#Local_News
Published_ 28 April 2023
တာချီလိတ်မြို့နယ်အတွင်းမှာ အသက် ၂၇နှစ်အရွယ် အမျိုးသားတစ်ဦး ဦးနှောက်သွေးကြောပျက်ပြီး သေဆုံးမှုဖြစ်ပွားခဲ့တယ်လို့ ဦးလှမိုး(တာချီလိတ်)လူမှုကူညီရေးအသင်းထံက သိရသည်။
ဧပြီလ ၂၈ရက်နေ့ နံနက် ၉ နာရီအချိန်က တာချီလိတ်မြို့၊ ဆန်ဆိုင်း-ဝမ်မိုင်ရပ်ကွက်နေ အသက် ၂၇နှစ်အရွယ်ရှိ ကိုထွန်းထွန်းဦးသည် ရုတ်တရက် မူးလဲကာ သတိလစ်သွားခဲ့ကြောင်း သိရသည်။
"တစ်ညလုံး ပန်ကာဖွင့်ပြီး အိပ်တာလို့ သိရပါတယ်၊ ပြီးတော့ ရုတ်တရက် မူးလဲပြီး သတိလစ်သွားလို့ အရေးပေါ်ပို့ဆောင်စဉ်မှာ ဦးနှောက်သွေးကြောပျက်ပြီး သေဆုံးနေပြီဖြစ်ပါတယ်"လို့ အသင်းက တာဝန်ရှိသူတစ်ဦးကပြောသည်။
အဆိုပါအမျိုးသားသည် ရုတ်တရက်မူးလဲကာ သတိလစ်သွားတာကြောင့် ဆေးရုံသို့ အရေးပေါ်ပို့ဆောင်ခဲ့စဉ် ဆေးရုံရောက်ရောက်ချင်း ဆရာဝန်ရဲ့ စစ်ဆေးချက်အရ လူနာမှာ ဦးနှောက်သွေးကြောပျက်ပြီး သေဆုံးနေပြီဖြစ်ကြောင်းသိရသည်။
#ymg/ppk #Local_News #တာချီလိတ် #ဦးနှောက်သွေးကြောပျက်
#YMG #Yangon-Media-Group
- Category: Myanmar
- Hits: 394
#Local_News
Published_ 28 April 2023
ဗဟိုဘဏ်မှ နိုင်ငံခြားငွေလဲနှုန်းက အမေရိကန်တစ်ဒေါ်လာ ကျပ် ၂၁၀၀ သတ်မှတ်ထားပြီး ပြင်ပငွေကြေးဈေးကွက်အတွင်း အမေရိကန် တစ်ဒေါ်လာ ၂၈၇၀ ကျပ် ဝန်းကျင်ဖြင့် အရောင်းအဝယ်အေးနေကြောင်း သိရသည်။
ပြည်တွင်းအမေရိကန်ဒေါ်လာလဲလှယ်နှုန်းသည် မတ်လနောက်ဆုံးအပါတ်တွင် ဒေါ်လာအကျဘက်သို့ ဦးတည်လာပြီး သင်္ကြန်ကာလပြီးနောက်ပိုင်းတွင်လည်း တစ်ဒေါ်လာကို ကျပ် ၂၈၆၀ မှ ၂၈၇၀ ကြား ဝန်းကျင်တွင်ရှိကြောင်း သိရသည်။
ပြင်ပငွေကြေးဈေးကွက်အတွင်း အခြားနိုင်ငံခြားငွေကြေးလဲလှယ်မှုနှုန်းထားတွေမှာ ယူရို ၃၁၀၅ ကျပ်၊ စင်ကာပူ ဒေါ်လာ ၂၁၅၀ ကျပ်၊ မလေးရှားရင်းဂစ် ကျပ် ၆၅၀ ၊ ထိုင်းဘတ်ကျပ် ၈၄.၁၀ ၊ တရုတ်ယွမ် ၄၁၄ ကျပ်၊ ဂျပန်ယန်း ၂၂.၂၀ကျပ် ဖြစ်ကြောင်း သိရသည်။
#ymg/ppk #Local_News #အမေရိကန်ဒေါ်လာ #အရောင်းအဝယ်အေးနေ
