#Local_News
Published_ 23 Aug 2022

တောင်ကိုရီးယားနိုင်ငံသို့ တရားဝင် မြန်မာလုပ်သားသစ် ၁၄၉ ဦး ဒီကနေ့ သြဂုတ် ၂၃ ရက်တွင် ထပ်မံရောက်ရှိလာကြောင်း ဆိုးလ်မြို့ရှိ မြန်မာသံရုံးက သတင်းထုတ်ပြန် ထားပါတယ်။

အဆိုပါ လုပ်သားများအနက် လုပ်သားသစ် ၁၀ ဦးမှာ စိုက်ပျိုးရေးနှင့် မွေးမြူရေး လုပ်သားအဖြစ်အသစ်ဝင်ရောက် လုပ်ကိုင်ကြမည်ဖြစ်ပြီး လုပ်သားသစ် ၁၃၉ ဦးမှာ ကုန်ထုတ်လုပ်သားအဖြစ် အသစ်ဝင်ရောက် လုပ်ကိုင်ကြမည်ဖြစ်တယ်လို့ ဆိုပါတယ်။

မြန်မာလုပ်သားများကို တောင်ကိုရီးယားအစိုးရက တရားဝင်ပြန်လည် ခေါ်ယူလျှက်ရှိရာ ပြီးခဲ့သည့် ဩဂုတ် ၁၈ ရက်ကလည်း မြန်မာလုပ်သား ၁၆၈ ဦး စေလွှတ်ခဲ့ ရပြီး ဩဂုတ်လအတွင်း မြန်မာလုပ်သား ၉၀၀ ကျော် စေလွှတ်ခဲ့ပြီး ဖြစ်ပါတယ်။

ygm_mnn
#Yangon_Media_Group

#Local_News
Published-23 August 2022

ပြည်တွင်းစက်သုံးဆီဈေးနှုန်း ၉၂ ၊ ၉၅ နှင့် ၉၇ ဈေးနှုန်းများယခင်နေ့ထက်ကျဆင်းလာပြီး ကျန်စက်သုံးဆီဈေးနှုန်းများမှာ မြင့်တက်နေကြောင်း စက်သုံးဆီအရောင်းဆိုင်များ၏ ဈေးနှုန်းများအရ သိရသည်။

သြဂုတ် ၂၂ ရက်နေ့တွင် 92 တစ်လီတာလျှင် ၂၄၀၀ ကျပ် ရှိခဲ့ပြီး ယနေ့တွင် ၂၃၉၀ ကျပ်၊ ၉၅ တစ်လီတာဈေး ၂၄၉၀ ကျပ်ရှိခဲ့ရာမှ ယနေ့တွင် ၂၄၈၀ ကျပ်၊ ၉၇ တစ်လီတာဈေးမှာ ၂၃၃၅ ကျပ်ရှိကြောင်း သိရသည်။

ယင်းအပြင် သြဂုတ် ၂၂ ရက်နေ့တွင် ဒီဇယ်တစ်လီတာလျှင် ၂၈၂၀ ကျပ်၊ ပရီမီယံဒီဇယ်တစ်လီတာလျှင် ၂၈၉၅ ကျပ်ရှိခဲ့ရာမှ ယနေ့တွင်(သြဂုတ်လ ၂၃ ရက်) ဒီဇယ်တစ်လီတာလျှင် ၂၈၆၅ ကျပ်၊ ပရီမီယံဒီဇယ်တစ်လီတာလျှင် ၂၉၄၀ ကျပ်အထိ မြင့်တက်လာကြောင်း သိရသည်။

ရန်ကုန်မြို့နှင့် မန္တလေးမြို့တို့တွင် ရည်ညွှန်းလက်ကားဈေးနှုန်းများနှင့် နေပြည်တော်၊ တိုင်းဒေသကြီးနှင့် ပြည်နယ်များတွင် ရည်ညွှန်းလက်လီဈေးနှုန်းများဖြင့်လည်း ရောင်းချပေးနေကြောင်း စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်မှုကော်မတီမှ သိရသည်။

