#World_News
Published 17 December 2025

■ အမေရိကန်သို့ သွားလာခွင့် ကန့်သတ်ပိတ်ပင်တဲ့ နိုင်ငံစာရင်းအရေအတွက်ကို သမ္မတဒေါ်နယ်ထရမ့်က နှစ်ဆတိုးလိုက်ကာ စုစုပေါင်း ၃၉ နိုင်ငံအထိ ရှိလာပါတယ်။

■ ဇွန်လက အမေရိကန်သို့ လူဝင်မှုနဲ့ ခရီးသွားလာမှု အပြည့်အဝပိတ်ပင်တဲ့ ပထမဆုံး ၁၉ နိုင်ငံစာရင်းထဲမှာ အာဖဂန်၊ မြန်မာ၊ ဟေတီ၊ အီရန်၊ လစ်ဗျားစတဲ့ နိုင်ငံများအပါအဝင် ကျူးဘား၊ လာအို၊ ဗင်နီဇွဲလားတို့လို နိုင်ငံတွေအပေါ် တစ်စိတ်တစ်ပိုင်း ပိတ်ပင်ခဲ့ပါတယ်။

■ အင်္ဂါနေ့က အပြည့်အဝပိတ်ပင်တဲ့စာရင်းထဲသို့ ထပ်တိုးလိုက်တဲ့ ၇ နိုင်ငံထဲမှာ ဘာကီနာဖာဆို၊ မာလီ၊ နိုင်ဂျာ၊ လာအို၊ ဆီးရီးယားတို့ ပါဝင်လာကာ တစ်စိတ်တစ်ပိုင်းပိတ်ပင်နိုင်ငံစာရင်းထဲမှာတော့ အန်ဂိုလာ၊ ဘီနင်၊ ဒိုမီနီကာ၊ ဂမ်ဘီယာ၊ နိုင်ဂျီးရီးယား၊ ဆီနီဂေါ၊ ဇင်ဘာဘွေအပါအဝင် နောက်ထပ် ၁၅ နိုင်ငံ ထပ်တိုးလာပါတယ်။

■ တာ့ခ်မင်နစ္စတန်ကိုတော့ ကန့်သတ်မှုတွေ ဖြေလျှော့လိုက်ကာ ထိုနိုင်ငံဟာ အမေရိကန်နဲ့ အချက်အလက်မျှဝေရေးမှာ တိုးတက်လာတာကြောင့်လို့ ထရမ့်က ဆိုပါတယ်။

■ လူဝင်မှုနဲ့ သွားလာရေးကန့်သတ်မှုတွေထဲမှာ ခြွင်းချက်တွေတော့ရှိနေပြီး လာမယ့် ဖီဖာကမ္ဘာ့ဖလားပြိုင်ပွဲတွေမှာ ပါဝင်မယ့် အားကစားသမားတွေ၊ ဝန်ထမ်းတွေနဲ့ စာရင်းထဲကနိုင်ငံများမှ အမေရိကန်နိုင်ငံသား ဖြစ်ထားသူတွေ ပါဝင်ပါတယ်။

■ ထရမ့်က ပိတ်ပင်တဲ့နိုင်ငံတွေကို သတ်မှတ်ရာမှာ လုံလောက်စွာ လူဝင်မှုစစ်ဆေးခြင်းမရှိခြင်း၊ မှတ်တမ်းထိန်းသိမ်းမှု အားနည်းခြင်း၊ အကြမ်းဖက်ခြင်း၊ လိမ်လည်ခြင်း၊ အကျင့်ပျက်ခြင်းစတဲ့ ကိစ္စရပ်များကို ထည့်သွင်းစဉ်းစားပါတယ်။

■ အချို့သော ကာရစ်ဘီယံနိုင်ငံတွေက နေထိုင်ခွင့်မလိုအပ်ဘဲ နိုင်ငံသားဖြစ်ခွင့်ပေးအပ်တဲ့ သူတို့ရဲ့ပေါ်လစီတွေကြောင့် ပိတ်ပင်ခံရတာ ဖြစ်ပါတယ်။

