#World_Health
Published 21 June 2025

▪️ နှလုံးအားနည်းရောဂါဖြစ်နိုင်ခြေ ခန့်မှန်းတဲ့နေရာမှာ ခါးနဲ့အရပ်အချိုးအစားက ခန္ဓာကိုယ်ထုထည်ညွှန်းကိန်း (BMI)ထက်ပိုပြီး တိကျနိုင်တယ်လို့ သုတေသနအသစ်မှာ ဖော်ပြခဲ့ပါတယ်။

▪️ ဆွီဒင်ရှိ လန်းတက္ကသိုလ်နဲ့ မယ်လ်မိုတက္ကသိုလ်ဆေးရုံတို့မှ သုတေသီတွေက ၁၂ နှစ်ခွဲကာလအတွင်း လူပေါင်း ၁,၇၉၂ ဦးကို စောင့်ကြည့်လေ့လာခဲ့ကြပါတယ်။

▪️ ခါးနဲ့အရပ်အချိုးအစားမြင့်မားသူတွေက နှလုံးအားနည်းရောဂါဖြစ်နိုင်ခြေ ပိုများတာ တွေ့ခဲ့ကြပါတယ်။

▪️ BMI ဆိုတာက အဝလွန်ခြင်းပမာဏကို တိုင်းတာတာဖြစ်ပေမယ့် ခန္ဓာကိုယ်မှာ အဆီဘယ်လောက်ပျံ့နှံ့နေလဲဆိုတာ မသိနိုင်ပါဘူး။

▪️ ဒါ့အပြင် ကျား/မ၊ လူမျိုးတို့နဲ့လည်း သက်ဆိုင်နေပါတယ်။

▪️ ခါးနဲ့တင်ပါးအချိုးအစားကတော့ အတွင်းအင်္ဂါနားတဝိုက်မှ အန္တရာယ်ရှိနိုင်တဲ့အဆီများကို တိုင်းတာတာဖြစ်တယ်လို့ ဒေါက်တာ အမ်ရာဂျူဂျစ်က ပြောပါတယ်။

▪️ စောင့်ကြည့်ခဲ့တဲ့ကာလအတွင်း နှလုံးအားနည်းရောဂါဖြစ်ပွားသူ ၁၃၂ ဦးရှိခဲ့ပါတယ်။

▪️ ပုံမှန်စံနှုန်းကနေ ခါးနဲ့တင်ပါးအချိုးအစား မြင့်တက်လာတာနဲ့အမျှ နှလုံးအားနည်းနိုင်ခြေ ၃၄ ရာခိုင်နှုန်း ပိုများလာတာ တွေ့ရပါတယ်။

▪️ ဒီအချိုးအစားအများဆုံးသူတွေဟာဆိုရင် သာမန်လူတွေထက် နှလုံးအားနည်းဖြစ်နိုင်ခြေ ၃ ဆနီးပါးပိုများတာ တွေ့ရပါတယ်။

▪️ ခါးနဲ့အရပ်အချိုးအစား အတိုင်းအတာဖြင့် ဆီးချို၊ သွေးတိုးလိုမျိုး ကျန်းမာရေးပြဿနာတွေကိုလည်း ခန့်မှန်းနိုင်ဖို့ နောက်ထပ်လုပ်ဆောင်သွားမယ်လို့ ဒေါက်တာ ဂျွန်မိုဗင်က ပြောပါတယ်။

▪️ ဒီလိုဆိုရင် ဆရာဝန်တွေအနေနဲ့ နှလုံးအားနည်းဖြစ်နိုင်ခြေရှိသူတွေကို ရှာဖွေကုသစေနိုင်မှာ ဖြစ်ပါတယ်။

#Source: India Today

တရုတ်နဲ့ အာရှအလယ်ပိုင်းကြား အရည်အသွေးမြင့်ပူးပေါင်းဆောင်ရွက်ခြင်းရဲ့ အရေးကြီးပုံများကို တရုတ်သမ္မတ ရှီကျင့်ဖျင်က ကာဇက်စတန်မြို့တော် အက်စ်တာနာမှာ ပြုလုပ်တဲ့ တရုတ်-အာရှအလယ်ပိုင်း ဒုတိယအကြိမ်မြောက် ထိပ်သီးအစည်းအဝေးမှာ အလေးထားပြောကြားသွားပါတယ်။
#Asia_News
Published 20 June 2025
‎‎#တရုတ်-အာရှအလယ်ပိုင်း #တရုတ်သမ္မတရှီကျင့်ဖျင်
#YMG #Yangon_Times #Yangon_Media_Group

