#World_Health
Published 2 Mar 2026

■ ပူပြင်းတဲ့အချိန်မှာ လူတွေက ရေငတ်ပြေအောင် ရေခဲမုန့်အေးအေးလေး စားတတ်ကြပါတယ်။

■ ဒါပေမဲ့ ရေခဲမုန့်စားပြီးရင် ရေဆာတတ်တာကို သတိမပြုမိကြပါဘူး။

■ ခန္ဓာကိုယ်ထဲမှာ ရေခဲမုန့်ဖြိုခွဲပြီဆိုတာနဲ့ ကွဲပြားစွာ တုံ့ပြန်လာပါတယ်။

■ သကြားပါဝင်မှုမြင့်တဲ့ အစားအစာတွေဟာ ခန္ဓာကိုယ်ရေဓာတ်လိုအပ်ချက်ကို ပိုပြီးခံစားရစေတယ်လို့ ဝေါ့ခ်ဟတ်ဒ်ဆေးရုံမှ ဒေါက်တာ ပရာနက်ဗ်ဂိုဒီက ပြောပါတယ်။

■ ရေခဲမုန့်အများစုဟာ သကြားများစွာပါဝင်ပြီး ရေကတော့ အနည်းငယ်သာ ပါဝင်ပါတယ်။

■ အချိုများတာကို စားမိတဲ့အခါ ခန္ဓာကိုယ်က ဆဲလ်တွေထဲက ရေတွေကို အလျင်အမြန်ဆွဲထုတ်ပြီး သွေးကြောထဲ ရောက်စေကာ ဂလူးကို့စ်ကို ရေရောပစ်ပါတယ်။

■ ဒါကြောင့် ချက်ချင်းကြီး ရေဆာသလိုမျိုး ခံစားရစေတာ ဖြစ်ပါတယ်။

■ အချိုဓာတ်များလေလေ ခန္ဓာကိုယ်ထဲက ရေလိုအပ်ချက် ပိုများလေ ဖြစ်ပါတယ်။

■ အဆီဓာတ်က အစာခြေခြင်းကို နှေးစေပြီး အာခြောက်တဲ့ခံစားမှုကို ပိုကြာစေပါတယ်။

■ ဆိုဒီယံအနည်းငယ် ပါဝင်တာကလည်း ရေဆာတဲ့ခံစားမှုကို ဖြစ်စေပါတယ်။

■ ဂလူးကို့စ်များလာတဲ့အခါ ကျောက်ကပ်က အပိုအလျှံတွေကို စစ်ထုတ်ဖို့လုပ်သဖြင့် ဆီးပိုသွားစေကာ ရေဓာတ်ခန်းခြောက်စေပါတယ်။

■ ဆီးချိုဝေဒနာရှင်တွေ အင်ဆူလင်ယဉ်ပါးသူတွေဆိုရင် ရေဆာခြင်းကို ပိုပြီး ခံစားရနိုင်ပါတယ်။

■ ဒီလိုမျိုး အချိုတွေစားပြီးနောက် အလွန်အမင်း ရေဆာခြင်းက သတိထားရမယ့် လက္ခဏာဖြစ်ပြီး ဆီးချိုရောဂါ စစ်ဆေးသင့်ပါတယ်။

■ ပုံမှန်အတိုင်း ရေဆာတာက ပုံမှန်ဆိုပေမယ့် အချိုတွေစားပြီးနောက် ခဏခဏရေဆာတတ်ရင်တော့ ဆရာဝန်နဲ့ တိုင်ပင်သင့်ပါပြီ။

Source: Indian Express

#World_Health
Published 2 Mar 2026

■ အသက်အရွယ်၊ ဆေးလိပ်သောက်ခြင်း၊ ခံတွင်းဘက်တီးရီးယားနဲ့ မျိုးဗီဇဆင့်ကဲပြောင်းလဲခြင်းတို့ တစ်ခုချင်းစီက အစာအိမ်ကင်ဆာ ဖြစ်စေတယ်လို့ သိထားပြီး လေ့လာချက်တစ်ခုမှာတော့ ဒါတွေအကုန်လုံးဆုံသွားရင် ဘေးအန္တရာယ် ဆတိုးများစေနိုင်တယ်လို့ တွေ့ရှိထားပါတယ်။

■ နာတာရှည် အစာအိမ်ရောင်ရောဂါရှိပြီး အစာအိမ်နံရံတွေမှာ ပြောင်းလဲလာတဲ့ IM ရောဂါရှင်တွေရဲ့ ဖြစ်ပျက်ပုံတွေကို လေ့လာခဲ့ကြတာ ဖြစ်ပါတယ်။

