Published 6 July 2022

ထိုင်ဝမ်လေတပ်က ယင်းရဲ့ ပြည်တွင်းထုတ် ခေတ်မီလေ့ကျင့်ရေးဂျက်လေယာဉ် T-5 Brave Eagle ကို ပျံသန်းပြသခဲ့ပါတယ်။

တရုတ်နိုင်ငံရဲ့ စစ်အင်အားကြီးထွားလာတာကို ဆန့်ကျင်နိုင်ဖို့ ထိုင်ဝမ်ဟာ ကိုယ့်ခြေထောက်ပေါ်ကိုယ်ရပ်တည်နိုင်တဲ့ ကာကွယ်ရေးအင်အားကို မြှင့်တင်နေတာဖြစ်ပါတယ်။

ဒီလေယာဉ်ဟာ ဆယ်စုနှစ်များစွာသက်တမ်းရှိနေတဲ့ AT-3 လေ့ကျင့်ရေးလေယာဉ်နှင့် ဗီယက်နမ်စစ်ပွဲကာလသုံးခဲ့တဲ့ F-5 တိုက်ခိုက်ရေး လေ့ကျင့်ရေးလေယာဉ်တွေနေရာကို အစားထိုးမှာဖြစ်ပါတယ်။
အခုလေယာဉ်ဟာ ယခင်ရှိပြီး ချင်းကူးတိုက်ဂျက်လေယာဉ်ပြီးနောက် ထွက်ပေါ်လာတာဖြစ်ပါတယ်။ ထိုင်ခုံနှစ်ခုံတပ် Brave Eagle ဟာ လေယာဉ်ပုံစံပြုလုပ်မှု အီလက်ထရွန်နစ်နည်းပညာအသစ်တပ်ဆင်ထားပြီး လောင်စာဆီပိုသိုလှောင်နိုင်က ဒုံးကျည်တွေနှင့် ဗုံးတွေသယ်ဆောင်နိုင်ပါတယ်။

ခေတ်မီလေ့ကျင့်ရေးလေယာဉ်တွေကို ထိုင်ဝမ်ရဲ့ လေကြောင်းစက်မှုဖွံ့ဖြိုးတိုးတက်ရေးကော်ပိုရေးရှင်းက ထုတ်လုပ်တာဖြစ်ပြီး ၂၀၂၆ခုနှစ်မှာ Brave Eagles ၆၆ စင်းအထိ ထိုင်ဝမ်လေတပ်အတွက် ထုတ်လုပ်ပေးဖို့ ရည်မှန်းထားပါတယ်။

သက်တမ်း ၂၃နှစ်ရှိပြီဖြစ်တဲ့ AT-3 လေ့ကျင့်ရေးလေယာဉ်ဟာ ဒီနှစ်မေလတုန်းကပျက်ကျခဲ့တဲ့အတွက် အိုမင်းနေတဲ့ တိုက်လေယာဉ်တွေအပေါ် စိတ်ပူပန်မိတွေရှိခဲ့ကြပါတယ်။

Source: AFP

Published_ 5 July 2022

 မုတ်သုန်ရာသီကာလ ရာသီဥတုဆိုးရွားနေသည့်ကြားမှ စစ်နည်းဗျူဟာအဆင့် ရေပေါ်ရေအောက် ပူးပေါင်းစစ်ဆင်မှုလေ့ကျင့်ခန်း (Sea Shield-2022) ကို တပ်မတော် (ရေ)မှ တိုက်ခိုက်ရေး ရေငုပ်သင်္ဘော စစ်ရေယာဉ် (မင်းရဲသိင်္ခသူ)နှင့်(မင်းရဲကျော်ထင်) အပါအဝင် စစ်ရေယာဉ် ၂၀ စီးဖြင့် အောင်မြင်စွာ ဆောင်ရွက်နိုင်ခဲ့ကြောင်း သိရပါတယ်။

နစကဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် သည် မြန်မာ့ရေပိုင်နက် ရခိုင်ကမ်းရိုးတန်းရေပြင်အတွင်း တပ်မတော်(ရေ)မှတိုက်ခိုက်ရေး ရေငုပ်သင်္ဘောစစ်ရေယာဉ် (မင်းရဲသိင်္ခသူ)နှင့်(မင်းရဲကျော်ထင်) အပါအဝင် စစ်ရေယာဉ် များ၊ ရဟတ်ယာဉ်များဖြင့် စစ်နည်းဗျူဟာအဆင့် ရေပေါ်ရေအောက် ပူးပေါင်း စစ်ဆင်မှု လေ့ကျင့်ခန်း(Sea Shield -2022)လေ့ကျင့် ဆောင်ရွက်နေမှုကို ကြည့်ရှုစစ်ဆေးခဲ့ပါတယ်။

နစကဥက္ကဋ္ဌ၊ တပ်မတော်ကာကွယ်ရေးဦးစီးချုပ်က နိုင်ငံတော်ရဲ့ ပိုင်နက်နယ်မြေ အားလုံးကို ကာကွယ်စောင့်ရှောက်ရန် တပ်မတော်ဟာ အဓိကအခန်းကဏ္ဍမှ ပါဝင် နေတဲ့ အတွက် လုံခြုံရေးအသိ၊ လုံခြုံရေးသတိ အမြဲရှိနေရမှာ ဖြစ်ကြောင်း၊ ရေတပ်လေ့ကျင့်ခန်း များကို ၂၀၀၉ ခုနှစ်တွင်ရေပြင်ဝေဟင် ပူးပေါင်းစစ်ဆင်ရေး လေ့ကျင့်ခန်းအဖြစ် စတင် လေ့ကျင့်ခဲ့ပြီး တစ်နှစ်ထက်တစ်နှစ် တိုးတက်ကောင်းမွန်လာခဲ့ သည်ကို တွေ့ရှိရကြောင်း၊ ယခင်နှစ်က တိုက်ခိုက်ရေးရေငုပ်သင်္ဘော စစ်ရေယာဉ် တစ်စီးသာ ပါဝင်နိုင်ခဲ့သော်လည်း ယခုလေ့ကျင့်ခန်းမှာ အမျိုးအစားမတူ ရေငုပ်သင်္ဘော နှစ်စီးအထိ ပါဝင်လေ့ကျင့်နိုင်ခဲ့တဲ့ အတွက် ကြီးမားတဲ့လေ့ကျင့်ရေး အတွေ့အကြုံတွေကို ရရှိနိုင်မှာဖြစ်တယ်လို့ ဆိုပါတယ်။

လက်ရှိတွင် တပ်မတော်(ရေ)ကို ပထမအဆင့်အနေဖြင့်မြန်မာ့ ပင်လယ်ပြင် သီးသန့်စီးပွားရေးဇုန်ကို အပြည့်အဝကာကွယ်နိုင်ရေး သုံးဘက်မြင် စစ်ဆင်နိုင်စွမ်းရှိတဲ့ တိုက်ပွဲဝင်အသင့် ရေတပ်အဖြစ် မျှော်မှန်းဆောင်ရွက်နေတယ်လို့ ပြောကြားခဲ့ပါတယ်။

လေ့ကျင့်ခန်းဆောင်ရွက်ရာတွင် VBSS လေ့ကျင့်ခန်းအနေဖြင့် စစ်ရေယာဉ်များ လေ့ကျင့်ခန်းဧရိယာသို့ ခုတ်မောင်း နေစဉ် မြန်မာ့ရေပိုင်နက်အတွင်း ရောက်ရှိဖြတ်သန်း ခုတ်မောင်းနေသည့် သံသယဖြစ်ဖွယ် ပြည်ပကုန်သွယ်ရေယာဉ် တစ်စီးအား ထောက်လှမ်း တွေ့ရှိသဖြင့် စစ်ရေယာဉ် (မုတ္တမ)မှ ROE အရ ရေယာဉ်ဆိုင်ရာ အချက်အလက်များ မေးမြန်းခြင်းနှင့် ရပ်တန့်အစစ်ဆေးခံရန် ဆက်သွယ်ဆောင်ရွက်ခဲ့ရာ ရပ်တန့်မှုမရှိသဖြင့် တက်ရောက်၊ စီးနင်း၊ ရှာဖွေ၊ ဖမ်းဆီးမှု Procedure များအတိုင်း လေ့ကျင့်ခဲ့ကြပါတယ်။

