#World_Health
Published 15 November 2024

▪️ ဆောက်သမ်တန် တက္ကသိုလ်ဆေးရုံနဲ့ ဆောက်သမ်တန်တက္ကသိုလ်တို့မှ ပြုလုပ်တဲ့ လေ့လာချက်မှာ လေဆာများအသုံးပြုပြီး သွေး၊ ကျောရိုးအရည်၊ ချွဲသလိပ်တို့ကို စစ်ဆေးကာ ဒီမန်ရှာရောဂါကို စောစီးစွာ ရှာဖွေနေပါတယ်။

▪️ ဒီမန်ရှာရောဂါကို စစ်ဆေးတွေ့ရှိဖို့ အချိန် ၂ နှစ်ခန့်အထိ ကြာမြင့်တတ်ပေမယ့် လေဆာနည်းပညာသစ်ကတော့ လက်ရှိဟာတွေထက် ဈေးသက်သာပြီး စက္ကန့်အပိုင်း ရလဒ်သိရှိနိုင်မှာ ဖြစ်တယ်လို့ ဆိုပါတယ်။

▪️ မူလစမ်းသပ်နည်းများက အယ်လ်ဇိုင်းမားရောဂါကို ရှာဖွေရာမှာ ၉၃ ရာခိုင်နှုန်းကျော် တိကျမှုရှိပါတယ်။

▪️ ဒီလိုနည်းလမ်းက ကျန်းမာရေးစောင့်ရှောက်မှုမှာ အဆင့်အတန်း မြင့်တက်လာရုံမက အာရုံကြောချို့ယွင်းရောဂါတွေကို မြန်ဆန်စွာ သိရှိလာစေမှာ ဖြစ်တယ်လို့ ဆောက်သမ်တန် တက္ကသိုလ်ဆေးရုံမှ ပရော်ဖက်ဆာ ခရစ္စကစ်က ပြောပါတယ်။

▪️ ယူကေမှာ ဒီမန်ရှာရောဂါရှိသူ ၈ သိန်းခွဲကျော်ရှိနေပြီး ၂၀၄၀ အရောက်မှာ ၁.၄ သန်းအထိရှိလာမယ်လို့ ခန့်မှန်းရပါတယ်။

▪️ လူနာအများစုဟာ ရောဂါနောက်ပိုင်းအဆင့် ရောက်တဲ့အခါမှသာ သိရှိကြပြီး ကုသရ ခက်ခဲလာကြပါတယ်။

▪️ ဒီလိုနည်းလမ်းဟာ တကယ်လိုအပ်နေတဲ့ အရာတွေကို ဖြည့်ဆည်းပေးရာရောက်တယ်လို့ မော်လီကျူးဘိုင်အိုဖိုတွန်နစ် ပရော်ဖက်ဆာ ဆူမိမဟာဂျန်က ပြောသွားပါတယ်။

▪️ အဆိုပါ လေဆာနည်းပညာက ဒီပြဿနာတွေကို ဖြေရှင်းပေးပြီး လူနာများ ရောဂါစစ်ဆေးမှုမှာ တိုးတက်စေလိမ့်မယ်လို့ ပြောသွားပါတယ်။

#Source: Metro

#World_Health
Published 15 November 2024

▪️ ငါးကြီးဆီ ဖြည့်စွက်ဆေးတွေမှာ တွေ့ရလေ့ရှိတဲ့ အိုမီဂါ-၃ နဲ့ အိုမီဂါ-၆ ဖက်တီးအက်ဆစ်တို့ဟာ ကင်ဆာမှ ကာကွယ်ပေးနိုင်ပြီး ကင်ဆာ ၁၉ မျိုးဖြစ်ခြင်းမှ ကာကွယ်နိုင်ဖွယ်ရှိတယ်လို့ မကြာသေးမီက တွေ့ရှိထားပါတယ်။

▪️ ယူကေမှ လူပေါင်း ၂ သိန်းခွဲထံကနေ အချက်အလက်များကို အခြေခံထားတာ ဖြစ်ပါတယ်။

▪️ လေ့လာစဉ်ကာလအတွင်း ထိုထဲက လူပေါင်း ၃ သောင်း ကင်ဆာဖြစ်ခဲ့ကြပါတယ်။

▪️ အိုမီဂါ-၃ နဲ့ အိုမီဂါ-၆ ဖက်တီးအက်ဆစ် မြင့်မားတဲ့ လူတွေမှာတော့ ကင်ဆာဖြစ်နိုင်ခြေ လျော့နည်းတာကို တွေ့ရှိရပါတယ်။