■ နမူနာပေါင်း ၁,၅၀၀ ကျော်ကို ဆန်းစစ်ပြီးနောက် IM ဆဲလ်တွေထဲမှာ ဗီဇပြောင်းလဲတဲ့ မျိုးဗီဇပစ္စည်း ၄၇ မျိုးကို တွေ့ရှိခဲ့ကြပါတယ်။

■ နိုင်ငံ ၆ နိုင်ငံမှ လူအမျိုးမျိုးကို နှိုင်းယှဉ်ခဲ့တာဖြစ်ပြီး အစာအိမ်ကင်ဆာ ဖြစ်နိုင်ခြေ မတူညီကြပါဘူး။

■ ARID1A ဗီဇပြောင်းလဲပစ္စည်း လျော့နည်းလာတဲ့အခါ အစာအိမ်အကာအကွယ်တွေ အားနည်းသွားပြီး IM ရောဂါဖြစ်နိုင်ခြေ ပိုဆိုးလာပါတယ်။

■ နောက်တစ်မျိုးဖြစ်တဲ့ SBS17 ကလည်း ဆေးလိပ်သောက်တဲ့အခါ ပိုမိုထိခိုက်စေတာ တွေ့ထားပါတယ်။

■ အစာအိမ်ကင်ဆာက အစောပိုင်းအဆင့်တွေမှာ လက္ခဏာမပြတာကြောင့် ကမ္ဘာပေါ်မှာ အန္တရာယ်အများဆုံးကင်ဆာတွေထဲက တစ်ခုဖြစ်နေပါတယ်။

■ ဒီကင်ဆာက ဆယ်စုနှစ်တွေကျော်ကြာအောင် ကြီးထွားလာပြီး အစာအိမ်ထဲမှာ နာတာရှည်ရောင်ရမ်းခြင်းကနေ အစပြုလာပါတယ်။

■ အူလမ်းကြောင်းထဲက သန်ကောင်တွေကို ကုသရာမှာ အသုံးပြုလေ့ရှိတဲ့ pyrvinium ဆေးဟာ IM ဆဲလ်တွေ ကင်ဆာအဖြစ် ကူးပြောင်းသွားခြင်းကို နှောင့်နှေးစေနိုင်တယ်လို့ တွေ့ရှိထားပါတယ်။

■ အစာအိမ်ကင်ဆာဆိုတာက ကင်ဆာကြောင့် သေဆုံးရတဲ့ ထိပ်ဆုံးအကြောင်းရင်း ၁၀ မျိုးထဲမှာ ပါဝင်ပြီး နောက်ကျမှ ရောဂါသိရတာက အဓိကအခက်အခဲ ဖြစ်စေပါတယ်။

Source: Strait Times.

#World_Health
Published 2 Mar 2026

■ လူတစ်ယောက် အသက်ဆုံးပါးသွားတဲ့အခါ ခန္ဓာကိုယ်က ချက်ချင်းကြီး ရပ်တန့်သွားတာ မဟုတ်ပါဘူး။

■ ကိုယ်တွင်းအင်္ဂါတွေက အောက်ဆီဂျင် ဘယ်လောက်လိုအပ်လဲ သွေးဘယ်လောက်လိုအပ်လဲ ဆိုတဲ့အပေါ် မူတည်ပြီး ရပ်တန့်သွားတဲ့အချိန် မတူကြပါဘူး။

■ ဒါတွေကို နားလည်မယ်ဆိုရင် သေဆုံးခြင်းဖြစ်စဉ်ကို သိနိုင်ရုံမက ဘာကြောင့် အချို့အင်္ဂါတွေ အစားထိုးခြင်းမျိုး ပြုလုပ်နိုင်သေးလဲဆိုတာကိုပါ သိရှိစေနိုင်ပါတယ်။

■ အောက်ဆီဂျင်အများကြီးလိုအပ်တဲ့ ဦးနှောက်က ပထမဆုံးရပ်ဆိုင်းသွားပြီး ဦးနှောက်ဆဲလ်တွေဟာ အောက်ဆီဂျင်မရပါက ၄-၇ မိနစ်အတွင်း သေဆုံးသွားတတ်ပါတယ်။

■ နှလုံးမခုန်တော့ဘူးဆိုရင် သွေးမလည်ပတ်တော့ဘဲ မကြာခင်မှာ အဆုတ်တွေ ရပ်တန့်သွားပါတယ်။

■ သဘာဝအတိုင်း သေဆုံးတယ်ဆိုရင် အသက်ရှူရပ်သွားချိန် သွေးတွေက အောက်ဆီဂျင် မသယ်နိုင်တော့ချိန်မှာ နှလုံးနဲ့ အဆုတ်တွေ အတူတူ ရပ်ဆိုင်းသွားပါတယ်။

