အစ္စရေးလ်နဲ့ အီရန်တို့ကြား တင်းမာမှုမြင့်တက်နေရာမှာ တူရကီက အီရန်နဲ့ထိစပ်နေတဲ့ နယ်စပ်မှာ လုံခြုံရေးတင်းကြပ်မှုများ ဆောင်ရွက်နေပါတယ်။
#World_Crisis
Published 23 June 2025
#တူရကီဘက်သို့နယ်စပ်ဖြတ်ကျော်ထွက်ပြေး #စစ်ပွဲပဋိပက္ခ
#YMG #Yangon_Times #Yangon_Media_Group

#Daily_News

Published 23 June 2025

၁။ ‌‎စားအုန်းဆီ တစ်ပိဿာ ကျပ်၁၀၀ ကျော် အထိထပ်မံကျဆင်း

၂။ ‌Agro-based Textile industrial Complex တည်ဆောက်မည်

၃။ ‎‎‎‎‎‎‎‎ပြန်လည် ပြည့်ဖြိုးမြဲစွမ်းအင်မှ လျှပ်စစ်ဓာတ်အား ထုတ်လုပ်နိုင်ရန်လက်မှတ်ရေးထိုး

၄။ စစ်ပွဲပဋိပက္ခကြောင့် တူရကီဘက်သို့နယ်စပ်ဖြတ်ကျော်ထွက်ပြေးလာသောအီရန်အရေအတွက်များပြားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Science
Published 23 June 2025

▪️ သိပ္ပံပညာရှင်တွေဟာ ဂျိမ်းစ်ဝက်ဘ်စပေ့စ် အဝေးကြည့်မှန်ပြောင်းကို အသုံးပြုပြီးတော့ နေမင်းကြီးနဲ့ဆင်တူတဲ့ ကြယ်တစ်ခုနားတဝိုက်မှာ ရေခဲတွေကို ပထမဆုံးတွေ့ရှိခဲ့ပါတယ်။

▪️ ဒီလိုတွေ့ရှိခြင်းက အစောပိုင်း နေစကြဝဠာဖွဲ့စည်းမှုအတွင်း ရေတည်ရှိခဲ့တဲ့ အထောက်အထား မြင်တွေ့ရတာဖြစ်ပါတယ်။

▪️ ဂျွန်ဟော့ပ်ကင်းစ်တက္ကသိုလ်မှ သုတေသီများက ထိုမှန်ပြောင်းရဲ့ NIRSpec ကိုအသုံးပြုပြီး ရေခဲအပိုင်းအစတွေကို တွေ့ခဲ့တာဖြစ်ပါတယ်။

▪️ HD 181327 လို့အမည်ပေးထားတဲ့ကြယ်ဟာ သက်တမ်းနှစ်ပေါင်း ၂၃ သန်းရှိပြီဖြစ်ပြီး ကြယ်ပတ်ပတ်လည်မှာ ရေခဲတွေပါတဲ့ အပိုင်းအစစက်ဝိုင်းကွင်းကြီး ရှိနေပါတယ်။

▪️ ဒီစက်ဝိုင်းကွင်းတွေဟာ ဒီစကြဝဠာထဲက စေတန်ဂြိုဟ်ရဲ့ စက်ဝိုင်းကွင်းတွေနဲ့ Kuiper Belt အတွင်းရှိ ရေခဲအရာဝတ္ထုတွေထဲက တွေ့ရတဲ့ရေခဲဖြစ်ပေါ်မှုနဲ့ ဆင်တူနေပါတယ်။

▪️ ရေခဲတွေက ဂြိုဟ်များဖြစ်ပေါ်မှာ အရေးပါတဲ့ကဏ္ဍကနေ ပါဝင်ပတ်သက်နေပါတယ်။

▪️ ဒီစက်ဝိုင်းကြီးရဲ့ အပြင်ဘက်ခြမ်းမှာ ရေခဲ ၂၀ ရာခိုင်နှုန်းရှိတဲ့ နှင်းလုံးများရှိနေပြီး ခရမ်းလွန်ရောင်ခြည်ကြောင့် ကြယ်ဆီကိုနီးကပ်လာရင် ရေခဲပါဝင်မှု လျော့နည်းလာပါတယ်။

