တရုတ်-ရှန်ဟိုင်းပူးပေါင်းဆောင်ရွက်ရေး SCO အဖွဲ့ စီးပွားရေးနှင့်ကုန်သွယ်မှုဆိုင်ရာ အင်စတီကျုမှ နိုင်ငံတကာအိတ်စ်ချိန်းစင်တာ စတင်ဖွင့်လှစ်

တရုတ်-ရှန်ဟိုင်းပူးပေါင်းဆောင်ရွက်ရေးအဖွဲ (SCO) စီးပွားရေးကုန်သွယ်ရေးအဖွဲအစည်းရဲ့ နိုင်ငံတကာအိတ်စ်ချိန်းစင်တာကို တရုတ်နိုင်ငံ အရှေ့ဘက်ကမ်းရိုးတန်းမြို့ ချင်ဒေါင်မှာ သောကြာနေ့က စတင်ဖွင့်လှစ်ခဲ့ပါတယ်။
#World_Development
#Published_ 1 August 2023
#Local_News
#YMG #Yangon_Times

#Daily_News
Published_ 1 August 2023

၁။ သင်္ဘောမတက်ခင် မိသားစုဝင်များကို သင်္ဘောသားရပိုင်ခွင့် အထောက်အထားစာရွက်များ ပေးထားသင့်ဟုဆို

၂။ ခရီးဝေး ရထားစီးနင်းသူများ မှတ်ပုံတင်ပြ၍ သုံးရက်ကြိုတင် လက်မှတ်ဝယ်ယူစီးနင်းနိုင်

၃။ တစ်နိုင်ငံလုံးတွင် ယနေ့နံနက်ပိုင်းမှစ၍ နောက်သုံးရက်အတွင်း မိုးကြီးနိုင်၊ မြစ်ဝကျွန်းပေါ်တွင် မိုးသက်လေပြင်း များကျရောက်ပြီး လှိုင်းကြီးမည်

၄။တရုတ်-ရှန်ဟိုင်း ပူးပေါင်းဆောင်ရွက်ရေး SCO အဖွဲ့ စီးပွားရေးနှင့် ကုန်သွယ်မှုဆိုင်ရာ အင်စတီကျုမှ နိုင်ငံတကာအိတ်စ်ချိန်းစင်တာ စတင်ဖွင့်လှစ် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 1 August 2023

မန်ယူအသင်းအနေဖြင့် လာလည်ရာသီတွင် ပြီးခဲ့သည်ရာသီ တိုးတက်မှု ထက်ပိုမိုရမည်ဖြစ်ပြီး ပိုပိုကောင်းသော စွမ်းဆောင်ရည်ကို ပြသရသည်ဟု နည်းပြတန် ဟက်က သတိပေးပြောကြားခဲ့သည်။

မန်ယူအသင်းသည် ၂၀၂၁-၂၂ ရာသီက ဆိုးရွားသောခြေစွမ်းများကြောင့် နည်းပြများကို ထုတ်ပယ်ခဲ့ပြီး နောက်တန်ဟက်က တာဝန်ယူကိုင်တွယ်ခဲ့ရသည်။

ထို့ကြောင့် ပုံစံကောင်းတစ်ခုပြသနိုင်ခဲ့ပြီး ရာသီကုန်တွင် ပရီးမီးယားလိဂ် အဆင့် ၃၊ ကာရာဘောင်းဖလားချန်ပီ ယံ နှင့် FAဖလားဖိုင်နယ်သို့ တက်ရောက်နိုင် သည့်မှတ်တမ်းရရှိခဲ့သည်။

ကမ္ဘာ့ဘောလုံး အဆင့်အတန်းမှာ တိုးတက်လျက်ရှိနေပြီး မိမိတို့အနေဖြင့် နောက်ထပ် အဆင့်တစ်ခုသို့မဖြစ်မနေတက်လှမ်းရမည်ဖြစ်ကြောင်းတန် ဟက်ကပြောကြားခဲ့သည်။

