#Local_News
Published _ 2 July 2022

၂၀၂၁-၂၀၂၂ ဘဏ္ဍာနှစ်အတွက် ရန်ကုန်တိုင်းဒေသကြီးအတွင်း မြေရောင်းဝယ်ခြင်း အခွန်စည်းကြပ်မှု အမြင့်ဆုံးနေရာအဖြစ် ပြည်လမ်းနှင့် ကမ္ဘာအေးဘုရားလမ်းတစ်လျောက် သတ်မှတ်ထားကြောင်း အခွန်ဦးစီးဌာနမှ သိရသည်။

မြေရောင်းဝယ်ခြင်းအပေါ် အခွန်စည်းကြပ်ရမည့်နှုန်းထားများအား စတုရန်းပေများနှင့် သတ်မှတ်ထားရှိပြီး ယင်းသတ်မှတ်နယ်မြေများ၌ အရောင်းအဝယ်ပြုလုပ်သည့်အခါ ၁ စတုရန်းပေကို ငွေကျပ် ၃သိန်းခွဲ သတ်မှတ်ထားကြောင်း ယင်းမှသိရသည်။

ယင်းစည်းကြပ်မှုနှုန်းထားကို ၂၀၂၁-၂၀၂၂ မီနီဘတ်ချက်ကာလာတွင်း ၆လအတွင်းသတ်မှတ်ထားပြီး ယခင်က ၁ စတုရန်းပေ ကို ငွေကျပ် ၃သိန်းသတ်မှတ်ထားကာ ယခုတွင် ငွေကျပ် ၃သိန်းခွဲအဖြစ် သတ်မှတ်ကာ လ ထပ်မံတိုးမြှင့်ထားကြောင်း သိရသည်။

ymg/NN
#Yangon_Media_Group

#Local_News
Published - 2 July 2022

ဗိုလ်တထောင်ကျိုက်ဒေးအပ်ဆံတော်ဦးစေတီတော်မြတ်ကြီးတွင် ဝါတွင်းတရားပွဲများကို ဝါဆိုလပြည့်နေ့ဇူလိုင် (၁၂)ရက်မှစတင်ပြီး အပတ်စဥ်ဥပုသ်နေ့တိုင်းကျင်းပ ပြုလုပ်သွားမည်ဖြစ်ကြောင်းသိရသည်၊၊

ဂေါပကအဖွဲ့မှကြီးမှူး၍ နှစ်စဥ်ဝါတွင်းဥပုသ်နေ့များတွင် တရားပွဲများကျင်းပပြုလုပ်လေ့ရှိပြီး ကိုဗစ်ဖြစ်ပွားမှုများကြောင့် ယာယီရပ်နားခဲ့ရခြင်းမျိုး ရှိခဲ့ကာ
ယခုနှစ်တွင် ပြန်လည်ကျင်းပခြင်းဖြစ်သည်၊၊

ဝါတွင်းကာလ ဝါဆိုလပြည့်နေ့ဇူလိုင်(၁၂)ရက်မှ သီတင်းကျွတ်လပြည့်နေ့အောက်တိုဘာလ(၉)ရက်အထိအပတ်စဥ် ဥပုသ်နေ့တိုင်းတရားပွဲများ ကျင်းပပြုလုပ်သွားမည်ဖြစ်ကြောင်း သိရသည်၊၊

ဗိုလ်တထောင်စေတီတော်တွင် ဝါတွင်းကာလ ဥပုသ်နေ့တိုင်း နံနက်(၁၀)နာရီခွဲတွင် ဗိုလ်တထောင်မြို့နယ်ရှိ ဆရာတော်သံဃာတော်များက သီလပေးမည်ဖြစ်ပြီးနေ့လည်(၁၂)နာရီခွဲတွင် သြဝါဒစရိယဆရာတော်ကြီးများ၊ တိပိဋကဓရဓမ္မဘဏာဂါရိက ဆရာတော်ကြီးများ၊ ဓမ္မကထိကဆရာတော်ကြီးများက တရားတော်ဟောကြားသွားမည်ဖြစ်ကာ ညနေ(၃)နာရီတွင် နိုင်ငံတော်သံဃာမဟာနာယကအဖွဲ့မှ တရားတော်များ ဟောကြားသွားမည်ဖြစ်ကြောင်း ဗိုလ်တထောင်စေတီတော် ဘဏာတော်ထိန်း ဂေါပကအဖွဲ့ထံမှ သိရသည်၊၊

