#Local_News
Published_28 Dec 2023

၂ဝ၂၄ ခုနှစ်အတွက် ပြည်ပမှမော်တော်ယာဉ်တင်သွင်းရာတွင်ထုတ်လုပ်သည့်ခုနှစ်ကို သတ်မှတ်လိုက်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ထုတ်ပြန်လိုက်သည်။

ထုတ်ပြန်ချက်တွင် ပို့ကုန်သွင်းကုန်ဥပဒေပုဒ်မ ၁၃ ပုဒ်မခွဲ (ခ)အရ အပ်နှင်းထားသော လုပ်ပိုင်ခွင့်ကိုကျင့်သုံး၍ အဆိုပါ အမိန့်ကြော်ငြာစာကို ထုတ်ပြန်လိုက်ခြင်းဖြစ်ကြောင်း ဖော်ပြထားသည်။

ပြည်ပမှမော်တော်ယာဉ်တင်သွင်းခြင်းတွင် ထုတ်လုပ်သည့်ခုနှစ် သတ်မှတ်သည့် အမိန့်ကြော်ငြာစာတွင် လူစီး မော်တော်ယာဉ်များကို (၂၀၂၃ ခုနှစ်မှ ၂၀၂၄ ခုနှစ်အထိ)လည်းကောင်း၊ လုပ်ငန်းသုံးယာဉ်များ (ကုန်တင်ယာဉ်-ခရီးသည်တင်ယာဉ်) ကို (၂၀၂၀ ခုနှစ်မှ ၂၀၂၄ ခုနှစ်အထိ) လည်းကောင်း၊ မီးသတ်ယာဉ်၊ လူနာတင်ယာဉ်များကို (၂၀၁၅ ခုနှစ်မှ ၂၀၂၄ ခုနှစ်အထိ) လည်းကောင်း၊ ယန္တရားများ (၂၀၁၅ ခုနှစ်မှ ၂၀၂၄ ခုနှစ်အထိ) စသည့် မော်ဒယ် များ အဖြစ် လည်းကောင်း သတ်မှတ်ကာ တင်သွင်းသည့် မော်တော်ယာဉ်အားလုံး လက်ဝဲစ တီယာရင် ယာဉ်များဖြစ်ရန်လိုကြောင်း သိရသည်။

အများပြည်သူသုံးလမ်းများပေါ်တွင် မောင်းနှင်အသုံးပြုခြင်းမရှိသည့် လုပ်ငန်းသုံးယန္တရားများကို လွန်ခဲ့သော (၁၅) နှစ်အတွင်း ထုတ်လုပ်သည့်ယာဉ် ( ၂၀၁၀ ခုနှစ်နှင့်အထက် ထုတ်လုပ်သောယာဉ်) များအဖြစ် တင်သွင်း ခွင့်ပြုမည် ဖြစ်ကြောင်းလည်း သိရသည်။

ယင်းမှာလုပ်ထုံးလုပ်နည်းအရ ပြက္ခဒိန်နှစ်အလိုက် နှစ်စဉ်တင်သွင်းခွင့်ပြုသည့် မော်တော်ယာဉ်ထုတ်လုပ်ခုနှစ် သတ်မှတ်ချက်ကို ပုံမှန်ထုတ်ပြန်ခြင်းသာဖြစ်ပြီး မော်တော်ယာဉ် တင်သွင်းမှုနှင့် ပတ်သက်၍ လက်ရှိချမှတ် ဆောင်ရွက်နေသည့် မူဝါဒများ ပြောင်းလဲခြင်း မပြုဘဲ ဆက်လက်ကျင့်သုံး လျက်ရှိကြောင်း သိရသည်။

#Local_News #ပြည်ပမှမော်တော်ယာဉ်တင်သွင်းရန် #Yangon_Times/PP

#Daily_News
Published 27 December 2023

၁။ ယခုနှစ်အတွင်း ပြည်ပခရီးသွား ၁.၁သန်းကျော် ဝင်ရောက်ထား ပြီးတရုတ်နှင့် ထိုင်းအများဆုံးဝင်ရောက်

၂။ ကုန်အဝင် အလွန်နည်းလာသဖြင့် ထန်းလျက်ဈေး မြင့်တတ်လာ

၃။ တစ်ပတ်တာအတွင်း စက်သုံးဆီ တစ်လီတာကို ကျပ် ၃၀၀ကျော် အထိ မြင့်တက်လာ

၄။ အမေရိကန်တွင် တစ်နှစ်အတွင်း သေနတ်ပစ်ခတ်မှု ၆၄၅ ကြိမ်ရှိခဲ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

