#World_News
Published 27 May 2024

▪️ တနင်္ဂနွေနေ့က အင်အားပြင်းထန်တဲ့ ဆိုင်ကလုန်းမုန်တိုင်းရမ်မဲလ် ကျရောက်ခဲ့သဖြင့် ဘင်္ဂလားဒေ့ရှ်နဲ့ အိန္ဒိယကမ်းရိုးတန်း ဒေသတွေမှာ လေပြင်းများတိုက်ခတ်ပြီး မိုးသည်းထန်ခဲ့ကာ ဓာတ်တိုင်များ သစ်ပင်များပြိုလဲပြီးနောက် လူသန်းပေါင်းများစွာ လျှပ်စစ်မီးမရရှိဘဲ ဖြစ်နေပါတယ်။

▪️ မုန်တိုင်းက ဘင်္ဂလားဒေ့ရှ် မွန်ဂလာဆိပ်ကမ်း၊ အိန္ဒိယအနောက်ဘင်္ဂလားပြည်နယ်ရှိ ဆာဂါကျွန်းတို့ရဲ့ ကမ်းရိုးတန်းဒေသတွေမှာ တစ်နာရီကို ၁၃၅ ကီလိုမီတာနှုန်းဖြင့် ဝင်ရောက်တိုက်ခတ်ခဲ့ကြောင်း အိန္ဒိယမိုးလေဝသဌာနက ဖော်ပြခဲ့ပါတယ်။

▪️ မုန်တိုင်းက တနင်္လာနေ့နံနက်ပိုင်းမှာ ဆိုင်ကလုန်းအဖြစ်သို့ အားနည်းသွားပြီး အရှေ့မြောက်ပိုင်းသို့ ရွေ့လျားသွားကာ တဖြည်းဖြည်း အားနည်းသွားတယ်လို့ နောက်ဆုံးတင်ပြထားပါတယ်။

▪️ တနင်္ဂနွေနေ့ည ၉ နာရီခန့်မှာ မုန်တိုင်းစတင်ဝင်ရောက်ခဲ့ပြီး ၅ နာရီခန့် ဆက်လက်တိုက်ခတ်ခဲ့တယ်လို့ ဆိုပါတယ်။

မုန်တိုင်းတိုက်နေစဥ် ကွန်ကရစ်တုံးပြုတ်ကျသဖြင့် ကလ္လက္ကတားမှာ လူတစ်ဦးသေဆုံးခဲ့တယ်လို့ ရဲတပ်ဖွဲ့က ဆိုပါတယ်။

▪️ ရာသီဥတု ဖောက်ပြန်မှုကြောင့် ပင်လယ်ရေမျက်နှာပြင်အပူချိန် မြင့်တက်ကာ ကမ်းရိုးတန်းအနိမ့်ပိုင်းမှာရှိနေတဲ့ ဘင်္ဂလားဒေ့ရှ်နဲ့ အိန္ဒိယတို့မှာ လတ်တလောနှစ်များအတွင်း မုန်တိုင်းဒဏ်များ ခံစားနေရပါတယ်။

▪️ ဘင်္ဂလားဒေ့ရှ်ဟာ ထိုနေရာတဝိုက်မှ လူပေါင်း ၈ သိန်းကို မုန်တိုင်းခိုလှုံရာနေရာများသို့ ရွှေ့ပြောင်းခဲ့ပြီး အိန္ဒိယမှာလည်း လူပေါင်း ၁၁၀၀၀၀ ကို ဘေးကင်းရာသို့ ရွှေ့ပြောင်းထားပါတယ်။

▪️ ဘင်္ဂလားဒေ့ရှ်က ဆိုင်ကလုန်းခိုလှုံရာနေရာပေါင်း ၈၀၀၀ နီးပါး ပြင်ဆင်ထားကာ လုပ်အားပေး ၇၈၀၀၀ ခန့် စေလွှတ်ထားသလို အိန္ဒိယရေတပ်ကလည်း သင်္ဘော၊ လေယာဥ်၊ ဆေးဝါးပစ္စည်းများ အဆင်သင့်ပြင်ထားတယ်လို့ ဆိုပါတယ်။

▪️ နှစ်နိုင်ငံစလုံးမှာ ကြိုတင်သတိပေးနိုင်ခဲ့တာကြောင့် ဆုံးရှုံးမှု ကြီးကြီးမားမား မရှိခဲ့ပေမယ့် လျှပ်စစ်ဓာတ်အားပေး အပိုင်းမှာတော့ ထိခိုက်ခဲ့ပါတယ်။

▪️ လျှပ်စစ်ဓာတ်တိုင် ၃၅၆ တိုင်နဲ့ ထရန်စ်ဖော်မာအချို့ ပျက်စီးထားကြောင်း အနောက်ဘင်္ဂလားရှိ လျှပ်စစ်စွမ်းအင်ဝန်ကြီးက ဆိုပါတယ်။

▪️ ဆိုင်ကလုန်းကြောင့် ဘင်္ဂလားဒေ့ရှ်မြို့တော် ဒါကာမှာ မိုးကြီးခဲ့ပြီး လမ်းမများ ရေကြီးကာ လမ်းပန်းဆက်သွယ်ရေး ဆိုးဆိုးရွားရွား ထိခိုက်ခဲ့ပါတယ်။ 

