#World_Health
Published 1 July 2025

▪️ ကိုယ်အလေးချိန်လျှော့ဖို့ ကြိုးစားနေကြရာမှာ လေ့ကျင့်ခန်းတွေ စားသောက်ပုံစံတွေနဲ့အညီ ကြိုးပမ်းကြပေမယ့် အရေးကြီးတဲ့ နံနက်ခင်းအလေ့အကျင့်တစ်ခုကိုတော့ မေ့လျော့နေတတ်ကြပါတယ်။

▪️ အိပ်ရာနိုးတဲ့အခါ ရေဓာတ်ဖြည့်ပေးဖို့ မေ့နေတာက ကိုယ်အလေးချိန် လျှော့ချရေးမှာ မှားယွင်းတဲ့အနေအထိုင် ဖြစ်ပါတယ်။

▪️ တစ်ညလုံးအိပ်တဲ့အခါမှာ ခန္ဓာကိုယ်မှ ရေဓာတ်ဆုံးရှုံးပြီး ချက်ချင်းပြန်မဖြည့်ပါက ရေဓာတ်ခမ်းခြောက်ခြင်း ဖြစ်နိုင်တယ်လို့ ပရော်ဖက်ဆာ ဖရန့်ကလင်ဂျိုဆက်က ပြောပါတယ်။

▪️ ရေဓာတ်ခမ်းခြောက်ခြင်း ပြင်းထန်လာတဲ့အခါ အားအင်ချည့်နဲ့လာပြီး ဇီဝဖြစ်စဉ်တွေ နှေးလာပါတယ်။

▪️ နံနက်ခင်းမှာ ရေကိုပုံမှန်သောက်ပေးရင် ဆာလောင်စိတ်ကို ထိန်းချုပ်နိုင်သလို မလိုလားအပ်တဲ့ မုန့်သရေစာတွေ စားခြင်းမှ ကာကွယ်နိုင်ပါတယ်။

▪️ နံနက်အိပ်ရာထပြီး နာရီဝက်အတွင်းမှာ ရေ ၄၀၀ မှ ၅၀၀ မီလီမီတာ သောက်သုံးသင့်တယ်လို့ အကြံပြုထားပါတယ်။

▪️ ဒါဆိုရင် ခန္ဓာကိုယ်မှာ အီလက်ထရိုလိုက်တွေ ညီမျှစေပြီး တစ်နေကုန် စွမ်းအင်ထိန်းသိမ်းနိုင်ပါတယ်။

▪️ နံနက်ပိုင်းမှာ ပုံမှန်ရေမသောက်ပါက အဆီလောင်ကျွမ်းခြင်းကို တဝက်နီးပါးလောက် လျော့ပါးသွားစေပါတယ်။

▪️ အိပ်ရာထပြီးမကြာခင် အစာမရှိဘဲ ကော်ဖီသောက်ရင်တော့ ဖိစီးမှုဟော်မုန်း ကော်တီဆောလ်တွေ မြင့်တက်လာနိုင်ပါတယ်။

▪️ နံနက်စာစားခြင်းက ကယ်လိုရီပိုမိုလောင်ကျွမ်းစေတယ်လို့ သုတေသနတွေမှာ တွေ့ထားပါတယ်။

▪️ မစားခင်မှာတော့ ခန္ဓာကိုယ်က လိုအပ်တဲ့ ရေဓာတ်ကို အရင်ဖြည့်ပေးသင့်တယ်လို့ ဖော်ပြထားပါတယ်။

