၁၆ စက်တင်ဘာ၊၂၀၂၅

၂၀၂၅ ခုနှစ်၊ ရပ်ဝန်းနှင့်ပိုးလမ်းမ မီဒီယာပူးပေါင်းဆောင်ရွက်ရေးဖိုရမ်ကို စက်တင်ဘာလ ၁၆ ရက်နေ့တွင် တရုတ်နိုင်ငံအနောက်တောင်ပိုင်း၊ ယူနန်ပြည်နယ်၊ ကူမင်းမြို့၌ ကျင်းပပြုလုပ်ခဲ့သည်။ အဆိုပါ အခမ်းအနားသို့ ကမ္ဘာ့နိုင်ငံပေါင်း ၈၇ နိုင်ငံမှ ကိုယ်စားလှယ် ၂၀၀ ကျော်၊ နိုင်ငံတကာနှင့် ဒေသဆိုင်ရာ   အဖွဲ့အစည်းများနှင့် မီဒီယာအဖွဲ့အစည်း ၁၆၅ ခုမှ ကိုယ်စားလှယ်များ တက်ရောက်ခဲ့ကြသည်။

မြန်မာနိုင်ငံမှ ပြန်ကြားရေးဝန်ကြီးဌာန၊ သတင်းမီဒီယာကောင်စီနှင့် ပုဂ္ဂလိက မီဒီယာများမှ ကိုယ်စားလှယ်များလည်း အဆိုပါဖိုရမ်သို့တက်ရောက်သည်။

ဖိုရမ်တက်ရောက်လာသူများက သမ္မတရှီကျင့်ဖျင် သည် ၂၀၁၃ ခုနှစ်တွင် ရပ်ဝန်းနှင့်ပိုးလမ်းမ ပဏာမခြေလှမ်း (BRI) ကို စတင်အဆိုပြုခဲ့ချိန်မှစ၍ ယင်းပဏာမခြေလှမ်းသည် အောင်မြင်မှု ရလဒ် ကောင်းများ ရရှိခဲ့ပြီး လူကြိုက်များသည့် ကမ္ဘာလုံးဆိုင်ရာ အများပိုင်အကျိုးစီးပွားတစ်ခုအဖြစ်နှင့် ကမ္ဘာလုံးဆိုင်ရာ ပူးပေါင်းဆောင်ရွက်ရေးအတွက် ပလက်ဖောင်းတစ်ခုအဖြစ် တိုးတက်လာခဲ့ကြောင်း မှတ်ချက်ပြုခဲ့ကြသည်ဟုပြည်သူ့နေ့စဉ်သတင်းစာကရေးသားသည်။

မကြာသေးမီက ကျင်းပပြုလုပ်ခဲ့သည့် “ရှန်ဟိုင်းပူးပေါင်းဆောင်ရွက်ရေးအဖွဲ့နှင့်အပေါင်း” အစည်းအဝေး  တွင် သမ္မတရှီသည် ကမ္ဘာလုံးဆိုင်ရာ အုပ်ချုပ်ရေး ပဏာမခြေလှမ်းကို တင်ပြခဲ့ရာ ပိုမိုမျှတ၍ တန်းတူ ညီမျှသည့် ကမ္ဘာလုံးဆိုင်ရာ အုပ်ချုပ်မှုစနစ်ကို မြှင့်တင်ရန်အတွက် တရုတ်တို့၏ ဉာဏ်ပညာနှင့် ဖြေရှင်း    နည်းများကို အထောက်အကူပြုခဲ့သလို အရည်အသွေးမြင့် ရပ်ဝန်းနှင့်ပိုးလမ်းမ ပူးပေါင်းဆောင်ရွက်မှုကို ရှေ့သို့ဆက်လက်တိုးတက်စေရန်အတွက်လည်း ပိုမိုကျယ်ပြန့်သည့် အခွင့်အလမ်းအသစ်များကို ဖန်တီး ပေးခဲ့သည်ဟု ပြည်သူ့နေစဉ်သတင်းစာတွင်ဖော်ပြထားသည်။