#Daily_News

Published 20 June 2025

၁။ ‌‎‎အမှိုက်အမျိုးအစား ခွဲခြားစွန့်ပစ်ရေး Shopping Mall များနှင့် ပူးပေါင်းလုပ်ဆောင်မည်

၂။ ‌‎‎‎ကျောက်မျက်ရတနာရောင်းဝယ်ရေးလိုင်စင်များ ရန်ကုန်အပါအဝင်မြို့ငါး မြို့၌ လျှောက်ထားနိုင်

၃။ ‎‎‎‎‎‎ဘုရင့်နောင်မှနယ်သို့ကုန်တင်ယာဉ် ၄၅၀ခန့်ဖြင့် နေ့စဉ်ကုန်မျိုးစုံတင်ပို့နေ

၄။ ‎‎တရုတ်-အာရှအလယ်ပိုင်း ဒုတိယအကြိမ်မြောက်အစည်းအဝေး၌ ပူးပေါင်းဆောင်ရွက်ရေးကိစ္စရပ်များနှင့်ပတ်သက်၍ တရုတ်သမ္မတမိန့်ခွန်းပြော ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 20 June 2025

▪️ အစ္စရေးလ်တို့က ကြာသပတေးနေ့မှာ အီရန်ရှိ နျူကလီးယားပစ်မှတ်နေရာများကို ဗုံးကျဲတိုက်ခိုက်ခဲ့ပြီး အီရန်ကတော့ ညတွင်းချင်းပဲ အစ္စရေးလ်ဆေးရုံတစ်ခုကို ပစ်ခတ်ခဲ့ပြီးနောက် ဒုံးကျည်တွေ ဒရုန်းတွေနဲ့လည်း ပစ်ခတ်ခဲ့ရာ ရက်သတ္တပတ်တစ်ပတ်ကြာလာတဲ့ စစ်ပွဲတင်းမာမှုမြင့်တက်လာပြီး တစ်ဖက်ဖက်မှ နောက်ဆုတ်မယ့်အရိပ်အယောင် မတွေ့ရသေးပါဘူး။

▪️ အမေရိကန်သမ္မတ ဒေါ်နယ်ထရမ့်က အစ္စရေးလ်ဘက်ကနေ ပါဝင်လာမလားဆိုတာကို လာမယ့်နှစ်ပတ်အတွင်း ဆုံးဖြတ်ချက်ချသွားမယ်လို့ အိမ်ဖြူတော်က ပြောပါတယ်။

▪️ ထရမ့်ရဲ့ အထူးသံတမန် စတိဗ်ဝစ်ကော့ဖ်နဲ့ အီရန်နိုင်ငံခြားရေးဝန်ကြီး အက်ဘက်စ်အာရက်ခီတို့ဟာ ပြီးခဲ့တဲ့သီတင်းပတ်နောက်ပိုင်း အကြိမ်ကြိမ်ဖုန်းပြောဆိုထားပါတယ်။

▪️ အီရန်တို့ နျူကလီးယားလက်နက်များ ထုတ်လုပ်ခြင်းမှ ကာကွယ်ရန်ဆိုပြီး အစ္စရေးလ်တို့က အီရန်ကို လေကြောင်းကနေ တိုက်ခိုက်နေခဲ့ပါတယ်။

▪️ အီရန်က ဒီလိုလက်နက်မျိုးတွေ ထုတ်လုပ်ဖို့အစီအစဉ်မရှိဘူးလို့ ဆိုထားကာ အစ္စရေးလ်ဘက်ကို လက်တုံ့ပြန်ပစ်ခတ်ခဲ့ပါတယ်။

▪️ အစ္စရေးလ်တောင်ပိုင်းမြို့ ဘီယာရှီဘာရှိ ဆိုရိုကာဆေးရုံကို ထိမှန်ခဲ့တဲ့အတွက် အီရန်အနေနဲ့ သေချာပေါက်ပေးဆပ်ရမယ်လို့ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူက ပြောထားပါတယ်။

