#Daily_News

Published 24 May 2025

၁။ ဧပြီလအတွင်းပြည်ပသို့ ပုစွန်မက်ထရစ်တန်လေးရာကျော်တင်ပို့ခဲ့

၂။ ရန်ကုန်တိုင်းကိုယ်စားပြု မြန်မာ့သိုင်းလက်ရွေးစင်များရွေးချယ်ရန် သိုင်းပြိုင်ပွဲပြုလုပ်မည်

၃။ ရန်ကုန်တိုင်းအတွင်းရွှေဆိုင် ငါးထောင်ခန့်ရှိပြီး တစ်ထောင့်ငါးရာခန့် လိုင်စင်လျှောက်ထားပြီးဖြစ်

၄။ အမေရိကန်သို့အရောင်းလျှော့ချကာ ဩစတြေးလျနှင့်အာရှသို့တိုးမြှင့်တင်ပို့သွားရန်ပြင်သစ်ပရိဘောဂကုမ္ပဏီစဉ်းစား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 24 May 2025

▪️ အမေရိကန်သမ္မတ ဒေါ်နယ်ထရမ့်က အိမ်ဖြူတော် အမျိုးသား လုံခြုံရေးကောင်စီအတွင်း ဝန်ထမ်းအများအပြားလျှော့ချရန် အမိန့်ပေးလိုက်ကာ သောကြာနေ့က ပေါ်လစီကျွမ်းကျင်သူဒါဇင်ခန့်ကို အလုပ်ထုတ်ပယ်လိုက်တယ်လို့ အထုတ်ခံရသူအရာရှိတစ်ဦးက NPR ကို ပြောသွားပါတယ်။

▪️ ရုတ်တရက်ကြီး ထုတ်ပယ်လိုက်တာဖြစ်ပြီး ညနေ ၄ နာရီခွဲက ဝန်ထမ်းတွေကို အသိပေးခဲ့ကာ ၅ နာရီမှာ ထွက်ခွာခိုင်းခဲ့တယ်လို့ ပြောပါတယ်။

▪️ ဒီအကြောင်းပြောပြတဲ့ အရာရှိက အမည်မဖော်လိုသူအနေဖြင့် ပြောသွားတာ ဖြစ်ပါတယ်။

▪️ ထုတ်ပယ်ခြင်းက အတော်များပြားခဲ့ပြီး ဥပမာအားဖြင့် အရှေ့အလယ်ပိုင်းကဏ္ဍတာဝန်ပိုင်းမှာ ဝန်ထမ်းအရေအတွက် ၁၀ ယောက်ကနေ ၅ ယောက်သာ ကျန်ရှိပါတယ်။

▪️ ဒီလိုလုပ်ရတဲ့ ရည်ရွယ်ချက်က ဗျူရိုကရေစီနဲ့ အရေအတွက် ပွားများခြင်းကိုရှင်းထုတ်ရန်ဖြစ်ပြီး လုပ်ငန်းဆောင်တာ အများစုကို မူရင်းဌာနတွေ အေဂျင်စီတွေထံ ပြန်လည်ရွှေ့ပြောင်းလိုက်တယ်လို့ နောက်ထပ်သတင်းရင်းမြစ်တစ်ဦးက NPR ကို ပြောသွားပါတယ်။

▪️ ဒီလိုလျှော့ချပြီးနောက်မှာ လုံခြုံရေးကောင်စီမှာ ထရမ့်ပထမအကြိမ် သမ္မတသက်တမ်းကုန်ဆုံးချိန်ကအတိုင်း အရေအတွက်သာ ရှိနေမှာပါ။

▪️ လုံခြုံရေးကောင်စီမှာ အဓိကအားဖြင့် နိုင်ငံခြားရေးဌာန၊ ပင်တဂွန်၊ ထောက်လှမ်းရေးအေဂျင်စီများ၊ အစိုးရလုံခြုံရေး အဖွဲ့အစည်းဌာနခွဲများမှ ပေါ်လစီကျွမ်းကျင်သူများကို ငှားရမ်းထားရှိတာဖြစ်ပြီး သံတမန်ရေးရာနဲ့ လုံခြုံရေးဆိုင်ရာ အကြီးမားဆုံး ဆုံးဖြတ်ချက်များအတွက် သမ္မတကို အကြံဉာဏ်ပေးကြပါတယ်။

