နိုင်ငံတကာအရေးတွေကြောင့် ကမ္ဘာ့ရွှေဈေးယမန်‌နေ့က တစ်ရက်ထဲတစ်အောင်စကိုအမေရိကန် ဒေါ်လာ ၆၀ နီးပါးကျဆင်းလာပြီး ပြည်တွင်း ရွှေဈေးပါ လိုက်ပါကျဆင်းလာတယ်လို့ ဈေးကွက်ထဲက သိရပါတယ်။
#Local_News
Published 25 June 2025
#ကမ္ဘာ့ရွှေဈေး #ပြည်တွင်းဈေးပါကျ
#YMG/NN #Yangon_Times

#Local_News
Published 25 June 2025

▪️ မတ်လ၂၈ရက်က လှုပ်ခတ်ခဲ့သည့် ငလျင်ကြီးကြောင့် ပြိုကျပျက်စီးခဲ့သည့် မန္တလေး မြို့ရှိSky Villa ကွန်ဒို၌အပျက်အစီးဖယ်ရှားခြင်းနှင့် ရုပ်‌အလောင်း ရှာဖွေထုတ်ယူခြင်းများဆက်လက်ဆောင်ရွက်လျှက်ရှိရာ ယမန်နေ့က အဆိုပါအဆောက်အအုံအောက်မှ ရွှေ ၈၈ ကျပ်သားနှင့် ကျပ်သိန်း ၂၈၀ ကျော် အပါအဝင် တခြားတန်ဖိုးကြီး ပစ္စည်းများစွာထပ်မံတွေ့ရှိခဲ့ကြောင်း မြန်မာနိုင်ငံမီးသတ်ဦးစီးဌာန၏ ထုတ်ပြန်ချက်အရ သိရသည်။

▪️ အဆိုပါ‌အ‌ဆောက်အအုံ၌ မြန်မာနိုင်ငံမီးသတ်တပ်ဖွဲ့ ရှာဖွေကယ်ဆယ်ရေးတပ်ဖွဲ့ဝင်များက ရှင်းလင်းရေးလုပ်ငန်းများ ဆောင်ရွက်နေစဉ်ဇွန်လ ၂၄ ရက် နံနက် ၁၀ နာရီ ၃၀ မိနစ်အချိန်ခန့်က Sky Villa အဆောက်အဦး၏ B အဆောင်၊ အခန်းအမှတ် L9 ကနေ မြန်မာငွေ ၂၈,၅၀၀,၀၀၀ ကျပ် (နှစ်ရာရှစ်ဆယ့်ငါးသိန်း)၊ ရွှေ ၁၀ ကျပ်သား (၈) တုံး၊ ရွှေ ၁ ကျပ်သား (၆) တုံး၊ ရွှေ ၂ ကျပ်သား (၁) တုံး၊ ရွှေကလစ် (၁) ခု၊ ရွှေနားကပ် (၆) ရံ၊ရွှေလက်စွပ် (၁၇) ကွင်း၊ ရွှေဆွဲသီး (၅) ခု၊ ရွှေဟန်းချိန် (၁) ခု၊ ရွှေလက်ကောက် (၂၁) ကွင်း၊ ရွှေဆွဲကြိုး (၁၀) ကုံး၊ စိန်နားကပ် (၁) ခု၊ စိန်ဆွဲသီး (၁) ခု၊ စိန်လက်စွပ် (၁) ကွင်း၊ ပတ္တမြားကြယ်သီး (၅) ခု၊ တ္တမြားနားကပ် (၁) ရံ၊ ဘဏ်စာအုပ် (၃) အုပ်၊ မှတ်ပုံတင် (၂) ခု၊ အိမ်ထောင်စုဇယားမူရင်း (၁) ခု၊ ဖုန်းအပျ-က် (၁) လုံးတို့ကို ရှာဖွေတွေ့ရှိခဲ့ခြင်းဖြစ်ကြောင်း သိရသည်။

▪️ ထိုသို့ရှာဖွေတွေ့ရှိခဲ့သည့် ငွေသားနှင့် တန်ဖိုးကြီးပစ္စည်းများကို ပစ္စည်းလက်ခံလွဲပြောင်းရေးအဖွဲ့မှ တဆင့် ပိုင်ရှင်ထံသို့ လွှဲပြောင်းပေးအပ်ခဲ့ကြောင်း သိရသည်။