ဆက်လက်ပြီး လေ့ကျင့်ခန်းအစီအစဉ်အတိုင်း ဖရီးဂိတ်စစ်ရေယာဉ် (ဆင်ဖြူရှင်) နှင့် ဖရီးဂိတ်စစ်ရေယာဉ်(ကျန်စစ်သား)တိုမှ ရေငုပ်သင်္ဘောအား ပူးပေါင်းထောက်လှမ်း ရှာဖွေခြင်း လေ့ကျင့်ခန်း CASEX A-2 အား ဆောင်ရွက်ခဲ့ပါတယ်။

ထိုနောက် ရေပြင်ရန်ကာကွယ်ရေး စစ်ဆင်မှုဇုန်အတွင်း ရန်သူ့ရေပြင်ရန် ပစ်မှတ်များအား ပစ်ခတ်တိုက်ခိုက်ချေမှုန်းရန်အတွက် မိမိရေယာဉ်အုပ်အား Battle Line Formation သို ပြောင်းလဲခုတ်မောင်းခြင်းများဆောင်ရွက်ပြီး ရေတပ်အမြောက်ကြီးများ၊ စက် သေနတ်ကြီးများဖြင့် ရန်သူ့ရေပြင်ပစ်မှတ်များအား အပြီးတိုင်ပစ်ခတ်တိုက်ခိုက် ချေမှုန်းခြင်း လေ့ကျင့်ခန်းကို ဆောင်ရွက်ခဲ့ပါတယ်။

နောက်ဆက်တွဲ လေ့ကျင့်ခန်းများအနေဖြင့် တိုက်ပွဲပြီးပြန်လည်သုံးသပ်ခြင်း (Battle Damage Assessment) လေ့ကျင့်ခန်း၊ ပင်လယ်ပြင်ထောက်ပံ့ဖြည့်တင်းခြင်း (RAS) လေ့ကျင့်ခန်း၊ မီးငြိမ်းသတ်ခြင်းနှင့်ပျက်စီးထိန်းလုပ်ငန်းများဆောင်ရွက်ခြင်း (Fire Fighting and Damage Control) လေ့ကျင့်ခန်း၊ ရှာဖွေကယ်ဆယ်ရေး ဆောင်ရွက်ခြင်း(Search and Rescue) လေ့ကျင့်ခန်း၊ ပင်လယ်ပြင်တွဲဆွဲခြင်း(Towing) လေ့ကျင့်ခန်းများကို ဆောင်ရွက်ခဲ့ကြောင်း သတင်းရရှိပါတယ်။

ymg-mnn

#Yangon_Media_Group

Published  5 July 2022

အမေရိကန် ချီကာဂိုမြို့ဆင်ခြေဖုံးတစ်နေရာမှာ လွတ်လပ်ရေနေ့ စီတန်းလမ်းလျှောက်ပွဲတစ်ခုအတွင်း ခေါင်းမိုးတစ်ခုပေါ်ကနေ သေနတ်သမားတစ်ဦးက ပစ်ခတ်ရာ အနည်းဆုံးလူ(၆)ဦးသေဆုံးပြီး လူ၃၀ကျော်ဒဏ်ရာရရှိသွားကြပါတယ်။ သေနတ်နှင့်ပစ်ခတ်မှုကြောင့် စီတန်းလမ်းလျှောက်လာကြတဲ့ ရာပေါင်းများစွာသော သူတွေ၊ကလေးတွေပါတဲ့တွန်းလှည်းကလေးတွေတွန်းလာတဲ့ မိဘတွေဟာ ကြောက်ကြောက်လန့်လန့်နှင့် ထွက်ပြေးသွားကြတယ်လို့ ရဲကပြောပါတယ်။

