ဒီနှစ်သင်္ကြန်မှာတော့ ရာသီဥတုပူပြင်းတဲ့အတွက် ရေတံခွန်‌တွေရှိတဲ့ ပြင်ဦးလွင် ဓာတ်တော်ချိုင့်ရေတံခွန်၊ ပွဲ‌ကောက်ရေတံခွန်(ခေါ်)BE‌ ရေတံခွန်၊ ပိတ်ချင်းမြောင်ရေတံခွန်အစရှိတဲ့ ရေတံခွန်တွေကို လာလည်သူအများဆုံးဖြစ်လာနိုင်တယ်။
Yangon_Times/tthl
#Local_News
#Published_ 03 April 2024
#YMG_News #Yangon_Times #Yangon_Media_Group

Published- 03 April 2024

သီတဂူစက္ခုဒါနဆေးရုံ (ရန်ကုန်)တွင် ငါးရက်တိုင်တိုင်မျက်စိဝေဒနာရှင်များအားယခုလဆန်းပိုင်း၌  အခမဲ့ခွဲစိတ်ကုသပေးနေကြောင်းယင်းဆေးရုံမှ သိရသည်။

အဆိုပါရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း) မြို့နယ်၊ ပင်လုံလမ်းရှိ သီတဂူဗုဒ္ဓတက္ကသိုလ် (ရန်ကုန်)
ရှစ်ထပ်ကျောင်းဆောင် သီတဂူစက္ခုဒါန အဆင့်မြင့်ဆေးရုံကြီးတွင် ဧပြီ၁ရက်မှ ၅ရက်အထိဒေသခံပြည်သူများနှင့်
အနယ်နယ်အရပ်ရပ်မှလာရောက်ပြသသည့် မျက်စိဝေဒနာရှင်များအားအခမဲ့ခွဲစိတ်ကုသပေးနေခြင်းဖြစ်သည်။

သီတဂူ စက္ခုဒါနဆေးရုံ (ရန်ကုန်)တွင် မျက်စိဝေဒနာရှင်များအား ပဉ္စမအကြိမ်အဖြစ် ဧပြီ ၁ ရက်မှ  ၅ ရက် အထိ စမ်းသပ်ခြင်း၊ ခွဲစိတ်ကုသခြင်းများ ဆောင်ရွက်ပေးမည်ဖြစ်ရာ စတုတ္ထအကြိမ်ကကျန်ရှိခဲ့သည့် မျက်စိဝေဒနာရှင်   ၃၅၀ ဦးကိုလည်း စမ်းသပ်ခွဲစိတ်ကုသပေးမည်ဖြစ်ကြောင်းသိရသည်။
YMG/NN
Yangon-Times
YMG/ NN
#Local_News
#Published_ 03 April 2024
#YMG_News #Yangon_Times #Yangon_Media_Group

Published 03 April 2024

ရန်ကုန်အပြည်ပြည်ဆိုင်ရာဆိပ်ကမ်းသို့ ဧပြီလအတွင်း နိုင်ငံတကာကုန်သွယ်သင်္ဘောကြီး (၅၀)စီး ဆိုက်ကပ်ကုန်သွယ်မည် ဖြစ်ကြောင်းမြန်မာ့ဆိပ်ကမ်း အာဏာပိုင်အဖွဲ့မှသိရသည်။
 
ထိုသို့နိုင်ငံတကာ သင်္ဘောလိုင်းများဆိုက်ကပ်ရာတွင်MAERSK LINEမှ(၇)စီး ၊S, I, T, Cသင်္ဘောလိုင်းမှ(၎)စီး ၊ EVER GREEN LINE  သင်္ဘောလိုင်းမှ(၃)စီး၊I.A.L LINE သင်္ဘောလိုင်မှ(၁)စီး၊ BLPL သင်္ဘောလိုင်းမှ(၃)စီး၊R.C.L LINE သင်္ဘောလိုင်းမှ(၃)စီးLAND AND SEA သင်္ဘောလိုင်းမှ(၁)စီး၊ CMA CGM LINEမှ(၎)စီး ၊(COSCO)သင်္ဘောလိုင်းမှ(၅)စီး၊ONE  သင်္ဘောလိုင်းမှ(၂)စီး၊ T12သင်္ဘောလိုင်းမှ(၎)စီး၊BAY  သင်္ဘောလိုင်းမှ(၁)စီး ၊SAMUDERA SHIPPING LINEမှ(၆)စီး ၊MSCမှ(၎)စီးနှင့်P.I.Lမှ(၂)စီးစသည့်စုစုပေါင်းသင်္ဘောစီးရေ (၅၀)စီးဝင်ရောက်ကုန်သွယ်မည်ဖြစ်သည်။

