#Local_News
Published_1 February 2023

ပြီးခဲ့တဲ့ ဇန်နဝါရီလ ၁၅ ရက်နောက်ပိုင်းမှာ တရုတ်နှစ်သစ်ကူးကျင်းပနေတာကြောင့် မြန်မာ-တရုတ်နယ်စပ်ကုန်သွယ်ရေးဟာ ၇၅ ရာခိုင်နှုန်းလောက် ကုန်သွယ်မှုရပ်တန့်နေတာ ဖြစ်တယ်လို့ မူဆယ်နယ်စပ်ကုန်သည်တွေရဲ့ ပြောပြချက်အရ သိရပါတယ်။

#Yangon_Media_Group

Published 1 Feb 2023

နိုင်ငံတစ်ဝန်းလုံးအရေးပေါ်အခြေအနေကြေညာထားသည့်ကာလကို နောက်ထပ်(၆)လတိုးမြှင့်သတ်မှတ်ကြောင်း ကာလုံအစည်း အဝေးတွင် ဆုံးဖြတ်ခဲ့ကြောင်း နစက သတင်းထုတ်ပြန်ချက်အရသိရပါတယ်။

“အခြေခံဥပဒေ ပုဒ်မ ၄၂၅ နှင့်အညီ “နိုင်ငံတော် တစ်ဝန်းလုံးအရေးပေါ် အခြေအနေကြေငြာထားသည့် ကာလကို ၁-၂-၂၀၂၃ ရက်မှစ၍  နောက်ထပ် ၆ လ တိုးမြှင့်သတ်မှတ်ကြောင်း” နှင့် ဖွဲ့စည်းပုံအခြေခံဥပဒေ ပုဒ်မ ၄၁၉ အရ နိုင်ငံတော်၏ တာဝန်အရပ်ရပ်ကို“နိုင်ငံတော်စီမံအုပ်ချုပ်ရေးကောင်စီဥက္ကဋ္ဌတပ်မတော်ကာကွယ်ရေး ဦးစီးချုပ်”ထံသို့ ထပ်မံအပ်နှံကြောင်း၊ အမျိုးသားကာကွယ်ရေးနှင့် လုံခြုံရေးကောင်စီ သို့ အသိပေးကြေညာအပ်ပါကြောင်း၊ “အမျိုးသားကာကွယ်ရေးနှင့်လုံခြုံရေး  ကောင်စီ” အနေဖြင့်လည်း ကြေညာချက် ထုတ်ပြန်သွားမည်ဖြစ်ကြောင်း ယာယီသမ္မတ ဦမြင့်ဆွေက ယမန်နေ့ ဇန်နဝါရီ (၃၁)ရက်နေ့က ကျင်းပပြုလုပ်ခဲ့တဲ့ ကာ/လုံ အစည်းအဝေးတွင်ပြောကြားခဲ့တာဖြစ်ပါတယ်။

အခြေခံ ဥပဒေပုဒ်မ ၄၂၅ အရ သာမာန်အားဖြင့် ၆ လ နှစ်ကြိမ်ပေး၍ရသည် ဖြစ်သော်လည်း လက်ရှိအချိန်သည် သာမာန်အချိန်   မဟုတ်သဖြင့် ၆ လတစ်ကြိမ် အနည်းဆုံး ထပ်မံတိုးမြှင့်ပေးရန်သင့် သည်ဟု ယူဆမိပါကြောင်း၊ ၆ လပြည့်ပြီးပါက နိုင်ငံတော်၏ အခြေအနေများကို ထပ်မံတင်ပြမည်ဖြစ်ကြောင်း နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က နိုင်ငံတော်၏ လက်ရှိအခြေအနေများကိုအသေးစိတ်တင်ပြအပြီးမှာ ကာ/လုံ အဖွဲ့ ဝင်များအားလုံးရဲ့ သဘောတူ ဆုံးဖြတ်ချက်များအရ အရေးပေါ်ကာလနောက်ထပ်(၆)လသက်တမ်းတိုးကြောင်း ပြောကြားခဲ့ပါတယ်။

အစည်းအဝေးတွင် တက်ရောက်လာကြတဲ့ ကာ/လုံအဖွဲ့ဝင်များနှင့် အထူးဖိတ်ကြားထားသည့် ဥပဒေရေးရာ ဝန်ကြီးဌာန ပြည်ထောင်စုဝန်ကြီး ပြည်ထောင်စုရှေ့နေချုပ် ဒေါက်တာ သီတာဦးတို့ကလည်း သာမာန်အချိန်မဟုတ်သည့်အတွက် သက်တမ်း တိုးပေးနိုင်ရေး ထောက်ခံဆွေးနွေးခဲ့ကြတယ်လို့လည်း သတင်းထုတ်ပြန်ချက်မှာဖော်ပြထားပါတယ်။