Ymg/STH
#Yangon_Media_Group

#Local_News
Published - 23 August 2022

ပြီးခဲ့သည့် ဇူလိုင်လတစ်လအတွင်း ငါးတန်ချိန်ပေါင်း ၂၄၀၀၀ ကျော် ပြည်ပသို့တင်ပို့ခဲ့ပြီး ပို့ကုန်ဝင်ငွေ အမေရိကန်ဒေါ်လာ ၂၈ သန်းကျော် ရရှိခဲ့ကြောင်း စီးပွာရေးနှင့်ကူးသန်းရောင်းဝယ်ရေးဝန်ကြီးဌာန၏ စာရင်းများအရ သိရသည်။

ဇူလိုင်လအတွင်း တင်ပို့ခဲ့သည့် အဓိကပို့ကုန် ၁၀ မျိုးတွင် ငါးတင်ပို့မှုသည် တတိယနေရာမှာရှိခဲ့ပြီး အထည်ချုပ်ပြီးတင်ပို့မှုမှာ ပထမနေရာနှင့် သဘာဝဓာတ်ငွေ့တင်ပို့မှုသည် ဒုတိယနေရာတွင်ရှိခဲ့ကြောင်း သိရသည်။

ယင်းအပြင် လျှပ်စစ်မီးအခက်အခဲ၊ ဒီဇယ်ဆီဈေးနှုန်း ကြီးမြင့်မှု၊ ကုန်သွယ်ရေးနှင့်ငွေကြေးမူဝါဒ အပြောင်းအလဲ၊ ငါးကုန်ကြမ်းရရှိမှု အခက်အခဲများကြောင့် ငါးအပါအဝင် ရေထွက်ကုန်တင်ပို့မှု ဆက်တိုက်လျော့ကျခဲ့သော်လည်း ဇွန်နှင့်ဇူလိုင်လတွင်တင်ပို့မှု ပြန်လည်မြင့်တက်ခဲ့ကြောင်း သိရသည်။

ဇွန်လအတွင်း တင်ပို့ခဲ့သည့် ငါးပမာဏသည် တန်ချိန်ပေါင်း ၁၇၀၀၀ ကျော်၊ တန်ဖိုးအားဖြင့် အမေရိကန်ဒေါ်လာ ၂၁ သန်းနီးပါးသာရှိခဲ့သည့်အတွက် ဇူလိုင်လ တင်ပို့မှုပမာဏသည် ဇွန်လထက် အမေရိကန်ဒေါ်လာ ၇ သန်းနီးပါး ပို့ခဲ့ကြောင်း သိရသည်။

ပင်လယ်ရေကြောင်း ကုန်သွယ်မှုလမ်းကြောင်းမှ အမေရိကန်ဒေါ်လာ ၄၈ သန်းကျော် တန်ဖိုးရှိသည့် ရေထွက်ကုန်တန်ချိန်ပေါင်း ၃၃၀၀၀ ကျော် တင်ပို့ခဲ့ ခြင်းဖြစ်ပြီး နယ်စပ်ကုန်သွယ်ရေးလမ်းကြောင်းမှ အမေရိကန်ဒေါ်လာ ၄၃ သန်းကျော် တန်ဖိုးရှိသည့် ရေထွက်ကုန် တန်ချိန်ပေါင်း ၄၇၀၀၀ ကျော်တင်ပို့ခဲ့ခြင်းဖြစ်ကြောင်း သိရသည်။

ယင်းအပြင် တင်ပို့ခဲ့သည့် ရေထွက်ကုန်အမျိုးအစားမှာ ငါးတံခွန်၊ ငါးမြစ်ချင်း၊ ငါးသလောက်၊ ရွှေငါးနှင့် ငါးရှဉ့်အရှင် အစရှိသည့် ရေထွက်ကုန်ပစ္စည်းများကို ထိုင်း၊ တရုတ်၊ ဆော်ဒီအာရေးဗျ၊ ဂျပန်၊ စင်ကာကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စာရင်းများအရ သိရသည်။ ယူအေအီး၊ ဘင်္ဂလားဒေ့ရှ်၊ ဗြိတိန်စသည့် နိုင်ငံများကို တင်ပို့ခဲ့ကြောင်း သိရသည်။

ymg/sth
#Yangon_Media_Group

#Local_News
Published-22 August 2022

ပြီးခဲ့သည့် ၂၀၁၉-၂၀၂၀ ကြံစိုက်ရာသီတွင် ကြံတစ်တန်ပေါက်ဈေးမှာ ငွေကျပ် ၄၀၀၀၀ ဝန်းကျင်ရှိခဲ့ပြီး လာမည့်ကြံရာသီတွင် ကြံတစ်တန်ကို ၈၀၀၀၀ အထိဈေးဖွင့်ထားကြောင်း သိရသည်။