#YMG/SW #Yangon_Times

#Local_News
Published 25 June 2025

▪️ ကမ်းလွန်လုပ်ကွက်များနှင့် စွမ်းအင်ကဏ္ဍတွင် လာရောက်ရင်းနှီးမြှုပ်နှံရေးကိစ္စရပ်များနှင့် ပတ်သက်၍ မြန်မာ-ယူအေအီး နှစ်နိုင်ငံတာဝန်ရှိသူများတွေ့ဆုံဆွေးနွေးခဲ့ကြောင်း သိရသည်။

▪️ ထိုတွေ့ဆုံဆွေးနွေးခြင်းကို ဇွန် ၂၄ ရက်က နေပြည်တော်ရှိ စွမ်းအင်ဝန်ကြီးဌာန ရေနံ့သာခန်းမ၌ ပြုလုပ်ခဲ့ခြင်းဖြစ်ပြီး စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်ကပြည်ထောင်စုသမ္မတမြန်မာနိုင်ငံဆိုင်ရာ အာရပ်စော်ဘွားများ ပြည်ထောင်စုနိုင်ငံသံအမတ်ကြီး Mr. Mutaz Abdullah Abduljaleel Mohamed AI Faheem အား  လက်ခံတွေ့ဆုံစဉ် ဆွေးနွေးခဲ့ခြင်းဖြစ်‌ကြောင်း သိရသည်။

▪️ အဆိုပါတွေ့ဆုံပွဲသို့ ပြည်ထောင်စုဝန်ကြီးနှင့်အတူ ဝန်ကြီးဌာနအောက်ရှိ ဦးစီးဌာနနှင့် လုပ်ငန်းများမှ ညွှန်ကြားရေးမှူးချုပ်များနှင့် ဦးဆောင်ညွှန်ကြားရေးမှူးများ တက်ရောက်ကြပြီး မြန်မာနိုင်ငံရှိ အလားအလာရှိပြီး အာမခံချက်ကောင်းမွန်သည့် ကမ်းလွန်လုပ်ကွက်များတွင် အာရပ်စော်ဘွားများ ပြည်ထောင်စုနိုင်ငံမှ လာရောက်ရင်းနှီးမြှုပ်နှံရေး၊ အာရပ်စော်ဘွားများ ပြည်ထောင်စုနိုင်ငံနှင့် မြန်မာ-ယူအေအီးစီးပွားရေးနှင့် နည်းပညာပူးပေါင်းဆောင်ရွက်မှု သဘောတူစာချုပ်နှင့် မြန်မာ-ယူအေအီး ရင်းနှီးမြှုပ်နှံမှုတိုးမြှင့်ရေးနှင့် အကာအကွယ်ပေးရေး သဘောတူစာချုပ်များကို နှစ်နိုင်ငံရင်းနှီးမြှုပ်နှံမှုနှင့် စီးပွားဆက်သွယ်ရေးအတွက်ချုပ်ဆိုရေး၊ မြန်မာ-ယူအေအီးနိုင်ငံတို့အကြား ရင်းနှီးမြှုပ်နှံမှုနှင့် စီးပွားဆက်သွယ်ဆောင်ရွက်မှုများ မြှင့်တင်နိုင်ရေး၊ နှစ်နိုင်ငံစွမ်းအင်ကဏ္ဍအပြင် အခြားစီးပွားရေးကိစ္စများတွင်လည်း ပူးပေါင်းဆောင်ရွက်သွားရေးတို့နှင့်စပ်လျဉ်း၍ ဆွေးနွေးကြကြောင်း သိရသည်။