#Source: The Jerusalem Post

လူ့အခွင့်အရေးများနဲ့ ကမ္ဘာလုံးဆိုင်ရာ လူ့အခွင့်အရေးအုပ်ချုပ်မှုတွေမှာ တရုတ်ရဲ့ ပံ့ပိုးကူညီမှုတွေအကြောင်း တရုတ်သမ္မတရှီကျင့်ဖျင်ရဲ့ ဟောပြောချက်များပါဝင်တဲ့ စာအုပ်ကို စပိန်မက်ဒရစ်မြို့ရှိ စာဖတ်သူနှီးနှောဖလှယ်ပွဲတစ်ခုမှာ ကျွမ်းကျင်သူများက ချီးကျူးခဲ့ကြပါတယ်။
#World_Culture
Published 30 June 2025
#တရုတ်သမ္မတရှီကျင့်ဖျင် #ကမ္ဘာလုံးဆိုင်ရာလူ့အခွင့်အရေးအုပ်ချုပ်မှု
#YMG #Yangon_Times #Yangon_Media_Group

#Daily_News

Published 30 June 2025

၁။ ‌ဇူလိုင်လအတွင်း နိုင်ငံတကာ ကုန်သေတ္တာတင်ယာဉ်အစင်း၆၀ ဝင်ရောက်ဆိုက်ကပ်မည်

၂။ ‌‎ငလျင်‌ကြောင့် ထိခိုက်ခဲ့သည့် မဟာမြတ်မုနိဘုရားကြီးကို ရှေးမူအတိုင်း ပြင်ဆင်မည်

၃။ ‎‎‎‎အလုပ်အကိုင်တစ်ပါတည်း ရရှိမည့် ဆန်စပါး ကြိတ်ခွဲထုတ်လုပ်ရေး နည်းပညာသင်တန်းအခမဲ့ပေးမည်

၄။ ‎‎တရုတ်သမ္မတရှီကျင့်ဖျင်၏ လူ့အခွင့်အရေးဆိုင်ရာရေးသားချက်စာအုပ်အား ကျွမ်းကျင်သူများ ချီးကျူးပြောဆို ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 30 June 2025

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်း သိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီက ယခုတစ်ပတ်အတွက် စားအုန်းဆီအခြေခံ လက်ကား ရည်ညွှန်းဈေးနှုန်းထုတ်ပြန်ရာတွင် တစ်ပိဿာ ငွေကျပ် ၆၀၆၀ သတ်မှတ်ထုတ်ပြန်ခဲ့ရာ ယခင်အပတ်ထက် ကျပ်၂၀ထပ်မံကျဆင်းလာကြောင်း သိရသည်။

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်း သိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီက စားသုံးသူပြည်သူများ စားသုံးဆီဝယ်ယူ စားသုံးရာတွင် ဘေးအန္တရာယ်ကင်းရှင်းသော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက်များကို ဖြည့်ဆည်းပေးနိုင်ရန် ဆောင်ရွက် ပေးလျက်ရှိကြောင်း၊ပြည်တွင်းလိုအပ်ချက်ကို ဖြည့်ဆည်းပေးနိုင်ရေး စားအုန်း ဆီကို ပြည်ပမှ ဝယ်ယူတင်သွင်းရာတွင် စားအုန်းဆီတင်ပို့သည့် နိုင်ငံများ၏ စျေးနှုန်း အတက်အကျပေါ်မူတည်၍ ပြည်တွင်း၌ဖြစ်သင့်ဖြစ်ထိုက်သည့် ဈေးနှုန်းများဖြစ် ပေါ်စေရေးကို ထိန်းကျောင်းဆောင်ရွက်လျက်ရှိကြောင်း သိရသည်။

▪️ ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက် ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းလည်း သိရသည်။

#YMG/SW #Yangon_Times

#Local_News
Published 30 June 2025

▪️ ၂၀၁၆ ခုနှစ်မှ ၂၀၂၀ ပြည့်နှစ်အထိ ပို့ကုန်တင်ပို့ခဲ့ပြီး ပို့ကုန်ရငွေများ ပြန်လည်ဝင်ရောက်ရန် ကျန်ရှိသည့် ကုမ္ပဏီ(၁၉၇)ခု အား အမည်မည်းစာရင်း သွင်းလိုက်‌ကြောင်း မြန်မာနိုင်ငံတော်ဗဟိုဘဏ်က ယနေ့ထုတ်ပြန်လိုက်သည်။

