Published 14 April 2023

တရုတ်သမ္မတရှီကျင့်ဖျင်ဟာ တရုတ်ပြည်သူ့လွတ်မြောက်ရေးတပ်မတော် တောင်ပိုင်းတိုင်းရေတပ်ဌာနချုပ်ကို ဧပြီ၁၁ ရက်က သွားရောက်ခဲ့ပြီး တရုတ်စစ်တပ်ရဲ့ မျက်နှာစာအားလုံးမှာ ခေတ်မီအောင် အဆင့်မြှင့်တင်ကြဖို့ အလေးပေး ပြောဆိုသွားတယ်လို့ တရုတ်နိုင်ငံပိုင်မီဒီယာတွေက သတင်းထုတ်ပြန်ပါတယ်။

တရုတ်ကွန်မြူနစ်ပါတီရဲ့  ဗဟိုကော်မတီ အထွေထွေအတွင်းရေးမှူးအပြင်  ဗဟိုစစ်ကော်မရှင်ရဲ့ ဥက္ကဋ္ဌ လည်းဖြစ်တဲ့ ရှီ က မျက်နှာစာအားလုံးခေတ်မီအောင်အဆင့်မြှင့်ဖို့နှင့် လေ့ကျင့်ရေးနှင့် တိုက်ပွဲဝင်အသင့်အနေအထားဖြစ်အောင် တိုးမြှင့် လုပ်ဆောင်ကြဖို့လည်း တိုက်တွန်းသွားပါတယ်။

Source CCTV+

#တရုတ်သမ္မတရှီကျင့်ဖျင်

#တရုတ်ပြည်သူ့လွတ်မြောက်ရေးတပ်မတော်_တောင်ပိုင်းတိုင်းရေတပ်ဌာနချုပ်

#YangonMediaGroup

#Local_News
Published_ 12 April 2023

လားရှိုးလေယာဉ်ကွင်းသည် မြန်မာနိုင်ငံနှင့် တရုတ်နိုင်ငံသို့ ကုန်သွယ်မှုများ မြှင့်တင်ဆောင်ရွက်နိုင်မည့် ရှမ်းပြည်နယ်(မြောက်ပိုင်း) ဒေသမှ အဓိကကျသည့် လေယာဉ်ကွင်း တစ်ခုဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်က ဧပြီလ ၁၁ ရက်က ပြောကြားလိုက်သည်။

လားရှိုးမြို့၊ သီရိမင်္ဂလာမန်ဆူရှမ်းကျောင်းတိုက်၊ သီရိမင်္ဂလာဓမ္မရတနာ သုံးထပ်ကျောင်းဆောင်သစ်ဖွင့်ပွဲနှင့် ယင်းကျောင်းဆောင်တော်အထွတ်၌ တည်ထားပူဇော်အပ်သည့် စူဠာမုနိစေတီတော်မြတ်အား ရွှေထီးတော်၊ ငှက်မြတ်နားတော်၊ ရတနာစိန်ဖူးတော် တင်လှူပူဇော်ပွဲ မဟာမင်္ဂလာအခမ်းအနားသို့ တက်ရောက်ပြီးနောက် အဆင့်မြှင့်နေသည့် လာရှိုးလေယာဉ်ကွင်းသို့ သွားရောက်ကြည့်ရှုစဉ် အထင်ပါအတိုင်း ပြောကြားခြင်းလည်း ဖြစ်သည်။

ယင်းကြောင့် ကုန်တင်လေယာဉ်ကြီးများ ဆင်းသက်နိုင်သည်အထိ အဆင့်မြှင့်တင်တိုးချဲ့ဆောင်ရွက်ရမည်ဖြစ်ကြောင်း၊ ထိုသို့ဆောင်ရွက်ခြင်းဖြင့် ပြည်တွင်းရှိ လေကြောင်းလိုင်းများ ပြေးဆွဲမှုကိုလည်း အထောက်အကူဖြစ်စေမည်ဖြစ်ကြောင်း၊ လက်ရှိအဆင့်မြှင့်တင်ဆောင်ရွက်နေသော စီမံကိန်းလုပ်ငန်းများကို သတ်မှတ်ထားသည့် ကာလများအလိုက် လျာထားလုပ်ငန်းများ ပြီးစီးရန် လုပ်ဆောင်နိုင်ရေးအတွက် သက်ဆိုင်ရာ ဌာနများသို့ တိုက်တွန်းခဲ့ကြောင်း သိရသည်။

ymg/mt
#Local_News #မြန်မာ-တရုတ်ကုန်သွယ်မှု #လားရှိုးလေယာဉ်ကွင်း
#YMG #Yangon_Media_Group

