‘အသည်းလူနာ(၂)ဦးကို မင်္ဂလာဒုံမြို့နယ်ရှိ အမှတ်(၁)တပ်မတော် ဆေးရုံကြီး(ခုတင်၁၀၀၀)ဆံ့မှာ အောင်မြင်စွာ အစားထိုးကုသနိုင်ခဲ့တယ်။ ကျန်တစ်ဦးကို အစားထိုးခွဲစိတ်ကုသမှုဆက်လက်ဆောင်ရွက်မယ်။ ကျောက်ကပ်လူနာ(၁)ဦးကို အထူးကုဆေးရုံကြီးကုတင် (၅၀၀)ဆံ့(ရန်ကုန်)မှာအောင်မြင်စွာအစားထိုးကုသနိုင်ခဲ့တယ်’

Published 20 July 2023
#Local_News
#အသည်းနှင့်ကျောက်ကပ်အစားထိုးကုသမှုများအောင်မြင်ခဲ့
#tthl #Yangon_Times

ဧပြီလအတွင်း  (၁၀၀ ဒသမ ၄၁ )တန်၊ မေလအတွင်း ( ၃၃၆ ဒသမ ၇ )တန်နဲ့ ဇွန်လအတွင်း တန် (၈၀) ကျော်ကို  ဂျပန်နိုင်ငံ၊ တောင်ကိုရီးယားနိုင်ငံ၊ ထိုင်းနိုင်ငံ၊ အမေရိကန်နိုင်ငံနဲ့  စင်ကာပူနိုင်ငံတွေကို တင်ပို့နိုင်
Published 20 July 2023
#Local_News
#ပြည်ပသို့ ပျားရည်တန်ချိန် ၅၀၀ ကျော်တင်ပို့နိုင်ခဲ့
#YMG/my #Yangon_Times

‘မြန်မာနိုင်ငံမှတစ်ရူးငှက်ပျောတွေကိုအများဆုံးတင်ပိုနိုင်ခဲ့ပြီး ဓာတ်မြေဩဇာအပါအဝင် လုပ်ငန်းသုံးပစ္စည်းတွေ၊ဆောက်လုပ်ရေးသုံးပစ္စည်းတွေ၊လူသုံးကုန်အဝတ်အထည်နဲ့ သစ်သီး တွေတင်သွင်းနိုင်ခဲ့တယ်။ဇူလိုင်(၁၈)ရက်အထိကန်ဒေါ်လာ(၂)သန်းကျော်တင်ပိုပြီးဖြစ်ပါတယ်’ ... (ကံပိုက်တည်ကုန်သွယ်ရေးစခန်း)
Published 20 July 2023
#Local_News
#ကံပိုက်တည်စခန်းမှ ကန်ဒေါ်လာ(၃)သန်းတင်ပို့
#tthl #Yangon_Times

#Local_News
Published 20 July 2023

ရန်ကုန်တိုင်းဒေသကြီး၊ ကန်တော်ကြီးပန်းကန်လုံးကျွန်း ရှင်ဥပ္ပဂုတကျောင်းဆောင်တံတားအောက်တွင် မှောက်လျက်အနေအထားဖြင့်သေဆုံးနေသော အသက် (၅၀) ခန့်အမျိုးသားတစ်ဦး၏ အလောင်းကို တွေ့ရှိခဲ့ခြင်းဖြစ်ကြောင်း ဒီဃာယုက အသင်းက သိရသည်။

ယနေ့ ဇူလိုင်လ ၂၀ ရက် နံနက် ၇နာရီ ၄၅မိနစ်ခန့်က ပန်းခြံလုပ်သားများနှင့် ကန်တော်ကြီးအတွင်း အားကစားလုပ်သူများက သတင်းပေးပို့လာသောကြောင့် အဆိုပါ အခင်းဖြစ်ရာနေရာသို့ လူမှုကူညီရေးအသင်းအဖွဲ့များက သွားရောက်ခဲ့ကြခြင်း ဖြစ်ကြောင်း သိရသည်။

အဆိုပါ ရုပ်အလောင်းကို ရန်ကုန်ဆေးရုံကြီးသို့ မင်္ဂလာတောင်ညွန့်မြို့နယ် လူမှုကူညီကယ်ဆယ်ရေးကွန်ယက်မှ အသင်းများဖြစ်သော ဒီဃာယုက အသင်း၊ သပြေကုန်းအသင်း၊ ကျီတော်အသင်းများက ဗိုလ်တထောင်မှ အဖြူရောင်ကမ်းလက်ယာဉ်ဖြင့် ရန်ကုန်ဆေးရုံကြီးသို့ ပို့ဆောင်ခဲ့ကြောင်း သိရသည်။

#Local_News #ပန်းကန်လုံးကျွန်းအနီးအမျိုးသားတစ်ဦး၏ အလောင်းတွေ့ရှိ
#Yangon_Times/BM

