Published_8 Oct 2024
မြန်မာ-ကိုရီးယား ချစ်ကြည်ရေး(ဒလ)တံတားကို သတ်မှတ်ကာလအတွင်းအပြီးတည်ဆောက်ရန် နိုင်ငံတော်စီ မံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က ပြောကြားခဲ့သည်။
ယနေ့အောက်တိုဘာလ ၈ ရက်တွင် တံတားစီမံကိန်းသို့ သွားရောက်ကြည့်ရှုစစ်ဆေးစဉ် ယင်းက အထက်ပါ အတိုင်း ပြောကြားခဲ့ခြင်းဖြစ်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။
နစကဥက္ကဌ က တံတားတည်ဆောက်ရေးစီမံကိန်းသည် ပြည်သူများအတွက် အကျိုးပြု သည့်လုပ်ငန်း တစ် ခုဖြစ်သဖြင့် တံတားတည်ဆောက်မှုလုပ်ငန်းများကိုသတ်မှတ်ကာလအတွင်း အပိုင်းအလိုက် ပြီးစီး စေရေးနှင့် တံတားကြံ့ခိုင်မှုကောင်းမွန်စေရေး စနစ်တကျ ဆောင်ရွက်သွားရန်လိုကြောင်းပြောကြားခဲ့သည်။
ယင်းအပြင် မော်တော်ယာဉ်များ အန္တရာယ်ကင်းရှင်း စွာဖြင့်သွားလာနိုင်ရေး ဆောင်ရွက်သွားရန် ၊တံတားတွဲ ဆက်ခြင်းလုပ်ငန်း များစနစ်တကျဖြစ်ရန် ၊သင်္ဘောများ၏ ရေလမ်းကင်းလွတ်မှုစနစ် တကျဆောင်ရွက် သွားရန် နှင့် ရေလယ်တာဝါတိုင်များ အန္တရာယ်ကင်းရှင်းရေးအတွက် ကြိုတင်စဉ်းစားဆောင်ရွက်ရန်တို့ကို မှာကြားခဲ့ ကြောင်း သိရသည်။
မြန်မာ-ကိုရီးယား ချစ်ကြည်ရေး(ဒလ)တံတားတည်ဆောက်ရေး စီမံကိန်း ကို ၂၀၁၂ ခုနှစ်တွင် နိုင်ငံတော် သမ္မ တဦးသိန်းစိန်၏ ကိုရီးယားနိုင်ငံ ချစ်ကြည် ရေး ခရီးစဉ်အတွင်း မြန်မာနိုင်ငံတွင် မြန်မာ-ကိုရီးယားချစ် ကြည်ရေး တံတားစီမံကိန်း တစ်ခုအကောင်အထည်ဖော်ဆောင်ရွက်ရန်ဆွေးနွေးခဲ့ပြီး ၂၀၁၃ ခုနှစ်တွင် စတင်အကောင် အထည်ဖော်ကာ၂၀၁၅ ခုနှစ်တွင် တည်ဆောက်ရေး လုပ်ငန်းများစတင်ခဲ့ကြောင်း သိရသည်။
ယင်းတံတားအမျိုးအစားမှာ ကြိုးဆိုင်းတံတား (Cable - Stayed Bridge) အမျိုးအစားဖြစ်ပြီး တံတား တည် ဆောက်ပြီးစီးပါက ရန်ကုန်မြို့မှ ဒလ၊ တွံ့တေး၊ ကော့မှူး၊ ကွမ်းခြံကုန်းမြို့နယ်များ၊ ဒေးဒရဲတံတားမှ တဆင့် ကမ်းခြေဒေသများနှင့် ဧရာဝတီတိုင်းဒေသကြီးတစ်ခုလုံးသို့ လွယ်ကူလျင်မြန်စွာ သွားလာနိုင်ကာ လက်ရှိဖြစ် ပေါ်နေသည့် ရန်ကုန်မြို့၏ ယာဉ်ကြောပိတ်ဆို့ မှုများလည်း အတိုင်းအတာတစ်ခုအထိ လျော့ပါးသက်သာသွား မည့်အပြင်လူမှုရေး၊ စီးပွားရေး၊ ပညာရေး၊ ကျန်းမာရေးနှင့် သယ်ယူပို့ဆောင်ရေးကဏ္ဍဖွံ့ဖြိုး တိုးတက်မှု ကဏ္ဍ ပေါင်းစုံ၌ ဖွံ့ဖြိုးတိုးတက်လာနိုင်ပြီး ရန်ကုန်မြို့၏ အထင်ကရပြယုဂ် (Landmark) တစ်ခုလည်း ဖြစ်လာမည်ဖြစ် ကြောင်း သိရသည်။
Yangon_Times/PP

