#World_News
Published 26 November 2025

■ ထိုင်းနိုင်ငံ ဟတ်ယိုင်မြို့မှာ ဆိုးရွားတဲ့ ရေကြီးရေလျှံမှု ဆက်လက်ကြုံတွေ့နေရကာ မြို့ရဲ့ စီးပွားရေးဒေသအနေနဲ့ အနည်းဆုံး ဒီဇင်ဘာလလယ် မတိုင်ခင်အထိ ရေမြုပ်နေဦးမယ်လို့ ကျွမ်းကျင်သူများ သတိပေးထားပါတယ်။

■ ဆာဒေါင်ခရိုင်မှာ အမြင့်ပိုင်းရေလျှံမှုကျဆင်းနေပေမယ့် မြို့ကိုမရောက်ခင်အထိ အနိမ့်ပိုင်းရေစီးဆင်းကာ ရေလျှံမှုပိုဆိုးစေလိမ့်မယ်လို့ အမျိုးသားကပ်ဘေးသတိပေးကောင်စီဖောင်ဒေးရှင်းမှ ဒုဥက္ကဌ ပရော်ဖက်ဆာ ဆရီးဆူပရာတစ်က အင်္ဂါနေ့မှာ ပြောသွားပါတယ်။

■ အင်္ဂါနေ့ နံနက် ၇ နာရီက တနင်္လာနေ့ထက် ၂ မီတာနီးပါး ပိုမြင့်လာပြီး အရင်ရက်တွေက တပိုင်းနစ်နေတဲ့အိမ်တွေဟာ လုံးဝနစ်မြုပ်သွားပြီဖြစ်ကာ ခွန်လန်မြူနီစီပယ်လိုမျိုး နေရာတွေက အိမ်နိမ့်တွေဆိုရင် ခေါင်းမိုးအထိ မြုပ်နေပြီလို့ ဖေ့စ်ဘွတ်ခ်မှာ ပြောထားပါတယ်။

■ နိုဝင်ဘာ ၂၁ မှ ၂၅ အတွင်း မိုးရွာသွန်းမှုက ၈၅၀ မီလီမီတာခန့်ရှိခဲ့ကာ ကုဗမီတာ ၁၂၀၀ မှ ၁၅၀၀ သန်းကြား ရှိခဲ့ပါတယ်။

■ သဘာဝရေဆင်းမြောင်းတွေနဲ့ ရေစုတ်ထုတ်မှုတွေကနေ ရေပြန်ကျဖို့အတွက် ၁၀ ရက်ခန့်ကြာမြင့်နိုင်ပေမယ့် ပင်လယ်ရေမျက်နှာပြင် မြင့်တက်နေတာကြောင့် ကြန့်ကြာနေရပါတယ်။
၂၀၀၇ ကပ်ဘေးကာကွယ်ရေးနဲ့ လျှော့ချရေးဥပဒေအရ ကပ်ဘေးထိန်းသိမ်းရေးပူးပေါင်းမှုတွေ မရှိတဲ့အပေါ် ပရော်ဖက်ဆာဆရီးက ဝေဖန်လိုက်ပါတယ်။

■ လူတွေက အိမ်ခေါင်မိုးပေါ် တက်နေရကာ ကားတွေနစ်မြုပ်နေကြောင်း၊ အဖွဲ့အစည်းတွေက အကူအညီတောင်းနေကြပေမယ့် ဗဟိုကွပ်ကဲရေးအပိုင်းက ဆောင်ရွက်ခြင်းမရှိကြောင်း ပြောပါတယ်။

■ ရေစီးဆင်းစေပြီး အဆုံးအရှုံးနည်းစေဖို့ လမ်းမတာရိုးတွေကို ဖြတ်တောက်ခြင်းလိုမျိုးတွေ ချက်ချင်းလုပ်ဆောင်ဖို့ တိုက်တွန်းနေပါတယ်။

