#World_Health
Published 07 January 2025

▪️ သောက်သုံးခြင်းနဲ့ စိုက်ပျိုးခြင်းတို့အတွက် ရေတွေကို ပင်လယ်ရေကနေ ရေချိုအဖြစ် ပြောင်းလဲအသုံးပြုလာကြပါတယ်။

▪️ အစ္စရေးလ်မှာ ၁၉၉၇ ကစပြီး ပင်လယ်ရေကနေ ရေချိုပြောင်းတဲ့စက်ရုံ ၅ ရုံဆောက်လုပ်ဖို့ အာဏာပိုင်များ ဆုံးဖြတ်ခဲ့ကြပါတယ်။

▪️ မက်ဒီတာရေးနီးယန်းပင်လယ်ကနေ ဆားဖယ်ရှားတဲ့ ဖြစ်စဉ်ဟာ ကျန်းမာရေးအတွက် အန္တရာယ် ရှိနေပါတယ်။

▪️ ဘာကြောင့်လဲဆိုတော့ ထိုဖြစ်စဉ်ကြောင့် အရေးကြီးသတ္တုဓာတ်တစ်မျိုးဖြစ်တဲ့ မဂ္ဂနီဆီယံ ချို့တဲ့စေပြီး ဆီးချို၊ နှလုံးရောဂါ၊ လေဖြတ်ခြင်းစတဲ့ ပြဿနာများ ဖြစ်နိုင်ခြေ အလွန်များစေတယ်လို့ ဂျေရုဆလမ်မှ လေ့လာချက်အသစ်မှာ တွေ့ရှိခဲ့ပါတယ်။

▪️ မဂ္ဂနီဆီယံက ကြွက်သားနဲ့ အာရုံကြောလုပ်ဆောင်ချက်တို့ ပုံမှန်ဖြစ်အောင် ထိန်းသိမ်းပေးကာ နှလုံးခုန်ခြင်း၊ ကိုယ်ခံအားစနစ်၊ အရိုးဖွဲ့စည်းခြင်းတို့ကို ထောက်ပံ့ကူညီပေးပြီး သွေးတွင်းသကြားဓာတ်နဲ့ သွေးပေါင်ချိန်တို့ ပုံမှန်ဖြစ်အောင် ထိန်းညှိပေးပါတယ်။

▪️ ပင်လယ်ရေမှ ပြောင်းထားတဲ့ရေချိုကို အဓိကသုံးစွဲလာရပြီး ထိုရေကိုမှီခိုနေရတဲ့ သက်ရှိတွေမှာ မဂ္ဂနီဆီယံ ချို့တဲ့လာစေပါတယ်။

▪️ ရေချိုပြောင်းထားတဲ့ ရေတွေမှာ မဂ္ဂနီဆီယံ ပြန်ထည့်လိုက်ပါက ရောဂါဖြစ်ပွားမှုတွေ လျော့ကျနိုင်ပြီး ကျန်းမာရေးကုန်ကျစရိတ်များစွာ သက်သာနိုင်မယ်လို့ သုတေသီများ ဖော်ပြထားပါတယ်။

▪️ အမျိုးသမီးများအတွက် မဂ္ဂနီဆီယံ နေ့စဉ်လိုအပ်ချက်က ၂၆၅-၃၁၅ မီလီဂရမ်ရှိပြီး အမျိုးသားတွေအတွက်က ၃၅၀-၄၁၅ မီလီဂရမ်ရှိကာ ကိုယ်ဝန်ဆောင်တွေ သက်ကြီးရွယ်အိုတွေ ပိုမိုလိုအပ်ပါတယ်။

▪️ မဂ္ဂနီဆီယံပါဝင်တဲ့ အစားအစာတွေက အစိမ်းရောင်ဟင်းရွက်များ၊ ပဲအမျိုးမျိုး၊ အခွံမာသီး၊ အစေ့အဆန်များ၊ ပြောင်းဂျုံဆန်များနဲ့ ထွက်ကုန်များ ဖြစ်ပါတယ်။

