#Local_News
Published 1 May 2025

▪️ တိုက်ခန်းတွင်းထားရှိသည့် မီးစက်မှ ထွက်သောမီးခိုးနံ့ကြောင့် မိသားစုလေးဦးလုံးသေဆုံးခဲ့မှု စမ်းချောင်းမြို့နယ်တွင် ဖြစ်ပွားခဲ့ကြောင်း သိရသည်။

▪️ ဖြစ်စဉ်မှာယနေ့ မေလ၁ရက် နံနက် ၁၁နာရီ၄၅ မိနစ်အချိန် စမ်းချောင်းမြို့နယ်၊ လင်းလွန်းတောင်ရပ်ကွက်၊ ရွှေလောင်းလမ်း၊ အမှတ်(၄၄) (၄)လွှာ(အေ)အခန်းအတွင်း၌ နေထိုင်သူ လူ(၄)ဦး သေဆုံးနေကြောင်း သတင်းအရ ခရရမှူး ဒုရဲမှူးကြီး ခင်မောင်ဦး ဦးစီးအဖွဲ့၊ မနရမှူးရဲမှူးဝင်းနိုင် ဦးစီးအဖွဲ့၊ မြို့နယ်မီးသတ် ဦးစီးမှူး ဦးသူရဆွေ ဦးစီးအဖွဲ့တို့မှ သွားရောက်စစ်ဆေးခဲ့ရာ ဒေါ်အေးချို(အမှတ်-၄၃၂/ဘီ၊ မုဒိတာအိမ်ရာ၊ ၂-ရပ်ကွက်၊ မရမ်းကုန်းမြို့နယ်)မှ သားဖြစ်သူ ကိုကောင်းတို့မိသားစုနှင့် ဖုန်းဆက်သွယ် မရရှိမှုမှာ (၂)ရက်ခန့် ရှိပြီ ဖြစ်သဖြင့် ဒေါ်အေးချို မှ ဦးမျိုးထိုက်(အမှတ်-၄၄၊ ရွှေလောင်းလမ်း၊ စမ်းချောင်းမြို့နယ်)နေသူနှင့်အတူ အခန်းသို့ သွားရောက်ကြည့်ရှုခဲ့ရာ အခန်းအားအတွင်းမှ သော့ခတ်ထားသဖြင့် ချိုးဖျက် ဝင်ရောက်ကြည့်ရှုခဲ့ကြောင်း၊ ထိုသို့ ဝင်ရောက်ကြည့်ရှုစဉ် အခန်းအတွင်း၌ ကိုကောင်း(၃၀)နှစ်(ဘ)ဦးမင်းမင်းဦး၊ ၎င်း၏ ဇနီး မမိုးစန္ဒာ(၂၅)နှစ်(ဘ)ဦးမောင်ရီ၊ သားဖြစ်သူ ကောင်းသက်ပိုင် (၈)နှစ် နှင့် မဝင်းစန္ဓာ(၁၆)နှစ်(ဘ)ဦးခင်မောင်ရီ (မမိုးစန္ဒာ၏ညီမ)တို့(၄)ဦး၊ ခွေး(၁)ကောင်တို့အား သေဆုံး အနံ့များ ထွက်နေသည်ကို တွေ့ရှိခဲ့သဖြင့် သက်ဆိုင်ရာသို့ အကြောင်းကြားခဲ့ခြင်းဖြစ်ကြောင်း သိရသည်။

▪️ ပူးပေါင်းအဖွဲ့မှ ကနဦး စစ်ဆေးချက်အရ သေဆုံးသူ (၄)ဦး၌ ပြင်ပ ဒဏ်ရာများ မတွေ့ရှိရဘဲ အခန်းအတွင်း၌ ဆီကုန်နေသော ဓာတ်ဆီသုံး မီးစက်(၁)လုံးနှင့် အဲယားကွန်း တွေ့ရှိခဲ့သဖြင့် မြို့နယ်မီးသတ်ဦးစီးမှူး ဦးသူရဆွေ မှ အခန်းမှာ မှန်လုံခန်း ဖြစ်သဖြင့် မီးစက်အသုံးပြုစဉ် မီးခိုးမွှန်သေဆုံးခြင်း ဖြစ်နိုင်သည်ဟု ယူဆကြောင်းနှင့် သေဆုံးသူ (၄)ဦးနှင့်ပတ်သက်၍ ပူးပေါင်းအဖွဲ့ဖြင့်  စိစစ်လျက်ရှိကြောင်း၊ သေဆုံးသူ (၄)ဦးအား ရန်ကုန်ပြည်သူ့ဆေးရုံကြီးသို့ ပို့ဆောင်ခဲ့ကြောင်း သိရသည်။