ဖိုရမ်တက်ရောက်လာသူများက ကမ္ဘာတစ်ဝန်းရှိ မီဒီယာများအနေဖြင့် ပူးပေါင်းဆောင်ရွက်မှုများကို ခိုင်မာစေသင့်ပြီး ပိုးလမ်းမစိတ်ဓာတ်ကို လက်တွေ့ကျင့်သုံးသူများနှင့် မြှင့်တင်ပေးသူများအဖြစ် ဆောင်ရွက်သင့်ကြောင်း၊ ယဉ်ကျေးမှုအစုအဝေးကြီးများအကြားတွင် နိုင်ငံအချင်းချင်း တန်းတူညီမျှမှု၊ အပြန်အလှန် လေ့လာသင်ယူမှု၊ ဆွေးနွေးမှုနှင့် အားလုံးပါဝင်နိုင်မှုတို့ကို ထိန်းသိမ်းစောင့်ရှောက်သင့်  ကြောင်း မှတ်ချက်ပြုခဲ့ကြသည်။ ၎င်းတို့က မီဒီယာများသည် ဖွံ့ဖြိုးတိုးတက်မှုဆိုင်ရာ အောင်မြင်မှုများကို မှတ်တမ်းတင်သူများနှင့် ပြောပြသူများအဖြစ် ဆောင်ရွက်သင့်ကြောင်း၊ ရပ်ဝန်းနှင့်ပိုးလမ်းမ ပူးပေါင်း ဆောင်ရွက်မှု၏ လက်တွေ့လုပ်ဆောင်မှုများကို ဆက်လက်သတင်းရေးသားတင်ပြသင့်ကြောင်းနှင့် နှစ်ဖက်အနိုင်ရသည့်ပူးပေါင်းဆောင်ရွက်မှုအတွက် ကျယ်ပြန့်သောတွန်းအားကို တည်ဆောက်ရန် ကူညီ  ပေးသင့်ကြောင်း ပြောကြားခဲ့ကြသည်။

မီဒီယာများသည် ယဉ်ကျေးမှုများအကြား အပြန်အလှန်လေ့လာသင်ယူမှုကို ပါဝင်လုပ်ဆောင်သင့်ပြီး ရှေ့သို့ဆက်လက်တိုးတက်အောင် ကူညီသင့်ကြောင်း၊ နားလည်မှုတည်ဆောက်ရန်၊ ကွဲပြားမှုများကို ပေါင်းကူးပေးရန်နှင့် ပြည်သူများကို ပိုမိုရင်းနှီးလာစေရန်အတွက် အရည်အသွေးရှိသောလုပ်ကိုင်မှုများကို အသုံးပြုသင့်ကြောင်းနှင့် လူသားမျိုးနွယ်အပေါ် ဘုံအနာဂတ်အသိုက်အဝန်းတစ်ခုအတွက် အုတ်မြစ်ကို ခိုင်မာအောင် ဆောင်ရွက်သင့်ကြောင်း ၎င်းတို့က ထုတ်ဖော်ပြောကြားခဲ့သည်။

ပြည်သူ့နေစဉ်သတင်းစာ(People’s Daily)၊ တရုတ်ကွန်မြူနစ်ပါတီ (CPC) ယူနန်ပြည်နယ်ကော်မတီနှင့် ယူနန်ပြည်နယ်ပြည်သူ့အစိုးရတို့ ပူးတွဲကျင်းပသည့် ယင်းဖိုရမ်ကို “ယဉ်ကျေးမှုများအကြား ဖလှယ်မှုနှင့် အပြန်အလှန်လေ့လာသင်ယူမှုအတွက် မီဒီယာများအတူတကွတာဝန်ယူမှု” ခေါင်းစဉ်ဖြင့် ကျင်းပခဲ့သည်။ အဆိုပါဖိုရမ်တွင် ဖွင့်ပွဲအခမ်းအနား၊ အဓိကဖိုရမ်၊ ဖိုရမ်ခွဲများ၊ ဒုတိယအကြိမ်မြောက် ပိုးလမ်းမ ကမ္ဘာလုံး ဆိုင်ရာသတင်းဆုပေးပွဲအခမ်းအနားနှင့် ၁၀+၃ မီဒီယာပူးပေါင်းဆောင်ရွက်ရေးဖိုရမ်တို့ကိုကျင်းပခဲ့သည်။

