#World_Health
Published 30 April 2026

■ ကမ္ဘာ့အတိုင်းအတာအရ ကလေးဘဝကင်ဆာတွေက ကလေးငယ်တွေ သေဆုံးရခြင်း အကြောင်းအရင်းတွေထဲမှာ ထိပ်ဆုံး ၈ နေရာမှာ ရှိနေပြီး ဒါဟာ ဝက်သက်၊ တီဘီ၊ HIV တို့ထက် ပိုများနေပါတယ်။

■ ၂၀၂၃ မှာ ဒီထဲကမှ သေဆုံးမှု ၉၄ ရာခိုင်နှုန်းက ဝင်ငွေအလယ်အလတ်နဲ့ နိမ့်ပါးတဲ့ နိုင်ငံတွေက ဖြစ်နေပါတယ်။

■ ၂၀၂၃ အတွင်း ကလေးကင်ဆာ ဖြစ်ပွားသူ ၃၇၇,၀၀၀ ဦးခန့်ရှိခဲ့ရာ သေဆုံးသူ ၁၄၄,၀၀၀ ခန့် ရှိခဲ့ပါတယ်။

■ ဝင်ငွေအလယ်အလတ်နဲ့ နိမ့်ပါးနိုင်ငံတွေမှ ကလေးတွေက ကင်ဆာအကျိုးဆက်တွေကို ပိုခံစားနေရပြီး တောင်အာရှဒေသဆိုရင် ကမ္ဘာတဝှမ်း ကလေးကင်ဆာသေဆုံးမှုရဲ့ ၂၀.၅ ရာခိုင်နှုန်း သက်ဆိုင်နေပါတယ်။

■ ဒီလိုသေဆုံးမှုအများစုက ကာကွယ်လို့ရနိုင်တာကြောင့် နိုင်ငံတော်ကင်ဆာထိန်းချုပ်ရေး အစီအစဉ်တွေမှာ ကလေးကင်ဆာ ထည့်သွင်းဖို့ လိုအပ်နေပြီး စောစီးစွာ ရောဂါရှာဖွေရေး၊ ကုသရေး၊ ကူညီထောက်ပံ့ရေးတို့ စီစဉ်သင့်တယ်လို့ ချန်နိုင် W.I.A ကင်ဆာဌာနမှ ပရော်ဖက်ဆာ ဒေါက်တာ ရာဒါခရစ်ရှ်နန်က ပြောပါတယ်။

■ စီးပွားရေးနိမ့်ပါးတဲ့ နိုင်ငံတွေမှ ကလေးတွေဆိုရင် ရောဂါတွေ့ရှိမှုနောက်ကျခြင်း၊ ကင်ဆာကုသမှု မရရှိခြင်းနဲ့ အခြားသော ကျန်းမာရေးစောင့်ရှောက်မှု အခက်အခဲများ ကြုံတွေ့နေရပါတယ်။

■ ဒါကြောင့် ဒီလိုနိုင်ငံတွေမှာ ကင်ဆာထိန်းချုပ်ရေးစနစ်တွေအတွက် ရင်းနှီးမြှုပ်နှံမှုများ တိုးချဲ့ရန် လိုအပ်နေပါတယ်။

■ ကလေးကင်ဆာ အချက်အလက်တွေက နိုင်ငံတိုင်းမှာ မရရှိသလို ကလေးဘဝ အဖြစ်များတဲ့ ကင်ဆာတွေအကြောင်း သိပ်ပြီးဖော်ပြထားတာတွေ မရှိပါဘူး။

Source: Indian Express

#World_Health
Published 30 April 2026

■ သွေးပေါင်ချိန်တိုးခြင်းကို ထိန်းချုပ်တယ်ဆိုရာမှာ လေ့ကျင့်ခန်းတွေ၊ စားသောက်မှုတွေ၊ တရားထိုင်ခြင်းတွေ စသဖြင့် ရေရှည်နေထိုင်စားသောက်မှုပုံစံ ပြောင်းလဲကျင့်ကြံရတာ ဖြစ်ပါတယ်။