အီရန်ကိုတိုက်ခိုက်လာလျှင် ဆောင်ရွက်မည့်ကိစ္စများ အီရန်ဝန်ကြီးချုပ်ဆီးရီးယားသို့လာရောက်ဆွေးနွေး

အီရန်ဝန်ကြီးချုပ်ဆေယက်အက်ဘက်စ်အရက်ဂ်ချီက အီရန်ဟာ ဂါဇာနဲ့ လက်ဘနွန်တိုမှာ အပစ်အခတ်ရပ်စဲဖို့ကို ထောက်ခံကြောင်း၊ တိုက်ခိုက်မှုမှန်သမျှကို လိုအပ်လာပါက အင်အားပိုသုံးပြီး တုန့်ပြန်သွားမှာကို သတိပေးလိုကြောင်း စနေနေ့က ဒါမတ်စ်ကပ်စ်မှာ ပြောသွားပါတယ်။
#World_News
Published 8 October 2024
#အီရန်ဝန်ကြီးချုပ် #ဆေယက်အက်ဘက်စ်အရက်ဂ်ချီ
#YMG #Yangon_Times #Yangon_Media_Group

#Daily_News
Published 8 October 2024

၁။ ရေကျော်သီတင်းကျွတ်မီးထွန်းပွဲတော် အခုနှစ်လည်းကျင်းပရန်မသေချာသေး

၂။ ရေနစ်မြုပ်၍ပျက်စီးခဲ့ရသည့် ပဲကြော်ပဲလှော်ဖို (၄၈)ဖိုအနက်(၁၀)ဖို ပြန်လည်ပတ်နေပြီဟုဆို

၃။ စပါးသစ်ထွက်ရှိချိန် ဈေးကောင်းသော်လည်း တွက်ခြေကိုက်မှုနည်းပါး

၄။ အီရန်ကိုတိုက်ခိုက်လာလျှင် ဆောင်ရွက်မည့်ကိစ္စများ အီရန်ဝန်ကြီးချုပ်ဆီးရီးယားသို့လာရောက်ဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 8 October 2024

▪️ ရန်ကုန်တိရစ္ဆာန်ဥယျာဉ်တွင် သီတင်းကျွတ်ဈေးရောင်းပွဲတော်ကို အောက်တိုဘာ(၁၆)ရက်မှစတင်၍ စည်ကားသိုက်မြိုက်စွာ ကျင်းပသွားမည် ဖြစ်ကြောင်းသိရသည်။

▪️ ပွဲတော်ကာလအတွင်း လာရောက်လည်ပတ်ကြသူများအတွက် ကျောင်းသုံးနှင့်လူသုံးကုန်ပစ္စည်းများ၊ စားသောက်ဖွယ်ရာများရောင်းချပေးမည့်ဆိုင်ခန်းများစွာပါဝင်မည် ဖြစ်သည်။

▪️ ပွဲတော်ကိုသီတင်းကျွတ်ကျောင်းပိတ်ရက် ဖြစ်သည့် အောက်တိုဘာ(၁၆)ရက်ကနေ(၂၀)ရက်အထိ (၅)ရက်တိုင်တိုင် ကျင်းပသွားမည်ဖြစ်သည်။

▪️ တိရစ္ဆာန်ဥယျာဉ်(ရန်ကုန်)တွင် နွဲပျော်ကြမည့်အစီအစဉ်  ဈေးရောင်းပွဲတော်တွင် Glory Talents & Models Agency ၏ အဆိုရှင်ပေါင်းများစွာ ပါဝင်အားဖြည့်ဖျော်ဖြေတင်ဆက်သွားမည်ဖြစ်ကြောင်း သိရသည်။