#YMG/SW #Yangon_Times

#Local_News
Published_1 May 2025

▪️ ပါဟယ်လ်ဂမ် အကြမ်းဖက်တိုက်ခိုက်မှုကြောင့် ထိခိုက်သေဆုံးခဲ့ရသူများအား အောက်မေ့သတိရပြီး ဂါရဝပြု သည့် အခမ်းအနားကို ယမန်နေ့ဧပြီလ ၃၀ ရက်က ရန်ကုန်မြို့ အိန္ဒိယစင်တာတွင် ကျင်းပပြုလုပ်ခဲ့ကြောင်း သိရသည်။

▪️ အခမ်းအနားတွင်အဆိုပါ အကြမ်းဖက်တိုက်ခိုက်မှုကြောင့် ထိခိုက်နစ်နာခဲ့သူများ၏ထုတ်ဖော်ပြောဆိုမှုများအကြောင်းကို ဖော်ပြသည့် ၁၅ မိနစ်ကြာ ဗီဒီယိုကို အခမ်းအနားအတွင်း ပြသခဲ့ကြောင်းလည်း သိရသည်။

▪️ မြန်မာနိုင်ငံဆိုင်ရာ အိန္ဒိယသံအမတ်ကြီး Abhay Thakur၊ နိုင်ငံခြားရေးဝန်ကြီးဌာန၊ မဟာဗျူဟာလေ့လာရေးနှင့် လေ့ကျင့်ရေးဦးစီးဌာနမှ ညွှန်ကြားရေးမှူးချုပ် ဦးဇော်ဖြိုးဝင်း၊ မြန်မာနိုင်ငံလုံးဆိုင်ရာ ဟိန္ဒူဘာသာရေးဗဟို အဖွဲ့ ချုပ် ဥက္ကဋ္ဌ ဦးတင်မြင့်နှင့် မြန်မာ-အိန္ဒိယ ချစ်ကြည်ရေးအသင်း အကြံပေး ဦးဝင်းနိုင်တို့က အဆိုပါဖြစ်စဉ် တွင် သေဆုံးခဲ့ရသူများအား ပန်းများကြဲဖြန့်ကာ အောက်မေ့သတိရကြောင်း ဖော်ပြခဲ့ကြကြောင်း သိရ သည်။

▪️ ပါဟယ်လ်ဂမ်တွင် စက်ဆုပ်ရွံရှာဖွယ်ကောင်းသော အကြမ်းဖက်တိုက်ခိုက်မှု ဖြစ်စဉ်၌ အိန္ဒိယနိုင်ငံပြည်နယ် အသီးသီးမှ အိန္ဒိယနိုင်ငံသား ၂၅ ဦးနှင့် နီပေါနိုင်ငံသား တစ်ဦးတို့ပါဝင်သည့် အပြစ်မဲ့ ခရီးသွား ၂၆ ဦး သေဆုံးခဲ့ရကြောင်း သံ အမတ်ကြီးက အခမ်းအနားတွင် ပြောကြားခဲ့သည်။

▪️ ယင်းအပြင် အကြမ်းဖက်မှုကျူးလွန်သူများ၊ စီစဉ်သူများနှင့်ကျောထောက်နောက်ခံပြုသူများကို တရားမျှတမှု ရရှိစေရန် အိန္ဒိယ၏ သန္နိဋ္ဌာန်ကို ထပ်လောင်းအတည်ပြုခဲ့ပြီး အိန္ဒိယနိုင်ငံနှင့် စည်းလုံးညီညွှတ်စွာရပ်တည်ပြီး ခိုင်မြဲသော ပံ့ပိုးကူညီမှုအတွက် မြန်မာအစိုးရနှင့် ပြည်သူများကို ကျေးဇူးတင်ကြောင်းလည်း ၎င်းကပြောကြား ခဲ့ကြောင်း သိရသည်။