အာဏာပိုင်တွေဟာ အသက်၂၂နှစ်အရွယ် အမျိုးသားတစ်ဦကို သေနတ်ပစ်မှုနှင်ပတ်သက်ပြီး နာရီများစွာ ရှာဖွေကြပြီးနောက် တနင်္လာနေ့ ညပိုင်းမှာ  ဖမ်းဆီးလိုက်ပါတယ်။

ဇူလိုင်၄ရက်ပစ်ခတ်မှုဟာ အမေရိကန်မှာ ကျောင်းတွေ၊ဘုရားရှိခိုးကျောင်းတွေ၊ကုန်စုံဆိုင်တွေ၊လူတွေကို ပစ်ခတ်မှုတွေ ဖြစ်ပြီးနောက် အခု လူထုချီတက်ပွဲကို နောက်ဆုံးပစ်ခတ်ခြင်းဖြစ်ပါတယ်။ ဒီအချိန်မှာတော့ အမေရိကန်ဟာ နိုင်ငံတည်ထောင်ခြင်းအထိမ်းအမှတ် ဆင်နွှဲနေကြချိန် အပစ်ခံကြရခြင်းပါ။

“ အမေရိကန်နိုင်ငံ အောင်ပွဲခံနေတာကို ကျွန်တော်တို့ရဲ့ ပြိုင်ဘက်ကင်းတဲ့ အမေရိကန်ကပ်ဆိုးကြီးက  ဆုတ်ဖြဲပစ်လိုက်တာဟာ ယူကျုံးမရဖြစ်စရာပါ” လို့ အီလီနွိုက်စ်အုပ်ချုပ်ရေးမှူး ဂျေဘီ ပရစ်ဇကာက သတင်းစာရှင်းလင်းပွဲမှာပြောပါတယ်။

ကျည်ဆံဒါဇင်ပေါင်းများစွာကို ချီတက်နေတဲ့ လူအုပ်ကြီးထဲ မနက် ၁၀နာရီ ၁၅ မိနစ်ခန့်မှာ ပစ်ခတ်တဲ့အတွက် သွေးသံရဲရဲဖြစ်ကုန်ပြီး လူတွေ ရုတ်ရုတ်သည်းသည်း ထွက်ပြေးခဲ့ကြရတာဖြစ်ပါတယ်။

သံသယရှိသူရဲ့ဓာတ်ပုံနှင့်သူ့ရဲ့ ငွေရောင်ဟွန်ဒါဖစ်ကားဓာတ်ပုံကို ရဲက ထုတ်ပြန်ပေးပြီးနောက် နာရီပေါင်းများစွာအကြာမှာ ပစ်ခတ်တဲ့နေရာကနေ (၅)မိုင်ခန့်အကွာမှာရှိတဲ့ အသက်၂၂ နှစ်အရွယ် ရောဘတ်အီး ကရင်မိုသရီး ကို ဆွဲထုတ်ဖမ်းဆီးနိုင်ခဲ့ပါတယ်။ သေဆုံးသူတွေအထဲမှာ မက္ကဆီကိုလူမျိုးတစ်ဦးဖြစ်တဲ့ ရောဘတ်တို ဗီလင်စကိုဆိုသူပါဝင်ပြီး အခြားမက္ကဆီကိုနှစ်ဦး ဒဏ်ရာရရှိခဲ့တယ်လို့ ရဲကပြောပါတယ်၊

သမ္မတဂျိုးဘိုင်ဒင်က သူနှင့်သမ္မတကတော်ဂျီဘိုင်ဒင်တို့ဟာ အမေရိကန် လွတ်လပ်ရေးနေ့မှာ အဓိပ္ပါယ်မဲ့တဲ့ သေနတ်အကြမ်းဖက်မှု ထပ်ဖြစ်ရလို့ အမေရိကန် လူ့အဖွဲ့အစည်းတစ်ခုအတွက် ကြေကွဲစရာတွေထပ်ဖြစ်ရပြီလို့ပြောလိုက်ပါတယ်။