▪️ ၂ဝ၁၆ ခုနှစ်မှ ၂ဝ၂ဝ ပြည့်နှစ်အတွင်း ပို့ကုန်တင်ပို့ခဲ့သည့် ပို့ကုန်လုပ်ငန်းရှင်များ သည် ပို့ကုန် ရငွေများကို သတ်မှတ်ကာလအတွင်း ၄င်း၏ဘဏ်ငွေစာရင်းသို့ နိုင်ငံခြားသုံးငွေဖြင့် မပျက်မကွက် ပြန်လည်ထည့်သွင်းစေရေးအတွက် ကုန်သွယ်မှုနှင့် ကုန်စည်စီး ဆင်းမှုများမှန်ကန်မြန်ဆန်စေရေး ဗဟိုကော်မတီ၊ စီမံကိန်းနှင့်ဘဏ္ဍာရေးဝန်ကြီးဌာန၊ ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေး ဝန်ကြီးဌာန၊ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ မြန်မာနိုင်ငံတော်ဗဟိုဘဏ်နှင့် AD လိုင်စင်ရဘဏ်များ ပူးပေါင်း၍ ဆက်သွယ်ခေါ်ယူ စာရင်းရှင်းလင်းခဲ့ပြီးနောက် စာရင်းရှင်းလင်းခြင်း မရှိသည့်ကုမ္ပဏီများအား ပို့ကုန်သွင်းကုန်လုပ်ငန်းရှင် မှတ်ပုံတင်လက်မှတ်ပိတ်သိမ်းခြင်းကို ဆောင်ရွက်ခဲ့ပြီးဖြစ်ကြောင်း၊ ထို့ကြောင့် (၂၃-၆-၂ဝ၂၅) ရက်နေ့စိစစ်ချက်အရ ၂ဝ၁၆ ခုနှစ်မှ ၂ဝ၂ဝ ပြည့်နှစ်အတွင်း ပို့ကုန်တင်ပို့ခဲ့ပြီး ပို့ကုန်ရငွေပြန်လည်ဝင်ရောက်ရန် ကျန်ရှိသည့် ကုမ္ပဏီ (၁၉၇) ခုသည် နိုင်ငံခြားသုံးငွေ စီမံခန့်ခွဲမှုဥပဒေ၊ စည်းမျဉ်း၊ အမိန့်ကြော်ငြာစာတို့ပါ သတ်မှတ်ချက်များအား လိုက်နာခြင်းမရှိသဖြင့် ကုမ္ပဏီနှင့် ကုမ္ပဏီ၏ ဒါရိုက်တာအဖွဲ့ဝင်များအား အမည်မည်းစာရင်း ထည့်သွင်းကြောင်း ကြေညာချက်တွင် ဖော်ပြထားသည်။