ပြီးခဲ့သည့်ဇန်နဝါရီလတွင်လည်း ရန်ကုန်အပြည်ပြည်ဆိုင်ရာဆိပ်ကမ်းသို့ နိုင်ငံတကာကုန်သွယ်သင်္ဘောကြီး(၄၉)စီး၊​ဖေ​ဖော်ဝါရီလတွင်(၅၃)စီးနှင့်မတ်လတွင်(၅၅)စီးဆိုက်ကပ်ကုန်သွယ်ခဲ့ပြီးဖြစ်ကြောင်းသိရသည်။
 
နိုင်ငံတကာနှင့်ကုန်သွယ်မှုများကို ရန်ကုန်အပြည်ပြည်ဆိုင်ရာဆိပ်ကမ်းမှ အလျား မီတာ ၂၀ဝ၊ တန်ချိန် ၃၀ဝ၀ ရှိသည့် အပြည်ပြည်ဆိုင်ရာ ကုန်တင်သင်္ဘော ဆိုက်ကပ်နိုင်သော ဆိပ်ခံတံတား ၂၇ စင်းဖြင့် ဆောင်ရွက်ခဲ့ခြင်းဖြစ်သည့်
အပြင် သီလဝါအပြည်ပြည်ဆိုင်ရာ ဆိပ်ကမ်းများမှလည်း အလျားမီတာ ၂၅၀၊ တန်ချိန် ၃၅၀ဝ ရှိသည့် အပြည်ပြည်ဆိုင်ရာကုန်တင်သင်္ဘော ဆိုက်ကပ်နိုင်သော ဆိပ်ခံတံတား ၁၉ စင်းတို့ဖြင့် ဝန်ဆောင်မှုပေးနေခြင်းဖြစ်ကြောင်း သိရသည်။
YMG/ NN
#Local_News
#Published_ 03 April 2024
#YMG_News #Yangon_Times #Yangon_Media_Group

Published_ 03 April 2024

ထိုင်ဝမ်ငလျင် နောက်ဆက်တွဲအဖြစ် ဆူနာမီဖြစ်နိုင်၍ ဂျပန်ရောက်မြန်မာများကို တိုကျိုမြို့ရှိ မြန််မာသံရုံးမှသတိပေးချက်ထုတ်ပြန်လိုက်ကြောင်း သိရသည်။

ထုတ်ပြန်ချက်တွင် မဂ္ဂနီကျူ ၇.၅ ရှိသော အင်းအားကြီး ငလျင်တစ်ခုသည် ထိုင်ဝမ်ဒေသကို ဗဟိုပြု၍ ယနေ့ ၃.၄.၂၀၂၄ ရက်နေ့ နံနက် ၉.၀၄ နာရီတွင် လှုပ်ခတ်ခဲ့ကြောင်း နောက်ဆက်တွဲအနေဖြင့် Okinawa ကျွန်း ကမ်းရိုးတန်းတစ်လျှောက်အား ဆူနာမီ သတိပေးချက်များ ထုတ်ပြန်ထားရှိကြောင်း

အဆိုပါဒေသတွင် နေထိုင်ကြသည့် မြန်မာနိုင်ငံသားများအနေဖြင့် ဒေသအာဏာပိုင်များ၏ အချိန်နှင့်တစ်ပြေးညီ ထုတ်ပြန်ချက်များကို အထူးအလေးထားစောင့်ကြည့်ရန် လိုအပ်‌ကြောင်း

သဘာဝဘေးအန္တရာယ်နှင့်ပတ်သက်၍ အကူအညီ လိုအပ်ပါက သံရုံး၏ Hot Line ဖုန်းနံပါတ် 070-4413-7383 သို့ဆက်သွယ်အကူအညီ တောင်းခံနိုင်ကြောင်း အသိပေးထုတ်ပြန်ထား ကြောင်းသိရသည်။
Yangon_Times/tthl
#Local_News
#Published_ 03 April 2024
#YMG_News #Yangon_Times #Yangon_Media_Group

