Published 17 July 2022

အရှေ့အလယ်ပိုင်းခရီးစဉ်နောက်ဆုံးနေ့မှာ အမေရိကန်သမ္မတ ဂျိုးဘိုင်ဒင်က အမေရိကန်စစ်တပ်ရဲ့ တစ်ကိုယ်ကောင်းဆန်မှု ဆိုပြီး မတော်တဆမှားပြောမိခဲ့ပါတယ်။  စနေနေ့က ဆော်ဒီအာရေဗျနိုင်ငံ ဂျီဒတ်မြို့မှာ ပင်လယ်ကွေ့ ပူးပေါင်းဆောင်ရွက်ရေးကောင်စီခေါင်ခေါင်းဆောင်တွေကိုပြောဆိုတဲ့ ကြိုတင်ပြင်ဆင်ထားတဲ့ မိန့်ခွန်းမှာ ဘိုင်ဒင်က မတော်တဆမှားယွင်းစွာပြောဆိုမိခဲ့တာဖြစ်ပါတယ်။

အမေရိကန်သမ္မတ ဂျိုးဘိုင်ဒင်ဟာ selfishness နှင့် selflessness ကိုမှားပြောမိခဲ့တာဖြစ်ပြီး စကားအမှားကို ပြောနေတုန်းပဲ ချက်ခြင်းပြန်ပြင်ပြောခဲ့ပါတယ်။

သူက “We’ll always honor the bravery and selfishness — selflessness of the — and sacrifices of the Americans who served, including my son, Major Beau Biden, who was stationed in Iraq for a year,”  လို့ပြောခဲ့တာပါ။

“ အီရတ်မှာ တစ်နှစ်အခြေစိုက်နေထိုင်ခဲ့တဲ့ ကျွန်တော့်သား ဗိုလ်မှူး Beau Biden အပါအဝင် တာဝန်ထမ်းဆောင်ခဲ့ကြတဲ့ အမေရိကန်တွေရဲ့ ရဲရင့်မှုနှင့် တစ်ကိုယ်ကောင်းဆန်မှု selfishness (အမှားပြင်ပြော)ကိုယ်ကျိုးမငဲ့မှု selflessness  ၊စွန့်လွှတ်စွန့်စားမှုတို့ကို ကျွန်တော်တို့ အမြဲဂုဏ်ပြုပါတယ်” လို့ သူကပြောခဲ့တာဖြစ်ပါတယ်။

နယူးယောက်ပို့စ်သတင်းစာရဲ့ဖော်ပြချက်အရ ဆော်ဒီမှာ စကားအမှားမပြောခင်တစ်ရက်အလိုမှာ “ honour of the Holocaust” (ဟော်လိုကော့စ်ကိုဂုဏ်ပြု)လို့ အစ္စရေးမှာ မှားပြောမိခဲ့ပြီး ချက်ခြင်းပဲ အမှန်ဖြစ်တဲ့ "horror of the holocaust" (ဟော်လိုကော့စ်ရဲ့ကြောက်မက်ဖွယ်ရာ)လို့ပြန်ပြင်ပြောခဲ့ရသေးကြောင်း သိရပါတယ်။

#Source_NDTV/Twitters

ရုပ်သံကြည့်ရန်>>>

https://t.me/yangonmediagroup/9945

Published 17 July 2022

မြန်မာနိုင်ငံမှ ကျောင်းသားကျောင်းသူများ တက်ရောက်မည်ဆိုပါက ကြိုဆိုမှာဖြစ်တယ်လို့ ရုရှားဖက်ဒရေးးနိုင်ငံ Novosibirsk State University ပါမောက္ခချုပ် Dr. Mikhail Petrovich Fedoruk ကပြောကြားခဲ့တယ်လို့သိရပါတယ်။

ရုရှားဖက်ဒရေးရှင်းကို ရောက်ရှိခဲ့တဲ့ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်နှင့် ဇူလိုင်(၁၆)ရက်က အဆိုပါတက္ကသိုလ်တွင် တွေ့ဆုံစဉ် ပါမောက္ခချုပ်က ပြောကြားခဲ့တာဖြစ်တယ်လို့ နစကရဲ့ သတင်းထုတ်ပြန်ချက်တွင် ဖော်ပြထားပါတယ်။

