#World_Health
Published 08 October 2024

▪️ ကိုဗစ်-၁၉ရောဂါနဲ့ ကျောက်ကပ်ပြဿနာများကြား အချိန်ကြာလာတာနဲ့အမျှ သက်ရောက်မှုရှိလာကြောင်း ဆက်စပ်မှုရှိနေတာကို တရုတ်အနောက်ပိုင်းဆေးရုံ စီချွမ်တက္ကသိုလ်မှ သုတေသီများ ဖော်ပြလာပါတယ်။

▪️ ဒေါက်တာ လီချန်ယန်းနဲ့ ဒေါက်တာ ကျန်းရှောက်ရှီတို့က ဖော်ပြခဲ့ကြတာ ဖြစ်ပါတယ်။

▪️ ကိုဗစ်-၁၉က အသက်ရှူလမ်းကြောင်းကို အဓိကထိခိုက်တယ်လို့ သိထားကြပေမယ့် ကျောက်ကပ်လိုမျိုး အခြားအင်္ဂါတွေကိုလည်း ထိခိုက်စေပါတယ်။

▪️ ယူကေဇီဝဘဏ်မှ အချက်အလက်များ ရယူကာ အချိန်ကြာလာတာနဲ့အမျှ ကိုဗစ်-၁၉နဲ့ ကျောက်ကပ်ပြဿနာများရဲ့ သက်ရောက်မှုတွေကို စူးစမ်းခဲ့ကြပါတယ်။

▪️ ကိုဗစ်ရောဂါ ကူးစက်ပြီး ဒုတိယမြောက်သီတင်းပတ်မှာ ကျောက်ကပ်ပြဿနာများ ဖြစ်နိုင်ခြေ အမြင့်ဆုံးဖြစ်နေပြီး စတုတ္ထမြောက်သီတင်းပတ်မှာ စတင်ကျဆင်းလာပါတယ်။

▪️ ကိုဗစ်လူနာ ၁၀၁၂၁ ဦးနဲ့ နှိုင်းယှဉ်မယ့်သူ ၂၉၀၀၄ ဦးတို့ကို လေ့လာခဲ့ကြပါတယ်။

▪️ ထိုအခါမှာ ဒုတိယမြောက်အပတ်မှာ အန္တရာယ်အများဆုံး ဖြစ်နေပြီး စတုတ္ထမြောက်အပတ်မှာ ကျဆင်းလာတာကို တွေ့ရှိခဲ့ကြောင်း ဒေါက်တာလီက ဆိုပါတယ်။

▪️ ကိုဗစ်ရောဂါကို အပြင်းအထန် ခံစားရတဲ့သူတွေမှာသာ ကျောက်ကပ်လုပ်ဆောင်ချက် ပိုမိုဆိုးရွားခဲ့ကြပြီး ရောဂါအပျော့စားသာ ဖြစ်ပွားသူတွေကတော့ ဒီအန္တရာယ် မတွေ့ခဲ့ပါဘူး။

▪️ ကိုဗစ်ရောဂါ ကူးစက်ပြီး အစောပိုင်းရက်သတ္တပတ်တွေမှာ အပြင်းအထန် ခံစားရသူတွေကို ကျောက်ကပ်လုပ်ဆောင်ချက်များ သေချာစောင့်ကြည့်သင့်တယ်လို့ အလေးပေးဖော်ပြထားပါတယ်။

▪️ ဒါ့အပြင် အရှေ့အာရှနိုင်ငံတွေမှာ ကိုဗစ်ရောဂါက ကျောက်ကပ်ပြဿနာများနဲ့ ဆက်စပ်နေပုံကို လေ့လာသွားပြီး ဗိုင်းရပ်စ်နဲ့ ကျောက်ကပ်ပျက်စီးမှု ဆက်စပ်နေတဲ့ မော်လီကျူးဖြစ်စဉ်ကို စူးစမ်းသွားဖို့ စီစဉ်နေကြပါတယ်။

▪️ အနာဂတ်မှာ ဒီဆက်စပ်မှုကို ဖြေရှင်းလာနိုင်ဖို့ နောက်ထပ်သုတေသနများ လိုအပ်ကြောင်းလည်း ဒေါက်တာ ကျန်းရှောက်ရှီက ပြောသွားပါတယ်။