▪️ ထရမ့်ကတော့ နိုင်ငံခြားရေးမူဝါဒများ ဆုံးဖြတ်ချက်ချရာမှာ ယင်းတို့တွေထက် နိုင်ငံခြားရေးဝန်ကြီး မာကိုရူဘီယို၊ အရှေ့အလယ်ပိုင်းသံတမန် စတိဗ်ဝစ်ကော့ဗ်၊ ဘဏ္ဍာရေးဝန်ကြီး စကော့ဘက်ဆန့်နဲ့ ဝန်ကြီးအဖွဲ့ဝင်များကို ပိုပြီးအားထားပါတယ်။

▪️ ထိပ်သီးပိုင်း ပထမဆုံးအပြောင်းအလဲအနေနဲ့ မေ ၁ ရက်နေ့က ထရမ့်ဟာ အမျိုးသား လုံခြုံရေးကောင်စီ အကြီးအကဲဖြစ်တဲ့ မိုက်ခ်ဝေါ့ဇ်ကို ထုတ်ပယ်လိုက်ကာ ကုလသမဂ္ဂဆိုင်ရာ သံအမတ်အဖြစ် လျာသွားမယ်လို့ ပြောခဲ့ပါတယ်။

#Source: NPR

#World_Health
Published 24 May 2025

▪️ နာဖာချေးက ခန္ဓာကိုယ်ကထွက်တဲ့ ပစ္စည်းဖြစ်ပြီး အရေးပါတဲ့လုပ်ဆောင်ချက် အများအပြား လုပ်ပေးပါတယ်။

▪️ အမှုန်၊ ဘက်တီးရီးယားများကို ပိတ်ဆို့ပြီး နားအတွင်းပိုင်းကို သန့်ရှင်းနေစေပါတယ်။

▪️ နာဖာချေးရဲ့ အရောင်သွင်ပြင်၊ ပမာဏတို့က ကျန်းမာရေးနဲ့ပတ်သက်ပြီး လက္ခဏာများ သိရှိစေနိုင်ပါတယ်။

▪️ နာဖာချေးရဲ့ အခြေအနေပြောင်းလဲမှုတွေကိုကြည့်ပြီး နားနဲ့ ကျန်းမာရေးကို စောင့်ကြည့်နိုင်ပါတယ်။

(၁) နာဖာချေးခြောက်သွေ့ခြင်းနှင့် စိုစွတ်ခြင်း
▪️ ABCC11 မျိုးဗီဇပစ္စည်းနဲ့ သက်ဆိုင်ပြီး အရှေ့အာရှအများစုက ခြောက်သွေ့ကြကာ အာဖရိကနဲ့ ဥရောပလူမျိုးတွေက စိုစွတ်တတ်ကြပြီး ဒီလိုကွာခြားမှုကနေ ဘေးအန္တရာယ် မရှိပါဘူး။

(၂) အဝါရောင်နှင့် အညိုဖျော့
▪️ ဒီအရောင်က အများဆုံးတွေ့ရတဲ့ အရောင်တွေဖြစ်ပြီး စေးကပ်ကာ အမှုန်အစတွေကို ပိတ်ဆို့နိုင်ပါတယ်။

▪️ ကျန်းမာသန်စွမ်းတဲ့ နားလမ်းကြောင်းဖြစ်တဲ့သဘောဖြစ်ပြီး အကြားအာရုံချို့တဲ့လက္ခဏာများ မရှိပါဘူး။

(၃) အညိုရင့်ရောင်နှင့် အနက်ရောင်
▪️ ဒါက အမှုန်အမွှားတွေကို ပိတ်ဆို့ဖမ်းယူထားလို့ သက်တမ်းရင့်လာတဲ့ လက္ခဏာဖြစ်ပြီး အနံ့အသက် ထူးထူးခြားခြားမရှိရင် ဘေးကင်းစိတ်ချရပါတယ်။

(၄) ဖြူဖြူခြောက်သွေ့ခြင်းနှင့် အချပ်လိုက်ဖြစ်ခြင်း
▪️ အဖြူရောင် အချပ်လိုက်ရှိနေတာဟာ အရေပြားပြဿနာရှိတဲ့ လက္ခဏာဖြစ်ပြီး နားတွင်းပေါက်အနီး ယားယံခြင်း အဖတ်ဖြစ်ခြင်းတို့နဲ့ ဆက်စပ်နေသလို နာဖာချေးစုပြုံပိတ်ဆို့ခြင်းလည်း အဖြစ်လွယ်ပါတယ်။