▪️ ဗဟိုဘဏ်အနေဖြင့် နိုင်ငံတော်အတွင်းသို့ နိုင်ငံခြားသုံးငွေများ ဝင်ရောက်လာသည့် အဓိကလမ်းကြောင်းဖြစ်သော ပို့ကုန်တင်ပို့မှုမှ ရငွေများအပြည့်အဝရရှိရန်မှာ အဓိကကျသည့် အချက်ဖြစ်သဖြင့် နိုင်ငံခြားသုံးငွေ စီမံခန့်ခွဲမှုဥပဒေပုဒ်မ ၃၈-ခ နှင့် နိုင်ငံခြားသုံးငွေစီမံခန့်ခွဲမှုစည်းမျဉ်း အပိုဒ်-၃၅၊ အမိန့်ကြော်ငြာစာအမှတ် ၂၇/၂ဝ၂၃ တို့တွင် အာရှနိုင်ငံများသို့ တင်ပို့ခြင်းဖြစ်ပါက ပို့ကုန်တင်ပို့သည့်နေ့မှ (၃ဝ) ရက်အတွင်း၊ အာရှနိုင်ငံများမှအပ အခြားနိုင်ငံများသို့ တင်ပို့ခြင်းဖြစ်ပါက ပို့ကုန်တင်ပို့သည့်နေ့မှ (၆ဝ) ရက်အတွင်း ပို့ကုန်တင်ပို့သူ၏ မြန်မာနိုင်ငံအတွင်းရှိ ဘဏ်ငွေစာရင်းသို့ နိုင်ငံခြားငွေဖြင့် မပျက်မကွက် ထည့်သွင်းရန်ဖြစ်ကြောင်း ပြဠာန်းသတ်မှတ်ထားပြီးဖြစ် သည်။ နိုင်ငံခြား သုံးငွေ စီမံခန့်ခွဲမှုဥပဒေ (FEML) အခန်း (၁၁)၊ ပုဒ်မ ၃၈-ခ တွင် “မည်သူမျှ ပို့ကုန်ရငွေ အားလုံးကို သတ်မှတ်ကာလအတွင်း နိုင်ငံတော်အတွင်းရှိ ၄င်း၏ ဘဏ်ငွေစာရင်းသို့ နိုင်ငံခြား သုံးငွေဖြင့် ထည့်သွင်းရန် ပျက်ကွက်ခြင်းမရှိစေရ” ဟု လည်းကောင်း၊ အဆိုပါ တားမြစ်ချက်ကို ဖောက်ဖျက်ကျူးလွန်ပါက FEML ပုဒ်မ ၄၂-က အရ “ထိုသူကို တစ်နှစ်ထက်မပိုသည့် ထောင်ဒဏ် ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်”ဟုလည်းကောင်း ပြဌာန်းထားပါသဖြင့် ပို့ကုန်တင်ပို့သူများအနေဖြင့် သတ်မှတ်ကာလအတွင်း ပို့ကုန်ရငွေများ ပြန်လည်ဝင်ရောက်ရန် ဆောင်ရွက်ရမည်ဖြစ်ကြောင်း သိရသည်။

#YMG/SW #Yangon_Times

ပရိတ်ချည်မျှင်ရေဆူဆရာတော်ကြီး ဒေါက်တာဘဒ္ဒန္တ အာဒိစ္စဝံသရဲ့  ဂုဏဝိသိဌ ထပ်ဆင့်ဂုဏ်ပြုပူဇော်ပွဲ ၊ဝါဆိုသက်န်းကပ်ပွဲ၊ သက်တော်၆၅နှစ်ပြည့် ဝိဇာတမွေးနေ့ပွဲနဲ့ သိက္ခာထပ်မင်္ဂလာပွဲကို ရန်ကုန်မြို့၊တာမွေမြို့နယ်အလိုတော်ပြည့်ကျောင်းတိုက်မှာ ဇွန်လ၂၉ရက် ယမန်နေ့ကကျင်းပခဲ့‌တယ်လို့ သိရပါတယ်။
#Local_News
Published 30 June 2025
#ပရိတ်ချည်မျှင်ရေဆူဆရာတော် #မွေးနေ့ပွဲနှင့်သိက္ခာထပ်မင်္ဂလာပွဲ
#YMG/NN #Yangon_Times

သင်တန်းပြီးဆုံးပါက အလုပ်အကိုင်တစ်ပါတည်းရရှိမယ့် ဆန်စပါးကြိတ်ခွဲထုတ်လုပ်ရေး နည်းပညာသင်တန်းကို အခမဲ့ပေးဖို့စီစဉ်နေတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 30 June 2025
#ဆန်စပါးကြိတ်ခွဲထုတ်လုပ်ရေး #နည်းပညာသင်တန်းအခမဲ့ပေး
#YMG/NN #Yangon_Times

မန္တလေး‌ငလျင်ကြီးကြောင့် ထိခိုက်ပျက်စီးမှုရှိခဲ့တဲ့ မဟာမြတ်မုနိဘုရားကြီးနဲ့ ဘုရားကြီးဝန်းအတွင်းက သာသနိက အဆောက်အဦ‌တွေကို ရှေးမူအတိုင်း ပြင်ဆင်သွားမယ်လို့ သိရပါတယ်။
#Local_News
Published 30 June 2025
#မဟာမြတ်မုနိဘုရားကြီး #ရှေးမူအတိုင်းပြင်ဆင်သွားမယ်
#YMG/SW #Yangon_Times