#Source: India Today

#World_Health
Published 08 October 2024

▪️ ညစာကို နောက်ကျမှ စားခြင်းဟာ အိပ်စက်ခြင်း၊ အစာခြေခြင်း၊ စိတ်အခြေအနေတို့ကို နှောင့်ယှက်စေပါတယ်။

▪️ ညစာကို နောက်ကျမှစားတဲ့အခါ အဝလွန်နိုင်ခြေ များတယ်လို့ မိုင်ယိုဆေးခန်းမှ အာဟာရပညာရှင် တယ်ရာရှမစ်က ပြောသွားပါတယ်။

▪️ ညနေ ၅ နာရီဝန်းကျင်ခန့် ညစာစားတဲ့သူတွေဟာ ကယ်လိုရီပိုမိုလောင်ကျွမ်းတယ်လို့ ၂၀၂၂ ခုနှစ်က လေ့လာချက်မှာ တွေ့ရှိခဲ့ပါတယ်။

▪️ ခန္ဓာကိုယ် လှုပ်ရှားနေပြီး အလင်းရောင်ရှိနေချိန်မှာ အကောင်းဆုံး အစာခြေပေးတာကြောင့် သွေးတွင်းသကြားဓာတ်လျော့နည်းစေနိုင်ကြောင်း ရှမစ်က ပြောပါတယ်။

▪️ သွေးတွင်းသကြားဓာတ် အမြဲတက်နေခြင်းက ဆီးချိုရောဂါဖြစ်စေတဲ့ လက္ခဏာ ဖြစ်ပါတယ်။

▪️ ညစာနောက်ကျလွန်းမှ စားခြင်းဖြင့် ရင်ပူခြင်း၊ အက်ဆစ်လျှံတက်ခြင်းတို့ ပိုဆိုးစေပါတယ်။

▪️ ၂၀၂၃ တွေ့ရှိချက်အရ ည ၉ နာရီနောက်ပိုင်းမှ ညစာစားတဲ့သူတွေမှာ လေဖြတ်အန္တရာယ် ၂၈ ရာခိုင်နှုန်း ပိုများစေပါတယ်။

▪️ ည ၈ နာရီနောက်ပိုင်း ၁ နာရီပိုကြာလာတိုင်း လေဖြတ်နိုင်ခြေ ၈ ရာခိုင်နှုန်း ပိုပိုများလာပါတယ်။

▪️ ဒါ့အပြင် အဆီနဲ့ အက်ဆစ်ဓာတ်များတဲ့ အစာတွေ၊ ကဖင်းဓာတ်၊ အစပ်စားစရာတွေကလည်း အစာမကြေဖြစ်စေပြီး ရင်ပူစေတာကြောင့် အိပ်ပျော်ဖို့ ခက်ခဲစေပါတယ်။

▪️ ပရိုတိန်း၊ အမျှင်ဓာတ်၊ ကာဗိုဟိုက်ဒရိတ်အုပ်စုတို့ကတော့ အိပ်စက်မှုကို ထောက်ပံ့ပေးပါတယ်။

▪️ အစားအစာကို ပိုပြီးဝါးစားရင်လည်း အစာခြေခြင်းကို ကူညီပေးပါတယ်။

▪️ စားတဲ့အခါ အာရုံစိုက်ပြီး စားခြင်းဖြင့် အလွန်အကျွံ စားသုံးမိခြင်းမှ ကာကွယ်ပေးပြီး ဘယ်အချိန်ရပ်တန့်ရမလဲဆိုတာ သိရှိနိုင်တယ်လို့ ပညာရှင်များ ဆိုပါတယ်။

#Source: New York Post

တရုတ်လျှပ်စစ်ကားများတင်သွင်းခြင်းအပေါ် အကောက်ခွန်နှုန်းတင်းကြပ်ရန် ဥရောပသမဂ္ဂကော်မရှင် အသိအမှတ်ပြုခြင်းအပေါ် ဥရောပနိုင်ငံအများအပြားမှဝေဖန်လာ