▪️ လှုပ်ရှားနေတဲ့ စက်ဝိုင်းပတ်ကြီးထဲမှာ ပွတ်တိုက်ကြရင်း စကြဝဠာထဲမှာ Kuiper Belt လည်ပတ်စက်ဝိုင်းလိုမျိုး အမှုန်များတဲ့ ရေခဲတွေကို ထုတ်လွှတ်ပါတယ်။

▪️ ဒီတွေ့ရှိချက်က အစောပိုင်း နေစကြဝဠာစနစ်ထဲမှာ ရေပါဝင်မှုအကြောင်း သီအိုရီတွေကို ထောက်ခံသလိုဖြစ်နေပြီး ဂြိုဟ်ဖွဲ့စည်းပုံနဲ့ ရေပို့ဆောင်ရေးတွေရဲ့ အနာဂတ်သုတေသနတွေကို အထောက်အကူ ဖြစ်စေနိုင်ပါတယ်။

#Source: Daily Galaxy

#World_Health
Published 23 June 2025

▪️ လူတဝက်ကျော်လောက်ဟာ နိုးစက်မြည်တဲ့အခါ အချိန်နောက်ရွှေ့တတ်ကြသူတွေဖြစ်ပြီး ပျမ်းမျှအားဖြင့် ၂.၅ ကြိမ်လောက် အချိန်ရွှေ့တဲ့ခလုတ်ကို နှိပ်ကြကာ နောက်ထပ် ၁၁ မိနစ်လောက် ပိုအိပ်တတ်ကြပါတယ်။

▪️ ဒါပေမဲ့ ဒီလိုမျိုး ထပ်အိပ်မိခြင်းက မနက်ခင်းလုပ်ငန်းစဉ်တွေ ထိခိုက်နိုင်ပြီး အလုပ်နောက်ကျစေပါတယ်။

▪️ နိုးစက်မြည်တာကို နောက်ရွှေ့တာက ကျန်းမာရေးအပေါ် ထိခိုက်ပုံတွေနဲ့ ဒီအကျင့်ဖျောက်ဖို့အတွက် အကောင်းဆုံးနည်းလမ်းတွေအကြောင်း ဒေါက်တာ ဒင်းနစ်အော့ကလေက ပြောသွားပါတယ်။

▪️ ခဏခဏ အိပ်ရာနိုးတဲ့အခါ အိပ်စက်မှုကို နှောင့်ယှက်စေပါတယ်။
ဒါဟာ နှစ်ခြိုက်စွာအိပ်ပျော်တဲ့အဆင့်ကို မရောက်နိုင်ပါဘူး။

▪️ နိုးစက်ခဏခဏမြည်လို့ နိုးလာတဲ့အခါ စိတ်မသက်မသာဖြင့် အိပ်ရာထရစေပါတယ်။

▪️ ဒီလိုမျိုး ခဏခဏလုပ်တဲ့အခါ အကျင့်ဖြစ်လာပြီး ပိုးဆိုးရွားလာနိုင်ပါတယ်။

▪️ နိုးစက်ကို အချိန်နောက်ရွှေ့ခြင်းက အိပ်စက်မှုအပိုင်းမှာ ပြဿနာရှိနေတဲ့သဘော ဖြစ်ပါတယ်။

▪️ လုံလောက်စွာ အိပ်စက်မှုမရတဲ့အခါ ကျန်းမာရေးဆိုးကျိုးတွေ အမျိုးမျိုးဖြစ်လာနိုင်ပါတယ်။

▪️ နိုးစက်မြည်တဲ့အခါ အချိန်နောက်ရွှေ့ခြင်းပြဿနာကို ဖြေရှင်းဖို့အတွက် တစ်နေ့တာလိုအပ်တဲ့ အိပ်စက်ချိန် ၇-၈ နာရီကို ပြည့်ဝစွာအိပ်စက်ဖို့ လိုပါတယ်။

