#World_Military
Published 13 April 2023
လာမယ့် တန်ပြန်ထိုးစစ်မှာ ယူကရိန်းတို့ အသာရရေးနဲ့ ရုရှားတိုက်ခိုက်မှုများကို ခုခံနိုင်စွမ်းတို့အပေါ် အမေရိကန်က အတော်လေးစိုးရိမ်ပူပန်နေရကြောင်း အင်္ဂါနေ့က အစီရင်ခံမှာ AFP က ဖော်ပြလိုက်ပါတယ်။
လူအများအသိမခံနိုင်တဲ့ အမေရိကန်ရဲ့အချက်အလက်တွေ အွန်လိုင်းပေါ်မှာပေါက်ကြားတာနဲ့ ပတ်သက်ပြီး နိုင်ငံတော်လုံခြုံရေးကို အကြီးအကျယ်ခြိမ်းခြောက်ခံရနိုင်တဲ့အတွက် အမေရိကန်မှုခင်းစုံစမ်းရေးအဖွဲ့က စစ်ဆေးသွားမှာဖြစ်ပါတယ်။
ယူကရိန်းက နွေဦးကာလမှာ ကျူးကျော်ရုရှားတပ်တွေကို တိုက်ခိုက်သွားဖို့လည်း မျှော်မှန်းထားတာဖြစ်ပါတယ်။
ဒါပေမဲ့ ထိပ်သီးလျှို့ဝှက်အချက်အလက်အရ မာထန်တဲ့ရုရှားခံတပ်နဲ့ ယူကရိန်းတပ်များ လေ့ကျင့်ရေးနည်းပါးခြင်း၊ လက်နက်ခဲယမ်းပြဿနာများကြောင့် အခက်အခဲဖြစ်လာနိုင်စေပြီး တိုက်ခိုက်မှုအတွင်း အကျအဆုံးများနိုင်တယ်လို့လည်း ဝါရှင်တန်ပို့စ်က ဖော်ပြထားပါတယ်။
ယူကရိန်းရဲ့ နိုင်ငံတကာထောက်ပံ့သူများက ယူကရိန်းလေကြောင်းကာကွယ်ရေး မြှင့်တင်ရန်၊ အမြင့်ပေအမျိုးမျိုးရှိ တိုက်ခိုက်မှုများကို ကာကွယ်ရန် ကာကွယ်ရေးအလွှာအသီးသီးကို နည်းပညာများပေါင်းစပ်ထုတ်လုပ်ရန် လုပ်ဆောင်နေကြပါတယ်။
ဖေဖော်ဝါရီ ၂၃ မှတ်တမ်းအရ ယူကရိန်း တာလတ်ပစ် တာဝေးပစ်လေကြောင်းကာကွယ်ရေး ၈၉ ရာခိုင်နှုန်းလောက်က SA-10 ၊ SA-11 ဆိုဗီယက်ခေတ်စနစ်များဖြစ်ကာ မကြာမီလက်နက်ပြတ်လပ်နိုင်ဖွယ်ရှိပါတယ်။
ရှေ့တန်းကိုကာကွယ်ပေးမယ့် ယူကရိန်းရဲ့ တာလတ်ပစ်လေကြောင်းကာကွယ်ရေးဟာ မေလ ၂၃ ရက်နေ့မှာ လျှော့ချသွားမှာဖြစ်တယ်လို့ ဖော်ပြထားပါတယ်။
နောက်ထပ်အချက်အလက်မှာတော့ အီဂျစ်သမ္မတ'အက်ဘ်ဒယ်လ်ဖာတာအယ်လ်စီစီ'က ရုရှားကိုတင်ပို့မယ့် ဒုံးကျည် ၄ သောင်းထုတ်လုပ်မှုကို မှာယူထားကြောင်းနဲ့ အနောက်နိုင်ငံနဲ့ပြဿနာမတက်စေရန် လျှို့ဝှက်ပေးထားဖို့အကြောင်း ပါဝင်ပါတယ်။
အိမ်ဖြူတော်လုံခြုံရေးမှ ပြောရေးဆိုခွင့်ရှိသူ'ဂျွန်ကာဘီ'က "အီဂျစ်ဟာ ရုရှားထံ လက်နက်များပေးပို့တဲ့ အရိပ်အယောင်မတွေ့ရပါဘူး၊ အီဂျစ်က လုံခြုံရေးမိတ်ဖက်နိုင်ငံတစ်ခု ဖြစ်နေဆဲပါ" လို့ သတင်းထောက်တွေကို ပြောပြခဲ့ပါတယ်။
