Published 17 April 2024

အရက်ကြောင့် မဟုတ်သော အသည်းအဆီဖုံးရောဂါ (NAFLD)က အနောက်နိုင်ငံတွေမှာ အဖြစ်အများဆုံး ရောဂါတွေထဲက တစ်မျိုးဖြစ်ပြီး အသည်းခြောက်ခြင်း၊ အသည်းအစားထိုး ကုသခြင်းတို့ရဲ့ အဓိက အကြောင်းအရင်း ဖြစ်နေပါတယ်။

ကျန်းမာရေးနဲ့ မညီညွတ်တဲ့ စားသောက်နေထိုင်မှုပုံစံ၊ အဝလွန်ခြင်းတို့ကြောင့် ရောဂါဖြစ်ပွားမှု ပိုမြင့်တက်လာပါတယ်။

NAFLD ရောဂါက အသည်းမှာ အဆီတွေစုပြုံလာကာ ရောင်ရမ်းခြင်း၊ ထိခိုက်ဒဏ်ရာရခြင်း၊ အသည်းခြောက်ခြင်း၊ အသည်းရောဂါတို့ ဖြစ်လာနိုင်ပါတယ်။

များသောအားဖြင့် အစောပိုင်းမှာ ရောဂါလက္ခဏာ မတွေ့ရတတ်ဘဲ နောက်ပိုင်းအဆင့်ရောက်မှ အသည်းထိခိုက်ပျက်စီးနေတာကို တွေ့ရတတ်ပါတယ်။

အသည်းအဆီဖုံးခြင်း ဖြစ်ရတဲ့ အဓိကအကြောင်းအရင်းတွေက အဝလွန်ခြင်း၊ ဆီးချို၊ သွေးပေါင်ချိန်တက်ခြင်း၊ သွေးထဲ အဆီများလွန်းခြင်းတို့နဲ့ ဆက်စပ်နေပါတယ်။

ကိုယ်လက်လှုပ်ရှားမှုမရှိခြင်း၊ အချိုဓာတ်များသော အစားအစာများကြောင့်လည်း NAFLD ဖြစ်လာစေပါတယ်။

အခြေခံကုသနည်းအနေဖြင့် နေထိုင်စားသောက်မှုပုံစံ ပြောင်းလဲကာ အချိုစာများလျှော့စားခြင်း၊ ကာဗိုဟိုက်ဒရိတ်များ လျှော့ချခြင်း၊ ကိုယ်လက်လှုပ်ရှားမှု ပြုလုပ်ခြင်း၊ အရက်သေစာ ရှောင်ရှားခြင်းတို့ဖြင့် ပြောင်းလဲနိုင်ပါတယ်။

အမေရိကန် FDA မှ အသိအမှတ်ပြုထားတဲ့ ဆေးဝါးများရှိပေမယ့် စားသောက်မှုပုံစံနဲ့ နေထိုင်မှုပုံစံ ပြောင်းလဲခြင်းတို့ပါ ပြုလုပ်ပေးရမှာ ဖြစ်ပါတယ်။

NAFLD ကုသခြင်းဖြင့် အဆီစစ်ထုတ်ပေးခြင်း၊ အသည်းထိခိုက်မှု လျှော့ချပေးခြင်းတို့ ထောက်ပံ့ပေးပါတယ်။

ကျန်းမာရေးနဲ့ မညီညွတ်တဲ့ နေထိုင်စားသောက်မှုပုံစံကြောင့် အသည်းထိခိုက်ပျက်စီးနိုင်တာမို့ ထိန်းသိမ်းနေထိုင်ရန် အရေးကြီးပါတယ်။

