#Local_News
Published_4 Jan 2025

▪️ ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်တွင် ငွေကျပ်သိန်း ၄,၈ဝဝ တန်ဖိုးရှိ အိုက်စ်(မက်သ်အဖက်တမင်း) ၆ဝ ကီလိုဖမ်းမိခဲ့ကြောင်း မြန်မာနိုင်ငံရဲတပ်ဖွဲ့က သိရသည်။

▪️ ပြီးခဲ့သည့် ဒီဇင်ဘာလ ၃၀ ရက်ညနေ ၃ နာရီခွဲ အချိန်က မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့၏ တပ်ဖွဲ့ဝင်များပါဝင်သော ပူးပေါင်းအဖွဲ့က ကျိုင်းတုံမြို့နယ်၊ ယန်းလောကျေးရွာအုပ်စု၊ ကျိုင်းဖောင်းကျေးရွာအနီးတွင် မိုင်းပျဉ်း မှ ကျိုင်းတုံဘက်သို့ စိုင်းထွန်းကျောက်မောင်းနှင်လာသည့် TOYOTA ALPHARD မော်တော်ယာဉ်ကို သတင်းအရရှာဖွေရာယာဉ်၏ ကြမ်းခင်းအံဝှက်အတွင်း သိုဝှက်သယ်ဆောင်လာသည့် ဒေသကာလ တန်ဖိုးငွေကျပ်သိန်း ၄,၈၀၀ တန်ဖိုးရှိ အိုက်စ်(မက်သ်အဖက်တမင်း) ၆၀ ကီလိုသိမ်းဆည်းရမိခဲ့ခြင်းဖြစ်ကြောင်း သိရသည်။

▪️ ယင်းနောက် စစ်ဆေးဖော်ထုတ်ချက်အရ သိမ်းဆည်းရမိ အိုက်စ်(မက်သ်အဖက်တမင်း)များကိုမိုင်းပျဉ်းမြို့နယ်မှ တာချီလိတ်မြို့နယ်သို့ သယ်ဆောင်ရောင်းဝယ်ခြင်းဖြစ်ကြောင်း၊ ယခုအခါဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်း မြန်မာနိုင်ငံ ရဲတပ်ဖွဲ့က သိရသည်။

#Yangon_Times/PP

#Local_News
Published_4 Jan 2025

▪️ မန္တလေးတိုင်းဒေသကြီး၊ ငါန်းဇွန်မြို့နယ်တွင် နေအိမ်နှင့် စာသင်ကျောင်းအတွင်း ခိုအောင်းနေထိုင်လျက်ရှိ သည့် PDF များနှင့် ဖောက်ခွဲရေးပစ္စည်းများ သိမ်းဆည်းရမိခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

▪️ ငါန်းဇွန်မြို့၊ အနောက်ဘက် မီတာ ၈၅၀၀ ခန့်အကွာ ကုလားကျေးရွာအတွင်း၌ ခိုအောင်း နေထိုင်ပြီး အကြမ်းဖက်လုပ်ရပ်များ လုပ်ဆောင်လျက်ရှိကြောင်းနှင့် လက်နက်၊ ခဲယမ်းများ သိုဝှက်သိမ်းဆည်းထားကြောင်း သိရှိရသတင်းအရ လုံခြုံရေးတပ်ဖွဲ့ဝင်များက ဇန်နဝါရီလ၂ ရက် ည ၁၁ နာရီခန့်တွင် အဆိုပါ ကျေးရွာအတွင်း သို့ ရုတ်ချည်း ထိုးဖောက်ဝင်ရောက်တိုက်ခိုက်၍ လိုအပ်သည့် နယ်မြေလုံခြုံရေးလုပ်ငန်းများ ဆောင်ရွက်ခဲ့ကြောင်း သိရသည်။

▪️ ထိုသို့ဆောင်ရွက်ခဲ့ရာ ကျေးရွာအတွင်း ခိုအောင်းနေထိုင်လျက်ရှိသည့် PDF များနှင့် ရင်ဆိုင်ထိတွေ့မှုများဖြစ် ပွားခဲ့ရာ ၃ ဦးကို အသေပစ်ခတ်ဖမ်းဆီးရမိခဲ့ကာ၎င်းတို့ခိုအောင်းနေထိုင်လျက်ရှိသည့်နေအိမ်နှင့်စာသင်ကျောင်း အတွင်းမှဖောက်ခွဲဖျက်ဆီးရေးဆက်စပ်ပစ္စည်းများ၊ ၎င်းတို့အ သုံးပြုလျက်ရှိသည့်ကျန်းမာရေးနှင့် လူမှုကူညီရေး အသင်းစာတမ်းပါ NISSAN XTRAIL အမျိုးအစားမော်တော်ယာဉ်တစ်စီးနှင့် Hijet အမျိုးအစား မော်တော်ယာဉ်တစ်စီးတို့ကို သိမ်းဆည်းရမိခဲ့ကြောင်း သိရသည်။

