးသတ်ဆေးတွေ သုံးမယ်ဆိုရင် ဆေးယဉ်ပါးဖြစ်လာနိုင်ကြောင်း၊ ဒီတိုင်းထားတာ ပိုသင့်လျော်ကြောင်း ပြောပါတယ်။

#Source: New York Post

ဘရာဇီးလ် ဆော်ပေါ်လိုရှိ သဘာဝဘေးမဲ့တောတွေဟာ တောမီးများကြောင့် အပြင်းအထန် ထိခိုက်ပျက်စီးနေပြီး တိရိစ္ဆာန်အများအပြားဟာလည်း မီးလောင်မှုဒဏ်ကို ခံစားနေရကာ အရေးတကြီး စောင့်ရှောက်မှု လိုအပ်နေပါတယ်။
#World_Nature
Published 14 October 2024
#တောမီးလောင်ကျွမ်း #သဘာဝဘေးမဲ့တော
#YMG #Yangon_Times #Yangon_Media_Group

#Daily_News
Published 14 October 2024

၁။ သီတင်းကျွတ်ပိတ်ရက် ဝင်္ဂဘော်ဆင်စခန်းဖွင့်လှစ်ထားမည်ဖြစ်၍ လည်ပတ်နိုင်

၂။ ‌စားအုန်းဆီဈေး သုံးပတ်ဆက်တိုက်ရာဂဏာန်းပြန်ကျ၊ဖုန်းဆက်ပြီးအိမ်တိုင်ရာရောက်မှာယူနိုင်

၃။ ရွှေမော်ဓောစေတီတော်မြတ်ကြီး၌  သီတင်းကျွတ်ပွဲတော်နှင့် ဆီမီးတစ်သောင်းပူဇော်ကျင်းပသွားမည်

၄။ တောမီးလောင်ကျွမ်းမှုများကြောင့် ဆော်ပေါ်လိုသဘာဝဘေးမဲ့တောများမှ တိရိစ္ဆာန်များဒဏ်ရာရ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပဲခူးတိုင်း၊ ပဲခူးမြို့ရှိ ရှေးဟောင်းသမိုင်းဝင်ရွှေမော်ဓောစေတီတော်မြတ်ကြီး၌  သီတင်းကျွတ်ပွဲတော်နဲ့  ဆီမီးတစ်သောင်းပူဇော်ကိုစည်ကားသိုက်မြိုက်စွာ ကျင်းပသွားမယ်လို့ သိရပါတယ်။
#Local_News
Published 14 October 2024
#ရွှေမော်ဓောစေတီတော်မြတ်ကြီး #သီတင်းကျွတ်ပွဲတော်
#YMG/NN #Yangon_Times

စားအုန်းဆီဈေးတွေဟာ သုံးပတ်ဆက်တိုက်ပြန်ကျလာပြီဖြစ်ပြီး အခုအပတ် ရည်ညွှန်းဈေးမှာ စားအုန်းဆီတစ်ပိဿာ ကို ၆၃၅၅ နဲ့ရောင်းချဖို့ သတ်မှတ်လိုက်တယ်လို့ သိရပါတယ်။
#Local_News
Published 14 October 2024
#စားအုန်းဆီဈေးကျ #ရည်ညွှန်းဈေး
#YMG/tthl #Yangon_Times

သီတင်းကျွတ်ပိတ်ရက်မှာ ဝင်္ဂဘော်ဆင်စခန်းကိုလာရောက်လည်ပတ်ရင်း ဆင်အမွှာလေးတွေကို ကြည့်ရူအားပေးနိုင်သလို ဆင်စာဘူဖေးကျွေးလို့ရတယ်လို့ သိရပါတယ်။
#Local_News
Published 14 October 2024
#ဝင်္ဂဘော်ဆင်စခန်းဖွင့်လှစ် #ဆင်စာဘူဖေး
#YMG/tthl #Yangon_Times

