#Local_News
Published_6 October 2022

ယနေ့(အောက်တိုဘာ ၇ ရက်)တွင် မန္တလေးမြို့၌ ရွှေချိန် (၇) ပိဿာ မီးလင်းရွှေတုံးများကို ရောင်းချပေးသွားမည်ဖြစ်ကြောင်း မန္တလေးတိုင်းဒေသကြီး ရွှေလုပ်ငန်းရှင်များအသင်းက ထုတ်ပြန်ကြေညာထားသည်။

အဆိုပါ မီးလင်းရွှေတုံးများကို လူတစ်ဦးလျှင် ရွှေတစ်ပိုင်း(တစ်ဆယ်ကျပ်သား)တိတိကို ရောင်းချပေးမည်ဖြစ်ပြီး ဝယ်ယူလိုသူများအနေဖြင့် မှတ်ပုံတင်နှင့်တကွ အသင်းရုံးတွင် ဝယ်ယူနိုင်ကြောင်း အသိပေးကြေညာထားသည်။

ယင်းအပြင် အောက်တိုဘာ ၆ ရက် နေ့တွင်ရန်ကုန်နှင့် မန္တလေးတို့တွင် ရွှေတုံးနှင့်ရွှေစင်ခဲ ၃ ပိဿာစီရောင်းချပေးနေပြီး ရန်ကုန်တွင် ရောင်းချခဲ့သည့်် ရွှေစင်တုံး/ရွှေစင်ခဲ ၃ ပိဿာကို၁ ပိဿာ ၃ ပုံခွဲပြီးလေလံပစ်ခဲ့ရာ တစ်ကျပ်သားဈေး ၂၅ သိန်းဖြင့် လေလံအောင်မြင်ခဲ့ကြောင်း သိရသည်။

ပြီးခဲ့သည့် စက်တင်ဘာလ ၂၉ ရက်နေ့တွင်လည်း သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ ရွှေစင်တုံးနှင့်ရွှေစင်ခဲ ၃ ပိဿာစီကို ဈေးပြိုင်တင်ဒါစနစ်ဖြင့် ထုတ်ရောင်းပေးခဲ့သည်။

#ymg/sth
#Yangon_Media_Group

Published 6 Oct 2022

မကြာမီရောက်ရှိတော့မယ့် နွေစပါးရာသီအတွက် ဧက ၈ ဒသမ ၅ သိန်းတွင် အကျိုးတူလယ်ယာစနစ် (Contract Farming) ဆောင်ရွက်ရန်အတွက် နိုင်ငံတော်က တစ်ဧကကိုကျပ် ၂ သိန်းနှုန်းဖြင့် အထူးချေးငွေစီစဉ်ပေးမယ်လို့ သိရပါတယ်။

အဲဒီအတွက် ဆန်စပါးသီးနှံ အတွက် ငွေကျပ် ၁၄၀ ဘီလီယံအထိ ထောက်ပံ့ပေးအပ်သွားရန် စီစဉ်ပေးထားတာဖြစ်တယ်လို့လည်း  သိရပါတယ်။

အဆိုပါ အထူးချေးငွေစီစဉ်ပေးမယ့်အကြောင်း နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ယနေ့ အောက်တိုဘာ ၆ ရက်က နေပြည်တော်မှာပြုလုပ်တဲ့ မြန်မာ့ဆန်စပါး ညီလာခံ -၂၀၂၂ (Myanmar Rice Conference – 2022) ဖွင့်ပွဲမှာ ထုတ်ဖော်ပြော  ကြားခဲ့တာဖြစ်ပါတယ်။

မြန်မာနိုင်ငံဆန်စပါးစိုက်ပျိုးထုတ်လုပ်မှုနှင့် စီးပွားလုပ်ငန်းဖွံ့ဖြိုးတိုးတက်ရေးအတွက် အစိုးရနှင့် ပုဂ္ဂလိကကဏ္ဍများမှ  ဆောင်ရွက် ရမယ့် လုပ်ငန်းအစီအစဉ်များကို ဆွေးနွေးဖော်ထုတ်ရန် ရည်ရွယ်၍ “နိုင်ငံ့စီပွားမြှင့်တင်ဖို့၊ ဆန်စပါးဖြင့် ကြိုးပမ်းစို့” ဟူသည့် ခေါင်းစဉ်ဖြင့်  မြန်မာ့ဆန်စပါး ညီလာခံ -၂၀၂၂ကို မြန်မာအပြည်ပြည်ဆိုင်ရာ ကွန်ဗင်းရှင်း (ဗဟိုဌာန-၂)၌ စတင်ကျင်းပနေပါတယ်။