ယခင်က ကြံတစ်တန်ပေါက်ဈေးကို ကြံစိုက်ရာသီစတင်မှသာ ဈေးကိုသတ်မှတ်ခြင်းဖြစ်ပြီး နောက်လာမည့် ကြံစိုက်ရာသီ ၂၀၂၃-၂၀၂၄ တွင်ကြံစိုက်ဧကသစ်များကို တစ်ဧကလျှင် ငွေကျပ် နှစ်သိန်း စိုက်ပျိုးစရိတ်အဖြစ် ထောက်ပံ့ပေးသွားမည်ဖြစ်ကြောင်း သိရသည်။

၂၀၂၁-၂၀၂၂ ကြံရာသီတွင် သကြားတန်ချိန် လေးသိန်းကျော်ထွက်ခဲ့ပြီး ပြည်တွင်းစားသုံးမှုများခဲ့သည့်အတွက် ဗီယက်နမ်သို့ တန်ချိန် လေးသောင်းဝန်ကျင်သာ တင်ပို့နိုင်ခဲ့ကြောင်း သိရသည်။ ယခုနှစ်ကြံရာသီတွင် သကြားတန်ချိန် ၄၅၀၀၀၀ ထွက်ရှိပြီး ပြည်တွင်းစားသုံးမှုအတွက် ပြည်ပသို့ သကြားတင်ပို့မှုလျှော့ချ၍ တင်ပို့ခဲ့ကြောင်းသိရသည်။

ယင်းအပြင် ကြံစိုက်ပျိုးထုတ်လုပ်မှုအတွက် အဓိကအားဖြင့် သွင်းအားစုလိုအပ်နေပြီး ဒီဇယ်၊ ဓာတ်မြေသြဇာကို သီးသန့်ပံ့ပိုးပေးနိုင်ပါက ယခုထက် ထုတ်လုပ်မှုပိုတိုးလာနိုင်ကြောင်း၊ လက်ရှိပြည်တွင်းသကြားဈေးကွက်မှာ ၂၁၃၀ မှ ၂၁၅၀ ထိရှိကြောင်းသိရသည်။

မြန်မာနိုင်ငံမှ ထွက်ရှိသည့် သကြားကို ဗီယက်နမ်နိုင်ငံသို့ အဓိကတင်ပို့ပြီး လက်ရှိတွင် အဆိုပါနိုင်ငံမှ မြန်မာအပါအဝင် အာရှနိုင်ငံ (၅) နိုင်ငံကို ၂၀၂၆ ခုနှစ် ဇွန်လ (၁၅) ရက်အထိ အခွန်စည်းကြပ်သွားမည်ဖြစ်ကြောင်းသိရသည်။

Ymg/STH
#Yangon_Media_Group

#Local_News
Published_ 23 Aug 2022

အစိုးရအဖွဲ့ ပြင်ဆင်ဖွဲ့စည်းမှုသည် ဦးတည်ချက်နှင့် ရှေ့လုပ်ငန်းစဉ်များ အရှိန်အဟုန်ဖြင့် အကောင်အထည်ဖော်နိုင်ရန်ဖြစ်ကြောင်း ပြည်ထောင်စုအစိုးရအဖွဲ့ အစည်းအဝေးတွင်နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြားခဲ့ပါတယ်။

နစကဥက္ကဋ္ဌက အမှာစကား ပြောကြားရာတွင် အစိုးရအဖွဲ့ ပြင်ဆင်ဖွဲ့စည်းပြီး ပထမဆုံးအကြိမ် ကျင်းပပြုလုပ်သည့် အစည်းအဝေးဖြစ်ကြောင်း၊ မိမိတို့အနေဖြင့် ၂၀၂၁ ခုနှစ် နိုင်ငံတော်တာဝန်စတင် ထမ်းဆောင်ချိန်မှစ၍ အစိုးရအဖွဲ့ကိုစတင် ဖွဲ့စည်းခဲ့ရာတွင် နိုင်ငံရေးပါတီများမှ ပုဂ္ဂိုလ်များ၊ အငြိမ်းစားဝန်ထမ်းများနှင့် တာဝန်ထမ်းဆောင်နေဆဲ နိုင်ငံ့ဝန်ထမ်းအကြီးအကဲများ ပါဝင်ဖွဲ့စည်း၍ အစိုးရတစ်ရပ်၏ လုပ်ငန်းများပြန်လည် လည်ပတ်နိုင်ရေးအတွက် ဆောင်ရွက်ခဲ့ခြင်းဖြစ်ကြောင်း ပြောကြားပါတယ်။