ရွှေရည်ညွှန်းဈေး ခြောက်သောင်းကျော်တက်ပြီးကျပ် ၅၄သိန်းကျော်အထိရှိလာ
ရန်ကုန်တိုင်းဒေသကြီး ရွှေလုပ်ငန်းရှင်များအသင်းရဲ့ ရွှေရည်ညွှန်းဈေးဟာ ဒီကနေ့မှာ ကျပ်ခြောက်သောင်းကျော်အထိ မြင့်တက်လာပြီး တစ်ကျပ်သားကို ၅၄ သိန်းကျော်အထိရှိလာတယ်လို့ သိရပါတယ်။
#Local_News
Published 14 October 2024
#ရွှေရည်ညွှန်းဈေး #ရွှေဈေးတက်
#YMG/NN #Yangon_Times

#Local_News
Published 14 October 2024

▪️ စမ်းချောင်းမြို့နယ်မြေနီကုန်း တောင်ရပ်ကွက် ပန်းခြံလမ်း၌ ယနေ့မနက်ပိုင်း၌ မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ ၁၄ ရက်နေ့၊ မနက် ၂ နာရီ ၂၅ မိနစ်အချိန်ခန့်က  ရန်ကုန်တိုင်း‌ဒေသကြီး၊ စမ်းချောင်းမြို့နယ်၊ မြေနီကုန်းတောင်ရပ်ကွက်၊ ပန်းခြံလမ်းတွင် မီးလောင်မှုဖြစ်ပွား ခဲ့ကြောင်း သိရသည်။

▪️ အဆိုပါ သတင်းရရှိသဖြင့် စမ်းချောင်းမြို့နယ်မီးသတ်စခန်းမှ မီးသတ်ယာဉ်(၂)စီးထွက်ခွာခဲ့ရာမနက်၂ နာရီ ၃၂ မိနစ်အချိန်၌  မီးငြိမ်းခဲ့ကြောင်းသိရသည်။

▪️ ယင်းဖြစ်စဉ်နှင့်ပတ်သက် မီးလောင်မှုဖြစ်ပွားသည့်အကြောင်းအရင်းနှင့်ဆုံးရှုံးမှုတန်ဖိုးများအားဆက်လက်စုံစမ်းနေကြောင်း သိရသည်။

#YMG/NN #Yangon_Times

#Local_News
Published 14 October 2024

▪️ ဒဂုံမြို့သစ်၊ အရှေ့ပိုင်းမြို့နယ်၌ မြေတူးစက်မီးလောင်မှုတစ်ခု ယနေ့နေ့လယ်ပိုင်း၌ ဖြစ်ပွားခဲ့ကြောင်း မြန်မာနိုင်ငံမသတ်တပ်ဖွဲ့မှ သိရသည်။

▪️ အောက်တိုဘာ ၁၄ ရက်နေ့၊ နေ့လယ် ၁နာရီ  ၂၀မိနစ် အချိန်က  ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်၊ အမှတ်(၁၃)ရပ်ကွက်၊ ကုန်းဘောင်လမ်းတွင် မြေတူးစက်(Backhoe)(၁)စီး မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် ဒဂုံမြို့သစ်(အရှေ့ပိုင်း)မြို့နယ်မီးသတ်စခန်း မီးငြှိမ်းသတ်ယာဉ်(၂)စီး ထွက်ခွာငြှိမ်းသတ်ခဲ့ရာ နေ့လယ်  ၁နာရီ ၃၅ မိနစ်အချိန်၌ မီးငြိမ်းခဲ့ကြောင်း သိရသည်။

▪️ ယင်းဖြစ်စဉ်နှင့် ပျက်စီးဆုံးရှုံးမှုတန်ဖိုးများအား ဆက်လက်စုံစမ်းလျှက်ရှိကြောင်း သိရသည်။

#YMG/NN #Yangon_Times

#World_News
Published 14 October 2024

▪️ အစ္စရေးလ်တင့်ကားများက လက်ဘနွန်တောင်ပိုင်း ကုလသမဂ္ဂ ငြိမ်းချမ်းရေးအစောင့်တပ်များရှိတဲ့ အခြေစိုက်စခန်းတစ်ခုရဲ့ ဂိတ်တွေကို ဖြတ်သန်းဖောက်ထွက်သွားခဲ့ကြောင်း ကုလကတနင်္ဂနွေနေ့မှာ ပြောကြားလိုက်သလို အစ္စရေးလ်ရဲ့ ကြမ်းရမ်းလုပ်ရပ်တွေ တိုက်ခိုက်မှုတွေကို ယင်းမဟာမိတ်များကပင် စွပ်စွဲလာကြပါတယ်။