#Yangon_Times/PP

#World_Science
Published 04 January 2025

▪️ ရေနွေးထဲ စိမ်ထည့်ထားရတဲ့ လက်ဖက်ရည်ထုပ်လေးတွေက အသုံးပြုရတာ လွယ်ကူသက်သာပေမယ့် အထုပ်အပြင်ဘက်လွှာမှာ ပါဝင်တဲ့ ပစ္စည်းက ကျန်းမာရေးကို ထိခိုက်စေနိုင်ပါတယ်။

▪️ ဖြန့်ဝေရောင်းချနေကြတဲ့ လက်ဖက်ရည်ထုပ်လေးတွေမှာ ပိုလီမာအခြေပြုပစ္စည်းဖြင့် ပြုလုပ်ထားပြီး စိမ်လိုက်တဲ့အခါ နာနိုပလတ်စတစ်နဲ့ မိုက်ခရိုပလတ်စတစ် သန်းနဲ့ချီထွက်လာပါတယ်။

▪️ အစားအစာ ထုပ်ပိုးမှုတွေက အဆိုပါပလတ်စတစ်များ ပါဝင်ရာရင်းမြစ်ဖြစ်နေပြီး လူသားတွေ ရှူမိမျိုချမိခြင်းဖြင့် ခန္ဓာကိုယ်ထဲ ရောက်ရှိလာကြတယ်လို့ ဘာစီလိုနာ အော်တိုနိုမတ်စ်တက္ကသိုလ်မှ လေ့လာတွေ့ရှိထားပါတယ်။

▪️ အူလမ်းကြောင်းဆဲလ်တွေက အဆိုပါ ပလတ်စတစ်အမှုန်တွေကို စုပ်ယူပြီးတော့ သွေးထဲရောက်ရှိစေပါတယ်။

▪️ သုတေသီတွေက လက်ဖက်ရည်ထုပ် အမျိုးမျိုးမှရတဲ့ ပလတ်စတစ်မှုန်တွေကို စမ်းသပ်ရယူခဲ့ရာ လက်ဖက်ရည်ထုပ်တွေကို ရေနွေးထဲစိမ်လိုက်တဲ့အခါ နာနိုအရွယ်အစား အမှုန်အမြောက်အများ ထွက်လာတာကို တွေ့ခဲ့ကြပါတယ်။

▪️ လက်ဖက်ရည်ထုပ်တွေကို ပိုလီမာတွေဖြစ်တဲ့ နိုင်လွန်-၆၊ ပိုလီပရိုပိုင်လင်း၊ ဆဲလူးလို့စ်တို့ဖြင့် ပြုလုပ်ထားကာ ရေနွေးထဲပျော်ဝင်တဲ့အခါ အမှုန်ပေါင်းသန်းနဲ့ချီ ထွက်ရှိစေပါတယ်။

▪️ ဒီအမှုန်တွေကို အဆင့်မြင့်နည်းပညာများဖြင့် ပုံဖော်နိုင်ခဲ့ပြီး လူ့ကျန်းမာရေးအပေါ် သက်ရောက်မှုများကို သုတေသနလုပ်ဖို့အတွက် အလွန်အရေးပါတဲ့အရာ ဖြစ်လာမယ်လို့ အဏုဇီဝပညာရှင် အယ်ဘာဂါစီယာရိုဒရီဂွက်ဇ်က ပြောသွားပါတယ်။

#Source: NDTV

#World_Health
Published 04 January 2025

▪️ အမေရိကန်စစ်တပ်မှာ အသုံးပြုခဲ့ကြတဲ့ အိပ်မက်ကြိုမက်ခြင်း နည်းလမ်းဖြင့် ညဘက်လျင်မြန်စွာ အိပ်မောကျစေနိုင်မယ်လို့ အိပ်စက်မှုဆရာဝန်တစ်ဦးက ပြောပါတယ်။

▪️ သိုးတွေကို ရေတွက်တဲ့နည်းလမ်းထက် ပိုကောင်းပြီး သိုးတွေနဲ့ လုံးဝမဆိုင်တော့တာတော့ မဟုတ်ပါဘူး။