စိုက်ပျိုးထုတ်လုပ်သူ တောင်သူ လယ်သမားများနှင့် ပြည်ပတင်ပို့သူ ကုမ္ပဏီများအကြား အကျိုးတူလယ်ယာ စနစ် (Contract Farming)ဖြင့် တစ်ဧက အထွက်နှုန်းတိုးတက်ပြီး ဝင်ငွေ တိုးတက်ရေးနှင့် ကုန်ထုတ်လုပ်မှုတိုးတက်ရေး၊ ဆန်စပါးအထူးပြုကုမ္ပဏီကြီးများ ထူထောင်ဆောင်ရွက်ကြဖို့ကို ဗိုလ်ချူပ်မှူးကြီးက တိုက်တွန်းသွားပါတယ်။

အရည်အသွေးကောင်းဆန်များကို အရေ အတွက် ပိုမိုထုတ်လုပ်နိုင်ပြီး ပြည်ပဈေးကွက်ကို တိုးတက်တင်ပို့နိုင်‌ရေး၊ ဆန်စပါး ကဏ္ဍတွင် ဒီဂျစ်တယ်နည်းပညာများ ထိရောက်စွာ အသုံးပြုနိုင်ရေးတို့အတွက် ကျယ်ကျယ် ပြန့်ပြန့်ဆွေးနွေးပေးကြ ဖို့ကိုလည်း နစက ဥက္ကဋ္ဌက ဆန်စပါးစိုက်ပျိုးထုတ်လုပ်သူတွေကိုလည်း ဆက်လက် တိုက်တွန်းသွားပါတယ်။

မြန်မာနိုင်ငံသည် ဘင်္ဂလားဒေ့ရှ်နိုင်ငံသို့ တတိယအကြိမ်အဖြစ် ဆန်တန်ချိန် ၂ သိန်း ရောင်းချနိုင်ရန် ဆောင်ရွက်လျက်ရှိပြီး တန်းမြင့်ဆန်တစ်ချို့ကိုလည်း အာဖရိကနိုင်ငံသာမ ကတရုတ်ပြည်သူ့သမ္မတ နိုင်ငံကို ပါတိုးမြှင့်တင်ပို့နိုင်ရန် ဆောင်ရွက်နေတယ်  လို့ သတင်းထုတ်ပြန်ချက်အရသိရှိရပါတယ်။

၂၀၂၂ - ၂၀၂၃ဘဏ္ဍာနှစ် ၆ လတာကာလအတွင်း ဆန်တန်ချိန်  ၅  သိန်း ကျော်နှင့် ဆန်ကွဲတန်ချိန် ၃ ဒသမ ၆ သိန်း၊ စုစုပေါင်းတန်ချိန် ၈ ဒသမ ၆ သိန်းကျော် ကိုနိုင်ငံ ၃၈ နိုင်ငံကိုတင်ပို့နိုင်ခဲ့ပြီး ယခင်နှစ်ကာလတူထက် ဆန် ၊ ဆန်ကွဲ တန်ချိန် ၂ သိန်းကျော် ပိုမိုတင်ပို့ခဲ့ပါတယ်။

ပြည်ပနိုင်ငံအချို့ကို ပေါင်းဆန်တင်ပို့ရာတွင် တစ်တန်လျှင် အမေရိကန် ဒေါ်လာ ၄၆၀ မှ ၅၀၅ အထိ ဈေးရရှိခဲ့ပြီး ဘဏ္ဍာနှစ် ၆ လပတ်အတွင်း ဆန်တင်ပို့မှု တန်ချိန် ၈ ဒသမ ၆ သိန်းအနက်ပေါင်းဆန် ၅ ရာခိုင်နှုန်း၊ ဆန်ကွဲ ၄၂ ရာခိုင်နှုန်း၊ ပုံမှန်ဆန်တင်ပို့မှု ၅၃ ရာခိုင်နှုန်းရှိခဲ့တယ်လို့လည်း သတင်းထုတ်ပြန် ထားပါတယ်။

“နိုင်ငံအတွင်း စားသုံးမှုသည်လက်ရှိ စပါးစိုက်ပျိုးမှုနှင့် ဖူလုံပိုလျှံမှုရှိပါတယ်။ လက်ရှိစပါးစိုက်ပျိုးဧကအတိုင်း သီးထပ် အပြည့် အဝစိုက်ပျိုးနိုင်မည်ဆိုပါက များစွာပိုလျှံပြီး ပြည်ပသို့ပိုမိုတင်ပို့နိုင်မှာဖြစ်ပါတယ်။အဲဒါကြောင့် စပါးစိုက်ဧကတိုးချဲ့ရေးထက် လက်ရှိစပါးစိုက်မြေများတွင် စပါးပြီးစပါး၊ စပါး ပဲ  စပါး၊ စပါး နေကြာ စပါး စသဖြင့် မိမိတို့နှစ်သက်ရာသီးနှံများဖြင့် တွဲဖက်ပြီး သီးထပ်အဖြစ် စိုက်ပျိုးသွားကြရန် တိုက်တွန်းလိုပါတယ်” လို့ ဗိုလ်ချူပ်မှူးကြီးက ထပ်မံပြောကြားခဲ့ပါတယ်။