Source AP/Reuters

Published_ 4 July 2022

ခေတ်အဆက်ဆက် နိုင်ငံရေးဖြစ်ပေါ်ပြောင်းလဲမှုများကြောင့် နိုင်ငံတော်၏ အမျိုးသားအကျိုးစီးပွားအတွက် ဆောင်ရွက်ခဲ့ရခြင်းဖြစ်သည်ကို မှန်မှန်ကန်ကန် သိရှိနားလည်နေရမှာ ဖြစ်ကြောင်းဖြင့် နစကဥက္ကဋ္ဌ၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဒီကနေ့နံနက်ပိုင်းတွင် အနောက်တောင်တိုင်း စစ်ဌာနချုပ်၊ ပုသိမ်တပ်နယ်မှ အရာရှိ၊ စစ်သည်၊ မိသားစုများအား တွေ့ဆုံအမှာစကား ပြောကြားရာ၌ ထည့်သွင်းပြောကြားခဲ့ပါတယ်။

တပ်မတော်အနေဖြင့် နိုင်ငံတော်၏တာဝန်များကို မလွှဲသာမရှောင်သာသော အခြေအနေအရ လွှပြောင်းတာဝန်ယူ ဆောင်ရွက်ခဲ့ရသည်ကို အရာရှိ၊ စစ်သည်၊ ရဲမေမိသားစုများအနေဖြင့် မှန်မှန်ကန်ကန် သိရှိထားကြရန် လိုအပ်ကြောင်း ပြောကြားခဲ့ပါတယ်။

 နိုင်ငံ၏သမိုင်းကြောင်း၊ ပထဝီအနေအထားနှင့် လက်ရှိဖြစ်တည်ချက်များအရ တပ်မတော်သည် နိုင်ငံတော်၏အမျိုးသားရေးကိစ္စရပ်များတွင် ပါဝင်နေရခြင်းဖြစ်သကဲ့သို ဖွဲစည်းအုပ်ချုပ်ပုံအခြေခံဥပဒေအရ အမျိုးသားနိုင်ငံရေး ဦးဆောင်မှုအခန်းကဏ္ဍတွင် ပါဝင်နေရတယ်လို့ ဆိုပါတယ်။

အချိုသောနယ်စပ်ဒေသများတွင်လည်း တိုင်းရင်းသားလက်နက်ကိုင်အဖွဲများ ရှိနေကြောင်း၊ ထိုကဲ့သိုသော အခြေခံအချက်များအပြင် အခြား အခြားသော အချက်များစွာတို့အရ နိုင်ငံအနေဖြင့် နိုင်ငံရေးအရ တည်ငြိမ်အေးချမ်းမှု၊ လုံခြုံရေးအရ တည်ငြိမ်အေးချမ်းမှုများ ယနေ့အထိ လိုအပ်လျက်ရှိတယ်လို့ဆိုပါတယ်။

၁၉၈၈ ခုနှစ်၌ ပြည်သူလူထုအနေဖြင့် တစ်ပါတီအုပ်ချုပ်မှုကို မကြိုက်မနှစ်သက် ခြင်း၊ စီးပွားရေးကျဆင်းခြင်းတိုကြောင့် တိုင်းပြည်၌ မငြိမ်မသက်မှုများ ဖြစ်ပေါ်ခဲ့ကြောင်း၊ ၎င်းအခြေအနေအပေါ် နိုင်ငံရေးအဖွဲအစည်းများ ပြည်ပနိုင်ငံများ၏ မြှောက်ပင့်သွေးထိုးမှု များကြောင့် နိုင်ငံတော်ကြီး ပြိုကွဲပျက်စီးတော့မည့်အခြေအနေသို ရောက်ရှိလာခဲ့သဖြင့် တပ်မတော်အနေဖြင့် နိုင်ငံတော်၏တာဝန်များကို ဝင်ရောက်ထိန်းသိမ်းခဲ့ရတယ်လို့ ဆိုပါတယ်။

