4 April 2024

ရန်ကုန်ကန်တော်ကြီးထဲရှိကျောက်တောင်ပုံUTOPIA Towerကို မူလလက်ရာမပျက်ပြုပြင်နေကြောင်းရန်ကုန်မြို့တော်စည်ပင်သာယာ ရေးကော်မတီမှသိရသည်။

အဆိုပါ UTOPIA Tower သည် အထပ်ပေါင်း ၆ ထပ်ရှိပြီး အမြင့် ၉၆ ပေ ရှိကာUTOPIA Tower အဆောက်အဦအား စည်ပင် သာယာရေးကော်မတီအင်ဂျင်နီ ယာဌာန(အဆောက်အအုံ)မှ ပြန်လည်ပြုပြင်ဆောင်ရွက်နေခြင်းဖြစ်သည်။

UTOPIA Tower ပြုပြင်မွမ်းမံမှုကို ရန်ကုန်တိုင်းဒေသကြီး၊စည်ပင်သာယာရေးဝန်ကြီး၊ရန်ကုန်မြို့တော်စည်ပင်သာယာရေးကော်မတီဥက္ကဌ (မြို့တော်ဝန်) ဦးဗိုလ်ဌေးနှင့်အဖွဲ့ဝင်များကြည့်ရူ စစ်ဆေးခဲ့ပြီး မြို့တော်ဝန်က အဆောက်အဦအားမူလလက်ရာမပျက်သတ်မှတ်စံချိန်စံညွှန်းနှင့်အညီပြုပြင် ဆောင် ရွက်ရန် မှာကြားပြီး လိုအပ်သည်များ ဖြည့်ဆည်းဆောင်ရွက်ပေးခဲ့သည်။

ယင်းအပြင်မြို့တော်ဝန်နှင့်အဖွဲ့သည်  ဗဟန်းမြို့နယ်၊နတ်မောက်လမ်းရှိ ကန်တော်ကြီးသဘာဝဥယျာဉ်သို့သွားရောက်၍ အင်ဂျင်နီယာဌာန(ရေနှင့်သန့်ရှင်းမှု)မှ ကန်တော်ကြီးရေပြင် သန့်ရှင်းရေးအတွက် ရေမှော်များ၊ဒိုက်များ၊ကြာများနှင့်အမှိုက်များအား AQUAMARINE-2 စက်ဖြင့် ဆယ်ယူရှင်း လင်းနေမှုကိုကြည့်ရှုစစ်ဆေးပြီး မြို့တော်ဝန်က ဆယ်ယူရှင်းလင်းသည့် အမှိုက်များအား စနစ်တကျစွန့်ပစ်ရန် နှင့်ကန်တော်ကြီးရေပြင်ကြည်လင်သန့်ရှင်းရေးအလေးထားဆောင်ရွက်ရန်မှာကြားခဲ့ ကြောင်း၊

ကန်တော်ကြီးသဘာဝဥယျာဥ်ရှိ နံနက်ခင်းကျန်းမာရေးအားကစားလေ့ကျင့်ခန်းပြုလုပ်သည့် ဘဲဥပုံသဏ္ဌန်တံတားသို့သွားရောက်၍ အင်ဂျင်နီ ယာဌာန(လမ်းနှင့် တံတား)မှ ဆွေးမြေ့နေသည့်တံတားကြမ်းခင်းများပြန်လည်ပြုပြင်ဆောင်ရွက်ထားရှိမှုအားကြည့်ရှုစစ်ဆေးကာ လိုအပ်သည်များ ဖြည့်ဆည်းဆောင်ရွက်ပေးခဲ့ ကြောင်းသိရသည်။
Yangon_Times/tthl
#Published 04 April 2024
#Yangon_Media_Group
#YMG_News #Yangon_Times

Published 4 April 2024

ရန်ကုန်တိုင်းဒေသကြီး အတွင်းရှိ ခရိုင်/ မြို့နယ်များတွင် ဗဟိုမဏ္ဍပ် အပါအဝင် ရေကစားမဏ္ဍပ် ၂၀၀ကျော်၊ လမ်းလျှောက်သင်္ကြန် (၂)ခုတို့ဖြင့် မြန်မာ့ရိုးရာသင်္ကြန်ပွဲတော်ကို ကျင်းပသွားမည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ ထံ မှ သိရသည်။