ymg/tthl
#Yangon_Media_Group

Published 1 July 2022

တက္ကသိုလ်ပညာရပ်များကို ဆည်းပူးသင်ယူနိုင်မည့် Naypyitaw State Academy (NSA)ကို နေပြည်တော်၊ဇဗ္ဗူသီရိမြို့နယ်တွင် တည်ဆောက်လျှက်ရှိရာ ၂၀၂၄ခုနှစ်ဧပြီလတွင် ပြီးစီးမယ်လို့ သိရှိရပါတယ်။

အဲဒီNSA လို့ အမည်ပေးထားတဲ့ နေပြည်တော်တက္ကသိုလ်တွင် ရွေးချယ်ထားသည့် ဝိဇ္ဇာ/သိပ္ပံဘာသာရပ်တွေ၊စီးပွားရေး၊ ဥပဒေ၊လူမှုရေး၊အားကစားနှင့် ဆေးပညာဘာသာရပ်တွေကို သင်ကြားပေးသွားမှာဖြစ်ပါတယ်လို့လည်း နစကရဲ့ သတင်းထုတ်ပြန်ချက်မှာဖော်ပြထားပါတယ်။

အဆိုပါ Naypyitaw State Academy တည်ဆောက်နေရာသို့ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်ဟာ ဒီကနေ့ ဇူလိုင်(၁)ရက်နေ့က သွားရောက်စစ်ဆေးကြည့်ရှုခဲ့ပါတယ်။

“ယခုစီမံကိန်းနှင့်ပတ်သက်လို့ အခေါ်အဝေါ်သတ်မှတ်တာတွေနှင့် ဌာနဖွဲ့စည်းတာတွေကို သတ်မှတ်ရာမှာ အခြားနိုင်ငံကြီးတွေမှာ အသုံးပြုတဲ့ ဘာသာရပ်ဆိုင်ရာ အသုံးအနှုံးတွေနှင့် လုပ်နည်းစနစ်တွေကို လေ့လာပြီး  စနစ်တကျသတ်မှတ်ဆောင်ရွက်ကြဖို့လိုပါတယ်” လို့ နစကဥက္ကဋ္ဌက လုပ်ငန်းခွင်ကိုစစ်ဆေးစဉ် မှာကြားခဲ့ပါတယ်။

“ ယခုပညာသင်နှစ်ကစပြီး တတိယနှစ်နှင့် စတုတ္ထနှစ် Day ကျောင်းသားတွေကို လက်ခံသင်ကြားပေးဖို့၊အဲဒီကမှ ပထမနှစ် နှင့်ဒုတိယနှစ်တွေကို ဆင့်ကဲဆင့်ကဲ  ဆက်လက်ခေါ်ယူသင်ကြားပေးဖို့၊လောလာဆယ်ဖယ်ရီကြိုပို့တွေ စီစဉ်ဖို့ နှင့် နောင်မှာ အဆောင်တွေမှာ နေထိုင်ပြီးစာသင်ယူနိုင်အောင်ဆောင်ရွက်ဖို့” စတာတွေကိုလည်း သူက ပြောပါတယ်။

ဖွင့်လှစ်မည့် Naypyitaw State Academy မှာ နေပြည်တော် ဝန်ထမ်းမိသားစု သားသမီးတွေနှင့် မြို့နယ်(၈)မြို့နယ်မှ အရည်အချင်းသတ်မှတ်ချက်များနှင့်ကိုက်ညီသူတွေကို ဦးစားပေးရွေးချယ်သွားမယ်လို့လည်း သိရပါတယ်။