▪️ လူတစ်ယောက်အတွက် နေ့စည်မဂ္ဂနီဆီယံ ၅၀ မီလီဂရမ် ထပ်ဆောင်းစားသုံးခြင်းဖြင့် တစ်နှစ်အတွင်း ဆီးချိုဖြစ်ပွားသူ ၁ ထောင်ကျော်နဲ့ လေဖြတ်သူ ၁ ကျော်ကာကွယ်ပေးနိုင်မယ်လို့ သုတေသီများ ခန့်မှန်းထားပါတယ်။

▪️ မဂ္ဂနီဆီယံ ဖြည့်စွက်အားဆေးများ အသုံးပြုနိုင်တယ်ဆိုပေမယ့် သောက်သုံးရေက အဓိကလိုအပ်ချက်ကို ဖြည့်ဆည်းနိုင်မယ်လို့ ဦးဆောင်သုတေသီ မိုင်ယာဆာဒက်က ပြောပါတယ်။

#Source: The Jerusalem Post

ဒိန်းမတ်၊ ဂရိ၊ ပါကစ္စတန်၊ ပနားမားနဲ့ ဆိုမာလီယာတို့ဟာ ကုလသမဂ္ဂလုံခြုံရေးကောင်စီရဲ့ ပင်တိုင်အမြဲတမ်းမဟုတ်သော အဖွဲ့ဝင်များအဖြစ် ကြာသပတေးနေ့မှာ စတင်တာဝန်ထမ်းဆောင်လိုက်ပါတယ်။
#World_News
Published 6 January 2025
#ကုလသမဂ္ဂလုံခြုံရေးကောင်စီ #ဒိန်းမတ် #ဂရိ #ပါကစ္စတန် #ပနားမား #ဆိုမာလီယာ
#YMG #Yangon_Times #Yangon_Media_Group

#Daily_News
Published 6 January 2025

၁။ မြန်မာနိုင်ငံသားအဖြစ်မှ စွန့်လွတ်လိုပါက သတ်မှတ်စာရွက်စာတမ်းများ ပြန်လည်အပ်နှံရမည်

၂။ ဝါးနက်ဆင်စခန်းသို့ တရုတ်ခရီးသွားအပါအဝင် ဧည့်သည် ၁၀၀ခန့်ဝင်ရောက်

၃။ ကမ္ဘာ့ကုန်သွယ်ရေး၊ ခရီးသွားလာရေးနှင့် အစားအစာပြပွဲတွင် မြန်မာ့ထွက်ကုန်များပြသနိုင်မည်

၄။ ၂၀၂၅ ခုနှစ်အတွက် ကုလသမဂ္ဂလုံခြုံရေးကောင်စီ၏ အမြဲတမ်း မဟုတ်သောအဖွဲ့ဝင်(၅)နိုင်ငံအသစ်တင်မြှောက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 6 January 2025

▪️ လာမည့် နှစ်ရက်အတွင်း ကချင်ပြည်နယ်အပါအဝင် တိုင်းနှင့်ပြည်နယ် သုံးခု၌ ဆောင်းရာသီ ၌ နေရာကွက်ကျား မိုးရွာနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့ နေ့လယ် ၂နာရီ ထုတ်ပြန်ချက်အရ သိရသည်။

▪️ နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီးနှင့် ကယားပြည်နယ် တို့တွင် အများအားဖြင့် သာယာခဲ့ပြီး၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းခဲ့ကြောင်း၊ ညအပူချိန်များမှာ တနင်္သာရီ တိုင်းဒေသကြီးနှင့် ရခိုင်ပြည်နယ်တို့တွင် ဇန်နဝါရီလ၏ ပျမ်းမျှအပူချိန်တို့အောက် ၂ ဒီဂရီဆဲလ်စီးယပ်လျော့နည်းခဲ့ပြီး၊ နေပြည်တော်၊ စစ်ကိုင်းတိုင်း ဒေသကြီးအထက်ပိုင်းနှင့် ချင်းပြည်နယ်တို့တွင် ဇန်နဝါရီလ၏ ပျမ်းမျှအပူချိန်တို့ထက် ၂ ဒီဂရီဆဲလ်စီးယပ်နှင့် မန္တလေးတိုင်းဒေသကြီး၊ မကွေးတိုင်း ဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် ဇန်နဝါရီလ၏ ပျမ်းမျှအပူချိန်တို့ထက် ၃ ဒီဂရီ ဆဲလ်စီးယပ်မှ ၄ ဒီဂရီဆဲလ်စီးယပ်အထိပိုခဲ့ကာ၊ ကျန်တိုင်းဒေသကြီးနှင့် ပြည်နယ်တို့တွင် ဇန်နဝါရီလ၏ ပျမ်းမျှအပူချိန်ခန့်သာ ရှိခဲ့ကြောင်းသိရသည်။

