မလေးရှားဝန်ကြီးချုပ် အန်ဝါအီဘရာဟင်က ကမ္ဘာတဝှမ်းနိုင်ငံများ ကြုံတွေ့နေရတဲ့ နိုင်ငံရေးနဲ့ စီးပွားရေးဆိုင်ရာ စိန်ခေါ်မှုများကိုဖြေရှင်းရာမှာ ကမ္ဘာ့တောင်ပိုင်းနိုင်ငံများကြား စည်းလုံးညီညွတ်မှုရှိကြောင်း အလေးထားပြောသွားပါတယ်။

#World_Business
Published 12 September 2025
#မလေးရှားဝန်ကြီးချုပ် #နိုင်ငံရေးနဲ့စီးပွားရေး
#YMG #Yangon_Times #Yangon_Media_Group

ကျီနန်၊ စက်တင်ဘာ ၁၂ (ဆင်ဟွာ) — တရုတ်နိုင်ငံတွင် ၂၀၂၄ ခုနှစ်ကုန်အထိ မှတ်ပုံတင်ထားသော စွမ်းအင်သစ်သုံး ဘတ်စ်ကား စုစုပေါင်း ၅၄၄,၀၀၀ ခန့်ရှိလာပြီး နိုင်ငံတစ်ဝန်း မြို့ပြဘတ်စ်ကားအားလုံး၏ ၈၂.၇ ရာခိုင်နှုန်းကို ကိုယ်စားပြုကြောင်း သယ်ယူပို့ဆောင်ရေးအရာရှိတစ်ဦးက သောကြာနေ့တွင် ပြောကြားခဲ့သည်။

အရှေ့ပိုင်း ရှန်တုန်းပြည်နယ်၊ ကျီနန်မြို့တွင် ကျင်းပသည့် အစိမ်းရောင်သယ်ယူပို့ဆောင်ရေးမြှင့်တင်ရေး အခမ်းအနား၌ သယ်ယူပို့ဆောင်ရေးဒုတိယဝန်ကြီး လီယန်က အထက်ပါအတိုင်း မှတ်ချက်ပြု  ခဲ့ခြင်းဖြစ်သည်။

၂၀၂၄ ခုနှစ်ကုန်အထိ မြို့ပြဘတ်စ်ကားပြေးဆွဲသည့် စုစုပေါင်းလမ်းကြောင်းအရှည်သည် ကီလိုမီတာ ၁.၇၅ သန်းအထိရှိပြီး မြို့ပြရထားလမ်း ပြေးဆွဲနိုင်သည့် စုစုပေါင်းအရှည်သည် ကီလိုမီတာ ၁၁,၀၀၀ ခန့်အထိ ရှိလာရာ ကမ္ဘာပေါ်တွင် ပထမနေရာ၌ ရပ်တည်နေကြောင်း လီယန်က ပြောကြားခဲ့သည်။

တစ်နိုင်ငံလုံးတွင် လူသန်း ၂၀၀ ကျော်သည် နေ့စဉ် အစိမ်းရောင်ခရီးသွားလာမှုနည်းလမ်းကို ရွေးချယ်အသုံးပြုကြကြောင်း လီယန်က ပြောကြားခဲ့သည်။ ယင်းတို့အနက် လူသန်း ၁၀၀ သည် ရထားလမ်းဖြင့် သွားလာကြပြီး လူသန်း ၁၀၀ က မြို့ပြဘတ်စ်ကားများကို အသုံးပြုကြကာ ၂၄ သန်းသောသူတို့သည် စက်ဘီးမျှဝေစီးနင်းခြင်းကို ရွေးချယ်ကြကြောင်း လီယန်က ပြောကြားခဲ့သည်။

လီယန်သည် ဒေသဆိုင်ရာအာဏာပိုင်များကို မြို့ပြအများပြည်သူသယ်ယူပို့ဆောင်ရေးဝန်ဆောင်မှုများ ပိုမိုတိုးတက်စေရန်နှင့် အစိမ်းရောင် ခရီးသွားလာမှုအတွက် ပိုမိုသင့်လျော်သည့် ပတ်ဝန်းကျင်တစ်ခု ဖန်တီးပေးရန် တိုက်တွန်းခဲ့သည်။ ■

Source Xinhua

#World_News
Published 12 September 2025

▪️ ဘရာဇီးလ်သမ္မတဟောင်း ဂျဲဘိုဆိုနာရိုဟာ စစ်အာဏာသိမ်းရန် အကွက်ချကြံစည်ခဲ့တယ်လို့ ပြစ်မှုထင်ရှားတဲ့အတွက် ထောင် ၂၇ နှစ်ကျသွားပါတယ်။