ပရီးမီးယားလိဂ် သည် ပြီးခဲ့သည့်၄ နှစ် ၅နှစ်နှင့်ယှဉ်လျှင်ပိုမိုအင်အားတောင့်တင်းလာပြီဖြစ်ကြောင်း၊ မိမိတို့သည်စိန်ခေါ်မှုတစ်ခုကို ရင်ဆိုင်၍ရာသီသစ်ကို စတင်ကျော်ဖြတ်ရမည်ဖြစ်ကြောင်း ရောက်ရှိလာသော ကစားသမားသစ်များအနေဖြင့် ပရော်ဖက်ရှင်နယ်ပီသစ္စာလုပ်ဆောင်နိုင်ရန် လိုအပ်ကြောင်း တန်ဟက်ကဆိုသည်။

ဆက်စပ်သတင်းတစ်ရပ်တွင် ဒေါ်မွန်နှင့်ခြေစမ်းပွဲမှ မန်ယူအသင်း၏ ခြေစွမ်းကိုတန်ဟက်ကပြစ်တင်ဝေဖန်သွားခဲ့ပြီး ခွင့်လွှတ်နိုင်ဖွယ်ရာမရှိကြောင်း ပြောကြားခဲ့သည်။.
#World Sport
#YMG #Yangon_Times

Published_ 1 August 2023

နိုင်ဂျာမှာ အာဏာသိမ်းခဲ့တဲ့ စစ်ခေါင်းဆောင်များက ဖြုတ်ချခံရတဲ့ 'မိုဟာမက်ဘာဇူးမ်'အစိုးရဟာ သမ္မတနန်းတော်မှာ စစ်ရေးဝင်ရောက်စွက်ဖက်ရန်နဲ့ ဖြုတ်ချခံရတဲ့ သမ္မတကို လွတ်မြောက်အောင် ကူညီပေးရန် ပြင်သစ်ကို ခွင့်ပြုလိုက်ကြောင်း အတည်ပြုပြောကြားလိုက်ပါတယ်။

နိုင်ဂျာမှာ စစ်ရေးအရ ဝင်ရောက်စွက်ဖက်ရန် နည်းလမ်းများရှာဖွေရေးအတွက် နိုင်ဂျီးရီးယားအချို့ပါဝင်တဲ့ ပြင်သစ်က နိုင်ဂျီးရီးယားနိုင်ငံတော်ကာကွယ်ရေး စစ်ဦးစီးချုပ်နဲ့ တွေ့ဆုံကာ လိုအပ်တဲ့ နိုင်ငံရေးနဲ့ စစ်ရေးခွင့်ပြုချက်ရရှိရန် ဆွေးနွေးခဲ့ကြကြောင်း စစ်အာဏာရှင်က နိုင်ငံတော်တီဗီကနေ ထုတ်ပြန်ခဲ့တယ်လို့ AFP သတင်းဌာနက ဖော်ပြခဲ့ပါတယ်။

နိုင်ဂျာဟာ ၁၉၆၀ ခုနှစ်က လွတ်လပ်ရေးမရခင်အထိ နှစ်ပေါင်း ၅၀ ကျော်ကြာအောင် ပြင်သစ်ကိုလိုနီလက်အောက်ခံ ဖြစ်ခဲ့ပါတယ်။

ပြီးခဲ့တဲ့ သီတင်းပတ် အာဏာသိမ်းမှုမတိုင်ခင်အထိ နှစ်နိုင်ငံသံတမန်ဆက်ဆံရေး ခိုင်မာနေခဲ့ပါတယ်။

ပြင်သစ်အနေဖြင့် မည်သည့်စစ်ရေးတိုက်ခိုက်မှုကိုမျှ ဆောင်ရွက်မယ်လို့ မကြေညာပေမယ့် သမ္မတ'အီမန်နျူယယ်မက်ခရွန်'က အကယ်၍ နိုင်ဂျာမှာရှိတဲ့ ပြင်သစ်နိုင်ငံသားများနဲ့ အကျိုးစီးပွားတို့ကို ထိခိုက်လာပါက ချက်ချင်းအရေးယူဆောင်ရွက်မယ်လို့ တနင်္ဂနွေနေ့က ကတိပြုခဲ့ပါတယ်။