ဖိုရမ်အပြီးတွင် တရုတ်နှင့် နိုင်ငံတကာမီဒီယာကိုယ်စားလှယ်များသည် ယူနန်နှင့် အခြားသော  ပြည်နယ် များ၊ ကိုယ်ပိုင်အုပ်ချုပ်ခွင့်ရဒေသများနှင့် တရုတ်နိုင်ငံတစ်ဝန်းရှိ မြို့ပြဒေသများတစ်လျှောက် ပူးပေါင်း  သတင်းတင်ဆက်မှုများကို ဆောင်ရွက်သွားကြမည်ဖြစ်သည်။

၂၀၁၄ ခုနှစ်တွင် စတင်ကျင်းပခဲ့သည့် ရပ်ဝန်းနှင့်ပိုးလမ်းမ မီဒီယာပူးပေါင်းဆောင်ရွက်ရေးဖိုရမ်ကို ၉ ကြိမ်အထိ ကျင်းပခဲ့ပြီးဖြစ်သည်။ ယင်းဖိုရမ်သည် နိုင်ငံပေါင်း ၁၀၀ ကျော်နှင့် ဒေသများမှ ကမ္ဘာလုံးဆိုင်ရာမီဒီယာအဖွဲ့အစည်းများနှင့် နိုင်ငံတကာနှင့် ဒေသဆိုင်ရာအဖွဲ့အစည်းများမှ ကိုယ်စားလှယ် ၁,၀၀၀ ကျော်ကို ဆွဲဆောင်နိုင်ခဲ့ကြောင်းသိရသည်။

Reference : People’s Daily

Photo-YMG

#World_News
Published 16 September 2025

▪️ ရုရှားက ယူကရိန်းကို ပစ်ခတ်ဝင်ရောက်နိုင်ရန် ဘီလာရုစ်ကို စစ်ဗျူဟာမြောက်နေရာအဖြစ် အသုံးပြုလာပြီးနောက်ပိုင်း အမေရိကန်စစ်အရာရှိတွေက ယင်းနှစ်နိုင်ငံပူးတွဲစစ်လှုပ်ရှားမှုတွေကို စောင့်ကြည့်လေ့လာခဲ့ပါတယ်။

▪️ အမေရိကန်သမ္မတ ဒေါ်နယ်ထရမ့်ကတော့ ဘီလာရုစ်နဲ့ ဆက်ဆံရေးခိုင်မာအောင် ဆောင်ရွက်လာပါတယ်။

▪️ အမေရိကန်အရာရှိတွေ ရောက်လာတာက ဘီလာရုစ်နဲ့ ဆက်ဆံရေးကို ပြန်လည်လှုံ့ဆော်ဖို့ ကြိုးစားလာတဲ့သဘော မြင်နေရပါတယ်။

▪️ ပြီးခဲ့တဲ့ရက်သတ္တပတ်က ထရမ့်ရဲ့ကိုယ်စားလှယ် ဂျွန်ကိုးလ်က ဘီလာရုစ်မြို့တော်မင့်စ်ကို ရောက်ခဲ့ပြီး ထရမ့်က အဲဒီမှာ အမေရိကန်သံရုံးပြန်ဖွင့်လိုကာ ဆက်ဆံရေး ပုံမှန်ပြန်ဖြစ်ဖို့နဲ့ ကုန်သွယ်ရေး ပြန်လည်လုပ်ဆောင်လိုနေကြောင်း ပြောသွားပါတယ်။

▪️ ဒါဟာ ထရမ့်က ဘီလာရုစ်ကို ရုရှားထံကနေ ဆွဲခွာဖို့ ကြိုးပမ်းနေတယ်လို့ သုံးသပ်နေကြပြီး အောင်မြင်နိုင်ဖွယ် မရှိဘူးလို့ ထင်နေကြပါတယ်။

▪️ အမေရိကန်အရာရှိနှစ်ဦးက ဘီလာရုစ်နဲ့ ရုရှားတို့ရဲ့ Zapad-2025 စစ်ရေးလေ့ကျင့်မှုတွေကို စောင့်ကြည့်ခဲ့ကြပြီး ရုရှားလက်ထောက်ကာကွယ်ရေးဝန်ကြီးလည်း ကြည့်ရှုနေခဲ့ပါတယ်။