■ ယခင်တုန်းက သွားလာခွင့်ပိတ်ပင်တာမျိုးတွေကို ဝေဖန်စွပ်စွဲခဲ့ကြပေမယ့် နိုင်ငံတော်လုံခြုံရေးအကြောင်းအရင်းအောက်မှာ ၂၀၁၈ က တရားရုံးချုပ်ကနေ ဆက်လက်ထိန်းထားခဲ့ပါတယ်။

Source: CBS News

#World_Health
Published 17 December 2025

■ ဝက်ပေါင်ခြောက်၊ ဝက်အူချောင်းတို့လို အဆင့်ဆင့်ထုတ်လုပ်ထားတဲ့ အသားကြီးတွေ များများစားခြင်းဖြင့် ဦးနှောက်အသိဉာဏ် ကျဆင်းခြင်း၊ ဒီမန်ရှာရောဂါတို့ ဖြစ်နိုင်ခြေများစေနိုင်တယ်လို့ Neurology ဂျာနယ်မှာ ဖော်ပြထားပါတယ်။

■ အဆင့်ဆင့်ထုတ်လုပ်ထားတဲ့ အသားကြီးတွေက ဦးနှောက်အိုမင်းခြင်းနဲ့ အာရုံကြောချို့တဲ့ခြင်းတို့ ဖြစ်ပေါ်စေနိုင်ပုံတွေကို လေ့လာထားတာ ဖြစ်ပါတယ်။

■ တစ်နေ့တစ်နေ့ အသားကြီး အစားအများဆုံး စမ်းသပ်ခံအဖွဲ့က အနည်းဆုံးစားသူတွေထက်စာရင် ဒီမန်ရှာဖြစ်နိုင်ခြေ ၁၃ ရာခိုင်နှုန်း ပိုများတာ တွေ့ရပါတယ်။

■ နေ့စဉ်တစ်နပ်စာ ပိုမိုစားသုံးသူတွေမှာ ဦးနှောက်အိုမင်းခြင်းနဲ့ ဦးနှောက်အသိဉာဏ် ကျဆင်းခြင်းက ၁.၆ နှစ်လောက် စောပြီးအိုမင်းတယ်လို့ တွေ့ရှိလာပါတယ်။

■ အသားကြီးတွေထဲမှာ များစွာပါဝင်တဲ့ ပြည့်ဝဆီတွေက ကိုလက်စထရောဖြစ်စဉ်ကို နှောင့်ယှက်ပြီး ရောင်ရမ်းခြင်းနဲ့ အင်ဆူလင်ယဉ်ပါးခြင်းတို့ ဖြစ်စေကာ ဦးနှောက်ကျဆင်းမှု ဖြစ်လာစေတယ်လို့ ယူဆနေပါတယ်။

■ ဒီဆက်စပ်မှုတွေကို သိရှိနားလည်ခြင်းဖြင့် ဒီမန်ရှာဖြစ်နိုင်ခြေ များလာစေတဲ့အကြောင်းအရင်းတွေကို သဘောပေါက်စေမှာဖြစ်တယ်လို့ ဘရစ်ဂန်နဲ့ ဘော့စ်တွန်အမျိုးသမီးဆေးရုံမှ ဦးဆောင်သုတေသီ ယူဟန်လီက ပြောပါတယ်။

■ အဆင့်ဆင့်ထုတ်လုပ်တဲ့ အသားကြီးတွေအစား ငါး၊ အခွံမာသီး၊ ပဲအမျိုးမျိုးတို့ ဖြည့်တင်းစားသောက်ခြင်းဖြင့် ဒီမန်ရှာဖြစ်နိုင်ခြေနဲ့ ဦးနှောက်အိုမင်းခြင်းတို့ကို လျော့ကျစေနိုင်မှာ ဖြစ်ပါတယ်။

■ ရေရှည်ဦးနှောက်ကျန်းမာရေးနဲ့ ပတ်သက်လာရင် မျိုးဗီဇအကြောင်းအရာများအပြင် နေထိုင်စားသောက်မှုပုံစံတွေကလည်း များစွာ သက်ရောက်နေပါတယ်။

Source: Daily Galaxy.