အဆိုပါ အနောက်အာဖရိကနိုင်ငံမှာ စစ်ရေးကြားဝင်စွက်ဖက်တယ်ဆိုတဲ့ စွပ်စွဲချက်များကို ပြင်သစ်နိုင်ငံခြားရေးဝန်ကြီးဌာနက တနင်္လာနေ့က ငြင်းဆိုတုန့်ပြန်လိုက်ပါတယ်။

နီယမ်မေရှိ သံရုံးအပြင်ဘက်မှာ ထောင်နဲ့ချီတဲ့ ဆန္ဒပြသူတွေ စုဝေးပြီး တံခါးကို မီးရှို့ပြီးနောက်တစ်နေ့မှာ ပြင်သစ်နိုင်ငံသားတွေရဲ့ ဘေးကင်းစိတ်ချရရေးကို အာရုံစိုက်နေပါတယ်။

ယင်းဆန္ဒပြမှုက နိုင်ဂျာမှာ ပြင်သစ်ဆန့်ကျင်ရေးစိတ်ဓာတ်နဲ့ ရုရှား၊ တရုတ်တို့ လွှမ်းမိုးလာမှုကို ထင်ဟပ်နေစေပါတယ်။

ပြည်တွင်းသတင်းအေဂျင်စီများရဲ့ အဆိုအရ ပြင်သစ်ဆန့်ကျင်ရေးနဲ့ ရုရှားလိုလားတဲ့ ကြွေးကြော်သံတွေကို တနင်္ဂနွေနေ့ စုဝေးပွဲ ကြားခဲ့ရပါတယ်။

ရုရှားအလံများ ကိုင်ဆောင်ထားတဲ့ ဆန္ဒပြသူအချို့က ပြင်သစ်တွေဟာ ဂျီဟဒ်တွေထံကနေ မကာကွယ်ပေးနိုင်ဘူးလို့ ဆိုနေကြကာ ရုရှားကသာ မဟာမိတ်ကောင်းလို့ ဆိုနေကြပါတယ်။

တနင်္လာနေ့က ဘာဇူးမ်ပါတီမှ ဝန်ကြီးအများအပြားလည်း အဖမ်းခံခဲ့ရတယ်လို့ သတင်းရထားပါတယ်။

ဘာဇူးမ်ကို တစ်ပတ်အတွင်း ပြန်လည်အုပ်ချုပ်ခွင့်ပေးရန် အနောက်အာဖရိကနိုင်ငံများ စီးပွားရေးအသိုင်းအဝန်းက စစ်အစိုးရကို ခြိမ်းခြောက်ခဲ့ပြီး ထိုသို့မလုပ်ပါက ဖွဲ့စည်းပုံအခြေခံ ဥပဒေဆိုင်ရာအမိန့် ပြန်လည်ရရှိရန် အင်အားသုံးရမှာဖြစ်ကြောင်း ပြောကြားလိုက်ပါတယ်။
Source: WION
#World_Politics
#YMG #Yangon_Times

#World_Health
Published 1 August 2023

လော့စ်အိန်ဂျလိစ်မှ ထရပ်ကားမောင်းသူတစ်ဦးဟာ မွေးဖွားစဥ်ကတည်းက ငယ်ပါ ၂ ခုပါရှိလာပါတယ်။

ထူးခြားတဲ့ လိင်မှုဘဝအကြောင်းကို ပြောပြသွားကာ သူ့ချစ်သူတွေက သူ့မှာ ငယ်ပါ ၂ ခုပါတာကို သဘောကျတယ်လို့ ဆိုပါတယ်။