#Source: Reuters

#World_Science
Published 27 May 2024

▪️ သိပ္ပံပညာရှင်တွေဟာ ဆန်းသစ်လေ့လာမှုတစ်ခု ပြုလုပ်ရန်အတွက် အငြိမ်းစားရေတပ်အရာရှိ ဂျိုဆပ်ဒီတူရီကို ရေအောက်မှာ ၃ လကျော် နေထိုင်ခိုင်းခဲ့ပါတယ်။

▪️ ရေအောက်မှာ ဖိအားသိပ်အခန်းထဲ နေထိုင်ခြင်းက လူ့ခန္ဓာကိုယ်အပေါ် ဘယ်လိုသက်ရောက်မှု ရှိလဲဆိုတာကို လေ့လာချင်ကြတာ ဖြစ်ပါတယ်။

▪️ အတ္တလန္တိတ်သမုဒ္ဒရာအောက် ၃ လကျော်နေထိုင်ပြီးနောက် ဒီတူရီပြန်ထွက်လာရာမှာ ၁၀ နှစ်တာလောက် နုပျိုသွားတာကို သိပ္ပံပညာရှင်များ အံ့အားသင့်ခဲ့ကြပါတယ်။

▪️ ဆေးစစ်မှုများ ပြုလုပ်ပြီးနောက် အသက်ကြီးလာတာနဲ့အမျှ ကျုံ့သွားတတ်တဲ့ ခရိုမိုဆုန်း အဆုံးဖက်များရှိ ဒီအင်န်အေဟာ ယခင် ၃ လကထက် ၂၀ ရာခိုင်နှုန်း ပိုမိုရှည်လျားတာကို တွေ့ရှိခဲ့ကြပါတယ်။

▪️ ပင်မစတမ်းဆဲလ် အရေအတွက်လည်း မြင့်မားလာတဲ့အပြင် အလုံးစုံကျန်းမာရေး သိသိသာသာ ပြောင်းလဲသွားပါတယ်။

▪️ ကောင်းစွာအိပ်စက်နိုင်သလို ကိုလက်စ်ထရောလ်အမှတ်များ ၇၂ မှတ် ကျဆင်းသွားပြီး ရောင်ရမ်းခြင်းကို ဖော်ပြတဲ့ သတ်မှတ်ချက်များ တဝက်နည်းပါးသွားပါတယ်။

▪️ ဒီလိုမျိုး ရေအောက်ဖိအားကြောင့် ပြောင်းလဲမှုများက ခန္ဓာကိုယ်အတွက် အကျိုးရှိစေတယ်လို့ ဆရာဝန်များက ဆိုပါတယ်။

▪️ ဒီတူရီကိုယ်တိုင်ကလည်း ထိုကဲ့သို့ ရေအောက်မှာ နေကြည့်ဖို့ ပြောကြားခဲ့ပါတယ်။

▪️ သူ့ရဲ့ဇီဝကမ္မဖြစ်စဥ်မှာလည်း တိုးတက်မှုတွေ ရှိလာတယ်လို့ ဆိုပါတယ်။

#Source: WION

#World_Health
Published 27 May 2024

▪️ သင်္ဘောသီးမှာ ဒဏ်ရာဝေဒနာများ သက်သာစေတဲ့ အစွမ်းသတ္တိ ရှိတယ်လို့ သတ်မှတ်ထားကြပြီး အသီးနဲ့အရွက်တို့ကို ကမ္ဘာတဝှမ်းမှာ ရိုးရာဆေးဖက်ဆိုင်ရာများအတွက် အသုံးပြုနေကြပါတယ်။

▪️ သင်္ဘောရွက်ရဲ့ အကျိုးအာနိသင်တွေကို နောက်ထပ်လေ့လာမှုတွေ ပြုလုပ်ရဦးမှာဖြစ်ပေမယ့် သင်္ဘောသီးရဲ့ ကင်ဆာဆန့်ကျင်ခြင်းနဲ့ ဆီးချိုဆန့်ကျင်ခြင်း သတ္တိတွေကိုတော့ ခေတ်မီသိပ္ပံပညာမှာလည်း ထောက်ခံထားပါတယ်။

▪️ ဗိုက်တာမင်တွေနဲ့ သတ္တုဓာတ်တွေလည်း ကြွယ်ဝတာကြောင့် ကိုယ်ခံအားကို မြှင့်တင်ရာမှာလည်း ပါဝင်ပတ်သက်နေတယ်လို့ အထောက်အထား တွေ့ရှိထားပါတယ်။

▪️ သင်္ဘောသီးစားခြင်းဟာ ကျန်းမာရေးနဲ့ ညီညွတ်ပြီး ရွေးချယ်သင့်တဲ့ စားစရာဖြစ်တယ်လို့ အာဟာရပညာရှင် ဂျန်နာဝါနာက ပြောပြပါတယ်။