▪️ စိတ်ထဲမှာ ပုံဖော်မြင်ယောင်ကြည့်တာဟာ အိပ်မက်ကြိုမက်တာနဲ့ အများကြီးဆင်တူတယ်လို့ ကယ်လီဖိုးနီးယားမှ စိတ်ကျန်းမာရေးနဲ့ အိပ်စက်မှုဆရာဝန် ဒေါက်တာ အဲလက်စ်ဒီမစ်ထရူက ရှင်းပြပါတယ်။

▪️ အိပ်မက်ဆိုတာက စိတ်ကူးထဲပေါ်လာတဲ့ ပုံရိပ်တွေဖြစ်ပြီး ထိုပုံရိပ်တွေမြင်အောင် ပိုပြီးလှုံ့ဆော်နိုင်လေ မြန်မြန်အိပ်ပျော်လေဖြစ်တယ်လို့ ဆိုပါတယ်။

▪️ သိုးတွေကို ရေတွက်တာထက်စာရင် စိတ်ကိုပြေလျော့စေမယ့် သာယာလှပတဲ့ မြင်ကွင်းကို ပုံဖော်ကြည့်သင့်ပါတယ်။

▪️ သိုးရေတွက်ရတာ စိတ်စွဲနေရင်လည်း ရေတွက်မယ့်အစား စိတ်ကူးထဲသာ ပုံဖော်မြင်ယောင်ကြည့်ဖို့ ရှင်းပြပါတယ်။

▪️ စိတ်ငြိမ်သက်စေမယ့် မြင်ကွင်းမျိုးက စိတ်ရောကိုယ်ပါ ပြေလျော့စေပြီး စိတ်ပျံ့လွင့်ခြင်းကို တားဆီးပေးပါတယ်။

▪️ အရင်ကရောက်ဖူးတဲ့ ကမ်းခြေအလှတွေ၊ တောင်တက်ခဲ့စဉ်က သစ်တောစိမ်းလန်းမှုတွေကို မြင်ယောင်သင့်တယ်လို့ ဆိုပါတယ်။

▪️ ဒါတွေကို စိတ်ကူးယဉ်ပုံဖော်ကြည့်တဲ့အခါ စိတ်ထဲမှာ လျှောက်စဉ်းစားပြီး ပူပန်စိတ်ဖြစ်ပေါ်တာတွေ လျှော့ချနိုင်မယ်လို့ ဒီမစ်ထရူက ယူဆနေပါတယ်။

▪️ အမေရိကန်တပ်မှ အကြီးအကဲတွေက ဖိစီးမှုဒဏ်ခံနေရတဲ့ စစ်သားတွေ လျင်မြန်စွာအိပ်မောကျစေဖို့ ဒီနည်းလမ်း အကောင်အထည်ဖော်ခဲ့ကြတယ်လို့ ၁၉၈၁ ခုနှစ်ထုတ် စာအုပ်တစ်အုပ်မှာ ဖော်ပြထားပါတယ်။

▪️ တစ်ကိုယ်လုံး နဖူးကနေ ခြေဖျားအထိ တစ်ပိုင်းချင်းစီကို အာရုံစိုက်စေကာ အသက်ဖြည်းဖြည်းရှူပြီး စိတ်ပြေလျော့အောင် စိတ်ကူးယဉ်ပုံဖော်ခဲ့ကြပါတယ်။

#Source: New York Post

၂၀၂၄ ကဲချောင် နိုင်ငံတကာ ဒရုန်းပြိုင်ပွဲကို တရုတ်အရှေ့ပိုင်း ကျဲကျန်းပြည်နယ် ရှောင်ရှင်မြို့မှာ တနင်္လာနေ့မှာ စတင်ကျင်းပခဲ့ပါတယ်။
#World_Event
Published 3 January 2025
#ကမ္ဘာ့ဒရုန်းပြိုင်ပွဲကြီး #ရှောင်ရှင်မြို့
#YMG #Yangon_Times #Yangon_Media_Group

#Daily_News
Published 3 January 2025

၁။ ယခုတစ်ပတ်အခွန်စည်းကြပ်မှုအတွက် အမေရိကန်တစ်ဒေါ်လာလျှင် ၃၅၈၇.၅ကျပ်နှုန်းသတ်မှတ်

၂။ သီလဝါနှင့်ဆူးလေဆိပ်ကမ်းများကို ဒေါ်လာ ၆၁ သန်း ရင်းနှီးမြှုပ်နှံ၍အဆင့်မြင့်တင်မည်