တန့်ခ်လို့ခေါ်တဲ့လူဟာ မျိုးရိုးဗီဇချို့ယွင်းခြင်းရောဂါတစ်ခုဖြစ်တဲ့ ငယ်ပါ ၂ ခုဖြင့်မွေးဖွားလာတာ ဖြစ်ပါတယ်။

ဒီရောဂါက အင်မတန်ရှားပါးပြီး အမေရိကန်တခွင် အမျိုးသားပေါင်း ၁ ထောင်အောက်မှာ ခံစားနေရတယ်လို့ ခန့်မှန်းရပါတယ်။

သူဟာ အသက် ၁၂ နှစ်အရွယ်မှာ လူသတ်မှုဖြင့် ပြစ်ဒဏ်ချမှတ်ခံရကာ လူငယ်ထိန်းသိမ်းရေးစင်တာသို့ ပို့ဆောင်ခံခဲ့ရကြောင်း အင်တာဗျူးမှာ ပြောကြားခဲ့ပါတယ်။

အသက် ၂၄ နှစ်အရွယ် ထိန်းသိမ်းခံရစဉ်အထိ တန့်ခ်ဟာ လူပျိုဖြစ်နေခဲ့ပြီး လွတ်လပ်ခွင့်ရပြီးနောက် သူ့ရဲ့ငယ်ပါ ၂ ခုကို အသုံးချခဲ့ပါတယ်။

"ကျွန်တော့်မှာ ငယ်ပါ ၂ ခုရှိတာကို အမျိုးသမီးတွေက မယုံကြပါဘူး။ ဒီနောက် အခန်းထဲခေါ်ပြီး ပြသခဲ့ရတယ်" လို့ ဆိုပါတယ်။

ငယ်ပါတစ်ခုတည်းကို လှုံ့ဆော်ပေးရင်ကို ၂ ခုစလုံးကနေ တပြိုင်တည်း သုတ်ရည်ထုတ်လွှတ်နိုင်တယ်လို့ ရှင်းပြပါတယ်။

သူ့ရဲ့ငယ်ပါ ၂ ခုစလုံး တပြိုင်တည်းအသုံးပြုတာကို ကျေနပ်ကြတဲ့ အမျိုးသမီးတွေရှိပြီး ရည်းစားတစ်ယောက်ဆိုရင် အဆိုပါခံစားမှုကို စွဲလမ်းနေခဲ့ကြောင်း ထုတ်ဖော်ပြောကြားလာပါတယ်။

သူမဟာ ငယ်ပါတစ်ခုတည်းနဲ့ မတင်းတိမ်နိုင်တော့တာကြောင့် တန့်ခ်နဲ့လမ်းခွဲပြီးနောက်ပိုင်း ၂ ယောက် ၁ ယောက်အနေအထား စတင်နေထိုင်လာကြောင်း ဆိုလာပါတယ်။

သူမက အပြာကားသရုပ်ဆောင် ဖြစ်ချင်နေပြီး ဗီဒီယိုတွေ ရိုက်ကူးချင်နေခဲ့ကာ သူလည်း ငွေတွေအများကြီး ရှာနိုင်ခဲ့ရမှာဖြစ်ကြောင်း တန့်ခ်က ဆိုပါတယ်။

တစ်ချိန်တည်းမှာ ငယ်ပါတစ်ခုတည်းကိုသာ အသုံးပြုနေရတာ သူ့အတွက်ခက်ခဲသလို နှစ်ခုစလုံးသုံးပြန်ရင်လည်း အမျိုးသမီးအများစုအတွက် နာကျင်ရစေတယ်လို့ ရှင်းပြပါတယ်။

ခွဲစိတ်ရန် ဆုံးဖြတ်ပြီးနောက် အခုအချိန်မှာ တန့်ခ်ဟာ ငယ်ပါတစ်ခုတည်းသာ ရှိတော့တာဖြစ်ပြီး သူ့ရဲ့မိသားစုဝင်အများအပြားဟာလည်း ထိုနေရာတဝိုက်မှာ ထူးထူးဆန်းဆန်းတွေ ဖြစ်နေကြပါတယ်။