Source: The Jerusalem Post

Published_17 April 2024
အကျဉ်းထောင်၊အချုပ်ထောင်၊စခန်းအသီးသီးတွင် ပြစ်ဒဏ်ကျခံလျက် ရှိသော အကျဉ်းသား၊အကျဉ်းသူ ၃၃၀၃ ဦးတို့ကို ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ “ နောက်တစ်ကြိမ်ပြစ်မှု ထပ်မံကျူးလွန်ပါက ၎င်း ပြစ် ဒဏ်အပြင် ယခုကျခံရန်ကျန်ရှိသော ပြစ်ဒဏ် များကိုပါ ဆက်လက်ကျခံပါမည် ” ဟူသော စည်းကမ်း သတ် မှတ်ချက်ဖြင့် ယင်းတို့ကျခံရန် ကျန်ရှိ သောပြစ်ဒဏ်များအပေါ်လျှော့ပေါ့ပြီး ပြစ်ဒဏ်လွတ်ငြိမ်းခွင့်ပြုလိုက် ကြောင်း နစက သတင်းထုတ်ရေးအဖွဲ့က ထုတ်ပြန်လိုက်သည်။
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌအနေဖြင့် မြန်မာနှစ်သစ်မင်္ဂလာအခါသမယအထိမ်းအမှတ် အားဖြင့် လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူမှုရေးအရငဲ့ညှာထောက်ထား သောအားဖြင့် လည်းကောင်း၊ နိုင်ငံတော်၏မေတ္တာနှင့်စေတနာကိုနားလည်စေရန် ရှေးရှုသောအားဖြင့် လည်းကောင်း အထက်ပါအတိုင်း လွတ်ငြိမ်းခွင့်ြ့ပုခြင်း ဖြစ်ကြောင်း သိရသည်။
ယင်း ပြစ်ဒဏ်လွတ်ငြိမ်းခွင့်အမိန့်ထုတ်ပြန်ချက်တွင်၂၀၂၄ ခုနှစ် ဧပြီလ ၁၇ ရက်မတိုင်မီ လူသတ်မှု၊ မုဒိမ်းမှု၊ ပေါက်ကွဲစေတတ်သော ဝတ္ထု ပစ္စည်းများ အက်ဥပဒေအရပြစ်မှုများ၊ မတရားအသင်းများအက်ဥပဒေအရပြစ် မှုများ၊ ၁၈၇၈ ခုနှစ် လက်နက်များ အက်ဥပဒေ ပုဒ်မ ၁၉(စ) အရ ပြစ်မှုများ၊ ၁၉၄၉ ခုနှစ်လက်နက်(အရေး ပေါ်ပြစ်ဒဏ်စီရင်မှု)(ယာယီ) အက်ဥပဒေအရပြစ်မှုများ၊ ၁၉၅၁ ခုနှစ်လက်နက်(ယာယီပြင်ဆင် ချက်)အက်ဥ ပဒေ အရပြစ်မှုများ၊ ၁၉၂၄ ခုနှစ် ရှမ်းပြည် နယ် လက်နက်အမိန့်အရပြစ်မှုများ၊ ၂၀၂၃ ခုနှစ် လက်နက်ဥပဒေ အရပြစ်မှုများ၊ မူးယစ်ဆေးဝါးနှင့်စိတ် ကို ပြောင်း လဲစေသောဆေးဝါးများဆိုင်ရာဥပဒေအရ ပြစ်မှုများ၊ သဘာ ဝဘေးအန္တရာယ်ဆိုင်ရာစီမံခန့်ခွဲ မှုဥပဒေ အရ ပြစ်မှု များ၊ အကြမ်းဖက်မှုတိုက်ဖျက်ရေးဥပဒေ အရပြစ်မှု များနှင့် အဂတိလိုက်စားမှုတိုက်ဖျက်ရေးဥပ ဒေအရ ပြစ်မှု များမှအပ တည်ဆဲဥပဒေ တစ်ရပ်ရပ်အ ရပြစ်မှုတစ် ခုခုနှင့်စပ်လျဉ်း၍ ပြစ်ဒဏ်ချမှတ်ခြင်းခံရပြီး အကျဉ်း ထောင်၊အချုပ် ထောင်၊စခန်း အသီးသီးတွင် ပြစ်ဒဏ် ကျခံနေရသည့် အကျဉ်းသားသူများကို ရာဇဝတ် ကျင့်ထုံး ဥပဒေ ပုဒ်မ ၄၀၁၊ ပုဒ်မခွဲ (၁) အရ ယင်းတို့ကျ ခံရန်ကျန်ရှိသော ပြစ်ဒဏ်၏ ခြောက်ပုံတစ်ပုံကို လွတ် ငြိမ်း သက်သာခွင့်ပြုလိုက်ကြောင်း ဖော်ပြထားသည်။
နိုင်ငံခြားသားများအား ပြစ်ဒဏ်လွတ်ငြိမ်းခွင့်ပြုရာတွင် မြန်မာနှစ်သစ်မင်္ဂလာအခါသမယအထိမ်းအမှတ် အားဖြင့် လည်းကောင်း၊ နိုင်ငံအချင်းချင်းမိတ်ဝတ်မပျက်ဆက်ဆံရေးကို နှေးရှုသောအားဖြင့်လည်းကောင်း၊ လူသားချင်းစာနာထောက်ထားမှုကို အလေးထားသောအားဖြင့်လည်းကောင်း ခွင့်ပြုခဲ့ခြင်း ဖြစ်ကြောင်း သိရသည်။
အဆိုပါ နိုင်ငံခြားသား အကျဉ်းသား၊အကျဉ်းသူ များကို ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁)အရ “ နောက်တစ်ကြိမ်ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ်များကိုပါ ဆက်လက်ကျခံပါမည် ” ဟူသော စည်းကမ်းသတ်မှတ်ချက်ဖြင့် ယင်းတို့ကျခံရန်ကျန်ရှိသော ပြစ်ဒဏ်များအ ပေါ်လျှော့ပေါ့ပြီး ပြစ်ဒဏ် လွတ်ငြိမ်းခွင့်ပြု၍ ပြည်နှင်ဒဏ်ပေးလိုက်ခြင်း ဖြစ်ကြောင်း သိရသည်။
Yangon_Times/PP