ယခင်အားကစား တက္ကသိုလ်အဖြစ် တည်ထောင်ခဲ့ပြီး အကြောင်းအမျိုးမျိုးကြောင့် မဖွင့်လှစ်နိုင်သည့် နေရာကို အခြေခံပြီး ယခုစီမံကိန်းကို ၂၀၂၂ခုနှစ် ဧပြီလတွင် စတင်ဆောင်ရွက်ခဲ့တာဖြစ်ပါတယ်။ ထိုသို့ဆောင်ရွက်ရာတွင် တက္ကသိုလ် အင်္ဂါရပ်နှင့် ပြည့်စုံအောင် အဆောက်အဦတွေ ဖြည့်တင်းတည်ဆောက်နေတာလို့ သတင်းမှာဖော်ပြထားပါတယ်။

Ymg/knl

Published 1 July 2022

တရုတ်နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်းယီးသည် မြန်မာနိုင်ငံ အပါအဝင် အရှေ့တောင်အာရှ (၅)နိုင်ငံသို့ သွားရောက်မည်ဖြစ်ကြောင်း  တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် ကျောင်းလီကျင်းက ယနေ့ ဇူလိုင်(၁) ရက်နေ့က ကြေညာတဲ့အကြောင်း CGTN ကသတင်းထုတ်ပြန်ပါတယ်။

မစ္စတာဝမ်းယီးဟာ မြန်မာနိုင်ငံ၊အင်ဒိုနီးရှား၊ဖိလစ်ပိုင်၊ထိုင်းနှင့် မလေးရှားနိုင်ငံတွေကို ဇူလိုင် ၃ရက်မှ ၁၄ရက်အထိ သွားရောက်မှာဖြစ်တယ်လို့ သတင်းမှာဖော်ပြထားပါတယ်။

ဝမ်းဟာ  မြန်မာနိုင်ငံက အိမ်ရှင်အဖြစ်ကျင်းပတဲ့ ၇ကြိမ်မြောက် လန်ချန်း-မဲခေါင်းပူးပေါင်းဆောင်ရွက်ရေး နိုင်ငံခြားရေးဝန်ကြီးများ အစည်းအဝေးကို တက်ရောက်ပြီး အဲဒီကမှ အင်ဒိုနီးရှားနိုင်ငံရဲ့ ဖိတ်ကြားချက်အရ G20  ကွန်ဖရင့်ကို ဆက်လက်တက်ရောက်မယ်လို့ သိရပါတယ်။

Source CGTN

Published_1 July 2022

Ethnic armed groups  that have signed the Nationwide Ceasefire Agreement in Myanmar urged the Special Envoy of the ASEAN Chair on Myanmar to work on a four points proposal to overcome ongoing political crisis,  said in a statement issued by EAOs.

The call was made during a meeting between the ASEAN Special Envoy PRAK Sokhonn who is Deputy Prime Minister as well as Minister of Foreign Affairs and International Cooperation of Cambodia and the seven ethnic armed groups that have signed a nationwide ceasefire agreement in Naypyidaw, Myanmar today.

These include urging special envoy to help and create a negotiated political environment and making every effort to meet with all stakeholders; ASEAN should work with international organizations, including NCA-recognized countries, to ensure the establishment of a mechanism for the protection of all civilians and for the free and equitable access to humanitarian assistance by all stakeholders, as well as for the resolution of current political conflicts and long-term rehabilitation and development programs.

The special envoy said he would work for a ceasefire, humanitarian aid and assistance to those in need, as well as political dialogue, said statement.

The EAOs also stressed the need for the ASEAN Special Representative to address the three-core values of the NCA: solve political problems with political means, implementing of an inclusive political dialogue and protection of civilians. and to address the current political crisis.