တွစ်တာ၊ တယ်လီဂရမ်၊ ဒစ္စကော့နဲ့ အခြားဆိုက်တွေမှာ အချက်အလက်ပါဓာတ်ပုံတွေ ဒါဇင်ခန့်ပျံ့နှံ့နေပြီး အချို့ဆိုရင် ဒီမတိုင်ခင်ကတည်းက ရှိနေခဲ့ပြီးဖြစ်ပါတယ်။
စစချင်းတွေ့ရှိရာ ဆိုက်တွေမှာ အချက်အလက်တွေမတွေ့ရတော့ဘဲ အမေရိကန်က လိုက်လံဖယ်ရှားနေတယ်လို့ သိရပါတယ်။
အခုလိုအချက်အလက်ပေါက်ကြားခြင်းက အမေရိကန်ထောက်လှမ်းရေးအရင်းအမြစ်အတွက် ဘေးအန္တရာယ်များစေသလို ရန်သူတွေအတွက်တော့ တန်ဖိုးရှိအချက်အလက်တွေ သိရှိရတဲ့အခြေအနေဖြစ်ပါတယ်။
Source: The Straits Times
#World_Military #ပေါက်ကြားလာသည့်အမေရိကန်စစ်ရေးအချက်အလက်များ #ယူကရိန်း စစ်ရေးစွမ်းရည် #YMG #Yangon_Media_Group
#World_Health
Published_ 13 April 2023
လပြည့်တဲ့အချိန်တွေမှာ ကိုယ့်ကိုယ်ကို သေကြောင်းကြံစည်မှု ပိုပြီးအဖြစ်များကြောင်း လေ့လာတွေ့ရှိထားပါတယ်။
အင်ဒီယာနာဆေးတက္ကသိုလ်မှ စိတ်ရောဂါပညာရှင်များက ၂၀၁၂ မှ ၂၀၁၆ အတွင်းဖြစ်ခဲ့တဲ့ သေကြောင်းကြံစည်မှုများကို သုံးသပ်ခဲ့ရာ လပြည့်တဲ့အချိန်တွေမှာ သေကြောင်းကြံစည်မှုသိသိသာသာ များနေကြောင်း တွေ့ရှိခဲ့ကြပါတယ်။
ဒါ့အပြင် အသက် ၅၅ နှစ်ကျော်လူတွေမှာ သေကြောင်းကြံစည်ပြီး သေဆုံးမှုနှုန်း ပိုများနေပါတယ်။
ဒါကြောင့် လပြည့်တဲ့အချိန်တွေမှာ သေကြောင်းကြံစည်နိုင်ချေရှိတဲ့သူတွေကို ပိုပြီးသတိထားစောင့်ကြည့်သင့်တယ်လို့ အင်ဒီယာနာဆေးတက္ကသိုလ်မှ အဲလက်ဇန်ဒါနီကူလက်စ်ကူက ပြောပြခဲ့ပါတယ်။
မိမိကိုယ်ကို သေကြောင်းကြံစည်မှုများတဲ့ နေ့တွေလတွေကိုလည်း လေ့လာခဲ့ရာ ညနေ ၃ နာရီမှ ၄ နာရီကြားအချိန်၊ စက်တင်ဘာလတို့မှာ ဖြစ်နိုင်ချေအများဆုံးရှိနေပါတယ်။
အခြားစိတ်ကျန်းမာရေးအခြေအနေများဖြစ်တဲ့ စိုးရိမ်ပူပန်ခြင်း၊ စိတ်ဓာတ်ကျခြင်းတို့အတွက်လည်း သွေးစစ်ဆေးနည်းများထုတ်လုပ်ထားပါတယ်။
လရဲ့အလင်းရောင်က ခန္ဓာကိုယ်မှာ နေ့ညလည်ပတ်မှုစက်ဝန်းကို သက်ရောက်နေပါတယ်။
အဲလက်ဇန်ဒါနဲ့အဖွဲ့က သေကြောင်းကြံစည်မှုနဲ့ပတ်သက်ပြီး လအလင်းရောင်နဲ့ ခန္ဓာကိုယ်နေ့ညလည်ပတ်မှုတို့အပေါ် သက်ရောက်မှုတွေကို တွေ့ရှိခဲ့ပါတယ်။