ရန်ကုန်တိုင်းဒေသကြီး ခရိုင်/ မြို့နယ်များတွင် ဗဟိုမဏ္ဍပ် ၄၃ ခု၊ ရေကစားမဏ္ဍပ် ၁၇၆ ခု၊ လမ်းလျှောက်သင်္ကြန် နှစ်ခုတို့ဖြင့် စည်ကားသိုက်မြိုက်စွာ ကျင်းပမည်ဖြစ်ကြောင်း သိရသည်။

မြန်မာ့ရိုးရာမဟာသင်္ကြန် ပွဲတော်ကို ပြည်သူ့ရင်ပြင်၌အများ ပြည်သူ ပျော်ရွှင်လွတ်လပ်စွာဖြင့် ပါဝင်ရေကစားနိုင်ရေး တိုင်းဒေသကြီး ဌာနဆိုင်ရာ ရေကစားမဏ္ဍပ် (၁၀) ခု၊ လမ်းလျှောက်သင်္ကြန် (၁)ခု၊ဖျော်ဖြေရေးမဏ္ဍပ် (၁)ခုနှင့် မြို့တော်ခန်းမတွင် ရန်ကုန် မြို့တော် မဟာသင်္ကြန်မဏ္ဍပ် နှင့် လမ်း လျှောက်သင်္ကြန်ကို ဆောင်ရွက်သွားမည်ဖြစ်ကြောင်း သိရသည်။

ထို့ပြင် ဖျော်ဖြေရေးအစီအစဉ်များ၊ စတုဒိသာ ကျွေးမွေးမည့် အစီအစဉ်များပါဝင်ကြောင်း၊ မြို့တော်ခန်းမ ရှေ့မဟာသင်္ကြန်မဏ္ဍပ်တွင် ဌာနဆိုင်ရာကိုယ်စားပြု ယိမ်းအဖွဲ့များ၊ ရုပ်ရှင်၊ ဂီတ၊ သဘင် အဖွဲ့များ၊ တိုင်းရင်းသားရိုးရာ ယဉ်ကျေးမှု အကအဖွဲ့များ၏ ဖျော်ဖြေမှုများဖြင့် နေ့စဉ်အလှည့်ကျ ဖျော်ဖြေတင်ဆက်သွားမည် ဖြစ်ကြောင်းလည်း သိရသည်။
Yangon_Times/LW
#Published 04 April 2024
#Yangon_Media_Group
#YMG_News #Yangon_Times

#World_News
Published 04 April 2024
ဗုဒ္ဓဟူးနေ့က ထိုင်ဝမ်မှာ ၂၅ နှစ်အတွင်း အင်အားအပြင်းထန်ဆုံး မြေငလျင်လှုပ်ခတ်သွားခဲ့ပြီး လူ ၉ ဦးသေဆုံးကာ ၉၀၀ ကျော် ဒဏ်ရာရရှိခဲ့ပါတယ်။

အမျိုးသားဥယျာဥ်ရှိ ဟိုတယ်တစ်ခုသို့ မီနီဘတ်စ်များဖြင့် ခရီးသွားနေတဲ့ အလုပ်သမား ၅၀ ကတော့ ပျောက်ဆုံးနေပါတယ်။

အင်အား ၇.၂ အဆင့်ရှိ မြေငလျင်ရဲ့ ဗဟိုချက်အနီးရှိ ဟွေလျန်ကောင်တီဒေသမှာ အချို့အဆောက်အအုံများ ဘေးအန္တရာယ်ရှိလောက်တဲ့အထိ တိမ်းစောင်းသွားခဲ့ပါတယ်။