▪️ ထူးခြားသည့် ညအပူချိန်များမှာ ဟားခါးမြို့တွင် ၃.၀ ဒီဂရီဆဲလ်စီးယပ်၊ တီးတိန်မြို့တွင် ၅.၆ ဒီဂရီဆဲလ်စီးယပ်၊ ပူတာအိုမြို့တွင် ၅.၈ ဒီဂရီဆဲလ်စီးယပ်၊ ပင်လောင်း မြို့တွင် ၆.၅ ဒီဂရီဆဲလ်စီးယပ်၊ ပြင်ဦးလွင်မြို့တွင် ၆.၇ ဒီဂရီဆဲလ်စီးယပ်၊ မိုင်းယန်းမြို့တွင်  ၈.၀ ဒီဂရီဆဲလ်စီးယပ်၊ မချမ်းဘောမြို့တွင် ၈.၈ ဒီဂရီဆဲလ် စီးယပ်၊ မင်းကင်းမြို့နှင့် ဟဲဟိုးမြို့တို့တွင် ၁၀.၀ ဒီဂရီဆဲလ်စီးယပ်စီနှင့် မြစ်ကြီးနားမြို့တွင် ၁၀.၅ ဒီဂရီဆဲလ်စီးယပ်တို့ ဖြစ်ကြကြောင်း သိရသည်။

▪️ မနက်ဖြန်နံနက်အထိခန့်မှန်းချက်အရ ကချင်ပြည်နယ်တွင် နေရာကွက်ကျား မိုးအနည်းငယ်ရွာနိုင်ပြီး  ရွာရန်ရာနှုန်း ၆၀ ဖြစ်ကြောင်း ၊နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီးနှင့် ဧရာဝတီတိုင်းဒေသကြီးတို့တွင် အများအားဖြင့် သာယာပြီး၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းမည်ဖြစ်ကြောင်း သိရသည်။

▪️ နောက်နှစ်ရက်အတွက်ခန့်မှန်းချက်အရ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် နေရာကွက်ကျား မိုးအနည်းငယ်ရွာနိုင်မည်ဖြစ်ကြောင်း သိရသည်။

#YMG/NN #Yangon_Times

#Local_News
Published 6January 2025

▪️ ရန်ကုန်တိုင်းဒေသကြီး၊ သန်လျင်မြို့နယ်၊ သီလဝါအိမ်ရာရှိ လက်ကျန်အခန်း ၈၀ ကျော် အား  အိမ်ရာချေးငွေဖြင့်  ရောင်းချပေးသွားမည်ဖြစ်ကြောင်း သိရသည်။

▪️ အဆိုပါ သီလဝါအိမ်ရာကိုဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနက ဆောက်လုပ်ထားခြင်းဖြစ်သည်။

▪️ ယင်းအိမ်ရာတွင် ကျန်ရှိသော ၆ ခန်းတွဲ ၅ ထပ် ၆၁ ခန်း၊ ၈ ခန်းတွဲ ၅ ထပ် ၂၇ ခန်း၊ စုစုပေါင်း ၈၈ ခန်းကို အတိုးနှုန်းသက်သာသော ချေးငွေစနစ်ဖြင့် ချိတ်ဆက်၍ ၂၀၂၅ ခုနှစ်၊ ဇန်နဝါရီလတွင် ရောင်းချသွားမည်ဖြစ်ကြောင်း သိရသည်။