ညနေ ၃ နာရီနဲ့ ၄ နာရီကြားမှာ အလင်းရောင်လျော့နည်းလာတဲ့အချိန်မှာလည်း သေကြောင်းကြံစည်မှုမြင့်မားကာ စက်တင်ဘာလမှာ နွေရာသီအားလပ်ရက်ပြီးဆုံးပြီး နေ့အလင်းရောင်လျော့နည်းလာတာတွေက လူတွေမှာ ဖိစီးမှုနဲ့ စိတ်မမှန်ခြင်းတို့ ဖြစ်ပေါ်စေနိုင်ပါတယ်။
လက်ရှိလေ့လာမှုအရ လပြည့်နေ့၊ ဆောင်းဦးရာသီ၊ မွန်းလွဲနောက်ပိုင်းအချိန်တွေဟာ သေကြောင်းကြံစည်မှု အဖြစ်အများဆုံး အချိန်တွေဖြစ်နေပြီး အထူးသဖြင့် စိတ်ဓာတ်ကျဝေဒနာသည်၊ အရက်ကြောင့်စိတ်မမှန်သူများ အဖြစ်များတတ်ပါတယ်။
Source: India Today
#World_Health #လပြည့်ည #မိမိကိုယ်ကိုသေကြောင်းကြံစည်မှု #သိသိသာသာအဖြစ်များ
#YMG #Yangon_Media_Group
#World_Military
Published_ 13 April 2023
မြောက်ကိုရီးယားဘက်က ကြာသပတေးနေ့မှာ တာလတ်ပစ် ဒါမှမဟုတ် တာဝေးပစ်ပဲ့ထိန်းဒုံးကျည်တစ်ခု စမ်းသပ်ပစ်လွှတ်ခဲ့ကြောင်း တောင်ကိုရီးယားနဲ့ ဂျပန်တို့ ပြောကြားခဲ့ပါတယ်။
ထို့အတွက်ကြောင့် ဂျပန်မြောက်ပိုင်းမှာ ထိတ်လန့်မှုများဖြစ်ပွားခဲ့ပြီး ဒေသခံပြည်သူများ အကာအကွယ်ယူဖို့ မှာကြားခဲ့ပြီးနောက် ဘေးအန္တရာယ်တစ်စုံတစ်ရာတော့ မဖြစ်ပွားခဲ့ပါဘူး။
ဒုံးကျည်က အနီးနားတဝိုက်ကျရောက်မှာမဟုတ်ကြောင်း ဆုံးဖြတ်လိုက်ပြီးနောက် ဂျပန်အာဏာပိုင်များက ဟော့ကိုင်ဒိုကျွန်းမှာ သတိပေးချက်ကို ပြန်လည်ရုပ်သိမ်းခဲ့ပါတယ်။
ဒုံးကျည်ဟာ ၁ ထောင်ကီလိုမီတာအထိ ပျံသန်းသွားခဲ့ကာ ဒါဟာ ပြင်းပြင်းထန်ထန်ရန်စတာပဲလို့ တောင်ကိုရီးယားစစ်တပ်က ကြေညာလိုက်ပါတယ်။
ပျံသန်းခဲ့တဲ့ဒုံးကျည်ရဲ့ အမြင့်ပေကိုတော့ ထုတ်ဖော်ခြင်းမရှိပါဘူး။
ထိုပစ်လွှတ်မှုကို တုန့်ပြန်တဲ့အနေနဲ့ ဂျပန်အစိုးရက နိုင်ငံတော်လုံခြုံရေးကောင်စီအစည်းအဝေး ပြုလုပ်သွားမယ်လို့ ဝန်ကြီးချုပ်'ဖူမီယိုကီရှီဒါ'က ပြောကြားလိုက်ပါတယ်။
အမေရိကန်ကလည်း တာဝေးပစ်ပဲ့ထိန်းဒုံးကျည်စမ်းသပ်ပစ်လွှတ်တဲ့ မြောက်ကိုရီးယားကို ပြင်းပြင်းထန်ထန်ရှုတ်ချကြောင်း ထုတ်ပြန်ကြေညာလိုက်ပါတယ်။
ဒုံးကျည်က ဂျပန်နယ်မြေကို ကျရောက်ခြင်းမရှိပေမယ့် နောက်ထပ်အသေးစိတ်များသိရှိအောင် သုံးသပ်သွားမယ်လို့ ဂျပန်ကာကွယ်ရေးဝန်ကြီး'ယာဆူကာဇူဟာမာဒါ'က ပြောကြားခဲ့ပါတယ်။
ဂျပန်ကမ်းရိုးတန်စောင့်တပ်ရဲ့ ပြောကြားချက်အရ ဒုံးကျည်ဟာ မြောက်ကိုရီးယားအရှေ့ဘက် ပင်လယ်ထဲသို့ ကျရောက်ခဲ့ပါတယ်။