နိုင်ငံအတွက် လုပ်သင့်လုပ်ထိုက်သည့် ကိစ္စရပ်များဖြစ်သည့် နိုင်ငံရေး၊ စီးပွားရေး၊ လူမှုရေးနှင့် ပတ်သက်သည့် ဦးတည်ချက်များကိုချမှတ်၍ အကောင်အထည်ဖော် ဆောင်ရွက်လျက်ရှိကြောင်း၊ အဆိုပါဦးတည်ချက်များကို အကောင်အထည်ဖော်ဆောင်ရွက်ချိန်တွင်လည်း အခက်အခဲများ ဖြစ်ပေါ်ခဲ့တယ်လို့ ဆိုပါတယ်။

ကိုဗစ် ၁၉ ဒုတိယလှိုင်းဖြစ်ပွားမှုကို ကြုံတွေ့ခဲ့ရပြီး ဆေးဝါးနှင့် ဆရာဝန် အခက်အခဲများ ဖြစ်ပေါ်ခဲ့ကြောင်း၊ ဒုတိယလှိုင်းကာလအတွင်း ပိုးတွေ့လူနာ ၁၄၂,၉၄၁ ဦး ရှိခဲ့ကြောင်း၊ တတိယလှိုင်း ဖြစ်ပွားခဲ့ချိန်တွင်လည်း ရောဂါဖြစ်ပွားမှု ပိုမိုပြင်းထန်ခဲ့ပြီး ပိုးတွေ့လူနာ ၃၉၁,၃၅၃ ဦး၊ သေဆုံးသူ ၁၆,၀၉၅ ဦးရှိခဲ့ပြီး အပြင်းထန်ဆုံးကာလ ဖြစ်ခဲ့ကာ အစိုးရအဖွဲ့အနေဖြင့် အခက်အခဲများကြားမှ ကျော်ဖြတ်ခဲ့ရတယ်လို့ ဆိုပါတယ်။

စတုတ္ထလှိုင်း ဖြစ်ပွားသည့် ကာလအစမှ ယခုလ ၂၁ ရက်အထိ ပိုးတွေ့လူနာ ၇၉,၉၈၃ ဦး တွေ့ရှိခဲ့ပြီး သေဆုံးလူနာ ၁၂၇ ဦး ရှိခဲ့ကြောင်း၊ ယခင် ဒုတိယလှိုင်းနှင့် တတိယလှိုင်းကာလများထက်များစွာ ကျဆင်းသွားခဲ့ကြောင်း၊ ထိုသို့ကျဆင်းစေရန် အတွက် ပူးပေါင်းဆောင်ရွက်ပေးခဲ့သည့် ပြည်သူလူထုများနှင့် အခက်အခဲဖြစ်ပွားချိန်တွင် အကူအညီများပေးခဲ့သည့် အိမ်နီးချင်းတရုတ်နိုင်ငံနှင့် ထိုင်းနိုင်ငံနှင့် မိတ်ဆွေနိုင်ငံတို့ကြောင့်ဖြစ်ပြီး ယင်းအတွက် ကျေးဇူးတင်ရှိပါကြောင်း ပြောကြားပါတယ်။

၎င်းတို့ကူညီပေးခဲ့မှုများကြောင့် မိမိတို့နိုင်ငံရှိ ပြည်သူများ ကိုဗစ်ဖြစ်ပွားမှုမှ များစွာလျော့ပါးစေခဲ့ကြောင်း၊ အခြားနိုင်ငံများ အနေဖြင့်လည်း အထိုက်အလျောက် ကူညီမှုများရှိပါကြောင်း၊ မိမိတို့အစိုးရအနေဖြင့် အိမ်နီးချင်းနိုင်ငံများ၊ အခြားနိုင်ငံများနှင့် ငြိမ်းချမ်းစွာ အတူယှဉ်တွဲနေထိုင်ရေးမူကြီး(၅)ရပ်ဖြင့် မိတ်ဝတ်မပျက် ဆက်ဆံရေးဖြင့် ဆက်ဆံဆောင်ရွက်လျက်ရှိတယ်လို့ ဆိုပါတယ်။