Published 3 April 2024

ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်တံခါးမြို့နယ်၊ ပဲနွယ်ကုန်းမြို့ ပြည်တော်သာရပ်ကွက်ရှိ ပဲနွယ်ကုန်းစည်ပင်သာယာစျေး ကြီး မီးလောင်မှုဖြစ်ပွားခဲ့ကာ ဆိုင်ခန်း များအပြင် အနီးနားရှိ နေအိမ် များပါ မီးလောင်ဆုံးရှုံးခဲ့ကြောင်း ပရဟိတအသင်းများနှင့်ဒေသခံများ ထံ က သိရသည်။

ဧပြီ ၂ရက် ညနေ ၆နာရီခွဲ ခန့် က လောင်ကျွမ်း ခဲ့ ပြီး ဈေးကြီး အတွင်းရှိ ဆိုင်ခန်း ၄၀၀ကျော် မီးလောင် ဆုံးရှုံး ခဲ့သည့် အပြင် အနီးနားရှိ နေအိမ် အချို့လဲ မီးလောင်ကျွမ်းခဲ့ကြောင်း သိရသည်။

""ဈေးထဲ မှာ က ဆိုင် ခန်း ၄၉၀ကျော်ရှိတယ် အခု မီးထဲ ကို ၄၃၀ကျော်လောက် ပါသွားတယ်ဈေးအနီး လူနေအိမ် ၉လုံးလောက်ပါသွားတယ် စာရင်း အတိအကျ ကိုတော့ တာဝန်ရှိသူတွေ စစ်ဆေးနေဆဲပါ""ဟု ပဲနွယ်ကုန်းမြို့နယ်ရှိ ဒေသခံ တစ်ဦးကပြောသည်။

အဆိုပါ ပဲနွယ်ကုန်းဈေးကြီး မီးလောင်မှု မှာ မီးများသောကြောင့် ပဲခူးတိုင်းအရှေ့ခြမ်း ရှိ မီးသတ်ကားများ ပရဟိတ ကားများ မီးငြိမ်းသတ်ခဲ့ရာ ည ၁၂ နာရီလောက်အထိ မီးငြိမ်းသတ်ခဲ့ရကြောင်း သိရသည်။

"" မီးက တအား များတယ် ပဲခူးတိုင်း ကမီးသတ်ကားတွေ ပရဟိတ ကားတွေ အကုန် ဆင်းလာတာ ဒါပေမယ့် ရေအရင်းမြစ်က လိုအပ်သလောက် မြန်မြန် မရ ဘူး ဖြစ်သွားတယ် ည၁၂နာရီ လောက်မှာတော့ မီးငြိမ်းတယ် ဒါပေမယ့် ဒီနေ့ မနက်အထိ တော့ မီးကျွင်း မီးကျန်တွေ ကို ငြှိမ်းသတ်နေရတုန်းပဲ ""ဟု တောင်ငူအခြေစိုက်ပရဟတိအသင်းမှ တာဝန်ရှိသူတစ်ဦးက ပြောသည်။

မီးလောင်မှုကြောင့် ဈေးသူ ဈေးသားများ နှင်​့ ဒေသခံ ပြည်သူ များ ထိခိုက်ဒဏ်ရာ ရရှိ မှု မရှိခဲ့ကြောင်း မီးများပြီး မီးလောင်ချိန် ကြာမြင့်သောကြောင့် မီးသတ်သမား အချို့ ထိခိုက်ဒဏ်ရာ အနည်းငယ်ရရှိခဲ့ကြောင်း သိရသည်။
Yangon_Times/LW
#Local_News
#Published_ 03 April 2024
#YMG_News #Yangon_Times #Yangon_Media_Group

Published 03 April 2024

ဦးနှောက်ကို အပြင်းအထန် ထိခိုက်ဖူးသူတွေဟာ ထိခိုက်ဒဏ်ရာအပြင် စိတ်ဓာတ်ကျခြင်းနဲ့ အခြားသော စိတ်ပိုင်းဆိုင်ရာ ပြဿနာများ ခံစားရနိုင်ပါတယ်။