ဥရောပသမဂ္ဂကော်မရှင် (EU)က တရုတ်လျှပ်စစ်ကားများအပေါ် အကောက်ခွန်နှုန်း တင်းတင်းကြပ်ချမှတ်ခြင်းကို သောကြာနေ့က အသိအမှတ်ပြုလိုက်ရာ ဥရောပနိုင်ငံများနဲ့ မော်တော်ကား လုပ်ငန်းများမှ ဝေဖန်သံများ ထွက်ပေါ်လာပြီး အီးယူရဲ့ ပြိုင်ဆိုင်မှုအပေါ်ကိုပဲ ပြန်လည်သက်ရောက်လာလိမ့်မယ်လို့ သတိပေးနေကြပါတယ်။
#World_Business
Published 7 October 2024
#တရုတ်လျှပ်စစ်ကား #အကောက်ခွန်နှုန်းတင်းကြပ်
#YMG #Yangon_Times #Yangon_Media_Group

#Daily_News
Published 7 October 2024

၁။ စားအုန်းဆီဈေးနှုန်းများ နှစ်ပတ်ဆက်တိုက်ပြန်ကျလာ

၂။ ရန်ကုန်- မန္တလေး အထူးလေအိတ်ရထားနှင့် ပုဂံရထားများပြေးဆွဲပေးနေ

၃။ ကင်ဆာကုသစက်သစ်များတိုးချဲ့တပ်ဆင်ပြီး တစ်ရက်ကိုကင်ဆာလူနာ(၂၀၀)အထိ ကုသပေးနိုင်တော့မည်

၄။ တရုတ်လျှပ်စစ်ကားများတင်သွင်းခြင်းအပေါ် အကောက်ခွန်နှုန်းတင်းကြပ်ရန် ဥရောပသမဂ္ဂကော်မရှင် အသိအမှတ်ပြုခြင်းအပေါ် ဥရောပနိုင်ငံအများအပြားမှဝေဖန်လာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နိုင်ငံခြားဆေးဝါးဈေးကွက်ထဲမှာ ဒေါ်လာဈေးကျဆင်းချိန်မှာ ဆေးဝါးဈေးတွေ မကျဘဲ ဆေးဆိုင်အများစုကပစ္စည်းပြတ်လပ်တယ်လို့သာ ဝယ်ယူသူတွေကိုငြင်းဆိုနေကြတယ်လို့ ဝယ်ယူသုံးစွဲသူတွေဆီက သိရပါတယ်။
#Local_News
Published 7 October 2024
#ဆေးဝါးဈေးမကျ #ပစ္စည်းပြတ်
#YMG/NN #Yangon_Times

#World_News
Published 07 October 2024

▪️ အစ္စရေးလ်တို့က ဂါဇာမြောက်ပိုင်းနဲ့ လက်ဘနွန်တောင်ပိုင်းတို့မှာ အီရန်မဟာမိတ် စစ်သွေးကြွအဖွဲ့များကို ကျယ်ကျယ်ပြန့်ပြန့် တိုက်ခိုက်လျက်ရှိရာ တနင်္ဂနွေနေ့က လက်ဘနွန် ဘိုင်ရုမြို့ ဆင်ခြေဖုံးဒေသများကို လေကြောင်းတိုက်ခိုက်မှုများ ထပ်မံပြုလုပ်ခဲ့ပါတယ်။

▪️ ဗလီကျောင်းတစ်ခုကို ထိမှန်ခဲ့ရာမှာ အနည်းဆုံးလူ ၁၉ ဦးသေဆုံးခဲ့တယ်လို့ ပါလက်စ်တိုင်း အရာရှိများက ပြောပါတယ်။

▪️ ပြီးခဲ့တဲ့နှစ် အောက်တိုဘာ ၇ ရက်နေ့ ဟားမတ်စ်တို့ ကျူးကျော်တိုက်ခိုက်ပြီးနောက် ၁ နှစ်ပြည့်တဲ့အချိန်မှာ အစ္စရေးလ်က လက်ဘနွန်ရှိ ဟက်ဇ်ဘိုလာအဖွဲ့နဲ့ အပြန်အလှန်ပစ်ခတ်နေခဲ့ကာ စစ်မျက်နှာပြင်အသစ် ဖွင့်ခဲ့ပါတယ်။

▪️ ဟက်ဇ်ဘိုလာတို့က ဟိုင်ဖာမြို့မြောက်ပိုင်းကို တိုက်ခိုက်ခဲ့ကာ ဖျာထွက်လာတဲ့ ကျည်အစအနတွေက ဒုံးကျည်ကလား ဒုံးကျည်ဖျက်တွေကလားဆိုတာ မသေချာဘူးလို့ အစ္စရေးလ်စစ်တပ်က အတည်ပြုပါတယ်။