ဒေသစံတော်ချိန် နံနက် ၈ နာရီမှာ ကမ်းလွန်ကို ဝင်ရောက်လာပြီး အကြီးအကျယ် မြေပြိုခြင်းများ ဖြစ်ပွားခဲ့ပါတယ်။
လူအချို့က တဲတွေ ခိုလှုံနေရာတွေမှာ ညအိပ်အနားယူနေရပြီး အရေးပေါ်ကယ်ဆယ်ရေးများက ထိခိုက်ပျက်စီးထားတဲ့ အဆောက်အအုံတွေကို ထောက်ခံထားဖို့ ကြိုးစားနေပါတယ်။

အန္တရာယ်ရှိနေတဲ့ အဆောက်အအုံတွေထဲက လူတွေအားလုံးကို ဖယ်ရှားထားပြီး တိုက် ၄ ခုကို ဖြိုချဖို့လုပ်နေပြီလို့ ဟွေလျန်မြို့တော်ဝန် ဆုချန်ဝေက ပြောပြပါတယ်။

နောက်ဆက်တွဲငလျင်ရိုက်ခတ်မှု အကြိမ် ၅၀ ကျော်ရှိခဲ့တယ်လို့ မိုးလေဝသဌာနက ဆိုပါတယ်။
သတင်းတွေကို တိုက်ရိုက်တင်ဆက်နေစဥ်မှာပဲ ငလျင်လှုပ်ခြင်းကို ရိုက်ကူးရရှိခဲ့ပါတယ်။
ပြည်သူတွေ အလုပ်၊ ကျောင်းများသို့ သွားနေစဥ်မှာ ငလျင်လှုပ်ခတ်ခဲ့တာ ဖြစ်ပြီး ဂျပန်တောင်ပိုင်းနဲ့ ဖိလစ်ပိုင်တို့မှာ ဆူနာမီသတိပေးချက် ထုတ်ပြန်ထားတာကို နောက်ပိုင်းမှာ ပြန်လည်ရုတ်သိမ်းခဲ့ပါတယ်။

ဟွေလျန်မြို့အနီး လိုဏ်ဂူတွေမှာ ပိတ်မိနေသူ ၇၀ ခန့်ကို ကယ်ထုတ်ထားတယ်လို့ မီးသတ်အဖွဲ့က ဆိုပါတယ်။
အခုအချိန်မှာ အရေးကြီးဆုံးက လူတွေကို ကယ်ဆယ်ရမှာဖြစ်တယ်လို့ ရွေးချယ်ခံသမ္မတ လဲ့ချင်တေက တိုက်အပျက်အစီးတစ်ခုနားမှာ ပြောကြားသွားပါတယ်။

အမေရိကန်က လိုအပ်တဲ့ အကူအညီများ ပံ့ပိုးရန်အသင့်ရှိနေတယ်လို့ ဆိုပါတယ်။
၁၉၉၉ ခုနှစ်က လှုပ်ခတ်ခဲ့တဲ့ အင်အား ၇.၆ အဆင့် မြေငလျင်ပြီးနောက်ပိုင်း  အကြီးမားဆုံးလှုပ်ခတ်ခဲ့တာဖြစ်တယ်လို့ ဗဟိုသတင်းဌာနက ထုတ်ပြန်လိုက်ပါတယ်။

Source: Reuters
#World_News
#Published 04 April 2024
#Yangon_Media_Group
#YMG_News #Yangon_Times

#World_Science
Published 04 April 2024
တရုတ်ပြည်ခေတ်ဆိုးစဥ်ကာလများအတွင်း အုပ်စိုးခဲ့တဲ့  ၆ ရာစုခေတ် တရုတ်ဘုရင်မင်းမြတ်တစ်ပါးရဲ့ ရုပ်ကြွင်းကျန်များမှ ရှေးဟောင်း ဒီအင်န်အေကို ရှေးဟောင်းသုတေသီများ ရှာဖွေတွေ့ရှိခဲ့ကြပြီး ဘုရင်ရဲ့ မျက်နှာကို ပြန်လည်ပုံဖော်တည်ဆောက်ခဲ့ကြပါတယ်။