▪️ ကိုယ်တွင်းထဲက အိပ်ရာနိုးချိန်ကို သတ်မှတ်ကာ ထိုအချိန်ရောက်တိုင်း အိပ်ရာထဖို့က အရေးကြီးပါတယ်။

▪️ အိပ်စက်ဖို့ ခက်ခဲတာမျိုးမဖြစ်အောင် အိပ်ခါနီးမှာ ဖုန်း၊ ကွန်ပျူတာ၊ တီဗီတို့ မကြည့်သင့်ပါဘူး။

▪️ အိပ်ရာထတဲ့အခါမှာ သဘာဝအလင်းရောင်နဲ့ ထိတွေ့ခြင်းက ကိုယ်တွင်းဖြစ်စဉ်ကို ထိန်းသိမ်းပေးပြီး လူကိုနိုးကြားစေပါတယ်။

▪️ ဒီလိုတွေလုပ်တာတောင်မှ အဆင်မပြေသေးဘူးဆိုရင်တော့ ဆရာဝန်နဲ့ ပြသသင့်ပါတယ်။

#Source: New York Post

#World_Health
Published 22 June 2025

▪️ သွေးပေါင်ချိန်များတဲ့ သွေးတိုးရောဂါဆိုတာက ကမ္ဘာပေါ်က လူသန်းပေါင်းများစွာမှာ အသံတိတ်ဒုက္ခပေးနေပြီး နှလုံးရောဂါ၊ လေဖြတ်၊ ကျောက်ကပ်ရောဂါတို့ ဖြစ်လာစေပါတယ်။

▪️ နေထိုင်စားသောက်မှုပုံစံ ပြောင်းလဲခြင်းအပြင် နှလုံးကျန်းမာစေမယ့် အစားအစာတွေကလည်း သွေးပေါင်ချိန်ကို ထိန်းသိမ်းလျှော့ချပေးနိုင်မှာပါ။
ဒါကြောင့် သွေးပေါင်ချိန်ကို လျှော့ချနိုင်စေမယ့် အစားအစာတွေကို ဖော်ပြလိုက်ပါတယ်။

(၁) အစိမ်းရောင်အရွက်များ
▪️ ဟင်းနုနွယ်၊ ကိုက်လံ၊ အာရူဂူလာအရွက်တို့ဟာ ပိုတက်ဆီယံကြွယ်ဝပြီး ပိုလျှံနေတဲ့ ဆိုဒီယံတွေကို ကျောက်ကပ်ကနေ စွန့်ပစ်ကာ သွေးပေါင်ချိန် လျော့ကျစေပါတယ်။

(၂) သကြားမုန်လာ
▪️ သကြားမုန်လာက နိုက်ထရိတ်ကြွယ်ဝကာ နိုက်ထရစ်အောက်ဆိုဒ်အဖြစ်သို့ ပြောင်းလဲပေးပြီး သွေးကြောတွေ ကျယ်စေပါတယ်။

(၃) အုတ်ဂျုံ
▪️ သူ့မှာ အမျှင်ဓာတ်တစ်မျိုးဖြစ်တဲ့ ဘီတာဂလူကန်ပါဝင်ပြီး သွေးကြောလုပ်ဆောင်ချက် ကောင်းမွန်စေကာ ကိုလက်စ်ထရောလ် လျှော့ချနိုင်ပါတယ်။

(၄) ငှက်ပျောသီး
▪️ ပိုတက်ဆီယံကြွယ်ဝပြီး ဆားရဲ့ဆိုးကျိုးကို ချိန်ညှိပေးကာ နှလုံးခုန်နှုန်းထိန်းညှိစေနိုင်ပြီး သွေးပေါင်ချိန်ပမာဏ ကောင်းမွန်စေပါတယ်။

(၅) အဆီပါသောငါး
▪️ ဆော်လ်မွန်၊ ငါးကွပ်ရှပ်တို့လိုငါးတွေက အိုမီဂါ-၃ ဖက်တီးအက်ဆစ်များ ပါဝင်ကာ ရောင်ရမ်းခြင်းနဲ့ ထရိုင်ဂလစ်ဆရိုက် လျှော့ချနိုင်ပြီး နှလုံးကို အလုံးစုံတိုးတက်စေပါတယ်။

