#World_News
Published 10 March 2026

▪️ အီရန်ကတော့ အမေရိကန်နဲ့ အစ္စရေးလ်တို့ရဲ့ တိုက်ခိုက်မှုတွေကို စစ်ရေးအရမဟုတ်ဘဲ တောင့်ခံနိုင်ရန် လောင်းကြေးထပ်လိုက်ပါပြီ။

▪️ ဒရုန်းတွေ ဒုံးကျည်တွေနဲ့ စွမ်းအင်အဓိကလမ်းကြောင်းတွေကို ဖြတ်တောက်ပြီး ကမ္ဘာ့ဈေးကွက်ကို နှောင့်ယှက်မှာဖြစ်ကာ အမေရိကန်ဘက်က အရင်ဆုံးလက်လျှော့ဖို့ ကြိုးစားသွားမှာ ဖြစ်ပါတယ်။

▪️ အီရန်တို့က အမေရိကန်တို့ရဲ့ တိုက်ခိုက်မှုတွေကို ခံနေရကာ အဓိကပုဂ္ဂိုလ်ကြီးတွေ ဆုံးရှုံးထားပေမယ့် အစ္စလာမ်တော်လှန်ရေးအစောင့်တပ်(IRGC)တွေက မြဲမြံစွာ ထိန်းချုပ်ထားနိုင်ဆဲဖြစ်ပြီး စစ်ပွဲထဲမှာ ပစ်မှတ်တွေ ဗျူဟာတွေ ခင်းကျင်းထားနိုင်ပါတယ်။

▪️ ကျဆုံးလေပြီးသော ခေါင်းဆောင်ဟောင်း အယာတိုလာအလီခါမေနီရဲ့ သားဖြစ်သူ မော့တာဘာခါမေနီကို ခေါင်းဆောင်သစ် တင်မြှောက်ရာမှာလည်း IRGC က အရေးပါတဲ့ကဏ္ဍက ပါဝင်ထားပါတယ်။

▪️ အီရန်တို့က ပင်လယ်ကွေ့မှ စွမ်းအင်အချက်အခြာနေရာများကို ပစ်မှတ်ထားပြီး စီးပွားရေးတွေ မတည်မငြိမ်ဖြစ်အောင် ဦးတည်နေကာ အမေရိကန်ဘယ်လိုဖြေရှင်းမလဲ ဆိုတာကို စမ်းသပ်နေပါတယ်။

▪️ အမေရိကန်သမ္မတ ဒေါ်နယ်ထရမ့်ကတော့ အီရန်တို့ လုံးဝမရှုံးနိမ့်သရွေ့ စစ်ပွဲဆက်လက်ဖြစ်ပွားနေဦးမယ်လို့ ရီပတ်ဘလစ်ကန် လွှတ်တော်အမတ်တွေကို ပြောခဲ့ပါတယ်။

▪️ ဒီစစ်ပွဲက အီရန်အတွက်တော့ အတ္တတွေ အမှန်ဝါဒတွေအဖြစ် မြင်နေရပြီး ရန်သူတွေ နိုင်ငံရေးအရ စီးပွားရေးအရ လမ်းဆုံးလာမှာကို စောင့်ဆိုင်းမယ့်သဘော ဖြစ်ပါတယ်။

▪️ တိုက်ခိုက်မှုကြီးတွေ ခံနေရပေမယ့် အီရန်ဟာ ပြည်တွင်းထဲမှာ တည်ငြိမ်မှုကို ထိန်းသိမ်းထားနိုင်ပြီး ခေါင်းဆောင်မှုအပိုင်းမှာ ဆန္ဒပြတာတွေ သဘောထား ကွဲလွဲတာတွေ မမြင်ထားရပါဘူး။

▪️ ပဋိပက္ခက ဘယ်လောက်တောင့်ခံနိုင်လဲ ဆိုတာကို စမ်းသပ်တဲ့သဘော မြင်ရပြီး နှစ်ဘက်စလုံးက စီးပွားရေးနဲ့ နိုင်ငံရေးပေးဆပ်မှုတွေ ကြီးမားနေပါတယ်။