ဧကရာဇ်ဝူဟာ တရုတ်ပြည် ကျိုးမြောက်ပိုင်းမင်းဆက် တစ်စိတ်တစ်ဒေသကို အုပ်စိုးခဲ့ပြီး ရုန်းရင်းဆန်ခတ်ကာလအတွင်း ရှေးခေတ်က တရုတ်မြောက်ပိုင်း စည်းလုံးညီညွတ်ရေးကို ဖော်ဆောင်ခဲ့ပါတယ်။

၁၉၉၆ တုန်းက တရုတ်အနောက်မြောက်ပိုင်းမှာ အုတ်ဂူတစ်ခု ရှာဖွေတွေ့ရှိခဲ့ပြီး ဧဏရာဇ်ရုပ်ကြွင်းများမှ မျိုးဗီဇအရာများ တွေ့ရှိခဲ့ကာ ဦးခေါင်းခွံအပြည့်အစုံနီးပါးလည်း ပါဝင်ပါတယ်။

ဧကရာဇ်ရဲ့ ပုံပန်းသွင်ပြင်၊ ကျန်းမာရေးအခြေအနေ၊ မျိုးရိုးများကို နားလည်နိုင်ရန် အချက်အလက်များ လေ့လာခဲ့ကြပါတယ်။

ရှေးဟောင်းသုတေသီများရဲ့ အဆိုအရ ဧကရာဇ်ဝူဟာ ရှန်ဘေလို့ခေါ်တဲ့ လူသိနည်းတဲ့မျိုးရိုးက ဖြစ်ပြီး ယနေ့ခေတ် တရုတ်နဲ့ မွန်ဂိုလီးယား အရှေ့မြောက်ဘက်နဲ့ အရှေ့ဘက်တို့ရှိနေရာမှာ နေထိုင်ခဲ့ပါတယ်။

ဒီအင်န်အေမျိုးဗီဇ အချက်အလက်များအရ ဧကရာဇ်ဝူဟာ ဆံပင်အနက်၊ မျက်လုံးအညို၊ အသားအရောင်ရင့်တဲ့ပုံစံ ရှိပါတယ်။

ဖူဒန်တက္ကသိုလ်ရှိ တွဲဖက်ပရော်ဖက်ဆာ ရှောင်ကျင်ဝမ်ပြောကြားရာမှာ ရှန်ဘေလူမျိုးတွေက မုတ်ဆိတ်မွှေးထူထူ၊ နှာတံရှည်ရှည်၊ ဆံပင်အဝါရှိကြပါတယ်။

ဆန်းစစ်ချက်များအရ ဧကရာဇ်ဝူဟာ အာရှအရှေ့ပိုင်း သို့မဟုတ် အာရှအရှေ့မြောက်ပိုင်း မျက်နှာသွင်ပြင်မျိုး ရှိမယ်လို့ သိထားပါတယ်။

ဒီအင်န်အေ လေ့လာချက်အရ ဧကရာဇ်ဟာ အသက် ၃၆ နှစ်မှာ ရုတ်တရက်နတ်ရွာစံခဲ့တာ ဖြစ်နိုင်ပါတယ်။

ကွယ်လွန်ခဲ့ရတဲ့ အကြောင်းအရင်း အတိအကျကို မသိရပေမယ့် သူ့မှာ လေဖြတ်ဝေဒနာဖြစ်နိုင်တဲ့ မျိုးရိုးဗီဇ တွေ့ခဲ့ရပါတယ်။

ဦးခေါင်းခွံအပါအဝင် မျိုးဗီဇအချက်အလက်များကို အသုံးပြုကာ ဧကရာဇ်က ဘယ်လိုပုံစံလဲဆိုတာကို ပုံဖော်ခဲ့ကြကာ 3D မျက်နှာပုံစံကို ပြန်လည်ဖန်တီးခဲ့ကြပါတယ်။

အရေပြား၊ ဆံပင်နဲ့ မျက်လုံးအရောင်တို့ကတော့ ရုပ်ကြွင်းတွေတစ်မျိုးတည်းနဲ့ ခန့်မှန်းလို့မရဘူးလို့ ဒန်ဒီးတက္ကသိုလ်မှ ပို့ချသူ တိုဘီယက်စ်ဟူလ်တန်က ပြောပြသွားပါတယ်။

Source: WION.