တက္ကသိုလ် အစည်းအဝေးခန်းမတွင် Novosibirsk State University ၏ စာပေသင်ကြား ပို့ချပေးနေမှုဆိုင်ရာ Video File ကို ဖွင့်လှစ်ပြသခဲ့ပြီး ပါမောက္ခချုပ်က  တက္ကသိုလ်ဆိုင်ရာ အချက်အလက်များ၊ နိုင်ငံခြားသင်တန်းသားများကို လက်ခံသင်ကြားပေးနေမှုများ၊ အဆင့်မြင့်ဘွဲ့လွန်ပညာသင်တန်းများ၏ သင်ရိုး ညွှန်းတမ်းအလိုက် သင်ကြားဆောင်ရွက်မှု အစီအစဉ်များ၊ ကျောင်းသား၊ ကျောင်းသူများ နေထိုင်ရေးအတွက် အဆောင်နှင့်အားကစားရုံများ ထည့်သွင်း တည်ဆောက်ထားရှိမှုများ၊ မြန်မာနိုင်ငံမှ ကျောင်းသူ၊ ကျောင်းသားများ လာရောက်တက်ရောက်မည်ဆိုပါကလည်း အသင့်ကြိုဆိုမည်ဖြစ်တဲ့အခြေအနေများနှင့် ပတ်သက်၍ ရှင်းလင်း ဆွေးနွေးပြောကြားခဲ့တာဖြစ်ပါတယ်။

အဆိုပါရှင်းလင်းဆွေးနွေးမှုတွေအပေါ် ဗိုလ်ချူပ်မှူးကြီး မင်းအောင်လှိုင်က ကျောင်းသား၊ ကျောင်းသူများအား စိစစ်ရွေးချယ် မှုအတွက် အရည်အချင်း သတ်မှတ်ချက်တွေ၊ မြန်မာနိုင်ငံမှ စစ်ဘက်၊ အရပ်ဘက် သင်တန်းသားများ စေလွှတ်တက်ရောက် ပညာသင်ကြားနိုင်မည့် အခြေအနေများတွေနှင့်ပတ်သက်လို့လည်း သိရှိလိုတာတွေကို ပြန်လည်မေးမြန်း ဆွေးနွေးခဲ့တယ်လို့ သတင်းအရသိရပါတယ်။

အဆိုပါ Novosibirsk State University သည် ၁၉၅၈ ခုနှစ်တွင် စတင်ဖွင့်လှစ်ခဲ့ သည့် ပုဂ္ဂလိကပိုင် သုတေသနတက္ကသိုလ်တစ်ခုဖြစ်ပြီး ၂၀၂၂ ခုနှစ်တွင် QS World University ၌ အဆင့် ၂၄၆ ရရှိခဲ့ကြောင်း၊ တက္ကသိုလ်တွင် လူမှုပညာရပ်ဆိုင်ရာဌာနခွဲ၊ ဆေးပညာနှင့် စိတ်ပညာဌာနခွဲ၊ ဒဿနိကဗေဒနှင့် ဥပဒေဌာနခွဲ၊ သင်္ချာနှင့် စက်မှုသိပ္ပံဌာနခွဲ၊ ရူပဗေဒဌာနခွဲ၊ ဘူမိဗေဒနှင့် ဘူမိရူပဗေဒဌာနခွဲ၊ သဘာဝ သိပ္ပံဌာနခွဲ၊ သတင်းအချက်အလက်နှင့် နည်းပညာဌာနခွဲ၊ စီးပွားရေးနှင့် စီမံခန့်ခွဲမှု ဌာနခွဲနှင့် လေ့ကျင့်ရေး ဌာနခွဲတို့အပြင် အင်္ဂလိပ်၊ ဂျာမန်၊ ပြင်သစ်၊ အီတလီ၊ စပိန်၊ ဂျပန်နှင့် တရုတ်ဘာသာ စကားတို့ကို ဒုတိယ ဘာသာစကားအဖြစ် သင်ကြား ပို့ချပေးလျက်ရှိသည့် ဘာသာစကား သင်တန်းများလည်း ရှိကြောင်း သိရှိရပါတယ်။

နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ဦးဆောင်တဲ့ ကိုယ်စားလှယ်အဖွဲဝင်များဟာ ဇူလိုင် ၁၆ ရက် ဒေသစံတော်ချိန် မွန်းလွဲပိုင်းတွင် ရုရှားဖက်ဒရေးရှင်းနိုင်ငံ၊ Novosibirskမြို၊ Tolmachevo လေဆိပ်မှ ပြန်လည်ထွက်ခွာရာ မြန်မာစံတော်ချိန်ညပိုင်းတွင် နေပြည်တော်သို့ ပြန်လည်ရောက်ရှိခဲ့ကြောင်း သိရပါတယ်။

ymg-mnn

#Yangon_Media_Group

Published 16 July 2022

မက္ကဆီကို အနောက်မြောက်ပိုင်း လော့စ် မိုချစ်ဒေသမှာ စစ်တပ်ရဟတ်ယာဉ်တစ်စီး ပျက်ကျခဲ့ရာ လူ ၁၄ ဦးသေဆုံးခဲ့ပါတယ်။ မူးယစ်ရာဇာ ရာဖယ်လ်ကာရို ကွင်တာရိုကို ဖမ်းဆီးတဲ့ မစ်ရှင်ကို အကူအညီပေးပြီးနောက် ပျက်ကျခဲ့တာဖြစ်တယ်လို့ မက္ကဆီကို သမ္မတ အင်ဒရေးစ် မန်နျူယယ် လိုပက်ဇ် အောဘရာဒေါက ပြောပါတယ်။

#Source_AFP

#Helicopter_crash

#Mexico_Helicopter_Accident

#မက္ကဆီကို

Published_ 15 July 2022

နစကဥက္ကဋ္ဌ၊ ဗိုလ်ချုပ်မှူးကြီး မင်းအောင်လှိင်သည် ဇူလိုင် ၁၃ ရက်တွင် Republic of the Tatarsan၊ ကာဇန်မြိုရှိ Kazan Aircraft Production Association သို သွားရောက်လေ့လာ ကြည့်ရှုခဲ့တယ်လို သတင်းထုတ်ပြန်ထား ပါတယ်။

PJSC “Kazan Helicopters”ထုတ်လုပ်ရေးအလုပ်ရုံ၌ နစကဥက္ကဋ္ဌသည် Simulator ဖြင့် ရဟတ်ယာဉ် စမ်းသပ်မောင်းနှင်ခန်းသို ရောက်ရှိလေ့လာပြီး ကိုယ်တိုင်စမ်းသပ်မောင်းနှင်ခဲ့ပြီး PJSC “Kazan Helicopters” ထုတ်လုပ်ရေးအလုပ်ရုံ မန်နေဂျင်းဒါရိုက်တာနှင့် အမှတ်တရ လက်ဆောင်ပစ္စည်းများ အပြန်အလှန် လဲလှယ်ခဲ့ကြပါတယ်။

အဆိုပါ PJSC “Kazan Helicopters” ထုတ်လုပ်ရေးအလုပ်ရုံသည် ၁၉၄၀ ပြည့်နှစ်တွင် စတင်တည်ထောင်ခဲ့ခြင်းဖြစ်ပြီး Rostec Cooperation မှ ပိုင်ဆိုင်သည့် Russian Helicopters ကုမ္ပဏီ၏ အစိတ်အပိုင်း တစ်ခုဖြစ်ကြောင်း သိရပါတယ်။