▪️ သမ္မတဟောင်းရဲ့အမှုကို တာဝန်ပေးအပ်ခံရတဲ့ တရားရုံးချုပ်မှ တရားသူကြီး ၅ ဦးအနက် ၄ ဦးက အပြစ်ရှိကြောင်းတွေ့ရှိခဲ့ပါတယ်။

▪️ ၂၀၂၂ ရွေးကောက်ပွဲမှာ ပြိုင်ဘက် လူးဝစ်အင်နာစီယိုလူလာဒါဆေးဗားကို ရှုံးနိမ့်ပြီးနောက် အသက် ၇၀ အရွယ်သမ္မတဟောင်းဟာ အာဏာဆက်လက်ရယူလိုတာကြောင့် ပုန်ကန်ရန်ကြံစည်ခဲ့တဲ့အတွက် တရားစီရင်ခံရတာ ဖြစ်ပါတယ်။

▪️ စစ်တပ်ထံကနေ ထောက်ခံမှု အလုံအလောက်မရဘဲ ကြံစည်မှုပျက်စီးခဲ့ပြီး ၂၀၂၃ ဇန်နဝါရီ ၈ ရက်မှာ ဘိုဆိုနာရိုထောက်ခံသူတွေက အစိုးရ‌အဆောက်အအုံတွေမှာ သောင်းကျန်းခဲ့ကြပါတယ်။

▪️ စွပ်စွဲချက် ၅ ခုဖြစ်တဲ့ အာဏာသိမ်းရန် ကြံစည်ကြိုးပမ်းမှု၊ လက်နက်ကိုင် ရာဇဝတ်အဖွဲ့ဦးဆောင်မှု၊ ဒီမိုကရက်တစ် အုပ်ချုပ်ရေးဥပဒေ ချိုးဖောက်ရန်ကြိုးပမ်းမှု၊ အစိုးရအဆောက်အအုံများ ထိခိုက်စေခြင်းနဲ့ ပတ်သက်တဲ့ အမှုနှစ်ခု၊ စုစုပေါင်း ၅ မှုစလုံး အပြစ်ရှိတယ်လို့ တွေ့ရှိခဲ့ပါတယ်။

▪️ သမ္မတဟောင်းကတော့ အပြစ်မရှိကြောင်းပဲ ပြောနေပြီး ဒီအမှုစွဲချက်တွေဟာ နိုင်ငံရေးလှုံ့ဆော်မှုသာ ဖြစ်တယ်လို့ ဆိုပါတယ်။

▪️ သူ့ရဲ့အမှုကိစ္စနဲ့ ပတ်သက်ပြီး အမေရိကန်သမ္မတ ဒေါ်နယ်ထရမ့် အံ့အားသင့်ခဲ့ရပါတယ်။

Source: BBC

#World_Health
Published 12 September 2025

▪️ တရုတ်က လူသားပါပီလိုမာဗိုင်းရပ်စ်(HPV) အမျိုးအစားကွဲပေါင်း ၉ မျိုးကို ကာကွယ်နိုင်မယ့် ပြည်တွင်းထုတ်ကာကွယ်ဆေးကို ထုတ်လုပ်လိုက်ပါတယ်။

▪️ ပထမဆုံးကာကွယ်ဆေးကို အင်္ဂါနေ့က ရှာမင်မြို့မှာ စတင်ထိုးနှံကာ အသက် ၉ နှစ်မှ ၄၅ နှစ်ကြား အမျိုးသမီးတွေမှာ သားအိမ်ခေါင်းကင်ဆာ ကာကွယ်ရေးအစီအစဉ် တိုးချဲ့လိုက်ပါတယ်။

▪️ အသက် ၉ နှစ်မှ ၁၇ ကြားက ကာကွယ်ဆေး ၂ ကြိမ်ထိုးဖို့လိုပြီး အသက် ၁၈ နှစ်မှ ၄၅ နှစ်ကြားကတော့ ၃ ကြိမ်လိုအပ်တယ်လို့ ကျန်းမာရေးအာဏာပိုင်များ ပြောပါတယ်။

▪️ သားအိမ်ခေါင်းကင်ဆာက ကမ္ဘာတဝှမ်းက အမျိုးသမီးတွေမှာ အဖြစ်အများဆုံးကင်ဆာတွေထဲမှာ ပါဝင်ကာ HPV ကြောင့် နှစ်စဉ်ကင်ဆာဖြစ်ပွားသူ ၇ သိန်းခန့်ရှိကာ သားအိမ်ခေါင်းကင်ဆာ ဖြစ်ပွဦးသူ ၅၃၀,၀၀၀ ခန့်ပါဝင်ပြီး ကျန်တာတွေက စအိုကင်ဆာ၊ မျိုးပွားအင်္ဂါကင်ဆာနဲ့ အခြားသောကင်ဆာတွေ ဖြစ်ပါတယ်။

▪️ ကာကွယ်ဆေးထိုးနှံခြင်းက အဓိကကာကွယ်ရေး လုပ်ငန်းစဉ်တစ်ခု ဖြစ်နေပါတယ်။

▪️ မှန်ကန်ထိရောက်စွာ ထိုးနှံပါက HPV ကာကွယ်ဆေးက ရောဂါဖြစ်ပွားခြင်းကနေ ၉၄ ရာခိုင်နှုန်းထိရောက်အောင် ကာကွယ်နိုင်မှာ ဖြစ်ပါတယ်။

Source: Xinhua.