They called on the ASEAN Special Envoy to focus on overcoming the current political crisis.

ymg/mn

Published_1 July 2022

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်လက်မှတ်ထိုးထားသော တိုင်းရင်းသားလက်နက်ကိုင်အဖွဲ့အစည်းများက အချက်လေးချက် တောင်းဆိုလိုက်ကြသည်။

ယနေ့ ဇူလိုင်လ တစ်ရက်တွင် အာဆီယံအထူးကိုယ်စားလှယ်နှင့် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်လက်မှတ်ထိုးထားသော တိုင်းရင်းသားလက်နက်ကိုင် အဖွဲ့ ၇ ဖွဲ့တို့ နေပြည်တော်၌ တွေ့ဆုံစဉ် တောင်းဆိုလိုက်ခြင်း ဖြစ်သည်။

ယင်းအချက်များမှာ ညှိနှိုင်း အဖြေရှာနိုင်သော နိုင်ငံရေးအခင်းအကျင်းတစ်ရပ် ဖြစ်ပေါ်လာရေးအတွက် ကူညီပေးရန်၊သက်ဆိုင်သူ ပါဝင်သင့်ပါဝင်ထိုက်သူများအားလုံးနှင့် တွေ့ဆုံနိုင်ရေးအတွက် အစွမ်းကုန် ကြိုးပမ်းပေးရန်၊

အားလုံးလက်ခံနိုင်သော အရပ်သားများအား ကာကွယ်ပေးနိုင်သော ယန္တရားဖော်ဆောင်ရေးနှင့် လူသားချင်းစာနာထောက်ထားမှုဆိုင်ရာ အထောက်အပံ့များကို သက်ဆိုင်သူများအားလုံး ခွဲခြားဆက်ဆံမှုမရှိဘဲ လွတ်လပ်စွာ လက်ခံရရှိနိုင်ရေး ကူညီဆောင်ရွက်ပေးရန်၊လက်ရှိနိုင်ငံရေး ပဋိပက္ခများ ဖြေရှင်းရေးနှင့် ရေရှည်လုပ်ငန်းများ ဖြစ်သော ပြန်လည်ထူထောင်ရေး ဖွံ့ဖြိုးတိုးတက်ရေးအစီအစဉ်များတွင် အာဆီယံအနေဖြင့် NCA အသိသက်သေ နိုင်ငံများအပါအဝင် နိုင်ငံတကာအဖွဲ့အစည်းများနှင့် ပူးပေါင်းဆောင်ရွက်ပေးရန် တို့ ဖြစ်ကြသည်။

အထူးကိုယ်စားလှယ်ကလည်း အပစ်အခတ်ရပ်စဲရေး၊လူသားချင်းစာနာမှု အကူအညီပေးနိုင်ရေးနှင့် အမှန်တကယ်ဒုက္ခရောက်နေသူများထံ အကူအညီများရောက်ရှိရေး၊နိုင်ငံရေးတွေ့ဆုံဆွေးနွေးပွဲ ဖြစ်မြောက်ရေး စသည်တို့ကို ဖော်ဆောင်နိုင်ရေးအတွက် ကြိုးပမ်းသွားမည် ဖြစ်ကြောင်း ပြောကြားခဲ့သည်ဟု NCA-S EAO များ၏ ထုတ်ပြန်ချက်တွင် ဖော်ပြထားသည်။

EAO များအနေဖြင့်လည်း NCA အနှစ်သာရ ၃ ချက် ဖြစ်သော နိုင်ငံရေးပြဿနာကို နိုင်ငံရေးတွေ့ဆုံခြင်းနည်းဖြင့် ဖြေရှင်းရေး၊ပါဝင်သင့် ပါဝင်ထိုက်သူများအားလုံး ပါဝင်သော နိုင်ငံရေးတွေ့ဆုံဆွေးနွေးပွဲ ဖြစ်မြောက်ရေးနှင့် အရပ်သားများအား အကာအကွယ်ပေးရေးတို့ကို အလေးထား တင်ပြခဲ့ကြပြီး လက်ရှိနိုင်ငံရေး အကြပ်အတည်းကို ကျော်လွှားနိုင်ရေးအတွက် မြန်မာနိုင်ငံဆိုင်ရာ အာဆီယံအထူးကိုယ်စားလှယ်အနေဖြင့် အလေးထားဖော်ဆောင်သင့်ကြောင်း တိုက်တွန်းခဲ့ကြကြောင်း သိရသည်။

ymg/mt

Yangon_Media_Group