(၅) အစိမ်းရောင်နှင့် အနံ့ဆိုးခြင်း
▪️ နာဖာချေး အစိမ်းရောင်ဖြစ်ပြီး အနံ့ဆိုးရှိနေရင် နားတွင်းပေါက်မှာ ဘက်တီးရီးယားကူးစက်မှု ရှိတဲ့သဘောဖြစ်ပြီး ကိုက်ခဲခြင်း၊ အရည်ထွက်ခြင်း၊ အကြားအာရုံပြဿနာများ ဖြစ်နိုင်ပါတယ်။

(၆) နာဖာချေးအရည်ဖြစ်ခြင်း
▪️ နားထဲမှာ ဖိအားများပြီး နားစည်နောက်မှာ အရည်ဖြစ်နိုင်ကာ နားရောဂါကူးစက်ခြင်းလက္ခဏာဖြစ်ပြီး များသောအားဖြင့် ကလေးတွေမှာဖြစ်တတ်ကာ မကုသဘဲထားရင် အကြားအာရုံထိခိုက်နိုင်ပါတယ်။

(၇) နာဖာချေးသွေးပါခြင်း
▪️ နာဖာချေးထဲမှာ သွေးပါနေရင် နားစည်ပေါက်တဲ့ လက္ခဏာဖြစ်နိုင်ပြီး အကျိတ်၊ ရောဂါဘယတို့လို ပိုမိုဆိုးရွားတဲ့အခြေအနေ ဖြစ်နိုင်တာကြောင့် နာဖေချေးထဲ သွေးပါရင် အကြားအာရုံဆုံးရှုံးရင် မူးဝေရင် ဆရာဝန်နဲ့ ပြသသင့်ပါတယ်။

#Source: DoctorNDTV

#World_Science
Published 24 May 2025

▪️ နယူးဇီလန်မှာ ခရုပက်ကျိတစ်ကောင် လည်ပင်းကနေ ဥဥတဲ့ဗီဒီယိုကို ပထမဆုံးအကြိမ် ရိုက်ကူးမိခဲ့ကြောင်း ထိန်းသိမ်းရေးအေဂျင်စီက ဗုဒ္ဓဟူးနေ့မှာပြောပါတယ်။

▪️ နယူးဇီလန်မှာ မျိုးသုဉ်းအန္တရာယ်ရှိနေတဲ့ Powelliphanta augusta ခရုပက်ကျိမျိုးစိတ်တစ်ကောင်ရဲ့ ဦးခေါင်းအောက် အပေါက်ကနေ ဥလေးထွက်လာတာ ဖြစ်ပါတယ်။

▪️ အနောက်ကမ်းရိုးတန်း စခန်းတစ်ခုမှာ ရိုက်ကူးမိခဲ့တာဖြစ်ပြီး မျိုးစိတ်ထိန်းသိမ်းသူများက ဒီခရုပက်ကျိတွေကို အေးမြတဲ့ကွန်တိန်နာထဲမှာ ဆယ်စုနှစ် ၂ ခုနီးပါးတိုင်အောင် ထိန်းသိမ်းစောင့်ရှောက်ထားခဲ့ပါတယ်။

▪️ ယင်းတို့ သဘာဝအတိုင်း ရှင်သန်နေထိုင်ရာ တောင်မြင့်ရာသီဥတုအတိုင်း ကွန်တိန်နာထဲမှာ ဖန်တီးထားပါတယ်။

▪️ ခရုပက်ကျိတွေကို တစ်ချိန်လုံးစောင့်ရှောက်ခဲ့ရာကနေ ဥဥတာကို ပထမဆုံးမြင်ဖူးတာဖြစ်တယ်လို့ မျိုးစိတ်ထိန်းသိမ်းရေးဌာနမှ ၁၂ ကြာအောင် အလုပ်လုပ်နေတဲ့ လီဆာဖလာနာဂန်က ပြောပါတယ်။

▪️ ဒီခရုပက်ကျိမျိုးစိတ်ဟာ အခြားမျိုးစိတ်တွေလို hermaphrodite အမျိုးအစားဖြစ်ပြီး အခွံမာထဲမှာ မျိုးပွားကြပါတယ်။

▪️ ခန္ဓာကိုယ်ညာဘက် ဦးခေါင်းအောက်မှ မျိုးပွားအပေါက်မှာ တခြားခရုမှသုတ်ပိုးကိုရယူပြီး မျိုးဥမဖြစ်ခင်အထိ သိုလှောင်ထားကြပါတယ်။