#YMG #Yangon-Media-Group
- Category: Myanmar
- Hits: 204
#Local_News
Published-28 April 2023
မန္တလေးတိုင်းဒေသကြီး ပြင်ဦးလွင်မြို့၊ ပဒေသာမြို့သစ်၊ စံပါယ်လမ်းအတက်၊ မြို့ရှောင်လမ်း အရှေ့ဘက် ခြံဝန်းလွတ် စည်းရိုးစပ်တစ်နေရာတွင် သေဆုံးနေချိန်ကြာနေပြီဖြစ်သည့် အမျိုးသားအလောင်းကို တွေ့ရှိခဲ့ရကြောင်း သန္တိသုခ အခမဲ့လူမှုကူညီရေးအသင်းက သိရသည်။
ပြီးခဲ့သည့် ဧပြီလ(၂၇)ရက် ညနေ ၃ နာရီခွဲအချိန်ခန့်က အဆိုပါ သေဆုံးနေသည့် အမျိုးသားအလောင်းတစ်လောင်းတွေ့ရှိခဲ့ရခြင်း ဖြစ်ကြောင်း ၊ သေဆုံးသူမှာ ပဒေသာမြို့သစ်၊ ရပ်ကွက်ကြီး(၈)၌ နေထိုင်သော အသက် ၄၈ အရွယ်ရှိ အမျိုးသားတစ်ဦး ဖြစ်ကြောင်းလည်း သိရသည်။
ယင်းကြောင့် အဆိုပါ သေဆုံးချိန်မှာ ကြာမြင့်နေပြီဖြစ်သော သေဆုံးသူ ရုပ်အလောင်းကို သန္တိသုခ အခမဲ့လူမှုကူညီရေးအသင်းက ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
#ymg/pl #Local_News #ပြင်ဦးလွင် # မြို့ရှောင်လမ်း
#YMG #Yangon_Media_Group
- Category: Myanmar
- Hits: 182
#Local_News
Published_ 28 April 2023
လာမည့်မေလ၊ ဇွန်လနှင့် ဇူလိုင်လအတွင်း အယ်လ်နီညိုကြောင့် ရာသီဥတုပူပြင်းခြောက်သွေ့ပြီး မူမမှန်သည့်ရာသီဥတုဖြစ်စဉ်များဖြစ်ပေါ်မည်ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ ဧပြီ(၂၈)ရက်တွင် ထုတ်ပြန်သည်၊၊
ထုတ်ပြန်ချက်တွင် အီကွေတာအနီးရှိ အပူပိုင်းပစိဖိတ်သမုဒ္ဒရာ (Tropical Pacific Ocean) ၏ ပင်လယ်ရေမျက်နှာပြင်အပူချိန်နှင့် လေထုဖြစ်စဉ်များမှာပုံမှန်အခြေအနေတွင် ရှိနေကြောင်း၊နိုင်ငံတကာမိုးလေဝသဌာနများ၏ သင်္ချာပုံစံပြုမော်ဒယ်များခန့်မှန်းချက်အရမေလ၊ ဇွန်လနှင့် ဇူလိုင်လအတွင်းအားအနည်းငယ်ရှိသော အယ်လ်နီညိုအခြေအနေသို့ ရောက်ရှိနိုင်သည်ဟုခန့်မှန်းထားသည် ဟုဆိုသည်၊၊