လာမယ့်နှစ်မှာ ကံဇာတာအားကောင်းတဲ့နေ့နာမ်တွေကတော့တနင်္ဂနွေ၊ကြာသပ‌တေးနဲ့သောကြာတွေ‌အားကောင်းတယ်။ အင်္ဂါအတာစားတယ်။ အင်္ဂါအတာစားပေမယ့်တစ်ဦးချင်းစီရဲ့ ကံဇာတာနဲ့လည်းဆိုင်တယ်။ နှစ်သစ်မှာ ကံဇာတာအားကောင်းဖို့ ကုသိုလ်ယတြာတွေပြုလုပ်နိုင်တယ်။ နှစ်သစ်မှာ ပညာရှင်‌တွေကအဆက် အသွယ်‌ကောင်းတွေရလာပြီး ပညာရေး‌ဆိုင်ရာ‌တွေကောင်းနိုင်သလို ဥပဒေအပြောင်းအလဲတွေလည်းရှိလာနိုင်တယ်။
(မြန်မာနိုင်ငံနက္ခတ်ပညာသင်တန်းကျောင်း၊ကျောင်းအုပ်ဆရာမကြီးပါရဂူ ဒေါက်တာဒေါ်ကြည်ကြည်စိန်)
#Local_News
Published_ 17 April 2024
#မြန်မာနှစ်သစ်ကူးအချိန် #ကံဇာတာအားကောင်းသောနေ့နာမ်(၃)ခု
#Yangon_Times #YMG_News #Yangon_Media_Group

#World_Health

Published 17 April 2024

သခွားမွှေးသီးက ရေဓာတ်ဖြည့်ပေးတဲ့အပြင် သွေးပေါင်ချိန် လျှော့ချပေးခြင်း၊ အစာကြေစေခြင်း၊ အာဟာရဓာတ် ဖြည့်ပေးခြင်းတို့ ပေးစွမ်းနိုင်ပါတယ်။

ဒါ့အပြင် သခွားမွှေးသီးရဲ့ အစေ့ဟာလည်း အလွန်အာဟာရရှိပြီး နေပူထဲမှာ အခြောက်လှန်းကာ စားသုံးနိုင်ပါတယ်။

သခွားမွှေးစေ့ စားသုံးခြင်းရဲ့ အကျိုးကျေးဇူးတွေကတော့ ..

(၁) နှလုံးကျန်းမာရေး ကောင်းမွန်စေခြင်း

အိုမီဂါ-၃ ဖက်တီးအက်ဆစ် ပါဝင်တာကြောင့် နှလုံးကျန်းမာရေးကို မြှင့်တင်ပေးပြီး နှလုံးရောဂါ ဖြစ်နိုင်ခြေကို လျှော့ချပေးပါတယ်။

(၂) ကိုယ်ခံအားမြှင့်တင်ပေးခြင်း

ဗိုက်တာမင်-စီနဲ့ ဓာတ်တိုးဆန့်ကျင်ပစ္စည်းများ ပါဝင်ကာ ရောဂါခုခံအားကို မြှင့်တင်ပေးပါတယ်။

(၃) အစာခြေစနစ်ကောင်းမွန်စေခြင်း

အမျှင်ဓာတ်များ ပါဝင်ခြင်းက ဝမ်းသွားခြင်းကို အကူအညီဖြစ်စေပြီး အူလမ်းကြောင်းကို ကျန်းမာစေပါတယ်။

(၄) အသားအရေနှင့်ဆံကေသာ ကျန်းမာစေခြင်း

ဗိုက်တာမင်-အေ၊ စီ ၊အီးတို့က အရေပြားကို ကျန်းမာစေကာ ကော်လာဂျင် ထုတ်လုပ်ပေးပါတယ်။

(၅) အရိုးသန်မာစေခြင်း

မဂ္ဂနီဆီယံ၊ ကယ်လ်စီယံ၊ ဖော့စ်ဖရပ်စ်တို့ မြင့်မားစွာ ပါဝင်တာကြောင့် အရိုးအဆစ်များ သန်မာစေကာ အရိုးပွရောဂါဖြစ်ခြင်းမှ ကာကွယ်ပေးပါတယ်။  

Source: DoctorNDTV

၁၆ ဧပြီ ၂၀၂၄

တရုတ်နိုင်ငံ ယူနန်ပြည်နယ် အနောက်တောင်ပိုင်းရှိ ဒိုင်လူမျိုးစုတို့၏ ဒိုင်နှစ်သစ်ကူး ရေပက်ပွဲတော်ကို စနေနေ့က ကျင်းပခဲ့ရာပါ ဒေသခံဒိုင်လူမျိုးတွေနှင့် ခရီးသွားများက ပျော်ရွှင်စွာဆင်နွှဲခဲ့ကြပါတယ်။

ယူနန်မှာ ဧပြီ ၁၃ ရက်မှ ၁၅ ရက်အထိ ရေပက်ပွဲတော်ကို ဒိုင်လူမျိုးစုတွေရဲ့နှစ်သစ်ကူးပွဲတော်အဖြစ် ကျင်းပခဲ့ကြတာဖြစ်ပါတယ်။