▪️ ဟက်ဇ်ဘိုလာတို့က အနီးနားရှိ ရေတပ်စခန်းတစ်ခုကို ပစ်ခတ်ဖို့ ကြိုးစားခဲ့တာဖြစ်ကြောင်းဆိုကာ မေဂန်ဒေးဗစ်အဒမ် လူနာတင်ကားစင်တာက အမြောက်ဆံတွေကြောင့် ဒဏ်ရာရသူ ၁၀ ဦးကို ကုသပေးခဲ့တယ်လို့ ပြောပါတယ်။

▪️ ပြီးခဲ့တဲ့သီတင်းပတ်က အီရန်တို့ အစ္စရေးလ်ကို ပဲ့ထိန်းဒုံးကျည်ဖြင့် ပစ်ခတ်ပြီးနောက် အစ္စရေးလ်ဘက်က ပြန်လည်ပစ်ခတ်မယ်လို့ ကြုံးဝါးထားပါတယ်။

▪️ ဒေသတွင်းပဋိပက္ခက ကျယ်ပြန့်လာတာကြောင့် အစ္စရေးလ်ကို ထောက်ပံ့နေတဲ့ အမေရိကန် ပတ်သက်လာတဲ့အပြင် ဆီးရီးယား၊ အီရတ်၊ ယီမင်တို့ရှိ အီရန်မဟာမိတ် စစ်သွေးကြွအဖွဲ့များကလည်း အစ္စရေးလ်ကို အဝေးကနေ ပစ်ခတ်လာပါတယ်။

▪️ တနင်္ဂနွေနှောင်းပိုင်းမှာ အစ္စရေးလ်တို့က ဘိုင်ရုဆင်ခြေဖုံးနေရာကို လေကြောင်းတိုက်ခိုက်မှုများ ထပ်မံပြုလုပ်ခဲ့ပါတယ်။

▪️ ဟက်ဇ်ဘိုလာစစ်သွေးကြွအဖွဲ့ကို ပစ်မှတ်ထားပြီး ပစ်ခတ်တာ ဖြစ်တယ်လို့ အစ္စရေးလ်က ပြောပါတယ်။

▪️ ထိုနေ့အစောပိုင်းက ပစ်ခတ်မှုမှာလည်း ဘိုင်ရု အရှေ့တောင်ဘက်ရှိ ကာမာတီယာမြို့မှ ၆ ဦးသေဆုံးခဲ့တယ်လို့ လက်ဘနွန်ကျန်းမာရေးဝန်ကြီးဌာနက ထုတ်ပြန်ပါတယ်။

▪️ ဂါဇာဘက်မှာတော့ အဓိကဆေးရုံကြီးအနီး စစ်ဘေးရှောင်ပြည်သူတွေ ခိုလှုံနေတဲ့ ဗလီကျောင်းတစ်ခုကို အစ္စရေးလ်တို့ ပစ်ခတ်ခဲ့ပါတယ်။

▪️ ဟားမတ်စ်ဦးဆောင်တဲ့ စစ်သွေးကြတွေဟာ ပြီးခဲ့တဲ့နှစ် အောက်တိုဘာ ၇ ရက်နေ့က အစ္စရေးလ်ဘက်ကို ကျူးကျော်ခဲ့ပြီး လူ ၁၂၀၀ ခန့်ကိုသတ်ဖြတ်ကာ ဓားစာခံ ၂၅၀ ကို ခေါ်ဆောင်သွားခဲ့တာ ဖြစ်ပါတယ်။

#Source: AP News

ကင်ဆာကုသစက်သစ်တွေအားလုံးတပ်ဆင်မှုပြီးစီးပါက ဒဂုံဆိပ်ကမ်း ကင်ဆာကုသ‌‌ရေးဌာနမှာ လာမယ့်ဒီဇင်ဘာလမှစတင်ပြီး တစ်ရက်ကိုကင်ဆာလူနာ(၂၀၀)အထိ ကုသပေးနိုင်တော့မှာဖြစ်တယ်လို့ သိရပါတယ်။
#Local_News
Published 7 October 2024
#ကင်ဆာကုသစက်သစ် #ကင်ဆာကုသ‌‌ရေးဌာန
#YMG/tthl #Yangon_Times