▪️ အိုမီဂါ-၆ ဖက်တီးအက်ဆစ် မြင့်မားတဲ့သူတွေမှာ ဦးနှောက်ကင်ဆာ၊ အကျိတ်ကင်ဆာ၊ ဆီးအိမ်ကင်ဆာအပါအဝင် ကင်ဆာ ၁၄ မျိုး ဖြစ်နိုင်ခြေနည်းပါးပြီး အိုမီဂါ-၃ ဖက်တီးအက်ဆစ်ကတော့ အခြားကင်ဆာ ၅မျိုး ဖြစ်နိုင်ခြေ လျော့နည်းစေပါတယ်။

▪️ ဒါကြောင့် အဆိုပါဖက်တီးအက်ဆစ်တွေကို ပိုမိုစားသုံးပေးသင့်တယ်လို့ ဂျော်ဂျီယာကောလိပ်တက္ကသိုလ်မှ ဦးဆောင်သုတေသီ ယူချန်ကျန်းက ပြောသွားပါတယ်။

▪️ ဒီအက်ဆစ်တွေက ရောဂါဖြစ်ပြီးသားသူတွေမှာ အသက်ရှင်မှုနှုန်း များစေတယ်လို့ ဆိုလိုတာမဟုတ်ဘဲ ဖက်တီးအက်ဆစ်ပမာဏနဲ့ ကင်ဆာဖြစ်နိုင်ခြေကြား ဆက်စပ်မှုရှိတယ်လို့သာ ယူဆထားပါတယ်။

▪️ အိုမီဂါ-၃ နဲ့ အိုမီဂါ-၆ ဖက်တီးအက်ဆစ်တို့ဟာ လူ့ကျန်းမာရေးအတွက် အကျိုးပြုအဆီတွေလို့ သတ်မှတ်ပြီး ဆော်လ်မွန်ငါး၊ ငါးသေတ္တာ၊ ငါးကွမ်းရှပ်၊ အခွံမာသီးများနဲ့ လျှော်စေ့၊ ချီယာစေ့တို့မှာ ပါဝင်ကြပါတယ်။

▪️ အမေရိကန်မှာ ထိုအစားအစာတွေ လုံလောက်စွာ မစားကြတာကြောင့် ကျန်းမာရေးအတွက် ဖြည့်စွက်အားဆေးတွေသာ အသုံးပြုနေကြပါတယ်။

▪️ ဒီတွေ့ရှိချက်တွေက အားလုံးနဲ့ သက်ဆိုင်တယ်လို့ မဆိုနိုင်ပေမယ့် များများစားပေးရင် ကျန်းမာရေးအကျိုးကျေးဇူး ရနိုင်ပါတယ်။

▪️ ဖက်တီးအက်ဆစ်များ စားပေးခြင်းဖြင့် ကျန်းမာရေး အကျိုးကျေးဇူးများ ရရှိကာ ကင်ဆာကာကွယ်ရေးများ ပြုလုပ်နိုင်ဖွယ်ရှိတယ်လို့ သုတေသီများ ဖော်ပြထားပါတယ်။

#Source: The Jerusalem Post

ဂါဇာနှင့်လက်ဘနွန်တို့တွင် စစ်ရာဇဝတ်မှုကျူးလွန်နေသည့်အစ္စရေးလ်အား အမေရိကန်အစိုးရသစ်ရပ်တန့်ပေးရန် အီရန်မျှော်လင့်