သူ့ဦးလေးဟာလည်း ငယ်ပါ ၂ ခုဖြင့်မွေးဖွားလာခဲ့သလို သူ့အဖေကတော့ ဝှေးစေ့ကြီးမားနေပါတယ်။

Source: NY Post #World_Health

#World_Lifestyle
Published 1 August 2023

တိုးတက်လာတဲ့ နည်းပညာခေတ်ကြီးမှာ ကလေးတွေဟာ အလွန်ငယ်ရွယ်စဉ်ကတည်းက စမတ်ဖုန်းတွေ၊ တက်ဘလက်တွေ၊ ကွန်ပျူတာတွေ၊ တီဗီတွေ အသုံးပြုနေကြပြီး ခေတ်မီနေထိုင်မှုဘဝကြီးရဲ့ အရေးပါတဲ့အရာတွေ ဖြစ်လာပါတယ်။

နည်းပညာတွေက အကျိုးကျေးဇူးတွေနဲ့ သင်ယူလေ့လာနိုင်ဖို့ အခွင့်အလမ်းများစွာရှိပေမယ့် အဆိုပါစက်ပစ္စည်းတွေကို အလွန်အကျွံအသုံးပြုခြင်းကြောင့် ကလေးရဲ့ ဖွံ့ဖြိုးတိုးတက်မှုအပေါ် ထိခိုက်လာမှာကို စိုးရိမ်နေကြပါတယ်။

ကလေးဖွံ့ဖြိုးမှုအတွင်း စက်ပစ္စည်းဖန်သားပြင်ကို အချိန်များစွာကြည့်ရှုပါက သူတို့ရဲ့ ရုပ်ပိုင်းဆိုင်ရာ၊ သိမြင်နိုင်မှုဆိုင်ရာ၊ စိတ်ခံစားမှုဆိုင်ရာ၊ လူမှုပေါင်းသင်းရေးဆိုင်ရာ ဖွံ့ဖြိုးမှုအပိုင်းတွေမှာ ထိခိုက်စေနိုင်ဖွယ် ရှိနေပါတယ်။

အပြန်အလှန်ပြောဆိုခြင်းနဲ့ ပညာသင်ကြားရေးအက်ပ်တွေက ကလေးတွေရဲ့ အသိဉာဏ်စွမ်းရည်၊ ပြဿနာဖြေရှင်းခြင်းစွမ်းရည်၊ ဖန်တီးနိုင်မှုစွမ်းရည်တွေကို မြှင့်တင်ပေးနိုင်ပေမယ့် အသုံးပြုချိန်များလွန်းရင်တော့ အရေးကြီးတဲ့ အသိဉာဏ်ဆိုင်ရာ လုပ်ဆောင်ချက်များရဲ့ ဖွံ့ဖြိုးမှုကို နှောင့်နှေးစေနိုင်ပါတယ်။

ကလေးတွေရဲ့ အစောပိုင်းအသက်အရွယ်မှာ ကလေးထိန်းသူတွေ၊ သက်ဆိုင်သူတွေနဲ့ ဆက်ဆံရာကနေ ဘာသာစကားနဲ့ ပြောဆိုဆက်ဆံမှုစွမ်းရည်တွေ သင်ကြားနိုင်ပေမယ့် နည်းပညာပစ္စည်းများ အသုံးပြုချိန်များလွန်းရင်တော့ မျက်နှာချင်းဆိုင် ပြောဆိုမှုလျော့နည်းသွားကာ စိတ်ခံစားမှုဖော်ပြခြင်းကို ထိခိုက်စေနိုင်ပါတယ်။

ဒါ့အပြင် အသုံးပြုမှု စွဲလမ်းလာတဲ့အခါ အဝလွန်ခြင်းနဲ့ အခြားကျန်းမာရေးပြဿနာတွေ ဖြစ်နိုင်ချေရှိပါတယ်။