Source: Reuters

#World_Health
Published 10 March 2026

■ လေ့လာချက်အသစ်ထဲမှာ သက်လတ်ပိုင်းလူတွေနဲ့ သက်ကြီးပိုင်းလူတွေမှာ ဆေးခြောက်အသုံးပြုသူတွေအနေနဲ့ ဦးနှောက်နဲ့ အသိဉာဏ်အကျိုးကျေးဇူးများ ရနိုင်ဖွယ်ရှိတယ်လို့ တွေ့ရှိလာပါတယ်။

■ သုတေသနအရ အမေရိကန်မှာ အသက် ၅၀ မှ ၆၄ နှစ်အတွင်း လူတွေမှာ ၅ ဦးလျှင် ၁ ဦးနှုန်းနီးပါးက ဆေးခြောက်အသုံးပြုနေပါတယ်။

■ အသက်ကြီးသူတွေမှာ ဆေးခြောက်ပိုမိုသုံးလာကြပြီး ပိုမိုရရှိလာနိုင်သလို အိပ်စက်မှု၊ နာတာရှည်ကိုက်ခဲမှုတို့အတွက် အသုံးပြုကြတယ်လို့ ကိုလိုရာဒိုအန်ရှက်ဇ်ဆေးတက္ကသိုလ်မှ စိတ်အထူးကု ဒေါက်တာ အန်နီကာဂူဟာက ပြောပါတယ်။

■ အသက်ကြီးလာတဲ့အခါ ဆေးခြောက်အသုံးပြုခြင်းရဲ့ ရေရှည်သက်ရောက်မှုတွေကို သိလာမှရပါမယ်လို့ ဆိုပါတယ်။

■ ဂူဟာနဲ့အဖွဲ့က ယူကေမှာနေထိုင်တဲ့ ပျမ်းမျှအသက် ၅၅ နှစ်ရှိတဲ့ လူပေါင်း ၂၆,၃၆၂ ဦးထံမှ အချက်အလက်များ ဆန်းစစ်ခဲ့ကြပါတယ်။

■ ဒီနောက် စိတ်ပိုင်းဆိုင်ရာနဲ့ ဆက်စပ်နေတဲ့ စမ်းသပ်မှုများကို ပြုလုပ်ခဲ့ကြရာ ဆေးခြောက်အသုံးပြုတဲ့ လူကြီးတွေမှာ ဦးနှောက်ထုထည်နေရာတွေ ပိုမိုကျယ်ပြန့်တာ တွေ့ရပါတယ်။

■ ယေဘုယျအားဖြင့် ဦးနှောက်ထုထည် ကျုံ့လာတဲ့အခါ အသိဉာဏ်လုပ်ဆောင်ချက်တွေ ကျဆင်းပြီး ဒီမန်ရှာရောဂါ ဖြစ်နိုင်ခြေ များပါတယ်။

■ ဆေးခြောက်ကို အသင့်အတင့် အသုံးပြုခြင်းက အကျိုးကျေးဇူး အများဆုံးပေးနိုင်မှာ ဖြစ်ပါတယ်။

■ ဆေးခြောက်အသုံးပြုတာ များရင်တော့ အချို့သော ဦးနှောက်အစိတ်အပိုင်းတွေ ကျုံ့သွားတာမျိုး ဖြစ်နိုင်ပါတယ်။

■ ဆေးခြောက်က ဦးနှောက်အပေါ်သက်ရောက်ပုံတွေကို စူးစမ်းလေ့လာဖို့ နောက်ထပ်သုတေသနတွေ လုပ်နေပါတယ်။

Source: New York Post

#World_Science
Published 10 March 2026

■ အဆင့်မြင့်ဆုံး နို့တိုက်သတ္တဝါ ပရိုင်းမိတ်တွေထဲမှာ မေးစေ့ပါတာဆိုလို့ လူသားတွေပဲ ရှိတဲ့အကြောင်းကို ဇီဝဗေဒပညာရှင်တွေ သိချင်နေကြပါတယ်။

■ လူဝံတွေရဲ့ ဦးခေါင်းဖွဲ့စည်းပုံကို ဆန်းစစ်ခဲ့ကြရာမှာ သဘာဝကြီးရဲ့ ရွေးချယ်မှုတွေကနေ ပြောင်းလဲမှုတွေရဲ့ ဘေးထွက်သက်ရောက်မှုအဖြစ် ဆင့်ကဲဖြစ်ပေါ်လာတာ ဖြစ်ပါတယ်။