#World_Science

၃ ဧပြီ ၂၀၂၄

Quick Loan အမည်ဖြင့် Google Play Store ရှိ Application တစ်ခုသည်  မြန်မာနိုင်ငံမှပြည်သူများ၏ကိုယ်ရေး အချက်အလက်များနှင့်ငွေကြေးများကို လိမ်လည်လှည့်ဖျားရယူရန်ကြိုးစားနေကြောင်းတွေ့ရှိရလို့ ယင်းကို သုံးစွဲ ခြင်းရှောင်ရှားကြဖို့ မြန်မာနိုင်ငံတော် ဗဟိုဘဏ်က သတိပေးသတင်းထုတ်ပြန်ထားပါတယ်။

Quick Loan အမည်ဖြင့် Google Play Store ရှိ Application တစ်ခုသည် မြန်မာ နိုင်ငံတော်ဗဟိုဘဏ်မှ မည်သည့်လုပ်ငန်းလိုင်စင်မှရယူထားခြင်းမရှိဘဲ မြန်မာနိုင်ငံတော်ဗဟိုဘဏ် Logo အား အလွဲသုံးစားပြုလုပ်၍ တရားမဝင်ငွေရေးကြေးရေးဝန်ဆောင်မှုလုပ်ငန်းအနေဖြင့် ချေးငွေရယူနိုင်ကြောင်းကြော်ငြာကာ မိဘပြည်သူတို့၏ အရေးကြီးသည့် ကိုယ်ရေးကိုယ်တာ သတင်းအချက်အလက်များကိုလည်းကောင်း၊ ငွေကြေးများကိုလည်းကောင်း၊ ယင်း Application မှတစ်ဆင့် လိမ်ညာလှည့်ဖြားပြီး ရယူရန် ကြိုးပမ်းဆောင်ရွက်နေကြောင်း   တွေ့ရှိရ   တယ် လို့ အဆိုပါ သတင်းထုတ်ပြန်ချက်မှာဖော်ပြထားပါတယ်။

မိဘပြည်သူများအနေဖြင့် ဤလိမ်ညာလှည့်ဖြားသူများ၏အစီအစဉ်များတွင် ပါဝင်ခြင်းမရှိကြရန်နှင့် အလားတူ မဟုတ်မမှန်သော မသမာမှုလုပ်ငန်းများကို ရှောင်ရှားကြဖို့ ဗဟိုဘဏ်က တိုက်တွန်းထားပါတယ်။ ယင်းအပြင်

အဆိုပါလိမ်ညာလှည့်ဖြားမှုနှင့် သက်ဆိုင်သူများအား တည်ဆဲဥပဒေများနှင့်အညီ ထိရောက်စွာအရေးယူနိုင်ရေး    အတွက် တရားဥပဒေ စိုးမိုးရေးအဖွဲ့အစည်းများနှင့် ပူးပေါင်းဆောင်ရွက်လျက်ရှိနေတယ်လို့ သတင်းထုတ်ပြန် ချက်မှာ အသိပေးထားပါတယ်။

-ymg/knl

#Daily_News
Published_ 03 April 2024

၁။ သင်္ကြန်အတွင်းတွင် ပြင်ဦးလွင်ရှိရေတံခွန်များ၌ လာရောက်အပန်းဖြေသူများပြားနိုင်ဟုဆို

၂။ ယခုဘဏ္ဍာနှစ်အတွင်း ပြည်ပနိုင်ငံများသို့ ရော်ဘာတန်ချိန်နှစ်သိန်းနီးပါးတင်ပို့ထား

၃။ နယ်မြေအခြေအနေနှင့်လမ်းပန်းဆက်သွယ်ရေးကြောင့် ယခုဧပြီလအတွင်း ရေခဲတောင်တတ်ခရီးစဉ်များ ယာယီရပ်နားထားဟုဆို

၄။ တရုတ်ပြည်၌လုပ်ငန်းအမျိုးမျိုးတွင် ဒရုန်းများအသုံးပြုကာ စီးပွားရေးကောင်းမွန်နေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