လာမယ့် ဇူလိုင်လအတွင်းရန်ကုန်အပြည်ပြည်ဆိုင်ရာဆိပ်ကမ်းများသို နိုင်ငံတကာ ကုန်သေတ္တာတင်ယာဉ်အစင်း၆၀ ဝင်‌ရောက်ဆိုက်ကပ်မယ်လို့မြန်မာ့ဆိပ်ကမ်းအာဏာပိုင်မှ သိရပါတယ်။
#Local_News
Published 30 June 2025
#ကုန်သေတ္တာတင်ယာဉ် #မြန်မာ့ဆိပ်ကမ်းအာဏာပိုင်
#YMG/SW #Yangon_Times

#Local_News
Published 30 June  2025

▪️ ယခုဘဏ္ဍာနှစ် နှစ်လတာကာလအတွင်း ပြည်ပသို့ ပုဇွန်မက်ထရစ်တန် (၁,၀၀၀)ကျော်တင်ပို့ခဲ့ကြောင်း ငါးလုပ်ငန်းဦးစီးဌာနကသိရသည်။

▪️ ၂၀၂၅ ခုနှစ်  ဧပြီလ ၁ ရက်မှ မေလ ၃၁ ရက်အထိ နှစ်လတာကာလအတွင်း  ပြည်ပသို့ ပုဇွန်မက်ထရစ်တန် ၁၂၇၃ ဒသမ၉၃၃ တန် တင်ပို့မှုမှ အမေရိကန်ဒေါ်လာ ၃ ဒသမ ၆၆၆ သန်း ရရှိထားကြောင်း သိရသည်။

▪️ ထိုသို့တင်ပို့ရာတွင် ပုံမှန်ကုန်သွယ်မှုမှ ပုဇွန်မက်ထရစ်တန် ၁,၁၁၅ ဒသမ ၉၅၃ တန်တင်ပို့ပြီး  အမေရိကန်ဒေါ်လာ ၂ ဒသမ  ၈၁၂ သန်းရရှိခဲ့ကာ နယ်စပ်ကုန်သွယ်မှုမှ ပုစွန်မက်ထရစ်တန်  ၁၅၇  ဒသမ ၉၈  တန်တင်ပို့ပြီး  အမေရိကန်ဒေါ်လာသုည ဒသမ  ၈၅၄ သန်းရရှိခဲ့ကြောင်း သိရသည်။

▪️ ပြည်တွင်းမှ ပုစွန်အပါအဝင် ငါးစသည့်ရေထွက်ကုန်များကို တရုတ်နိုင်ငံ၊ ထိုင်းနိုင်ငံ၊ ဘင်္ဂလားဒေ့ရှ်နိုင်ငံ၊ ဂျပန်နိုင်ငံ စသည့်နိုင်ငံပေါင်း ၄၀ ကျော်သို့ တင်ပို့လျက်ရှိပြီး ရန်ကုန်မြို့မှတစ်ဆင့် ပုံမှန်တင်ပို့သည့်အပြင် နယ်စပ်ကုန်သွယ်မှုမှလည်းတိုက်ရိုက်တင်ပို့ကြောင်း သိရသည်။

#YMG/NN #Yangon_Times

#Local_News
Published 30 June  2025

▪️ ဘင်္ဂလားပင်လယ်အော်နှင့်ဆက်စပ် နေရာများတွင် ဖြစ်ပေါ်နေသည့်လေဖိအားနည်းရပ်ဝန်းအရှိန်ကြောင့် မြန်မာနိုင်ငံအတွင်း၌ နေရာအနှံ့အပြားမိုးထစ်ချုန်းရွာပြီး နေရာကွက်၍ မိုးကြီးနိုင်ကြောင်းမိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့ဇွန်လ ၃၀ ရက်နေ့၊ မနက် ၁၀ နာရီခွဲအချိန်ထုတ်ပြန်ချက်အရ သိရသည်။