#YMG/SW #Yangon_Times

#Local_News
Published 25 June  2025

▪️ ရွှေညောင်မြို့၌ ရပ်ထားသည့် ၂၂ ဘီး ကျောက်မီးသွေးတင်ယာဉ်အား ၆ဘီး ကားမှ နောက်မှဝင်တိုက်မှုတစ်ခုဖြစ်ပွားခဲ့ရာ အမျိုးသားတစ်ဦး ဒဏ်ရရှိ၍ ဆေးရုံသို့တင်ပို့ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇွန်လ၂၄ ရက်နေ့၊ ည ၁၀နာရီခွဲ အချိန်ခန့်က ရှမ်းပြည်နယ်၊ တောင်ကြီးမြို့နယ်၊ ရွှေညောင်မြို့၊ တောင်လေးလုံးတိုးဂိတ်အနီးတွင် Hinoအမျိုးအစား(၆)ဘီးအဖြူရောင်ယာဉ်သည် အရှိန်မထိန်းနိုင်ဘဲ လမ်းညာဘက်တွင် ရပ်ထားသော Dong Feng အမျိုးအစား(၂၂)ဘီး ကျောက်မီးသွေးတင်ယာဉ်အား နောက်မှဝင်တိုက်ဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် တောင်ကြီးမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ ရွှေညောင်နယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ခဲ့ကာ အဆိုပါယာဉ်တိုက်မှုကြောင့် (၆)ဘီးယာဉ်ပေါ်ပါ ယာဉ်မောင်းကျား(၁)ဦး ထိခိုက်ဒဏ်ရာ(မစိုးရိမ်ရ)အား ကမ္ဘောဇလူမှုကူညီရေးအသင်းမှ သူနာတင်ယာဉ်ဖြင့် စပ်စံထွန်းပြည်သူ့ဆေးရုံသို့ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#Local_News
Published 25 June  2025

▪️ မြန်မာနိုင်ငံ ရွှေလုပ်ငန်းရှင်များအဖွဲ့ချုပ်မှကြီးမှူး၍ 'ရွှေလုပ်ငန်းများဖွံ့ဖြိုးတိုးတက်ရေး' အလုပ်ရုံ ဆွေးနွေးပွဲကို ရန်ကုန်မြို့ရှိ UMFCCI မင်္ဂလာခန်းမ
၌ ဇွန်လ၂၉ရက်နေ့တွင် ကျင်းပသွားမည်ဖြစ်ကြောင်း  သိရသည်။

▪️ အဆိုပါ ဆွေးနွေးပွဲကို ညမနက် ၉ နာရီ ညနေ ၄နာရီအထိ ကျင်းပသွားမည်ဖြစ်ကာ ရွှေတုံးရွှေခဲများကိုတရားမဝင်ရောင်းချနေခြင်းမှ တရားဝင်ရောင်းဝယ်ခြင်းလမ်းကြောင်းရောက်အောင်အကြံပြုဆွေးနွေးခြင်း၊(ရောင်း/ဝယ်ကွာသင့်အမြတ်ကိုလည်းဆွေးနွေးခြင်း)ထည့်သွင်းစဥ်းစားဆွေးနွေးသင့်သောအချက်များကို ဆွေးနွေးသွားမည်ဖြစ်ကြောင်း သိရသည်။

▪️ ထို့အပြင် ရွေနှင့်ငွေကြေးထိန်းသိမ်းစောင့်ကြည့်ရေးကော်မတီနှင့်ဌာနဆိုင်ရာများ၏ ညွန်ကြားချက်များကြီးကြပ်ဆောင်ရွက်ချက်များ၊ ပြည်တွင်းရွှေစျေးနှုန်းကိုပြည်ထုတ်လုပ်မှုဖြင့် သီးခြားသတ်မှတ်လို့ရမရ၊ ပြည်တွင်းရောင်းလိုအားဝယ်လိုအား မြန်မာရွှေတုံး၏ standard ဘယ်လို သတ်မှတ်သင့်သလဲ လိုင်စင်မဲ့လုပ်ကိုင်သူကြပ်မတ်ပုံအဆင့်ဆင့်၊ အရပ်ဝယ်လက်ဝင်ရောက် ရောင်းဝယ်ပုံ၊ ရွှေတုံးရွှေခဲသီးသန့်စျေးကွက်ထူထောင်ထားရှိခြင်းနှင့်ကြပ်မတ်ခြင်း၊ တရားဝင်/တရားမဝင်ရွေထုတ်လုပ်ခြင်းနှင့်ရွှေသန့်စင်လုပ်ငန်းများ၊ စျေးကွက်ဆက်စပ်မှု နိုင်ငံတကာစျေးကွက်နှင့်ဆက်စပ်၍ ပြည်ပထုတ်ရောင်းချခြင်းဝယ်ယူတင်သွင်းခြင်းများကို ထည့်သွင်း ဆွေးနွေးသွားမည်ဖြစ်ကြောင်း သိရသည်။