အနိမ့်ပျံသန်းမှုစီးပွားရေးနဲ့ လေကြောင်းကဏ္ဍတို့မှာ တိုးတက်ရန် လုပ်ဆောင်နေတဲ့ တရုတ်နိုင်ငံမှာ ဒရုန်းတွေကို နည်းလမ်းအမျိုးမျိုးဖြင့် အသုံးပြုနေကြပြီး ပိုမိုထိရောက်မှုရှိစေရန် ကြိုးပမ်းလာပါတယ်။
ဝန်ကြီးဌာန ၄ ခုမှထုတ်ပြန်တဲ့ ၂၀၂၄ -၂၀၃၀ လေကြောင်းကိရိယာပစ္စည်း ဆန်းသစ်တီထွင်ခြင်းနဲ့ အသုံးချခြင်းအတွက် အစီအစဥ်မှာ လေကြောင်းစက်မှုလုပ်ငန်း ဂေဟစနစ်ကို ထိရောက်မှုရှိစေရန် ရည်ရွယ်ကာ အနိမ့်ပျံသန်းခြင်း စီးပွားရေးမှာ တွန်းအားပေးသွားမှာ ဖြစ်ပါတယ်။
#Asia_Development
#Published_ 03 April 2024
#YMG_News #Yangon_Times #Yangon_Media_Group

Published_ 03 April 2024

ယခုရက်ပိုင်းတွင် နေ့အပူချိန်များတိုးနေပြီး ချောက်မြို့တွင် ၄၅ ဒီဂရီဆဲလ်စီးယပ်၊ ညောင်ဦး မြို့တွင် ၄၄ ဒီဂရီဆဲလ်စီးယပ်၊ မြင်းခြံမြို့၊ မင်းဘူးမြို့နှင့် ဆင်ဖြူကျွန်းမြို့တို့တွင် ၄၃ ဒီဂရီဆဲလ်စီးယပ်စီတို့ ရှိခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်။

နောက်(၂)ရက် ဧပြီ(၄)ရက်(၅)ရက်အတွက်ခန့်မှန်းချက်အဖြစ်နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရှမ်းပြည်နယ်၊ ကယားပြည်နယ်နှင့် ကရင်ပြည်နယ်တို့တွင် နေ့အပူချိန်များ အနည်းငယ် တိုးနေမည်ဖြစ်သည် ဟုဆိုသည်။

လွန်ခဲ့သော(၂၄)နာရီအတွင်းက ကချင်ပြည်နယ်တွင် နေရာကျဲကျဲနှင့် စစ်ကိုင်းတိုင်းဒေသကြီးအထက်ပိုင်းနှင့် ချင်းပြည်နယ်တို့တွင် နေရာကွက်ကျား မိုးထစ်ချုန်းရွာခဲ့သည်။ ပဲခူးတိုင်းဒေသကြီးနှင့် ဧရာဝတီတိုင်း ဒေသကြီးတို့တွင် အများအားဖြင့် သာယာခဲ့ပြီး၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းခဲ့သည်။ 

နေ့အပူချိန်များမှာ နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် ဧပြီ လ၏ ပျမ်းမျှအပူချိန်တို့ထက် ၃ ဒီဂရီဆဲလ်စီးယပ်မှ ၄ ဒီဂရီဆဲလ်စီးယပ်အထိနှင့် ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ် (တောင်ပိုင်း)၊ ကယားပြည်နယ်နှင့် ကရင်ပြည်နယ်တို့တွင် ဧပြီလ၏ ပျမ်းမျှအပူချိန်တို့ထက် ၂ ဒီဂရီဆဲလ်စီးယပ်ပိုခဲ့ပြီး၊ ကျန်တိုင်းဒေသကြီးနှင့် ပြည်နယ်တို့တွင် ဧပြီလ၏ ပျမ်းမျှအပူချိန်ခန့်သာ ရှိခဲ့ကြောင်းသိရသည်။