▪️ ဘင်္ဂလားပင်လယ်အော်အ‌ခြေအနေမှာ  ယနေ့မြန်မာစံတော်ချိန် ၅ နာရီခွဲ အချိန် တိုင်းထွာချက်များအရ ဘင်္ဂလားပင်လယ်အော် အနောက်မြောက်ပိုင်းနှင့် ယင်းနှင့်ဆက်စပ်လျက်ရှိသော အိန္ဒိယနိုင်ငံ၊ အနောက်ဘင်္ဂလားပြည်နယ်နှင့် ဘင်္ဂလားဒေ့ရှ်နိုင်ငံ ကမ်းခြေတို့၌‌ ဖြစ်ပေါ်နေသော လေဖိအားနည်းရပ်ဝန်း(Low Pressure Area) သည် ဆက်လက်တည်ရှိနေပြီး အဆိုပါ လေဖိအားနည်းရပ်ဝန်းသည် အနောက်-အနောက်မြောက်ဘက်သို့ ဖြည်းညှင်းစွာ ရွေ့လျားနိုင်ပြီး၊ အိန္ဒိယနိုင်ငံ၊ ဩရိဿ ပြည်နယ်မြောက်ပိုင်းနှင့် အနောက်ဘင်္ဂလားပြည်နယ်တို့ကို ဖြတ်ကျော်နိုင်သည်ဟု ခန့်မှန်းရ ကြောင်း၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်းရာမှ အားအလွန်ကောင်းနေ  ကြောင်းသိရသည်။

▪️ ရန်ကုန်မှ တနင်္သာရီကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေ၀သခန့်မှန်းချက် ယနေ့မွန်းတည့်မှ နောက်(၂၄)နာရီအတွင်းခန့်မှန်းချက်များမှာနေရာအနှံ့အပြား မိုးထစ်ချုန်းရွာမည်ဖြစ်ပြီးအမြင်တာ ၄ မိုင်၊ မိုးရွာစဉ်   ၁ မိုင်ခန့်ရှိနိုင်ကြောင်း ၊ ရေပြင်လေမှာ အနောက် (သို့) အနောက်တောင်၊ တစ်နာရီပင်လယ်မိုင် ၁၅-၂၀  မိုင်၊ တစ်ခါတစ်ရံ ၃၅ မိုင် ရှိပြီး လှိုင်းအ‌ခြေအနေမှာ လှိုင်းကြီး၍ အမြင့်  ၁၁ ပေမှ ၁၃ ပေခန့် အထိရှိနိုင်ကြောင်း သိရသည်။

▪️ ရန်ကုန်မှ ရခိုင်ကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေ၀သခန့်မှန်းချက် ယနေ့မွန်းတည့်မှ နောက်(၂၄)နာရီအတွင်း ခန့်မှန်းချက်မှာနေရာအနှံ့အပြား မိုးထစ်ချုန်းရွာပြီး၊ နေရာကွက်၍ မိုးကြီးနိုင်ပြီးအမြင်တာ၃မိုင်၊ မိုးရွာစဉ် မိုင်ဝက်ခန့်ရှိနိုင်ကြောင်း၊ ရေပြင်လေမှာ တောင် (သို့) အနောက်တောင်၊ တစ်နာရီပင်လယ်မိုင် ၁၅-၂၀ မိုင်၊ တစ်ခါတစ်ရံ ၃၅ မိုင်ရှိပြီး  လှိုင်းအ‌ခြေအနေမှာ လှိုင်းကြီးနိုင်ကာလှိုင်းအမြင့်မှာ    ၁၁ ပေမှ ၁၃ ပေခန့်အထိရှိနိုင်ကြောင်း သိရသည်။