▪️ ဆောက်လုပ်ရေး၊ အိမ်ရာနှင့်အခြေခံအဆောက်အအုံဖွံ့ဖြိုးရေးဘဏ်၌ ၂၀၂၃ ခုနှစ်၊ ဒီဇင်ဘာ ၃၁ ရက်နေ့အထိ အိမ်ရာစုဆောင်းငွေ ကျပ်သိန်း ၃၀ နှင့်အထက် ပြည့်မီအောင် စုဆောင်းထားသူ  ၁,၈၉၁ ဦးစာရင်းတွင် ပါဝင်သူများသည် မြို့ပြနှင့်အိမ်ရာဖွံ့ဖြိုးရေးဦးစီးဌာန၏ “DUHD Sale Housing Facebook Page Messenger” မှတစ်ဆင့် စာရင်းပေးသွင်း လျှောက်ထားနိုင်ကြောင်း သိရသည်။

▪️ ထို့ပြင် Messenger မှတစ်ဆင့် အမည်စာရင်း လက်ခံခြင်းကို ၂၀၂၅ ခုနှစ်၊ ဇန်နဝါရီ ၂၀ ရက်မှ ၂၄ ရက်အတွင်း နံနက် ၉ နာရီခွဲမှ ညနေ ၄ နာရီအချိန်အထိ ဆောင်ရွက်ပေးသွားမည်ဖြစ်သည်။ ရောင်းချမည့် အိမ်ရာတည်နေရာ၊ အဆောက်အဦအမျိုးအစား၊ အခန်းအကျယ်အဝန်း၊ ဈေးနှုန်းစသည့် ပူးတွဲပါ အချက်အလက်တို့ကို ကြည့်ရှုလေ့လာပြီး အမည်၊ အဖအမည်၊ မှတ်ပုံတင်အမှတ်၊ အိမ်ရာအမည်၊ CHID Bank Down Payment Serial No တို့ကို ပြည့်စုံစွာ စာရင်းပေးသွင်းရမည်ဖြစ်ကြောင်း သိရသည်။

▪️ ၎င်းအပြင် စာရင်းပေးသွင်း လျှောက်ထားသူများအနက် ရောင်းချပေးနိုင်သည့် အခန်းအရေအတွက်အရ CHID Bank ၏ တန်းစီဇယား အစောဆုံး အမှတ်စဉ် ၈၈ ဦးအား မဲနှိုက်ခွင့် ပြုမည်ဖြစ်သည်။

▪️ အဆိုပါ အခန်းမဲနှိုက်ပေးခြင်းကို ၂၀၂၅ ခုနှစ်၊ ဇန်နဝါရီ ၂၈ ရက်တွင် ဆောင်ရွက်သွားမည်ဖြစ်ကာ အခန်းဝယ်ယူခွင့်ရသူသည် အိမ်ရာချေးငွေအား မဖြစ်မနေချေးယူရမည်ဖြစ်ကြောင်း အသိပေးထားသည်။

#YMG/NN #Yangon_Times

ပုဂံရှေးဟောင်းသုတေသနပြတိုက်သို့ ခရီးသွားတွေယမန်နှစ်က ထက်ပိုမိုတိုးတက်ဝင်ရောက်နေတယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာန(ပုဂံဌာနခွဲ)က သိရပါတယ်။
#Local_News
Published 6 January 2025
#ပုဂံရှေးဟောင်းသုတေသနပြတိုက် #အမျိုးသားပြတိုက်
#YMG/NN #Yangon_Times

အမေရိကန်နိုင်ငံနဲ့ ကနေဒါနိုင်ငံတွေမှာ ကျင်းပမယ့် ကမ္ဘာ့ကုန်သွယ်ရေး၊ ခရီးသွားလာရေးနဲ့ အစားအစာပြပွဲ‌တွေမှာ မြန်မာ့ထွက်ကုန်တွေကို ဝင်ရောက်ပြသနိုင်ဖို့ ဖိတ်ခေါ်ထားတယ်လို့ သိရပါတယ်။
#Local_News
Published 6 January 2025
#မြန်မာ့ထွက်ကုန် #ကမ္ဘာ့ကုန်သွယ်ရေး
#YMG/SW #Yangon_Times