ဖွဲစည်းပုံအခြေခံဥပဒေအားဖျက်သိမ်း၍ စစ်အုပ်ချုပ်ရေးဖြင့် အုပ်ချုပ်ခဲ့ရကြောင်း၊ နိုင်ငံတော်တည်ငြိမ်အေးချမ်းရေးနှင့် ပြည်ထောင်စုကြီး စည်းစည်းလုံးလုံးဖြင့် တည်ငြိမ်မှု ရှိစေရေးတင်းတင်းကြပ်ကြပ်ဆောင်ရွက်ခဲ့ရသဖြင့် တပ်မတော်၏ နိုင်ငံတော်တာဝန် ထမ်းဆောင်မှုအပေါ် အကြောင်းအမျိုးမျိုးကြောင့် နိုင်ငံရေးအရ နာကြည်းမှုများ၊ နိုင်ငံရေး အရ သဘောထားကွဲလွဲမှုများလည်း ဖြစ်ပေါ်ခဲ့ကြောင်း၊ ယင်းနာကြည်းမှုများသည် ယခုအချိန်အထိ ကျန်ရှိနေသေးတယ်လို့ နစက ဥက္ကဌက ပြောကြားခဲ့ပါတယ်။

ymg-mnn

#Yangon_Media_Group

Published 4 July 2022
ရုရှားက ဓာတ်ငွေ့ပိတ်ပစ်လိုက်နိုတဲ့ အခြေအနေရှိနေတဲ့အတွက် အဲဒါကိုကြိုတင်ပြင်ဆင်တဲ့အနေနှင့် ဂျာမဏီအစိုးရက ယင်းရဲ့ စွမ်းအင်လုံခြုံရေးဥပဒေကို ပြန်လည်မွမ်းမံမယ်လို့ ဒုတိယ အဓိပတိ ရောဘတ် ဟာဘက်က တနင်္ဂနွေနေ့က ထုတ်ဖော်ပြောကြားလိုက်ပါတယ်။ အဲဒါကြောင့် ဂျာမန်မှ သုံးစွဲသူတွေဟာ စွမ်းအင်တွေကို ဈေးပိုကြီးလာမှာကို ရင်ဆိုင်ရဖွယ်ရှိနေပါတယ်။

ဓာတ်ငွေ့ ပြတ်တောက်သွားတာဩာ အများပြည်သူဝန်ဆောင်မှုလုပ်ငန်းတွေနှင့် အဆောက်အဦတွေကို ထိခိုက်မှုရှိ အသေအချာရှိလိမ့်မယ်လို့ ဖက်ဒရယ်စီးပွားရေးရာနှင့် ရာသီဥတုဆိုင်ရာ ဝန်ကြီးလည်းဖြစ်တဲ့ ဟာဘက်က သတိပေးလိုက်ပါတယ်။ အဲဒါကြောင့် အသုံးပြုသူတွေဟာ ထပ်တိုးကုန်ကျစရိတ်တွေကို ညီတူ မျှခံကြ ရလိမ့်မယ်လို့   သူက ပြောပါတယ်။

ဂျာမနီဟာ ၂၀၂၂ခုနှစ် နှစ်ကုန်မှာ ရုရှဦးထံမှ ရေနံတင်ပို့တာကို ရပ်ပစ်ဖို့ နှင့် ၂၀၂၄ နှစ်လယ်မှာ ရုရှားဆီက ဓာတ်ငွေ့ မှီခိုနေရတာကနေ လွတ်ကင်းတဲ့ နိုင်ငံဖြစ်ဖို့ စီစဉ်နေပါတယ်။

ဂျာမန်ရဲ့ နိုင်ငံအဆင့်သတင်းစာတစ်စောင်ဖြစ်တဲ့ The World က ဂျာမန်ဟာ ရုရှားထံမှ ရေနံတင်သွင်းနေရတာတွေကို အောင်မြင်စွာကြံ့ကြံခံမယ်လို့ ဟာဘက်ကမှတ်ချက်ပေးထားတာကို စိန်ခေါ်ခဲ့ပါတယ်။