အမေရိကန်မှာ လေ့လာမှုအသေးစားတစ်ခု ပြုလုပ်ခဲ့ရာမှာ ဒဏ်ရာရရှိပြီးနောက် စိတ်ကျရောဂါပျောက်ဆေးများ အသုံးပြုရာ ဝေဒနာသက်သာကြကြောင်း တွေ့ရှိထားပါတယ်။

 အသက် ၂၄ နှစ်ရှိ ရှန်နွန်ဟာ ၂၀၂၀ ခုနှစ်က လန်ဒန်အရှေ့ဘက် ဆောက်လုပ်ရေး လုပ်ငန်းခွင်တစ်ခုမှာ အလုပ်လုပ်နေစဉ် မြေတူးစက်ဖြင့် ဦးခေါင်းဘေးကို ထိခိုက်ခဲ့ပါတယ်။

မျက်နှာအစိတ်အပိုင်းများကို ခွဲစိတ်မှုများ ပြုလုပ်ခဲ့ရပြီး မေးရိုးများကို ကြိုးများဖြင့် ချိတ်ဆက်ထားရပါတယ်။

စိတ်ကျန်းမာရေးကိုလည်း အလွန်သက်ရောက်ခဲ့ပြီး အလွန်စိတ်ဓာတ် ကျခဲ့ကြောင်း၊ အပြင်မသွားနိုင် ကိုယ့်ကိုယ်ကို မထိန်းသိမ်းနိုင်ဘဲ ကိုယ်အလေးချိန်တက်လာကြောင်း ရှန်နွန်က ပြောပြပါတယ်။

ရုပ်ပိုင်းဆိုင်ရာ ထိခိုက်မှုများကို ကုသကာ ပြန်လည်ထူထောင်ခြင်းများ ဦးတည်လုပ်ဆောင်ခဲ့ပေမယ့် စိတ်ဓာတ်ကျခြင်း အခြေအနေကလည်း များစွာသက်ရောက်နေပါတယ်။

သုတေသန လေ့လာချက်အရလည်း ဦးခေါင်းထိခိုက်မှုကြောင့် ဆေးရုံတက်ရသူ တဝက်လောက်မှာ စိတ်ကျခြင်းဝေဒနာ ခံစားရကြောင်း ဝန်ခံထားကာ ပုံမှန်လူတွေထက် ခံစားရနိုင်ခြေ ၁၀ ဆလောက် ပိုများနေပါတယ်။

အလုပ်အကိုင်၊ ပညာရေး၊ မေတ္တာရေးတို့မှာ ဆိုးဆိုးရွားရွား ကြုံတွေ့ပြီးနောက်မှာလည်း စိတ်ထိခိုက်မှု အတိုင်းအတာတစ်ခုအထိ ခံစားရနိုင်ပါတယ်။

ဦးနှောက်ကို ပြင်းပြင်းထန်ထန် ထိခိုက်မိပါက ဦးနှောက်ထဲက အာရုံကြောကွန်ရက်တွေ ထိခိုက်နိုင်ပါတယ်။

စိတ်ကျရောဂါပျောက်ဆေး SSRI တွေက စမ်းသပ်ချက်ထဲမှာ ဘယ်လိုအလုပ်လုပ်လဲဆိုတာ မသိရပါဘူး။

ထိုဆေးတွေက စိတ်ကျဝေဒနာ အလွန်ပြင်းထန်သူတွေမှာ ရေတိုအလုပ်ဖြစ်ပေမယ့် ဦးနှောက်ရောင်ရမ်းခြင်းနဲ့ ဆက်စပ်နေနိုင်ပါတယ်။

စိတ်ဓာတ်ကျတဲ့အခါ ကိုယ်တိုင်ခံစားရရုံမက မေတ္တာရေး၊ အလုပ်အကိုင်၊ ပညာရေးတို့မှာပါ သက်ရောက်လာနိုင်ပါတယ်။
Source: BBC News.
#World_Health
#Published_ 03 April 2024
#YMG_News #Yangon_Times #Yangon_Media_Group