အိပ်ရာမဝင်ခင် ဖုန်း၊ ကွန်ပျူတာကြည့်ခြင်းကြောင့် ကလေးတွေရဲ့ အိပ်စက်မှုပုံစံကို ထိခိုက်စေကာ အိပ်ရေးပျက်ခြင်း၊ အပြုအမူပိုင်းပြဿနာတွေ ဖြစ်လာနိုင်ပါတယ်။

ကလေးနဲ့ မိဘတွေရဲ့ ရင်းနှီးမှုကိုလည်း ထိခိုက်စေတာကြောင့် ထိုပစ္စည်းများလျှော့ချအသုံးပြုပါက ကလေးမိဘဆက်ဆံရေးကို မြှင့်တင်ပေးနိုင်ပါတယ်။

ထိုနည်းပညာတွေကနေ ကြမ်းရမ်းမသင့်လျော်တဲ့ အကြောင်းအရာများ ကြည့်ရှုမိခြင်းကြောင့် ကလေးတွေမှာ ရန်လိုတဲ့အပြုအမူတွေ ဖြစ်လာနိုင်ပါတယ်။

အာရုံစိုက်မှုပြဿနာနဲ့ ကဏာမငြိမ်ခြင်းမျိုး ဖြစ်ပွားနိုင်ပြီး အလုပ်တာဝန်တွေနဲ့ အဓိပ္ပာယ်ရှိတဲ့လုပ်ရပ်တွေအပေါ် အာရုံစူးစိုက်မှု ခက်ခဲစေနိုင်ပါတယ်။

ပညာရေးနဲ့ တစ်ကိုယ်ရည်အောင်မြင်မှုတွေအတွက် အလွန်ရေးပါတဲ့ မိမိကိုယ်ကိုထိန်းချုပ်နိုင်စွမ်းကိုလည်း ထိခိုက်စေနိုင်ပါတယ်။

ကလေးတွေရဲ့ ဖုန်း၊ ကွန်ပျူတာအသုံးပြုချိန် လျှော့ချဖို့အတွက် အထောက်အကူဖြစ်စေမယ့် အကြံပြုချက်တွေကတော့..
- ကလေးအသက်အရွယ်အလိုက် နေ့စဉ်ကြည့်ရှုချိန်ကို ကန့်သတ်ထားရှိပါ။

- ပြင်ပလှုပ်ရှားမှုများနဲ့ ဆော့ကစားခြင်းများကို အားပေးပါ။

- အိပ်ခန်း၊ ထမင်းစားစားပွဲ အစရှိတဲ့နေရာတွေမှာ ဖုန်းမသုံးရနေရာအဖြစ် သတ်မှတ်ပါ။

- ကလေးတွေ နည်းပညာပစ္စည်းတွေ အသုံးပြုတဲ့အခါ သူတို့နဲ့အတူ ကြည့်ရှုခြင်း၊ ဆော့ကစားခြင်း ပြုလုပ်ခြင်းဖြင့် ထိန်းကျောင်းပေးပါ။

- ကလေးဖွံ့ဖြိုးမှုအတွက် လိုအပ်တဲ့ အကြောင်းအရာတွေကို ရွေးချယ်ပေးပါ။

- ရုပ်သံဖြည်းဖြည်းမှန်မှန်ဖြင့် ပြသတဲ့အကြောင်းအရာတွေကို ဦးစားပေးပါ။

- အိပ်ချိန်ကို သတ်သတ်မှတ်မှတ် ထားရှိပေးပါ။

- မိသားစု၊ ဆွေမျိုးသားချင်းများနဲ့ မျက်နှာချင်းဆိုင်ပြောဆိုမှုကို အားပေးပါ။

- သင့်ကလေးအတွက် အပြုသဘောဆောင်တဲ့ စံပြပုဂ္ဂိုလ် ဖြစ်နေပါစေ။

Source: WION #World_Lifestyle
#Yangon_Times