မနက်ဖြန်ဧပြီ(၄)ရက်နံနက်အထိခန့်မှန်းချက်အနေဖြင့် စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်၊ ရှမ်းပြည်နယ်(မြောက်ပိုင်း)နှင့် ချင်းပြည်နယ်တို့တွင် နေရာ ကွက်ကျား မိုးထစ်ချုန်းရွာနိုင်သည်ဟု ခန့်မှန်းထားကြောင်း သိရသည်။
Yangon_Times/tthl
#Local_News
#Published_ 03 April 2024
#YMG_News #Yangon_Times #Yangon_Media_Group

ယခုနှစ်မှာ ပွင့်ဖြူနဲ့ စလင်းတို့ဘက်က လာရောက်ရောင်းချမှု ပိုများတယ် စင်တာတစ်ခုမှာ တစ်ရက်ကို တင်းပေါင်း ၂၀၀၀ကျော် ၃၀၀၀လာရောင်းတယ်၊ ဒါပေမယ့် ဘာအခက်ခဲဖြစ်နေလဲဆိုတော့ ပဲအိတ်ကို ထမ်းချဖို့ ချင်တွယ်တာတို့ လုပ်ပေးတဲ့ အလုပ်သမားရှာမရဘူး လုပ်အားခပိုပေးလဲ ကျွမ်းကျင်တဲ့ လုပ်သားမဟုတ်တော့ အလုပ်က ခရီးမရောက်ဖူး အဲ့တော့ ကုလားစုပေါင်းရောင်းချပွဲမှာ ကုန်ကို တိုးပြီး ဝယ်ချင်ပေမယ့် အလုပ်သမား အခက်ခဲကြောင့် စင်တာတစ်ခုမှာ တစ်ရက်ကို တင်း၂၀၀၀လောက်ပဲ ဝယ်နိုင်သလို ဖြစ်နေတယ်။
Yangon_Times/LW
#Local_News
#Published_ 03 April 2024
#YMG_News #Yangon_Times #Yangon_Media_Group

မှတ်ပုံမတင်ရင်‌ မေလထဲမှာပုဂ္ဂလိက ကျောင်းတွေ ယာယီပိတ်သိမ်းခံရမှာဖြစ်လို့ အခုရက်ပိုင်းထဲမှာ မှတ်ပုံလာတင်တဲ့ ပုဂ္ဂလိကကျောင်းတွေ‌ရော KMD လို အသက်မွေးဝမ်းကျောင်း သင်တန်းကျောင်းတွေပါ ရာချီပြီးတော့ မှတ်ပုံလာတင်ကြတယ်။
Yangon_Times/tthl
#Local_News
#Published_ 03 April 2024
#YMG_News #Yangon_Times #Yangon_Media_Group

ကချင်ပြည်နယ် ပူတာအိုမှာရှိတဲ့ ရေခဲတောင်ခရီးစဉ်ကို နယ်မြေအခြေနေနဲ့ လမ်းပန်းဆက်သွယ်ရေး အခက်ခဲတွေ ကြောင့် ယခုဧပြီလမှာ ရေခဲတောင်တတ်တဲ့ ခရီးစဉ် ယာယီရပ်နားထားတယ်လို့ ရေခဲတောင် ခရီးသွားပိုဆောင်ရေး လုပ်ငန်း လုပ်ကိုင်သူတွေထံက သိရပါတယ်
Yangon_Times/LW
#Local_News
#Published_ 03 April 2024
#YMG_News #Yangon_Times #Yangon_Media_Group

ယခု ၂၀၂၃-၂၀၂၄ ဘဏ္ဍာနှစ်အတွင်း ပြည်ပနိုင်ငံများသို့ ရော်ဘာတန်ချိန် နှစ်သိန်းနီးပါးတင်ပို့ ထားတယ်လို့ မြန်မာနိုင်ငံရော်ဘာစိုက်ပျိုးထုတ်လုပ်တင်ပို့ ရောင်းချသူများအသင်းမှ သိရပါတယ်။
Yangon_Times/NN
#Local_News
#Published_ 03 April 2024
#YMG_News #Yangon_Times #Yangon_Media_Group