■ အသက်ဆုံးပါးပြီး ၄-၆ နာရီခန့်အထိ နှလုံးနဲ့ အဆုတ်တွေကို အစားထိုးခွဲစိတ်ဖို့အတွက် အသုံးပြုနိုင်ဆဲ ဖြစ်ပါတယ်။

■ အသည်း၊ ပန်ကရိယ၊ အူတွေလိုမျိုး အင်္ဂါတွေက စွမ်းအင်နဲ့ အင်ဇိုင်းတို့ကို အသုံးပြုကာ သွေးမလည်ပတ်တော့ပြီးနောက် ၈-၁၈ နာရီအတွင်း လုပ်ဆောင်ချက် စတင်ရပ်ဆိုင်းနိုင်ပါတယ်။

■ ကျောက်ကပ်တွေက ပိုပြီးကြံ့ခိုင်တဲ့ ကိုယ်တွင်းအင်္ဂါတွေဖြစ်ကာ သေချာထိန်းသိမ်းထားရင် ၂၄-၃၆ နာရီအထိ အသုံးပြုနိုင်ပါတယ်။

■ အရေပြား၊ အရိုးတို့လို အရာတွေကတော့ ရက်ပိုင်းကစလို့ နှစ်တွေကြာတဲ့အထိ အကောင်းအတိုင်း ရှိနေနိုင်ပါတယ်။

■ ဒါကြောင့် ဘယ်အင်္ဂါတွေက ဘယ်လောက်ကြာရင် ရပ်တန့်သွားလဲဆိုတာ သိထားခြင်းဖြင့် လူ့အသက်သေဆုံးချိန်နဲ့ အင်္ဂါတွေ ဘယ်အချိန်ထိ သုံးနိုင်လဲဆိုတာကို ဆုံးဖြတ်နိုင်စေမှာ ဖြစ်ပါတယ်။

Source: India Today.

#World_Health
Published 1 March 2026

■ တစ်နေ့ကို ကော်ဖီ ၂ ခွက် ၃ ခွက် သောက်သုံးပါက ဒီမန်ရှာရောဂါဖြစ်နိုင်ခြေကို သိသိသာသာ လျှော့ချနိုင်ဖွယ်ရှိတယ်လို့ သိပ္ပံပညာရှင်တွေ တွေ့ရှိထားပါတယ်။

■ ဒါပေမဲ့ ဒီထက်ပိုသောက်လို့တော့ ဦးနှောက်ကို ပိုပြီးကာကွယ်ပေးနိုင်မှာတော့ မဟုတ်ပါဘူး။

■ အမေရိကန် သူနာပြုတွေနဲ့ ကျန်းမာရေးပညာရှင် ၁၃၁,၈၂၁ ဦးကို ၄၃ နှစ်ကြာအောင် လေ့လာခဲ့ရာမှာ ၈ ရာခိုင်နှုန်းလောက်က ဒီမန်ရှာဖြစ်ခဲ့ပါတယ်။

■ ကဖင်းပါတဲ့ ကော်ဖီ၊ လက်ဖက်ရည် သောက်သူတွေကတော့ ဒီမန်ရှာဖြစ်နိုင်ခြေ လျော့နည်းတာ တွေ့ရပါတယ်။

■ အသက် ၇၅ နှစ်နဲ့အထက် လူတွေမှာ ဒီလိုကာကွယ်နိုင်စွမ်းက အသိသာဆုံးဖြစ်ပြီး နေ့စဉ် ကော်ဖီ ၂ ခွက် ၃ ခွက်သောက်ခြင်းဖြင့် ၃၅ ရာခိုင်နှုန်း ဒီမန်ရှာဖြစ်နိုင်ခြေ လျော့နည်းတာ တွေ့ရပါတယ်။

■ ကဖင်းဓာတ်က အက်ဒီနိုဆင်းကို ပိတ်ပင်ကာ ရောင်ရမ်းမှုကို လျှော့ချပေးပြီး သွေးတွင်းသကြားဓာတ် ထိန်းသိမ်းပေးသဖြင့် ဦးနှောက်ကျန်းမာရေးကို ကာကွယ်ပေးပါတယ်။

■ ကဖင်းပါတဲ့ကော်ဖီတွေ ပိုမိုသောက်သုံးသူတွေဟာ မှတ်ဉာဏ်ကျဆင်းမှု ပိုမိုမြန်ဆန်တယ်လို့လည်း စိတ်ဝင်စားစရာ တွေ့ရှိထားပါသေးတယ်။