#World_Science
Published 17 December 2025

■ ရေခဲခေတ်တုန်းက ဆက်လက်ပြီး အသက်ရှင်ကျန်ခဲ့တဲ့ ဝါးလုံးတစ်ခုကို အိန္ဒိယသိပ္ပံပညာရှင်များ တွေ့ရှိခဲ့ကာ အခြားဝါးတွေကတော့ အအေးဒဏ်ကို မခံနိုင်ဘဲ ပျက်စီးခဲ့ရပါတယ်။

■ မဏိပူရ အင်ဖယ်တောင်ကြားရှိ ချီရန်မြစ်ထဲမှာ အချွန်အမှတ်အသားတွေ ရှိနေတဲ့ ဝါးလုံးကို BSIP တက္ကသိုလ်မှ သုတေသီများ တွေ့ရှိခဲ့ကြပါတယ်။

■ နှစ်ပေါင်း ၃၇,၀၀၀ သက်တမ်းရှိတဲ့ ဝါးလုံးဟာ အာရှမှာတွေ့ရတဲ့ အစောဆုံး ဆူးချွန်ပါဝါးလုံးဖြစ်ပြီး ပြောင်းလဲသွားခဲ့ဟန် ရှိပါတယ်။

■ ဝါးလုံးအခေါင်းတွေနဲ့ အမျှင်တစ်ရှူးတွေက အလွန်လျင်မြန်စွာ ဆွေးမြည့်သွားတာကြောင့် ဝါးလုံးရုပ်ကြွင်းကို တွေ့ရဖို့ဆိုတာ ရှားပါးပါတယ်။

■ ဒါပေမဲ့ သုတေသီတွေက ဒဏ်ရာခြစ်ရာတွေပြည့်နေတဲ့ အဆိုပါဝါးလုံးကို ကွင်းဆင်းစစ်တမ်းပြုလုပ်ရာမှာ တစ်ခုခုထူးဆန်းရှားပါးတာကို သိခဲ့ကြပါတယ်။

■ ဝါးမျိုးစိတ်တွေနဲ့ အဆိုပါ အမှတ်အသားများအကြောင်း နားလည်ဖို့ ဆန်းစစ်မှုတစ်ခု ပြုလုပ်ခဲ့ပါတယ်။

■ တစ်ချိန်က ဝါးလုံးမှာရှိတဲ့ ဆူးချွန်တွေကြောင့် အမှတ်အသားကျန်ခဲ့တာ ဖြစ်တယ်လို့ သိပ္ပံနဲ့ နည်းပညာဌာနမှ သိပ္ပံပညာရှင်များ တွေ့ရှိခဲ့ကြပါတယ်။

■ Chimonobambusa မျိုးနွယ်ဝင် ဝါးလုံးဖြစ်ပြီး ဝါးလုံးရုပ်ကြွင်းသာမက ရုပ်ကြွင်းဆူးအမှတ်အသားတွေလည်း ရှိပါတယ်။

■ ဒီနောက် Bambusa bambos တို့လို ဆူးချွန်ပါ ဝါးတွေနဲ့ နှိုင်းယှဉ်ကြည့်ရာမှာ ဆူးချွန်တွေက အရွက်စားသတ္တဝါတွေ ရန်ကနေ ကာကွယ်ဖို့အတွက် လုပ်ဆောင်ပါတယ်။

■ တွေ့ရှိချက်အရ အိန္ဒိယလို ပူနွေးစိုစွတ်တဲ့ ရာသီဥတုက ဝါးတွေအတွက် ရှင်သန်ရာဖြစ်နေပါတယ်။