#Local_News
Published_ 11 April 2023

မြန်မာနိုင်ငံရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနသို့ တရုတ်မှ လှူဒါန်းသည့် Yutong ဘတ်စ်ကားတစ်စီးကို ဝန်ထမ်းကြိုပို့ယာဉ်အဖြစ်အသုံးပြုမည်ဖြစ်ကြောင်းအဆိုပါ ဝန်ကြီးဌာနက သိရသည်။

ပြီးခဲ့သည့် ဧပြီလ ၆ ရက်က အဆိုပါ ဘတ်စ်ကား လှူဒါန်းပွဲကို ပြုလုပ်ခဲ့ရာ မြန်မာနိုင်ငံဆိုင်ရာတရုတ်သံအမတ်ကြီး Mr. Chen Hai ၊ မြန်မာနိုင်ငံရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာကံဇော်နှင့် မြန်မာနိုင်ငံဆိုင်ရာ တရုတ်သံရုံး စီးပွားရေးသံမှူး Mr. Tan Shufu တို့ တက်ရောက် ခဲ့ကြကြောင်း မြန်မာနိုင်ငံဆိုင်ရာ တရုတ်သံရုံးက ထုတ်ပြန်ထားသည်။

ယခုအကြိမ်လှူဒါန်းသည့် တရုတ်နိုင်ငံထုတ် Yutong ဘတ်စ်ကားကို ဝန်ထမ်းကြို ပို့အတွက် အသုံးပြုသွားမည်ဖြစ်ကြောင်း ပြောကြားပြီနောက် သံအမတ်ကြီး Mr. Chen Hai က ပြည်ထောင်စုဝန်ကြီး ဒေါက်တာကံဇော်နှင့် နှစ်ဦးနှစ်ဖက် ပြည်သူ့ဘဝအကျိုးပြုကူညီမှုနှင့် ရင်းနှီးမြှုပ်နှံမှုဆိုင်ရာပူးပေါင်းဆောင်ရွက်မှု၊ မြန်မာနိုင်ငံရှိတရုတ်ကုမ္ပဏီများ နိုင်ငံခြားငွေအခက်အခဲဖြေရှင်းခြင်း စသည့်အရေးကိစ္စများနှင့်စပ်လျဉ်း၍ ဆွေးနွေးခဲ့ကြကြောင်းလည်း သိရသည်၊၊

#ymg/tthl #Local_News #Yutong ဘတ်စ်ကား #ဝန်ထမ်းကြိုပို့ယာဉ် #YMG
#Yangon_Media_Group

#Local_News
Published_ 11 April 2023

တရုတ်-မြန်မာနယ်စပ်ပြည်သူများအတွက် တရုတ်က ယူနန်သင်္ကြန်ပွဲတော်ကျင်းပသွားမည်ဖြစ်ပြီး တရုတ် -မြန်မာနယ်စပ်ပြည်သူများအတွက် ပျော်ရွှင်ဖွယ်ရာ ဂီတပွဲတော် စသည့်ထူးခြားသောလှုပ်ရှားမှု(၁၀) ခုကျော် ကျင်းပမည်ဖြစ်ကြောင်း မြန်မာနိုင်ငံဆိုင်ရာ တရုတ်သံရုံးမှသိရသည်၊၊

ယူနန်ပြည်နယ်ရှိ ပြည်နယ်ခွဲ(မြို့)များဖြစ်သည့် စစ်ဆောင်ပနား၊ တယ်ဟုန်၊ လင်ချန်း၊ ဖူအယ်နှင့် ကူမင်းမြို့တို့၌ သင်္ကြန်ပွဲတော်များ ကျင်းပသွားမည်ဖြစ်သည်ဟု ဆိုသည်၊၊