■ ရှေးခေတ် တရုတ်စိတ်နှင့်ခန္ဓာကျင့်စဉ် ပါတွမ်ကျင်နည်းလမ်းက သွေးပေါင်ချိန် ထိရောက်စွာ လျှော့ချနိုင်မယ်လို့ အမေရိကန်နှလုံးကောလိပ်ဂျာနယ်မှာ ဖော်ပြထားပါတယ်။

■ ဒီနည်းလမ်းက လှုပ်ရှားမှုနဲ့ အသက်ရှူနှုန်းနှေးနှေး၊ စိတ်အာရုံစူးစိုက်မှုတို့ ပေါင်းစပ်ထားတာ ဖြစ်ပါတယ်။

■ နှလုံးရောဂါ ဖြစ်နိုင်ခြေများစေတဲ့ သွေးတိုးရောဂါကို ထိန်းချုပ်ကာကွယ်နိုင်ဖို့ ဒီလိုမျိုး ကျင့်စဉ်တွေ အရေးပါနိုင်တယ်လို့ ကျွမ်းကျင်သူ ပြောထားပါတယ်။

■ ပါတွမ်ကျင်နည်းလမ်းက တရုတ်တို့ရဲ့ နှစ်ပေါင်း ၈၀၀ ကျော် လေ့ကျင့်ခန်းဖြစ်ပြီး လှုပ်ရှားမှု ၈ မျိုးကို နှေးနှေးဖြင့် ထိန်းချုပ်ပြုလုပ်ရတာ ဖြစ်ပါတယ်။

■ အခြားသော ပြင်းထန်တဲ့ လေ့ကျင့်ခန်းတွေနဲ့ မတူတာက ပါတွမ်ကျင်ဟာ ပြင်းထန်မှုနည်းပါးခြင်း၊ အလွယ်တကူ လေ့လာနိုင်ခြင်း၊ ပစ္စည်းကိရိယာ မလိုအပ်ခြင်း၊ အသက်အရွယ်မရွေး သင့်လျော်ခြင်းတို့ ရနိုင်ပါတယ်။

■ အသက် ၄၀ အထက် သွေးပေါင်ချိန်အနည်းငယ် မြင့်တက်နေတဲ့ လူပေါင်း ၂၁၆ ဦးကို အဖွဲ့ ၃ ဖွဲ့ခွဲကာ ပါတွမ်ကျင်လေ့ကျင့်တဲ့အဖွဲ့၊ ခပ်မြန်မြန်လမ်းလျှောက်တဲ့ အဖွဲ့၊ လေ့ကျင့်ခန်းလမ်းစဉ်လိုက်နာတဲ့ အဖွဲ့တွေ ခွဲခဲ့ပါတယ်။

■ နှစ်တွေလတွေကြာပြီးနောက် ပါတွမ်ကျင်လေ့ကျင့်တဲ့လူတွေက သွေးပေါင်ချိန် ကျဆင်းမှု သိသာတာကို မြင်တွေ့ခဲ့ရပါတယ်။

■ ဒီကျင့်စဉ်အတွက် နည်းလမ်းတွေကတော့ ခြေထောက်ကို ပခုံးအကျယ်အတိုင်း မတ်မတ်ရပ်ခြင်း၊ ပုံစံတစ်ခုချင်းစီမှာ ဖြည်းညင်းစွာ လှုပ်ရှားခြင်း၊ အသက်ရှူမှန်မှန်ပြီး လှုပ်ရှားခြင်း၊ ကိုယ်ဟန်မျှခြေနဲ့ စိတ်ပြေလျော့မှုကို အာရုံစိုက်ခြင်း၊ တိတ်ဆိတ်တဲ့နေရာမှာ နေ့စဉ် ၁၀-၁၅ မိနစ်ခန့် လေ့ကျင့်ခြင်းတို့ ဖြစ်ပါတယ်။