■ အခြားနေရာတွေကတော့ အေးလွန်းတဲ့အတွက် ဝါးတွေပျက်သုဉ်းကုန်ကြရပါတယ်။

Source: WION

ကမ္ဘောဒီးယားနဲ့ ထိုင်းနယ်စပ်တိုက်ခိုက်မှုတွေကြား မိသားစုတွေဟာ နေအိမ်တွေကနေ ထွက်ပြေးစွန့်ခွာကြရပြီး ဘာလုပ်ရမှန်းမသိ စောင့်ဆိုင်းနေကြရပါတယ်။

#Asia_News
Published 16 December 2025
#ကမ္ဘောဒီးယား # ထိုင်း
#YMG #Yangon_Times #Yangon_Media_Group

#World_News
Published 16 December 2025

■ ဒေါ်နယ်ထရမ့်က ယင်းမိန့်ခွန်းပြောတဲ့ ဗီဒီယိုရုပ်သံတွေကို တည်းဖြတ်ရာမှာ အသရေဖျက်ဖော်ပြခဲ့တယ်ဆိုပြီး BBC သတင်းဌာနကို တနင်္လာနေ့က တရားစွဲလိုက်ပါတယ်။

■ ၂၀၂၁ ဇန်နဝါရီ ၆ ရက်နေ့ ထရမ့်မိန့်ခွန်းပြောကြားရာမှာ သူ့ရဲ့ထောက်ခံသူတွေကို အမေရိကန် လွှတ်တော်အဆောက်အအုံ ကပ်ပီတိုလ်ကို ဝင်ရောက်သောင်းကျန်းရန် ညွှန်ကြားခဲ့တဲ့ပုံစံဖြစ်အောင် BBC က တည်းဖြတ်ဖော်ပြခဲ့တယ်လို့ စွပ်စွဲလိုက်ပြီး မီဒီယာကို လူသိရှင်ကြား ရင်ဆိုင်လိုက်တာ ဖြစ်ပါတယ်။

■ အသရေဖျက်ခြင်း၊ အထင်အမြင်လွဲမှားအောင် မဖော်ပြရဘူးဆိုတဲ့ ဖလော်ရီဒါဥပဒေကို ဖောက်ဖျက်ခြင်းတို့ဖြင့် BBC ကို တရားစွဲထားပြီး ဒီအမှုတစ်ခုစီအတွက် လျော်ကြေးဒေါ်လာ ၅ ဘီလီယံ အလိုရှိနေပါတယ်။

■ မှားယွင်းစွာ ဖော်ပြမိတဲ့အပေါ် BBC က ထရမ့်ကို တောင်းပန်ထားပြီး တရားစွဲဆိုရမယ့် အနေအထားမဟုတ်ဘူးလို့ ဆိုပါတယ်။

■ BBC ဟာ တောင်းပန်မှုပြုခဲ့ပေမယ့် ယခင်ပြုလုပ်ခဲ့တဲ့ အမှားများအတွက် နောင်တရခြင်းမတွေ့ရသလို သတင်းသမားများရဲ့ အလွဲသုံးစားပြုမှုများကို တားဆီးသွားဖို့ အဖွဲ့အစည်းအတွင်း အပြောင်းအလဲများလည်း မတွေ့ရဘူးလို့ စွဲဆိုချက်ထဲမှာ ဖော်ပြထားပါတယ်။

■ ထရမ့်ရှေ့နေတွေနဲ့ ပြောရေးဆိုခွင့်ရှိသူတွေကတော့ ဒါနဲ့ပတ်သက်ပြီး ပြောကြားခြင်းမရှိသေးပါဘူး။