၂၀၂၀-၂၀၂၁ ခုနှစ်တွင် စုစုပေါင်း စပါးစိုက်ပျိုးဧက ၁၇ သန်းခန့် စိုက်ပျိုးနိုင်ခဲ့ပြီး ၂၀၂၁-၂၀၂၂ ခုနှစ်တွင် မိုးစပါးစိုက်ဧက  ၁၅ သန်းခန့် နှင့် နွေစပါးစိုက်ဧက ၂ ဒသမ ၄ သန်း၊ စုစုပေါင်းစပါးစိုက်ပျိုးဧက ၁၇ ဒသမ ၄ သန်းခန့် စိုက်ပျိုးနိုင်ခဲ့တယ်လို့လည်း သိရှိရပါတယ်။

မြန်မာ့ဆန်စပါးညီလာခံ ၂၀၂၂မှာ သက်ဆိုင်ရာ ပြည်ထောင်စုဝန်ကြီးတွေ၊တိုင်းဒေသကြီးနှင့်ပြည်နယ်တွေက  စီးပွားရေးရာဝန်ကြီး တွေ၊မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်(UMFCCI)၊ မြန်မာနိုင်ငံဆန်စပါးအသင်းချုပ်၊ မြန်မာ နိုင်ငံဆန်စပါးကုန်သည်များအသင်း၊ မြန်မာနိုင်ငံဆန်စပါး စိုက်ပျိုးထုတ်လုပ်သူများအသင်း၊ ပုဂ္ဂလိကဘဏ်များနှင့် မြန်မာနိုင်ငံ  ဆန်စက်လုပ်ငန်းရှင်များအသင်း၊ ပြည်တွင်း/ပြည်ပ စိုက်ပျိုးရေး ကျွမ်းကျင်ပညာရှင်တွေတက်ရောက်ဆွေးနွေးကြတာဖြစ်ပါတယ်။

မြန်မာ့ဆန်စပါးညီလာခံ၂၀၂၂ ခုနှစ်ကို  စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် မြန်မာ နိုင်ငံဆန်စပါး အသင်းချုပ်(MRF)တို့ ပူးပေါင်းကျင်းပနေတာဖြစ်ပြီး အောက်တိုဘာ (၇)ရက်အထိ ဆက်လက်ကျင်းပသွားမယ်လို့ သတင်း ရရှိပါတယ်။

Source MNA

#Myanmar_Agriculture

#Myanmar_Economy

#Myanmar_Rice_Conference

#Local_News
Published_6 October 2022

သဘာဝတရားရိပ်သာမှာ ပြီးခဲ့တဲ့ စက်တင်ဘာလထဲမှာ ကိုဗစ်ပိုးတွေ့ရတဲ့ ရဟန်း၊ ရှင်လူ(၂၀)ကျော်တွေ့ရှိခဲ့ပြီး ကုသမှုတွေဆောင်ရွက်ပေးခဲ့ရတယ်လို့ သဘာဝတရားရိပ်သာအုပ်ချူပ်ရေးမှူး ဒေါ်ခင်စမ်းဦးထံမှ သိရပါတယ်၊၊

#Yangon_Media_Group

#World_Technology
Published 6 October 2022

ကမ္ဘာ့အချမ်းသာဆုံးပုဂ္ဂိုလ် 'အီလွန်မက်စ်' က လူသားဆန်စက်ရုပ် နောက်ဆုံးဗားရှင်းကို သောကြာနေ့က ပြသခဲ့ပြီး တစ်နေ့နေ့မှာ ဆင်းရဲမွဲတေမှုတွေကို ဖယ်ရှားပစ်နိုင်မယ်လို့ ဆိုလိုက်ပါတယ်။

#Yangon_Media_Group

#Local_News
Published_6 October 2022

ထိုင်းနိုင်ငံတစ်ဝန်းမှာ ပြီးခဲ့တဲ့ ရက်သတ္တပတ်အတွင်း ရေလွှမ်းမှုတွေဖြစ်ပေါ်ခဲ့ပေမယ့် မြန်မာ-ထိုင်း နယ်စပ်ကုန်သွယ်ရေးဟာ ပုံမှန်အတိုင်းလည်ပတ်နေတယ်လို့ မြဝတီနယ်စပ်ကုန်သွယ်ရေးစခန်းက ကုန်သည်တွေထံမှ သိရှိရပါတယ်။

#Yangon_Media_Group

#Local_News
Published _6 October 20222

လောင်စာဆီ ဈေးနှုန်းကြီးမြင့်လာခဲ့တာကြောင့် ဆီစားနှုန်းသက်သာတဲ့ Yangon Water Bus ကို ဖြည့်တင်းပြင်ဆင်ပြီး ဒီကနေ့ အောက်တိုဘာလ ၆ ရက်နေ့မှာ ပြန်လည်ပြေးဆွဲမှု စတင်လိုက်ပြီလို့ သိရပါတယ်။

#Yangon_Media_Group