ယနေ့ အချိန်ကာလအထိ Mi-4၊ Mi-8၊ Mi-14၊ Mi-17 နှင့် Ansat အမျိုးအစား ရဟတ်ယာဉ်ပေါင်း ၁၂၀၀၀ ကျော် ထုတ်လုပ်ခဲ့ပြီး နိုင်ငံပေါင်း ၁၀၀ သို တင်ပိုရောင်းချနိုင်ခဲ့ကာ ၁၉၄၅ ခုနှစ်မှစတင်ကာ ၂၀၂၀ ပြည့်နှစ်အထိ ဂုဏ်ပြုမှတ်တမ်း လွှာနှင့် ဆုတံဆိပ်ပေါင်း ၂၇ ခုကျော် ရရှိထားပြီးဖြစ်ကြောင်း သိရှိရပါတယ်။

ymg-mnn

#Yangon_Media_Group

Published 14 July 202
Myanmar SAC's MOFA today responded to the tweet by Peter Vowels, British Diplmomat and the following is a full statement.

Ministry of Foreign Affairs responds to the tweet by Mr. Peter Vowles
The Ministry of Foreign Affairs has observed that a twitter post by Mr. Peter Vowles from the British Embassy in Myanmar on 13 July 2022 citing the reason for his departure from Myanmar does not turn out to be true and is far from reality.
The Ministry wishes to recall that following the proposal made by the UK Government to appoint Mr. Peter Vowles as Ambassador Extraordinary and Plenipotentiary of the United Kingdom of Great Britain and Northern Ireland to the Republic of the Union of Myanmar on 29 April 2021, the Myanmar Government has accorded the agrément to the proposed appointment on 22 June 2021. Upon his arrival in Myanmar on 29 July 2021, for various reasons, Mr. Peter Vowles as an Ambassador-Designate failed to present his true copy of credentials to the Ministry of Foreign Affairs of Myanmar and his credentials to the Head of State as per the diplomatic practices.
In view of the above reasons, the Ministry placed restrictions on his entry visa. In the meantime, the UK side informed that the UK government was withdrawing the proposed appointment of Mr. Peter Vowles as British Ambassador to Myanmar, and he will serve as Chargé d’Affaires ad interim of the British Embassy in Yangon. The Ministry, therefore, informed the UK side to nominate another person in lieu of Mr. Peter Vowles as Chargé d’ Affaires of the British Embassy in Yangon as the Myanmar Government had already accorded agrément to the proposed appointment of Mr. Peter Vowles as Ambassador Extraordinary and Plenipotentiary of the United Kingdom of Great Britian and Nothern Ireland to the Republic of the Union of Myanmar. Afterwards, upon request by the UK side, the Ministry granted permission for Mr. Peter Vowles to return to Myanmar to collect his personal belongings from 21 June 2022 to 15 July 2022. As such, Mr. Peter Vowles has left Myanmar before his visa expires.
It is observed that Mr. Peter Vowles intended to serve as British Ambassador in Myanmar without presenting his credentials violating the well-established diplomatic ethics and Codes of Conduct. In this regard, Mr. Peter Vowles had to leave Myanmar as the Myanmar Government has acted in accordance with diplomatic practices as a sovereign state.
Ministry of Foreign Affairs
Nay Pyi Taw
Dated, 14 July 202

Published_ 13 July 2022

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ဟာ  Republic of the Tatastan သမ္မတနှင့် သမ္မတရုံးရှိ ဧည့်ခန်းမဆောင်၌ တွေ့ဆုံပြီး ရေနံနှင့်သဘာဝဓာတ်ငွေ့ ထုတ်လုပ်ခြင်း၊ စက်ရုံ၊ အလုပ်ရုံများ တည်ဆောက်ခြင်း၊ စက်ပစ္စည်းများတပ်ဆင်ထိန်းသိမ်းခြင်းတို့ကို ပူးပေါင်း ဆောင်ရွက်နိုင်မည့် အခြေအနေတွေကို  ဆွေးနွေးခဲ့ကြတယ်လို့ သတင်းထုတ်ပြန်ချက်အရသိရပါတယ်။

 ဗိုလ်ချုပ်မှူးကြီး မင်းအောင်လှိုင်သည် Republic of the Tatarstanနိုင်ငံကို ရောက်ရှိနေပြီး   Republic of the Tatarstan သမ္မတ Mr. Rustam Nurgaliyevich Minnikhanov နှင့် သမ္မတရုံးခန်း၌ သီးသန့်တွေ့ဆုံဆွေးနွေးခဲ့ကြတာဖြစ်ပါတယ်။