ရန်ကုန်- မန္တလေး အထူးလေအိတ်ရထားနဲ့  ပုဂံရထားတွေ ပုံမှန်အတိုင်းပြေးဆွဲပေးနေတယ်လို့ မြန်မာ့မီးရထားက သိရပါတယ်။
#Local_News
Published 7 October 2024
#မြန်မာ့မီးရထား #အထူးလေအိတ်ရထား
#YMG/NN #Yangon_Times

#Local_News
Published 7 October 2024

▪️ ရေနံနှင့် ရေနံထွက်ပစ္စည်းဆိုင်ရာ သိုလှောင်ခွင့်လိုင်စင်များကို ၂၀၂၅ခုနှစ်အတွက် သိုလှောင်ခွင့်လိုင်စင် သက်တမ်းများတိုးရန်  သတ္တုတွင်းဦးစီးဌာန၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ  အသိပေးထားသည်။

▪️ သတ္တုတွင်းဦးစီးဌာနမှ ခွင့်ပြုထုတ်ပေးထားသည့်  ရေနံနှင့် ရေနံထွက်ပစ္စည်းဆိုင်ရာ သိုလှောင်ခွင့်လိုင်စင်များသည် ၂၀၂၄ ခုနှစ်၊ ဒီဇင်ဘာ ၃၁ ရက်နေ့တွင်  သက်တမ်းကုန်ဆုံးမည်ဖြစ်ရာ ရေနံနှင့် ရေနံထွက်ပစ္စည်းဆိုင်ရာ သိုလှောင်ခွင့်လိုင်စင်များကို ရေနံနည်းဥပဒေ(၁၁၉)အရ သက်တမ်းကုန်ဆုံးမည့် နေ့ရက်မတိုင်မီ သက်တမ်းတိုးမြှင့် လျှောက်ထားကြရမည်ဖြစ်ကြောင်း သိရသည်။

▪️ အဆိုပါ သက်တမ်းကုန်ဆုံးမည့် နေ့ရက်မတိုင်မီနှစ်လကြိုတင်ပြီး လာမည့်နှစ်အတွက် သက်တမ်းတိုး လျှောက်ထားရန် လိုအပ်ကြောင်း၊ လိုင်စင်များ သက်တမ်းတိုးမြှင့်မှုကိုမူ နိုဝင်ဘာ ၁ ရက်မှ ဒီဇင်ဘာလ ၃၁ ရက်အတွင်း လျှောက်ထားကြရမည်ဖြစ်ကြောင်း သိရသည်။

▪️ ထို့အပြင် သက်တမ်းတိုးရန် ပျက်ကွက်သည့်  သိုလှောင်ခွင့်လိုင်စင်များအတွက် ရက်လွန်ဒဏ်ကြေးအဖြစ် ၂၀၂၅ ခုနှစ် ဇန်နဝါရီလ ၁ ရက်နေ့မှ စတင်ပြီး တစ်ရက်လျှင်  သိုလှောင်ခွင့်လိုင်စင်ကြေးရဲ့ ၂ ရာခိုင်နှုန်းပေးရမည်ဖြစ်ကြောင်း သိရသည်။

#YMG/NN #Yangon_Times

အခုအပတ်မှာ‌တော့ စားအုန်းဆီရည်ညွှန်းဈေးနှုန်းကို တစ်ပိဿာ ၆၄၅၅ ကျပ်နဲ့ရောင်းချဖို့ သတ်မှတ်လိုက်တဲ့အတွက် စားအုန်းဆီဈေးနှုန်းနှစ်ပတ်ဆက်တိုက်ကျလာတယ်လို့ သိရပါတယ်။
#Local_News
Published 7 October 2024
#စားအုန်းဆီဈေးကျ #ရည်ညွှန်းဈေး
#YMG/tthl #Yangon_Times

#Local_News
Published 7 October 2024

▪️ မြန်မာအမျိုးသမီးလက်ရွေးစင်အသင်းနှင့် ဟောင်ကောင် အမျိုးသမီးအသင်းများ ခြေစမ်းပွဲကို ရန်ကုန်မြို့၌ ယခုရက်ပိုင်းအတွင်း ကျင်းပသွားမည်ဖြစ်ကြောင်း  MFF မှ သိရသည်။