Source CCTV+

16 April 2024

ရုပ်ရှင်နှင့်ဗီဒီယိုဟာသ သရုပ်ဆောင် လူရွှင်တော် ဝက်မယနေ့ ဧပြီလ (၁၆)ရက် သင်္ကြန်အတက်နေ့ တွင်ကွယ်လွန်သွားကြောင်း လူရွှင်တော်အသိုင်းအဝိုင်းမှ သိရသည်။

ကွယ်လွန်ချိန်တွင် အသက် (၅၉)နှစ်ရှိပြီဖြစ်ပြီး နှလုံး၊သွေးတိုး‌နှင့်‌ ကျောက်ကပ်ရောဂါများလည်း  ခံစားခဲ့ရသည်ဟုဆိုသည်။

ပြည်သူချစ်သည့် ရုပ်ရှင်နှင့်ဗီဒီယိုဟာသ သရုပ် ဆောင် လူရွှင်တော် ဝက်မသည်အသက် (၅၉)နှစ်သည် ယနေ့နံက်၆း၃၀ တွင် ကွယ်လွန်သွားကြောင်းကြားသိရသည့်အတွက် မိသားစုနဲထပ်တူနှမြောတသ ဝမ်းနည်းကြေကွဲရကြောင်း၊ကောင်းရာဘုံဘဝကိုရောက်ပါစေကိုဝက်မရေ ဟု လူရွှင်တော်ကောင်းကျော်မှ ရေးသားဖော်ပြထားသည်။

ယင်းအပြင်မဏိရွှေစင်ရုပ်ရှင်မိသားစုမှ ဝေဠုကျော်နှင့်ရေကြည်ချမ်းမြကလည်းဝမ်းနည်းကြေကွဲကြောင်း ကို ရုပ်ရှင်နှင့်ဗီဒီယို ဟာသ သရုပ်ဆောင် လူရွှင်တော် ဝက်မ သည် ယနေ့နံက်၆း၃၀ တွင် ကွယ်လွန်  သွားကြောင်းကြားသိရသည့်အတွက် မိသားစုနဲထပ်တူ နှမြောတသ ဝမ်းနည်းကြေကွဲရကြောင်း၊  ကောင်းရာဘုံဘဝကိုရောက်ပါစေကိုဝက်မရေဟု ရေးသားဖော်ပြထားကြောင်း သိရသည်။