ဆွေးနွေးပွဲမှာ ရုရှား-မြန်မာ သံတမန်ဆက်ဆံရေးနှင့် ချစ်ကြည်ရင်းနှီးမှုပိုမို တိုးတက်ရေး ဆိုင်ရာများ၊ Republic of the Tatarstan သမ္မတ အနေဖြင့် မြန်မာနိုင်ငံသို့ ယခုနှစ် ဧပြီလတွင် ရောက်ရှိခဲ့ပြီး စီးပွားရေးဆိုင်ရာများတွင် ပူးပေါင်း ဆောင်ရွက်နိုင်ရေး ဆွေးနွေး ဆောင်ရွက်ခဲ့သည့် အခြေအနေများ၊ နှစ်ဦးနှစ်ဖက် ဆက်ဆံမှုတိုးမြင့်ရေးအတွက် ကူးသန်း ရောင်းဝယ်မှုနှင့် ရင်းနှီးမြှုပ်နှံမှုဆိုင်ရာတို့တွင် မြှင့်တင်ဆောင်ရွက်သွားနိုင်မည့် ကိစ္စရပ်များ စက်မှုလုပ်ငန်းဖွံ့ဖြိုးတိုးတက်ရေး၊ ပညာရေး၊ စီးပွားရေး၊ ကျန်းမာရေး စသည့် ကဏ္ဍအသီးသီးတွင် ပူးပေါင်းဆောင်ရွက်နိုင်မည့် အခြေအနေများကို အမြင်ချင်း ဖလှယ်ဆွေးနွေးခဲ့ကြတယ်လို့ သတင်းမှာဖော်ပြထားပါတယ်၊

အဲဒီအပြင်  kazan မြို့ရှိ စီးပွားရေးဆိုင်ရာ လုပ်ငန်းများအလိုက် တာဝန်ရှိသူများ က လုပ်ငန်းတစ်ခုချင်းစီအလိုက် လုပ်ငန်းဆောင်ရွက်နေမှုအခြေအနေများ၊ နှစ်နိုင်ငံ စီးပွားရေးဆိုင်ရာ ပူးပေါင်းဆောင်ရွက်နိုင်မည့် အခြေအနေများနှင့်ပတ်သက်၍ ရှင်းလင်းတင်ပြကြရာ နစကဥက္ကဋ္ဌ နှင့် Republic of the Tatarstan သမ္မတ တို့က လုပ်ငန်း တစ်ခုချင်းစီအလိုက် ပူးပေါင်းဆောင်ရွက်နိုင်မည့် အခြေအနေများအား အလေးအနက်ထား ဖြည့်စွက်ဆွေးနွေးခဲ့ကြတယ်လို့ သိရပါတယ်။

တွေ့ဆုံဆွေးနွေးပွဲအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော် ဝန်ကြီးချုပ် ဦးဆောင်တဲ့ ကိုယ်စားလှယ်အဖွဲ့ဝင်များအား Republic of the Tatarstan သမ္မတက ဂုဏ်ပြုညစာဖြင့် တည်ခင်းဧည့်ခံခဲ့ကြောင်း သတင်းရရှိပါတယ်။

အဲဒီနောက် ဗိုလ်ချုပ်မှူးကြီး မင်းအောင်လှိုင် ဦးဆောင်တဲ့အဖွ ဇူလိုင် ၁၃ ရက်နေ့နံနက်ပိုင်းတွင် Republic of the Tatarsan၊ ကာဇန်မြို့ရှိ Kazan Federal University သို့လည်း ဆက်လက် သွားရောက် လေ့လာခဲ့ပါတယ်။