▪️ အဆိုပါ  အလုပ်ရုံဆွေးနွေးပွဲသို့ ရွှေလုပ်ငန်းလုပ်ကိုင်နေသူများ အနေဖြင့် မဖြစ်မနေတက်ရောက်ပေးရန်လည်း ဖိတ်ခေါ်ထားကြောင်း သိရသည်။

#YMG/NN #Yangon_Times

#World_Science
Published 25 June 2025

▪️ ဂြိုဟ်ကြီးတစ်ခုက ကြယ်လေးတစ်စင်းကို လှည့်ပတ်နေတယ်ဆိုပြီး နက္ခတ္တပညာရှင်တွေ တွေ့ရှိထားပါတယ်။

▪️ ဒီကြယ်က နေလုံးကြီးထုထည်ရဲ့ ၅ ပုံ ၁ ပုံသာရှိပြီး TOI-6894 လို့ အမည်ပေးထားပြီး ကမ္ဘာကြီးနဲ့ အလင်းနှစ် ၂၄၀ ခန့်အကွာမှာ တည်ရှိပါတယ်။

▪️ ဒီလောက်သေးတဲ့ ကြယ်လေးတစ်ခုက ဂြိုဟ်ကြီးတစ်ခုကို ဘယ်လိုမျိုး လက်ခံလည်ပတ်စေတာလဲဆိုတာက မေးစရာဖြစ်လာတယ်လို့ အင်္ဂလန် ဝါဝစ်တက္ကသိုလ်မှ နက္ခတ္တပညာရှင် အက်ဒ်ဝပ်ဘရိုင်ယန့်က ပြောပါတယ်။

▪️ ဂြိုဟ်ကတော့ ဓာတ်ငွေ့လုံးကြီးဖြစ်ကာ စေတန်ဂြိုဟ်နဲ့ အရွယ်အစား ဆင်တူနိုင်ပေမယ့် ပိုပြီးသိပ်သည်းဆနည်းပါတယ်။

▪️ သူ့ရဲ့ကြယ်ကို အလွန်နီးကပ်စွာ လည်ပတ်နေပြီး ၃ ရက်လောက်နဲ့ တစ်ပတ်ပြည့်အောင် လည်ပါတယ်။

▪️ ဒါတွေဟာ ဂြိုဟ်ဖွဲ့စည်းဖြစ်ပေါ်ခြင်းဆိုင်ရာ သီအိုရီတွေကို စိန်ခေါ်နေသလိုဖြစ်ပြီး ကြယ်အသေးတွေဟာ ဂြိုဟ်ကြီးဖြစ်ပေါ်ဖို့ လိုအပ်တဲ့အရာတွေ မရှိဘူးဆိုတာပဲ ဖြစ်ပါတယ်။

▪️ သိထားသမျှဆိုရင် ဘယ်ဂြိုဟ်ကမှ ယင်းလှည့်ပတ်နေတဲ့ လက်ခံကြယ်ထက် ကြီးမားတယ်ဆိုတာ မရှိပါဘူး။

▪️ ယခုကြယ်ကတော့ အနီရောင်ဖြစ်ပြီး နဂါးငွေ့တန်ကြယ်စင်စုမှာ တွေ့ရတဲ့ အသေးဆုံးကြယ်မျိုး ဖြစ်ပါတယ်။

▪️ သုတေသီတွေက နာဆာရဲ့ TESS နဲ့ European Southern Observatory ရဲ့ VLT တို့မှ အချက်အလက်များ အသုံးပြုခဲ့တာဖြစ်ပြီး James Webb Space အဝေးကြည့်မှန်ပြောင်းဖြင့် နောက်ထပ်လေ့လာမှုများ ပြုလုပ်ရန် စီစဉ်ထားပါတယ်။

▪️ တွေ့ရှိချက်များအရ အသေးဆုံးကြယ်တွေတောင်မှ ဧရာမဂြိုဟ်ကြီးတွေ ဖြစ်လာနိုင်ကာ ဂြိုဟ်ဖွဲ့စည်းဖြစ်ပေါ်ခြင်းပုံစံများ ပြန်လည်သုံးသပ်လာရနိုင်ဖွယ် ရှိပါတယ်။