tthl

Yangon_Time

Published_16 April 2024
နှစ်သစ်ကူးအချိန်တွင် နိုင်ငံရေးအရ ဖမ်းဆီးထိန်း သိမ်းထားသူများအား ပြန်လည်လွှတ်ပေးရန် ပြည်သူ့ပါတီက ယနေ့ ဧပြီလ ၁၆ ရက်တွင် တိုက်တွန်းတောင်းဆိုလိုက်သည်။
ယင်းတွင်နိုင်ငံတော်စီမံအုပ်ချုပ်ရေးကောင်စီအနေဖြင့်လည်း မြန်မာနှစ်ကူးအခါသမယတွင် နိုင်ငံရေးအရ ဖမ်း ဆီးထိန်း သိမ်းထားသူများအား ပြန်လည်လွှတ်ပေးခြင်းအားဖြင့် နိုင်ငံရေးနည်းလမ်းဖြင့်ဖြေရှင်းလိုသော စိတ် ကောင်း စေတနာကို ပြသပါရန် တောင်းဆိုတိုက်တွန်းအပ်ပါကြောင်း ဖော်ပြထားသည်။
ယင်းအပြင် ကုန်လွန်ခဲ့သည့်နှစ်ဟောင်းတွင် ကြုံတွေ့ခဲ့ကြရသည့် နိုင်ငံရေး စစ်ရေးပဋိပက္ခများ၊ လူမှုစီးပွား အနိဋ္ဌာရုံများသည်လည်း ဆယ်စုနှစ်များစွာ သန္ဓေတည်ခဲ့သည့် အကြောင်းတရားများ ပေါင်းစုဖြစ်ပေါ်လာသော ဆိုးကျိုးတရားများပင် ဖြစ်ကြောင်းလည်း ဖော်ပြထားသည်။
မြန်မာနိုင်ငံ၏ လက်ရှိပဋိပက္ခသည် ပြည်တွင်းရေးသက်သက်မဟုတ်တော့ဘဲ၊ အိမ်နီးချင်းနိုင်ငံများ၊ ဒေသ တွင်း နှင့်နိုင်ငံတကာအခင်းအကျင်းများနှင့်ပါ ဆက်စပ်လျက်ရှိသောကြောင့်ဘက်အသီးသီးမှ ခေါင်းဆောင်များ အ နေဖြင့်လည်းကောင်း၊ ပြည်သူအများအကြားတွင်လည်းကောင်း၊ ထင်ရောင်မှားမှုများ၊ လှုံ့ဆော်စည်းရုံးမှု များကို အကြောင်းပြု၍ ဖြစ်ပေါ်လာသော မျှော်လင့်ချက်အမှားများသည် ပဋိပက္ခ၏ အနိဋ္ဌာရုံများကိုသာ တာရှည် စွာ ဆက်လက်ပေါ်ပေါက်နေစေပါလိမ့်မည် ဖြစ်ကြောင်းလည်း ယင်းတွင်ဖော်ပြထားသည်။
လွတ်လပ်ရေးနှင့်အတူ ပေါက်ဖွားလာသော ဝါဒရေးရာပြဿနာ၊ ဒီမိုကရေစီနှင့် တန်းတူညီမျှရေး(ဖက်ဒရယ် ရေး) ပြဿနာများ၊ ဂိုဏ်းဂဏစွဲ အာဏာနိုင်ငံရေး ပဋိပက္ခများကို လက်နက်ကိုင်နည်းလမ်းဖြင့် ဖြေရှင်းရန် ကြိုးစားကြ ရာမှ လွတ်လပ်ငြိမ်းချမ်းမှု၊ တရားဥပဒေစိုးမိုးမှု၊ ဖွံ့ဖြိုးတိုးတက်မှုအဝဝ ပျက်စီးခဲ့ရပြီး၊ စစ်ကြီးစိုးရေး ဝါဒ လွှမ်းမိုး လာခဲ့သည်မှာ ယနေ့တိုင်အောင်ပင်ဖြစ်ကြောင်း ။ ပြည်သူအများစုအတွက် နေ့စဉ်ဘဝ တွင် လက်နက်ကိုင်ပဋိပက္ခနှင့်အတူ အကြမ်းဖက်ဖြေ ရှင်းမှု၊ ခြိမ်းခြောက်အကြပ်ကိုင်မှုများ၊ မိသားစုပေါင်းများစွာ သေကွဲရှင်ကွဲ ကွဲနေကြရသည့် အနိဋ္ဌာရုံများ၊ လူမှုစီးပွား အကြပ်အတည်းများ ဖြစ်နေကြရကြောင်းလည်း အဆိုပါ ထုတ်ပြန်ချက်က ဖော်ပြထားသည်။
ယင်းအပြင်လက်နက်ကိုင်ပဋိပက္ခကို ဘက်အသီးသီးမှ ရပ်တံ့၍ မြန်မာ့နိုင်ငံရေးဖြစ်စဉ်တစ်ခုလုံးကို ပြန်လည်သုံးသပ်ပြီးမှသာ ဆက်လက်ဆောင်ရွက်ကြရန်လည်း ပြည်သူ့ပါတီက တိုက်တွန်းလိုထားသည်ကို တွေ့ရသည်။
ပြည်သူ့ပါတီအနေဖြင့် ဒီမိုကရေစီရေး၊ ဖက်ဒရယ်ရေး၊ ငြိမ်းချမ်းရေးများမှတစ်ဆင့် လွတ်လပ်ငြိမ်းချမ်းသော၊ ကြွယ်ဝချမ်းသာသော နိုင်ငံတော်ကို အကြမ်းမဖက် နိုင်ငံရေးနည်းလမ်းဖြင့် မဆုတ်မနစ် ကြိုးပမ်းဆောင်ရွက် သွားမည်ဖြစ်ကြောင်း လည်း နှစ်သစ်သန္နိဋ္ဌာန် ပြုလိုက်ကြောင်း ထုတ်ပြန်ချက်တွင် ဖော်ပြထားသည်။
Yangon_Times/PP

Published 15 April 2024

အာရှနိုင်ငံတွေမှာ ဆန်ဆေးရေကို အလှအပရေးရာအတွက် ရာစုနှစ်တွေတိုင်အောင် အသုံးပြုလာကြပါတယ်။

ဆန်စိမ်ခြင်း ဒါမှမဟုတ် ထမင်းချက်ခြင်းမှရတဲ့ရေကို အသုံးပြုရတာ ဖြစ်ပါတယ်။

ဆန်ဆေးရေ အသုံးပြုခြင်းကြောင့် အသားအရေအတွက် ရရှိလာနိုင်တဲ့ အကျိုးကျေးဇူးများကို ဖော်ပြလိုက်ပါတယ်။

(၁) ဆန်ဆေးရေမှာပါတဲ့ ဒြပ်ပေါင်းတွေက ရောင်ရမ်းခြင်းကို ဆန့်ကျင်ပေးတာကြောင့် အသားအရေစပ်ဖျဥ်းခြင်းကို သက်သာစေပါတယ်။

(၂) ဗိုက်တာမင်နဲ့ သတ္တုဓာတ်များ ကြွယ်ဝတာကြောင့် အသားအရေကို ရေဓာတ်ဖြည့်ပေးပါတယ်။

(၃) ဗိုက်တာမင်နဲ့ သတ္တုဓာတ်တွေကပဲ အသားအရေကို ညီညာစေပြီး တောက်ပစေပါတယ်။

(၄) ချွေးပေါက်တွေကျဥ်းစေပြီး အဆီပြန်ခြင်းကို သက်သာစေတာကြောင့် ဝက်ခြံလျှော့ချပေးပါတယ်။