၃။ စက်သုံးဆီဈေးများ နှစ်ပတ်ဆက်တိုက်ကျဆင်း၊ 92တစ်လီတာကျပ် ၃,၀၀၀ အောက်ရှိလာ

၄။ (၂၀၂၄)ကမ္ဘာ့ဒရုန်းပြိုင်ပွဲကြီး တရုတ်၌ဒုတိယအကြိမ်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခု ၂၀၂၅ ခုနှစ်အတွက် လူမှုဖူလုံရေးအကျုံးဝင်အလုပ်သမားနှစ်သောင်းခန့်ကို  ပထမအကြိမ် စီမံချက်အနေနဲ့ ကျန်းမာရေးစောင့်ရှောက်မှုတွေကနဦးပေးသွားမယ်လို့ အလုပ်သမားဝန်ကြီးဌာနကနေ သိရပါတယ်။
#Local_News
Published 3 January 2025
#လူမှုဖူလုံရေး #ကျန်းမာရေးစောင့်ရှောက်မှု
#YMG/NN #Yangon_Times

#Local_News
Published 3 January 2025

▪️ မြိတ်နှင့် ကော့သောင်းနယ်စပ် ကုန်သွယ်ရေးစခန်းများတွင်အွန်လိုင်းစနစ်ဖြင့် အခွန်ပေးဆောင်နိုင်ရန်ဆောင်ရွက်လျှက်ရှိပြီး မကြာမီ ပေးဆောင်နိုင်မည်ဖြစ်ကြောင်း  အကောက်ခွန်ဦးစီးဌာန၊ မြန်မာ့ကုန်ပစ္စည်း အလိုအလျောက်ရှင်းလင်းရေးစနစ် (MACCS) ဌာနခွဲမှ သိရသည်။

▪️ နယ်စပ်ကုန်သွယ်ရေးစခန်းများဖြစ်သော မြဝတီနှင့် တာချီလိတ်တို့တွင် ၂၀၂၅ခုနှစ် ဇန်နဝါရီလ၁ရက်မှစ၍ အွန်လိုင်းအသုံးပြုအခွန်ဆောင်နိုင်ပြီဖြစ်ရာ မြိတ်နှင့် ကော့သောင်းနယ်စပ် ကုန်သွယ်ရေးစခန်းများတွင်အွန်လိုင်းစနစ်ဖြင့် အခွန်ပေးဆောင်နိုင်ရန်ဆက်လက်ဆောင်ရွက်နေခြင်းဖြစ်ကြောင်း သိရသည်။

▪️ အကောက်ခွန်ဦးစီးဌာနအနေဖြင့် ကုန်ပစ္စည်းရှင်းလင်း ထုတ်ယူသည့် လုပ်ငန်းစဉ်များအတွက် အခွန်ငွေပေးဆောင်ရာတွင် လက်ရှိဆောင်ရွက်လျက်ရှိသည့် Deposit Payment ၊ Direct Payment တို့အပြင် MACCS Online Payment System ကို အသုံးပြုသွားရန်ရှိကြောင်း၊ MACCS Online Payment System တွင် ပို့ကုန်/သွင်းကုန်လုပ်ငန်းရှင်များအနေဖြင့် မိမိတို့၏ Mobile Banking ၊ Internet Banking များမှတစ်ဆင့် Payment Statement Information ရရှိပြီးသည့် Import / Export Declaration No. များကို ကျသင့်အခွန်ငွေ တိုက်ရိုက်ပေးဆောင်ခြင်းနှင့် MACCS စနစ်အတွင်းက Deposit Account ထဲသို့ ငွေထပ်မံဖြည့်သွင်းခြင်းစဉ်များ Mobile Banking ၊ Internet Banking တို့မှတစ်ဆင့် Online Payment နှင့် အခွန်ငွေပေးဆောင်နိုင်ရန်အတွက် AYA Bank ၊ KBZ Bank ၊ CB Bank တို့နှင့် ပူးပေါင်းပြီး MACCS Online Payment System ကို ဆောင်ရွက်ထားကြောင်း သိရသည်။

▪️ MACCS Online Payment System ကို ယခုနှစ် မေလ ၂၃ ရက်မှစတင်ကာ သီလဝါအထူးစီးပွားရေးဇုန်မှာ စတင်အသုံးပြုခဲ့ပြီး မြဝတီနှင့် တာချီလိတ်တို့တွင်ယခုလ၁ရက်မှစတင်ကာ အသုံးပြုနေပြီဖြစ်ကြောင်း သိရသည်။

#YMG/SW #Yangon_Times

#Local_News
Published 3 January 2025

▪️ နည်းပညာဖြင့် ဖောက်ထွင်းခြင်းခံရသည့် KBZ Pay သုံးစွဲသူ ၃၁ ဦး၏ မိုဘိုင်းငွေကြေးများကို စိုက်ထုတ်ပေးသွားမည်ဖြစ်ကြောင်း KBZ Pay က ယနေ့တွင်ထုတ်ပြန်ခဲ့သည်။