အမေရိကန်အစိုးရမှ အစ္စရေးလ်ကို အပြည့်အဝ ထောက်ခံနေတာဟာ အရှေ့အလယ်ပိုင်းမှာ တင်းမာမှုတွေ မြင့်တက်စေတယ်လို့ အီရန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ အက်စ်မေးလ်ဘဂါအီက တနင်္လာနေ့က ပြောလိုက်ကာ အစိုးရသစ်အနေနဲ့ ဂါဇာကမ်းမြောင်နဲ့ လက်ဘနွန်တိုမှာ အစ္စရေးလ်တို့ ရာဇဝတ်မှု ကျူးလွန်နေတာတွေကို ရပ်တန့်ရန် မျှော်လင့်နေပါတယ်။
#World_News
Published 14 November 2024
#ဂါဇာနှင့်လက်ဘနွန် #ဂါဇာကမ်းမြောင်
#YMG #Yangon_Times #Yangon_Media_Group

#Daily_News
Published 14 November 2024

၁။ ရန်ကုန်-မော်လမြိုင် အစုန်/အဆန်အထူးနှင့် ပုံမှန်ရထားများပြေးဆွဲပေးနေ

၂။ ပန်းတစ်ပွင့်တောင်တွင် ကထိန်ပွဲနှင့်ဆရာတော်မွေးနေ့ပွဲကျင်းပမည်၊ အိုဝေး နာဝေးဆေးဒါနပြုရန်ရှိ

၃။ ရွှေရောင်းဝယ်‌ရေးလုပ်ငန်းလုပ်မည့်သူများ အခုလအတွင်းလိုင်စင်အပြီးလျှောက်ထားရမည်

၄။ ဂါဇာနှင့်လက်ဘနွန်တို့တွင် စစ်ရာဇဝတ်မှုကျူးလွန်နေသည့်အစ္စရေးလ်အားအမေရိကန်အစိုးရသစ်ရပ်တန့်ပေးရန် အီရန်မျှော်လင့်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခုနှစ်မှာ တောင်ကြီးတန်ဆောင်တိုင်ပွဲတော်ကို လာရောက်သူများပြား‌ နေပြီး  တစ်ညကို  ဧည့်သည်နှစ်သိန်းခန့်လာရောက်ကြည့်ရှုနေတယ်လို့ ရှမ်းပြည်နယ်တောင်ပိုင်း ရိုးရာမီးပုံပျံပညာရှင်များအသင်းက သိရပါတယ်။
#Local_News
Published 14 November 2024
#တောင်ကြီးတန်ဆောင်တိုင် #ရိုးရာမီးပုံပျံ
#YMG/NN #Yangon_Times

ရွှေရောင်းဝယ်‌ရေးလုပ်ငန်းလုပ်မည့်သူများ အခုလအတွင်းလိုင်စင်အပြီးလျှောက်ထားရမှာဖြစ်ပါတယ်။ လိုင်စင်မရှိဘဲ ရွှေရောင်းဝယ်ပါက အရေးကြီးကုန်စည်နှင့်ဝန်ဆောင်မှုပုဒ်မ(၅)နဲ့အညီ အရေးယူခံရနိုင်မှာဖြစ်သလို YGEA ရဲ့သတ်မှတ်ရွှေဈေးအတိုင်းလည်း ရွှေဆိုင်တွေက ရောင်းဝယ်ကြရမှာဖြစ်တယ်လို့ သိရပါတယ်။
#Local_News
Published 14 November 2024
#ရွှေရောင်းဝယ်‌ရေး #လိုင်စင်အပြီးလျှောက်
#YMG/tthl #Yangon_Times

ပန်းတစ်ပွင့်တောင် သာသနာ့နယ်မြေမှာ တန်ဆောင်မုန်းလပြည့်နေ့ နိုဝင်ဘာလ(၁၅)ရက်မှာ ကထိန်အလှူတော်မင်္ဂလာပွဲကိုကျင်းပမှာဖြစ်ပြီး နိုဝင်ဘာလ (၁၈)ရက်မှာတော့ ပန်းတစ်ပွင့်တောင်ဆရာတော်ဘုရားရဲ့မွေးနေ့မင်္ဂလာအခမ်းအနားကိုကျင်းပသွားမှာဖြစ်ပါတယ်။ ဆေးဘက်ဝင် ဘီးစပ်အရွက်နဲ့ဖော်စပ်ထားတဲ့ အိုဝေးနာဝေးဆေးတွေကို ဘုရားဖူးပြည်သူတွေကို လှူဒါန်းသွားဖို့ရှိပါတယ်။
#Local_News
Published 14 November 2024
#ပန်းတစ်ပွင့်တောင် #အိုဝေးနာဝေးဆေးဒါနပြု
#YMG/tthl #Yangon_Times