■ ကယ်ဆယ်ရေးနဲ့ အရေးပေါ်လုပ်ဆောင်မှုတွေ ပြုလုပ်ကြဖို့ ထိုင်းကွန်မြူနတီဖောင်ဒေးရှင်းမှ မန်နေဂျာ မိုင်ထရီဂျောင်ခရိုင်ချက်က တောင်းဆိုထားပါတယ်။

■ ပြည်သူတွေအနေနဲ့ အရေးပေါ်ထောက်ပံ့ပစ္စည်းများ ပြင်ဆင်ထားခြင်း၊ ထွက်ပြေးရန်လမ်းကြောင်းများ စီစဉ်ထားခြင်း၊ အားနည်းသူများကို ကူညီခြင်းများ ပြုလုပ်ထားကြဖို့ အကြံပြုထားပါတယ်။

Source: Bangkok Post

#World_Health
Published 26 November 2025

■ အသက်မကြီးသေးတဲ့အရွယ်မှာ ဆံပင်ဖြူတွေ့လိုက်တာနဲ့ စိုးရိမ်စိတ်တွေ ဖြစ်တတ်ကြပါတယ်။

■ ဒါပေမဲ့ ဆံပင်ဖြူပေါက်တာက သိပ်ပြီးစိုးရိမ်စရာ မလိုဘူးလို့ လေ့လာချက်အသစ်မှာ ဖော်ပြထားပါတယ်။

■ ဆံပင်ဖြူတယ်ဆိုတာက အိုမင်းလာတဲ့သဘော တစ်ခုတည်းမဟုတ်ဘဲ အရေပြားကင်ဆာအချို့ကို ခန္ဓာကိုယ်က သဘာဝအတိုင်းခုခံတဲ့ဖြစ်စဉ် ဖြစ်ဖွယ်ရှိတယ်လို့ တိုကျိုတက္ကသိုလ်က လေ့လာထားပါတယ်။

■ သုတေသီတွေက ဆံကေသာရောင်ခြယ်ဆဲလ်တွေ DNA ထိခိုက်ပျက်စီးမှုနဲ့ ဆဲလ်ဖိစီးမှုများအပေါ် ဘယ်လိုသက်ရောက်လဲဆိုတာကို လေ့လာခဲ့ကြတာ ကြာပါပြီ။

■ ကင်ဆာဆဲလ်တွေ ကြီးထွားမလာစေရန် ခန္ဓာကိုယ်က ရောင်ခြယ်ထုတ်ပေးတဲ့ ပင်မစတမ်ဆဲလ်တွေကို တမင်တကာ ပိတ်ချပစ်တဲ့သဘော ဖြစ်နိုင်တယ်လို့ တွေ့ရှိဖော်ပြလာပါတယ်။

■ ဆံပင်ကို အရောင်ဖြစ်စေတဲ့ ရောင်ခြယ်ဆဲလ်တွေအနေနဲ့ DNA ပျက်စီးခြင်းမျိုးနဲ့ ကြုံတွေ့တဲ့အခါ DNA အမျှင်တန်းကျိုးပဲ့သွားပြီး ဆဲလ်တွေ ပြန်မကောင်းတော့ဘဲ ဆံပင်ဖြူသွားစေတာ ဖြစ်ပါတယ်။

■ ပျက်စီးသွားတဲ့ဆဲလ် ပွားများပြီး ကင်ဆာအကျိတ်ဖြစ်မယ့်အစား ဆံပင်အရောင်ကိုပဲ ဖြူစေလိုက်တာ ဖြစ်ပါတယ်။

■ အရွယ်မတိုင်ခင် ဆံပင်ဖြူတာက ဖိစီးမှု၊ အာဟာရချို့တဲ့ခြင်း၊ သိုင်းရွိုက်ပြဿနာ၊ ဆေးလိပ်သောက်ခြင်းတို့နဲ့ ဆက်စပ်နေပါတယ်။

■ ကျန်းမာရေးနဲ့ ညီညွတ်စွာ စားသုံးခြင်း၊ ဖိစီးမှုဖြေလျှော့ခြင်းစသဖြင့် နေထိုင်စားသောက်မှုပုံစံ ပြောင်းလဲခြင်းဖြင့် အရွယ်မတိုင်ခင် ဆံပင်ဖြူခြင်းကို ကာကွယ်နိုင်ပါတယ်။

Source: Times of India.