ထို့ပြင် အစိုးရအဖွဲ့အား ပြင်ဆင်ဖွဲ့စည်းရာတွင် လုပ်ငန်းများ အဆင်ပြေစေရန်နှင့် လူမှန်နေရာမှန် ဖြစ်စေရန်အတွက် ပြင်ဆင်ဖွဲ့စည်းခဲ့ခြင်းဖြစ်ပြီး ယခင်ကာလများအတွင်း တာဝန်ကျေပွန်စွာ ထမ်းဆောင်ခဲ့သည့် ပြည်ထောင်စုဝန်ကြီးများနှင့် ပြည်ထောင်စုအဆင့် အကြီးအကဲများ အားလုံးကိုလည်း ကျေးဇူးတင်ရှိကြောင်း ပြောကြားခဲ့ပါတယ်။

ygm_mnn
#Yangon_Media_Group

Published_ 22 Aug 2022

ဒေသနှင့်တိုင်းရင်းသားအကျိုးကို တရားဥပဒေနှင့်အညီ တောင်းဆိုနိုင်ဖို့ တိုင်းရင်းသားကိုယ်စားလှယ်တွေအနှေင့် နိုင်ငံရေး စင်မြင့်တွင် ယခုထပ်ပိုမိုပါဝင်လာစေဖို့နှင့် အဲဒီအတွက်ကြိုတင်ပြင်ဆင်ဆောင်ရွက်သင့်တာတွေဆောင်ရွက်ဖို့ နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီးမင်းအောင်လှိုင်က ပြောပါတယ်

ပအိုဝ်းအမျိုးသား လွတ်မြောက် ရေးအဖွဲ့ချုပ် (PNLO)ဥက္ကဋ္ဌ ခွန်သူရိန်၊ လားဟူဒီမိုကရက်တစ်အစည်းအရုံး (LDU) ဥက္ကဋ္ဌ ကျောဆော်လမွန်နှင့် ရခိုင်ပြည်လွတ်မြောက်ရေးပါတီ (ALP) ဒုတိယဥက္ကဋ္ဌ စောမြရာဇာ လင်းတို ဦးဆောင်သည့် ငြိမ်းချမ်းရေး ကိုယ်စားလှယ်အဖွဲ့တွေကို ဗိုလ်ချူပ်မှူးကြီးက  ဩဂုတ် ၂၂ ရက် နံနက် ပိုင်းတွင် နေပြည်တော်၌တွေ့ဆုံ၍ ငြိမ်းချမ်းရေးဆိုင်ရာ ကိစ္စရပ်များ ဆွေးနွေးရာမှာ ထည့်သွင်းပြောခဲ့တာဖြစ်တယ်လို့ နစကရဲ့သတင်းထုတ်ပြန်ချက်အရ သိရပါတယ်

ထိုသို တွေ့ဆုံဆွေးနွေးရာတွင် နစကဥက္ကဋ္ဌက စစ်မှန်သည့် ပါတီစုံဒီမိုကရေစီစနစ် ကျင့်သုံးရေး၊ ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုတည်ဆောက် ရေးကို နိုင်ငံရေးမျှော်မှန်းချက်အဖြစ် ကြိုးပမ်းဆောင်ရွက်လျက်ရှိသည့် အခြေအနေများ၊ ဒေသနှင့်တိုင်းရင်းသားအကျိုးကို တရားဥပဒေနှင့်အညီ တောင်းဆိုဆွေးနွေးနိုင်ရေး အတွက် တိုင်းရင်းသားကိုယ်စားလှယ်များ အနေဖြင့် နိုင်ငံရေးစင်မြင့်တွင် ယခုထက် ပိုမိုပါဝင်လာရန်လိုအပ်သည့် အခြေအနေများ၊ ထိုသိုအနာဂတ်တွင် တိုင်းရင်းသားများ နိုင်ငံရေးစင်မြင့်ပေါ်သို ရောက်ရှိလာစေရေး ကြိုတင်ပြင်ဆင်ရွက်သင့်သည်များကို ဆွေးနွေးခဲ့တယ်လို့ သတင်းထုတ်ပြန်ပါတယ်