ခရီးသွားပြည်သူတွေအတွက် ရန်ကုန်-မော်လမြိုင်အစုန်/အဆန် ပုံမှန်ရထားတွေအပြင်တန်ဆောင်တိုင်ပိတ်ရက်တွေမှာ အများပြည်သူတွေနဲ့ ဝန်ထမ်း‌တွေ သွားလာတာ အဆင်ပြေစေဖို့ အထူးရထားတွေပါ ပြေးဆွဲပေးနေတယ်လို့ မော်လမြိုင်ဘူတာကြီးက  သိရပါတယ်။
#Local_News
Published 14 November 2024
#ရန်ကုန်-မော်လမြိုင် #ပုံမှန်ရထားများပြေးဆွဲပေးနေ
#YMG/NN #Yangon_Times

#World_News
Published 14 November 2024

▪️ အမေရိကန်သမ္မတအဖြစ် ရွေးချယ်ခံရတဲ့ ဒေါ်နယ်ထရမ့်နဲ့ အဖွဲ့ဟာ ရာထူးကနေ ထုတ်ပယ်သွားမယ့် စစ်အရာရှိများစာရင်းကို ရေးဆွဲနေပြီး အဲဒီအထဲမှာ ပူးတွဲစစ်ဦးစီးအရာရှိချုပ်လည်း ပါဝင်နိုင်တယ်လို့ သတင်းရင်းမြစ်နှစ်ဦးထံမှ သိရကာ ပင်တဂွန်စစ်ဌာနချုပ်မှာ လှုပ်လှုပ်ရှားရှား ဖြစ်ကုန်ပါတယ်။

▪️ နိုဝင်ဘာ ၅ရက်နေ့ ရွေးကောက်ပွဲမှာ ထရမ့်အနိုင်ရပြီးနောက် ရာထူးမှထုတ်ပယ်ရေး အစီအစဉ်တွေပြုလုပ်နေတာ အစောပိုင်းအဆင့် ရောက်နေပြီး ထရမ့်အကူးအပြောင်း အစိုးရအဖွဲ့က စတင်ပုံဖော်နေပြီလို့ အမည်မဖော်လိုသူ သတင်းရင်းမြစ်တွေက ပြောပါတယ်။

▪️ ဒီအစီအစဉ်တွေကို ထရမ့်ကိုယ်တိုင် ထောက်ခံအားပေးတာလားဆိုတာ မသေချာပေမယ့် ယင်းကိုဝေဖန်ဖူးတဲ့ ကာကွယ်ရေးခေါင်းဆောင်တွေကို အရင်ကလည်း ဖယ်ရှားဖူးပါတယ်။

▪️ နောက်ထပ်သတင်းရင်းမြစ် ပြောကြားချက်အရ အသစ်ပြောင်းလာမယ့် အစိုးရအဖွဲ့ဟာ ထရမ့်ရဲ့ ပူးတွဲစစ်ဦးစီးအရာရှိချုပ်ဟောင်း မာ့ခ်မီလီနဲ့ ဆက်စပ်နေတယ်လို့ ယူဆထားတဲ့ အမေရိကန် စစ်ရေးအရာရှိများကို ဦးစားပေးဖယ်ရှားသွားဖွယ် ရှိပါတယ်။

▪️ မီလီနဲ့ ပတ်သက်နေတဲ့ လူတိုင်းရဲ့ နာမည်စာရင်းတွေ အတိအကျရှိထားပြီး ယင်းတို့အားလုံး ဖယ်ရှားခံရမှာ ဖြစ်တယ်လို့ ဆိုပါတယ်။

▪️ ပူးတွဲစစ်ဦးစီးအရာရှိချုပ်အဖွဲ့ထဲမှာ အမေရိကန်စစ်တပ်မှ ရာထူးအမြင့်ဆုံးအရာရှိများ ပါဝင်ပြီး ကြည်းတပ်၊ ရေတပ်၊ လေတပ်၊ နိုင်ငံတော် ကာကွယ်ရေးတပ်နဲ့ အာကာသတပ်ဖွဲ့များ ပါဝင်ပါတယ်။