#Source: DoctorNDTV

#World_Science
Published 22 June 2025

▪️ အမျိုးသမီး ၅ သောင်းနီးပါးရဲ့ စားသောက်ပုံစံကို နှစ်ပေါင်း ၃၀ ကြာအောင် ဆန်းစစ်ခဲ့ပြီးနောက်မှာတော့ မနက်ခင်း ကော်ဖီတစ်ခွက်သောက်တာဟာ စွမ်းအင်ပိုပေးနိုင်ပြီး အသက်ကြီးလာတာနဲ့အမျှ ထက်မြက်သန်မာစေကာ စိတ်ကျန်းမာရေး ကောင်းမွန်စေနိုင်တယ်လို့ သုတေသီများ ဆုံးဖြတ်ခဲ့ကြပါတယ်။

▪️ ကော်ဖီ၊ လက်ဖက်ရည်၊ ကိုလာတို့လို ကဖင်းဓာတ်ပါတဲ့ သောက်စရာတွေနဲ့ ပတ်သက်ပြီး အကဲဖြတ်ကြတာ ဖြစ်ပါတယ်။

▪️ အသက် ၇၀ အထိ အဓိကရောဂါကြီးတွေ မဖြစ်ဘဲ ရုပ်ပိုင်းဆိုင်ရာ ထိန်းသိမ်းနိုင်ခြင်း၊ စိတ်ကျန်းမာရေး ကောင်းမွန်ခြင်း၊ မှတ်ဉာဏ်ပြဿနာမရှိခြင်းတို့က ကျန်းမာရေးနဲ့ညီညွတ်စွာ အိုမင်းလာတယ်လို့ သတ်မှတ်နိုင်ပါတယ်။

▪️ ကျန်းမာစွာ အိုမင်းလာသူတွေဟာ တစ်နေ့ကို ကဖင်းဓာတ် ၃၁၅ မီလီဂရမ်မျှ သောက်သုံးကြပြီး ဒါဟာ ကော်ဖီခွက်အသေး ၃ ခွက်နဲ့ ညီမျှပါတယ်။

▪️ စားသောက်မှုပုံစံ၊ လှုပ်ရှားနေထိုင်မှုပုံစံ၊ ဆေးလိပ်စတဲ့အချက်တွေ ထည့်တွက်ရင်တောင် ဒီလိုမျိုးဆက်စပ်နေတာ တွေ့ရပါတယ်။

▪️ ကဖင်းဓာတ်ဆိုတာထက် ကော်ဖီမှာပါတဲ့ ဇီဝသတ္တိကြွဒြပ်ပေါင်းများ ပေါင်းစပ်ခြင်းက အဓိကပတ်သက်နေမယ်လို့ ယူဆကြပါတယ်။

▪️ ပါဝင်စမ်းသပ်ခံသူတွေက လူဖြူလူမျိုး၊ ပညာတတ်၊ အမျိုးသမီး၊ ကျန်းမာရေးအသိရှိသူ အများစုဖြစ်ပြီးတော့ ဒီထက်ကျယ်ပြန့်တဲ့လူတွေမှာ အတည်ပြုဖို့ လိုအပ်ပါသေးတယ်။

▪️ ကော်ဖီကို သင့်တင့်ရုံသောက်သုံးပြီး ပုံမှန်လေ့ကျင့်ခန်းပြုလုပ်ခြင်း၊ ကျန်းမာရေးနဲ့ ညီညွတ်စွာစားခြင်း၊ ဆေးလိပ်ရှောင်ခြင်းတို့ပါ ပေါင်းစပ်ပြုလုပ်မယ်ဆိုရင် အကျိုးကျေးဇူးများပေးနိုင်မှာပါ။

▪️ သင့်တင့်ရုံပမာဏဆိုတာက တစ်နေ့ကို ကော်ဖီ ၂ ခွက်မှ ၄ ခွက်အထိ ရှိနိုင်ပါတယ်။

#Source: People