#World_Health
Published 12 September 2025

▪️ အစားအစာ၊ ကင်ဆာဖြစ်နိုင်ခြေနဲ့ အသက်အန္တရာယ်တို့ကြား ဆက်စပ်မှုရှိကြောင်းကို လေ့လာချက်အများအပြားမှာ တွေ့ရှိရပါတယ်။
ခရမ်းချဉ်သီးမှာပါဝင်တဲ့ လိုင်ကိုပင်းဓာတ်နဲ့ ကင်ဆာအန္တရာယ်တို့ ဆက်စပ်ပုံကို သုတေသီများ လေ့လာခဲ့ကြပါတယ်။

▪️ ပါဝင်စမ်းသပ်သူပေါင်း ၂.၇ သန်းနီးပါးရဲ့ အချက်အလက်တွေကို ဆန်းစစ်ရာမှာ ခန္ဓာကိုယ်ထဲ လိုင်ကိုပင်းဓာတ်များခြင်းက ကင်ဆာဖြစ်နိုင်ခြေ ၅ ရာခိုင်နှုန်း လျော့နည်းခြင်းနဲ့ ဆက်စပ်နေပါတယ်။

▪️ လိုင်ကိုပင်းဓာတ် ပိုစားပေးရင် ဆီးကျိတ်ကင်ဆာဖြစ်နိုင်ခြေနဲ့ အဆုတ်ကင်ဆာကြောင့် အသက်ဆုံးပါးနိုင်ခြေတို့ကို လျော့နည်းစေကြောင်း တွေ့ရှိရပါတယ်။

▪️ လိုင်ကိုပင်းဆိုတာက အသီးအနှံနဲ့ ဟင်းရွက်တွေမှာ အနီရောင်ဖြစ်စေတဲ့ဓာတ်ဖြစ်ပြီး ခန္ဓာကိုယ်ထဲမှာ ဓာတ်တိုးဆန့်ကျင်ပစ္စည်းအဖြစ် ဆောင်ရွက်ပေးပါတယ်။

▪️ လေ့လာချက်တွေအရ လိုင်ကိုပင်းက အဆုတ်နဲ့ ဆီးကျိတ်တို့လို ကိုယ်တွင်းအင်္ဂါတွေအတွက် အထူးကာကွယ်နိုင်စွမ်းရှိပါတယ်။

▪️ ဒါပေမဲ့ ခန္ဓာကိုယ်ကနေ မထုတ်လုပ်နိုင်တာကြောင့် စားသောက်ခြင်းဖြင့်သာ ရရှိနိုင်ပါတယ်။

▪️ လိုင်ကိုပင်းအဓိကပါဝင်တဲ့ အစားအစာက ခရမ်းချဉ်သီးဖြစ်ပြီး ချက်ပြုတ်လိုက်ရင် လိုင်ကိုပင်းစုပ်ယူနိုင်စွမ်း မြင့်မားစေတာကြောင့် အစိမ်းလိုက်မစားလည်း ရပါတယ်။

▪️ လိုင်ကိုပင်းက အဆီမှာပျော်ဝင်တာကြောင့် သံလွင်ဆီနဲ့ စားသုံးလို့ရပါတယ်။

▪️ ဒါ့အပြင် ဖရဲသီး၊ ဂရိပ်ဖရုသီး၊ မာလကာသီး၊ သင်္ဘောသီးတို့မှာလည်း တွေ့နိုင်ပါတယ်။

Source: The Jerusalem Post.

ထိုင်းဝန်ကြီးချုပ်သစ်အနေနဲ့ နိုင်ငံရေးမတည်ငြိမ်မှု၊ စီးပွားရေးမတည်ငြိမ်မှုတို့ကို ကျော်လွှားဖို့ ခက်ခဲတဲ့အနေအထား ရင်ဆိုင်နေရသလို ကွဲပြားနေကြတဲ့ အစိုးရကိုစည်းလုံးဖို့ ကြိုးစားနေရကြောင်း ကျွမ်းကျင်သူများပြောပါတယ်။

#Asia_Politics
Published 11 September 2025
#ထိုင်းဝန်ကြီးချုပ်သစ် #နိုင်ငံရေးမတည်ငြိမ်မှု_စီးပွားရေးမတည်ငြိမ်မှု
#YMG #Yangon_Times #Yangon_Media_Group