ပြည်ထောင်စုဖွား တိုင်းရင်းသားများအနေဖြင့် နိုင်ငံတော်ဖွံဖြိုးတိုးတက်ရေး အတွက် ဆိုပါကတစ်သွေးတစ်သားတည်း၊ တစ်စိတ် တစ်ဝမ်းတည်းဖြင့် စိတ်တူကိုယ်တူ သဘောတူညီစွာ အတူတကွလက်တွဲ၍ ကြိုးပမ်းဆောင်ရွက်သွားရန် လိုအပ်သည့် အခြေအနေများ၊ ဖွဲစည်းပုံအခြေခံဥပဒေ (၂၀၀၈ ခုနှစ်) နှင့် တစ်နိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူစာချုပ်(NCA)တိုကို အခြေခံ၍ ငြိမ်းချမ်းရေး လမ်းကြောင်းကို ဆက်လက်ဖော်ဆောင်သွားမည့် အခြေအနေများကို ဆွေးနွေးခဲ့တယ်လို့လည်းသိရပါတယ်

ထို့နောက် ပအိုဝ်းအမျိုးသားလွတ်မြောက်ရေး အဖွဲချုပ်(PNLO)ဥက္ကဋ္ဌ၊ လားဟူ ဒီမိုကရက်တစ် အစည်းအရုံး(LDU)ဥက္ကဋ္ဌ၊ ရခိုင်ပြည် လွတ်မြောက်ရေးပါတီ (ALP) ဒုတိယဥက္ကဋ္ဌနှင့် အဖွဲဝင်များက လက်နက်ကိုင် ပဋိပက္ခများ၊ သဘောထားကွဲလွဲမှုများဖြင့် ဒေသနှင့် တိုင်းပြည်ဖွံဖြိုးတိုးတက်ရေး တည်ဆောက်၍ မရနိုင်သည်ကို နားလည်သဘော ပေါက်ပြီး ငြိမ်းချမ်းမှုရရှိပြီး ဖွံဖြိုးတိုးတက်ရေးအတွက် ဆွေးနွေးဆောင်ရွက်သွားမည် ဖြစ်ကြောင်း ဆွေးနွေးပါတယ်။

ငြိမ်းချမ်းရေးဆွေးနွေး ဆောင်ရွက်နေချိန်တွင် ဆင်ဖြူရတနာပေါ်ထွန်း လာမှုသည် လည်း နိုင်ငံအေးချမ်းသာယာရေးနှင့် ဖွံဖြိုးတိုးတက်ရေးအတွက် အတိတ်၊ နိမိတ်ကောင်း ဖြစ်သဖြင့် အောင်မြင်အောင် ဆောင်ရွက်သွားရန် လိုအပ်သည့်အခြေအနေများ၊ ပါတီစုံဒီမိုကရေစီစနစ်ကျင့်သုံး ဆောင်ရွက်ရေး၊ ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေးနှင့် ပတ်သက်၍ သဘောထားတူညီချက် အမြင်များကို ပြန်လည်ဆွေးနွေးပြီး ဒေသဖွံဖြိုးတိုးတက်ရေး ဆွေးနွေးခဲ့ကြကြောင်း သိရှိရပါတယ်

ထို့နောက် ငြိမ်းချမ်းရေးဆိုင်ရာကိစ္စရပ်များ၊ ဒေသဖွံဖြိုးရေးဆိုင်ရာ ကိစ္စရပ်များနှင့် ပတ်သက်၍ နှစ်ဖက်အမြင်များကို ရင်းနှီးပွင့်လင်းစွာ အပြန်အလှန် ဆွေးနွေးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်

အဆိုပါ ငြိမ်းချမ်းရေးကိုယ်စားလှယ်အဖွဲသည် နစကမှ ဖွဲစည်းပေးထားသည့် ကောင်စီဝင်များပါဝင်သည့် ငြိမ်းချမ်းရေး ဆွေးနွေးရေးအဖွဲ၊ အမျိုးသားစည်းလုံး ညီညွတ် ရေးနှင့် ငြိမ်းချမ်းရေးဖော်ဆောင်မှု ညှိနှိင်းရေးကော်မတီတိုနှင့် ငြိမ်းချမ်းရေးဆွေးနွေး မှုများကို ဆက်လက်ပြုလုပ်သွားမည်ဖြစ်ကြောင်း သတင်းရရှိပါတယ်။

ygm_mnn

#Yangon_Media_Group