Published 03 April 2024

ဆီးရီးယားမြို့တော် ဒါမတ်စ်ကပ်စ်ရှိ အီရန်သံရုံးဝင်းကို အစ္စရေးလ်လေကြောင်း တိုက်ခိုက်မှု ပြုလုပ်ရာမှာ အမေရိကန်က ယင်းတို့ပါဝင်ပတ်သက်ခြင်း မရှိဘူးလို့ အင်္ဂါနေ့က ပြောကြားလိုက်ပါတယ်။

အဆိုပါ တိုက်ခိုက်မှုကြောင့် အီရန်ဗိုလ်မှူးချုပ် ၂ ဦးနဲ့ စစ်ရေးအကြံပေးပုဂ္ဂိုလ် ၅ ဦး သေဆုံးခဲ့ပါတယ်။

ဒီအတွက် အမေရိကန်ကို စွပ်စွဲနေတာတွေဟာ အဓိပ္ပာယ်မရှိဘူးလို့ အိမ်ဖြူတော် အမျိုးသားလုံခြုံရေး ပြောရေးဆိုခွင့်ရှိသူ ဂျွန်ကာဘီက ပြောလိုက်ပြီး လက်စားချေတိုက်ခိုက်မှုများကို အမေရိကန်အနေနဲ့ တုန့်ပြန်သွားမယ်လို့ သတိပေးလိုက်ပါတယ်။

အစ္စရေးလ်ဟာ အီရန်နဲ့ စစ်သွေးကြွများနဲ့ နှစ်ရှည်လများ ထိပ်တိုက်ရင်ဆိုင်မှုတွေ ရှိနေရာမှာ အောက်တိုဘာလကစခဲ့တဲ့ ဂါဇာအရေးကြောင့် ပိုမိုပြင်းထန်နေတဲ့အချိန်မှာပဲ ယခုလို သံရုံးတိုက်ခိုက်ခံခဲ့ရတာ ဖြစ်ပြီး တင်းမာမှုပိုမိုမြင့်တက်လာစေပါတယ်။

အမေရိကန်က အစ္စရေးလ်ကို ထောက်ပံ့တဲ့အတွက် အီရန်နောက်ခံပြု စစ်သွေးကြွေတွေက အီရတ်၊ ဆီးရီးယား၊ ဂျော်ဒန်တို့မှာရှိတဲ့ အမေရိကန် စစ်စခန်းများကို ပစ်မှတ်ထားတိုက်ခိုက်နေပါတယ်။

ယခုတိုက်ခိုက်မှုနဲ့ ပတ်သက်ပြီး အစ္စရေးလ်ဘက်က ကြိုတင်အသိပေးထားတာမျိုး မရှိဘူးလို့ ပင်တဂွန်မှ ပြောရေးဆိုခွင့်ရှိသူ ဆာဘရီနာဆင်းရ်က ဆိုပါတယ်။

တိုက်ခိုက်မှုမတိုင်မီအချိန်လေးက အစ္စရေးလ်ဟာ ဆီးရီးယားမှာ စစ်ရေးလှုပ်ရှားမှု ပြုလုပ်မယ်လို့ အမေရိကန်ကို အသိပေးခဲ့ပေမယ့် နေရာအတိအကျ၊ ပစ်မှတ်တို့ကို သေချာမသိရဘဲ အဆိုပါ အသိပေးချက်က အမေရိကန်အစိုးရဆီ မရောက်ခင်မှာ တိုက်ခိုက်ဖို့ သွားနေပြီဖြစ်တယ်လို့ အရာရှိတစ်ဦးက ပြောပြပါတယ်။

အီရန်သံရုံးမှ ကောင်စစ်ဝန်အဆောက်အအုံ ပျက်စီးသွားပြီး Quds Force အဖွဲ့ဝင် ၇ ဦးသေဆုံးခဲ့ရတဲ့အတွက် အစ္စရေးလ်ကို လက်တုန့်ပြန်သွားမယ်လို့ အီရန်က အင်္ဂါနေ့မှာ ပြောကြားလိုက်ပါတယ်။

ထိုတိုက်ခိုက်မှုအတွက် အစ္စရေးလ်က ယင်းတို့ပြုလုပ်တယ်လို့ ကြေညာထားခြင်း မရှိပါဘူး။
Source: Reuters
#World_News
#Published_ 03 April 2024
#YMG_News #Yangon_Times #Yangon_Media_Group