▪️ ဒီလေ့ကျင့်မှုက ရုရှားနဲ့ ဘီလာရုစ်တို့ဟာ တိုက်ခိုက်ရန်အသင့်ရှိနေတယ်ဆိုတာကို စမ်းသပ်ပြခဲ့တာပဲ ဖြစ်ပါတယ်။

▪️ ရုရှားရဲ့ ကာလကြာရှည်မဟာမိတ်ဖြစ်နေတဲ့ ဘီလာရုစ်သမ္မတ အလက်ဇန်ဒါလူကာရှန်ကိုက ၂၀၂၂ ဖေဖော်ဝါရီမှာ ရုရှားတပ်သားတွေ ဘီလာရုစ်ကနေ ယူကရိန်းထံဝင်ရောက်ဖို့ ခွင့်ပြုခဲ့သလို ဗျူဟာမြောက်နျူကလီးယားလက်နက်များ စခန်းချဖို့ကိုလည်း ခွင့်ပြုခဲ့ပါတယ်။

Source: Reuters.

#World_Health
Published 16 September 2025

▪️ အစိမ်းရောင်ဟင်းရွက်တွေနဲ့ ငှက်ပျောသီးလို အစားအစာတွေ စားခြင်းက နှလုံးရောဂါဖြစ်နိုင်ခြေ၊ နှလုံးခုန်မမှန်ခြင်း၊ စောစီးစွာ အသက်ဆုံးပါးခြင်းတို့မှ ၄ ပုံ ၁ ပုံခန့် လျှော့ချနိုင်ဖွယ် ရှိတယ်လို့ လေ့လာချက်အသစ်မှာ ဖော်ပြထားပါတယ်။

▪️ ပိုတက်ဆီယံကြွယ်ဝတဲ့ ဆော်လ်မွန်ငါး၊ ပန်းဂေါ်ဖီစိမ်း၊ ဟင်းနုနွယ်တို့ဆိုရင် ခန္ဓာကိုယ်ထဲကနေ ပိုလျှံတဲ့ဆားတွေကို ဖယ်ရှားပေးနိုင်ပြီး နှလုံးကြောင့်ဖြစ်တဲ့ ပြဿနာများကို ၂၄ ရာခိုင်နှုန်း လျှော့ချနိုင်ပါတယ်။

▪️ ယနေ့ခေတ် အစားအစာတွေက အဆင့်ဆင့်ထုပ်ပိုးစားစရာများပြားလာပြီး ဆိုဒီယံများလာကာ ပိုတက်ဆီယံ နည်းပါးလာပါတယ်။

▪️ ပိုတက်ဆီယံက နှလုံးလုပ်ဆောင်ချက်အတွက် အရေးကြီးကာ ပိုတက်ဆီယံစားသုံးမှု နည်းပါးပါက နှလုံးခုန်မမှန်ခြင်း၊ နှလုံးရောဂါ၊ အသက်အန္တရာယ်တို့အထိ ဖြစ်နိုင်ပါတယ်။

▪️ စမ်းသပ်ချက်ထဲမှာ စက်တပ်ထားတဲ့ လူနာ ၁,၂၀၀ ဖြင့်စမ်းသပ်ကာ လူ ၆၀၀မှာ ပိုတက်ဆီယံများပြီး အသားနည်းတဲ့ အစားအစာတွေ စားခိုင်းခဲ့ပါတယ်။

▪️ ပိုတက်ဆီယံ များများစားတဲ့အခါ နှလုံးရောဂါလူနာတွေအတွက်သာမက အားလုံးအတွက်ပါ အကျိုးရှိစေတာကြောင့် ဆိုဒီယံလျှော့ပြီး ပိုတက်ဆီယံ ပိုစားသင့်ပါတယ်။

▪️ အမေရိကန်ဂျာနယ်တစ်ခုရဲ့ ဖော်ပြချက်မှာလည်း ပိုတက်ဆီယံ ပိုစားခြင်းဖြင့် သွေးပေါင်ချိန် ကျစေနိုင်ပါတယ်။

▪️ ဒါကြောင့် ပိုတက်ဆီယံကြွယ်ဝတဲ့ ငှက်ပျောသီး၊ ပန်းဂေါ်ဖီစိမ်းတို့လို အစားအစာတွေ ပိုစားခြင်းဖြင့် သွေးပေါင်ချိန် အခြေအနေပိုကောင်းစေနိုင်တယ်လို့ သုတေသနယူဆထားပါတယ်။

Source: Independent .