ဝါးနက်ဆင်စခန်းသို့ ပြီးခဲ့တဲ့ ရုံးပိတ်ရက်ရှည်အတွင်း တရုတ်ခရီးသွားအပါအဝင် တစ်ရက်ကိုဧည့်သည်၁၀၀ခန့် ဝင်ရောက်ခဲ့တယ်လို့ ဆင်စခန်းတာဝန်ခံဆီကသိရပါတယ်။
#Local_News
Published 6 January 2025
#ဝါးနက်ဆင်စခန်း #ဧည့်သည်၁၀၀ခန့်ဝင်ရောက်
#YMG/NN #Yangon_Times

မြန်မာနိုင်ငံသားအဖြစ်မှ စွန့်လွတ်လိုသူတွေအနေနဲ့ သတ်မှတ်စာရွက်စာတမ်းတွေ ပြန်လည်အပ်နှံနိုင်ရမယ်လို့ စင်ကာပူရှိမြန်မာသံရုံးက ထုတ်ပြန်ထားပါတယ်။
#Local_News
Published 6 January 2025
#သတ်မှတ်စာရွက်စာတမ်း #စင်ကာပူရှိမြန်မာသံရုံး
#YMG/SW #Yangon_Times

#Local_News
Published 6 January 2025

▪️ ရန်ကုန်အထိုင်စားအုန်းဆီရည်ညွှန်းဈေးများမှာ ၂၀၂၄ခုနှစ် နှစ်ကုန်ပိုင်းမှစ၍ဆက်တိုက်တည်ငြိမ်လျှက်ရှိကြောင်း စားသုံးဆီတင်သွင်းသိုလှောင်ဖြန့်ဖြူး ခြင်းလုပ်ငန်း ကြီးကြပ်ရေးကော်မတီ၏အပတ်စဉ်ထုတ်ပြန်လျှက်ရှိသည့် ဈေးနှုန်းများအရ သိရသည်။

▪️ ရန်ကုန်အထိုင် စားအုန်းဆီဈေးရည်ညွန်း‌ဈေးများကို ကမ္ဘာ့စားအုန်းဆီထုတ်လုပ်တင်ပို့သည့် နိုင်ငံ‌များတွင် ဖြစ်ပေါ်နေသည့် ဈေးကွက်နှင့်ဈေးနှုန်းဖြစ်ပေါ်မှု‌များအရ သတ်မှတ်ထုတ်ပြန်လျှက်ရှိရာ ယခုတစ်ပတ်ယခုတစ်ပတ်အတွက် ၂၀၂၅ ခုနှစ် ဇန်နဝါရီ (၆) ရက်မှ (၁၂) ရက်အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် (၇၂၈၀) ဖြစ်ကြောင်း ထုတ်ပြန်ကြေညာထားသည်။

▪️ ၂၀၂၄ ခုနှစ်၊ ဒီဇင်ဘာ ၂၄ ရက်မှ ဒီဇင်ဘာလ ၃၀ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာကို ၇၂၈၀ ကျပ်ဖြစ်ခဲ့ပြီး ၂၀၂၄ ခုနှစ်၊ ဒီဇင်ဘာ ၃၁ ရက်မှ  ၂၀၂၅ ခုနှစ် ဇန်နဝါရီ ၅ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာလည်း တစ်ပိဿာကို ၇၂၈၀ ကျပ်ဖြစ်ခဲ့ရာ ၂၀၂၄ခုနှစ် နှစ်ကုန်ပိုင်းမှစ၍ စားအုန်းဆီဈေးတည်ငြိမ်နေခြင်းဖြစ်သည်။