▪️ ခရုပက်ကျိတွေက မျိုးပွားနိုင်တဲ့အရွယ်ရောက်ဖို့ ၈ နှစ်ခန့်ကြာပြီး တစ်နှစ်ကို ဥ ၅ ခုလောက် ဥနိုင်ကာ ဥပေါက်ဖို့အတွက် တစ်နှစ်ကျော်လောက် စောင့်ရပါတယ်။

▪️ ဖလာနာဂန်တို့ ထိန်းသိမ်းပေးနေတဲ့ အချို့ခရုပက်ကျိတွေဆိုရင် အသက် ၂၅ နှစ်မှ ၃၀ ကြားရှိနေပါတယ်။

▪️ သူတို့က အသားစားသတ္တဝါများဖြစ်ကာ အရွယ်အစားအကြီးမားဆုံး ခရုပက်ကျိမျိုးတွေဖြစ်ပြီး တီကောင်တွေကို စားသောက်ကြပါတယ်။

▪️ ၂၀၁၁ ခုနှစ်က ထိန်းသိမ်းထားတဲ့ ရေခဲခန်းထဲမှာ အပူချိန်ချို့ယွင်းခဲ့တာကြောင့် အကောင် ၈၀၀ ခန့် သေဆုံးခဲ့ရပါတယ်။

▪️ ဒါပေမဲ့ မျိုးစိတ်ကတော့ နှေးကွေးစွာဖြင့် ဆက်လက်ရှင်သန်နေခဲ့ပြီး ယခုနှစ်မတ်လမှာ အကောင်ပေါင်း ၁,၉၀၀ နဲ့ ဥပေါင်း ၂,၂၀၀ နီးပါး ထိန်းသိမ်းထားနိုင်ပါတယ်။

#Source: New York Post

WHO မှ ဆုံးဖြတ်ပိုင်ခွင့်အမြင့်ဆုံးအဖွဲ့ဖြစ်တဲ့ ကမ္ဘာ့ကျန်းမာရေးညီလာခံ (WHA)ဟာ ကပ်ရောဂါ ကြိုတင်ပြင်ဆင်မှု တိုးတက်စေရန် ဆွစ်ဇာလန် ဂျီနီဗာမှာ သမိုင်းဝင် ကမ္ဘာလုံးဆိုင်ရာ ကပ်ရောဂါသဘောတူညီချက်ကို အင်္ဂါနေ့က ကျင့်သုံးလိုက်ပါတယ်။
#World_Health
Published 23 May 2025
#ကမ္ဘာလုံးဆိုင်ရာကပ်ရောဂါ #WHO
#YMG #Yangon_Times #Yangon_Media_Group

၂၃ မေ ၂၀၂၅

မြန်မာနိုင်ငံတွင် လှုပ်ရှားခဲ့တဲ့ ပြင်းထန်သော ငလျင်ကြီးတွင် အိန္ဒိယအစိုးရ၊ အိန္ဒိယ  နွယ်ဖွားအသိုက်  အဝန်းနှင့် ယင်းတို့ရဲ့ ကြီးမားသော ကွန်ရက်သည် ကရုဏာအရှိန်အဟုန်ဖြင့် ကူညီဆောင်ရွက်   ပေးခဲ့ကြခြင်းမှာ အိန္ဒိယစာဆို တဂိုး၏ စကြဝဠာ လူသားဝါဒ Tagore’s vision of universal humanism.ထင်ဟပ်နေခဲ့တယ် လို့ မြန်မာနိုင်ငံ   ဆိုင်ရာ အိန္ဒိယသံအမတ်ကြီး Abhay Thakur က ယနေ့ မေလ ၂၃ ရက်နေ့တွင် ပြောကြား လိုက်ပါတယ်။

အိန္ဒိယနိုင်ငံသံရုံး ဆွာမိဝိဝေက နန္ဒ ယဉ်ကျေးမှုဋ္ဌာနနှင့် မြန်မာနိုင်ငံ တဂိုး အသင်းတို့ ပူးတွဲကျင်းပတဲ့ “Lecture of the Jayatu Bharatam “ ဟောပြောပွဲများ၏ အစိတ်အပိုင်းဖြစ်တဲ့ စာပေညာရှင်ကြီး ရာဘင်ဒြာနတ်တဂိုး၏  စာပေအနုပညာ ဟောပြောပွဲ၌ သံအမတ်ကြီး Abhay Thakur က ယင်းကဲ့သို့ ပြောဆိုခဲ့ခြင်းဖြစ်ပါတယ်။