▪️ ဓာတ်တိုးဆန့်ကျင် အာနိသင်ကလည်း ရောင်ရမ်းခြင်းကို လျှော့ချပေးကာ ကင်ဆာဖြစ်ပွားခြင်းမှပင် ကာကွယ်ပေးနိုင်ပါတယ်။

▪️ ရေဓာတ်ပါဝင်မှုကြောင့်လည်း အရေပြားကျန်းမာရေး ကောင်းမွန်စေပြီး အသားအရေ ဝင်းလက်နုပျိုစေပါတယ်။

▪️ ဓာတ်တိုးဆန့်ကျင်ပစ္စည်းများဖြစ်တဲ့ ဗိုက်တာမင်-စီ၊ အီး၊ ဘီတာကယ်ရိုတင်း၊ လိုင်ကိုပင်းတို့က ဆဲလ်များထိခိုက်ခြင်းမှ ကာကွယ်ပေးပါတယ်။

▪️ အစာအိမ်အူလမ်းကြောင်းအတွက် ကောင်းကျိုးပြုပိုးမွှားများ ထောက်ပံ့ကာ အစာခြေစနစ်ကိုလည်း အကျိုးပြုပါတယ်။

▪️ ပိုတက်ဆီယမ်လည်း ကြွယ်ဝတာကြောင့် သွေးပေါင်ချိန်များတဲ့သူတွေအတွက် သင့်လျော်ပါတယ်။  

#Source: USA Today

#Local_News
Published 26 May 2024

▪️ နိုင်ငံခြားသုံးငွေလုပ်ငန်းလုပ်ကိုင်ခွင့်လိုင်စင်မရှိဘဲ နိုင်ငံခြားငွေရောင်းဝယ်၊လဲလှယ်သည့်လုပ်ငန်းလုပ်ကိုင်‌နေသည့်လုပ်ငန်းများ၊Facebook Pageများနှင့် အင်တာနက်စာမျက်နှာ(၁၆)ခုကို မြန်မာနိုင်ငံတော်ဗဟိုဘဏ်အ‌နေဖြင့် အရေးယူ ဆောင်ရွက်ထားကြောင်း သိရသည်။

▪️ အရေးယူခံရသည့် လုပ်ငန်း၊ Facebook Pageများနှင့် အင်တာနက်စာမျက်နှာများကတော့ ငွေဈေးနှုန်းနှင့်ငွေလွှဲဆိုင် ၊ Moe Latt၊ Si Thu & bro များ ၊ ရန်ကုန်ငွေဈေး ၊ ဒေါ်လာဝယ်ရောင်းတိုက်ရိုက် USD Exchange ၊ ဒေါ်လာရောင်းဝယ်၊ December Snow ၊ June Lin Htet Naing၊ Htet Yan Money Exchange ၊ Global Value Services-GVS Money Exchange and Transfer ၊  Boss Online Money Exchange Services (Family Money Exchange) ၊ Lucky Sky Gold Smith (Facebook Page) ၊  Nay Myo Htet (Facebook Page) ၊ Gold Market Myanmar (Facebook Page) ၊ Ye Mon၊ Naing Lu စသည်တို့ဖြစ်သည်။

▪️ ဗဟိုဘဏ်အနေဖြင့် အဆိုပါအဖွဲ့အစည်းများနှင့် ပါဝင်ရောင်းဝယ်သူများအား အရေးယူဆောင်ရွက်ပြီး ဖြစ်သည့်အပြင် ပြည်ပမှအဝယ်၊အရောင်း ဆောင်ရွက်နေသည့် Page များ၊ ဖုန်းနံပါတ်များကို သက်ဆိုင်ရာဗဟိုဘဏ်များသို့ အကြောင်းကြား၍ အရေးယူဆောင်ရွက်ရန်ညှိနှိုင်းဆောင်ရွက်လျက်ရှိသည်ဟုဆိုသည်။

▪️ မြန်မာနိုင်ငံတော်ဗဟိုဘဏ်အ‌နေဖြင့် ယခုကဲ့သို့ အဖွဲ့အစည်းများအား တရားဥပဒေစိုးမိုးရေး အဖွဲ့အစည်းများဖြင့် ပူးပေါင်း၍ ဖမ်းဆီးဖော်ထုတ် အရေးယူသွားမည်ဖြစ်ကြောင်း၊

▪️ ပြည်သူများအနေဖြင့် တရားဝင်လိုင်စင်ထုတ်ပေး ထားပြီးဖြစ်သည့် နိုင်ငံခြားငွေလဲလှယ် ရောင်းချခွင့်ရှိသည့် ငွေရေးကြေးရေးအဖွဲ့အစည်းများဖြင့်သာ လဲလှယ်ရောင်းဝယ်ရန်အသိပေးကြောင်း၊

▪️ Facebook Pageများ၊အင်တာနက်စာမျက်နှာများ တွင် တရားမဝင်နိုင်ငံခြားငွေလဲလှယ်ရောင်းဝယ် ဈေးကစားနေသူများအား နိုင်ငံခြားသုံးငွေစီမံခန့်ခွဲမှုဥပဒေပုဒ်မ၃၈နှင့်၄၂အပြင် ပြည်သူအကျိုးထိခိုက်၍ရာဇသတ်ကြီးဥပဒေပုဒ်မဖြင့်ပါ အရေးယူသွားမည်ဖြစ်ကြောင်း မြန်မာနိုင်ငံတော်ဗဟိုဘဏ်၏ ထုတ်ပြန်ချက်တွင်ဖော်ပြထားသည်။