▪️ ယခုကဲ့သို့ ရည်ညွန်းဈေးများ ထုတ်ပြန်နေသကဲ့သို့ ဈေးကွက်အတွင်း စားသုံးဆီ‌များကို သင့်တင့်မျှတသည့် ဈေးနှုန်းဖြင့် ရောင်းချပေးရန် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းက တိုက်တွန်းပြောဆိုထားပြီး ဈေးကွက်အတွင်း စားအုန်းဆီ‌များကို ဈေးနှုန်းမြင့်တင်ရောင်းချခြင်းများ မပြုလုပ်ရန်အတွက် ရှောင်တခင်စစ်ဆေးကြပ်မတ်ဆောင်ရွက်လျက်ရှိ‌ကြောင်း စားသုံးသူရေးရာဦးစီးဌာနက သိရသည်။

#YMG/SW #Yangon_Times

#World_News
Published 06 January 2025

▪️ ဘီလျံနာ ပရဟိတသမား ဆိုသူ ဂျော့ဂျ်ဆိုရော့စ်ကို အမေရိကန်သမ္မတ ဂျိုးဘိုင်ဒင်ကနေ လွတ်လပ်ရေးဆုတံဆိပ် ချီးမြှင့်ခဲ့တဲ့ ဆုံးဖြတ်ချက်ဟာ အကျည်းတန်တယ်လို့ တက်စ်လာစီအီးအို အီလွန်မက်စ်က ဝေဖန်ပြစ်တင်လိုက်ပါတယ်။

▪️ အမေရိကန်ပြည်ထောင်စုမှာ အမြင့်ဆုံးအရပ်သား ဂုဏ်ပြုဆုဖြစ်တဲ့ လွတ်လပ်ရေးဆုတံဆိပ်ကို ယခုနှစ်အတွင်း ၁၉ ဦးမြောက် ပေးအပ်ခဲ့တာဖြစ်ပြီး နိုင်ငံရေး၊ အားကစား၊ ဖျော်ဖြေရေး၊ လူ့အခွင့်အရေး၊ LGBTQ+ရေးနဲ့ သိပ္ပံနယ်ပယ်တို့မှ ပုဂ္ဂိုလ်များ ပါဝင်ခဲ့ပါတယ်။

▪️ Open Society Foundations တည်ထောင်သူဖြစ်ပြီး အထင်ကရ ရင်းနှီးမြှုပ်နှံသူဖြစ်တဲ့ ဆိုရော့စ်ဟာ ဒီမိုကရေစီ၊ လူ့အခွင့်အရေး၊ ပညာရေးနဲ့ လူမှုတရားမျှတရေးတို့ အားကောင်းစေမယ့် ကမ္ဘာလုံးဆိုင်ရာ ကြိုးပမ်းဆောင်ရွက်မှုများကြောင့် အသိအမှတ်ပြုခံရတာ ဖြစ်တယ်လို့ အိမ်ဖြူတော်မှ တရားဝင်ထုတ်ပြန်လိုက်ပါတယ်။

▪️ အီလွန်မက်စ်က ဆိုရော့စ်ကို အကောင်းမမြင်ခဲ့တာဟာ အခုမှမဟုတ်ဘဲ ၂၀၂၃ ခုနှစ်ကလည်း ဂျူးနွယ်ဖွား ဆိုရော့စ်ဟာ လူသားမျိုးနွယ်ကို မုန်းတီးနေပြီး လူ့အဖွဲ့အစည်း အသိုင်းအဝိုင်းကို တိုက်စားရန် ရည်ရွယ်နေတယ်လို့ ထိုးနှက်ပြောဆိုခဲ့ပါသေးတယ်။

▪️ ဒါ့အပြင် စွမ်းအားတွေရှိပြီး လူအများသေကြေစေတဲ့ မာဗယ်လ်မှ စိတ်ကူးယဉ်ဇာတ်ကောင် မက်ဂ်နီတိုကို ဆိုရော့စ်နဲ့ ခိုင်းနှိုင်းလိုက်ပါတယ်။