#World_Health
Published 26 November 2025

■ လိမ္မော်သီးခွံနဲ့ သစ်ကြံပိုးခေါက်တို့ကို ပြုတ်ခြင်းရဲ့ အကျိုးအာနိသင်တွေကို ထောက်ခံအားပေးသူတွေ များပြားလာပါတယ်။

■ လူမစားတဲ့အခွံတွေနဲ့ ဟင်းခတ်အမွှေးအကြိုင်တွေရဲ့ အာနိသင်တွေကို စိတ်ဝင်စားလာကြကာ သဘာဝ ပိုးမွှားသန့်စင်ဆေးနဲ့ လေသန့်စင်ပစ္စည်းအဖြစ် အသုံးပြုလိုလာကြပါတယ်။

■ အသုံးပြုတဲ့နည်းလမ်းကတော့ လိမ္မော်ခွံ ၂ ဖတ် ၃ ဖတ်နဲ့ သစ်ကြံပိုးခေါက်ချောင်းတွေကို ရေထဲမှာ ၁၀-၁၅ မိနစ်ခန့် ပွက်ပွက်ဆူအောင် တည်ထားရပါတယ်။

■ ထွက်လာတဲ့အငွေ့က လေသန့်စင်ဆေးဗူးတွေထက် ပိုမိုသန့်ရှင်းတယ်လို့ ဆိုနေကြပြီး လေထဲကို ဒြပ်ပေါင်းတွေ ထုတ်လွှတ်ကာ ဘက်တီးရီးယားနဲ့ မှိုတို့ကို သေစေတဲ့ အာနိသင်တွေ ရှိပါတယ်။

■ လိမ္မော်ခွံထဲမှာ ဓာတ်တိုးဆန့်ကျင်ပစ္စည်းများစွာ ပါဝင်ကာ အပူပေးလိုက်တဲ့အခါ ဇီဝသတ္တိကြွလာပြီး လေထဲပျံ့နှံ့သွားပါတယ်။

■ သစ်ကြံပိုးခေါက်မှာတော့ Cinnamomum zeylanicum လို့ခေါ်တဲ့ပစ္စည်းက ပိုးမွှားသေစေကာ ဓာတ်တိုးဆန့်ကျင်နဲ့ ရောင်ရမ်းဆန့်ကျင်အာနိသင်များ ပါဝင်ပါတယ်။

■ နှစ်မျိုးပေါင်းလိုက်တဲ့အခါ လေဝင်လေထွက်မကောင်းတဲ့ နေရာတွေမှာ ရှင်သန်လေ့ရှိတဲ့ ရောဂါပိုးမွှားတွေကို ဆန့်ကျင်နိုင်တယ်လို့ တွေ့ရှိထားပါတယ်။

■ ဒါ့အပြင် မှတ်ဉာဏ်၊ ဦးနှောက်စွမ်းဆောင်ရည်နဲ့ ဦးနှောက်ကျန်းမာရေးတို့ကို ထောက်ပံ့ပေးဖွယ်ရှိတယ်လို့လည်း သိရပါတယ်။

■ ဓာတုပစ္စည်းတွေထက်စာရင် ဈေးနှုန်းသက်သာပြီး သဘာဝအတိုင်း သန့်စင်ပေးနိုင်မှာ ဖြစ်ပါတယ်။

■ သိပ္ပံပညာရှင်တွေက ဒီနည်းလမ်းရဲ့ အကျိုးကျေးဇူးကို သိရှိထားပေမယ့် နောက်ထပ်သုတေသနတွေ မပြုလုပ်ဘဲ ချီးကျူးမစောဖို့ သတိပေးထားပါတယ်။