အယ်လ်နီညိုဖြစ်စဉ်သည် ပစိဖိတ်သမုဒ္ဒရာတွင် ဖြစ်ပေါ်သည့်ဖြစ်စဉ် ဖြစ်သော်လည်း အဆိုပါ အယ်လ်နီညိုဖြစ်စဉ်ကြောင့် အကျိုးသက်ရောက်မှုမှာ ယေဘုယျအားဖြင့် မိုးရွာသွန်းမှုပုံစံမူမမှန်ခြင်း၊ အပူချိန်မြင့်မားခြင်း၊ မုန်တိုင်းဖြစ်ပေါ်မှု မူမမှန်ခြင်းစသည့် ရာသီဥတုဖြစ်စဉ်များ ဖြစ်ပေါ်လေ့ရှိသည်ဟု ဖော်ပြထားသည်၊၊
အယ်လ်နီညိုဖြစ်ပေါ်မှုနှင့် ပတ်သက်သည့် အခြေအနေများအား အချိန်နှင့်တပြေးညီ ဆက်လက်ထုတ်ပြန်ပေးပို့သွားမည်ဖြစ်ပြီး အယ်နီညိုသည် အလွန်အမင်းပူပြင်းခြင်း၊ မိုးသည်းထန်ခြင်း၊မိုးခေါင်ခြင်း၊ မုန်တိုင်းနှင့်လေဆင်နှာမောင်းစသည့် သဘာဝဘေးများကိုဖြစ်ပေါ်နိုင်သည့်ရာသီဥတုဖြစ်စဉ်တစ်ခုဖြစ်၍ သတိပြုနေထိုင်ကြရန်လိုအပ်ကြောင်း သိရသည်၊၊
#ymg/tthl #Local_News #မေလ #ဇွန်လ #ဇူလိုင်လ #အယ်လ်နီညို
#YMG #Yangon_Media_Group
- Category: Myanmar
- Hits: 201
#Local_News
Published-28 April 2023
မွန်ပြည်နယ်၊ သထုံမြို့နယ်၊ ဆင်ဖြူကျွန်းကျေးရွာတွင် အသက် ၃၇နှစ်အရွယ် အမျိုးသား ၁ ဦး ဧပြီလ ၂၇ရ က်က လယ်ကွင်းထဲ၌ရှိနေစဉ် မိုးကြိုးပစ်ခံရပြီး သေဆုံးမှုဖြစ်ခဲ့ကြောင်း အဖြူရောင်နှလုံးသားပရဟိတအရေးပေါ် လူမှုကူညီကယ်ဆယ်ရေးအသင်းက သိရသည်။
ဖြစ်စဉ်မှာ ဧပြီလ ၂၇ရက် မွန်းလွဲ ၂နာရီဝန်းကျင်ခန့်က မိုးများရွာသွန်းပြီး မိုးကြိုးများပစ်စဉ် သထုံဘူတာအနောက်ဘက် လယ်ကွင်းထဲ၌ရှိနေသည့် ဆင်ဖြူကျွန်းကျေးရွာနေ အသက် ၃၇နှစ်အရွယ်အမျိုးသား၁ဦး မိုးကြိုး ပစ်ခံရ၍ သေဆုံးခဲ့ခြင်းဖြစ်သည်။
"ဧပြီလ ၂၇ ရက် မှာ မိုးတွေလည်းရွာ၊ မိုးကြိုးတွေလည်းပစ်တဲ့အချိန်မှာ သထုံဘူတာအနောက်ဘက်က လယ်ကွင်းထဲမှာရှိနေတဲ့ အမျိုးသား မိုးကြိုးပစ်ခံရတာပါ"ဟု ယင်းပရဟိတအသင်းက သိရသည်။
မိုးကြိုးပစ်ခံရ၍ သေဆုံးသွားသူအမျိုးသား၏ ရုပ်အလောင်းကို အဖြူရောင်နှလုံးသားပရဟိတအရေးပေါ် လူမှုကူညီကယ်ဆယ်ရေးအဖွဲ့မှ သထုံခရိုင်ပြည်သူ့ဆေးကြီး ရင်ခွဲရုံသို့ပို့ဆောင်ပေးခဲ့ကြောင်းလည်း သိရသည်။
#ymg/pl #Local_News #ဆင်ဖြူကျွန်းကျေးရွာ #မိုးကြိုးပစ်ခံရ
#YMG #Yangon-Media-Group