(၅) ဓာတ်တိုးဆန့်ကျင်ပစ္စည်းများ ပါဝင်တာကြောင့် အရေပြားပျက်စီးစေတဲ့ ဓာတ်များကိုလျော့နည်းစေပြီး အရွယ်မတိုင်ခင် အိုမင်းခြင်းကို ကာကွယ်ပေးပါတယ်။

(၆) ဆန်ဆေးရေ ပုံမှန်သုံးပေးပါက အစက်အပြောက်များနဲ့ အရောင်များလွန်းခြင်းမှ ကာကွယ်ပေးပြီး အသားအရေအရောင်ကို ညီညာစေပါတယ်။

(၇) သဘာဝအတိုင်း သန့်စင်ပေးတဲ့ အင်ဇိုင်းများပါဝင်ကာ ဆဲလ်သေများကို ဖယ်ရှားပေးပြီး အသားအရေကို ဝင်းပချောမွေ့စေပါတယ်။

(၈) ကစီဓာတ်က အရေပြားကို အကာအကွယ်ပေးပြီး ရောင်ရမ်းခြင်းကို လျှော့ချပေးကာ ဒဏ်ရာများမှ သက်သာစေပါတယ်။

(၉) ဆန်ရေရဲ့ pH ဓာတ်က ကျန်းမာတဲ့အသားအရေနဲ့ တူညီပြီး အရေပြားရဲ့ pH ကိုလည်း ထိန်းသိမ်းပေးပါတယ်။

(၁၀) ရောင်ရမ်းခြင်းကို ဆန့်ကျင်ပေးတဲ့ အစွမ်းသတ္တိက အသားအရေ နေလောင်ခြင်းကို သက်သာစေပါတယ်။

Source: DoctorNDTV

Published 16 April 2024

အစ္စရေးလ်က အီရန်ရဲ့ နျူကလီးယား စက်ရုံတွေကို ပစ်မှတ်ထားလာနိုင်တာနဲ့ ပတ်သက်ပြီး ကုလသမဂ္ဂ နျူကလီးယား စောင့်ကြည့်ရေးအဖွဲ့ အကြီးအကဲက စိုးရိမ်နေကြောင်း တနင်္လာနေ့မှာ ပြောကြားလိုက်ပါတယ်။

နိုင်ငံတကာ နျူကလီးယားစွမ်းအင် အေဂျင်စီ(IAEA)မှ အီရန်စက်ရုံတွေကို ဝင်ရောက်စစ်ဆေးတာတွေကတော့ အင်္ဂါနေ့မှာ ပြန်လည်စတင်မှာ ဖြစ်ပါတယ်။

ဧပြီ ၁ ရက်နေ့ ဆီးရီးယားရှိ အီရန်သံရုံးဝင်းကို အစ္စရေးလ်ကလို့ သံသယဖြစ်နေတဲ့ လေကြောင်းတိုက်ခိုက်မှု ပြုလုပ်ခဲ့တဲ့အပေါ် အီရန်က လက်စားချေတဲ့အနေနဲ့ သီတင်းပတ်အကုန်မှာ ဒုံးကျည်တွေ ဒရုန်းတွေနဲ့ တိုက်ခိုက်ခဲ့ရာ အစ္စရေးလ်က ပြန်လည်တုန့်ပြန်သွားမှာ ဖြစ်တယ်လို့ အစ္စရေးလ်စစ်တပ် အကြီးအကဲက တနင်္လာနေ့မှာ ဆိုပါတယ်။

အစ္စရေးလ်မဟာမိတ်တွေက အရှေ့အလယ်ပိုင်းမှာ တင်းမာမှု မြင့်တက်လာမှာကို စိုးရိမ်နေကာ ဝိုင်းဝန်းတားဆီးနေတဲ့ကြားက အခုလို ပြောကြားလာတာ ဖြစ်ပါတယ်။

အီရန်က လုံခြုံရေးဆိုင်ရာ ချင့်ချိန်စရာတွေ ရှိတယ်ဆိုပြီး နျူကလီးယားစက်ရုံများကို တနင်္ဂနွေနေ့က ပိတ်သိမ်းခဲ့ကြောင်း IAEA ညွှန်ကြားရေးမှူးချုပ် ရာဖေးလ်ဂရော့စီက ဆိုပါတယ်။

တနင်္လာနေ့မှာ ပြန်ဖွင့်ခဲ့ပေမယ့် အခြေအနေတွေ မတည်ငြိမ်သေးသရွေ့ စစ်ဆေးရေးမှူးများကို လွှတ်ဦးမှာမဟုတ်ဘူးလို့ ဆိုပါတယ်။