▪️ အဆိုပါအခမ်းအနားသို့ မြန်မာနိုင်ငံရေး ပါတီများမှ ကိုယ်စာလှယ်များနှင့် အကြီးအကဲများ၊ တတ်သိ ပညာရှင်များ၊ အိန္ဒိယနွယ်ဖွားများ၊ အိန္ဒိယ၏ မိတ်ဆွေများနှင့် မီဒီယာအဖွဲ့အစည်းများလည်း တက်ရောက် ခဲ့ကြကြောင်း သိရသည်။

#Yangon_Times/PP

#Local_News
Published_1 May 2025

▪️ မြစ်ကြီးနားမြို့၊ လေယာဉ်ကွင်းကို ယနေ့ မေလ ၁ ရက် မွန်းလွဲပိုင်း ၁၂ နာရီ ခွဲခန့်အချိန်တွင် ရှော့တိုက်ဒုံးဖြင့် အဝေးမှ ပစ်ခတ်တိုက်ခိုက်ခဲ့ကြောင်း သိရသည်။

▪️ ကချင်ပြည်နယ်၊ မြစ်ကြီးနားမြို့၊ လေယာဉ်ကွင်းအတွင်းရှိ အရေးကြီးအဆောက် အဦများအား ထိခိုက်ပျက်စီး စေရန်နှင့် ပြည်သူများအထိတ်တလန့်ဖြစ်စေရန် အကြံအစည်များဖြင့် KIA အဖွဲ့မှ အကြမ်းဖက်မှုကိုလိုလားသည့် အဖွဲ့များနှင့် PDF အမည်ခံအကြမ်းဖက်သမားများက ပစ်ခတ်ခဲ့ခြင်းဖြစ်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

▪️ ထိုကဲ့သို့ အကြမ်းဖက်သမားများ၏ ရှော့တိုက်ဒုံးဖြင့် ပစ်ခတ်တိုက်ခိုက်ခဲ့မှု ကြောင့် မြစ်ကြီးနားမြို့၊ လေယာဉ်ကွင်း၏ အရှေ့မြောက်ဘက် မီတာ ၄၅၀ အကွာနေရာ သို့ ရှော့တိုက်ဒုံး တစ်လုံး ကျရောက်ပေါက်ကွဲခဲ့ပြီး လူနှင့် အဆောက်အဦ ထိခိုက်ပျက် စီးမှုမရှိကြောင်း သိရသည်။

▪️ လက်ရှိတွင် အဆိုပါ ရှော့တိုက်ဒုံးပစ်ခတ်ခဲ့သည့် နေရာနှင့်အနီးဝန်းကျင်တစ်ဝိုက်ကို ပိတ်ဆို့စစ်ဆေးရှာဖွေမှုများ ဆောင်ရွက်လျက်ရှိပြီး ဆက်စပ်တရားခံများအား အမြန်ဆုံးဖမ်းဆီးရမိရေး လိုအပ်သည့် မေးမြန်းစစ်ဆေး မှုများ ဆက်လက်ဆောင်ရွက်လျက်ရှိကြောင်း သိရသည်။

#Yangon_Times/PP

အခုလအတွင်းမှာ နိုင်ငံအနှံ့ မုတ်သုံစတင်ဝင်ရောက်ပြီး ဒေသအများစုမှာတော့ မိုးဦးကာလ‌တွေမှာ အရင်နှစ်ကထက်မိုးပိုနိုင်တယ်လို့ ပြင်ပမိုးလေဝသပညာရှင် ဦးဝင်းနိုင်က သုံးသပ်ထားပါတယ်။
#Local_News
Published 01 May 2025
#မုတ်သုံစတင်ဝင်ရောက် #မိုးဦးတွင်မိုးပိုနိုင်
#YMG/NN #Yangon_Times

တောင်ကိုရီးယားနိုင်ငံကို ရောက်ရှိနေတဲ့ မြန်မာလုပ်သားတွေအနေနဲ့ ဝင်ငွေခွန် ပေးသွင်းရာမှာ သံရုံးဘဏ်စာရင်းသို့ တိုက်ရိုက်ပေးသွင်းရမယ်လို့ ကိုရီးယားရှိမြန်မာသံရုံးက ကြေညာချက်ထုတ်ပြန်လိုက်ပါတယ်။
#Local_News
Published 01 May 2025
#ကိုရီးယားရောက်မြန်မာ #ဝင်ငွေခွန်ကိုသံရုံးဘဏ်စာရင်းသို့တိုက်ရိုက်ပေးသွင်းရ
#YMG/SW #Yangon_Times