ယူနန်ပြည်နယ်ရှိ စစ်ဆောင်ပနား၊ တယ်ဟုန်၊ လင်ချန်း၊ ဖူအယ် စသည့် ပြည်နယ်ခွဲ (မြို့) များသည် တစ်နှစ်တစ်ကြိမ် ကျင်းပသော အတာသင်္ကြန်ပွဲတော် လှုပ်ရှားမှုများကို ကျင်းပရန် ရက်များဆက်တိုက် ပြင်ဆင်နေကြပြီး များပြားစုံလင်လှသော ဂုဏ်ပြုအခမ်းအနားများနှင့် လက်တွေ့ခံစားမှု အစီအစဉ်များ ကျင်းပရန် စီစဉ်ထားကာ လူသောင်းချီပါဝင်ဆင်နွှဲကြသော ပျော်ပွဲရွှင်ပွဲကြီးကို ထပ်မံစတင်တော့မည်ဟု ဆိုသည်၊၊

စစ်ဆောင်ပနား ကျင်ဟုံမြို့တွင် ဧပြီလ ၁၃ ရက်နေ့ မွန်းလွဲပိုင်းမှ ညပိုင်းအထိ တိုင်ပြက္ခဒိန် ၁၃၈၅ ခုနှစ် နှစ်သစ်ကူးပွဲတော် (သင်္ကြန်ပွဲတော်) ဂုဏ်ပြုအခမ်းအနားနှင့် ရိုးရာနဂါးလှေလှော်ပြိုင်ပွဲ၊ တိုင်းရင်းသား ထူးခြားလက္ခဏာများပါဝင်သော သဲပုံပွဲ၊ ကြက်တိုက်ပွဲ ဖျော်ဖြေပွဲများ၊ လူသောင်းနှင့်ချီ၍ မီးပုံးပျံလွှတ်ခြင်း စသည့်အစီအစဉ်များကို ကျင်းပမည်ဖြစ်သည်။

တယ်ဟုန် တိုင်တိုင်းရင်းသား ဂျိန်းဖောတိုင်းရင်းသား ကိုယ်ပိုင်အုပ်ချုပ်ခွင့်ရပြည်နယ်ခွဲတွင် မန်စီ မီးရောင်စုံလင် ဂီတပွဲ၊ တိုင်းရင်းသားအစားအစာနှင့် အထူးထွက်ကုန်များ ပြပွဲ၊ “အရုဏ်ဦးမြို့” ဂီတပွဲတော်၊ အမျိုးသားစည်းလုံးညီညွတ်ရေး micro film ပွဲဦးထွက်ပြသခြင်းအခမ်းအနား၊ စီမံကိန်းလက်မှတ်ရေးထိုးပွဲအခမ်းအနားနှင့် ရင်းနှီးမြှုပ်နှံမှုမြှင့်တင်ပွဲ၊ တရုတ်-မြန်မာ နယ်စပ်ပြည်သူများ ပျော်ရွှင်ဖွယ်ရာ ဂီတပွဲတော် စသည့် ထူးခြားသော လှုပ်ရှားမှု ၁၀ ခုကျော်ကို ကျင်းပမည်ဖြစ်သည်။

လင်ချန်းမြို့တွင် သင်္ကြန်ပွဲတော် ဆက်စပ်လှုပ်ရှားမှု ဖွင့်ပွဲအခမ်းအနား ကျင်းပ၍ တစ်မြို့လုံးတွင် စားသောက်ဖွယ်ရာများ ကူးသန်းရောင်းဝယ်ရေး၊ ရိုးရာဓလေ့ထုံးတမ်းများ၊ ကျေးလက်ခရီးသွားလာရေး စသည့် တွဲဖက်လှုပ်ရှားမှုများကို ကျင်းပမည်ဖြစ်သည်။

ဖူအယ်မြို့ မုံလျန် တိုင်တိုင်းရင်းသား၊ လားဟူတိုင်းရင်းသား၊ ဝတိုင်းရင်းသား ကိုယ်ပိုင်အုပ်ချုပ်ခွင့်ရခရိုင်တွင် သင်္ကြန်ပွဲတော် ဖွင့်ပွဲအခမ်းအနားနှင့် တိုင်တိုင်းရင်းသားပြည်သူများ နှစ်သစ်ကူးအခမ်းအနားကို ကျင်းပမည်ဖြစ်သည်။