#tthl #Yangon_Times

၂၆ မေ ၂၀၂၄

ဒိုဟာမှ ဒပ်ဗလင်မြို့သို့ ပျံသန်းသော ကာတာလေကြောင်းလိုင်းပိုင် လေယာဉ်သည် ယနေ့ မေလ ၂၆ရက်နေ့ တွင် ပျံသန်းနေစဉ် လေပွေကြမ်းမိသဖြင့် လေယာဉ်အမှုထမ်း(၆)ဦးအပါအဝင် လူ ၁၂ ဦးဒဏ်ရာရရှိသွား ပါတယ်။ လန်ဒန်မှစင်္ကာပူပျံသန်းသည့် စင်္ကာပူလေကြောင်းလိုင်းလေယာဉ် လေပွေကြမ်းမိပြီး ခရီးသည် တစ်ဦးသေဆုံးကာ ဒါဇင်များစွာ ဒဏ်ရာရခဲ့သည့် ဖြစ်စဉ်အပြီး (၅)ရက်အကြာတွင်ကာတာလေကြောင်း လေယာဉ်လည်း အလားတူကြုံခဲ့ရခြင်းဖြစ်ပါတယ်။

ကာတာလေကြောင်းလိုင်းလေယာဉ်သည် တူရကီနိုင်ငံအပေါ် ဖြတ်ကျော်ပျံသန်းနေစဉ် လေပွေကြမ်းမိခဲ့ သဖြင့် ခရီးသည်(၆)ဦးနှင့် လေယာဉ်အမှုထမ်း(၆)ဦးတို့ ဒဏ်ရာရရှိခဲ့ကြတာလို့ ဒပ်ဗလင်လေဆိပ်က “ အိတ်စ်” ဆိုရှယ်မီဒီယာမှာ ပို့စ်ရေးတင်ခဲ့ပါတယ်။

“ ဒိုဟာမှပျံသန်းလာသော ကာတာလေကြောင်းလိုင်း ခရီးစဉ်အမှတ် QR017သည် တနင်္ဂနွေနေ့ မွန်းလွဲ (၁)နာရီမတိုင်မီတွင် သတ်မှတ်ထားသည့် အချိန်အတိုင်း ဒပ်ဗလင်လေဆိပ်သို့  ဘေးအန္တရာယ်ကင်းရှင်းစွာ ဆင်းသက်နိုင်ခဲ့ပါတယ်။ဆင်းသက်သည့်အခါ လေဆိပ်ရဲနှင့် ကျွန်ုပ်တို့၏ မီးသတ်နျင့်ကယ်ဆယ်ရေးဌာန အပါအဝင်အရေးပေါ်လုပ်ငန်းဌာနများက သွားရောက်ကူညီဆောင်ရွက်ပေးခဲ့ပါတယ်။ တူရကီအပေါ်မှ ပျံသန်းနေစဉ် လေပွေကြမ်းမိသဖြင့် ခရီးသည်(၆)ဦးနှင့် လေယာဉ်ဝန်ထမ်း(၆)ဦးတို့ ထိခိုက်ဒဏ်ရာရရှိခဲ့ပါတယ်” ဟုသတင်းထုတ်ပြန်ချက်မှာဖော်ပြထားပါတယ်။

ဒပ်ဗလင်လေဆိပ်အဖွဲ့ကလည်း မြေပြင်တွင် ခရီးသည်နှင့်လေယာဉ်အမှုထမ်းများကို လိုအပ်သည်များ ကူညီစောင့်ရှောက်မှုပေးခဲ့တယ်လို့လည်း သတင်းထုတ်ပြန်ထားပါတယ်။

Source NDTV&X(Twitter)

#Local_News
Published 26 May 2024

▪️၂၀၂၆ ခုနှစ်ကမ္ဘာ့ဖလားခြေစစ်ပွဲများကန်မည့် မြန်မာ့လက်ရွေးစင်ဘောလုံးအသင်းအတွက်ပဏာမ မြန်မာ့လက်ရွေးစင်ကစားသမား စာရင်းအား နည်းပြချုပ် မိုက်ကယ် ဖိုင်တန်ဘိုင်နာက ယနေ့ မေလ(၂၆)ရက်တွင် ထုတ်ပြန်ကြေညာလိုက်ကြောင်းသိရသည်။ 

▪️ ပဏာမ မြန်မာ့လက်ရွေးစင် အသင်းသည် နိုဗိုတယ် ရန်ကုန် မက်စ် ဟိုတယ်တွင် မေလ ၂၈ ရက်မှ စတင်ကာ စခန်းဝင် လေ့ကျင့်မှုများ ပြုလုပ်သွားမည် ဖြစ်သည်။ 

▪️ မြန်မာ့လက်ရွေးစင်အသင်းအနေဖြင့် လာမည့် ဇွန်လ ၆ ရက်နေ့ ညနေ ၆:၄၀ နာရီ၊ သု၀ဏ္ဏ အားကစားကွင်းတွင် ဂျပန်လက်ရွေးစင်အသင်းနှင့်လည်းကောင်း၊ ဇွန်လ ၁၁ ရက်၊ လာအိုနိုင်ငံတွင် မြောက်ကိုရီးယား လက်ရွေးစင် အသင်းနှင့် လည်းကောင်း ၂၀၂၆ ကမ္ဘာ့ဖလား ခြေစစ်ပွဲ၊ ဒုတိယအဆင့် ပွဲစဉ်များ ယှဉ်ပြိုင်ကစားရမည် ဖြစ်ကြောင်း သိရသည်။

▪️ မြန်မာ့လက်ရွေးစင်အသင်းသည် ၂၀၂၆ ကမ္ဘာ့ဖလား ခြေစစ်ပွဲ၊ ပထမအဆင့် ပွဲစဉ်များ ယှဉ်ပြိုင်ကစားခဲ့ပြီးပြီဖြစ်ပြီး  ဒုတိယအဆင့်ပွဲစဉ်များအဖြစ် ဂျပန်အသင်းနှင့် အိမ်ကွင်းမှ စတင်ယှဉ်ပြိုင်ကြရမည် ဖြစ်ကြောင်း သိရသည်။

#tthl #Yangon_Times

#Local_News
Published 26 May 2024

▪️ မွန်ပြည်နယ်၊ ဘီးလင်းမြို့နယ်၊ တောင်ကလေးကျေးရွာအနီးရှိ မစောတံဝာားကို ယာယီပြုပြင်မှုများဆောင်ရွက်နေပြီး အိမ်စီးယာဉ်ငယ်များ စတင်ဖြတ်သန်းခွင့်ပြုနေပြီဖြစ်ကြောင်း သိရသည်။

▪️ အဆိုပါ ဖောက်ခွဲဖျက်စီးခြင်းခံရသည့် မစောတံတားမှ ကျိုးကျပျက်စီးခြင်းမရှိဘဲ ကျန်ရှိနေသည့် (၈)ပေခန့် အကျယ် တံတားဘက်ခြမ်းအား  ပျဉ်ချပ်များခင်း၍ ပြုပြင်ခြင်းလုပ်ငန်းကို ဆောင်ရွက်ခဲ့ခြင်းဖြစ်သည်။

▪️ "ဘီးလင်း မစောတံတား ရဲ့ မပျက်ဆီးခဲ့တဲ့အပိုင်း ကနေ အိမ်စီးကားငယ်တွေ သွားလာလို့ရပါပြီ။မစောတံတားဘေးမှာလည်း ယာယီမြေသားရှောင်ကွင်းလမ်းလုပ်နေပါပြီ။မေလ (၂၆) ရက်နေ့မှာ သွားလာလို့ရနိုင်ပါပြီ"ဟု  မွန်ပြည်နယ်ရှိလူမှုကူညီရေးအဖွဲ့ဝင်တစ်ဦးမှ ရေးသားဖော်ပြထားသည်။

▪️ မစောတံတားအား မေလ ၂၃ ရက်နေ့တွင် မိုင်းခွဲဖျက်ဆီးခံရသည့်အတွက် မော်တော်ယာဥ်များ ဖြတ်သန်းသွားလာနိုင်ခြင်းမရှိဘဲ လမ်းပန်းဆက်သွယ်မှု ပြတ်တောက်ခြင်းများ ဖြစ်ပေါ်ခဲ့ခြင်း ဖြစ်သည်။

▪️ အဆိုပါ ဖောက်ခွဲဖျက်စီးခြင်းခံရသည့်တံတားမှ ကျိုးကျပျက်စီးခြင်းမရှိဘဲ ကျန်ရှိနေသည့် (၈)ပေခန့် အကျယ် တံတားဘက်ခြမ်းအား ရွှေသံလွင်ဟိုင်းဝေးကုမ္ပဏီမှ ပျဉ်ချပ်များခင်း၍ ပြုပြင်ခြင်းလုပ်ငန်းကို ဆောင်ရွက်ခဲ့ရာ မေ ၂၅ ရက်၊ နေ့လယ် ၁၂ နာရီချိန်တွင် ပြီးစီးခဲ့သည့်အတွက် ၁၂ နာရီ ၃၀ မိနစ်အချိန်မှစ၍ ဘီးလင်းဘက်မှ သထုံမြို့ဘက်သို့(၁) တန်အောက် အိမ်စီးယာဉ်ငယ်များ စတင်ဖြတ်သန်းလျက်ရှိကြောင်း သိရသည်။

#tthl #Yangon_Times

#Local_News
Published_ 26 May 2024

▪️ အမေရိကန်နိုင်ငံ၊ ဝါရှင်တန်မြို့ရှိ အမေရိကန်နိုင်ငံခြားရေးဝန်ကြီးဌာနတွင် မေ ၂၄ ရက်တွင် ကျင်းပခဲ့တဲ့ (၃၆)ကြိမ်မြောက် အာဆီယံ-အမေရိကန်အဆင့်မြင့် အရာရှိကြီးများ အစည်းအဝေးသို့ မြန်မာသံရုံးယာယီတာဝန်ခံ/သံအမတ် ဦးသက်ဝင်း တက်ရောက် ဆွေးနွေးခဲ့ကြောင်း သိရပါတယ်။