နေပြည်တော်ပြည်ထောင်စုနယ်မြေအတွင်း ငလျင်ဘေးကြောင့် ယာယီရွှေ့ပြောင်းနေထိုင်ရာစခန်းများမှပြည်သူများအား လူမှုရေးနဲ့စိတ်ပိုင်းဆိုင်ရာ အထောက်အပံ့ဖြစ်စေဖို့ နှစ်သိမ့်ဆွေးနွေးပညာပေးလုပ်ငန်း‌တွေကို ဆောင်ရွက်‌ပေးလျက်ရှိတယ်လို့ ကျန်းမာရေးဝန်ကြီးဌာနမှ သိရပါတယ်။
#Local_News
Published 01 May 2025
#ငလျင်ဒဏ်ခံစားခဲ့ရသူများ #နှစ်သိမ့်ဆွေးနွေးပညာပေး
#YMG/SW #Yangon_Times

ငလျင်ဒဏ်သင့် အဆောက်အအုံ‌တွေ ပြန်လည်ဆောက်ရာမှာ မူလတည်ဆောက်ခဲ့တဲ့ ကုမ္ပဏီ‌တွေကို တာဝန်ပေးခြင်းအပါအဝင် နည်းလမ်း ၃ မျိုးနဲ့ ဆောင်ရွက်မယ်လိုအဆောက်အဦများ ပြန်လည်ပြုပြင်အသုံးပြုရေးနှင့် အသစ်တည်ဆောက်ရေးကြီးကြပ်မှုကော်မတီ ဥက္ကဋ္ဌဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီးမောင်မောင်အေးက ပြောပါတယ်။
#Local_News
Published 01 May 2025
#အဆောက်အအုံများပြန်ဆောက်ရေး #နည်းလမ်း၃မျိုးဖြင့်ဆောင်ရွက်
#YMG/SW #Yangon_Times

#World
May 1, 2025 | Mumbai

▪️ Indian Prime Minister Narendra Modi delivered the opening address at the World Audio Visual and Entertainment Summit (WAVES 2025), which officially commenced today at the Jio World Convention Center in Mumbai.

▪️ The high-profile summit has drawn over 10,000 attendees from around the world, including media professionals, government representatives, and entertainment industry leaders. Bollywood celebrities and prominent figures in the global audio-visual sector were also in attendance, highlighting the event’s significance on the international stage.

▪️ Myanmar is being represented by Deputy Minister for Information U Ye Tint, alongside delegates from various Myanmar media outlets. Their participation underscores Myanmar’s growing engagement in global media and entertainment dialogues.

▪️ WAVES 2025 aims to foster cross-border collaboration, innovation, and dialogue in the fields of broadcasting, film, and entertainment technology.

#YMG #Yangon_Times #Yangon_Media_Group

#Local_News
Published 1 May 2025

▪️ မန္တလေးစာဖြေဌာနတွင် ဇူလိုင်လ၌ပြုလုပ်မည့် ဂျပန်ဘာသာစကားအရည်အချင်းစစ်စာမေးပွဲ(JLPT)ကို ရန်ကုန်တွင် ပြောင်းလဲကျင်းပမည်ဖြစ်ကြောင်း JLPT စာမေးပွဲကျင်းပရေးကော်မတီ မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA)မှ ထုတ်ပြန်ထားသည်။

▪️ JLPTစာမေးပွဲ ကျင်းပမည့် မန္တလေးစာဖြေဌာနများတွင် ငလျင်ဒဏ်သင့်ခဲ့သည့် အဆောက်အအုံများ ပြန်လည်စစ်ဆေးခြင်းနှင့် ပြင်ဆင်ခြင်းများအတွက် အချိန်ကြာမြင့်မည်ဖြစ်ရာ လာမည့် ဇူလိုင်လတွင် စာမေးပွဲကျင်းပရန် အခက်အခဲများရှိသည့်အတွက် မန္တလေးစာဖြေဌာနများ၌ ဖြေဆိုရန် လျှောက်ထားခဲ့သည့် စာဖြေသူများအနေဖြင့် Level အားလုံးကို ရန်ကုန်မြို့တွင် ပြောင်းလဲဖြေဆိုရမည်ဖြစ်ကြောင်း သိရသည်။