- Category: Myanmar
- Hits: 170
#Local_News
Published_ 28 April 2023
ရန်ကုန်တိုင်း မင်္ဂလာတောင်ညွန့်မြိုနယ် ကျီတော်ရပ်ကွက် မဟာဘောဂလမ်းတွင် မိသားစုဝင် ၄ ဦး နေအိမ်တိုက်ခန်းအတွင်း မီးပြတ်နေချိန် အပူချိန်များပြီး ချွေးထွက်လွန် မူးမေ့မှု ဖြစ်ပွားခဲ့တယ်လို့ လောကဟိတာဝဟလူမှုကူညီရေးအဖွဲ့ (ကျီတော်)မှ သိရသည်။
ဧပြီလ ၂၈ ရက်နေ့ နံနက် ၁ နာရီခွဲ အချိန်ခန့်က နေအိမ်တိုက်ခန်းအတွင်း မီးပြတ်နေချိန် ရာသီဥတုအပူဒဏ်ကြောင့် အသက် ၆၅ နှစ်အရွယ် အမျိုးသားတစ်ဦး၊ အသက် ၄၀ နှစ်အရွယ် အမျိုးသမီးတစ်ဦး၊ အသက် ၃၁ နှစ် အရွယ် အမျိုးသမီးတစ်ဦးနှင့် အသက် ၇ နှစ်အရွယ် မိန်းကလေးတစ်ဦးတို့သည် ချွေးထွက်လွန်ကာ သတိလစ်သည့် ဝေဒနာများခံစားနေရကြောင်း အကူညီ တောင်းခံလာကြောင်း သိရသည်။
ကျီတော် လူမှုကူညီရေးအဖွဲ့မှ လူနာတင်ယာဉ်နှစ်စီးအင်အားငါးယောက်တို့ဖြင့် ရန်ကုန်ဆေးရုံကြီးအရေးပေါ်သို့ မပိုဆောင်မှီ လူနာများ သတိရစေရန်မြေပြင်ရှေးဦးသူနာပြု လုပ်ငန်းစဉ်များလုပ်ဆောင်ခြင်း၊ ရေပတ်ဝတ်တိုက်ခြင်းများဆောင်ရွက်ပြီးနောက် ပို့ဆောင်ခဲ့ကြောင်း သိရသည်။
အဆိုပါ ဖြစ်စဉ်မှ ခလေးငယ်အား ခလေးဆေးရုံလွှဲပြောင်းပါ၍ ပို့ဆောင်ကူညီပြီး အခြေအနေကောင်းလာလို့ ပြန်လည်ခေါ်ဆောင်ခဲ့တယ်လို့ ကျန်သူတွေကို စောင့်ကြည့်ကုသနေပါသည်။
ပြည်သူများ နေအိမ်တိုက်ခန်းနေထိုင်ပါက လေဝင်လေထွက် ကောင်းကောင်းရသော နေရာများ နေကြပါရန် လောကဟိတာဝဟလူမှုကူညီရေးအဖွဲ့(ကျီတော်) အသိပေးနှိုးဆော်ထားကြောင်း သိရသည်။
#ymg/ppk
#Yangon-Media-Group
- Category: Myanmar
- Hits: 226
#Local_News
Published_ 27 April 2023
ရှမ်းပြည်မြောက်ပိုင်း မူဆယ်မြို့မှာဘိန်းဖြူဘလောက်တုန်းတွေ မြန်မာငွေသိန်း ၁၃၂၀ ဖိုးလောက်ဖမ်းမိခဲ့တယ်လို့ ရဲတပ်ဖွဲ့က ထုတ်ပြန်ပါတယ်။
#Local_News #မူဆယ် #ဘိန်းဖြူဘလောက်တုံး #ဖမ်းဆီးရမိ
#YMG #Yangon_Media_Group
- Category: Myanmar
- Hits: 250