▪️ အစ္စရေးလ်တို့ရဲ့ မာကေဗာတင့်ကားနှစ်စီးဟာ တနင်္ဂနွေနံနက်ပိုင်းက စခန်းရဲ့ အဓိကဂိတ်ကို ဖျက်ဆီးဝင်ရောက်သွားတယ်လို့ UNIFIL ငြိမ်းချမ်းရေးအစောင့်တပ်က ပြောပါတယ်။

▪️ တင့်ကားတွေ ထွက်သွားပြီး မီတာ ၁၀၀ အကွာလောက်မှာ ပေါက်ကွဲမှုတွေ ဖြစ်ပွားပြီး စခန်းတလျှောက် မီးခိုးများ ပျံ့လွင့်လာတယ်လို့ ဖော်ပြထားပါတယ်။

▪️ ထိုအဖြစ်အပျက်နဲ့ ပတ်သက်ပြီး အီရန်နောက်ခံပြု ဟက်ဇ်ဘိုလာ စစ်သွေးကြွတွေက အစ္စရေးလ်တပ်တွေကို တင့်ကားဖျက်ဒုံးကျည်များဖြင့် ပစ်ခတ်ခဲ့ရာ ၂၅ ဦးဒဏ်ရာရရှိခဲ့တယ်လို့ အစ္စရေးလ်စစ်တပ်က ပြောပါတယ်။

▪️ တိုက်ခိုက်မှုက UNIFIL စခန်းတစ်ခုနဲ့ အလွန်နီးကပ်ခဲ့ပြီး ဒဏ်ရာရသူတွေကို ခေါ်ဆောင်မယ့် တင့်ကားက တိုက်ခိုက်ခံရကာ UNIFIL စခန်းထဲသို့ နောက်ဆုတ်ခဲ့ရပါတယ်။

▪️ "ဒါဟာ စခန်းကို ဝင်ရောက်တိုက်ခိုက်တာ မဟုတ်ပါဘူး။ တင့်ကားတစ်စီး တိုက်ခိုက်ခံနေရပြီး တပ်သားအများအပြား ထိခိုက်ထားတာကို ကူညီဖို့ကြိုးစားတာပါ" လို့ အစ္စရေးလ်စစ်တပ်မှ ပြောရေးဆိုခွင့်ရှိသူ နာဒက်ဗ်ရှိုရှာနီက သတင်းထောက်များကို ပြောသွားပါတယ်။

▪️ ဒဏ်ရာရစစ်သည်များကို ခေါ်ထုတ်ဖို့ မီးခိုးဗုံးများအသုံးပြုခဲ့တာဖြစ်ကာ ကုလငြိမ်းချမ်းရေးအစောင့်တပ်ကို အန္တရာယ်ပြုတာ မဟုတ်ဘူးလို့ ဖော်ပြထားပါတယ်။

▪️ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူက UNIFIL အနေနဲ့ ဟက်ဇ်ဘိုလာ အခြေပြုနေရာတွေနဲ့ စစ်ဖြစ်ရာနေရာတွေကနေ ဆုတ်ခွာသင့်ပြီလို့ ကုလအတွင်းရေးမှူးချုပ် အန်တိုနီယိုဂူတာရက်စ်ကို ပြောသွားပါတယ်။

▪️ အကြိမ်ကြိမ်တောင်းဆိုထားသလို အကြိမ်ကြိမ် ငြင်းပယ်ခံခဲ့ရပြီး ဒါဟာ ဟက်ဇ်ဘိုလာ အကြမ်းဖက်များအတွက် လူသားဒိုင်းထောက်ပံ့ပေးသလို ဖြစ်နိုင်တယ်လို့ ဆိုပါတယ်။

▪️ ငြိမ်းချမ်းရေးအစောင့်တပ်သားများကို ပစ်မှတ်ထားတိုက်ခိုက်လို့ မရဘူးလို့လည်း အတွင်းရေးမှူးချုပ်က သတိပေးထားပါတယ်။