‘’မနက်ဖြန်တော့ ပြန်လည်စတင်မှာဖြစ်ပြီး ထိုကိစ္စကြောင့် စစ်ဆေးရေးလုပ်ငန်းများကို ထိခိုက်မှာမဟုတ်ပါဘူး’’ လို့ ဂရော့စီက သတင်းထောက်တွေကို နယူးယော့ခ်မှာ ပြောကြားခဲ့ပါတယ်။

IAEA က အီရန်ရဲ့ အဓိကနျူကလီးယား စက်ရုံကြီးများကို ပုံမှန်စစ်ဆေးနေတာ ဖြစ်ပါတယ်။

အီရန်ကတော့ သူတို့ရဲ့ နျူကလီးယားစီမံကိန်းက လုံးဝငြိမ်းချမ်းတည်ငြိမ်တယ်လို့ ဆိုထားပေမယ့် အမေရိကန်က အီရန်ဟာ နျူကလီးယားဗုံးများ ပြုလုပ်ရန်ကြံရွယ်နေတယ်လို့ စွပ်စွဲထားပါတယ်။

Source: NDTV

Published 15 April 2024

လူတစ်ယောက်ရဲ့ လက်ရှိအသက်ထက် ကိုယ်တွင်းဇီဝအသက်က ပိုကြီးလာတဲ့အခါ အရွယ်လွန် မြန်လာပြီး ကင်ဆာအကျိတ်များ ဖြစ်နိုင်ခြေ ပိုများစေပါတယ်။

လတ်တလော ဆယ်စုနှစ်များအတွင်း ကင်ဆာဖြစ်နိုင်ခြေနဲ့ အရွယ်လွန်မြန်လာခြင်းတို့က ငယ်ရွယ် သူတွေမှာ တကယ်ကို ပြဿနာဖြစ်လာကြောင်း စိန့်လူးဝစ္စ ဝါရှင်တန်ဆေးတက္ကသိုလ်မှ ရူရီရှန်က ပြောပြပါတယ်။

အသက် ၅၅ နှစ်အောက်လူတွေမှာ ကင်ဆာတွေ့ခဲ့ရင် ငယ်ငယ်ရွယ်ရွယ်နဲ့ ကင်ဆာဖြစ်တယ်လို့ လေ့လာချက်ထဲမှာ သတ်မှတ်ပါတယ်။

၁၉၆၅ ခုနှစ်နောက်ပိုင်း မွေးဖွားသူတွေဟာ ယင်းတို့ထက် စောမွေးသူများထက် စောစီးစွာအိုမင်းခြင်း ၁၇ ရာခိုင်နှုန်း ပိုများတယ်လို့ သုတေသီများ ကောက်ချက်ချထားပါတယ်။

ထိုလေ့လာချက်တွေကနေ ကိုယ်တွင်းဇီဝအသက် အိုမင်းလာခြင်းကို နှောင့်နှေးစေကာ ကင်ဆာ ကာကွယ်နိုင်ရန် နည်းလမ်းတွေ့လာနိုင်တယ်လို့ မျှော်လင့်ရပါတယ်။

လက်ရှိမျိုးဆက်များအနေဖြင့် ကျန်းမာရေးအကြောင်း ပိုမိုသတိထားနေရန်နဲ့ အရွယ်လွန်မြန်လာခြင်းရဲ့ ဆိုးကျိုးတွေကို သိရှိရန် အရေးကြီးပါတယ်။

ဒါပေမဲ့ ထိုလေ့လာချက်တွေက ဗြိတိန်မှာပဲ စမ်းသပ်ထားတာကြောင့် အခြားနိုင်ငံ၊ လူမျိုးများနဲ့ တိုက်ရိုက်သက်ဆိုင်မနေနိုင်ပါဘူး။

လူတွေရဲ့ ပြက္ခဒိန်သက်တမ်း ကြီးလာတာနဲ့အမျှ ကင်ဆာ၊ ဆီးချို၊ နှလုံးရောဂါ၊ လေဖြတ်ခြင်းတို့ ဖြစ်နိုင်ခြေ များလာပါတယ်။

အဝလွန်နှုန်းကလည်း မြင့်တက်နေပြီး အရွယ်လွန်မြန်လာခြင်းနဲ့ ရောဂါဖြစ်နိုင်ခြေများခြင်းတို့နဲ့ ဆက်စပ်နေကာ ခန္ဓာကိုယ်ထဲမှာ ဇီဝဓာတုမမှန်ခြင်းများ ဖြစ်လာစေပါတယ်။

ဒါကြောင့် ကိုယ်တွင်းဇီဝသက်တမ်း ပိုမိုမြန်ဆန်စွာ အိုမင်းလာတဲ့အခါ အသက်အရွယ်နဲ့ ဆိုင်တဲ့ရောဂါတွေလည်း စောစီးစွာ ဖြစ်နိုင်ပါတယ်။