Source: India Today

နွေဦးရောက်လာချိန်မှာ အိမ်မွေးတိရိစ္ဆာန်တွေအတွက် ပိုမိုသုံးစွဲလာကြပြီး ပေကျင်းမှာဆိုရင် အိမ်မွေးခွင့်ပြုတဲ့စတိုးဆိုင်တွေမှာ ဧည့်သည်တွေ များပြားနေပါတယ်။

#Asia_Business
Published 29 April 2026
#အိမ်မွေးတိရိစ္ဆာန် #ကော်ဖီဆိုင်
#YMG #Yangon_Times #Yangon_Media_Group

#World_News
Published 29 April 2026

■ ဒေါ်နယ်ထရမ့်နဲ့ ချားလ်စ်ဘုရင်တို့ရဲ့ ရှေ့မျိုးဆက်တွေသာ ယနေ့ယင်းတို့ကို မြင်နေရပါက အန်ဂလို-အမေရိကန် တော်လှန်ရေး ယနေ့အထိ ရှင်သန်နေတာကို ဂုဏ်ယူဝမ်းမြောက်နေကြလိမ့်မယ်လို့ အမေရိကန်သမ္မတ အင်္ဂါနေ့မှာ ပြောသွားပါတယ်။

■ ထရမ့်နှင့်ချားလ်တို့တွေ့ဆုံတဲ့ပုံတစ်ပုံကို အိမ်ဖြူတော်က "ဘုရင်နှစ်ပါး" ဆိုပြီး ပုံစာရေးခဲ့ပါတယ်။

■ ဗြိတိန်တော်ဝင်မိသားစုတွေကို အမေရိကန်အစိုးရ ကြိုဆိုနှုတ်ဆက်ရာမှာ ထရမ့်နဲ့ ချားလ်စ်တို့ လက်ဆွဲနှုတ်ဆက်ခဲ့ကြပြီး ရယ်မောနေခဲ့ပါတယ်။

■ ၂၀၂၅ အောက်တိုဘာတုန်းက ထရမ့်ဟာ AI ပြုလုပ်ချက် ဗီဒီယိုတစ်ခု တင်ခဲ့ပြီး သရဖူဆောင်းထားလျက် ယင်းအစိုးရကို ဆန့်ကျင်နေတဲ့ ဆန္ဒပြသူတွေအပေါ်ကနေ တိုက်လေယာဉ်စီးနေတဲ့ ပုံသဏ္ဍာန် ဖော်ပြခဲ့ဖူးပါတယ်။

■ လွှတ်တော်မှ ရီပတ်ဘလစ်ကန်တွေက အဆိုပါ သရုပ်ဖော်ပုံတွေဟာ အမေရိကားမုန်းတီးရေးတွေလို့ သတ်မှတ်‌ထားပါတယ်။

■ ထိုနေ့မှာပဲ နောက်ထပ် AI ဗီဒီယိုတစ်ခုမှာ သရဖူ၊ တော်ဝင်ဝတ်ရုံ၊ ဓားတို့ ဆောင်ယောင်ထားပြီး ဒီမိုကရက်တွေက သူ့ရှေ့မှာ ဒူးထောက်နေရပါတယ်။

■ ၁၇၇၅ မှစတင်ကာ ၁၃ ဗြိတိန်မြောက်အမေရိကန် ကိုလိုနီတွေက ချားလ်စ်ရဲ့ဘိုးဘေး ဂျော့ခ်ျ-၃ကို ဆန့်ကျင်ပြီး လွတ်လပ်ရေးအတွက် ၈ နှစ်ကြာ စစ်ပွဲဆင်နွှဲခဲ့ပါတယ်။

■ အမေရိကန်က ၁၇၇၆ မှာ ဂရိတ်ဗြိတိန်ထံကနေ လွတ်လပ်ရေးရရှိကြောင်း ကြေညာခဲ့ပါတယ်။

■ အမေရိကန်နဲ့ ဗြိတိန်ကြား ကွာခြားချက်က ပြည်သူတွေမှာသာ အချုပ်အခြာအာဏာ ရှိတာဖြစ်တယ်လို့ နယူးယော့ခ် ဒီမိုကရက်အမတ် ဂျိုးမိုရဲလ်က ပြောပါတယ်။