Source: Daily Galaxy

နိုင်ငံတကာခရီးသွားများ တရုတ်နိုင်ငံသို့ မြန်မြန်ဆန်ဆန် ဝင်ရောက်နိုင်ရန်အတွက် တရုတ်ကဒီဂျစ်တယ်ခရီးသွားကြေညာချက်ဝန်ဆောင်မှုကို စတင်လိုက်ပြီး ကြာသပတေးနေ့ကကျင့်သုံးလိုက်ပြီဖြစ်ပါတယ်။

#Asia_News
Published 25 November 2025
#တရုတ်နိုင်ငံ #နိုင်ငံခြားခရီးသွား
#YMG #Yangon_Times #Yangon_Media_Group

ကုလသမဂ္ဂဖွံဖြိုးမှုအစီအစဉ် (UNDP Myanmar) က မန္တလေးတိုင်းနဲ့ စစ်ကိုင်းတိုင်းဒေသကြီးအတွင်းက ငလျင်ဒဏ်ထိခိုက်ခံစားခဲ့ရတဲ့ အငယ်စားနဲ့ အလတ်စားလုပ်ငန်းတွေအတွက် ကျပ်သိန်း (၄၀) မှ သိန်း(၁၀၀) အထိ ထောက်ပံ့ပေးအပ်သွားမယ်လို့သိရပါတယ်။

#Local_News
Published 25 November 2025
#UNDP_Myanmar #ငလျင်
#YMG/SW #Yangon_Times

အခုရက်ပိုင်းထွက်ရှိနေတဲ့ ဖရဲ၊သခွှားမွှေးတွေကို မိုင်းလား-တာလော့လမ်းကြောင်းက‌နေတင်ပို့ပြီး ဈေးကောင်းရနေတယ်လို့ ဖရဲ-သခွှားမွှေး ကုန်သည်တွေဆီကသိရပါတယ်။

#Local_News
Published 25 November 2025
#ဖရဲ_သခွှား‌မွှေး #မိုင်းလား_တာလော့
#YMG/NN #Yangon_Times

ဆီစက်အကြီးတွေ တည်ဆောက်တပ်ဆင်ခြင်းအတွက် ငွေကျပ်သိန်းပေါင်း တစ်သောင်းအထိ တိုးမြှင့်ထုတ်ချေးသွားမယ်လို့ ဘဏ္ဍာရေးနှင့်အခွန်ဝန်ကြီးဌာန ကသိရပါတယ်။

#Local_News
Published 25 November 2025
#ဆီစက် #ချေးငွေ
#YMG/NN #Yangon_Times

#Local_News
Published 25 November 2025

▪️ လူကုန်ကူးမှု ဖြစ်စဉ်များ‌ကြောင့် နိုင်ငံခြားသားနှင့် ထိမ်းမြားလက်ထပ်မှုများဖြစ်စဉ်များကို စိစစ်တင်းကြပ်ရန်အတွက် ပြည်ထောင်စုတရားလွှတ်တော်ချုပ်က နိုဝင်ဘာ(၁၇)ရက် ရက်စွဲဖြင့် ညွှန်ကြားချက်ထုတ်ပြန်လိုက်ကြောင်း သိရသည်။

▪️ နိုင်ငံခြားသားက မြန်မာနိုင်ငံအတွင်းသို့ လာရောက်ကာ မြန်မာအမျိုးသမီးငယ်များကို အယောင်ဆောင်လက်ထပ်ကာ နိုင်ငံမှခေါ်ဆောင်သွားတဲ့ လူကုန်ကူးမှုဖြစ်စဉ်တွေများပြားလာတဲ့အတွက် နိုင်ငံခြားသားနှင့် မြန်မာအမျိုးသမီးများ ထိမ်းမြားလက်ထပ်ကျမ်းကျိန်လွှာ ပြုလုပ်မှု ကို ပိုမို စိစစ်ဆောင်ရွက်ဖို့ ပြည်ထောင်စုတရားလွှတ်တော်ချုပ်က နိုဝင်ဘာ(၁၇)ရက် ရက်စွဲဖြင့် (၁/၂၀၂၅ )နဲ့ ညွှန်ကြားချက်ထုတ်ပြန်လိုက်ပါတယ်။