▪️ ဒီမတိုင်ခင်မှာ ထရမ့်ဟာ Fox News သတင်းကြေညာသူနဲ့ ပင်တဂွန်မှာ ရှင်းလင်းရေးလုပ်ချင်နေတဲ့ စစ်မှုထမ်းဟောင်း ပီ့တ်ဟက်ဂ်ဆက်ကို ကာကွယ်ရေးဝန်ကြီးအဖြစ် ရွေးချယ်ခဲ့ပါတယ်။

▪️ ဖယ်ရှားခံရမယ့် အရာရှိတွေထဲမှာ လေတပ်ဗိုလ်ချုပ် C.Q.ဘရောင်းလည်း ပါဝင်လာနိုင်တယ်လို့ သိရပါတယ်။

▪️ အရာရှိဟောင်းတွေနဲ့ လက်ရှိအမှုထမ်းအရာရှိ အချို့က လက်ရှိကမ္ဘာပေါ်မှာ စစ်ပွဲတွေဖြစ်နေတဲ့အချိန် ဒီလိုအပြောင်းအလဲ လုပ်တာဟာ မလိုလားအပ်တဲ့ လုပ်ရပ်ဖြစ်တယ်လို့ ဆိုပါတယ်။

▪️ ဒီရာထူးနေရာတွေဟာ အစားထိုးလို့လွယ်တဲ့ နေရာတွေဖြစ်ပြီး တာဝန်ဆက်ခံမယ့်သူတွေ ရှားပါးမနေဘူးလို့ သတင်းရင်းမြစ်က ပြောပါတယ်။

#Source: Reuters

#Local_News
Published 14 November 2024

▪️ ရန်ကုန်-မန္တလေး လမ်းပိုင်းအတွင်းရှိ စမုံ-သပြေတောင်းဘူတာအကြားရှိ စမုံတံတား ပြန်လည်မွမ်းမံပြင်ဆင်မည်ဖြစ်သောကြောင့် မန္တလေး-သာစည် ရထားလမ်းပိုင်းကို ယာယီနှစ်ရက် ပိတ်မည်ဖြစ်ကြောင်း သိရသည်။

▪️ တိုင်ဖွန်းမုန်တိုင်း “ရာဂီ” ၏အရှိန်ကြောင့် မိုးသည်းထန်စွာရွာသွန်းခဲ့ပြီး ရေတိုက်စားမှုကြောင့် ပျက်စီးသွားသည့် မန္တလေးတိုင်းဒေသကြီး ဝမ်းတွင်းမြို့နယ် စမုံနှင့်သပြေတောင်းကြား အဆန်ရထားလမ်း တံတားအမှတ် (၆၉၁) ၏ ကမ်းကပ်ခုံရေတိုက်စားခံရမှုအပေါ် ပေ ၆၀ ဘေလီ သံပေါင်ဖြင့် ယာယီအစားထိုးဆောင်ရွက်ခဲ့ပြီး ယခုအခါ အသေးစိတ် ပြင်ဆင်မွမ်းမံမှုများ ပြုလုပ်ရန် လိုအပ်သည့်အတွက်  နိုဝင်ဘာ ၁၈ ရက်နှင့် ၁၉ ရက်များတွင် မန္တလေး-သာစည် ရထားလမ်းပိုင်းကို ယာယီပိတ်ထားမည်ဖြစ်ကြောင်း သိရသည်။

▪️ အဆိုပါ နေ့ရက်များတွင် သာစည်-မန္တလေး ပြေးဆွဲပေးလျက်ရှိသည့် အမှတ် သ-၃၀၁ အဆန်၊ သ-၃၀၂ အစုန် RBE လူစီးရထားနှင့် ရန်ကုန်-မန္တလေး-ရန်ကုန် ပြေးဆွဲလျက်ရှိသည့် အမှတ်(၁)အဆန်၊ အမှတ် (၂) အစုန် စာပို့ရထားများကို ယာယီရပ်နားထားမည်ဖြစ်ပြီး ရန်ကုန်-မန္တလေး- ရန်ကုန် ပြေးဆွဲလျက်ရှိသည့် အမှတ်(၁၁)အဆန်၊ အမှတ်(၁၂)အစုန် လူစီးအမြန်ရထားများကို ရန်ကုန် - သာစည် - ရန်ကုန် ခရီးစဉ်အဖြစ် ပြောင်းလဲပြေးဆွဲမည်ဖြစ်‌ကြောင်း သိရသည်။