▪️ အစည်းအဝေးကို အမေရိကန်နိုင်ငံခြားရေးဝန်ကြီးဌာန၊ အရှေ့အာရှနှင့် ပစိဖိတ် ဒေသဆိုင်ရာ လက်ထောက်နိုင်ငံခြားရေးဝန်ကြီး Mr. Daniel Kritenbrink နှင့် အင်ဒိုနီးရှား နိုင်ငံခြားရေးဝန်ကြီးဌာန၊ ဒုတိယဝန်ကြီး/အဆင့်မြင့်အရာရှိကြီး Mr. Sidharto R. Suryodipuro တို့က ပူးတွဲသဘာပတိအဖြစ် ဆောင်ရွက်ခဲ့ကြပြီး၊ အာဆီယံအဖွဲ့ဝင် နိုင်ငံများမှ အဆင့်မြင့်အရာရှိကြီးများ၊ အာဆီယံနိုင်ငံရေးနှင့် လုံခြုံရေးအသိုက်အဝန်း ဆိုင်ရာ ဒုတိယအတွင်းရေးမှူးချုပ်နှင့် အာဆီယံဆိုင်ရာ အမေရိကန် အမြဲတမ်း ကိုယ်စားလှယ်/သံအမတ်ကြီး တို့ တက်ရောက်ခဲ့ကြပါတယ်။

▪️ အစည်းအဝေးတွင် “အာဆီယံ-အမေရိကန် မဟာဗျူဟာမြောက် မိတ်ဖက် ဆက်ဆံရေးအကောင်အထည်ဖော်ရေး လုပ်ငန်းအစီအစဉ် (၂၀၂၁-၂၀၂၅) နှင့် “အာဆီယံ-အမေရိကန် ဘက်စုံမဟာဗျူဟာမြောက် မိတ်ဖက်ဆက်ဆံရေး အကောင်အထည်ဖော်ရေး လုပ်ငန်းအစီအစဉ် နောက်ဆက်တွဲဆောင်ရွက်ချက်များ” နှင့်စပ်လျဉ်း၍ ဖြစ်ပေါ် တိုးတက်မှု အခြေအနေများအပါအဝင် အာဆီယံနှင့် အမေရိကန်နိုင်ငံတို့အကြား ပူးပေါင်း ဆောင်ရွက်မှု အခြေအနေများကို သုံးသပ်ဆွေးနွေးခဲ့ကြပါတယ်။

▪️ ထို့ပြင် ပင်လယ်ရေကြောင်း လုံခြုံရေး၊ ပညာရေး၊ စီးပွားရေးနှင့် ကုန်သွယ်ရေး ပူးပေါင်းဆောင်ရွက်ရေး၊ အစိမ်းရောင် စီးပွားရေးနှင့် သမားရိုးကျ မဟုတ်တဲ့ စိန်ခေါ်မှု များအားအဖြေရှာဆောင်ရွက်ရေး၊ နည်းပညာပိုင်း ဆိုင်ရာ မိတ်ဖက်ဆောင်ရွက်ရေး၊ စဉ်ဆက်မပြတ်ဖွံ့ဖြိုးတိုးတက်ရေး၊ ဒစ်ဂျစ်တယ်စီးပွားရေး၊ အခြေခံအဆောက်အဦနှင့် ရာသီဥတုပြောင်းလဲမှု စသည့်ကဏ္ဍများအပါအဝင် အာဆီယံ-အမေရိကန် ဘက်စုံ မဟာဗျူဟာမြောက် မိတ်ဖက်ဆက်ဆံရေးကို ပိုမိုတိုးတက် ခိုင်မြဲစေရန်အတွက် အနာဂတ်တွင် ပူးပေါင်းဆောင်ရွက်မှု ပိုမိုတိုးမြှင့်နိုင်မည့် နယ်ပယ်များနှင့် ဒေသတွင်းနှင့် နိုင်ငံတကာ ဖြစ်ပေါ် တိုးတက်မှုအခြေအနေများကို ဆွေးနွေးခဲ့ ကြပါတယ်။

▪️ မြန်မာသံရုံးယာယီတာဝန်ခံက မြန်မာနိုင်ငံ၏ ပြည်တွင်းဖြစ်ပေါ်တိုးတက်မှု အခြေအနေများနှင့် အာဆီယံတူညီဆန္ဒ(၅)ချက် အကောင်အထည်ဖော်ရာတွင် မြန်မာနိုင်ငံအနေဖြင့် လူသားချင်း စာနာမှုအကူအညီများကိစ္စအပါအဝင် အာဆီယံနှင့် ပူးပေါင်းဆောင်ရွက်လျက်ရှိသည့် အခြေအနေများကို ထည့်သွင်းဆွေးနွေးခဲ့ကြောင်း သတင်းရရှိပါတယ်။