▪️ ညွှန်ကြားချက်တွင် တရားရုံးများ၌ နိုင်ငံခြားသားနှင့်လက်ထပ်လိုသူ မြန်မာအမျိုးသမီးတို့၏အခွင့်အရေးများ ဆုံးရှုံးမှုမရှိစေရန် ဆောင်ရွက်ပေးလျက်ရှိရာ ပြောင်းလဲလာသည့် အခြေနေများအရ နိုင်ငံခြားသားများသည်မြန်မာနိုင်ငံအတွင်းသို့လာရောက်ပြီး မြန်မာအမျိုးသမီးငယ်‌ များကို ဖြားယောင်းကာ အယောင်ဆောင်လက်ထပ်ပြီး နိုင်ငံမှခေါ်ဆောင်သွားသည့်လူကုန်ကူးမှုဖြစ်စဉ်များ များပြားလာခြင်းကိုတွေ့ရှိရကြောင်း၊ ထို့ကြောင့် အယောင်ဆောင် လက်ထပ်ထိမ်းမြားခြင်းကို ကာကွယ်ရန်အတွက် လက်ထပ်ထိမ်းမြားကျမ်းကျိန်လွှာ ပြုလုပ်ပေးရန် လျှောက်ထားလာပါက ပိုမိုအလေးထား စီစစ်ဆောင်ရွက်ရမည်ဟုဖော်ပြပါရှိသည်။

▪️ ထို့ကြောင့် ထိမ်းမြားလက်ထပ်မည့် နိုင်ငံခြားသား၏ နိုင်ငံကူးလက်မှတ်၊ မြန်မာနိုင်ငံမှ၌ ရက်ပေါင်း၃ဝ အထက်နေထိုင်ခွင့် Visa အထောက် အထား၊ Visa နှင့်နေထိုင်စဉ်တွင် လက်ထပ် ထိမ်းမြားမည့်အကြောင်း မြန်မာနိုင်ငံလူဝင်မှုကြီးကြပ်ရေးဦးစီးဌာန သို့တင်ပြရန်၊ယခုထိမ်းမြားလက်ထပ်မှုကို သက်ဆိုင်ရာနိုင်ငံ၏ ဥပဒေအရ တားမြစ်မှုမရှိကြောင်းအထောက်အထားများကို တင်ပြရမည်ဖြစ်ကြောင်း ၊ ထို့အပြင် လူပျို/လက်ရှိအိမ်ထောင်မရှိသူ(ကွာရှင်း/အိမ်ထောင်ဖက် သေဆုံးအ ထောက်အထား)၊ သက်ဆိုင်ရာနိုင်ငံ၏ အ မြဲတမ်းနေရပ်လိပ်စာနှင့် အလုပ်အကိုင်၊ ဝင်ငွေ၊ ရာဇဝတ်မှုကင်းရှင်းကြောင်း အကျင့်စာရိတ္တကောင်းမွန်ကြောင်းထောက်ခံချက်များကိုလည်းတင်ပြရမည်ဖြစ်ကြောင်း ကိုယ်ပိုင်လုပ်ငန်းလုပ်ကိုင်သူဖြစ်ပါက သက်ဆိုင်ရာက ထုတ်ပေးထားသည့် လုပ်ငန်းလုပ်ကိုင်ခွင့်လက်မှတ်၊ နိုင်ငံခြားသားများနှင့် ထိမ်းမြားပါက နိုင်ငံသားဖြစ်ခွင့်ရှိမရှိ သက်ဆိုင်ရာနိုင်ငံ၏ထောက်ခံချက်၊ မွေးဖွားလာသည့် သားသမီးများ နိုင်ငံသားဖြစ်တည်ခွင့်စသည့်အချက်များကို ဆောင်ရွက်ရန်ညွှန်ကြားထားကြောင်း သိရသည်။