အမေရိကန် ဘောလ်တီမိုးမြို့က တံတားပြိုကျခဲ့တဲ့ဖြစ်ရပ်ဟာ လုံးဝမဖြစ်သင့်ဘူးလို့ ဒေသခံများက ယူဆနေကြပြီး တံတားရဲ့ ခိုင်ခံ့မှုအခြေအနေနဲ့ သင်္ဘောရဲ့ ဘေးကင်းစွာမောင်းနှင်ရေးတို့အပေါ်  မေးခွန်းထုတ်နေကြပါတယ်။
ဘောလ်တီမိုးရှိ ဖရန်ဆစ်စကော့ကီးတံတားဟာ သင်္ဘောကြီးတစ်စင်းက ပွတ်တိုက်မိပြီးနောက် ပြိုကျသွားခဲ့ကာ လူခြောက်ဦး ပျောက်ဆုံးနေပါတယ်။
#World_News
#Published_ 02 April 2024
#YMG_News #Yangon_Times #Yangon_Media_Group

#Daily_News
Published_ 02 April 2024

၁။ အိန္ဒိယနှင့် ဘင်္ဂလားဒေရှ့် ဝယ်လိုအားကြောင့် နနွင်းတတ်ဈေးထက်ဝက်ခန့် မြင့်တတ်လာ

၂။ သင်္ကြန်အတွင်း ပုံမှန်နှင့် အထူးပြေးဆွဲပေးမည့်ရထားများရှိ၊ ရန်ကုန်-မန္တလေးပုံမှန်သွားနိုင်

၃။ သင်္ကြန်ကာလအတွက် နေရပ်ပြန်သူများပြား၍ အဝေးပြေးကားလက်မှတ် ကြိုတင် ဝယ်ယူသူများနေ

၄။ အမေရိကန်ဘောလ်တီမိုးမြို့မှ တံတားပြိုကျမှုဖြစ်ရပ်သည် ဘယ်လိုမှမဖြစ်သင့်ဟု ဒေသခံများယူဆ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 2 April 2024.

သုံးစွဲရန် မသင့်သော တိုင်းရင်းဆေးဝါး အချို့ ကို Facebook ကဲ့ သို့Oline media များ တွင် ရောင်းချနေသဖြင့် အများပြည်သူ သိရှိစေရန် တိုင်းရင်းဆေးပညာဦးစီးဌာန က ဧပြီ ၂ ရက် တွင် အသိပေးကြေညာလိုက်သည်။

အဆိုပါ ဆေးများသည် တိုင်းရင်းဆေးပညာဦးစီးဌာန မှ တိုင်းရင်းဆေးဝါးမှတ်ပုံတင် နှင့် တိုင်းရင်းဆေးဝါး ထုတ်လုပ်ခွင့် လိုင်စင် ရရှိ ထားခြင်း မရှိသဖြင့် အရည်သွေး စစ်မှန်ကောင်းမွန် ပြီး ဘေးအန္တရာယ်ကင်း၍ အာနိသင် ထိရောက်မှု အတွက် အာမခံချက် မပေး နိုင်သောကြောင့် အများပြည်သူ သုံးစွဲရန် မသင့်ကြောင်း အသိပေးထားသည်။

ယင်းဆေးဝါးများ မှာ Body Art အမှတ်တံဆိပ် ပါ B1 -သွေးတွင်းအဆီကျဆေး၊B2-လေမဖြတ်ရလိမ်းဆေး၊B3-ခရေမနွမ်းလိမ်းဆေး၊B4-ရင်/တင် ချမ်းသာလိမ်းဆေး၊B5-ကြည်ရှင်းတောက်လိမ်းဆေး၊B7သရဖူလိမ်းဆေး၊B9-သဘာဝလိမ်းဆေး တို့ ဖြစ်ကြောင်း သိရသည်။

ကျန်းမာရေးဝန်ကြီးဌာန တိုင်းရငါးဆေးပညာဦးစီးဌာန သည် အရည်သွေးစစ်မှန် ကောင်းမွန်ပြီးဘေးအန္တရာယ် ကင်းရှင်းသော တိုင်းရင်းဆေးဝါးများ ကို အများပြည်သူ တို့ သုံးစွဲရန် စဉ်ဆက်မပြတ် ဆောင်ရွက်လျက်ရှိကြောင်း အသိပေးချက်တွင် ဖေါ်ပြထားသည်။
Yangon_Times/LW
#Local_News
#Published_ 02 April 2024
#YMG_News #Yangon_Times #Yangon_Media_Group