#Source: Reuters

#World_Health
Published 25 June 2025

▪️ အချို့သော ဟင်းသီးဟင်းရွက်တွေက အမျှင်ဓာတ်ပါဝင်မှုများခြင်း၊ ကယ်လိုရီနည်းပါးခြင်း၊ ဇီဝဖြစ်စဉ်မြှင့်တင်နိုင်ခြင်းတို့ကြောင့် ဝမ်းဗိုက်အဆီ လျှော့ချပေးနိုင်ပါတယ်။

▪️ အချို့ဆိုရင် ဇီဝသတ္တိကြွဒြပ်ပေါင်းများ ပါဝင်တာကြောင့် ဝမ်းဗိုက်တဝိုက် အဆီစုပြုံခြင်းကို လျှော့ချပေးပါတယ်။

▪️ ဝမ်းဗိုက်အဆီ လျော့ကျစေမယ့် ဟင်းရွက်တွေကို ဖော်ပြလိုက်ပါတယ်။

(၁) ဟင်းနုနွယ်
▪️ ကယ်လိုရီအလွန်နည်းပါးပြီး အမျှင်၊ သံဓာတ်၊ မဂ္ဂနီဆီယံတို့ ကြွယ်ဝကာ ရေဓာတ်များတာကြောင့် ဗိုက်ပြည့်ဝနေစေကာ အင်ဆူလင်ပမာဏ ထိန်းသိမ်းပေးပါတယ်။

(၂) ပန်းဂေါ်ဖီစိမ်း
▪️ ဆာလ်ဖိုရာဖိန်းဒြပ်ပေါင်းက ဇီဝကမ္မဖြစ်စဉ်ကို ကူညီပေးနိုင်ကာ ရောင်ရမ်းမှုကို ဖြေလျှော့တဲ့အပြင် ဗိုက်ပြည့်တင်းခြင်းကို အချက်ပြတဲ့ ဟော်မုန်းတွေ ထုတ်လွှတ်ပေးပါတယ်။

(၃) ဂေါ်ဖီထုပ်
▪️ အသည်းကို အဆိပ်ရှင်းထုတ်ပေးပြီး ဓာတ်တိုးဆန့်ကျင်ပစ္စည်းတွေက ရောင်ရမ်းခြင်းကို လျှော့ချပေးကာ အစာခြေခြင်းကို ကူညီထောက်ပံ့ပေးပါတယ်။

(၄) ပန်းဂေါ်ဖီ
▪️ အမျှင်ဓာတ်နဲ့ ရေဓာတ်များတာကြောင့် ဗိုက်ပြည့်တင်းစေကာ ဟော်မုန်းတွေကို ထိန်းညှိပေးနိုင်တဲ့အပြင် ဖောရောင်ခြင်းကို လျှော့ချပေးပါတယ်။

(၅) ငရုတ်ပွသီး
▪️ ဗိုက်တာမင်-စီ ကြွယ်ဝကာ ဖိစီးမှုကို လျှော့ချပေးပြီး ဓာတ်တိုးဆန့်ကျင်ပစ္စည်းတွေက ရောင်ရမ်းခြင်းကို တိုက်ဖျက်ပေးပါတယ်။

(၆) ကျောက်ဖရုံ
▪️ ရေဓာတ်ပြည့်ဝပြီး ကယ်လိုရီနည်းတဲ့ အသီးအရွက်ဖြစ်ကာ ဗိုက်ပြည့်ဝနေစေတာကြောင့် ကိုယ်အလေးချိန်လျော့စေပါတယ်။

(၇) ကိုက်လံ
▪️ အမျှင်၊ ဓာတ်တိုးဆန့်ကျင်ပစ္စည်းများ၊ အပင်ဒြပ်ပေါင်းများက အူလမ်းကြောင်းကျန်းမာရေးနဲ့ အစာခြေခြင်းကို တိုးတက်စေကာ သည်းခြေရည်ထုတ်လုပ်ခြင်းကို အားပေးပါတယ်။

(၈) မုန်လာဥနီ
▪️ ကယ်လိုရီနည်းပါးပြီး အမျှင်ဓာတ်နဲ့ ဓာတ်တိုးဆန့်ကျင်ပစ္စည်း ကြွယ်ဝကာ သွေးတွင်းသကြားဓာတ်ကို ထိန်းသိမ်းပေးနိုင်ပြီး အဆီစုပြုံခြင်းမှ ကာကွယ်ပေးပါတယ်။