ဂျပန်စီးပွားရေးနယ်မြေအပေါ် ဖြတ်သန်းသွားခြင်းရှိ/မရှိကိုတော့ အတည်မပြုနိုင်ပါဘူး။
အရေးပေါ်သတိပေးချက်စနစ်နဲ့ ပတ်သက်ပြီး ပြဿနာများရှိနေခဲ့ကာ အောက်တိုဘာလကလည်း ဂျပန်အပေါ်ကနေ ဒုံးကျည်တစ်စင်းဖြတ်သန်းသွားပေမယ့် အတော်လေးအချိန်နောက်ကျမှ သတိပေးချက်ထွက်ပေါ်ကာ ပစိဖိတ်ထဲသို့ ဒုံးကျည်ကျရောက်ခါမှ လူအများသိရှိခဲ့ကြပါတယ်။
ကြာသပတေးနေ့က သတိပေးချက်ကြောင့် ဟော့ကိုင်ဒိုရထားဘူတာမှာ ယာယီအချက်ပေးချက်ထွက်ပေါ်ခဲ့ကြောင်း ကျောင်းသားတစ်ဦးက ဂျပန်သတင်းဌာန NHK ထံ ပြောကြားခဲ့ပါတယ်။
အမေရိကန်ရဲ့လုပ်ရပ်တွေကို တန်ပြန်ရန် ပိုမိုလက်တွေ့ကျကျစမ်းသပ်မှုများပြုလုပ်ဖို့ ကင်မ်ဂျုံအန်က ပြောကြားခဲ့ပြီးနောက် ရက်ပိုင်းအတွင်းမှာပဲ အခုလိုပစ်လွှတ်မှု ဖြစ်ပွားခဲ့တာဖြစ်ပါတယ်။
"သံတမန်ရေးမှာ ပိတ်ဆို့ထားခြင်းမရှိဘဲ ဆွေးနွေးခွင့်ရှိတယ်ဆိုပေမယ့် မြောက်ကိုရီးယားအနေနဲ့ မတည်မငြိမ်ဖြစ်အောင် လုပ်နေတာတွေကို ချက်ချင်းရပ်ဆိုင်းရမှာဖြစ်ပြီး သံတမန်ရေးရာဆောင်ရွက်သွားရမှာပါ" လို့ အမေရိကန်လုံခြုံရေးကောင်စီ ပြောရေးဆိုခွင့်ရှိသူ'အက်ဒရီယန်ဝက်ဆန်'က ထုတ်ပြန်ကြေညာလိုက်ပါတယ်။
Source: Reuters
#World_Military #မြောက်ကိုရီးယား #ဒုံးကျည်စမ်းသပ်ပစ်လွှတ်ခဲ့ #ဂျပန်ကျွန်း #သတိပေးချက်ထုတ်ပြန် #YMG #Yangon_Media_Group
#World_Technology
Published_ 13 April 2023
လူတစ်ယောက် အအေးမိဝေဒနာရှိနေလားဆိုတာကို အသံအနေအထားကိုကြည့်ပြီး စစ်ဆေးပေးနိုင်မယ့် AI နည်းပညာတစ်ခုကို သုတေသီများဖန်တီးနေကြပါတယ်။
ဒီနည်းပညာက အအေးမိတဲ့အခါမျိုးမှာ စစ်ဆေးတွေ့ရှိနိုင်သလို ဝန်ထမ်းများ ဖျားနာတယ်ဆိုတဲ့အကြောင်းပြချက်ဖြင့် ဆေးခွင့်လိမ်လည်တင်ခြင်းကိုလည်း စစ်ဆေးနိုင်မှာဖြစ်ပါတယ်။
ဒီနည်းပညာသာ အနာဂတ်မှာ အသုံးတည့်လာရင် အလုပ်ရှင်တွေအနေနဲ့ ဝန်ထမ်းများဖျားနာကြောင်း ဖုန်းဖြင့်ပြောကြားရင်တောင် အမှန်တကယ်လား လိမ်တာလားဆိုတာ စစ်ဆေးနိုင်မှာဖြစ်ပါတယ်။
ဆာဒါဗယ်လက်ဘိုင်အမျိုးသားနည်းပညာအဖွဲ့အစည်းမှ သုတေသီတွေက လူ ၆၃၀ ထံမှ အသံပုံစံများကို အောင်မြင်စွာခွဲခြိမ်းစိတ်ဖြာခဲ့ကြပါတယ်။