' ဟဲဟိုး-ရွှေညောင်ရထားလမ်းပိုင်းက လွန်ခဲ့တဲ့ နှစ်၁၀၀လောက်က ဘဝသံသရာတံတားပုံစံ တောင်ကြီး-ပေါမူ လမ်းပိုင်းမှာ ပြုလုပ်ထားပါတယ်၊ ထီသိမ်အဝိုင်းပတ် (ဘဝသံသရာ တံတား)ကို အပေါ်စီးက ကြည့်ရှုနိုင်မှာပါ။ လက်ရှိတော့ဒေသခံနဲ့ ပြည်တွင်းခရီးသွားတွေပဲ လာပါသေးတယ်၊နောက်ပိုင်းဆိုရင်‌တော့ ပြည်ပခရီးသွားတွေလာကြမှာပါ၊
Yangon_Times/NN
#Published 27 December 2023
#YMG_News #Yangon_Times #Yangon_Media_Group

ဆင်းရဲနွမ်းပါးမှု လျော့ကျစေရန်ရည်ရွယ်ပြီး တပိုင်တနိုင် စိုက်ပျိုးထုတ်လုပ်နိုင်ရန်အတွက် အခုလိုသင်တန်းတွေ ပို့ချ ပေးတာဖြစ်တယ် လာမယ့် ၂၀၂၄ ခုနှစ် ဇန်န၀ါရီ ၁၇ရက်မှ ၂၃ ရက်အထိ ပဲခူးမြို့ရှိ ဘက်စုံစိုက်ပျိုးမွေးမြူရေး စခန်း (၁၀)မိုင် သင်တန်းကျောင်းမှာ ဖွင့်လှစ်မှာ ဖြစ်ပါတယ်။
Yangon_Time/LW
Published 27 December 2023
#Local_News
#Yangon_Times #YMG_News #Yangon_Media_Group

Published 27 December 2023

ထာဝရဝိန့်စိန်နှင့် မသက်သက်မာ ပြန်လည်အဆင်ပြေပြီးနောက် ၀ိန့်စိန်နှင့် မသက်သက်မာတို့ စုပေါင်းလှူဒါန်းသည့် ငြိမ်းချမ်းရေးနဂါးရုံစေတီကို ယနေ့ဒီဇင်ဘာ ၂၇ ရက်တွင် အုတ်မြစ်ချလှူဒါန်းကြောင်း ထာဝရဝိန့်စိန် စိန်‌ရတနာ‌ရွှေဆိုင်မှ သိရသည်။

ထာဝရဝိန့်စိန်နှင့် မသက်သက်မာတို့သည် ကားကံစမ်းမဲဖောက်ရင်း အငြင်းပွားမှုအချို့ရှိခဲ့ရာမှ နှစ်ဦး နှစ်ဖက် ညှိနှိုင်းမှုများ ရက်အတန်ကြာပြုလုပ်ခဲ့ပြီးနောက် အဆင်ပြေသွားခဲ့ခြင်းဖြစ်သည်။

နှစ်ဦးနှစ်ဖက်ညှိနှိုင်းမှုများတွင် ထာဝရဝိန့်စိန်မှ မသက်သက်မာအား ကျပ်သိန်း၃၇၀ နစ်နာကြေးပေးခဲ့ခြင်းဖြစ်ပြီး မသက်သက်မာမှ ရရှိသောနစ်နာကြေးကို ဘုရားတည်သွားမည်ဆို‌သောကြောင့် ထာဝရဝိန့်စိန်မှ ဘုရားတည်ရန် အတွက် လိုအပ်သော ငွေကြေးများထပ်မံပေးအပ်ကာ စုစုပေါင်း ကျပ်သိန်း၅၀၀ဖြင့် မသက်သက်မာနှင့် ဝိန့်စိန် ဖောက်သည်များ​အမည်ဖြင့် ဘုရားတစ်ဆူတည်မည်ဖြစ်ကြောင်း သိရသည်။
Yangon_Time/LW
Published 27 December 2023
#Local_News
#Yangon_Times #YMG_News #Yangon_Media_Group

ပြည်တွင်းမှာအသုံးပြုတဲ့ စက်သုံးဆီတွေကို စင်ကာပူနိုင်ငံကနေ အဓိကတင်သွင်းနေတာဖြစ်ပြီး တစ်ပတ်တာအတွင်း စင်ကာပူစက်သုံးဆီဈေးနှုန်းတွေက အမျိုးအစားအလိုက် တစ်ဘာရယ်ကို ၃ဒေါ်လာကျော် ဝန်းကျင်အထိ ကျဆင်းနေပေမယ့် ရန်ကုန်စက်သုံးဆီဈေးနှုန်းတွေက အမျိုးအစားအလိုက် တစ်လီတာကို ၁၁၅ကျပ်ကနေ ၃၂၅ကျပ်အထိဈေးနှုန်းမြင့်တက်နေတယ်။
Yangon_Time/NN
Published 27 December 2023
#Local_News
#Yangon_Times #YMG_News #Yangon_Media_Group