▪️ မြန်မာ့မီးရထားအနေဖြင့် ပြည်သူများခရီးသွားလာမှု လွယ်ကူအဆင်ပြေစေရေးနှင့် ကုန်စည်စီးဆင်းမှု မြန်ဆန်စေရေးအတွက် ရထားလမ်းပိုင်းများတွင် လူစီးရထားနှင့် ကုန်ရထားများ ပြေးဆွဲပေးခြင်း ဆောင်ရွက်ပေးလျက်ရှိ ကြောင်း သိရသည်။

▪️ ထိုသို့ဆောင်ရွက်ရာတွင် ရန်ကုန် - မန္တလေး ရထားလမ်းပိုင်းအတွင်း ရေကြီးရေလျှံမှုဖြစ်ပွား၍ ရထားလမ်းနှင့်တံတားများ ထိခိုက်ပျက်စီးမှုများကို အချိန်နှင့်တစ်ပြေးညီ ပြုပြင်ဆောင်ရွက်ခဲ့ပြီး ယခုအခါ စမုံနှင့်သပြေတောင်းကြား အဆန်လမ်းတံတား အမှတ် (၆၉၁) (စမုံတံတား) ကို အသေးစိတ်ပြုပြင်မှုများပြုလုပ်ပြီး နိုဝင်ဘာ ၂၀ ရက်မှစ၍ ရန်ကုန်-မန္တလေးလမ်းပိုင်းအတွင်း ပြေးဆွဲလျက်ရှိသောရထားများကို မူလပြေးဆွဲချိန်များအတိုင်း ရန်ကုန်နှင့်မန္တလေး ခရီးဆုံးဘူတာများအထိ ပုံမှန်ပြေးဆွဲပေးမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 14 November 2024

▪️ မြစ်ကြမ်းပြင်မြစ်ရေတိုက်စားမှု ကာကွယ်ရေးလုပ်ငန်းဆောင်ရွက်မည်ဖြစ်သောကြောင့် လှိုင်မြစ်ကူးရွှေပြည်သာ တံတားရေလမ်းပြောင်းလဲမည် ဖြစ်ကြောင်း ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ သိရသည်။

▪️ ရွှေပြည်သာတံတားရေလမ်းတွင် ယခင်က ရေယာဉ်များ ဖြတ်သန်းသွားလာရန် ရေလမ်းကြောင်းကို အစုန်လမ်းအဖြစ် ရေလယ်တိုင်အမှတ် (၃) နှင့် (၄) အကြားမှ လည်းကောင်း၊ အဆန်လမ်းအဖြစ် ရေလယ်တိုင်အမှတ် (၂) နှင့် (၃)အကြားမှလည်းကောင်း ဖွင့်လှစ်ထားသော်လည်း ယခုအခါတံတားမြစ်ကြမ်းပြင်မြစ်ရေတိုက်စားမှု ကာကွယ်ရေးလုပ်ငန်း ဆောင်ရွက်မည်ဖြစ်သောကြောင့် ရေယာဉ်များဖြတ်သန်းသွားလာရန် ရေလမ်းကြောင်းကို ယနေ့ နိုဝင်ဘာ ၁၄ ရက်မှစ၍ အစုန်၊ အဆန်ရေလမ်းအဖြစ် ရေလယ်တိုင်အမှတ် (၂) နှင့် (၃) အကြားမှ ပြောင်းလဲဖွင့်လှစ်မည်ဖြစ်ကြောင်း သိရသည်။

▪️ အဆိုပါ ပြောင်းလဲမည့် ရေလမ်း၏ကင်းလွတ်အကျယ်သည် ၃၄၅ ပေနှင့် ကင်းလွတ်အမြင့်သည် အမြင့်ဆုံး ရေမျက်နှာပြင် အထက် ၃၆ ပေရှိ‌ ကြောင်း၊ရေယာဉ်များ ဖြတ်သန်းရမည့် ဝင်ပေါက်ရေလမ်းတွင် နေ့အခါ အစိမ်းရောင်တြိဂံအမှတ်အသား ပြသထားမည်ဖြစ်ပြီး ညအခါ မီးစိမ်းထွန်းပြသထားမည်ဖြစ်သည်။