#Local_News
Published-20 July 2023

ရန်ကုန်တိုင်းတွင် ဇူလိုင်လပထမတစ်ပတ်ကြာကာလတွင် သွေးလွန်တုပ်ကွေးရောဂါကြောင့်  ထပ်မံသေဆုံးသူ ၁ဦးနှင့် ရောဂါဖြစ်ပွားသူ ၂၀၀ ကျော်ရှိလာကြောင်း ရန်ကုန်တိုင်းဒေသကြီး၊ ပြည်သူ့ကျန်းမာရေးဦးစီးဌာန မှသိရသည်။

လက်ရှိကာလတွင် တောင်ဒဂုံနှင့် မြောက်ဥက္ကလာပမြို့နယ်တို့တွင် သွေးလွန်တုပ်ကွေးရောဂါအဖြစ်များနေပြီး ယခုနှစ် ဇန်နဝါရီလမှ ဇူလိုင်လပထမပတ်အထိ ရန်ကုန်တိုင်းတွင် သွေးလွန်တုပ်ကွေးရောဂါဖြစ်ပွားသူ ၆၀၄ဦးရှိပြီး သေဆုံးသူ ၄ဦးရှိလာကြောင်း ရန်ကုန်တိုင်းကျန်းမာရေးနှင့်ကုသရေးဦးစီးဌာနမှူး ဒေါက်ထားဌေးလွင်က ပြောကြားထားသည်။

"ယခုနှစ်ဇွန်လအထိ သေဆုံးသူ ၃ ဦးနဲ့ ရောဂါဖြစ်ပွားသူ ၄၈၃ ဦးရှိခဲ့တယ်။ ယခုနှစ် ဇူလိုင်လမှာ ထပ်မံသေဆုံးသူနဲ့ထပ်ဖြစ်တာတွေရှိတာကြောင့်ရန်ကုန်တိုင်းအတွင်း သွေးလွန်တုပ်ကွေး ရောဂါနဲ့သေဆုံးသူစုစုပေါင်း ၄ဦး ရှိလာသလို ရောဂါဖြစ်ပွားသူအရေအတွက် ကလည်း ၆၀၄ဦးအထိ မြင့်တက်လာတယ်"ဟု ယင်းက ဆိုသည်။

ပြီးခဲ့သည့်နှစ်နှင့် ယှဥ်လျှင် ယခုနှစ်သေဆုံးနှုန်းနှင့် ဖြစ်ပွားနှုန်း လျော့ကျလာပြီး ပြီးခဲ့တဲ့နှစ်က ရန်ကုန်တိုင်းတွင် သွေးလွန်တုပ်ကွေးသည် ကပ်အသွင်​ဖြင့်လူဦးရေ ၄၀၀၀ကျော် ရောဂါဖြစ်ပွားမှုတွေ ရှိခဲ့ကြောင်းလည်း ပြောကြားထားသည်။

သွေးလွန်တုပ်ကွေးရောဂါသည်  အသက်အရွယ်မရွေးဖြစ်ပွားနိုင်ပြီး အသက်၅နှစ်ကနေ ၉နှစ်အရွယ်ကလေးတွေမှာ အများဆုံးဖြစ်ပွားသလို အသက်၁၅ နှစ်အထက်လူကြီးများတွင်လည်း ရောဂါဖြစ်ပွားလျှင်သေဆုံးနှုန်းမြင့်မားတတ်ကြောင်းလည်း သိရသည်။

#Yangon_Times/BM #Local_News
#သွေးလွန်တုပ်ကွေးရောဂါဖြစ်ပွားသူ ၂၀၀ကျော်နှင့်သေဆုံးသူထပ်မံရှိလာခဲ့

#Local_News
Published_20 July 2023

ရန်ကုန်-မန္တလေး ရထားလမ်းတံတား မိုင်းခွဲဖျက်ဆီးခံထားရသောကြောင့် ပဲခူးတိုင်းဒေသကြီး၊ ကျောက်တံခါး မြို့နယ်အတွင်းရှိ ကျောက်တံခါး ဘူတာနှင့် ပဲနွယ်ကုန်းဘူတာအကြား မိုင်တိုင်အမှတ် (၁၀၉/၂၀-၂၁) အရောက်တွင် ရပ်တန့်ခဲ့ရကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

ရန်ကုန်-မန္တလေးရထားလမ်းပိုင်း၌ အမြန်ရထား(၄)စင်း၊ စာပို့ရထား(၂)စင်း၊ လူစီးကုန်တင်ရထား (၂)စင်းနှင့် ကုန်ရထား(၃)စင်းတို့ကို နေ့စဉ်ပြေးဆွဲပေးလျက်ရှိရာ ရန်ကုန်မှ ဇူလိုင်လ ၁၈ ရက်ညနေ ၃ နာရီ ၄၅ မိနစ်ခန့်တွင် မန္တလေးသို့ ပုံမှန်ထွက်ခွါလာသော အမှတ်(၃)အဆန် လူစီး အမြန်ရထားသည် ည ၉ နာရီ ၁၈ မိနစ်ခန့်အချိန် ရထားမီးရောင်ဖြင့် သံလမ်းများကွေးနေပြီး ရထားလမ်းဇလီဖားတုံးများ ထောင်လျက်ဖြစ်နေ ကြောင်း မြင်တွေ့ရသဖြင့် ရထားကို အချိန်မီရပ်တန့်ခဲ့ရခြင်း ဖြစ်ကြောင်း သိရသည်။