#YMG/tthl #Yangon_Times

ရေဘေးသင့်ဒေသတွေမှာ ထိခိုက်/ပျက်စီးတဲ့ စိုက်ပျိုးရေးလုပ်ငန်းတွေနဲ့ တောင်သူလယ်သမားတွေအတွက် ပြန်လည်ထူထောင်ရေးဆောင်ရွက်ဖို့ ကျပ်သိန်းပေါင်း ၁၇၅၀၀ ပါဝင်ကူညီ ဆောင်ရွက်ထားတယ်လို့ မြန်မာနိုင်ငံဆန်စပါးအသင်းချုပ်က အသိပေးထားပါတယ်။
#Local_News
Published 8 October 2024
#မြန်မာနိုင်ငံဆန်စပါးအသင်းချုပ် #တောင်သူလယ်သမား
#YMG/NN #Yangon_Times

အောက်တိုဘာလအတွက် ပြည်ပပို့ဆန်ကြမ်းရည်ညွှန်းဈေး အနည်းငယ်တက်လာတယ်လို့ စားသုံးသူရေးရာဦးစီးဌာနက သိရပါတယ်။
#Local_News
Published 8 October 2024
#ပြည်ပပို့ဆန်ကြမ်း #ရည်ညွှန်းဈေးတက်
#YMG/NN #Yangon_Times

ဧရာဝတီတိုင်းဒေသကြီးရှိ မြို့နယ်အချို့မှာ စပါးသစ်စတင်ထွက်ရှိခာချိန်မှာဈေးကောင်းရရှိ‌နေပေမယ့်လည်းတွက်ခြေကိုက်မှုနည်းပါးနေတယ်လို့ တောင်သူဘဝ ဖွံ့ဖြိုးရေးအသင်းက သိရပါတယ်။
#Local_News
Published 8 October 2024
#စပါးသစ်ထွက် #တွက်ခြေကိုက်မှုနည်းပါး
#YMG/NN #Yangon_Times

ရေနစ်မြုပ်ပျက်စီးဆုံးရှုံးခဲ့တဲ့ ပဲကြော်ပဲလှော်ဖို (၄၈)ဖိုရှိပြီးပဲလှော်ဖို(၁၈)ဖို ပြန်လည်ပြုပြင်‌နေပြီး ပြုပြင်ထားတဲ့ ပဲလှော်ဖိုတွေအနက် ပဲလှော်ဖို(၁၀)ဖိုမှာ လုပ်ငန်းတွေ စတင်လည်ပတ်လျက်ရှိတယ်လို့ သိရပါတယ်။
#Local_News
Published 8 October 2024
#ရေမြုပ်ပျက်စီး #ပဲကြော်ပဲလှော်ဖို
#YMG/tthl #Yangon_Times

အခု၂၀၂၄ခုနှစ်မှာ ရေကျော်သီတင်းကျွတ်မီးထွန်းပွဲတော် ပြန်လည်ကျင်းပမယ်လို့ မကြားမိသေးဘူးလို့ ပွဲတော်ဆိုင်ခန်းစီစဉ်ရေးမှာပါဝင်သူတစ်ဦးထံမှ သိရပါတယ်။
#Local_News
Published 8 October 2024
#ရေကျော်သီတင်းကျွတ်မီးထွန်းပွဲ #ပွဲတော်မကျင်းပ
#YMG/tthl #Yangon_Times

#World_News
Published 08 October 2024

▪️ မြောက်ကိုရီးယားခေါင်းဆောင် ကင်မ်ဂျုံအန်းက သူ့တိုင်းပြည်ဟာ နျူကလီးယားလက်နက်များဖြင့် စစ်ရေးအင်အား အလွန်ကြီးမားတဲ့မဟာ နိုင်ငံဖြစ်လာရေးအတွက် အရှိန်မြှင့်လုပ်ဆောင်သွားမှာ ဖြစ်ပြီး ရန်သူတစ်ဦးဦးမှ တိုက်ခိုက်လာပါက ထိုလက်နက်များ အသုံးပြုဖို့ စဉ်းစားသွားမှာဖြစ်တယ်လို့ ပြောကြားခဲ့ကြောင်း နိုင်ငံပိုင် KCNA သတင်းဌာနက အင်္ဂါနေ့မှာ ဖော်ပြထားပါတယ်။