“သူ့ကဗျာနှင့် စာပေအက်ဆေး အများအပြားကို မြန်မာဘာသာသို့ ပြန်ဆိုခဲ့ပြီး သူ၏ အတွေး   အခေါ်များသည် မြန်မာပညာတတ်များထံ ပဲ့တင်ထပ်ခဲ့ပါတယ်။  နိုဘယ်လ်ဆုရခဲ့သော သူ၏ကဗျာ  ဂီတဉ္ဇလီ 'Gitanjali' ဟာ  အိန္ဒိယနိုင်ငံ၏ စိတ်ဝိညာဉ်၏ အသံဖြစ်လာပါတယ်။  အဲဒီဝိညာဉ်၏ ပဲ့တင်သံကို ယနေ့ ရန်ကုန်တွင်လည်းကြားနေရပါတယ်” လို့ သံအမတ်ကြီးက ချီးကျူးပြောဆိုခဲ့ပါတယ်။

ဆရာကြီးတဂိုးသည် ၁၉၁၆၊ ၁၉၂၄ နှင့် ၁၉၂၇ ခုနှစ်တွင် ရန်ကုန်သို့ ၃ ကြိမ် လည်ပတ်ခဲ့တယ်လို့ သံ အမတ်ကြီးကပြောဆိုလိုက်ပြီး သူ့ခရီးစဉ်များသည် သမားရိုးကျခရီးစဉ်တစ်ခုမဟုတ်ဘဲ အိန္ဒိယနှင့် မြန်မာအကြား ပိုမိုနက်ရှိုင်းသော ယဉ်ကျေးမှုနှင့် စိတ်ဓာတ်ရေးရာဆွေးနွေးပွဲများ မြှင့်တင်ရန် ကြိုးပမ်းမှုတစ်ခုဖြစ်တယ်လို့လည်း ဆိုလိုက်ပါတယ်။

“သူ့ခရီးစဉ်သည် ယနေ့ သက်ရှိထင်ရှားရှိနေဆဲဖြစ်သော ဗုဒ္ဓ၏ သာဝကများ အထူးသဖြင့် မြန်မာနိုင်ငံ ပြည်သူများနှင့် စိတ်ပိုင်းဆိုင်ရာ ခင်မင်ရင်းနှီးမှုကို ဖြစ်စေပါတယ်။သူ့ မိန့်ခွန်းများတွင် အိန္ဒိယနှင့် မြန်မာနိုင်ငံကဲ့သို့ ရှေး ယဉ်ကျေးမှုများသည် ၎င်းတို့၏ စိတ်ဝိညာဉ်တွင် အချင်းချင်း နက်ရှိုင်းစွာ ဆက်စပ်နေကြောင်း အလေးပေးဖော်ပြခဲ့ပါတယ်” ဟု သံအမတ်ကြီး Abhay Thakur ကဆက်လက်ပြော ဆိုပါတယ်။

အိန္ဒိယနှင့် မြန်မာတို့သည် ပထဝီဝင်အိမ်နီးချင်းများသာမက နက်ရှိုင်းသော ယဉ်ကျေးမှုဆိုင်ရာ ဆက်ဆံမှုနှင့် ဆွေမျိုးနှောင်ကြိုးများဖြင့် ချိတ်ဆက်ထားပြီး  အချိန်တိုင်းတွင် အချင်းချင်း ရပ်တည် နေကြသည့် ရင်းနှီးသည့်မိတ်ဆွေများဖြစ်တယ်လို့လည်း သံအမတ်ကြီးက အလေးပေးပြောဆိုပါတယ်။

တဂိုး၏ စာပေဆိုင်ရာ ဟောပြောပွဲသို့ အိန္ဒိယသံအမတ်ကြီးနှင့်အတူ Tagore Society Myanmar မှ ကိုယ်စားလှယ်များ၊ မြန်မာနိုင်ငံလုံးဆိုင်ရာ ဟိန္ဒူဗဟိုကောင်စီ အကြီးအကဲ၊ မြန်မာ-အိန္ဒိယ ချစ်ကြည်ရေးအသင်းမှ ကိုယ်စားလှယ်များ၊အဖွဲ့အစည်းများမှအကြီးအကဲများ၊ လူမှုအသိုက်အဝန်း  ခေါင်းဆောင်များ၊နှင့်မီဒီယာများ တက်ရောက်ခဲ့ကြပါတယ်။

#ymg/knl