#World_Health
Published 16 September 2025

▪️ ဘီယာသောက်ခြင်းက ပျော်ရွှင်မှု၊ စိတ်အပန်းဖြေမှုတို့ကို ပေးစွမ်းနိုင်တယ်ဆိုပေမယ့် ကျန်းမာရေးကို သိသိသာသာ ထိခိုက်စေနိုင်ပါတယ်။

▪️ အာဟာရပညာရှင် ဒေါက်တာ ရှီလ်ပါအာရိုရာက ဘီယာသောက်ခြင်းကြောင့် ဖြစ်လာနိုင်တဲ့ ကျန်းမာရေးပြဿနာများကို ဖော်ပြထားပါတယ်။

▪️ (၁) ဘီယာဗိုက်ထွက်လာခြင်း

▪️ (၂) အမျိုးသမီးတွေမှာ မိန်းမဟော်မုန်း၊ ဓမ္မတာ၊ စိတ်အခြေအနေတို့ ရှုပ်ထွေးစေခြင်း

▪️ (၃) အရိုးတွေ အားနည်းစေပြီး အသက် ၃၅ ကျော်တဲ့အခါ ဖြစ်နိုင်ခြေပိုများလာခြင်း

▪️ (၄) အမျိုးသားတွေမှာ မိန်းမဟော်မုန်းတိုးစေပြီး ကျားဟော်မုန်းလျော့နည်းစေကာ ခွန်အား၊ စွမ်းဆောင်ရည်၊ ယုံကြည်ချက်တို့ ကျဆင်းစေခြင်း

▪️ (၅) အချိန်ကြာလာတာနဲ့အမျှ အသည်းအဆီဖုံးနိုင်ခြင်းတို့ ဖြစ်ပါတယ်။

▪️ အယ်ကိုဟောက ဆီးရွှင်စေသဖြင့် ရေဓာတ်လုံလောက်စွာ မဖြည့်နိုင်ရင် ရေဓာတ်ခန်းခြောက်ပြီး ခေါင်းကိုက်ခြင်း၊ နွမ်းနယ်ခြင်းတို့ ဖြစ်နိုင်ပါတယ်။

▪️ ရေရှည်အထိ အလွန်အကြူးသောက်သုံးရင် အသည်းထိခိုက်စေကာ အသည်းခြောက်ခြင်း၊ အသည်းအဆီဖုံးခြင်း၊ အသည်းရောင်ရောဂါတို့ ဖြစ်လာနိုင်ပါတယ်။

▪️ ကြာလာရင် မှတ်ဉာဏ်ဆုံးရှုံးခြင်း၊ ဦးနှောက်အသိစိတ်ကျဆင်းခြင်းတို့အပြင် သွေးတိုး၊ လေဖြတ်၊ နှလုံးရောဂါတို့ပါ ဖြစ်လာနိုင်ပါတယ်။

▪️ အယ်ကိုဟောဖြတ်တာ ၆ လလောက်ကြာတဲ့အခါ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ ကျန်းမာရေးတွေမှာ ကောင်းကျိုးတွေဖြစ်လာနိုင်ပြီး အသည်းဆိုရင် လုပ်ဆောင်ချက်တွေ တဖြည်းဖြည်း တိုးတက်လာပါမယ်။

Source: Indian Express

တရုတ်နဲ့အင်ဒိုနီးရှားဘဏ်တွေက နှစ်နိုင်ငံကုန်သွယ်ရေးနဲ့ ရင်းနှီးမြှုပ်နှံမှုပိုင်းမှာ ဒေသတွင်းငွေကြေးများ ဆက်လက်အသုံးပြုနိုင်ရန် ရည်ရွယ်ပြီး ဒေသတွင်းငွေကြေးဆိုင်ရာ ငွေကြေးပေးချမှုမူဘောင် (LCT)ကို ကြာသပတေးနေ့က တရားဝင်စတင်လိုက်ပါတယ်။