▪️ ဒါ့အပြင် တောင်ကိုရီးယားသမ္မတ ယွန်ဆော့ယောလ်ကိုလည်း နာမည်နဲ့တကွ ရှုတ်ချလိုက်ပြီး ယင်းတို့ဟာ သင့်တင့်တဲ့ ဗျူဟာမြောက်လက်နက်များ မရှိဘဲနဲ့ အမေရိကန်နဲ့ ပူးပေါင်းပြီး ဒေသတွင်း တည်ငြိမ်အေးချမ်းမှု ပျက်ပြားစေရန် ကြိုးပမ်းနေတယ်လို့ ပြောသွားပါတယ်။

▪️ "ယွန်ဆော့ယောလ် မိန့်ခွန်းပြောကြားရာမှာ မြောက်ကိုရီးယား ဘယ်လိုအဆုံးသတ်မလဲဆိုတာကို စော်စော်ကားကား ပြောကြားခဲ့ပြီး ဒါဟာ အမေရိကန်အပေါ်မှာ စုံလုံးကန်း ယုံကြည်အားထားနေတာကို မြင်တွေ့ရတယ်" လို့ ကင်မ်ဂျုံအန်းက ပြောသွားပါတယ်။

▪️ ရိုးရိုးသားသားပြောရရင် တောင်ကိုရီးယားကို တိုက်ခိုက်ဖို့ ရည်ရွယ်ချက် မရှိကြောင်း စစ်ရေးလက်ရွေးစင်များအတွက် လေ့ကျင့်ရေးနေရာတစ်ခုမှာ မိန့်ခွန်းပြောသွားပါတယ်။

▪️ "ကျွန်ုပ်တို့တိုင်းပြည်ကို ရန်သူတွေ အင်အားသုံးဖို့ ကြိုးစားလာပါက ရှိသမျှလက်နက်အားလုံးဖြင့် တုန့်ပြန်သွားမှာဖြစ်ပြီး နျူကလီးယားလက်နက်တွေလည်း ဖယ်ထားမှာမဟုတ်ပါဘူး။ စစ်ရေးအင်အားကြီး နိုင်ငံဖြစ်လာရေးနဲ့ နျူကလီးယားလက်နက်ပိုင် နိုင်ငံကြီး ဖြစ်လာရေး ခြေလှမ်းတွေကို အရှိန်မြှင့်တင်သွားမယ်" လို့ မိန့်ကြားခဲ့ပါတယ်။

▪️ မြောက်ကိုရီးယားနိုင်ငံဟာ နျူကလီးယားလက်နက် စီမံကိန်းကို ဆယ်စုနှစ်တွေကြာအောင် ကြိုးပမ်းနေခဲ့ပြီး လက်နက်ဒါဇင်ခန့် ပြုလုပ်ရန် ကုန်ကြမ်းပစ္စည်းများ အလုံအလောက် ရှိတယ်လို့ ယူဆရပါတယ်။

▪️ မြေအောက်နျူကလီးယား ဖောက်ခွဲရေးစမ်းသပ်ချက် ၆ ခုတော့ ပြုလုပ်ထားခဲ့ပါတယ်။

▪️ ပြီးခဲ့တဲ့ ရက်သတ္တပတ်က တောင်ကိုရီးယား တပ်မတော်နေ့ အခမ်းအနားမှာ ယွန်ဆော့ယောလ်က မြောက်ကိုရီးယား နျူကလီးယားလက်နက် အသုံးပြုမှာကို သတိပေးခဲ့ပြီး အသုံးပြုတဲ့နေ့ဟာ မြောက်ကိုရီးယားအစိုးရ အဆုံးသတ်တဲ့နေ့ပဲလို့ မိန့်ခွန်းပြောခဲ့တာ ဖြစ်ပါတယ်။