▪️ ထို့ကြောင့် မန္တလေးစာဖြေဌာန၌ လျှောက်ထားခဲ့သူများအနေဖြင့် ရန်ကုန်စာဖြေဌာန၌ ပြောင်းလဲဖြေဆိုလိုခြင်း မရှိပါက စာမေးပွဲဖြေဆိုရန် လျှောက်ထားမှုကို ပယ်ဖျက်နိုင်ပြီး စာမေးပွဲကြေးပေးသွင်းငွေကိုလည်း ပြန်လည် ထုတ်ယူရန် လျှောက်ထားနိုင်ကြောင်း၊ လျှောက်ထားမှုကို ပယ်ဖျက်လိုသူများအနေဖြင့် Google Form မှတဆင့် ဧပြီ ၂၅ ရက်နေ့မှ မေလ ၁၂ ရက်နေ့ ညနေ၄ နာရီ အချိန်အတွင်း စာရင်းပေးသွင်းရမည်ဖြစ်ပြီး စာမေးပွဲကြေးပြန်လည်လွှဲပြောင်းပေးမည့်ရက်ကို ထပ်မံကြေညာပေးသွားမည်ဖြစ်ကြောင်း၊ ထိုသတ်မှတ်ကာလတွင် Google Form ဖြင့် ပယ်ဖျက်ကြောင်း စာရင်းပေးသွင်းလာခြင်းမတွေ့ရှိရပါက ရန်ကုန်စာဖြေဌာနတွင် ပြောင်းရွှေ့ဖြေဆိုသူအဖြစ်စာရင်းသွင်း သတ်မှတ်မည်ဖြစ်ကြောင်း သိရသည်။

#YMG/SW #Yangon_Times

#Local_News
၁ မေ ၂၀၂၅

▪️ ကမ္ဘာ့အသံရုပ်မြင်နှင့်ဖျော်ဖြေရေး ထိပ်သီးတွေ့ဆုံပွဲ ၂၀၂၅WAVES 2025 / World Audio Visual and Entertainment Summit ကို အိန္ဒိယနိုင်ငံမွမ်ဘိုင်းမြို့ရှိ Jio World Convention Center တွင်ကျင်းပနေရာ အိန္ဒိယဝန်ကြီးချုပ် မိုဒီတက်ရောက်အမှာစကားပြောကြားပြီး ဘောလီဝုဒ်အကျော်အမော်များ၊ ဖျော်ဖြေရေးလောကမှထင်ရှားကျော်ကြားသူများတက်ရောက်နေသည်။

▪️ အဆိုပါပွဲသို့ မြန်မာနိုင်ငံမှ ပြန်ကြားရေး ဒုတိယဝန်ကြီးဦးရဲတင့်နှင့်အတူ မြန်မာမီဒီယာများတက်ရောက်နေပြီး ကမ္ဘာတစ်လွှားမီဒီယာများ ၊ အစိုးရတာဝန်ရှိသူများ၊ ဖျော်ဖြေရေးလုပ်ငန်းများမှ စိတ်ပါဝင်စားသူများ တစ်သောင်းကျော်တက်ရောက်နေသည်။
#YMG #Yangon_Times #Yangon_Media_Group

#World_News
Published 01 May 2025

▪️ အမေရိကန်သမ္မတ ဒေါ်နယ်ထရမ့်မှ အလေးထားတင်သွင်းတဲ့ သဘောတူညီချက်တစ်ရပ်ကို ယူကရိန်းနဲ့ အမေရိကန်တို့ ဗုဒ္ဓဟူးနေ့က လက်မှတ်ရေးထိုးခဲ့သဖြင့် ယူကရိန်းတွင်းထွက်သတ္တု သဘောတူညီချက်အသစ်များနဲ့ ယူကရိန်းပြန်လည်ဆောက်လုပ်ရေးမှ ရန်ပုံငွေရင်းနှီးမြှုပ်နှံတို့ကို အမေရိကန်ပြည်ထောင်စုမှ ဦးစားပေးရနိုင်ခွင့် ပေးသွားမှာဖြစ်ပါတယ်။