■ ဆင့်ကဲပြောင်းလဲတယ်ဆိုတာဟာ ရှုပ်ထွေးနိုင်ပြီး လူတွေထင်ထားသလောက် မရိုးရှင်းဘူးလို့ နယူးယော့ခ် ဘက်ဖလိုတက္ကသိုလ်မှ နိုရင်းဗွန်ခရေမွန်တော်ဘာဒယ်က ပြောပါတယ်။

■ ရှင်းရှင်းပြောရရင် မေးစေ့ဆိုတာက အောက်မေးရိုးက ရှေ့သွားကိုကျော်ထွက်လာရာကနေ အရိုးငေါထွက်လာတာဖြစ်ပြီး ဘာလို့ဒီလိုပြောင်းလဲလာရလဲဆိုတာတော့ ထူးဆန်းနေပါတယ်။

■ အချို့သုတေသီတွေက ဒါဟာ အစာဝါးစားတဲ့အခါမျိုး၊ စကားပြောတဲ့အခါမျိုးမှာ မေးရိုးကို ထောက်ပံ့ပေးနိုင်အောင် ဖိအားလျှော့ချပေးတာ ဖြစ်တယ်လို့ ယူဆသလို အချို့ကတော့ အထီးအမခွဲခြားမှုအဖြစ်လည်း ပြောင်းလဲလာတယ်လို့ ယူဆပါတယ်။

■ အချို့ကလည်း မေးစေ့ဟာ ဘာအတွက်လဲဆိုတာကို သိချင်နေကြပါတယ်။

■ သုတေသနအသစ်အရဆိုရင် မျိုးဗီဇပြောင်းလဲခြင်းနဲ့ ဦးခေါင်း မေးရိုးတို့ ဖွဲ့စည်းမှုပြောင်းလဲပုံတွေက အဓိကအကြောင်းအရင်းတွေ ဖြစ်တယ်လို့ ညွှန်ပြနေပါတယ်။

■ ဦးခေါင်းခွံ ၅၃၂ ခုကို လေ့လာဆန်းစစ်ခဲ့ရာ မေးစေ့ဆက်စပ်နေတဲ့ သွင်ပြင်လက္ခဏာ ၃ ခုသာ တိုက်ရိုက်ရွေးချယ်ခံရပြီး အခြားဟာတွေကတော့ ဦးခေါင်းနဲ့မေးရိုး အစိတ်အပိုင်းတွေ ပြောင်းလဲခြင်းရဲ့ ဘေးထွက်သက်ရောက်မှုတွေ ဖြစ်ပါတယ်။

■ ယခုလို မေးစေ့အကြောင်း သိရှိလာခြင်းက ခန္ဓာကိုယ်ထဲမှ ဖွဲ့စည်းမှုတွေက သဘာဝတရားရဲ့ ရွေးချယ်မှုကြောင့် သွယ်ဝိုက်ဆင့်ကဲပြောင်းလဲလာပုံကို ဖော်ပြနေပါတယ်။

Source: NewScientist

#World_Health
Published 09 March 2026

■ အမေရိကန် ၇၅ ရာခိုင်နှုန်းလောက်ဟာ ဖြည့်စွက်အားဆေး တစ်မျိုးမျိုးတော့ အသုံးပြုကြပါတယ်။

■ နေရထိုင်ရတာ သိပ်မကောင်းသလို ခံစားရရင် ဖြည့်စွက်အားဆေး သောက်လိုက်တာဟာ သက်သာသလို ရှိပါတယ်။

■ ဆေးဆိုင်တွေကနေ ဝယ်ယူရရှိနိုင်တဲ့ ဖြည့်စွက်ဆေးတွေဟာ ဘေးကင်းစိတ်ချရတယ်လို့ လူတွေယုံကြည်တတ်ကြကြောင်း MedSter Health မှ ဒေါက်တာ ကယ်လီဂျွန်ဆန်အာဘာက ပြောပါတယ်။

■ ဖြည့်စွက်အားဆေးတွေကို FDA က တင်းကြပ်စွာ ထိန်းချုပ်ထားခြင်း မရှိတာကိုလည်း ဆရာဝန်တွေ စိုးရိမ်နေကြပါတယ်။