ဦးစွာ နစကဥက္ကဋ္ဌနှင့် ကိုယ်စားလှယ်အဖွဲ့ဝင်များဟာ Kazan Federal University (Kazan State University) သို့ ရောက်ရှိကြရာ တက္ကသိုလ်မှဒုတိယပါမောက္ခချုပ် Mr. Timirkhan Alishev နှင့် တာဝန်ရှိသူများက ကြိုဆိုနှုတ်ဆက်ကြပြီး တက္ကသိုလ်အတွင်းလှည့် လည်၍ Meeting Hall များ၊ စာသင်ခန်းမများ၊ ဘွဲ့နှင်းသဘင်ခန်းမနှင့် တက္ကသိုလ်တွင် တာဝန်ထမ်းဆောင်ခဲ့သည့် ပါမောက္ခများ၊ ထူးချွန်သူများ၏ မှတ်တမ်းဓာတ်ပုံများ ခင်းကျင်း ပြသထားရှိမှုတို့ကို ရှင်းလင်းတင်ပြကြပါတယ်။

ယင်းနောက် ကျောင်းခန်းမတွင် ဒုတိယပါမောက္ခချုပ်က တက္ကသိုလ်သမိုင်း အကျဉ်း၊ ဌာနအလိုက်ဖွဲ့စည်းထားရှိမှုများ၊ တက္ကသိုလ်မှ သင်ကြားပေးနိုင်သည့် ဘာသာရပ်များ၊  ကျောင်းသား၊ ကျောင်းသူများအတွက် နေထိုင်စားသောက်မှု အဆင် ပြေစေရေး စီစဉ်ဆောင်ရွက်ပေးထားရှိမှုများ၊ နိုင်ငံခြားမှ ပညာတော်သင် ကျောင်းသား၊ ကျောင်းသူများ လက်ခံထားရှိမှု အခြေအနေများကို ရှင်းလင်းတင်ပြသည်။ ရှင်းလင်း တင်ပြမှုများအပေါ် နစကဥက္ကဋ္ဌက သိရှိလိုသည်များအား ပြန်လည်မေးမြန်း ဆွေးနွေး ပြောကြားခဲ့ကြောင်း သတင်းထုတ်ပြန်ချက်အရသိရပါတယ်။

အဆိုပါ Kazan Federal University ကို Imperial Kazan တက္ကသိုလ်အဖြစ် ၁၈၀၄ ခုနှစ်တွင် စတင်တည်ထောင်ခဲ့ပြီး ထင်ရှားကျော်ကြားသည့် နက္ခတ္တဗေဒ ပညာရှင် Nikolai Ivanovich Lobachevsky က ၁၈၃၇ မှ ၁၈၇၆ ခုနှစ်အထိ ပါမောက္ခချုပ် တာဝန်ထမ်းဆောင် ခဲ့ကြောင်း၊ အော်ဂဲနစ်ဓာတုဗေဒပညာရပ်နှင့် Electron Spin Resonance အား ရှာဖွေတွေ့ရှိရာနေရာအဖြစ် ထင်ရှားကျော်ကြားခဲ့‌ပါတယ်။

Kazan တက္ကသိုလ်သည် ၂၀၁၁ ခုနှစ်တွင် Federal အဆင့်သို့ ချီးမြှင့်ခံခဲ့ရပြီး ရုရှားနိုင်ငံအစိုးရမှ ကျင်းပပြုလုပ်သည့် Project 5-100 ၌ ပါဝင်ခဲ့သည့် တက္ကသိုလ် ၁၈ ခုအနက် တစ်ခုအပါအဝင်ဖြစ်ကြောင်း၊ ဇီဝဆေးပညာနှင့် ဆေးဝါးပညာရပ်၊ ရေနံ သန့်စင်မှုနှင့် ထုတ်လုပ်မှုပညာရပ်၊ ဆက်သွယ်ရေးနှင့် အာကာသနည်းပညာဆိုင်ရာ ပညာရပ်နှင့် လူမှုရေးသိပ္ပံပညာရပ်တို့ကို အထူးပြုသင်ကြားလျက်ရှိကြောင်းသိရှိရ ပြီး ၂၀၂၀ ပြည့်နှစ်အရ နိုင်ငံခြားကျောင်းသားအရေအတွက် ၁၀၀၀၀ ကျော်ရှိခဲ့ကြောင်း သိရှိရပါတယ်။

ymg-mnn

#Yangon_Media_Group