▪️ ဆိုရော့စ်ဟာ ဒုတိယကမ္ဘာစစ်အတွင်း နာဇီတို့သိမ်းပိုက်ထားခဲ့တဲ့ ဟန်ဂေရီမှ အသက်ရှင်ကျန်ရစ်သူဖြစ်ပြီး သူ့ရဲ့ချမ်းသာကြွယ်ဝမှုနဲ့ ပရဟိတအမည်ခံလှုပ်ရှားမှုတို့ ဆက်စပ်ရာကနေ ကမ္ဘာလုံးဆိုင်ရာ မငြိမ်မသက်မှုတွေ ဖြစ်စေတယ်ဆိုတဲ့ ပူးပေါင်းကြံစည်ယူဆမှုတွေနဲ့ မကြာခဏဆိုသလို ပစ်မှတ်ထားခံခဲ့ရပါတယ်။

▪️ ၁၉၃၀မှာ မွေးဖွားခဲ့ပြီး ဟန်ဂေရီမှာ ဂျူးဆယ်ကျော်သက်အဖြစ် ပုန်းခိုခဲ့ရကာ ဆယ်စုနှစ်တွေ ကြာတဲ့အခါမှာတော့ Open Society Foundations တည်ထောင်နိုင်ခဲ့ပြီး ဒီမိုကရေစီအရေး၊ လူ့အခွင့်အရေး၊ လူမှုရေးတွေ မြှင့်တင်ဖို့အတွက် ဘီလီယံနဲ့ချီ သုံးစွဲခဲ့ပါတယ်။

▪️ ဒါပေမဲ့ ကမ္ဘာ့နိုင်ငံရေးနဲ့ ဘဏ္ဍာရေးကိစ္စတွေမှာ ပါဝင်ပတ်သက်ခဲ့တာက သူ့ကို အစွန်းရောက်ပုဂ္ဂိုလ်အဖြစ် ထင်မှတ်စရာဖြစ်ခဲ့ပြီး အစိုးရပြောင်းလဲမှုများ၊ စီးပွားရေး မတည်ငြိမ်မှုများ၊ ရန်ပုံငွေလှုပ်ရှားမှုများမှာ လွှမ်းမိုးချုပ်ကိုင်ခဲ့တယ်လို့ ဝေဖန်စွပ်စွဲခံခဲ့ရသူတစ်ဦးဖြစ်ပါတယ်။

▪️ ဒါ့အပြင် မကြာသေးမီက အိန္ဒိယမှ အဒါနီဂရုအရှုပ်တော်ပုံ ဖြစ်ရပ်တွေမှာလည်း ဆိုရော့စ်ရဲ့နာမည် ပေါ်ထွက်လာခဲ့ပါတယ်။

#Source: India Today

#Local_News
Published 6 January 2025
▪️ လာမည့် ဇန်နဝါရီလ ၇ ရက်တွင် ရန်ကုန်မြို့တွင်း ရေယာယီပြတ်တောက်မည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီမှ သိရသည်။

▪️ ယာယီပြုပြင်ထားသော ဂျိုးဖြူပိုက်လိုက်ကြီးအား အကြီးစား ပြုပြင်မှုများ ပြုလုပ်မည်ဖြစ်သောကြောင့် ဇန်နဝါရီလ ၇ ရက် နံနက် အစောပိုင်း ၂ နာရီမှစ၍ ရေစတင်ပိတ်ပြီး ရေကျန်များထုတ်ခြင်း၊ ဂျွိုင်းဆက်များပြုပြင်ခြင်းလုပ်ငန်းများ ဆောင်ရွက်မည်ဖြစ်ရာ ယင်းနေ့ညနေပိုင်းတွင် ရေပြန်လည်ရရှိစေရန် ဆောင်ရွက်သွားမည်ဖြစ်ကြောင်း သိရသည်။

▪️ ယခုလ ၅ ရက်မှစတင်၍ ပြောင်းလဲလိုက်သော လျှပ်စစ်မီးပေးမှုပုံစံအရ မီးလာချိန်မှသာ ရေစက်များအပြိုင်အဆိုင်မောင်းနှင်ရသောကြောင့် ရန်ကုန်မြို့တွင်း အထပ်မြင့်နေပြည်သူများ ရေပြဿနာကို ကြုံတွေ့နေရကြောင်းလည်း သိရသည်။

#YMG/SW #Yangon_Times