▪️ အစ္စရေးလ်စစ်ရေးဆိုင်ရာ ပြောဆိုရေးခွင့်ရှိသူ ဗိုလ်မှူးချုပ် အက်ဖီဒက်ဖရင်က အီရန်ဟာ ဆေးရုံတိုက်ခိုက်မှုမှာ နေရာအနှံ့အပြားသို့ ပြန့်ကျဲသွားစေတဲ့ ဒုံးကျည်ဖြင့် အရပ်သားတွေကို တမင်တကာပစ်မှတ်ထားခဲ့တယ်လို့ စွပ်စွဲလိုက်ပါတယ်။

▪️ ဒါဟာ နိုင်ငံအဆင့် အကြမ်းဖက်မှုနဲ့ နိုင်ငံတကာဥပဒေကို ပြောင်ပြောင်တင်းတင်း ချိုးဖောက်တာပဲလို့ ပြောပါတယ်။

▪️ နေတန်ညာဟူက အီရန်အနေနဲ့ နျူကလီးယားထုတ်လုပ်ရေး၊ ပဲ့ထိန်းဒုံးကျည်အစီအစဉ်များနဲ့ ဒေသတလျှောက် စစ်သွေးကြွအဖွဲ့များအား ထောက်ပံ့နေခြင်းတို့ကို အပြီးတိုင်စွန့်လွှတ်စေချင်တာ ဖြစ်ပါတယ်။

#Source: Reuters

#World_Health
Published 20 June 2025

▪️ အမေရိကန်မှာ စေးကပ်ဝါးစားလို့ရတဲ့ ဗိုက်တာမင်-ဘီ၁၂ ဖြည့်စွက်အားဆေးအချို့မှာ မြေပဲဓာတ်မတည့်ပစ္စည်း ပါဝင်တယ်ဆိုပြီး ဈေးကွက်ထဲကနေ ရုပ်သိမ်းလိုက်ပါတယ်။

▪️ Welby, Berkley Jensen နဲ့ VitaGlobe အမှတ်တံဆိပ်များဖြင့် ထုတ်လုပ်ဖြန့်ချိတဲ့ Vita Warehouse Corp., ထံကနေ FDA က သောကြာနေ့မှာ ကြေညာလိုက်တာ ဖြစ်ပါတယ်။

▪️ Welby အမှတ်တံဆိပ်ပါတဲ့ ဗိုက်တာမင်-ဘီ၁၂ Energy Support 1000 mcg 140 ၊ Berkley Jensen ဗိုက်တာမင်-ဘီ၁၂ 1000 mcg 250 ၊ VitaGlobe ဗိုက်တာမင်-ဘီ၁၂ Extra Strength 60 တို့မှာ မြေပဲပါဝင်နိုင်ခြေ ရှိတယ်ဆိုပြီး ရုပ်သိမ်းလိုက်ပါတယ်။

▪️ မြေပဲနဲ့ ဓာတ်မတည့်သူတွေမှာ ဒီဆေးတွေစားမိရင် အသက်အန္တရာယ်ဖြစ်စေတဲ့အထိ ဓာတ်မတည့်မှုဖြစ်နိုင်ပါတယ်လို့ Vita Warehouse က ဖော်ပြထားပါတယ်။

▪️ ဇွန်လ ၁၂ ရက်နေ့အထိတော့ ဓာတ်မတည့်မှုမျိုးတွေဖြစ်တဲ့အကြောင်း မကြားရသေးပါဘူး။

▪️ ဓာတ်မတည့်မှုဖြစ်စဉ်နဲ့ ပတ်သက်ပြီး ပုံမှန်စစ်ဆေးမှု ပြုလုပ်ပြီးနောက် အခုလို ရုပ်သိမ်းလာတာ ဖြစ်ပါတယ်။

▪️ တခြားထုတ်ကုန်တွေကတော့ ပြန်လည်ရုပ်သိမ်းတဲ့အထဲ မပါဘူးလို့ အတည်ပြုထားပါတယ်။

▪️ မြေပဲဓာတ်မတည့်ဘဲ ဖော်ပြထားတဲ့ပစ္စည်းတွေကို ဝယ်မိတဲ့သူတွေအနေနဲ့ ဝယ်တဲ့နေရာမှာ ပြန်အပ်ပြီး ပြန်အမ်းငွေရယူနိုင်သလို ဖျက်ဆီးလွှင့်ပစ်လိုက်လို့လည်း ရပါတယ်။