■ ဒီလိုမျိုး ဘုရင်မင်းမြတ် ပုံစံမျိုးတွေ စွပ်စွဲတာကို ထရမ့်က ငြင်းပယ်ခဲ့ပြီး ရှင်ဘုရင်မဟုတ်ဘူးလို့ ဆိုပါတယ်။

Source: Reuters

#World_Health
Published 29 April 2026

■ ရေဆိုးရေညစ်တွေလိုမျိုး အနံ့ဆိုးတွေက မူးဝေခြင်း၊ မအီမသာဖြစ်ခြင်းတို့ ခံစားရနိုင်တဲ့အပြင် ကျန်းမာရေးကိုပါ သိသိသာသာ ထိရောက်နိုင်ပါတယ်။

■ ကျန်းမာရေးနဲ့ ပတ်သက်လို့ အနံ့ဆိုးတွေကို အမှုမဲ့နေတတ်ကြပေမယ့် တကယ်တမ်းမှာ ခေါင်းကိုက်ခြင်း၊ မူးဝေခြင်း၊ အသက်ရှူခက်ခဲခြင်း၊ ကောင်းစွာမအိပ်ရခြင်း စတဲ့ပြဿနာတွေနဲ့ ဆက်စပ်နေပါတယ်။

■ အနံ့ခံအာရုံတွေက အန္တရာယ်ဝင်ရောက်နေကြောင်း သတိပေးတဲ့စနစ်ဖြစ်ပြီး ဦးနှောက်က အနံ့ဆိုးတွေကို ၃၀၀ မီလီစက္ကန့်အတွင်း ပြင်ဆင်ဖော်ပြပါတယ်။

■ အန္တရာယ်ရှိတဲ့ အနံ့တွေ အမြန်သိရှိစေခြင်းက ထိုအနံ့တွေကို အလျင်အမြန် အာရုံခံမိစေပြီး ဘေးအန္တရာယ်တွေကို မြန်မြန်ဆန်ဆန် တုံ့ပြန်နိုင်အောင် ကူညီပေးပါတယ်။

■ ဒီလိုအနံ့တွေက မူးဝေခြင်းလိုမျိုး လက္ခဏာတွေ ဖြစ်စေတဲ့ ဗေးဂတ်စ်အာရုံကြောကို လှုံ့ဆော်ပေးခြင်းလိုမျိုး ဇီဝကမ္မဖြစ်စဉ်တွေ ဖြစ်စေပါတယ်။

■ ဒီသက်ရောက်မှုတွေကို နားလည်စေဖို့ နောက်ထပ်သုတေသနတွေ ပြုလုပ်ဖို့ လိုအပ်ပါတယ်။

■ အနံ့ဆိုးတွေကို အဆက်မပြတ် ရှူမိတဲ့အခါ ပြင်ပလှုပ်ရှားမှုတွေ ရှောင်ရှားမိသလိုမျိုး လွဲမှားတဲ့လုပ်ရပ်တွေ ဖြစ်လာနိုင်ပြီး လူမှုဘဝနဲ့ ကျန်းမာရေးအပေါ် ဆိုးကျိုးတွေ သက်ရောက်စေနိုင်ပါတယ်။

■ အနံ့ခံနိုင်စွမ်းက အသက်အရွယ်၊ ကျား/မ၊ နေထိုင်စားသောက်မှုပုံစံအလိုက် တစ်ဦးနဲ့တစ်ဦး ကွဲပြားနိုင်ပြီး လူတွေဟာ မကောင်းတဲ့ အနံ့အသက်တွေကို လွယ်လွယ်နဲ့တော့ ကျင့်သားမရကြပါဘူး။

■ ရေဆိုးရေညစ်အနီးအနားတွေမှာ နေထိုင်တဲ့ လူတွေအတွက်တော့ လေထုအနံ့ဆိုးရွားခြင်းက ဆိုးကျိုးတွေ သက်ရောက်စေပါတယ်။

■ အနံ့အာရုံခံနိုင်စွမ်းက ကျန်းမာရေးအတွက် အရေးကြီးပြီး ဆာလောင်စိတ်၊ စိတ်ခံစားမှု၊ သက်ရှည်ကျန်းမာခြင်းတို့အပေါ် သက်ရောက်နိုင်ပါတယ်။

Source: BBC.