Source: New York Post

#World_News

ဇမ်ဘီယာနိုင်ငံမှာ တရုတ်မှ ဆောက်လုပ်တဲ့ အစ်ထမ်ပီ ဆိုလာလျှပ်စစ်ဓာတ်အားပေးစက်ရုံကို ကော့ပါးဘဲ့လ်ပြည်နယ် ကီထွေမှာ ဗုဒ္ဓဟူးနေ့က တရားဝင်ဖွင့်လှစ်လိုက်ပြီ ဖြစ်ပြီး တိုင်းပြည်စွမ်းအင်ကဏ္ဍမှာ အရေးပါတဲ့ မှတ်ကျောက်တစ်ခု ဖြစ်လာပါတယ်။

၁၅ ဧပြီ ၂၀၂၄

မန္တလေးတိုင်းဒေသကြီး ပြင်ဦးလွင်မြို့အတွင်းသို့ ဧပြီ ၁၄ရက် ညပိုင်းတွင် အကြမ်းဖက်သမားများက ၁၀၇မမ ရှော့တိုက်ဒုံး ၁၁ လုံးဖြင့် ပစ်ခတ်ခဲ့တဲ့အတွက် သံဃာတော်(၂)ပါးနှင့်ပြည်သူ(၂)ဦးသေဆုံးခဲ့ကာ ပြည်သူ ၁၂ ဦး ထိခိုက်ဒဏ်ရာများရရှိခဲ့ကြောင်း နစကရဲ့သတင်းထုတ်ပြန်ချက်အရသိရပါတယ်။

အကြမ်းဖက်သမားများပစ်ခတ်လိုက်တဲ့ ရှော့တိုက်ဒုံးများသည် ပြည်သူ့ဆေးရုံရှိ အရိုးကုသဆောင်၊ အောင်မြေ  ဇေယျာဘုန်းကြီးကျောင်း၊ Luxury Hotel ၊ ရပ်ကွက်ကြီး (၅)၊ ဗလမင်းထင်ရပ်ကွက်နှင့် စပါယ်ရပ်ကွက်များ အတွင်း သို့ ရှော့တိုက်ဒုံးသီးများ ကျရောက်ပေါက်ကွဲခဲ့တာဖြစ်ပါတယ်။

အဆိုပါတိုက်ခိုက်ခံရမှုကြောင့် အောင်မြေဇေယျာဘုန်းတော်ကြီးကျောင်းတွင် သီတင်းသုံး နေထိုင်သည့် ဘဒ္ဒန္တ  တေဇာနန္ဒနှင့် ဒုလ္လဘရဟန်း ၁ ပါး ၊ စုစုပေါင်း ၂ ပါးပျံလွန်တော်မူပြီး ပြည်သူ ၁ ဦး သေဆုံး၍ ၁ ဦးထိခိုက်ဒဏ်ရာများ ရရှိခဲ့ပါတယ်။ စပါယ်ရပ်ကွက်တွင် နေထိုင်သည့် ပြည်သူ ၁ ဦး သေဆုံးခဲ့ကာ ပြည်သူ့ ဆေးရုံတွင် တက်ရောက်  ဆေးကုသ မှုခံယူနေသော အသက် ၅ နှစ်နှင့် ၉ နှစ်အရွယ် ကလေးငယ်များအပါအဝင် လူနာနှင့် ဆေးရုံဝန်ထမ်း ၁၁ ဦးမှာ အပြင်းအထန် ထိခိုက်ဒဏ်ရာများ ရရှိခဲ့ကြောင်း သတင်းထုတ်ပြန်ချက်မှာဖော်ပြထားပါတယ်။

ထိခိုက်ဒဏ်ရာရရှိသူများကို လိုအပ်တဲ့ဆေးဝါးကုသမှုတွေလုပ်ဆောင်ပေးနေကြောင်းလည်းသိရပါတယ်။

ယခုကဲ့သို့ စစ်ရေးနှင့် မသက်ဆိုင်သော မြို့/ရွာ ရပ်ကွက်များ အတွင်းသို့ ရှော့တိုက်ဒုံးများ ရည်ရွယ်ချက်ရှိရှိဖြင့် ပစ်ခတ်ခြင်းသည် ဂျီနီဗာကွန်ဗန်းရှင်းနှင့် အပြည်ပြည်ဆိုင်ရာ ဥပဒေတို့အရ စစ်ရာဇဝတ်မှု(War Crime)ကို ကျူးလွန်ခြင်းဖြစ်တယ်လို့ နစကရဲ့သတင်းထုတ်ပြန်ချက်မှာဖော်ပြထားပါတယ်။ အဆိုပါအကြမ်းဖက်သမားများ  အား အမြန်ဆုံး ဖော်ထုတ်ဖမ်းဆီးနိုင်ရေး လုံခြုံရေး တပ်ဖွဲ့ဝင်များက လုံခြုံရေးလုပ်ငန်းများ တိုးမြှင့်ဆောင်ရွက် လျက်ရှိကြောင်းနှင့် ပြည်သူများ သက်ဆိုင်ရာသို့ လျှို့ဝှက်သတင်းပေးတိုင်ကြားပြီး ပူးပေါင်းပါဝင်ကြဖို့ နစက,က နှိုးဆော်ထားပါတယ်။

@ymg/knl