▪️ ဓာတ်မတည့်မှုဖြစ်တဲ့သူတွေအနေနဲ့လည်း ချက်ချင်း ဆေးကုသမှုခံယူသင့်တယ်လို့ ဖော်ပြထားပါတယ်။

▪️ သုံးစွဲသူတွေရဲ့ ကျန်းမာရေးနဲ့ ဘေးကင်းစိတ်ချမှုကို အဓိကထားပြီး FDA နဲ့ အပြည့်အဝ ပူးပေါင်းလုပ်ဆောင်နေတယ်လို့ Vita Warehouse က ပြောသွားပါတယ်။

#Source: New York Post

#World_Science
Published 20 June 2025

▪️ ကမ္ဘာ့အပေါ်ဆုံးလွှာများ ပွတ်တိုက်ခြင်းကနေ ဖြစ်လာတဲ့ မြေငလျင်တွေဟာ မျက်နှာပြင်ကို ထိခိုက်စေရုံမက အာကာသထဲမှာလည်း ထိခိုက်စေပါတယ်။

▪️ ဂျပန်နိုင်ငံ နာဂိုယာတက္ကသိုလ်မှ သိပ္ပံပညာရှင်များက GNSS ဂြိုဟ်တုစနစ်ပေါင်း ၄,၅၀၀ ကျော်ရှိတဲ့ ကွန်ရက်ကြီးကို အသုံးပြုကာ ၂၀၂၄ ခုနှစ် ဇန်နဝါရီ ၁ ရက်နေ့က ပြင်းအားအဆင့် ၇.၅ ရှိတဲ့ နိုတိုပင်နီဆူလာငလျင်ကြောင့် ဖြစ်လာတဲ့ လေထုနှောင့်ယှက်မှုများကို သုံးဖက်မြင် 3D ဖြင့် ပထမဆုံးရုပ်လုံးဖော်ခဲ့ကြပါတယ်။

▪️ ငလျင်လှိုင်းလှုပ်ရှားမှုများက သီးခြားအိုင်းယွန်းအဏုမြူလေထုထဲမှာ ရှုပ်ထွေးအသံလှိုင်းတွေ ထုတ်လုပ်ပုံ၊ ဂြိုဟ်တုချိတ်ဆက်မှုများကို နှောင့်ယှက်ပုံ၊ သိပ္ပံနည်းကျပုံစံတွေကို ထိခိုက်စေပုံတို့ကို ဖော်ထုတ်ခဲ့ကြပါတယ်။

▪️ ငလျင်ကဖြစ်တဲ့ အထက်သို့တက်သွားရာ အသံလှိုင်းကြောင့် အီလက်ထရွန်သိပ်သည်းဆ ပြောင်းလဲပုံတွေကို တွက်ချက်ခဲ့ကြပါတယ်။

▪️ သီးခြားအိုင်းယွန်းအဏုမြူလေထု နှောင့်ယှက်မှုတွေက GPS တိကျမှုနဲ့ ဂြိုဟ်တုချိတ်ဆက်မှုတို့ကို စွမ်းရည်ကျဆင်းသွားစေပြီး ဒီလိုဖြစ်ပေါ်မှုတွေကို နားလည်ခြင်းဖြင့် ငလျင်အတွင်း နည်းပညာထိခိုက်နိုင်မှုများကို လျှော့ချစေနိုင်မယ်လို့ ပရော်ဖက်ဆာ ယူအီချီအိုဆူကာက ပြောသွားပါတယ်။

▪️ ဒါ့အပြင် မြေပြင်အာရုံခံကိရိယာများတလျှောက် လေထုလှိုင်းများကို ခြေရာခံစောင့်ကြည့်ပြီးတော့ ငလျင်အစောပိုင်းသတိပေးစနစ်များ တိုးတက်စေနိုင်ဖို့လည်း ဖြစ်လာနိုင်ပါတယ်။

▪️ မီးတောင်ပေါက်ကွဲခြင်းများ၊ ဆူနာမီရိုက်ခတ်ခြင်းများ၊ ရာသီဥတုဖောက်ပြန်မှုများကြောင့် သီးခြားအိုင်းယွန်းအဏုမြူလေထုအပေါ် သက်ရောက်ပုံကိုလည်း လေ့လာဖို့ စီစဉ်ထားပါတယ်။

#Source: India Today