#YMG/NN #Yangon_Times

#World_News
Published 30 June 2025

▪️ အီရန်နျူကလီးယားစက်ရုံများအနေနဲ့ အမေရိကန် ဗုံးကျဲတိုက်ခိုက်ခြင်းခံရပြီးနောက် လပိုင်းအတွင်းမှာပဲ အီရန်ဟာ ယူရေနီယံပါဝင်မှု မြှင့်တင်ထုတ်လုပ်ခြင်းလုပ်ငန်းတွေ ထပ်မံပြုလုပ်လာနိုင်တယ်လို့ ကုလသမဂ္ဂ နျူကလီးယားစောင့်ကြည့်ရေးအဖွဲ့ အကြီးအကဲက ပြောသွားပါတယ်။

▪️ နိုင်ငံတကာ နျူကလီးယားစွမ်းအင်အေဂျင်စီ (IAEA)လို့ခေါ်တဲ့ ဒီအဖွဲ့ဟာ နိုင်ငံအသီးသီးရဲ့ နျူကလီးယားအစီအစဉ်များ သဘောတူညီချက်အတိုင်း လိုက်နာခြင်းရှိမရှိ စစ်ဆေးရတာဖြစ်ပြီး ညွှန်ကြားရေးမှူးချုပ် ရာဖေးလ်မာရီယာနိုဂရော့စီက သောကြာနေ့ အင်တာဗျူးတစ်ခုမှာ ပြောကြားခဲ့တာကို CBS က တနင်္ဂနွေနေ့မှာ ဖော်ပြခဲ့တာပါ။

▪️ ထိခိုက်မှုပြင်းထန်ခဲ့ပေမယ့် အလုံးစုံပျက်စီးတာမျိုးမဟုတ်ဘဲ အီရန်အနေနဲ့ နျူကလီးယားရည်မှန်းချက်များ အကောင်အထည်ဖော်နိုင်မယ့်သဘော ရှိတယ်လို့ ဂရော့စီက ယူဆပါတယ်။

▪️ အီရန်မှာ ရည်မှန်းချက် အလွန်ကြီးမားတဲ့အစီအစဉ်ရှိခဲ့ပြီး ယခုထိ ရှိနေနိုင်ကြောင်း၊ သူတို့မှာ ထုတ်လုပ်နိုင်တဲ့ အသိပညာရှိနေနိုင်ကြောင်း ပြောပါတယ်။

▪️ အမေရိကန်သမ္မတ ဒေါ်နယ်ထရမ့်နဲ့ အခြားအရာရှိများကတော့ အမေရိကန်ဟာ အီရန်ရဲ့ နျူကလီးယား အဓိကစက်ရုံကြီး ၃ ခုကို လုံးဝဖြိုခွင်းလိုက်ပြီလို့ ဆိုထားပါတယ်။

▪️ ဒါပေမဲ့ ထောက်လှမ်းရေးအေဂျင်စီရဲ့ ကနဦးတင်ပြချက်ထဲမှာ နျူကလီးယားစက်ရုံတွေဟာ ထိခိုက်မှုအနည်းငယ်သာ ရှိခဲ့ပြီး နျူကလီးယားအစီအစဉ်တွေကို လပိုင်းနဲ့ပင် ပြန်စတင်နိုင်တယ်လို့ သုံးသပ်ထားပါတယ်။

▪️ အီရန်ဟာ တိုက်ခိုက်မခံရခင်မှာ ပါဝင်မှုမြှင့်တင်ထားတဲ့ ယူရေနီယံတွေကို အခြားနေရာသို့ လျှို့ဝှက်ရွှေ့ပြောင်းထားခဲ့နိုင်တယ်လို့လည်း ဂရော့စီက ပြောပါတယ်။

▪️ IAEA နဲ့ အီရန်တို့ ဆွေးနွေးမှုများ ပြန်လည်စတင်နိုင်ရန်နဲ့ နိုင်ငံတကာမှ စစ်ဆေးရေးမှူးတွေလည်း ဆက်လက်စစ်ဆေးမှုများ ပြုလုပ်နိုင်ရန် အရေးကြီးနေတယ်လို့ ဂရော့စီက ပြောသွားပါတယ်။

#Source: NPR