▪️ လနဲ့ကြာတဲ့အထိ ညှိနှိုင်းမှုများ အဆင်မပြေခဲ့ပြီးနောက် နှစ်နိုင်ငံဟာ ဝါရှင်တ်မှာ သဘောတူလက်မှတ်ရေးထိုးခဲ့တာဖြစ်ပြီး နောက်ဆုံးအချိန်မတိုင်ခင်အထိ မရေရာမသေချာဖြစ်ခဲ့ပါသေးတယ်။

▪️ ၃နှစ်ကြာမြင့်နေပြီဖြစ်တဲ့ ရုရှား-ယူကရိန်းစစ်ပွဲအတွက် ငြိမ်းချမ်းရေးရရှိရန် ထရမ့်ကြိုးစားနေရာ အဆိုပါ သဘောတူညီချက်က ယူကရိန်းပြန်လည်တည်ဆောက်ရေးအတွက် ပူးတွဲရင်းနှီးမြှုပ်နှံမှုရန်ပုံငွေ ရရှိစေမှာဖြစ်ပါတယ်။

▪️ ထရမ့်တို့နဲ့ ဆက်ဆံရေးပြန်လည်သင့်မြတ်ဖို့ ယူကရိန်းအားထုတ်ရာမှာ ဒီသဘောတူညီချက်က အခရာကျနေပြီး ယူကရိန်းကာကွယ်ရေးအတွက် အမေရိကန်မှ ဆက်လက်ကူညီထောက်ပံ့စေနိုင်မယ်လို့ ယူကရိန်းအရာရှိများ မျှော်လင့်ထားကြပါတယ်။

▪️ အမေရိကန်ဘဏ္ဍာရေးဝန်ကြီး စကော့ဘက်ဆန့်နဲ့ ယူကရိန်းဒုဝန်ကြီး ယူလီယာဆဗီရီဒင်ကိုတို့ သဘောတူလက်မှတ်ရေးထိုးနေပုံကို Xဆိုရှယ်မီဒီယာမှာ ဖော်ပြထားပြီး အမေရိကန်အစိုးရက လွတ်လပ်ပြီး ကိုယ်ပိုင်အချုပ်အခြာ အာဏာပိုင် ယူကရိန်းဖြစ်လာဖို့ ကတိပြုတဲ့သဘော မြင်နေရပါတယ်။

▪️ ယူကရိန်းအတွက် တိုက်ရိုက်ဘဏ္ဍာရေး ပေးပို့မှုများအပြင် လေကြောင်းကာကွယ်ရေးစနစ်လိုမျိုး ထောက်ပံ့မှုတွေလည်း ပါဝင်နိုင်တယ်လို့ ဆိုပါတယ်။

▪️ သဘောတူညီချက်အရ ယူကရိန်းပိုင်တဲ့မြေတွေမှာ ဘယ်နေရာမှ ဘာပစ္စည်းတွေကို တူးဖော်ရမလဲဆိုတာကို ယူကရိန်းက ဆုံးဖြတ်ခွင့်ရှိတယ်လို့ ဆဗီရီဒင်ကိုက ပြောပါတယ်။

▪️ ယူကရိန်းမြေဟာ ရှားပါးသတ္တုများကြွယ်ဝသလို သံ၊ ယူရေနီယံ၊ သဘာဝဓာတ်ငွေ့တို့လည်း အများအပြားရှိနေပါတယ်။

#Source: Reuters

#World_Health
Published 1 May 2025

▪️ အမျိုးသားများ သန္ဓေတားခြင်းနဲ့ ပတ်သက်ပြီး စမ်းသပ်အောင်မြင်မှုတစ်ခု ရရှိထားပါတယ်။

▪️ လက်ရှိမှာရနိုင်တဲ့ ကွန်ဒုံးအသုံးပြုခြင်းနဲ့ ယောကျ်ားသားကြောဖြတ်ခြင်းတို့ပြင် အခုဆိုရင် တတိယမြောက်နည်းလမ်း ရှိလာတော့မှာ ဖြစ်ပါတယ်။