#YMG/SW #Yangon_Times

၂၀၂၄-၂၀၂၅ ဘဏ္ဍာနှစ်အတွက် အခွန်စည်းကြပ်မှုခံယူပြီးဖြစ်ကြောင်း တင်ပြလာခြင်းမရှိသေးတဲ့ ပြည်ပအလုပ်အကိုင်အေဂျင်စီပေါင်း ၃၅၀ခန့်ရှိတယ်လို့အလုပ်သမားဝန်ကြီးဌာန၊ Safe Migration Channel က ထုတ်ပြန်ပါတယ်။

#Local_News
Published 25 November 2025
#အခွန်စည်းကြပ် #Safe_Migration_Channel
#YMG/SW #Yangon_Times

#Daily_News
Published 25 November 2025

၁။‌ ‎‎‎‎‎ဆီစက်ကြီးများအတွက် ကျပ်သိန်းတစ်သောင်းအထိ ချေးငွေထုတ်ချေးပေးမည်

‎၂။ ‌‌‌‌‌‌‌‌‌‌‌‎‎‎‎‎ဖရဲ၊သခွှား‌မွှေးများ မိုင်းလား-တာလော့လမ်းကြောင်းမှတင်ပို့ပြီး ဈေးကောင်းရနေ
‎
၃။‌‌‎ ‌‌‌‌‌‌‌‌‌‎‎‎‎‎ငလျင်ဒဏ်ထိ အငယ်စားနှင့် အလတ်စားလုပ်ငန်းများကို သိန်း(၁၀၀) အထိ ထောက်ပံ့မည်
‎
‎၄။‎ ‌‌‌‌‌‌‌‌‌‎‎‎‎‎နိုင်ငံခြားခရီးသွားများအချိန်ကုန်သက်သာစွာ ပြည်ဝင်နိုင်မည့် အွန်လိုင်းစနစ်သစ် တရုတ်စတင်ကျင့်သုံး... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 25 November 2025

▪️ ဆေးကုမ္ပဏီအချို့၏ သွင်းကုန်ပစ္စည်းကိုထိန်းပြီး စျေးနှုန်းကစားလိုမှု၊ ရောက်ရှိပစ္စည်းကို ဈေးကွက်အတွင်း ထိန်းကျောင်းဖြန့်ဖြူးမှုတို့ကြောင့် ခွင့်ပြုသည့်ဆေးဝါးများ ဈေးကွက်အတွင်းသို့ ဝင်ရောက်လာမှု လျော့နည်းရခြင်းဖြစ်သည်ကို တွေ့ရှိရ ပြီး
ဆေးပစ္စည်းများ သိုလှောင်ထိန်းသိမ်းကာ ဈေးကွက်ကိုမကစားကြရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးချစ်ဆွေကအသိ‌ပေးပြောကြားလိုက်သည်။

▪️ ယမာန်နေ့ မွန်းလွဲ ၁ နာရီတွင် နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန အစည်းအဝေးခန်းမ၌ကျင်းပသည့် မြန်မာနိုင်ငံဆေးဝါးနှင့် ဆေးအထောက်အကူပြုပစ္စည်းများ တင်သွင်းမှုမှသည် ထုတ်လုပ်မှုဆီသို့ ညှိနှိုင်းအစည်းအဝေးပွဲ၌ ပြည်ထောင်စုဝန်ကြီးက အထက်ပါအတိုင်းပြောကြားခဲ့ခြင်းဖြစ်သည်။