■ လက်ဖက်အကြမ်းရည် သင့်တော်ရုံ သောက်သုံးခြင်းဖြင့် ဒီမန်ရှာ ကာကွယ်ပေးနိုင်သလို လက်ဖက်စိမ်းကလည်း အလားတူအာနိသင်မျိုး ပေးစွမ်းနိုင်ဖွယ် ရှိပါတယ်။

■ ကဖင်းသောက်တာ များလွန်းရင်တော့ အိပ်စက်မှုကို အနှောင့်အယှက်ဖြစ်စေပြီး စိုးရိမ်ပူပန်စိတ် ဖြစ်စေကာ ဦးနှောက်ကျန်းမာရေးကို ဆိုးရွားစွာ သက်ရောက်စေနိုင်ပါတယ်။

■ ကဖင်းသောက်ခြင်းက နှလုံးသွေးကြောရောဂါ ဖြစ်နိုင်ခြေကို လျှော့ချနိုင်ကာ ဒီမန်ရှာလျှော့ချပေးခြင်းနဲ့ သက်ဆိုင်နေပေမယ့် သွေးပေါင်ချိန်များသူတွေကတော့ အကန့်အသတ်ဖြင့် သောက်သုံးသင့်ပါတယ်။

Source: CNA

တရုတ်သုတေသီများက AI စနစ်သုံးမျက်မှန်များ တီထွင်လိုက်ကာ မျက်စိမမြင်သူများနဲ့ အမြင်အာရုံချိုယွင်းသူများအတွက် ကမ္ဘာကြီးကို ပိုမိုရှင်းလင်းစွာ မြင်နိုင်ဖို အထောက်အကူပြုပေးမယ့် မျက်လုံးအတုဖြစ်လာနိုင်ပြီး အမြင်အချက်အလက်များကို အသံပြချက်များအဖြစ်ပြောင်းလဲပေးပါတယ်။

#Asia_Technolog
Published 27 February 2025
#AI #တရုတ်
#YMG #Yangon_Times #Yangon_Media_Group

#World_News
Published 28 February 2026

■ အီရန်က သင်္ဘောဖျက်ပဲ့ထိန်းဒုံးကျည်များ ဝယ်ယူရန် တရုတ်နဲ့ သဘောတူညီချက်ရရှိဖို့ နီးစပ်နေပြီလို့ သိရပါတယ်။

■ အမေရိကန်က အီရန်ကို တိုက်ခိုက်ရန် ခြိမ်းခြောက်နေကာ အရှေ့အလယ်ပိုင်းမှာ စစ်ရေးအင်အားအများဆုံး ချထားပါတယ်။

■ ၁၉၈၀ ဝန်းကျင်တွေမှာ တရုတ်က အီရန်အတွက် အဓိကလက်နက်တွေ ထောက်ပံ့ခဲ့ပါတယ်။
ဒါပေမဲ့ နိုင်ငံတကာဖိအားတွေကြောင့် ရပ်ဆိုင်းခဲ့ပါတယ်။

■ တရုတ်ထုတ် CM-302 ဒုံးကျည်များ သဘောတူညီချက် နီးစပ်နေပြီး ပေးပို့မယ့်နေ့တော့ မသိရသေးပါဘူး။

■ CM-302 အပြင် MANPADS လို့ခေါ်တဲ့ မြေပြင်မှ ဝေဟင်ပစ်ဒုံးကျည်စနစ်များ၊ ဂြိုဟ်တုဖျက်လက်နက်များအတွက်လည်း ဆွေးနွေးနေပါတယ်။

■ CM-302 က ၂၉၀ ကီလိုမီတာ အကွာအဝေးရှိပြီး သင်္ဘောမှ ခုခံစနစ်‌တွေ ရှောင်တိမ်းနိုင်အောင် အနိမ့်အမြန်ပျံသန်းပါတယ်။တရုတ်ကနေ အီရန်သို့ပို့တဲ့အထဲမှာ အဆင့်မြင့်ဆုံး စစ်ရေးပစ္စည်းတွေထဲ ပါဝင်ပါတယ်။

■ ဒီလက်နက်စနစ်တွေကို သင်္ဘော၊ လေယာဉ်၊ မြေပြင်ယာဉ်တွေမှာ တပ်ဆင်နိုင်ပါတယ်။

■ ဒီလိုရောင်းချခြင်းက အမေရိကန်ကြီးစိုးနေတဲ့ စစ်လက်နက်ဈေးကွက်မှာ တရုတ်နေရာရလာတဲ့သဘော မြင်နေရပါတယ်။

Source: NDTV