ထိုထဲကမှ ၁၁၁ ယောက်ဟာ အအေးမိဝေဒနာခံစားနေရကြောင်း ထုတ်ဖော်နိုင်ခဲ့ပါတယ်။
ထိုနည်းပညာက အမှန်တကယ်ဖျားနာတဲ့လူကို အသံပုံစံဖြင့် ခွဲခြမ်းစိတ်ဖြာခဲ့ပါတယ်။
အအေးမိတဲ့သူတွေက အသံကြိမ်နှုန်းပုံမှန်မဟုတ်တာကို တွေ့မြင်ရပါတယ်။
မှတ်ဉာဏ်မှတ်သားတဲ့ အယ်လ်ဂိုရစ်သမ်များဖြင့် အအေးမိသူတွေရဲ့ အသံဆိုင်ရာကွဲပြားခြားနားမှုအမျိုးမျိုးကို ခွဲခြိမ်းစိတ်ဖြာလိုက်ကြပါတယ်။
စမ်းသပ်တဲ့လူတွေကို ၁ မှ ၄၀ ရေတွက်ခိုင်းပြီး ရုံးပိတ်ရက်တွေမှာ ပြုလုပ်တဲ့လှုပ်ရှားမှုတွေကို ဖော်ပြခိုင်းခဲ့ပါတယ်။
လေ့လာမှုအရ အအေးမိခြင်းကို ၇၀ ရာခိုင်နှုန်းမှန်ကန်အောင် ရှာတွေ့ခဲ့ပါတယ်။
Source: WION
#World_Technology #ဖျားနာခွင့်လိမ်တင်သူများ #အအေးမိဖျားနာခြင်း #AIနည်းပညာအသစ်
#YMG #Yangon_Media_Group
#World_News
Published 12 April 2023
အိုင်ယာလန် အနောက်မြောက်ဘက် မွိင်မြစ်ကမ်းနားရှိ ဘော်လီနာမြို့ဟာ မြို့ခံလူမျိုးတစ်ဦးဖြစ်တဲ့ အမေရိကန်သမ္မတ'ဂျိုးဘိုင်ဒင်' အလည်အပတ်ခရီး မလာခင်မှာ ပြင်ဆင်လှုပ်ရှားနေကြပါတယ်။
#World_News #အမေရိကန်သမ္မတဘိုင်ဒင် #အိုင်ယာလန်နိုင်ငံ #ဘော်လီနာမြို့
#YMG #Yangon_Media_Group
#Daily_News
Published_ 12 April 2023
၁။သင်္ကြန်နှစ်ဆန်းတစ်ရက်နေ့တွင် ဗိုလ်တထောင်စေတီ၌ နှစ်သစ်ကူးအခမ်းအနားနှင့် စတုဒိသာအလှူများလှူဒါန်းမည်
၂။နေပြည်တော်လမ်းလျှောက်သင်္ကြန်တွင် ဝင်ကြေးသတ်မှတ်၍ ကျင်းပပေးမည်
၃။ရန်ကုန်-မန္တလေးအမြန်လမ်းတွင် ယာဉ်မောင်းအိပ်ငိုက်ပြီး လမ်းလယ်ကျွန်းကိုဝင်တိုက်၊ ကားမောင်းသူ သေဆုံး
၄။အမေရိကန်သမ္မတ ဘိုင်ဒင်က အိုင်ယာလန်နိုင်ငံရှိ ဇာတိမြေ ဘော်လီနာမြို့ကို သွားရောက်လည်ပတ်မည်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
#World_News
Published_ 12 April 2023
မကြာသေးမီက ဆိုရှယ်မီဒီယာတွေမှာ ပေါက်ကြားလာတဲ့ ပင်တဂွန်အချက်အလက်တွေအရ ရုရှား-ယူကရိန်းပဋိပက္ခမှာ အမေရိကန်က အတော်လေးပါဝင်ပတ်သက်နေတာကို တွေ့မြင်ခဲ့ရတယ်လို့ အမေရိကန်အမျိုးသားလုံခြုံရေးပညာရှင်တစ်ဦးက ဆိုပါတယ်။