■ အင်တာနက်တွေပေါ်မှာ ဖြန့်ဖြူးရောင်းချနေတာတွေက သိပ္ပံနည်းကျ ထောက်ခံချက် အမြဲတမ်းရရှိနေတာ မဟုတ်ဘူးလို့ သတိပေးပါတယ်။

■ ဆရာဝန်နဲ့ မတိုင်ပင်ဘဲ ဖြည့်စွက်ဆေးအသစ်တစ်မျိုး သောက်ခြင်းက ဆေးအပြန်အလှန် ဓာတ်ပြုတာတွေ ဖြစ်နိုင်ပြီး ဘေးထွက်ဆိုးကျိုးတွေ ရှိနိုင်ပါတယ်။

■ ဒီလိုလုပ်ခြင်းဟာ ရောဂါသိရှိဖို့ ပိုမိုခက်ခဲနိုင်ပြီး ရောဂါအကြောင်းအရင်း ပိုဆိုးလာနိုင်ပါတယ်။

■ အချို့သော ဖြည့်စွက်ဆေးတွေက ခန္ဓာကိုယ်ဖြစ်စဉ်တွေ၊ ဇီဝဖြစ်ပျက်မှုတွေ၊ ဆေးတွေနဲ့ နှောင့်ယှက်နိုင်ပြီး ဆေးတွေရဲ့အာနိသင် ယုတ်လျော့စေနိုင်ကာ အဆိပ်သင့်စေနိုင်ပါတယ်။

■ ဗိုက်တာမင်အားဆေးတွေကတော့ ဆေးသက်ရောက်မှု အနည်းဆုံးရှိပြီး လူအများစုမှာ ပြဿနာဖြစ်လေ့ မရှိဘူးလို့ ဒေါက်တာအလန်က ပြောပါတယ်။

■ ဘယ်လိုပဲဖြစ်ဖြစ် ဖြည့်စွက်အားဆေး မသောက်ခင်မှာ ဆရာဝန်နဲ့ အရင်ဆုံးတိုင်ပင်တာက အကောင်းဆုံးဖြစ်ပါတယ်။

Source: AOL

#World_Health
Published 09 March 2026

■ စင်္ကာပူရေပြင်ထဲမှာ ရှေးဟောင်းသုတေသန တူးဖော်ခဲ့ရာမှာ ၁၄ ရာစုနှစ် ယွမ်မင်းဆက်ရတနာသိုက် ကြွေထည်တွေရှိတဲ့ Temasek Wreck ကို တွေ့ရှိခဲ့ပါတယ်။

■ စင်္ကာပူအမျိုးသား အမွေအနှစ်ဘုတ်အဖွဲ့လက်ခွဲ HeritageSG မှ ဒေါက်တာ မိုက်ကယ်ဖလက်ကာ ဦးဆောင်ကာ ၂၀၁၆ မှ ၂၀၁၉ အတွင်း တူးဖော်ခဲ့ရာ ကြွေထည်အပိုင်းအစတွေနဲ့ အကောင်းပကတိကြွေပစ္စည်း ၃ တန်ခွဲခန့်အပြင် စုစုပေါင်းအလေးချိန် ၁၃၆ ကီလိုဂရမ်ခန့် ရရှိခဲ့ပါတယ်။

■ အထင်ရှားဆုံးက တရုတ်ပြည် ကျင်ဒယ်ရှန်မှ အပြာနဲ့အဖြူယွမ်ကြွေပစ္စည်း ဖြစ်ပါတယ်။

■ ယွမ်မင်းဆက်က ၁၂၇၁ စီအီးမှာ တည်ထောင်ခဲ့ပြီး ၁၃၆၈ စီအီးအထိ အဓွန့်ရှည်ခဲ့ပါတယ်။

■ Temasek Wreck စင်္ကာပူရေပြင် ရှေးခေတ်သင်္ဘောပျက်နေရာကြီးက ဒေသတွင်းသမိုင်းကြောင်းမှာ ကွက်လပ်တစ်ခုကို ဖြည့်ဆည်းနိုင်ခဲ့ပါတယ်။

■ ဖူကျန် ကွမ်ကျိုးမှာ တင်လာတဲ့ပစ္စည်းတွေကို Temasek သို့ ပို့ဆောင်ရန် သွားခဲ့တာဖြစ်တယ်လို့ အတည်ပြုထားပါတယ်။