▪️ ထို့အတူ မဝင်ရမည့်ရေလမ်းတွင် နေ့အခါအနီရောင်ကြက်ခြေခတ် အမှတ်အသားပြသထားပြီး ညအခါ မီးနီထွန်း ပြသထားမည်ဖြစ်သည်။

▪️ အဆိုပါ ရွှေပြည်သာတံတားတိုင်များ၏ အောက်ခြေပိုင်တိုင် အုတ်ခုံများသည် ရေလယ်တိုင်များ၏တစ်ဖက်တစ်ချက်တွင် ၁၅ ပေခန့် ထိုးထွက်နေသဖြင့် ရေယာဉ်များရေလယ်တိုင်နှစ်ခုအကြားမှ ယှဉ်ပြိုင်ခုတ်မောင်းခြင်း မပြုရန်၊ တွဲတွန်းရေယာဉ်များ တစ်တွဲချင်းသာ ချိတ်ဆွဲဖြတ်သန်းကြရန်နှင့် အစုန်ဦးစားပေး၍ ဝင်ပေါက်သို့ ချဉ်းကပ်ရာတွင် လုံလောက်သော အကွာအဝေးမှ ချဉ်းကပ်လမ်းကြောင်းမှန်ဖြင့် ထိန်းသိမ်းခုတ်မောင်းကြရန် အသိပေးထားကြောင်း  သိရသည်။

#YMG/NN #Yangon_Times

#Local_News
Published 14 November 2024

▪️ ညစ်ညမ်းစာပါသော စာအုပ်ထုတ်ဝေသူ(၂)ဦးကို ပုံနှိပ်ခြင်းနှင့်ထုတ်ဝေခြင်းလုပ်ငန်း ဥပ‌ဒေဖြင့်တရားစွဲဆိုအရေးယူသွားရန်ရှိကြောင်း ပြန်ကြားရေးဝန်ကြီးဌာန၏ထုတ်ပြန်ချက်အရသိရသည်။

▪️ ပုံနှိပ်သူဦးရာဇာရဲထွဋ်(Right ပုံနှိပ်တိုက်)နှင့် ထုတ်ဝေသူ ဒေါ်စိန်ကြည်(The Density Book House)တို့မှ ပုံနှိပ်ထုတ်ဝေသော စာရေးသူMahuyarရေးသားသည့်‘‘1500 Miles to You’’စာအုပ်နှင့် ‘’အမုန်းနဲ့ပျိုးတဲ့ ချစ်ခြင်းလင်္ကာ’’စာအုပ်များသည် ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေနှင့်ညှိစွန်းပြီး ဟီရိသြတ္တပ္ပကင်းသည့်၊မြန်မာ့လူ့အဖွဲ့အစည်းကလက်မခံသည့် လူငယ်များ၏တွေးခေါ်မြော်မြင်မှုနှင့်ခံစားနားလည်မှုကို လွဲမှားစေနိုင်သည့် ညစ်ညမ်းစာတွေဖော်ပြတွေ့ရှိရသည်ဟု ထုတ်ပြန်ချက်တွင် ဖော်ပြပါရှိသည်။

▪️ သို့ဖြစ်၍ စာအုပ်နှစ်အုပ် ပုံနှိပ်ထုတ်ဝေသူနှစ်ဦးဖြစ်သောပုံနှိပ်သူဦးရာဇာရဲထွဋ်(Right ပုံနှိပ်တိုက်)နှင့် ထုတ်ဝေသူ ဒေါ်စိန်ကြည်(The Density Book House)တို့ကိုထုတ်ဝေခွင့်လိုင်စင်ရုပ်သိမ်းခဲ့ပြီး တရားမဝင်ထုတ်ဝေစာအဖြစ်ကြေညာခဲ့ကာ ပုံနှိပ်သူနှင့်ထုတ်ဝေသူကို ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေနှင့်အညီ တရားစွဲဆိုအရေးယူဆောင်ရွက်သွားရန်ရှိကြောင်း သိရသည်။

#YMG/tthl #Yangon_Times