■ BBC ကတော့ အကြီးတန်းအရာရှိတွေ နုတ်ထွက်ခြင်း၊ နိုင်ငံရေးနဲ့ ပတ်သက်ပြီး ကွဲလွဲခြင်းတွေ အပါအဝင် ပြဿနာကြီးတွေ ရင်ဆိုင်နေရတာ ဖြစ်ပါတယ်။

#World_Health
Published 16 December 2025

■ ခန္ဓာကိုယ်ထဲ ရေစုပ်ယူခြင်းဖြစ်စဉ်က ရေသောက်ပြီးလို့ မိနစ်ပိုင်းအတွင်း စတင်ကာ အစာခြေစနစ်ကနေ ဖြတ်သန်းပြီး သွေးစီးဆင်းလမ်းကြောင်းထဲ ဝင်ရောက်ပြီးနောက် ဆဲလ်တွေဆီ ရောက်ရှိတယ်လို့ ကျန်းမာရေးပညာရှင် ပြောပါတယ်။

■ အစာအိမ် အစာမရှိတဲ့အခြေအနေ၊ ရေအပူချိန်နဲ့ ဘာစားလဲဆိုတာတွေက ခန္ဓာကိုယ်က အရည်တွေကို ဘယ်လောက်အထိ စုပ်ယူနိုင်လဲဆိုတာ သက်ရောက်မှုရှိစေပါတယ်။

■ ရေဓာတ်ဖြည့်ခြင်းရဲ့ အလုပ်လုပ်ပုံကို နားလည်ခြင်းဖြင့် အကောင်းဆုံး ရေဓာတ်ရရှိဖို့ ဘယ်လိုပြုလုပ်ရမလဲဆိုတာ သိလာနိုင်ပါတယ်။

■ ရေသောက်ပြီးတဲ့အခါ ၅ မိနစ် ၁၀ မိနစ်အတွင်း သွေးထဲသို့ ရေရောက်ရှိကာ တစ်ရှူးတွေ၊ အင်္ဂါတွေ၊ ဆဲလ်တွေထဲသို့ မိနစ် ၃၀ မှ ၄၅ မိနစ်အတွင်း ရောက်ရှိပြီး ရေဓာတ်ဖြည့်ပေးတယ်လို့ အာဟာရပညာရှင် ဒီပီကာရှာမာက ပြောပါတယ်။

■ အစာအိမ်ထဲ အစာမရှိတဲ့အခါ ရေလျင်မြန်စွာ စီးဆင်းပြီး ဆိုဒီယံ၊ ပိုတက်ဆီယံ၊ ဂလူးကို့စ်တို့လို အီလက်ထရိုလိုက်တွေက ရေကိုထိန်းသိမ်းစေပါတယ်။

■ ကိုယ်လက်လှုပ်ရှားတဲ့အခါ ခန္ဓာကိုယ်က ရေအစားထိုးဖို့လိုတာကြောင့် ရေစုပ်ယူမှု မြန်ဆန်စေပါတယ်။

■ တစ်နေ့တာအတွင်း ရေကိုနည်းနည်းစီ ခဏခဏသောက်ခြင်းက တစ်ကျိုက်တည်း အများကြီးသောက်တာထက် ပိုပြီးထိရောက်မှုရှိတယ်လို့ ဆိုပါတယ်။

■ စားသုံးတဲ့ အစားအစာနဲ့ ရေတွေကလည်း ရေဓာတ်ဖြည့်ခြင်းကို သက်ရောက်နိုင်ကာ အသီးများ၊ စွပ်ပြုတ်များ၊ ယမကာတွေက ရေဓာတ်ဖြည့်တင်းစေပေမယ့် အယ်ကိုဟော၊ ကဖင်းဓာတ်၊ အငန်စာ အချိုစာတွေကတော့ ဆီးသွားစေပြီး ဆဲလ်တွေထဲကနေ ရေကိုဆွဲထုတ်ပေးကာ ရေဓာတ်ဖြည့်တင်းမှုကို နှောင့်နှေးစေပါတယ်။

Source: Indian Express.