#Ymg_mnn #Yangon_Media_Group

၂၆ မေ ၂၀၂၄

တနင်္ဂနွေနေ့ ညပိုင်းမှာ ကုန်းတွင်းပိုင်းဝင်ရောက်ဖို့ရှိတဲ့ တစ်နာရီ ၇၅မိုင် လေတိုက်နှုန်းရှိတဲ့ ယခုနှစ်ရဲ့ပထမဆုံးသော ဆိုင်ကလုန်းမုန်တိုင်းအတွက် ဘင်္ဂလားဒေ့ရှ်နှင့် အိန္ဒိယနှစ်နိုင်ငံဟာ ရင်ဆိုင်ရန်အတွက် အသင့် အားတင်း ထားကြောင်း ရိုက်တာသတင်း ကရေးသားပါတယ်။

ဘင်္ဂလားဒေ့ရှ် မိုးလေဝသဌာနက ဆိပ်ကမ်းနှစ်ခုနှင့် ကမ်းရိုးတန်းဒေသ(၉)ခုမှာ မုန်တိုင်းအန္တရာယ်ကို အမြင့်ဆုံးအဆင့် ၁၀ သတိ ပေးချက်ထုတ်ပြန်ထားပါတယ်။ လော်စပီကာတွေနှင့် အဲဒီဒေသတွေမှာ သတိပေးချက်တွေကြေညာပေးနေပါတယ်။

တောင်အာရှနှစ်နိုင်ငံဖြစ်တဲ့ အဆိုပါနိုင်ငံတွေရဲ့ အနိမ်းပိုင်းကမ်းခြေဒေသတွေဟာ လွန်ခဲ့တဲ့ နှစ်များအတွင်း ပြင်းထန်တဲ့မုန်တိုင်းတွေနှင့် မကြာခဏကြုံခဲ့ရပါတယ်။ ၂၀၂၁ ဆိုင်ကလုံးယာအက်စ်တုန်းကဆိုရင် လူပေါင်း ၅၀၀၀၀ခန့်အိမ်ခြေဆုံးရှုံးခဲ့ရပြီး အနည်းဆုံးလူတစ်ဦးသေဆုံးခဲ့ရပါတယ်။

ဘင်္ဂလားဒေ့ရှ်ဟာ ဆိုင်ကလုံးဒဏ်ခံ ခိုနားရာ ၈၀၀၀ခန့်နှင့် စေတနာ့ဝန်ထမ်း ၇၈၀၀၀ ကိုအဆင်သင့် ပြင်ဆင်ထားရှိပြီးဖြစ်တယ်လို့ ဘေးအန္တရာယ်နှင့်ကယ်ဆယ်ရေးစီမံခန့်ခွဲရေးဝန်ကြီး  မိုဟီဘာရာမန်းက ရိုက်တာသတင်းဌာနကိုပြောပါတယ်။

“ အိန္ဒိယမှာရှိတဲ့ ဒေသဆိုင်ရာ အထူးမိုးလေဝသဌာနှင့် ကျွန်တော်တို့ ဆက်သွယ်မှုအမြဲလုပ်နေပါတယ်” လို့ သူကပြောပါတယ်။

အိန္ဒိယနိုင်ငံကလည်း အနောက်ဘင်္ဂလားပြည်နယ်ရဲ့ အရှေ့ဘက်မှာ ဘေးအန္တရာယ်ကယ်ဆယ်ရေးတပ် ဖွဲ့တွေ စေလွှတ်ထားပါတယ်။ ကိုလ်ကာတာမြို့ကြီးမှာ လေယာဉ်ခရီးစဉ်တွေ ယာယီဖျက်သိမ်းထားပါတယ်။

အနောက်ဘင်္ဂလားပြည်နယ်ရဲ့ နေရာအချို့မှာ မိုးအနည်းငယ်သည်းလာနေပါတယ်။ အစိုးရက အရေးကြီး မရှိမဖြစ်ဌာနတွေက ဝန်ထမ်းတွေခွင့်ယူတာကို ပယ်ဖျက်ထားတယ်လို့ မိုးဇလအရာရှိတစ်ဦးကပြောပါတယ်။

“ ကိုလ်ကာတာမှာ အခြေအနေတွေက အုံ့မှိုင်းနေတယ်။ ဒါပေမယ့် ပုံမှန်ဘဝတွေပဲရှိနေပါတယ်” လို့ ကိုလ်ကာတားက ဒေသဆိုင်ရာမိုးဇလဌာနရဲ့ ခန့်မှန်းရေးဌာနမှူး ဆွမ်နက်ဒတ်တားက ရိုက်တာကို ပြောပါတယ်။

ဆိုရှယ်မီဒီယာပလက်ဖောင်း” အိတ်စ်” မှာ  အနောက်ဘင်္ဂလားက ကမ်းခြေတစ်ခုမှာ ဘေးအန္တရာယ် စီမံခန့်ခွဲရေးအဖွဲ့က ခရီးသွားတွေကို လိုက်သတိပေးနေတဲ့ ပုံတွေကိုတင်ထားတာတွေ့ရပါတယ်။