ယင်းနောက် ခရီးသည်များ၏ လုံခြုံရေးအရ ရထားကို ပြန်လည်နောက်ဆုတ်ခဲ့ရာ ည ၁၁ နာရီ ၅၅ မိနစ်ခန့်တွင် ကျောက် တံခါးဘူတာသို့ ရောက်ရှိပြီး လမ်းပိုင်းကို ည ၁၁ နာရီ ၅၆ မိနစ်ခန့်တွင် ယာယီပိတ်ခဲ့ရကြောင်း အဆို ပါ ထုတ်ပြန်ချက်တွင် ဖော်ပြထားသည်။

ဖြစ်စဉ်နေရာသို့ သွားရောက်စစ်ဆေးခဲ့ရာ ရထားလမ်း တံတားကို မိုင်းထောင်ဖျက်စီးထားမှုကြောင့် ရန်ကုန်-မန္တလေး ရထားလမ်းပေါ်ရှိ ပေ(၆၀) ကွန်ကရစ်တံတားအမှတ် ၁၆၁ ပေါ်ရှိ အဆန် လမ်း သံလမ်း(၂) ဖက်သည် အရှည်(၁၁)မီတာခန့်နှင့် အစုန်လမ်းပေါ်ရှိ အရှည်(၅၀)မီတာခန့် သံလမ်းများ ကွေးကောက်ပျက်စီးနေခြင်း၊ ကွန်ကရစ် ဇလီဖားတုံးများပျက်စီးခြင်း၊ တံတား၏ ကွန်ကရစ်ကြမ်းခင်း အလျား(၄)ပေ၊ အနံ(၄)ပေခန့် ပျက်စီးနေသဖြင့် ညတွင်းချင်း ပြန်လည်ပြုပြင်ခဲ့ကာ ယနေ့ ဇူလိုင် ၁၉ ရက် နံနက် ၈ နာရီ ၄၁ မိနစ်တွင် ပြန်လည်ဖွင့်လှစ်ပေးနိုင်ခဲ့ကြောင်း၊ မိုင်းဖြစ်စဉ်ကြောင့် ခရီးသည် စုစုပေါင်း(၁၅၀၀)ဦးခန့်တို့သည် လမ်းခရီး၌ အခက်အခဲများစွာ ကြုံတွေ့ ခဲ့ရကြောင်း သိရသည်။

ပြီးခဲ့သည့် ၂၀၂၁ ခုနှစ်၊ ဖေဖော်ဝါရီလ(၁)ရက်မှစ၍ လက်ရှိအချိန်ထိ မြန်မာ့မီးရထားလမ်းကွန်ယက်တစ်ခု လုံးတွင် ရထားလမ်းနှင့် ရထားဘူတာ နယ်မြေအတွင်း ဗုံးထောင်၊ မိုင်းခွဲဖျက်စီးခြင်း(၁၁၂)ကြိမ်၊ ရထား တံတားများ မိုင်းခွဲခံရမှု(၄၁)ကြိမ်၊ ဘူတာအဆောက်အဦနှင့် ဝန်ထမ်းနေအိမ်များမီးရှို့ဖျက်ဆီးခံရမှု(၁၂)ကြိမ် ရှိကြောင်း သိရသည်။

ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာ့မီးရထားအနေဖြင့် နိုင်ငံအနှံ့ရှိ ပြည်သူများ ကုန်ကျစရိတ်သက်သာစွာဖြင့် ခရီးသွားလာမှု၊ ကုန်စည်ပို့ဆောင်မှုများ အဆင်ပြေချောမွေ့ စေရေး အတွက် ရည်ရွယ်၍ အမြန်လူစီးရထား (၁၈)စင်း၊ စာပို့ရထား (၁၄)စင်း၊ လူစီးကုန်တင်ရထား (၈)စင်း၊ RBE လူစီး(၂)စင်းတို့နှင့် ရန်ကုန်မြို့ ပတ်နှင့်ဆင်ခြေဖုံးရထား (၃၅)စင်း၊ စုစုပေါင်း လူစီး ရထား (၇၇)စင်းနှင့် ကုန်ရထား(၆)စင်းကို နေ့စဉ် စီစဉ်ပြေးဆွဲပေးလျက်ရှိကြောင် သိရသည်။

#Yangon_Times/BM #Local_News #ရထားလမ်းတံတား မိုင်းခွဲဖျက်ဆီးခံရ