#Asia_Business
Published 15 September 2025
#တရုတ် #အင်ဒိုနီးရှား
#YMG #Yangon_Times #Yangon_Media_Group

#World_News
Published 15 September 2025

▪️ အာရပ်နဲ့ အစ္စလာမ်နိုင်ငံများမှ ခေါင်းဆောင်များဟာ ကာတာနိုင်ငံအပေါ် အစ္စရေးတိုက်ခိုက်မှုနဲ့ အခြားသော ရန်လိုသော လုပ်ရပ်တွေက ဒေသတွင်း ဆက်ဆံရေးများကို ပုံမှန်ပြန်ဖြစ်အောင် ကြိုးပမ်းမှုများနဲ့ အတူတကွ တည်ရှိမှုကို ခြိမ်းခြောက်နေတယ်ဆိုတာကို သတိပေးသွားမှာ ဖြစ်တယ်လို့ တနင်္လာနေ့ အာရပ်-အစ္စလာမ် ထိပ်သီးအစည်းအဝေးမှာ တင်ပြမယ့် ဖြေရှင်းရေးဆုံးဖြတ်ချက် မူကြမ်းအရ သိရပါတယ်။

▪️ ပါလက်စတိုင်း ဟားမတ်စ်ခေါင်းဆောင်များကို အစ္စရေးလ်တို့ ပစ်မှတ်ထား တိုက်ခိုက်လာချိန်မှာ ကာတာကို ထောက်ခံတဲ့အနေနဲ့ ဒိုဟာမှာ ထိပ်သီးအစည်းအဝေး ကျင်းပနေတာ ဖြစ်ပါတယ်။

▪️ ဒီလိုတိုက်ခိုက်မှုကြောင့် ယူအေအီးနဲ့ အစ္စရေးလ်တို့ကြား ၂၀၂၀ က ပုံမှန်ပြန်ဖြစ်ခဲ့တဲ့ ဆက်ဆံရေးမှာ တင်းမာမှု ဖြစ်လာနိုင်စေပါတယ်။

▪️ ရိုက်တာသတင်းဌာန တွေ့ခဲ့တဲ့ အဆိုပြုချက်မူကြမ်းမှ ကောက်နှုတ်ချက်တစ်ခုမှာ ကာတာနိုင်ငံအပေါ် အစ္စရေးရဲ့ ရက်စက်တဲ့ တိုက်ခိုက်မှုနှင့် လူမျိုးတုံးသတ်ဖြတ်မှု၊ လူမျိုးစုသုတ်သင်မှု၊ ငတ်မွတ်မှု၊ ဝိုင်းရံမှု၊ ကိုလိုနီပြုလုပ်မှုများနဲ့ တိုးချဲ့ရေးမူဝါဒများ အပါအဝင် ရန်လိုတဲ့ လုပ်ရပ်များဆက်လက်ဆောင်ရွက်နေတာဟာ ဒေသတွင်း ငြိမ်းချမ်းရေးနှင့် အတူယှဉ်တွဲနေထိုင်ရေး အလားအလာများကို ခြိမ်းခြောက်နေတယ်လို့ ဖော်ပြထားပါတယ်။

▪️ ထိပ်သီးအစည်းအဝေးမတိုင်မီ နိုင်ငံခြားရေးဝန်ကြီးများ အစည်းအဝေးမှာ ရေးဆွဲခဲ့တဲ့ မူကြမ်းအရ ဒီလုပ်ရပ်တွေဟာ လက်ရှိသဘောတူညီချက်များနဲ့ အနာဂတ်သဘောတူညီချက်များ အပါအဝင် အစ္စရေးနဲ့ ဆက်ဆံရေး ပုံမှန်ပြန်ဖြစ်အောင် ဆောင်ရွက်ထားသမျှကို ခြိမ်းခြောက်နေတယ်လို့ ဆိုထားပါတယ်။

▪️ ဂါဇာမှာရှိတဲ့ ပါလက်စတိုင်းတွေကို လူမျိုးတုန်းသတ်ဖြတ်မှု ကျူးလွန်တယ်ဆိုပြီး အစ္စရေးလ်ကို စွပ်စွဲနေကြပါတယ်။

Source: Reuters