#Source: DoctorNDTV

တရုတ်ဒုဝန်ကြီးချုပ် တင်ရွှေ့ရှောင်က လူသားမျိုးနွယ်တွေရဲ့ ဘုံတူညီတဲ့တန်ဖိုးများကို ထောက်ပံ့ဖို့နဲ့ တန်းတူညီမျှပြီး စနစ်ကျတဲ့ ဘက်ပေါင်းစုံကမ္ဘာကြီးအဖြစ် မြှင့်တင်ဖို့အပြင် ကမ္ဘာလုံးဆိုင်ရာ စီးပွားရေးဂလိုဘယ်လိုက်ဇေးရှင်း မြှင့်တင်ဖို့လည်း တောင်းဆိုလိုက်ပါတယ်။
#Asia_Politics
Published 24 June 2025
#တရုတ်ဒုဝန်ကြီးချုပ်တောင်းဆို #တရုတ်ဒုဝန်ကြီးချုပ်တင်ရွှေ့ရှောင်
#YMG #Yangon_Times #Yangon_Media_Group

#Daily_News

Published 24 June 2025

၁။ ‌‎‎စစ်ကိုင်းခရီးသွားဇုန်မှ ငလျင်ကြောင့်ထိခိုက်ခဲ့သည့် ဟိုတယ်၁၀လုံးကိုပြင်ဆင်၊ ဖွင့်လှစ်ခွင့်ရရန်တင်ပြထား

၂။ ‌‎စက်သုံးဆီလုပ်ငန်းရှင်များကို ဇွန်လအတွင်း ဒေါ်လာ ၁၂၅ သန်း ဗဟိုဘဏ်ထုတ်ရောင်းမည်

၃။ ‎‎‎‎‎‎‎‎‎ငလျင်ဘေးသင့်လူဦးရေ တစ်သိန်းခွဲကို ပြန်လည်ထူထောင်ရေး  အကူအညီများပေးအပ်မည်

၄။ ‎လူသားတို့၏ဘုံတူညီတန်ဖိုးများနှင့် ဘက်ပေါင်းစုံပါဝင်သော ကမ္ဘာကြီးဖြစ်စေရန် တရုတ်ဒုဝန်ကြီးချုပ်တောင်းဆို ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မလေးရှားနိုင်ငံ၊ ကွာလာလမ်ပူမြို့မှာ ကျင်းပမယ့် ၂၁ ကြိမ်‌မြောက် Malaysia International Halal Showcase 2025 ပြပွဲမှာ မြန်မာနိုင်ငံရှိ အမျိုးသမီးများဦးဆောင်တဲ့ ကုမ္ပဏီတွေကို ဦးစားပေးတက်ရောက်ခွင့်ပြုသွားမယ်လို့ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲက သိရပါတယ်။
#Local_News
Published 24 June 2025
#International_Halal_Showcase #မြန်မာကုန်သွယ်မှုမြှင့်တင်ရေးအဖွဲ့
#YMG/SW #Yangon_Times

ငလျင်ဘေးသင့်လူဦးရေ တစ်သိန်းခွဲကို ဦးစားပေးရွေးချယ်ကာ ပြန်လည် ထူထောင်ရေး အကူအညီ‌တွေဆက်လက်ပေးအပ်သွားမယ်လို့ United Nations Myanmar က ထုတ်ပြန်ထားပါတယ်။
#Local_News
Published 24 June 2025
#United Nations Myanmar #အကူအညီများပေးအပ်
#YMG/SW #Yangon_Times

စက်သုံးဆီလုပ်ငန်းရှင်တွေကို ဇွန်လအတွင်း ဒေါ်လာ ၁၂၅ သန်းကိုမြန်မာနိုင်ငံတော်ဗဟိုဘဏ်က ထုတ်ရောင်းမယ်လို့ ထုတ်ပြန်ချက်တွေအရသိရပါတယ်။
#Local_News
Published 24 June 2025
#စက်သုံးဆီလုပ်ငန်းရှင်များ #မြန်မာနိုင်ငံတော်ဗဟိုဘဏ်
#YMG/NN #Yangon_Times