▪️ ပြည်ထောင်စုဝန်ကြီးက စာရင်းများအရဆေးဝါးကုမ္ပဏီ ၇၉၆ ခု၊ ဆေးပစ္စည်း ကုမ္ပဏီ ၆၄၆ ခုရှိပြီး ကုမ္ပဏီများ၏ လျှောက်ထားပစ္စည်းများကို ဆေးရုံများနှင့်ဈေးကွက်လိုအပ်ချက်အပေါ်မူတည်၍ ဦးစားပေးအနေဖြင့် ခွင့်ပြုပေးနေသော်လည်း ဈေးကွက်အတွင်း၌ ဆေးဝါးဈေးနှုန်းများ ကျဆင်းလာခြင်းမရှိသေးသကဲ့သို့ ဆေးပစ္စည်းလိုအပ်ချက်များကိုလည်း ကြားသိနေရကြောင်း၊ ပုံမှန်လိုင်စင်ခွင့်ပြုပေးနေသည့်တိုင် ကုမ္ပဏီအချို့၏ သွင်းကုန်ပစ္စည်းကိုထိန်းပြီး စျေးနှုန်းကစားလိုမှု၊ ရောက်ရှိပစ္စည်းကို ဈေးကွက်အတွင်း ထိန်းကျောင်းဖြန့်ဖြူးမှုတို့ကြောင့် ခွင့်ပြုသည့်ဆေးဝါးများ ဈေးကွက်အတွင်းသို့ ဝင်ရောက်လာမှု လျော့နည်းရခြင်းဖြစ်သည်ကို တွေ့ရှိရကြောင်း၊ စျေးကွက်သဘောတရားအရ အရင်းအနှီးနှင့် စွမ်းဆောင်ရည်မြင့်မားသည့် ကုမ္ပဏီကြီးများအနေဖြင့် စျေးကွက်ကိုလွှမ်းမိုးသည့်အခြေအနေ (Dominant Postion) ကို ပိုင်ဆိုင်နိုင်ကြကြောင်း၊သို့ရာတွင် စျေးကွက်လွှမ်းမိုးထားသည့်အခြေအနေကို အသာစီးရယူပြီး ဆေးပစ္စည်းများ သိုလှောင်ထိန်းသိမ်းကာ ဈေးကွက်ကိုမကစားကြရန်၊ စျေးနှုန်းထိန်းချုပ်ခြင်းမပြုလုပ်ကြရန်၊ အခြားပြိုင်ဘက် ကုမ္ပဏီများအား လုပ်ကိုင်နိုင်စွမ်းမရှိအောင်မပြုလုပ်ကြရန် အသိပေးပြောကြားလိုကြောင်း၊ ဆေးပစ္စည်းရောင်းချခြင်းသည် ပရဟိတဆန်သော စီးပွားရေးလုပ်ငန်းတစ်ခုဖြစ်သောကြောင့် ကုမ္ပဏီတစ်ခုနှင့်တစ်ခု ထိန်းကျောင်းပြီး ပြည်သူ့လူမှုဘဝတိုးတက်စေရေးကို မေတ္တာထားကာ ကုမ္ပဏီအချင်းချင်း ပူးပေါင်းဆောင်ရွက်ကြစေလိုကြောင်း ပြောကြားသည်။

▪️ ထို့အပြင် ပြည်တွင်းဆေးဝါးစက်ရုံများအနေဖြင့် ပြည်တွင်း၌ ဆေးအမျိုးအစားယခုထက်ပိုမို၍ စုံလင်ပြီးထုတ်လုပ်နိုင်မည်ဆိုပါက နိုင်ငံတော်အတွက် နိုင်ငံခြားငွေအသုံးပြုမှု လျော့ကျသွားမည်ဖြစ်သကဲ့သို့ အလုပ်အကိုင်အခွင့်အလမ်းများလည်း ပိုမိုလာမည်ဖြစ်ကြောင်း ထပ်လောင်း ပြောကြားသည်။

▪️ ထို့နောက် ဒုတိယဝန်ကြီး ဒေါက်တာအေးထွန်းနှင့် ဒုတိယဝန်ကြီး ဦးမင်းမင်းတို့က ပြည်သူများသို့ ဝန်ဆောင်မှုပေးနေမှု၊ ဆေးဝါးထောက်ပံ့ပေးနိုင်မှုနှင့် ဆေးဝါးပစ္စည်းများ တင်သွင်းပေးနိုင်မှုအခြေအနေ များကို ရှင်းလင်းဆွေးနွေးကြပြီး တက်ရောက်လာသူများက ကဏ္ဍအလိုက်လုပ်ငန်းဆောင်ရွက်မှုအခြေအနေများကို ဆွေးနွေးတင်ပြကြရာ ပြည်ထောင်စု ဝန်ကြီးက ပြန်လည်ဆွေးနွေးပြီး လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