▪️ ကွန်ဒုံးကို မှန်ကန်စွာအသုံးပြုရင် ကိုယ်ဝန်တားနိုင်တဲ့အပြင် လိင်ကြောင့်ဖြစ်တဲ့ STDရောဂါတွေလည်းကို ကာကွယ်ရာမှာ ထိရောက်မှုရှိပါတယ်။

▪️ ယောကျ်ားသားကြောဖြတ်ခြင်းကတော့ ခွဲစိတ်ကုထုံးတစ်ခုဖြစ်ပြီး ပြန်ဆက်နိုင်ပေမယ့် အာမခံချက်မရှိပါဘူး။

▪️ ယခု YCT-529ဆိုတဲ့ဆေးသစ်က နယူးယော့ခ်ရှိ ကိုလံဘီယာတက္ကသိုလ်နဲ့ YourChoice Therapeuticsတို့မှ ပူးပေါင်းထုတ်လုပ်စမ်းသပ်ထားတဲ့ ဟော်မုန်းမပါ သောက်ဆေးတစ်မျိုးဖြစ်ပါတယ်။

▪️ ဒီဆေးက သုတ်ပိုးထုတ်လုပ်မှုလမ်းကြောင်းကို တားဆီးပြီးတော့ တချိန်တည်းမှာပဲ တက်စတိုစတီရုန်းပမာဏ ယိုယွင်းခြင်းလည်း မဖြစ်စေပါဘူး။

▪️ မကြာသေးမီက လေ့လာချက်မှာ ကြွက်ထီးတွေမှာ ဆေးအသုံးပြုပြီးနောက် ၆ ပတ်အတွင်း၊ မျောက်ထီးတွေမှာ ၁၀ ပတ်မှ ၁၅ ပတ်အတွင်း သန္ဓေအောင်နိုင်စွမ်း ပြန်လည်ရရှိခဲ့တယ်လို့ ဖော်ပြထားပါတယ်။

▪️ ကြွက်တွေမှာ အသုံးပြုပြီး ၄ ပတ်အတွင်း ကိုယ်ဝန်တားဆီးနိုင်ကာ မျောက်တွေမှာ ၂ ပတ်အတွင်း ကိုယ်ဝန်တားဆီးနိုင်ခဲ့ပါတယ်။

▪️ ဒုတိယအဆင့်စမ်းသပ်မှု အစောပိုင်းကို နယူးဇီလန်မှာ ပြုလုပ်သွားဖို့စီစဉ်ထားပြီး သားကြောဖြတ်ဖို့ ရွေးချယ်ထားတဲ့ အမျိုးသားတွေနဲ့ အနာဂတ်မှာ ကလေးမလိုချင်တဲ့သူတွေမှာ စမ်းသပ်ဖို့ရည်ရွယ်ထားကာ ပထမအဆင့်စမ်းသပ်မှုမှာတော့ ကျန်းမာသန်စွမ်းတဲ့ အမျိုးသားတွေမှာ ၉၉ ရာခိုင်နှုန်း ထိရောက်မှုရှိပြီး ဘေးကင်းစိတ်ချရပါတယ်။

▪️ ကုလသမဂ္ဂလူသားထောက်ပံ့ရေးအဖွဲ့ အဆိုအရ ၂၀၁၅ မှ ၂၀၁၉ အတွင်း မရည်ရွယ်ဘဲရရှိတဲ့ ကိုယ်ဝန်အရေအတွက်ဟာ နှစ်စဉ် ၁၂၁ သန်းခန့်ရှိမယ်လို့ ခန့်မှန်းခဲ့ပါတယ်။

▪️ ဒီစမ်းသပ်မှုသာအောင်မြင်ခဲ့ရင် အမျိုးသားတွေရဲ့ သန္ဓေတားနည်းလမ်းမှာ တိုးတက်လာနိုင်ပြီး စုံတွဲတွေအနေနဲ့ တန်းတူမျှတမှု၊ သန္ဓေတားခြင်းကို ပြန်ပြောင်းနိုင်မှု၊ အမျိုးသားများအတွက် မျိုးပွားနိုင်စွမ်း ကိုယ်ပိုင်လုပ်ပိုင်ခွင့် ရနိုင်မှုတို့ ရရှိလာနိုင်ပါတယ်။

#Source: India Today