ကူမင်းရှိ ယူနန်တိုင်းရင်းသားကျေးရွာတွင် ခရီးသွားဧည့်သည်များအတွက် ရေပေါ်ရှိုးပွဲ၊ ရေပက် ဆုမွန်ကောင်းတောင်းပေးခြင်း၊ အဆိုအက၊ ရေကစားရင်း ချန်ပီယံလုခြင်း စသည့် မူလအနှစ်သာရမပျက်သော ရိုးရာဓလေ့ လက်တွေ့ခံစားမှုများကို ဆောင်ကြဉ်းပေးမည်ဖြစ်ကြောင်း သံရုံး၏ထုတ်ပြန်ချက်တွင် ဖော်ပြထားသည်၊၊
ymg/tthl
#Local_News #တရုတ်-မြန်မာနယ်စပ် #တရုတ်က ယူနန်သင်္ကြန်ပွဲတော်
#YMG #Yangon_Media_Group

#World_Disaster
Published_10 April 2023

ဂျပန်နိုင်ငံမှ နျူကလီးယားညစ်ညမ်းရေ စွန့်ထုတ်ရေးစီမံကိန်းဟာ သူတို့တိုင်းသူပြည်သားနဲ့ နိုင်ငံတကာအသိုင်းအဝန်းဘက်ကို ပြန်ဦးတည်နေကြောင်း ဂျပန်သဘာဝပတ်ဝန်းကျင် ထိန်းသိမ်းသူတစ်ဦးက ဆိုလိုက်ပါတယ်။

#World_Disaster #နျူကလီးယားရေဆိုးများ #ပင်လယ်ထဲသို့ စွန့်ပစ်
#YMG #Yangon_Media_Group

Published 8 April 2023

တရုတ်ပြည်သူ့လွတ်မြောက်ရေးတပ်မတော်ရဲ့ အရှေ့ပိုင်းတပ်ပေါင်းစုဌာနချုပ်ဟာ ထိုင်ဝမ်ကျွန်းပတ်ပတ်လည်မှာ တိုက်ပွဲအသင့် ကင်းလှည့်နှင့်စစ်ရေးလေ့ကျင့်ခန်းတွေကို ဧပြီလ(၈)ရက် စနေနေ့က စတင်လိုက်ကြတယ်လို့ အဆိုပါ စစ်ဌာနချုပ်ရဲ့ပြောရေးဆိုခွင့်ရသူ အကြီးတန်းဗိုလ်မှူးကြီး ရှီယီကပြောကြားပါတယ်။

ယခုစစ်ဆင်ရေးဟာ ထိုင်ဝမ်ခွဲထွက်သမားတွေနှင့် ပြင်ပအင်အားစုတွေရဲ့ ရန်စမှုအပေါ် အလေးအနက်သတိပေးမှု တစ်ရပ်  ဖြစ်တယ်၊ နိုင်ငံရဲ့ အချုပ်အခြာအာဏာနှင့်ပိုင်နက်တည်တံခိုင်မြဲမှုကို ကာကွယ်စောင့်ရှောက်ဖို့ လိုအပ်တဲ့လုပ်ဆောင်မှု တစ်ခုဖြစ်တယ်လို့လည်း ရှီယီက ဆက်ပြောပါတယ်။

ယခုကင်းလှည့်နှင့် စစ်ရေးလေ့ကျင့်မှုတွေကို စနေမှ တနင်္လာနေ့အထိဆောင်ရွက်သွားမှာဖြစ်ပါတယ်။

ထိုင်ဝမ်လွတ်လပ်ရေးခွဲထွက်သမားတွေရဲ့ မည်သို့သော လှုပ်ရှးဆောင်ရွက်မှုမျိုးကိုမှ ခွင့်ပြုမှာမဟုတ်ဘူးလို့ တရုတ်နိုင်ငံရဲ့ထိုင်ဝမ်ရေးရာရုံးက အလေးပေးပြောဆိုအပြီး ယခုစစ်ရေးလေ့ကျင့်မှုတွေ ပြုလုပ်လာခဲ့တာဖြစ်ပါတယ်။

ဒီမှတ်ချက်စကားဟာ ယခုအပတ်စောစောပိုင်းက ဆိုင်အင်ဝန်ရဲ့ အမေရိကန်ခရီးတစ်ထောက်ခရီးစဉ်ကို ရည်ညွှန်း  တုန့်ပြန်ခဲ့တာပါ။

Source CCTV Plus

#တရုတ်စစ်ရေးလေ့ကျင့်ခန်းထိုင်ဝမ်ပတ်လည်တွင်ပြုလုပ်

#တရုတ်_ထိုင်ဝမ်_အကျပ်အတည်း

#YangonMediaGroup