#Source: Reuters

#Local_News
Published 8 October 2024

▪️ မင်္ဂလာတောင်ညွှန့်မြို့နယ် သိမ်ဖြူလမ်းထောင့်ရှိ ဘိုးဘွားရိပ်သာ၌ မီးလောင်မှု တစ်ခု ယနေ့မနက်ပိုင်းတွင် ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ ၈ ရက်နေ့၊ မနက် ၁၀နာရီ ၂၅မိနစ် အချိန်ခန့် က ရန်ကုန်တိုင်းဒေသကြီး၊ မင်္ဂလာတောင်ညွှန့်မြို့နယ်၊ ကန်မြောက်ရပ်ကွက်၊ ဒေါ်သိန်းတင်လမ်းနှင့် သိမ်ဖြူလမ်းထောင့်တွင် မီးလောင်မှုတစ်ခု ဖြစ်ပွားခဲ့ကြောင်း သိရသည်။

▪️ "လူအိုရုံ ၊ဘိုးဘွားရိပ်သာ အပေါ် solar တပ်ထားတဲ့ နေရာ မီးအနည်းငယ်လောင်ဝာာပါ ၊ မိနစ်ပိုင်းအတွင်း မီးငြိမ်းပါပြီ" ဟု ဒေသခံတစ်ဦးကပြောသည်။

▪️ အဆိုပါ သတင်းရရှိသဖြင့် တာမွေမြို့နယ်မီးသတ်စခန်းမှ မီးငြှိမ်းသတ်ယာဉ်များ၊ မင်္ဂလာတောင်ညွှန့်မြို့နယ်မီးသတ်စခန်းမှ မီးငြှိမ်းသတ်ယာဉ်များ၊ ကျောက်တံတားမြို့နယ်မီးသတ်စခန်းမှ မီးငြှိမ်းသတ်ယာဉ်များ ထွက်ခွာခဲ့ကြောင်း သိရသည်။

▪️ ထိုသို့ငြိမ်းသတ်ခဲ့ရာ၁၀နာရီ  ၃၃ မိနစ်အချိန် ၌ မီးငြိမ်း ခဲ့ကြောင်း ၊မီးလောင်မှူ ဖြစ်စဉ်မှာ ဘိုးဘွားရိပ်သာအမိုးပေါ်တွင် တပ်ဆင်ထားသော Solar ပြား အနည်းငယ်လောင်ကျွမ်းခြင်းဖြစ်ကြောင်း သိရသည်။

#YMG/NN #Yangon_Times

#Local_News
Published 8 October 2024

▪️ ရန်ကုန်တိုင်းဒေသကြီး၊ အင်းစိန်မြို့နယ် ရွာမအရှေ့ရပ်ကွက်၌ ယနေ့မနက်အစောပိုင်းက ယာဉ်တိုက်မှုဖြစ်ပွားခဲ့ရာ ယာဉ်မောင်းညှပ်နေ၍ ကူညီရေးအဖွဲ့များမှကယ်ဆယ်ပြီး ဆေးရုံသို့ပို့ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ၈ရက်နေ့ မနက် ၁၂ နာရီ ၄၃ မိနစ်အချိန်ခန့်က ရန်ကုန်တိုင်းဒေသကြီး၊ အင်းစိန်မြို့နယ်၊ ရွာမအရှေ့ရပ်ကွက်၊ ဘုရင်နောင်လမ်း၊ ရွာမပရိယတ္တိစာသင်တိုက်အနီးတွင် ယာဉ်တိုက်မှုဖြစ်ပွားပြီး ယာဉ်မောင်းညှပ်နေခဲ့ကြောင်း သိရသည်။

▪️ အဆိုပါ သတင်းရရှိသဖြင့် အင်းစိန်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီးဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ ၁၂ နာရီ ၄၆ မိနစ်  အချိန်တွင် ယာဉ်မောင်းကျား(၁)ဦး(မစိုးရိမ်ရ)အား ကြက်ခြေနီအသင်းမှ သူနာတင်ယာဉ်ဖြင့် အင်းစိန်မြို့နယ်ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times