Source Reuters

၂၆ မေ ၂၀၂၄

ပြုလုပ်နေဆဲဖြစ်တဲ့ တရုတ်-ကမ္ဘောဒီးယား နှစ်နိုင်ငံရဲ့ ရွှေနဂါး ၂၀၂၄ ပူးတွဲစစ်ရေးလေ့ကျင့်မှုတွေမှာ စက်ရုပ်ခွေး တွေနှင့် ဒရုန်းတွေဟာ ထင်ရှားပေါ်လွင်နေပါတယ်။ ရွှေနဂါးဟာ အဲဒီနှစ်နိုင်ငံရဲ့ ပုံမှန် တစ်နှစ်တစ်ကြိမ်လုပ် နေကျ ပူးတွဲစစ်ရေးလေ့ကျင့်မှုဖြစ်ပြီး နှစ်နိုင်ငံအကြား အလုံးခြုံ  မဟာဗျူဟာ ပူးပေါင်းဆောင်ရွက်မှု ခိုင်မြဲတိုးတက်ရေးအတွက်ကျင်းပတာဖြစ်ပါတယ်။

Source CCTV+

ဘူဆန်ရုပ်ရှင်ကော်မရှင်မှစီစဉ်သည့် ရုပ်ရှင်သင်တန်းအတွက်မြန်မာလူငယ်နှစ်ဦးအပြင် Production အတွက် လိုအပ်မယ့် တည်းဖြတ်နဲ့ထုတ်လုပ်နည်းပညာဆိုင်ရာအကူ‌ ဆောင်ရွက်ဖို့ မြန်မာလူငယ်နှစ်ဦးကိုလည်းတိုးခေါ်နိုင်တယ်။
(မြန်မာနိုင်ငံရုပ်ရှင်အစည်းအရုံး၊ နိုင်ငံတကာဆက်ဆံ ရေးကော်မတီမှ ဦးချမ်းသာကြည်စိုး)
#Local_News
Published_ 26 May 2024
#ဘူဆန်ရုပ်ရှင်ကော်မရှင် #မြန်မာလူငယ်နှစ်ဦးရွေးချယ်
#YMG/tthl #Yangon-Times

#Local_News
Published 26 May 2024

▪️ ယခုနှစ် အစိုးရပါဠိပထမပြန်စာမေးပွဲအောင်မြင်သည့် ရဟန်းသံဃာ၊သီလရှင်၊လူပုဂ္ဂိုလ်စုစုပေါင်း (၂၁၀၈၅)ဦးရှိကြောင်း သာသနာရေးနှင့်ယဉ်ကျေးမှုဝန်ကြီးဌာနမှ သိရသည်။

▪️ ပထမပြန်စာမေးပွဲတွင် ပထမကြီး၊ပထမလတ်၊ပထမငယ်တန်းနှင့်အခြေပြုမူလတန်းဆိုပြီး  ဖြေကြားကြခြင်းဖြစ်သည်။

▪️ ပထမကြီးတန်းတွင် ရဟန်းသံဃာ၊သီလရှင်၊လူပုဂ္ဂိုလ်‌ဖြေဆိုသူ ၆၄၆၈ဦးတွင် အောင်မြင်သူ ၈၅၀ဦး၊ပထမလတ်တန်းတွင် ရဟန်းသံဃာ၊သီလရှင်၊လူပုဂ္ဂိုလ်‌ဖြေဆိုသူ ၆၇၈၆ဦးတွင် အောင်မြင်သူ ၁၅၃‌၄ဦး၊ပထမငယ်တန်းတွင် ရဟန်းသံဃာ၊သီလရှင်၊လူပုဂ္ဂိုလ်‌ဖြေဆိုသူ ‌၁၂၇၉၅ဦးတွင် အောင်မြင်သူ ၅၁၉၃ဦး၊အခြေပြုမူလတန်းတွင် ရဟန်းသံဃာ၊သီလရှင်၊လူပုဂ္ဂိုလ်‌ဖြေဆိုသူ ‌၂၂၈၁၆ဦးတွင် အောင်မြင်သူ ‌၁၃၅၀၈ဦးရှိသဖြင့် စုစုပေါင်း ဖြေဆိုသူ၄၈၉၁၀ဦးတွင် အောင်မြင်သူ၂၁၀၈၅ဦးရှိကြောင်းသာသနာရေးနှင့်ယဉ်ကျေးမှုဝန်ကြီးဌာန၏ ထုတ်ပြန်ချက်အရသိရသည်။

▪️ အစိုးရပါဠိပထမပြန်စာမေးပွဲတွင် အထူးအောင်မြင် သူများအဖြစ် ပထမကြီး၊ပထမလတ်၊ပထမငယ်တန်းနှင့်အခြေပြုမူလတန်းတို့တွင် ပထမ၊ဒုတိယ၊တတိယနှင့်သီလရှင်ပထမဆုရရှိသူစာရင်းနှင့် အောင်မြင်သူစာရင်းကို မေလ(၂၆)ရက်ထုတ်နိုင်ငံပိုင်သတင်းစာနှင့် သာသနာရေးနှင့်ယဉ်ကျေးမှုဝန်ကြီးဌာန၏ website များ၌ဖော်ပြထားကြောင်း သိရသည်။

#tthl #Yangon_Times