#Source: Reuters

#World_Science
Published 14 October 2024

▪️ လင်းပိုင်အများစုက ရေထဲကနေ ပေါ်ထွက်လာတဲ့အခါ မျက်နှာပြုံးနေတဲ့ပုံစံ အမြဲရှိတတ်ပြီး လူတွေလိုမျိုး ပြုံးတာလားဆိုတာ သိချင်နေကြပါတယ်။

▪️ တကယ်တမ်းလည်း သူတို့ဟာ ထိုအချိန်မှာ ပြုံးနေတာဖြစ်ပြီး သူတို့အချင်းချင်းလည်း ပြုံးပြတတ်ကြပါတယ်။

▪️ လင်းပိုင်တွေ အချင်းချင်းကစားတဲ့အခါမှာလည်း မျက်နှာအမူအရာ လုပ်ပြတယ်လို့ သုတေသီများ ဆိုပါတယ်။

▪️ ပေါင်းသင်းဆက်ဆံရေးအနေနဲ့ ပါးစပ်ဟတာမျိုးလည်း ပါဝင်ကြောင်း အီတလီ ပီဆာတက္ကသိုလ်မှ ဇီဝပညာရှင် အယ်လီဆာဘက်တာပယ်လာဂီဦးဆောင်တဲ့ သုတေသီအဖွဲ့က ပြောပါတယ်။

▪️ သူတို့ဟာ တစ်ကောင်က မျက်နှာပုံစံ လုပ်ပြသလိုမျိုး လိုက်လုပ်ကြတယ်လို့လည်း မှတ်ချက်ပြုလိုက်ပါတယ်။

▪️ ဒီအတွက် သုတေသီအဖွဲ့က ရေအောက်ထဲမှာ လင်းပိုင် ၂၂ ကောင်ကို ထိန်းသိမ်းထားကာ နာရီ ၈၀ ကြာအောင် စောင့်ကြည့်ခဲ့ကြပါတယ်။

▪️ လင်းပိုင်တွေက တစ်ကောင်နဲ့တစ်ကောင် မြင်တဲ့အခါ ပါးစပ်ဟတဲ့ အမူအရာ လုပ်ပြကြပါတယ်။

▪️ ပြုံးပြတာဟာ ရန်လိုတဲ့သဘောမဟုတ်ဘဲ ဆော့ကစားတဲ့ အပြုအမူသာ ဖြစ်ပါတယ်။

▪️ ပြန်ပြီးပြုံးပြတာကတော့ ၃၃ ရာခိုင်နှုန်းလောက် ရှိပါတယ်။

▪️ အသားစားသတ္တဝါတွေမှာ အေးအေးဆေးဆေး ပါးစပ်ဟပြခြင်း၊ မျောက်တွေမှာ ဆော့ကစားတဲ့မျက်နှာပြခြင်း၊ လူသားတွေရဲ့ ရယ်မောခြင်းတို့က ခင်မင်ရင်းနှီးမှုကို ဖော်ဆောင်နေတယ်လို့ ပြောပါတယ်။

▪️ ပါးစပ်ဟပြခြင်းက လင်းပိုင်တွေ ဆော့ကစားတဲ့အချိန်မှာ လုပ်ပြတတ်တဲ့ အမူအရာဖြစ်ပြီး တစ်ကောင်တည်း ရှိနေချိန်မှာနဲ့ ကွဲပြားပါတယ်။

▪️ သူတို့အချင်းချင်း ရင်းနှီးဆက်သွယ်တဲ့ သင်္ကေတလည်း ဖြစ်ပါတယ်။

▪️ ပါးစပ်ဟခြင်းနဲ့ ပုံတူလိုက်လုပ်ခြင်းတို့က နို့တိုက်သတ္တဝါတွေကြားမှာ ဖြစ်လေ့ရှိပြီး ဆက်ဆံရေးပုံစံအမျိုးမျိုး ဖော်ဆောင်ရာမှာ ပတ်သက်နေတယ်လို့ ပယ်လာဂီက ပြောသွားပါတယ်။

#Source: WION