#YMG/NN #Yangon_Times

#World_News
Published 25 November 2025

■ သမ္မတဟောင်း ဂျိုးဘိုင်ဒင်လက်ထက်က ဝင်ရောက်လာခဲ့တဲ့ နိုင်ငံအတွင်းခိုလှုံသူအားလုံးကို ကျယ်ကျယ်ပြန့်ပြန့် ပြန်လည်သုံးသပ်ဖို့ အမေရိကန်သမ္မတ ဒေါ်နယ်ထရမ့်အစိုးရက ညွှန်ကြားလိုက်ကြောင်း အစိုးရထုတ်ပြန်ချက်တစ်ခုကို ရိုက်တာသတင်းဌာနက မြင်တွေ့ခဲ့ရပါတယ်။

■ ဒါဟာ အမေရိကန်ရဲ့ ကာကွယ်မှုကို ခံယူခဲ့သူ ထောင်နဲ့ချီကို ပြန်လည်သုံးသပ်သွားမယ့်သဘော ဖြစ်နေပါတယ်။

■ ဒီညွှန်ကြားချက်က ၂၀၂၁ ဇန်နဝါရီ ၂၀ မှ ၂၀၂၅ ဖေဖော်ဝါရီ ၂၀ အတွင်း ဝင်ရောက်ခိုလှုံခဲ့သူ ၂၃၃,၀၀၀ ဦးခန့်အပေါ် သက်ရောက်လာနိုင်သလို ဘိုင်ဒင်လက်ထက်က ဝင်ရောက်ခိုလှုံသူတွေအတွက် အမြဲတမ်းနေထိုင်ခွင့် လျှောက်လွှာလုပ်ဆောင်ချက်အားလုံးကိုလည်း ရပ်တန့်ဖို့ ပါဝင်ပါတယ်။

■ ရီပတ်ဘလစ်ကန်ထရမ့်က သူသမ္မတတာဝန် ထမ်းဆောင်ချိန်ကစပြီး ကမ္ဘာတဝှမ်းကနေ အမေရိကန်သို့ ဝင်ရောက်ခိုလှုံခွင့်တွေကို ရပ်ဆိုင်းခဲ့ကာ လူဝင်မှုတွေကို အကြီးအကျယ် တိုက်ဖျက်ခဲ့ပါတယ်။

■ သမ္မတဟောင်းဘိုင်ဒင်ရဲ့ လစ်ဘရယ်ပိုဆန်တဲ့ ပေါ်လစီတွေကို ထရမ့်က ပြောင်းပြန်ပြောင်းလဲဖို့ ကြိုးစားနေတာ ဖြစ်ပါတယ်။

■ အမေရိကန်မှာ လက်ရှိရောက်နေပြီးသား ဖြစ်နေရင်တောင် ခိုလှုံခွင့်အချက်အလက်များနဲ့ မကိုက်ညီပါက ပြန်ရုပ်သိမ်းသွားနိုင်တယ်လို့ အမေရိကန်နိုင်ငံသားဖြစ်ခွင့်နဲ့ လူဝင်မှုဝန်ဆောင်ရေးက ထုတ်ပြန်ထားတာ ဖြစ်ပါတယ်။

■ ခိုလှုံသူတွေကတော့ ဒီညွှန်ကြားချက်ကို ဝေဖန်လိုက်ကာ မလိုလားအပ်တဲ့ ပြင်းထန်တဲ့လုပ်ရပ်လို့ ဆိုနေကြပါတယ်။

■ ထရမ့်က ၂၀၂၆ ဘဏ္ဍာရေးနှစ်အတွက် ခိုလှုံခွင့်လက်ခံမှုကို စံချိန်တင်အနည်းဆုံးဖြစ်အောင် သတ်မှတ်ထားကာ လူဖြူတောင်အာဖရိကလူမျိုးတွေကိုတော့ ဦးစားပေးခေါ်ယူသွားဖို့ ရှိပါတယ်။

Source: Reuters