အမေရိကန်၊ နေတိုး(NATO) ထိပ်သီးစစ်ရေးအချက်အလက်များပါတဲ့ စခရင်ရှော့ပုံတွေမှာ ယူကရိန်းစစ်တပ်အင်အားနဲ့ လက်နက်ဖွဲ့စည်းပုံအချက်အလက်များ ပါဝင်နေပါတယ်။
နှစ်ဖက်စလုံးမှ အသေအပျောက်စာရင်းအချက်အလက်တွေ စစ်မြေပြင်မြေပုံတွေပါဝင်ကာ အချို့အချက်အလက်တွေက ထိပ်တန်းလျှို့ဝှက်ချက်အဖြစ် သတ်မှတ်ထားပါတယ်။
ဆောင်းရာသီမှာ အကြီးတန်းစစ်အရာရှိများအတွက် ပြင်ဆင်ပုံများပါဝင်ပေမယ့် လိုအပ်တဲ့လုံခြုံရေးရှင်းလင်းမှုများနဲ့အတူ အမေရိကန်ဝန်ထမ်းများနဲ့ စာချုပ်များလည်း သိရှိနိုင်သေးကြောင်း ဝါရှင်တန်ပို့စ်မှာ စနေနေ့က ဖော်ပြထားပါတယ်။
ပေါက်ကြားမှုက စစ်မှန်ကြောင်းထင်ရပေမယ့် စခရင်ရှော့ပုံကြောင့် အတည်ပြုဖို့ခက်ခဲနေကြောင်း နယူးအမေရိကန်လုံခြုံရေးစင်တာမှ ဂျက်ခ်မစ်ဂျ်လီက ပြောကြားလိုက်ပါတယ်။
အမေရိကန်ပြည်ထောင်စုရဲ့ ပူးတွဲစစ်ဦးစီးချုပ်အဖွဲ့ကဲ့သို့ ထိပ်တန်းစစ်ဘက်ဝန်ထမ်းတွေနဲ့ အသုံးပြုနိုင်မယ့်အကျဉ်းချုပ်စာတမ်းများ ဖြစ်ဟန်ရှိပါတယ်။
အချက်အလက်တွေကို စစ်ဆေးကြည့်ရုံနဲ့ ပြောလို့မရနိုင်ကြောင်း မစ်ဂျ်လီက ရှင်းပြပါတယ်။
တကယ်သာဆိုရင် စစ်ပွဲမှာ အမေရိကန်ရဲ့ပါဝင်ပတ်သက်မှုအတိုင်းအတာ၊ လေ့ကျင့်ရေး၊ ယူကရိန်းတပ်များပြင်ဆင်မှုတွေအကြောင်း တွေ့နိုင်မှာဖြစ်ပါတယ်။
မဟာဗျူဟာအတိုင်ပင်ခံရဲ့အဆိုအရ ထိုအချက်အလက်တွေထဲမှာ ယူကရိန်းစစ်မြေပြင်ပေါ် အမေရိကန်ရဲ့လုပ်ဆောင်မှုအသေးစိတ်ကို ဖော်ပြထားပါတယ်။
ဥပမာအားဖြင့် ယူကရိန်းမြေပြင်မှာ အမေရိကန်အထူးစစ်ဆင်ရေးတပ်သားတွေ ရှိနေတယ်လို့ ဖော်ပြနေပါတယ်။
ယူကရိန်းမှာ အမေရိကန်အစိုးရတပ်သားရာနဲ့ချီရှိတာတွေ၊ ၂၄ နာရီအတွင်း အမေရိကန်မှ တိုက်ခိုက်ရေးလေယာဉ် ၇၂ စင်းပျံသန်းတာတွေ ပါဝင်နေပါတယ်။
ပေါက်ကြားမှုများကြောင့် ယူကရိန်းရှိ နေတိုးစစ်ဆင်ရေးအဖြစ်မှန်တွေနဲ့ တရားဝင်အကောင့်များကြား ကွဲလွဲနေတာကို မြင်တွေ့နိုင်ပါတယ်။
ဒါတွေဟာ အတော်ကို ထဲထဲဝင်ဝင်ပတ်သက်နေပြီး နေတိုးလိုအဖွဲ့အစည်းက ဆောင်ရွက်နေတာမဟုတ်ဘဲ အမေရိကန်မှ ဆောင်ရွက်နေတာဖြစ်ကာ ဒါတွေပေါက်ကြားအောင် လုပ်တဲ့လူက ဒီရည်ရွယ်ချက်ရှိမယ်လို့ ယူဆနေပါတယ်။
#YMG
#World_News #အမေရိကန်စစ်ရေးထိပ်သီးအချက်အလက် #ယူကရိန်းပဋိပက္ခ
#Yangon_Media_Group
Page 380 of 778