■ ဒီတွေ့ရှိမှုက ယွမ်ခေတ် ပင်လယ်ပြင်ကွန်ရက်တွေ၊ ကုန်သွယ်ရေးတွေ၊ အရည်အသွေးမြင့် တရုတ်လက်မှုပညာတို့ကို ဖော်ပြနေပါတယ်။

■ အမျိုးသားအမွေအနှစ်ဘုတ်အဖွဲ့ကတော့ ဒီလိုတွေ့ရှိမှုဟာ သမိုင်းကြောင်း ရှာဖွေခြင်းနဲ့ အနာဂတ်သုတေသနလုပ်ငန်းများအတွက် အထောက်အကူဖြစ်လာနိုင်ခြင်းတို့ ရှိလာနိုင်တယ်လို့ အလေးပေးပြောထားပါတယ်။

Source: India Today

#World_Health
Published 08 March 2026

■ ဒေါသလေးတစ်ချက် ထွက်လိုက်တာနဲ့ သွေးကြောတွေ တောင့်တင်းစေကာ သွေးလည်ပတ်မှု အားနည်းပြီး နှလုံးဖောက်ခြင်း လေဖြတ်ခြင်းတို့ ဖြစ်နိုင်ခြေများတယ်လို့ တွေ့ရှိထားပါတယ်။

■ ၈ မိနစ်တာလောက် ဒေါသထွက်ရင်တောင် သွေးကြောချဲ့နိုင်စွမ်း တဝက်နီးပါးလောက် လျော့ကျသွားကာ နောက်ထပ် မိနစ် ၄၀ လောက်အထိ ကြာမြင့်နိုင်ပါတယ်။

■ ဒါကြောင့် မကြာခဏ ဒေါသထွက်ခြင်းက အချိန်ကြာလာရင် နှလုံးသွေးကြောပြဿနာတွေနဲ့ ပတ်သက်လာနိုင်တယ်လို့ ယူဆရပါတယ်။

■ ကျန်းမာရေးကောင်းတဲ့ လူပေါင်း ၂၈၀ ကို အမေရိကန်အဖွဲ့အစည်း အများအပြားက လေ့လာခဲ့ကြပါတယ်။

■ အဖွဲ့လေးဖွဲ့ခွဲကာ ၈ မိနစ်ကြာအောင် ဒေါသထွက်စရာ စိုးရိမ်စရာ ဝမ်းနည်းစရာ အမှတ်တရတွေကို ပြန်စဉ်းစားခိုင်းသလို စိတ်ကိုပုံမှန်အတိုင်းပဲ နေခိုင်းပါသေးတယ်။

■ ဒီနောက် သွေးကြောတွေ ဘယ်လောက်ချဲ့လဲဆိုတာကို စစ်ဆေးခဲ့ကြရာ သာမန်အတိုင်း စိတ်ခံစားချက်ထားတဲ့ အဖွဲ့နဲ့ယှဉ်ရင် ဒေါသထွက်စရာ ပြန်စဉ်းစားသူတွေက သွေးကြောကျယ်နှုန်း သိသိသာသာ ကျဆင်းသွားတာ တွေ့ရပါတယ်။

■ ဒေါသထွက်ရင် ကော်တီဆောနဲ့ အက်ဒရီနယ်လင်တို့လို ဖိစီးမှုဟော်မုန်းတွေ ထွက်လာပြီး သွေးကြောနံရံတွေ တောင့်တင်းစေတာကြောင့် သွေးကြောချဲ့ထွင်ရ ခက်ခဲစေကာ သွေးပေါင်ချိန်မြင့်တက်စေပါတယ်။

■ ဝမ်းနည်းခြင်း၊ စိုးရိမ်ပူပန်ခြင်းတို့လို ခံစားချက်တွေထက် ဒေါသစိတ်က သွေးကြောလုပ်ဆောင်ချက်တွေကို ဆိုးရွားစွာ ထိခိုက်စေပါတယ်။

■ အသက်ရှူလေ့ကျင့်ခန်း၊ သတိကပ်ခြင်း၊ ဒေါသထိန်းချုပ်ခြင်းတို့ဖြင့် နှလုံးကျန်းမာရေးကို ကာကွယ်နိုင်စေမှာ ဖြစ်ပါတယ်။

Source: India Today