▪️ KBZ pay အနေဖြင့် မိုဘိုင်းငွေကြေးလုံခြုံရေးဆိုင်ရာ လုပ်ငန်းစဉ်များကို အစဉ်တစိုက်လုပ်ဆောင်နေပြီး Mobile Network Operator များ၊ မြန်မာနိုင်ငံတော်ဗဟိုဘဏ်တို့နှင့် ပူးပေါင်း ဆောင်ရွက်လျက်ရှိကြောင်း၊ ဗဟိုဘဏ်၏ ထုတ်ပြန်ချက်အရ ဖြစ်စဉ်များကို KBZ Pay မှာ ဆက်လက်စုံစမ်းစစ်ဆေးရာတွင် ဖုန်းဟန်းဆက်ပြောင်းလဲသည့် လုပ်ငန်းစဉ်ကိုသာ သက်ရောက်မှုရှိပြီး အဆိုပါဖြစ်စဉ် ၃၁ခုကို တွေ့ရှိခဲ့ရကြောင်း၊စုံစမ်းစစ်ဆေးနေစဉ်ကာလအတွင်း အသုံးပြုသူ ၃၁ဦး၏ ငွေကြေးဆုံးရှုံးမှု မရှိစေရန် KBZ Pay မှ ကြိုတင်အစားထိုးစိုက်ထုတ်ပေးမှုများကို ဒီဇင်ဘာလ၃၁ရက် မှစတင်၍ ဆောင်ရွက်လျှက်ရှိကြောင်း သိရသည်။

▪️ ယခုအခါ အချို့ အော်ပရေတာများ၏ ဖုန်းဟန်းဆက်ပြောင်းလဲမှုများကို ခေတ္တရပ်တန့်ပြီး system maintenance ပြုလုပ်နေကြောင်း၊ ထို့ကြောင့် ဇန်နဝါရီလ၇ရက် မှသာ ဖုန်းဟန်းဆက်ပြောင်းလဲမှုလုပ်ငန်းစဉ်ကို ပြန်လည်အသုံးပြုနိုင်မည်ဖြစ်ကြောင်း သိရသည်။

#YMG/SW #Yangon_Times

ရန်ကုန်ဈေးကွက်မှာ စက်သုံးဆီဈေးတွေ နှစ်ပတ်ဆက်တိုက်ကျဆင်းလာပြီး ၊92တစ်လီတာကို ကျပ် ၃,၀၀၀ အောက်အထိရှိလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဒီကနေ့ထုတ်ပြန်ချက်အရ သိရပါတယ်။
#Local_News
Published 3 January 2025
#စက်သုံးဆီဈေးကျဆင်း #သိုလှောင်ဖြန့်ဖြူးခြင်းလုပ်ငန်း
#YMG/NN #Yangon_Times

ပြည်ပသို့ ပို့ကုန်‌တွေ တိုးမြှင့်တင်ပို့နိုင်ရေးအတွက်အ‌ထောက်အကူဖြစ်‌စေမယ့် ဆိပ်ကမ်း‌တွေ အဆင့်မြင့်တင်တည်ဆောက်မှုကို ကနဦးအ‌နေနဲ့အမေရိကန်ဒေါ်လာ ၆၁သန်း ရင်းနှီးမြုပ်နှံတည်ဆောက်သွားမယ်လို့ သိရပါတယ်။
#Local_News
Published 3 January 2025
#သီလဝါနှင့်ဆူးလေဆိပ်ကမ်း #အဆင့်မြင့်တင်
#YMG/SW #Yangon_Times

ပို့ကုန်သွင်းကုန်ကုန်ပစ္စည်းတွေကို ဈေးကွက်ငွေလဲလှယ်နှုန်းအပေါ်အခြေခံတဲ့ အပတ်စဉ် နိုင်ငံခြားငွေလဲလှယ်နှုန်းနဲ့ ပြောင်းလဲအခွန်စည်းကြပ်ကောက်ခံသွားမှာဖြစ်ရာ ယခုတစ်ပတ် အခွန်စည်းကြပ်မှုအတွက်အမေရိကန်တစ်ဒေါ်လာကို ၃၅၈၇.၅ကျပ်နှုန်းသတ်မှတ်ထားတယ်လို့ အကောက်ခွန်ဦးစီးဌာနက သိရပါတယ်။
#Local_News
Published 3 January 2025
#အခွန်စည်းကြပ်မှု #နိုင်ငံခြားငွေလဲလှယ်နှုန်း
#YMG/SW #Yangon_Times