▪️ အဆိုပါ ခြေစမ်းပွဲအားအောက်တိုဘာ (၂၃)ရက်နှင့်(၂၆)ရက်တို့တွင်နှစ်ကျော့ယှဉ်ပြိုင်ကစားသွားမည်ဖြစ်ရာ ရန်ကုန်မြို့၊ သုဝဏ္ဏအားကစားကွင်းနှင့် ရန်ကုန်ယူနိုက်တက်၏ အိမ်ကွင်း YUSC တွင် ယှဉ်ပြိုင်ကစားရန် စီစဉ်ထားကြောင်း သိရသည်။

▪️ မြန်မာ့လက်ရွေးစင် အမျိုးသမီးနှင့်ဟောင်ကောင်လက်ရွေးစင် အမျိုးသမီးအသင်းတို့သည် တရုတ်နိုင်ငံတွင် ကျင်းပခဲ့သည့် ၂၀၂၂ အာရှအားကစားပြိုင်ပွဲတွင်နောက်ဆုံးတွေ့ဆုံခဲ့ကြောင်း သိရသည်။

▪️ အဆိုပါပွဲ၌  မြန်မာ့လက်ရွေးစင် အမျိုးသမီးအသင်းက မြတ်နိုးခင်သွင်းယူသည့် တစ်လုံးတည်းသောဂိုးဖြင့် အနိုင်ရရှိထားကြောင်း၊ မြန်မာ့လက်ရွေးစင် အမျိုးသမီးအသင်း၏ ပဏာမလူစာရင်တွင်လည်း အ တွေ့အကြုံရှိ ကစားသမားများနှင့်  လူငယ်ကစားသမားများကိုလည်း ထည့်သွင်းရွေးချယ်ထားကြောင်း သိရသည်။

▪️ ထို့အပြင် ပဏာမ မြန်မာ့လက်‌ရွေးစင် အမျိုးသမီးဖူဆယ်အသင်းသည် ဖိလစ်ပိုင် နိုင်ငံကနိုဝင်ဘာ ၁၆မှ ၂၂ ရက်အထိ အိမ်ရှင်အဖြစ် လက်ခံကျင်းပမည့် အာဆီယံ အမျိုးသမီး ဖူဆယ် ချန်ပီယံရှစ်ပြိုင်ပွဲဝင်ရောက်ယှဉ်ပြိုင်ရန်အတွက် စခန်းသွင်းလေ့ကျင့်မှုများကို စက်တင်ဘာ ၃၀ ရက်က စတင်ပြုလုပ်ခဲ့သည်။

▪️ အဆိုပါပဏာမ မြန်မာ့လက်ရွေးစင်အမျိုးသမီး ဖူဆယ်အသင်းသည် သုဝဏ္ဏကွင်းအတွင်းရှိ လက်ရွေးစင် ကစားသမားများ အဆောင်တွင် နေထိုင်ပြီး MFF Futsal Stadium၌ လေ့ကျင့်မှုများ ပြုလုပ်သွားလျှက်ရှိကြောင်း  သိရသည်။

#YMG/NN #Yangon_Times

#World_Health
Published 07 October 2024

▪️ ခန္ဓာကိုယ်မှာ မမောနိုင်မပန်းနိုင် အလုပ်လုပ်နေတဲ့ နှလုံးအင်္ဂါကို ဆေးဘက်ဆိုင်ရာမှာ ဆန်းသစ်တီထွင်မှုများ ဦးစားပေး ပြုလုပ်နေကြပါတယ်။

▪️ ယနေ့ဆိုရင် AI စနစ်ဖြင့် ရောဂါရှာဖွေမှုများ၊ ဆေးပစ္စည်းများ၊ ဒီဂျစ်တယ် ကျန်းမာရေး ရှာဖွေရေးများ၊ ဆန်းသစ်တဲ့ ကုသနည်းများ ပြုလုပ်နေကြကာ အသက်များစွာကို ကယ်ဆယ်နိုင်ရုံမက ကမ္ဘာပေါ်က လူတွေရဲ့ နေထိုင်မှုဘဝကိုပါ တိုးတက်လာစေပါတယ်။

▪️ ၂၀ ရာစုနှစ်လောက်က နှလုံးနဲ့ ပတ်သက်ပြီး ECG ဓာတ်မှန်ရိုက်ခြင်းကို ဝီလမ်အိုင်သိုဗင်က တီထွင်ခဲ့ပေမယ့် ကုသမှုတွေကတော့ အကန့်အသတ် ရှိခဲ့ပါတယ်။