#World_Health
Published 29 April 2026

■ နို့တွေထဲမှာ နွားနို့က အကောင်းဆုံးဖြစ်နေဆဲဖြစ်ပြီး မရှိမဖြစ် ဗိုက်တာမင်များ၊ သတ္တုဓာတ်များအပြင် အရည်အသွေးမြင့် ပရိုတိန်းတွေလည်း ကြွယ်ဝပါတယ်။

■ အာဟာရပညာရှင်တွေက နေ့စဉ်နွားနို့သောက်ခြင်းက ခန္ဓာကိုယ်ကို ဘယ်လောက်သက်ရောက်စေလဲဆိုတာ မျှဝေဖော်ပြထားပါတယ်။

■ ကယ်စီယံ၊ ဗိုက်တာမင်-ဒီ၊ ဖော့စ်ဖရပ်စ်၊ မဂ္ဂနီဆီယံ၊ ပိုတက်ဆီယံ၊ ပရိုတိန်းအပါအဝင် အရိုးထောက်ပံ့ပေးတဲ့ အာဟာရဓာတ်တွေ ပေးစွမ်းနိုင်ပါတယ်။

■ အရိုးဖွဲ့စည်းမှုကို ထောက်ပံ့ပေးပြီး ကော်လာဂျင်စုဖွဲ့မှုကို ကူညီပေးတာကြောင့် အသက်ကြီးလာတဲ့အခါ အရိုးပွခြင်း ကျိုးခြင်းတို့ ဖြစ်နိုင်ခြေ လျော့နည်းစေပါတယ်။

■ မရှိမဖြစ်လိုအပ်တဲ့ အမိုင်နိုအက်ဆစ် ၉ မျိုးစလုံး ထောက်ပံ့ကာ အရည်အသွေးမြင့်ပရိုတိန်းလည်း ပါဝင်တာကြောင့် နေ့စဉ်သောက်မယ်ဆိုရင် ကြွက်သားဖွဲ့စည်းမှုအတွက် အထောက်အကူ ဖြစ်စေနိုင်ပါတယ်။

■ လူဆင်း၊ အိုင်ဆိုလူဆင်း၊ ဗေလင်းတို့လည်း ကြွယ်ဝတာကြောင့် အူသိမ်ထဲကနေ သွေးထဲသို့ တိုက်ရိုက်စုပ်ယူကာ ကြွက်သားတွေကို ပြုပြင်တည်ဆောက်ပေးပါတယ်။

■ ပရိုတိန်း၊ ကာဗိုဟိုက်ဒရိတ်၊ အဆီတို့ ပေါင်းစပ်ပါဝင်ခြင်းကြောင့် ဗိုက်ပြည့်ဝစေပြီး ဆာလောင်စိတ်ကို ထိန်းချုပ်စေနိုင်ပါတယ်။

■ ပိုတက်ဆီယံနဲ့ ကယ်စီယံတို့လို အာဟာရဓာတ်တွေက သွေးပေါင်ချိန်ထိန်းသိမ်းပေးကာ နှလုံးကျန်းမာရေးကို ထောက်ကူပေးပါတယ်။

■ နေ့စဉ် နို့ ၃ ခွက်သောက်သုံးသင့်ပြီး အုတ်ဂျုံ၊ ကွေကာ၊ ကော်ဖီတို့နဲ့လည်း တွဲဖက်သောက်သုံးနိုင်ပါတယ်။

Source: Martha Stewart