ယာယီသမ္မတ ဦးမြင့်ဆွေက တပ်မတော်အနေဖြင့် နိုင်ငံတော်နှင့် တိုင်းရင်းသားပြည်သူလူထု အတွက် ဖွဲ့စည်း ပုံအခြေခံဥပဒေ (၂၀၀၈ ခုနှစ်)အား အစဉ်အမြဲ အလေးထား ကာကွယ် စောင့်ရှောက်ပေးသွားရန်၊ နောင်ကျင်းပမယ့် ရွေးကောက်ပွဲတွင် မိမိနိုင်ငံသား တစ်ဦး ချင်းစီရဲ့ ဆန္ဒအတိုင်း လွတ်လပ်စွာ ဆန္ဒမဲပေးပိုင်ခွင့်ရှိနိုင်ရေး နိုင်ငံတစ်ဝန်းနေရာအနှံ့ အကြားအလပ်မရှိ ရွေးကောက်ပွဲကျင်းပနိုင်စေရန် ဆောင်ရွက်မည့် လုပ်ငန်းစဉ်များ အပေါ် အားလုံး ပူးပေါင်းပါဝင် ဆောင်ရွက် ပေးသွား ကြရန်တိုက်တွန်းပြောဆိုခဲ့တယ်လို့လည်း သတင်းထုတ်ပြန်ထားပါတယ်။

ထိုသို့သက်တမ်းတိုးခြင်းသည် အခြေခံဥပဒေနှင့်ညီညွတ်မှုရှိကြောင်း နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးက နိုင်ငံတော် ယာယီသမ္မတဦးမြင့်ဆွေထံ ဇန်နဝါရီ ၃၁ရက်က သဘောထားမှတ်ချက်ပြန်ကြားခဲ့ကြောင်းလည်းသီးခြားသတင်းထုတ်ပြန်ချက်အရ သိရပါတယ်။

-ymg/knl

#Myanmar

#Myanmar_Politcs

#Myanmar_Election

#DailyNews
Published_ 1 February 2023

၁။ မြန်မာ-တရုတ်နယ်စပ်ကုန်သွယ်ရေး ပုံမှန်အတိုင်းပြန်ဖြစ်ပြီဟုဆို

၂။ ပြည်ပသို့ သတ္တုတွင်းထွက်ပစ္စည်းပြည်ပတင်ပို့မှ အမေရိကန်ဒေါ်လာ ၂၃၅ ဒသမ ၄၇ သန်းရရှိထား

၃။ ကလေးများနေ့အထိမ်းအမှတ် နားမကြားသော ကလေးငယ်(၅၀)ခန့် ကွန်ပျူတာဖြင့် ပြိုင်ပွဲဝင်မည်

၄။ ဆော်ဒီအမြန်ရထားလိုင်းတွင် အမျိုးသမီးရထားမောင်းသူများအားအလုပ်အကိုင်နေရာပေးလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 1 February 2023

ရန်ကုန်တိုင်း၊ တိုက်ကြီးမြို့နယ်၊ အဖျောက်မြို့၊ ပန်းတုန်းပိတ်ကျေးရွာမှာ မြစ်ရေတိုက်စားမှုကြောင့် ကမ်းပါးပြိုကျခဲ့ပြီး အိမ်ထောင်စု(၈)စုကိုအရေးပေါ်ရွှေ့ပြောင်းပေးခဲ့ရတယ်လို့ အဖျောက်နယ်မြေမီးသတ်စခန်းမှ သိရပါတယ်၊၊

#Yangon_Media_Group

#Local_News
Published_ 1 February 2023

ယခုနှစ် စက်တင်ဘာလတွင်ကုန်ဆုံးမည့် ဘဏ္ဍာနှစ်တွင် မြန်မာနိုင်ငံ၏ ပြည်တွင်းအသားတင် ထုတ်လုပ်မှုတန်ဖိုး - GDP (၃) ရာခိုင်နှုန်း တိုးတက်မှုရှိလာမည်ဖြစ်ကြောင်း ကမ္ဘာ့ဘဏ် အစီရင်ခံစာတွင် ဖော်ပြထားသည်။

ကမ္ဘာ့ဘဏ်၏ မြန်မာ့စီးပွာ​ရေး​စောင့်​ကြည့်အစီရင်ခံစာတွင် မြန်မာ့စီးပွားရေးသည် သိသာထင်ရှားသည့် မတည်ငြိမ်မှုများနှင့် မသေချာ မရေရာမှုတွေရှိနေပြီး လျှပ်စစ်မီးပြတ်တောက်မှု၊ ကုန်သွယ်ရေးနှင့် နိုင်ငံခြားငွေလဲလှယ်မှု ကန့်သတ်ချက်များ၊ အဓိကသွင်းအားစု အချို့ ပြတ်တောက်မှုနှင့် မကြာခဏပြောင်းလဲနေသည့် စည်းမျဉ်း၊ စည်းကမ်းတွေကြောင့် စီးပွားရေးလုပ်ငန်းများ ရပ်နားခဲ့ရကြောင်း ဖော်ပြထားသည်။

ကမ္ဘာ့ဈေးနှုန်း မြင့်တက်မှုနှင့်အတူ ထောက်ပံ့ပို့ဆောင်ရေးကန့်သတ်ချက်တွေ ပေါင်းစပ်လိုက်ခြင်းကြောင့် ကျပ်ငွေတန်ဖိုးကျဆင်းမှုကို ဖြစ်ပေါ်စေခဲ့ပြီး ၂၀၂၂ ခုနှစ် နှစ်လယ်တွင် (၂၀) ရာခိုင်နှုန်းအထိ ငွေကြေးဖောင်းပွမှုကို ဖြစ်ပေါ်စေခဲ့ကြောင်း ဖော်ပြထားသည်။

လာမယ့်နှစ်တွင် ငွေကြေးဖောင်းပွမှု ဖိအားများလျော့ပါးသွားခြင်းကြောင့် ဝန်ဆောင်မှုကဏ္ဍ အလယ်အလတ် တိုးတက်မည်ဟု ခန့်မှန်းထားပြီး နိုင်ငံတကာခရီးသွားလုပ်ငန်း တိုးတက်မှု အနည်းငယ် ရှိလာနိုင်ကြောင်း အစီရင်ခံစာတွင် ပါရှိသည်။

ယင်းအ​ပြင် အထည်ချုပ်ထုတ်လုပ်သူများနှင့် အစားအစာထုတ်လုပ်သူများအနေ​ဖြင့် ​ပို့ကုန်ဝယ်လိုအား နှေးကွေးခြင်းနှင့် ပြည်တွင်းဝယ်လိုအား လျော့နည်းခြင်းတို့ကြောင့် စက်မှုကဏ္ဍတိုးတက်မှု နှေးကွေးမည်ဟု မျှော်လင့်ရပြီး ဆန်၊ ပဲမျိုးစုံနှင့် ပြောင်းတင်ပို့မှု အားကောင်းနေမည်ဟု ကမ္ဘာ့ဘဏ်က ခန့်မှန်းထားသည်။

#ymg/sth
#Yangon_Media_Group

#Local_News
Published 1 February 2023

ရန်ကုန်တိုင်း‌ဒေသကြီး၊ မင်္ဂလာတောင်ညွန့်ယာမြို့နယ် ကန်ရိပ်သာလမ်း ဟော်ကီကွင်းအရှေ့လမ်းမပေါ်တွင် ယာဉ်တိုက်မှုဖြစ်ထား၍ ဒဏ်ရာများဖြင့် သေဆုံးနေသည့် ရုပ်အလောင်းတွေ့ရှိကြောင်း ဆက်သွယ်လာသည့်အတွက် မင်္ဂလာတောင်ညွန့်လူငယ်လူမှုကူညီရေးအသင်းမှ သယ်ယူရန်သွားရောက်ခဲ့ကြောင်း သိရသည်။

ဇန်နဝါရီလ ၁ရက် (ယနေ့) နံနက် ၆နာရီခွဲအချိန်တွင် ကန်ရိပ်သာလမ်း ဟော်ကီကွင်း အရှေ့လမ်းမပေါ်တွင် ယာဉ်တိုက်မှုဖြစ်ထား၍ သေဆုံးသူရှိကြောင်း ဆက်သွယ်လာကြောင်း သိရသည်။

"ဒဏ်ရာတွေကတော့ တစ်ကိုယ်လုံးကျိုးကြေနေတာလေ။ ဘာမှအကောင်းမရှိဘူး။ အကုန်လုံးပွန်းပဲ့ပြီးတော့ အဝေးကြီးကနေ ဆွဲပါလာတာဆိုတော့လေ"ဟု မင်္ဂလာတောင်ညွန့်လူငယ်လူမှုကူညီရေးအသင်း၏တာဝန်ရှိသူတစ်ဦးက ဆိုသည်။

ယင်းကဲ့သို့ ဆက်သွယ်လာ၍ မင်္ဂလာတောင်ညွန့်လူငယ်လူမှုကူညီရေးအသင်းမှ အသင့်ရောက်ရှိနေသော ဒီဃာယုကအသင်းရှမာရီအသင်း ရင်ဘတ်တူညီကိုများ ပရဟိတတို့နှင့် ပူးပေါင်းချိတ်ဆက်၍ မှတ်တမ်းရယူပြီး တောင်ညွန့်လူငယ်မှ ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

သေဆုံးသူမိသားစုဝင်များနှင့် ယခုအချိန်ထိ အဆက်အသွယ်မရရှိသေးကြောင်းလည်း ယင်းအသင်းကသိရသည်။

ymg/mt
#Yangon_Media_Group