▪️ ၁၉၅၀ ဝန်းကျင်မှာ ရင်ဘတ်ဖွင့်ပြီး နှလုံးခွဲစိတ်မှု စတင်ခဲ့ကာ ၁၉၆၇ မှာ ပထမဆုံး နှလုံးအစားထိုးမှု အောင်မြင်ခဲ့ပြီးနောက် နှလုံးရောဂါ ကုသနည်းအသစ်များ ထွက်ပေါ်ဖို့ လမ်းစဖြစ်လာပါတယ်။

▪️ ၂၁ ရာစုအစောပိုင်းမှာတော့ နှလုံးစောင့်ရှောက်ရေးမှာ ခေတ်မီနည်းပညာများ တိုးတက်လာပြီး ၁၉၇၀ လောက်မှာ နှလုံးသွေးကြောကျဉ်းခြင်းကို ဖွင့်ပေးတဲ့ အသေးစိတ်ခွဲစိတ်မှု စတင်ခဲ့ပါတယ်။

▪️ ဒါ့အပြင် သွေးကြောတွေထဲမှာ ပြွန်လေးတွေထည့်ပြီး သွေးစီးဆင်းမှုကောင်းစေတဲ့ နည်းလမ်းတွေလည်း ကျင့်သုံးလာပါတယ်။

▪️ နှလုံးခုန်မမှန်ခြင်းကို ထိန်းချုပ်ပေးမယ့် နှလုံးစက်ငယ်များလည်း တီထွင်လာကြပါတယ်။

▪️ ခေတ်မီစက်တွေဆိုရင် ခန္ဓာကိုယ် လှုပ်ရှားမှုပေါ်မူတည်ပြီး နှလုံးခုန်နှုန်းကို ထိန်းညှိလာနိုင်ပါတယ်။

▪️ ICD စက်ဆိုရင် နှလုံးခုန်ခြင်းကို စောင့်ကြည့်နေပြီး အန္တရာယ်ရှိလောက်တဲ့ နှလုံးရပ်ခြင်းမျိုး တွေ့ရှိပါက ရှော့ရိုက်ချက်ပေးကာ လူနာအသက်ကို ကယ်ဆယ်ပေးပါတယ်။

▪️ ဒီဂျစ်တယ်ခေတ် ရောက်လာတဲ့အခါ ထပ်မံအဆင့်မြင့်လာပြီး နှလုံးကျန်းမာရေးကို ထိန်းချုပ်စောင့်ကြည့်မယ့် ပစ္စည်းတွေ၊ အက်ပ်တွေ ပေါ်လာပါတယ်။

▪️ စမတ်နာရီ၊ ကျန်းမာရေးစောင့်ကြည့်စက်တွေဆိုရင် နှလုံးခုန်နှုန်း၊ ECG ဆင်ဆာများ၊ သွေးပေါင်ချိန်များကို စောင့်ကြည့်လာနိုင်ကာ လက်တွေ့အချက်အလက်တွေ ပေးစွမ်းနိုင်သလို နှလုံးပြဿနာများကို စောစီးစွာ တွေ့ရှိနိုင်ပါတယ်။

▪️ မိုဘိုင်းဖုန်းတွေထဲက အက်ပ်တွေမှာ နှလုံးကျန်းမာရေးကို စောင့်ကြည့်နိုင်သလို ဆေးဘက်ဆိုင်ရာ ခြေရာခံစနစ်တွေ ပါဝင်လာပြီး အသုံးပြုသူကို ကျန်းမာရေးအသိပညာများ ပေးနေမှာ ဖြစ်ပါတယ်။

▪️ ဆရာဝန်ထံသွားရောက်ဖို့ ခက်ခဲသူတွေအတွက် အဝေးကနေ ဆက်သွယ်စောင့်ရှောက်နိုင်တဲ့ နည်းလမ်းတွေလည်း ပေါ်လာပါတယ်။

▪️ အနာဂတ်မှာလည်း AI စနစ်များ အဆင့်မြင့်လာတာကြောင့် နှလုံးစောင့်ရှောက်ရေး နည်းပညာတွေ ထပ်မံပြောင်းလဲလာဖို့ ရှိနေပါတယ်။

#Source: DoctorNDTV