Published 09 October 2023

လတ်တလောတွင် မျက်စိနာရောဂါ(ခေါ်)မျက်မြှေးရောင်ရောဂါဖြစ်ပွားမှုများနေ၍ သတိပြုကာကွယ်ရမည့် အချက်များကို ကျန်းမာရေးဝန်ကြီးဌာနမှထုတ်ပြန်လိုက်သည်။

ရောဂါဖြစ်သူ၏အသုံးအဆောင်များကို အသုံးပြုခြင်း၊ အနီးကပ်အတူနေထိုင်ခြင်းများကြောင့်ရောဂါအလွယ်တကူ ကူးစက်နိုင်ကြောင်း၊ စာသင်ခန်းများတွင် ကျောင်းသားတစ်ဦးမှ တစ်ဦး၊မိခင်မှကလေးငယ်သို့ကူးစက်နိုင်သဖြင့် အထူးသတိပြုရှောင်ရှားရန်လိုအပ်ကြောင်း ဖော်ပြထားသည်။

အဆိုပါ ရောဂါသည် ဗိုင်းရပ်စ်ပိုးကြောင့်ဖြစ်ပွားရခြင်းဖြစ်ပြီး ရောဂါဖြစ်ပွားချိန် (၅)ရက်မှ(၇)ရက်အထိကြာမြှင့်သည်ဟုဆိုသည်။

ရောဂါဖြစ်သူ၏အသုံးအဆောင်အထူးသဖြင့် အလှပြင်ပစ္စည်း၊ မျက်နှာသုတ်ပဝါ၊ လက်ကိုင်ပဝါများ အခြားသူများနှင့်အတူတူအသုံးမပြုသင့်ကြောင်း၊ လက်ကိုင်ပဝါအစားတစ်ရူးကိုသုံးသင့်ကြောင်း၊ ရောဂါဖြစ်သူ၏အဝတ်အစားများကို သီးသန့်လျှော်သင့်ကြောင်းထုတ်ပြန်ထားသည်။

မျက်စိနာနေသူသည် မျက်လုံးတစ်ဝိုက်သန့်ရှင်းရေးပြုလုပ်ပေးပြီး မျက်ရည်တု၊ မျက်စဉ်းဆေးရည်(Artificial Tear Eye Drops)ကို တစ်နေ့သုံးလေးကြိမ်ခတ်နိုင်ကြောင်း၊ မျက်စိသန်သန့်ရှင်းရေးမလုပ်မီနှင့် မျက်စဉ်းမခတ်မီ လက်ကို ဆပ်ပြာဖြင့်သန့်ရှင်းစင်ကြယ်စွာဆေးကြောပေးရမည်ဖြစ်ကြောင်း၊ မသက်သာပါကနီးစပ်ရာဆေးရုံ၊ဆေးပေးခန်းများသို့ သွားရောက်သင့်ကြောင်းဖော်ပြပါရှိသည်။

အခြားသူများထံရောဂါမကူးစက်စေရန်အတွက် မျက်စိနာနေသူသည် မျက်စိကိုမကိုင်မိစေရန်နှင့် အကာအကွယ် မျက်မှန်တပ်ထားသင့်ကြောင်း ရောဂါကာကွယ်ရေးနှိုးဆော်ချက်တွင် ဖော်ပြထားသည်။
Yangon_Time/tthl
#Local_News
#YMG #Yangon_Times #Yangon_Media_Group

Published_ 09 October 2023

အစ္စရေးနိုင်ငံသို့ ရောက်ရှိနေသော မြန်မာနိုင်ငံသားများအနေဖြင့် အစ္စရေးတွင်လတ်တလောဖြစ်ပွားနေသည့် တိုက်ပွဲများ အခြေအနေများကြောင့် လုံခြုံရေးအခြေအနေအရ အရေးတကြီးလိုအပ်ချက်မရှိပါက နေအိမ်အတွင်း သာနေထိုင်ရန် မြန်မာနိုင်ငံခြားရေးဝန်ကြီးဌာနမှအောက်တိုဘာလ ၉ရက်တွင်အသိပေးချက်ကြေညာချက် ထုတ်ပြန်လိုက်သည်။

အဆိုပါကြေညာချက်တွင် အစ္စရေးနိုင်ငံတွင် လတ်တလော ဖြစ်ပွားနေသည့် တိုက်ပွဲများ အခြေအနေများကြောင့် ယင်းနိုင်ငံတွင် ရောက်ရှိနေသည့် မြန်မာနိုင်ငံသားများအနေဖြင့် အရေးတကြီးလိုအပ်ချက်မရှိပါက မိမိတို့နေအိမ်များတွင်သာ နေထိုင်ရန် ၊ တိုက်ပွဲအခြေအနေနှင့် ကြုံတွေ့လာပါက လုံခြုံသည့် နေရာတွင်နေရန်နှင့် အကြောင်းအမျိုးမျိုးကြောင့် အကူအညီ လိုအပ်လာပါက အောက်ဖော်ပြပါ ဆက်သွယ်ရန် လိပ်စာများသို့ ဆက်သွယ်နိုင်ကြောင်း အသိပေးအပ်ထားသည်။