Published_ 02 April 2024

ယခု၂၀၂၄ ခုနှစ်၊ မြန်မာရိုးရာမဟာသင်္ကြန် နေပြည်တော်သင်္ကြန်ပွဲ၌ ရုရှားနိုင်ငံအပါအဝင် နိုင်ငံသုံးနိုင်ငံမှ  အနုပညာရှင်များ ပါဝင် ဖျော်ဖြေမည်ဖြစ်ကြောင်း နေပြည်တော်စည်ပင်သာယာရေးကော်မတီ၊ စီမံရေးရာဌာနမှ သိရသည်။

တောင်ကိုရီးယားနိုင်ငံ၊ တရုတ်နိုင်ငံနှင့် ရုရှားနိုင်ငံ တို့မှ အနုပညာရှင်များ ပါဝင်ဖျော်ဖြေသွားမည်ဖြစ်သည်။

  အဆိုပါ နေပြည်တော်မဟာသင်္ကြန်ပွဲတော်၏ ဖျော်ဖြေရေးအစီအစဉ်များတွင်  ရုရှားနိုင်ငံ လူငယ်အနုပညာအဖွဲ့ Tavrida-Art မှ ပင်တိုင်အမျိုးသမီးတေးသံရှင် Nika Dubik ဦးဆောင်ပါဝင်သော အနုပညာရှင်များ၊  တရုတ်နိုင်ငံနှင့် ရုရှားနိုင်ငံတို့မှပူးပေါင်းကာ ရုရှားနိုင်ငံသံရုံးနှင့် မြန်မာ-တရုတ်ချစ်ကြည်ရေးအသင်းတို့မှရေကစား မဏ္ဍပ်များဖွင့်လှစ်ပြီး ပါဝင်ဖျော်ဖြေသွားမည်  ဖြစ်ကြောင်းသိရသည်။

ထို့အပြင် တောင်ကိုရီးယားနိုင်ငံမှ K-POP အဆိုတော်များနှင့် နာမည်ကြီးအနုပညာရှင်များ လာရောက်ဆင်နွှဲမည်ဖြစ်သကဲ့သို့နေပြည်တော်မဟာသင်္ကြန်ပွဲတော်တွင် နေပြည်တော်မြို့တော်ဝန်မဏ္ဍပ်နှင့် လမ်းလျှောက်သင်္ကြန် မဏ္ဍပ် နှစ်ခုစလုံးတွင် ပြည်သူများနှင့်အတူ ပျော်ရွှင်စွာဆင်နွှဲနိုင်ရန် အနုပညာရှင်များကိုပါ ဖိတ်ကြားထားပြီးဖြစ်ကြောင်း သိရသည် ။
Yangon_Times/NN
#Local_News
#Published_ 02 April 2024
#YMG_News #Yangon_Times #Yangon_Media_Group

'  ၂၀၂၄ခုနှစ်ကမ်းဝေး ငါးမဖမ်းရရာသီကို ငါးရစ်ငါးသန်ကာလဖြစ်တဲ့ ဧပြီလ၁ရက်နေ့ ကနေဇွန်လ၃၀ရက်နေ့အထိ သတ်မှတ်ထားတာဖြစ်ပါတယ်၊ ငါးရစ်ငါးသန်ကာလဖြစ်တာကြောင့် ကမ်းဝေးငါးမဖမ်းရရာသီကို သုံးလသတ်မှတ်ထားသော် လည်းတိုင်းဒေသကြီးနဲ့ ပြည်နယ်အချို့မှ အခက်အခဲအချို့ တင်ပြလာတဲ့အတွက် သက်ဆိုင်ရာကို ထပ်မံတင်ပြပေးပြီး ငါးဖမ်းရေယာဉ်အမျိုးအစားအလိုက် အချို့ကို လအလိုက်ခွင့်ပြုပေးထားပါတယ်။
Yangon_Times/NN
#Local_News
#Published_ 02 April 2024
#YMG_News #Yangon_Times #Yangon_Media_Group