ဧပြီလကုန်မှာ ရုရှားထံကနေ ဂျာမနီက ရေနံတင်သွင်းနေတာဟာ မတ်လမှာ စုစုပေါင်းရေနံတင်ပိုမှုရဲ့ ၃၇ ရာခိုင်နှုန်းရှိခဲ့ရာကနေ ၁၂ရာခိုင်နှုန်းအထိ လျှော့ချနိုင်ခဲ့တယ်လို့ ဟာဘက်ကပြောပါတယ်။  ဒါပေမယ့် ဖက်ဒရယ်စီးပွားရေးရာနှင့်ရာသီဥတုဆိုင်ရာဝန်ကြီးဌာနရဲ့ မေလ ကိန်းဂဏန်းတွေမှာတော့ ၂၇.၈ ရာခိုင်နှုန်းလို့ ပြနေပါတယ်။

ပြီးခဲ့တဲ့နှစ်က ဂျာမနီရဲ့ စုစုပေါင်း ဓာတ်ငွေ့တင်ပို့မှုရဲ့ ၅၅ ရာခိုင်နှုန်းကို ရုရှားက တင်သွင်းနေရတာပါ။ အဲဒီအပြင် ရေနံရဲ့ ၃၅ ရာခိုင်နှုန်းကလည်း ရုရှားဆီကဝယ်နေရတာဖြစ်ပါတယ်။

Source: CCTV+

Published 4 July 2022

မြန်မာနိုင်ငံက အိမ်ရှင်အဖြစ် ပုဂံမြို့မှာ လက်ခံကျင်းပတဲ့ (၇)ကြိမ်မြောက်  မဲခေါင်-လန်ချန်း ပူးပေါင်းဆောင်ရွက်မှု နိုင်ငံခြားရေးဝန်ကြီးများ  အစည်းအဝေးကို ယနေ့ဇူလိုင် (၄)ရက် မနက်တွင် စတင်ကျင်းပခဲ့ပါတယ်။

အဆိုပါအစည်းအဝေးမှာ မြန်မာ နိင်ငံခြားရေးဝန်ကြီး ဦးဝဏ္ဏမောင်လွင်နှင့် တရုတ်ပြည်သူ့သမ္မတနိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ဝမ်ယိတို့က ပူးတွဲသဘာပတိများအဖြစ် ဆောင်ရွက်ကြပါတယ်။

မဲခေါင်-လန်ချန်း ပူးပေါင်းဆောင်ရွက်မှု နိုင်ငံခြားရေးဝန်ကြီးများအစည်းအဝေးကို မြန်မာနှင့်တရုတ်နိုင်ငံခြားရေးဝန်ကြီးတွေနှင့်အတူ အခြား အဖွဲ့ဝင်နိုင်ငံတွေဖြစ်ကြတဲ့ ကမ္ဘောဒီးယား ဒုတိယဝန်ကြီးချုပ် နိုင်ငံခြားရေးနှင့်အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး မစ္စတာ Prak Sokhonn ၊ လာအို ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မစ္စတာ Saleumxay Kommasithi ၊ ထိုင်းဒုတိယဝန်ကြီးချုပ်နှင့် နိုင်ငံခြားရေးဝန်ကြီး  မစ္စတာ Don Pramudwinai နှင့် ဗီယက်နမ်နိုင်ငံခြားရေးဝန်ကြီး မစ္စတာ Bui Thanh Son တို့ တက်ရောက်ကြပါတယ်။

မဲခေါင်-လန်ချန်းပူးပေါင်းဆောင်ရွက်မှုအဖွဲ့မှာ တရုတ်နိုင်ငံနှင့်အတူ အာဆီယံအဖွဲ့ဝင် တစ်ဆက်တစ်စပ်ကုန်းမြေ(၅)နိုင်ငံဖြစ်တဲ့ မြန်မာ၊ထိုင်း၊လာအို၊ကမ္ဘောဒီးယားနှင့် ဗီယက်နမ်နိုင်ငံတို့ဖြင့် ဖွဲ့စည်းတည်ထောင်ထားတာဖြစ်ပါတယ်။