အစ္စရေးရောက် မြန်မာနိုင်ငံသားများအနေဖြင့်(က) မြန်မာသံရုံးဖုန်း- (၉၇၂) (၃) ၅၁၇၀၇၆၀ (၉၇၂) (၃) ၅၁၆၃၃၆၄ Hotline No. ၀၅၈ ၇၈၉၉၁၇၇/ ၀၅၈ ၄၀၈၁၃၄၇ (ခ) နိုင်ငံခြားရေးဝန်ကြီးဌာန၊ ကောင်စစ်ရေးရာနှင့် ဥပဒေရေးရာဦးစီးဌာန၊ ကောင်စစ်ရေးရာဌာန၊ နိုင်ငံသားအကျိုးဌာနခွဲ၊ နေပြည်တော်Hotline No. (၉၅) ၉၄၃၁၁၈၄၅၀/ (၉၅) ၉၈၈၂၂၆၄၇၄၄သို့ဆက်သွယ်နိုင်ပြီး အစ္စရေးအစိုးရမှ ထုတ်ပြန်သတိပေးချက်များအား National Emergency Portal – Home Page တွင် ပုံမှန်စောင့်ကြည့် ကြည့်ရှုဆောင်ရွက်ပါရန် တိုက်တွန်းထားကြောင်းသိရသည်။
Yangon_Time/tthl
#Local_News
#YMG #Yangon_Times #Yangon_Media_Group

အထွက်နှုန်းလျော့ပြီး အသီးပါးချိန် ဖြစ်နေ

စပျစ်အထွက် နည်းပါးချိန်ဖြစ်သောကြောင့် ပွဲစားများ ခြံအရောက် ဈေးကောင်းပေး ဝယ်ယူနေ
Yangon_Times/NN
#Local_News
#Published_ 07 October 2023
#YMG #Yangon_Times #Yangon_Media_Group

ပုဂံရွှေစည်းခုံဘုရား၌ ရေစီးရေလာကောင်းပြီး ရေမဝပ်အောင်ဆောင်ရွက်နေ

ရွှေစည်းခုံ ဘုရားရင်ပြင်တော်ပေါ်မှာ ရေဝပ်ရတဲ့အကြောင်းရင်းတွေကတော့ နေပူခံ ကျောက်ပြား အောက်ခြေရှိ ရေဆင်းပေါက်အရေအတွက် နည်းနေတဲ့အတွက် ရေစီးဆင်းမှုနဲ့မျှတမှုမရှိခြင်း၊ ရေဆင်းမြောင်းတွေ ပိတ်ဆိုနေခြင်း၊ တစ်ချိုရေစုကန်တို့မှာ ပိတ်ဆိုနေခြင်း၊ ရေစုကန်အရွယ်အစားသေးငယ်နေခြင်း၊ ရေစုကန်နဲ့ မြေသား ရေကန်တို့ ချိတ်ဆက်မှုမရှိဖြစ်နေခြင်းတို့ကြောင့် ဘုရားရင်ပြင်တော်ပေါ်မှာ ရေဝပ်ရခြင်းဖြစ်တာကို မြေပြင် တိုင်းတာမှုရလဒ်အရ သိရှိရပါတယ်’ ရှေးဟောင်းသုတေသနနှင့်အမျိုးသားပြတိုက်ဦးစီးဌာန(ပုဂံဌာနခွဲ)
Yangon_Times/tthl
#Local_News
#Published_ 07 October 2023
#YMG #Yangon_Times #Yangon_Media_Group

၇ အောက်တိုဘာ ၂၀၂၃

ဘန်ကောက်ရှိ  Siam Paragonဈေးဝယ်စင်တာတွင် အသက် ၁၄နှစ်အရွယ်လူငယ်တစ်ဦးက သေနတ်ဖြင့်ပစ်ခတ်မှုကြောင့် သေဆုံးခဲ့ရသည့် မြန်မာအမျိုးသမီး ဒေါ်မိုးမြင့်၏ မိခင်ဖြစ်သူထံ သေနတ်သမားလူငယ်၏ ဖခင်ဖြစ်သူက ယနေ့အောက်တိုဘာ (၇)ရက် ညနေ ၆နာရီ ၄၅ မိနစ်က သွားရောက်ကာ ဒူးထောက်တောင်းပန်ခဲ့တယ်လိုထိုင်းမီဒီယာတွေကသတင်းတွေဖော်ပြခဲ့ပါတယ်။ ဒေါ်မိုးမြင့်၏မိခင်ဖြစ်သူထံ လူမှုကူညီငွေကို စာအိတ်ဖြင့်ထည့်၍ ပေးခဲ့သော်လည်း မိခင်ဖြစ်သူက လက်မခံခဲ့လို့သိရပါတယ်။ မိခင်ဖြစ်သူက “ သူမအနေနှင့်စိတ်ဆိုး၍မဟုတ်ကြောင်း၊ စာအိတ်ထဲက ပိုက်ဆံတွေကို သူ့သမီးရဲ့အသက်တန်ဖိုးနှင့် နှိုင်း ယှဉ်၍မရပါကြောင်းပြောဆိုခဲ့တယ်လို့ သတင်းတွေမှာဖော်ပြထားပါတယ်။

Source: Sanook

#Daily_News
Published_ 07 October 2023

၁။ ကြိမ်ထည်လက်ရာ ကန်တော့ခြင်းများ ရောင်းအားသွက်နေ၊ မနှစ်ကဈေးနှင့် ရာဂဏန်းသာကွာဟုဆို

၂။ CMPလုပ်ငန်းများရှိ လုပ်သားများကို အနည်းဆုံးအခကြေးငွေအပြင် အပိုထောက်ပံကြေး ၁၀၀၀ကျပ် ထပ်မံခံစားခွင့်ပြု

၃။ ဗုဒ္ဓဂါယာ ခရီးသွားလာမှု ယမာန်နှစ်ကထက် ပိုများလာပြီး ဗုဒ္ဓဂါယာခရီးစဉ် ၈၀ရာခိုင်နှုန်းအထိရောင်းချထား

၄။ အမေရိကန် ကောလိပ်ကျောင်းသားများ ကျောင်းစရိတ်အကြွေးပေးနိုင်ရန် အချိန်ပိုင်းအလုပ်လုပ်ကိုင်နေရ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG