#LocalNews
Published - 13 May 2022

ပို့ကုန်ရငွေပြန်လည်ဝင်ရောက်ဖို့ကျန်နေတဲ့ ကုမ္ပဏီ (၁၇၇)ခုအနက် ကုမ္ပဏီ(၁၅၈)ခုကို ဥပဒေအရ အရေးယူဆောင်ရွက်နေတာတွေ၊ ကုမ္ပဏီဒါရိုက်တာအဖွဲ့ဝင်တွေကို အမည်မည်းစာရင်းကြေညာခဲ့တာတွေ ဆောင်ရွက်ခဲ့ပြီးနောက် ကျန်ရှိနေတဲ့ကုမ္ပဏီ(၁၉)ခုကိုလည်း ထပ်မံအရေးယူနေသလို ဒါရိုက်တာအဖွဲ့ဝင်တွေကိုလည်း အမည်မည်းစာရင်းထည့်သွင်းကြောင်း မြန်မာနိုင်ငံတော် ဗဟိုဘဏ်ကမေလ(၁၂)ရက်မှာ ကြေညာချက်ထုတ်ပြန်လိုက်ပါတယ်၊၊

၂၀၁၆ ခုနှစ်မှ ၂၀၁၈ခုနှစ်အတွင်း ပို့ကုန်ပို့ပြီး ပို့ကုန်ရငွေပြန်လည်ဝင်ရောက်ဖို့ကျန်နေတဲ့ ကုမ္ပဏီ (၁၇၇)ခု အနက်ကုမ္ပဏီ(၁၅၈)ခုကို ဦးစွာအရေးယူဆောင်ရွက်တာ၊ အမည်မည်းစာရင်းကြေညာခဲ့ပြီးနောက် ကျန်ရှိနေတဲ့ကုမ္ပဏီ(၁၉)ခုကိုလည်း ဆက်လက်ဆောင်ရွက်ခဲ့တာဖြစ်တယ်လို့ ဗဟိုဘဏ်ရဲ့ ထုတ်ပြန်ချက်မှာ ဖော်ပြထားပါတယ်၊၊

မြန်မာနိုင်ငံတော်ဗဟိုဘဏ်အနေနဲ့ ဆက်လက်ပြီးတော့လည်း ကျန်ရှိနေသေးတဲ့ ပို့ကုန်ရငွေ မဝင်တဲ့ ကုမ္ပဏီတွေကို စိစစ်ပြီးအရေးယူသွားမှာဖြစ်တယ်လို့ ထုတ်ပြန်ချက်မှာ ဖော်ပြပါရှိပါတယ်၊၊

ymg/tthl
#Yangon_Media_Group

#Local_News
Published_ 13 May 2023

မန္တလေးမြို့၊ ကျုံးလေးပြင်ရှိ လမ်းများပေါ်တွင် သံဃာတော်အပါး ၁၀၂၆၄ ပါးကို လှူဒါန်းမည့် ဆွမ်းလောင်းပွဲကို မန္တလေးတိုင်းဒေသကြီးအစိုးရအဖွဲ့ကြီးမှူး၍ မေ ၁၄ ရက် ကဆုန်လပြည့်နေ့ နံနက်ပိုင်း၌ ကျင်းပသွားမှာ ဖြစ်ကြောင်း သိရပါတယ်။

မန္တလေးမြို့ပေါ်ရှိ ကျောင်းတိုက်တွေက သံဃာတော်အပါး ကို ၁၀၂၆၄ ပါး လာမယ့်မေ ၁၄ ရက် ကဆုန်လပြည့်နေ့မှာ ဆွမ်းခံကြွဖို့ ဖိတ်ကြားထားကြောင်း သိရပါတယ်။

ဆွမ်းလောင်းပွဲကို မေ ၁၄ရက် နံနက် ၆နာရီတွင် စတင်မည်ဖြစ်ပြီး ၆၆ လမ်းအတိုင်း ကျုံးအရှေ့ဘက်(အရှေ့ပြင်)တွင် သံဃာတော် ၂၅၆၆ ပါး၊ ၂၆ လမ်းအတိုင်း ကျုံးတောင်ဘက်(တောင်ပြင်)
တွင် သံဃာတော် ၂၅၆၆ ပါး၊ လမ်း ၈ဝ အတိုင်း ကျုံးအနောက်ဘက်(အနောက်ပြင်) တွင် သံဃာတော် ၂၅၆၆ ပါး၊ ၁၂ လမ်းအတိုင်းကျုံးမြောက်ဘက် (မြောက်ပြင်) တွင် သံဃာတော် ၂၅၆၆ ပါး စုစုပေါင်း သံဃာတော် ၁၀၂၆၄ ပါးကို မန္တလေးတိုင်းဒေသကြီးအစိုးရအဖွဲ့နှင့်အလှူရှင်များက ဆွမ်း၊ ဆွမ်းဟင်း၊ လှူဖွယ်ပစ္စည်းများနှင့် နဝကမ္မဝတ္ထုငွေများကို လောင်းလှူသွားမှာ ဖြစ်ကြောင်းလည်း သိရပါတယ်။

ymg_mnn
#Yangon_Media_Group

#WorldHealth
Published 13 May 2022

နာတာရှည်စိတ်ဖိစီးမှုများခြင်းက အမျိုးသမီးတွေရဲ့မျိုးဥအိမ်ထဲက မျိုးဥအရေအတွက် ကျဆင်းစေပြီး မျိုးအောင်နိုင်စွမ်းထိခိုက်စေကြောင်း လေ့လာချက်မှာဖော်ပြထားပါတယ်။

တရုတ်သုတေသီများက ကြွက်မများဖြင့် စမ်းသပ်ကြရာ အဖွဲ့သုံးဖွဲ့ခွဲပြီး စိတ်ဖိစီးမှုဖြစ်လာအောင် အော်ဟစ်ခြင်း၊ ဆူညံသံပြုလုပ်ခြင်း၊ နောက်ခံသံပြုလုပ်ခြင်းများကို ၃ ပတ်တိုင်‌‌‌အောင် နေ့စဉ် ၆ နာရီ နားထောင်ခိုင်းခဲ့ပါတယ်။

အော်ဟစ်သံကိုနားထောင်ခိုင်းခဲ့တဲ့ ကြွက်မတွေက မွေးဖွားတဲ့အခါ အကောင်ရေသိသိသာသာနည်းပါးသွားခဲ့ပါတယ်။

ဒီလိုဖြစ်ရတာဟာ အီစထရိုဂျင်အမျိုးသမီးဟော်မုန်းနဲ့ မျိုးဥအိမ်များရှိ မျိုးပွားဆဲလ်များနဲ့ ဆက်စပ်နေတဲ့ အန်တီမူလေရီယန်ဟော်မုန်းများ နည်းပါးသွားတာကြောင့်ဖြစ်ကြောင်း သိပ္ပံပညာရှင်များရှင်းပြလိုက်ပါတယ်။

စိတ်ဖိစီးမှုက အဓိကဟော်မုန်းထွက်ရှိမှုကို တားဆီးပေးပြီး မျိုးပွားနိုင်စွမ်းကို ထိခိုက်စေကာ ဓမ္မတာ ရပ်တန့်သွားတဲ့အထိ ဖြစ်တတ်ပါတယ်။

စိတ်ဖိစီးမှုက အမျိုးသားတွေမှာလည်း မျိုးအောင်နိုင်စွမ်းကျဆင်းစေပြီး တက်စ်တိုစထရုန်းဟော်မုန်းလျော့နည်းကာ သုတ်ပိုးအရေအတွက်နည်းပါးစေပါတယ်။

တရုတ်မြောက်ပိုင်းရှိ ရှန်ကျိုတုန်တက္ကသိုလ်မှသုတေသီများက ကြွက်မအကောင် ၁၀၀ ကို စိတ်ဖိစီးမှုများ အောင်ပြုလုပ်ပြီး Endocrinology ဂျာနယ်မှာ ဖော်ပြခဲ့ပါတယ်။

ကြွက် ၃ ပုံ ၁ ပုံကို မနက်နဲ့ညနေတိုင်း ၃ နာရီကြာအောင် အော်ဟစ်သံများနားထောင်စေခဲ့ပါတယ်။

နောက်ထပ် ၃ ပုံ ၁ ပုံက ကြိမ်နှုန်းအားလုံးရဲ့ဆူညံသံများ နားထောင်စေခဲ့ပြီး ကျန်တဲ့ကြွက်တွေကိုတော့ နောက်ခံအသံများဖြင့်သာ စမ်းသပ်ခဲ့ကြပါတယ်။

ရက်အနည်းငယ်ကြာပြီးနောက် မျိုးဥအရေအတွက်နဲ့ ဟော်မုန်းပမာဏကို စစ်ဆေးခဲ့ကြပါတယ်။

အော်ဟစ်သံများ နားထောင်စေခဲ့တဲ့ ကြွက်မတွေက အကောင်ရေအနည်းဆုံးပေါက်ဖွားခဲ့ပြီး နောက်ခံအသံသာ နားထောင်ခိုင်းခဲ့တဲ့ ကြွက်တွေက အများဆုံးမွေးဖွားနိုင်ခဲ့ပါတယ်။

အော်ဟစ်သံဖြင့် စမ်းသပ်ခဲ့တဲ့ ကြွက်မ‌တွေရဲ့ မျိုးဥတွေကိုလေ့လာကြည့်ရာမှာ ဆဲလ်ထိခိုက်ပျက်စီးမှုများ တွေ့ရပါတယ်။

အဆိုပါ အချက်အလက်တွေအရ စိတ်ဖိစီးခြင်းက မျိုးဥအရေအတွက် ထိခိုက်တာနဲ့ ဆက်စပ်နေတယ်လို့ ကောက်ချက်ချနိုင်ကြောင်း ဒေါက်တာ’ဝမ်ယန်’က ဖော်ပြထားပါတယ်။

ဒီတွေ့ရှိချက်က လက်ရှိ‌ဆေးပညာအပေါ် တိုးတက်မှုရှိလာစေမှာဖြစ်ပြီး မျိုးဥလျော့နည်းရတဲ့အခြေအနေကို သဘောပေါက်လာစေမှာဖြစ်ပါတယ်။

Source: DailyMail
#Yangon_Media_Group

#WorldHealth
Published 13 May 2022

တရုတ်အစိုးရက ကိုဗစ်ထိန်းချုပ်ကန့်သတ်ချက်များကို အချိန်ကြာမြင့်စွာတင်းတင်းကြပ်ကြပ်ချမှတ်ထားခဲ့ရာမှ ကန့်သတ်ချက်များကို ဖြေလျှော့လိုက်ပါက အိုမီခရွန်ဗိုင်းရပ်စ်ကူးစက်ပျံ့ပွားသွားနိုင်ပြီး ကိုဗစ်လှိုင်းကြောင့်သေဆုံးသူ ၁.၆ သန်းရှိလာနိုင်တယ်လို့ ရှန်ဟိုင်းမြို့ ဖူဒန်တက္ကသိုလ်မှ သုတေသီများက ခန့်မှန်းဖော်ထုတ်လိုက်ပါတယ်။

တရုတ်ပြည်က ကိုဗစ်ကာကွယ်ဆေးထိုးနှံခြင်း စီမံကိန်းမှာ ရရှိလာတဲ့ရောဂါကာကွယ်နိုင်စွမ်းက လုံလောက်ခြင်းမရှိဘဲ ဗိုင်းရပ်စ်ကလည်း ကိုယ်ခံအားကာကွယ်နိုင်စွမ်းကို ခံနိုင်ရည်ရှိလာတာကြောင့် ဆေးရုံဆေးခန်းအထူးကြပ်မတ်ဆောင်တွေမှာ စုပြုံလာနိုင်ပါတယ်။

တရုတ်ရဲ့ကိုဗစ်ထိန်းချုပ်ရေးပေါ်လစီကို တစိုက်မတ်မတ်လိုက်နာဆောင်ရွက်ခဲ့ကြရာ ကပ်ရောဂါကာလတလျှောက် ကိုရိုနာဗိုင်းရပ်စ်ကိုထိန်းချုပ်ထားနိုင်ခဲ့ပြီး အဆိုပါလမ်းစဉ်အတိုင်းဆက်လက်ဆောင်ရွက်သွားသင့်ကြောင်း လေ့လာချက်မှာ ဖော်ပြထားပါတယ်။

ကိုဗစ်စစ်ဆေးရေးဆောင်ရွက်ချက်တွေ တင်းကြပ်တဲ့လော့ဒေါင်းတွေသာ မရှိပါက မေလနဲ့ဇူလိုင်လအတွင်း အိုမီခရွန်ကူးစက်သူ ၁၁၂.၂ သန်း၊ ဆေးရုံတက်ကုသခံယူရသူ ၅.၁ သန်း၊ သေဆုံးသူ ၁.၆ သန်းရှိလာနိုင်လို ဖော်ပြထားပါတယ်။

တင်းကြပ်တဲ့ထိန်းချုပ်ချက်တွေက ရောဂါကူးစက်မှုကို ထိန်းချုပ်ထားနိုင်ပေမယ့် လူမှုစီးပွားရေးတွေကိုတော့ ထိခိုက်စေလျက်ရှိပါတယ်။

တရုတ်ပြည်မှာ လော့ဒေါင်းချထားတဲ့ကာလအတွင်း ပြည်သူများကျန်းမာရေးစောင့်ရှောက်မှုရရှိဖို့ခက်ခဲနေခဲ့ပြီး ထုတ်လုပ်ရေးစက်ရုံများ၊ ကုန်ကြမ်းထုတ်လုပ်မှုများ၊ အလုပ်ကဏ္ဍများ ထိခိုက်ခဲ့ရတာကြောင့် လတ်ဆတ်တဲ့အစားအစာရရှိဖို့ ခက်ခဲနေခဲ့ပါတယ်။

တရုတ်ရဲ့ကိုဗစ်ထိန်းချုပ်ရေးပေါ်လစီက စီးပွားရေးကို ထိခိုက်စေတာကြောင့် ပြောင်းလဲဆောင်ရွက်ဖို့ စဉ်းစားသုံးသပ်သင့်ကြောင်း WHO အထွေထွေအတွင်းရေးမှူးချုပ်က တရုတ်ကိုတောင်းဆို လိုက်ပါတယ်။

WHO အကြီးအကဲတစ်ယောက်က နိုင်ငံတစ်နိုင်ငံရဲ့ ကိုဗစ်ထိန်းချုပ်ရေးပေါ်လစီကို ဝင်ရောက်စွက်ဖက်တာမျိုးက ဖြစ်တောင့်ဖြစ်ခဲဖြစ်ပြီး အစောပိုင်းကလည်း ဗိုင်းရပ်စ်စတင်ပေါ်ပေါက်ရာ တရုတ်နိုင်ငံကို မျက်နှာသာပေးဆက်ဆံခဲ့လို WHO အကြီးအကဲ ဝေဖန်ခံခဲ့ရပါတယ်။

သမ္မတ’ရှီကျင့်ဖင်’က တင်းကြပ်တဲ့ ကိုဗစ်ပေါ်လစီတွေနဲ့ ကိုဗစ်စစ်ဆေးရေး ကိစ္စရပ်များကို ဆက်လက် ချမှတ်ထားဆဲဖြစ်ပါတယ်။

Source: Bloomberg
#Yangon_Media_Group

Published_13 May 2022

တိုင်းရင်းသားလက်နက်ကိုင် အဖွဲ့အစည်များနှင့် လွတ်လွတ်လပ်လပ်ဆွေးနွေးမှုကြောင့် ရသင့်သည့် အဖြေတစ်ခုရရှိလာမည်ဖြစ်ကြောင်း နစက ဥက္ကဌ က ပြောကြားလိုက်သည်။

မေလ ၁၂ ရက်တွင်ကျင်းပခဲ့သောနိုင်ငံတော်စီမံအုပ်ချုပ်ရေးကောင်စီအစည်းအဝေး (၄/၂၀၂၂)တွင် သူက အထက်ပါအတိုင်း ပြောကြားလိုက်ခြင်း ဖြစ်သည်။

“တိုတောင်းသည့်ကာလအတွင်းအဖြေတစ်ခုခုရရှိဖို့ အဖွဲ့အစည်းများအလိုက် ဥက္ကဋ္ဌနှင့်ညှိနှိုင်းတိုင်ပင်နိုင်ရန် နှစ်ဦးတို့ကို မိမိနှင့် သီးခြားစီတွေ့ဆုံဖို့ စီမံဆောင်ရွက်ခဲ့ပါတယ်။ လွတ်လပ်စွာဆွေးနွေးနိုင်ဖို့ဖိတ်ခေါ်ခဲ့တာပါ။ အဲသလိုဆွေးနွေးမှုကြောင့် ရသင့်တဲ့ အဖြေတစ်ခုရရှိလာမှာဖြစ်ပြီးထပ်မံတွေ့ဆုံဆွေးနွေးမှုတွေဆက်လက်ဆေင်ရွက်သွားပါမယ်” ဟု ဗိုလ်ချူပ်မှူကြီး မင်းအောင်လှိုင်က ပြောကြားခဲ့ခြင်းဖြစ်သည်။

ယင်းအပြင် အခွင့်အာဏာများခွဲဝေခံစားခြင်း၊ မျှဝေခံစားခြင်းများရရှိစေရန် ဆောင်ရွက်ရန်လိုကြောင်း၊ ထို့ကြောင့် ပါတီစုံဒီမိုကရေစီစနစ်၊ ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စု စနစ်ကိုသွားရမည်ဖြစ်ကြောင်းထည့်သွင်းပြောကြားခဲ့သည်။

"မူလက တက်မယ်လို့ ဆန္ဒရှိနေပြီးတော့မှ လာမတက်ဘူးဆိုပြီး တော့ ဆုံးဖြတ်ချက်ချခဲ့တာ KNU အဖွဲ့ဖြစ်ပါတယ်။ KNU ရယ် နောက်တစ်ခါ KIA ရယ်၊ KNPP ကတော့ အဲ့ဒီနယ်မြေတွေမှာရှိတဲ့ တချို့သော သူတို့ဆီက အဖွဲ့အစည်းတွေက ကျွန်တော်တို့ဆီမှာ လက်ရှိ အကြမ်းဖက်လို့ သတ်မှတ်ထားတဲ့ PDF နောက်တစ်ခါ CRPH သူတို့နဲ့ ဆက်နွယ်နေတဲ့ဟာတွေရှိတာတွေ့တယ်။ နောက်တစ်ခါ ဒီအဖွဲ့တွေက ပြည်ပနိုင်ငံရဲ့ ပတ်သက်မှုနဲ့ ဆက်နွယ်နေတယ်လို့လည်း ကျွန်တော်တို့ သိထားပါတယ်။ ဒါကြောင့်လည်းသူတို့က ကျွန်တော်တို့ရဲ့ ဆွေးနွေးပွဲနဲ့ပတ်သက်ပြီးတော့ မတက်ဘူးဆိုတဲ့အကြောင်း ထုတ်ပြန်ခဲ့တာဖြစ်တယ်လို့ ကျွန်တော်တို့ တွေ့ရှိ ရပါတယ် "ဟုနစက ဥက္ကဌ က ပြောသည်                                                                  

 "နိုင်ငံ့အရေး၊ ကိုယ့်ပြည်တွင်းအရေးမှာ ပြည်ပက ပါဝင်နေသမျှကာလပတ်လုံးတိုင်းပြည် တည်ငြိမ်အေးချမ်းဖိုဆို့တာတော်တော်ခက်ကြောင်း၊ မြန်မာနိုင်ငံရဲ့အရေးကို မြန်မာနိုင်ငံသားတွေပဲ ဆုံးဖြတ်ဖို့ဖြစ်ပြီး တခြားပြည်ပနိုင်ငံ တွေကနေပြီးတော့ ဝင်ရောက်စွက်ဖက်ပြီး ဆုံးဖြတ်ရအောင် ဆောင်ရွက်ပေးလို့ ဘယ်လိုမှ မဖြစ်နိုင်ဘူးဟု သူကဖြည့်စွက်ပြောကြားသည်။                                                                             

ငြိမ်းချမ်းရေးကို အမှန်တစ်ကယ်လိုချင်ပါက ငြိမ်းချမ်းရေး လိုချင်တဲ့စိတ်နဲ့ လာကြဖို့၊ သွားနေတဲ့ ဒီမိုကရေစီလမ်းကြောင်းမှာ ဒီမိုကရေစီ တစ်ကယ်မှန်မှန်ကန်ကန် ဖြစ်ချင်ပါက ဒီမိုကရေစီလိုချင်တဲ့ဆန္ဒနှင့် ပြည်ထောင်စုအတွင်းမှာ နေထိုင်ကြတဲ့ တိုင်းရင်းသားအားလုံး ပြည်ထောင်စုစိတ်ဓာတ်နဲ့ လုပ်မယ်ဆိုရင် တိုင်းပြည်အတွက် ရည်မှန်းချက်ပန်းတိုင်ကို ဘယ်လိုပဲဖြစ်ဖြစ် အောင်မြင်မယ်ဆိုတဲ့ အမြင်ရှိတယ်၊ ပြည်ထောင်စုစိတ်ဓာတ်နဲ့ လုပ်ကြမယ်ဆိုပါက ငြိမ်းချမ်းရေးဆွေးနွေးပွဲမှာ မအောင်မြင်စရာ အကြောင်းမရှိဘူးဟုလည်း သူက ဆက်လက်ပြောကြားသည်။

ငြိမ်းချမ်းရေး ဆွေးနွေးပွဲသို့ NCA လက်မှတ်ရေးထိုးထားသည့်အဖွဲ့များအနက်၇ ဖွဲ့တက်ရောက်မည်ဖြစ်ပြီးNCAလက်မှတ်ရေးထိုးထားခြင်း မပြုရသေးသောအဖွဲ့များအနက်၃ ဖွဲ့တက်ရောက်မည်ဖြစ်ကြောင်း သိရသည်။                                                       

ငြိမ်းချမ်းရေးဆွေးနွေးပွဲကို ယခု မေလအတွင်း ပြုလုပ်သွားမည်ဟုသတင်းရရှိပါသည်။

ymg/mt/mnn

Yangon_Media_Group

#WorldAuction
Published 12 May 2022

အထင်ကရသိပ္ပံ‌‌ခေတ်လွန်ရုပ်ရှင်ဇာတ်ကားများမှ အမှတ်တရပစ္စည်းများကိုစုစည်းပြီး ကယ်လီဖိုးနီးယားပြည်နယ်မှာ လာမယ့်ဇွန်လအတွင်း လေလံတင်ရောင်းချသွားမှာ ဖြစ်ပါတယ်။

#Yangon_Media_Group

Published 12 May 2022

အာဏာပိုင်တွေက သုံးရက်ကြာလော့ခ်ဒေါင်းလုပ်မယ်လို့ အွန်လိုင်းပေါ်မှာ ကောလာဟလတွေထွက်လာတဲ့အတွက် ဘေဂျင်း ဒေသခံတွေဟာ စူပါမားကက်တွေမှာ မေ(၁၂)ရက်က စားသောက်ကုန်တွေကို အပြေးအလွှား အလုအယက် ဝယ်ယူ  နေခဲ့ကြ  ပါတယ်။

ဘေဂျင်းမှာ ကိုဗစ်နေ့စဉ်ကူးစက်မှုမှာ ဒါဇင်ကျော်ရှိပြီး တည်ငြိမ်နေပါတယ်။

ဗုဒ္ဓဟူးနေ့နှောင်းပိုင်းမှာတော့ ဘေဂျင်းဟာ အငှားယာဉ်နှင့် အငှားယာဉ်မောင်းလုပ်ငန်းတွေကို ကိုဗစ်ကူးစက်မှုစတင်ခဲ့တဲ့ ဘေဂျင်းရဲ့ကြီးဆုံးခရိုင်ဖြစ်တဲ့ ချောင်းယန်ခရိုင်နှင့်အခြားခရိုင်နှစ်ခုမှာ ခေတ္တရပ်ဆိုင်းကြောင်းကြေညာချက်  ထုတ်ပြန် ခဲ့ပါတယ်။

အဲဒီဒေသတွေမှာ စားသောက်ဆိုင်တွေထမှာ ထိုင်စားတာတွေပိတ်ခဲ့ပြီး အချို့ ဈေးဝယ်စင်တာတွေ၊ဖျော်ဖြေရေးနှင့်ခရီးသွား နေရာတွေကိုပိတ်ခဲ့ပါတယ်။အချို့ ဘတ်စ်လိုင်းနှင့် မြေအောက်ရထားလမ်းပိုင်းတွေကို ယာယီရပ်ဆိုင်းခဲ့ပါတယ်။ အချို့ လူနေအိမ်ရာတွေကို‌ လော့ခ်ဒေါင်းချခဲ့ပါတယ်။

Source Text: AFP/Reuters & Video AFP

#LocalNews
Published - 12 May 2022

ဧရာဝတီတိုင်းရှိ ရှေးဟောင်းကြပ်ပြင် ပျူဂဝံမြို့ဟောင်းအတွင်း ဖော်ထုတ်တွေ့ရှိခဲ့တဲ့ ကျောက် ခေတ်ပစ္စည်းများနှင့် ပတ်သက်၍ သုတေသန စာတမ်းတစ်စောင်ကို ပြုစုနေတယ်လို့ ပျူဂဝံမြို့ ဟောင်း ဆရာတော်ဦးပညာသီရိက မိန့်ကြားပါတယ်။

#Yangon_Media_Group

#LocalNews
Published_12 May 2022

ရန်ကုန်-ပုသိမ်ကားလမ်းမကြီးတိုးချဲ့ရာတွင်ဓာတ်အားလိုင်းများ ရွှေ့ပြောင်းရန်ရှိသောကြောင့် ၍လှိုင်သာယာရှိမြို့နယ်အချို့တွင် မနက်ဖြန် လျှပ်စစ်ဓတ်အားပြတ်တောက်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းက သိရသည်။

ဓာတ်အားလိုင်းအသစ် တည်ဆောက်ခြင်းလုပ်ငန်းကို လုပ်ဆောင်ရာတွင် မနက်ဖြန် မေလ ၁၃ ရက် နံနက် ၆ နာရီမှ မွန်းလွဲ ၁ နာရီထိ 33kVလှိုင်သာယာ-လှိုင်သာယာ(၁၊၂)ဖီဒါ နှင့် 33kV နဝဒေး+ရွှေသံလွင်ဖီဒါ တို့ကို ယာယီဓာတ်အားပိတ်၍ လုပ်ငန်းဆောင်ရွက်သွားမည်ဖြစ်ကြောင်း ရန်ကုန် လျှပ်စစ်ဓာတ်အားပေးရေး ကော်ပိုရေးရှင်းက ထုတ်ပြန်ထားသည်။

ယင်းကြောင့်လှိုင်သာယာ (အရှေ့)၊လှိုင်သာယာ(အနောက်)မြို့နယ် နေရာအချို့တို့တွင် ယာယီ ဓာတ်အားပြတ်တောက်မှု ရှိမည်ဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

ymg/mt
#Yangon_Media_Group

#LocalNews
Published -12 May 2022

လတ်တလော ပုဂံဒေသမှာလုံခြုံရေးအရ သံတံခါးတွေတပ်ဆင်တာ၊ CCTV Network တပ်ဆင်တာတွေဆောင်ရွက်သွားဖို့ရှိတယ်လို့ ရှေးဟောင်းသုတေသနဦးစီးဌာန(ပုဂံဌာနခွဲ)၊ ညွှန်ကြားရေးမှူးဦးကျော်မျိုးဝင်းက YMG ကို ပြောပါတယ်၊၊

#Yangon_Media_Group

#LocalNews
Published - 12 May 2022

(၅)လတာ ကာလအတွင်း တရုတ်-လာအို မီးရထားလမ်းကြောင်းကနေ စုစုပေါင်းကုန်တန်ချိန် ၂.၉ သန်း ပို့ဆောင်နိုင်ခဲ့တယ်လို့ သိရပါတယ်။

တရုတ်-လာအိုမီးရထားလမ်း စတင်လည်ပတ်သည့် ၅ လတာအတွင်း စုစုပေါင်းကုန်တန်ချိန် ၂.၉ သန်း ပို့ဆောင်ခဲ့ပြီး ၅ လမြောက်တွင် ကုန်ပို့ဆောင်မှုပမာဏသည် တန်ချိန် ၁.၁ သန်းရှိသဖြင့် ပထမဆုံးလ၏ ၁၇၀,၀၀၀ တန်ထက် ၅.၅ ဆ တိုးများလာခဲ့တာ ဖြစ်ပါတယ်။

ဒါ့အပြင် ခရီးသွားလာသူ ၂.၇ သန်းကျော်ကို ပို့ဆောင်ပေးခဲ့သဖြင့် ခရီးသည်ပို့ဆောင်ပေးမှု အခြေအနေကောင်းမွန်ကာ နိုင်ငံတကာ ကုန်စည်စီးဆင်းမှုလမ်းမကြီးအခန်းကဏ္ဍ စတင်ပေါ်လွင်လာတယ်လို့ ဆိုပါတယ်။

လက်ရှိတွင် တရုတ်-လာအိုမီးရထားလမ်း၏ နိုင်ငံဖြတ်ကျော် ကုန်စည်ပို့ဆောင်မှုပမာဏသည် တန်ချိန်း ၅ သိန်းကျော်ရှိပြီးဖြစ်ကာ ထိုင်း၊ မြန်မာ၊ လာအို၊ မလေးရှား၊ ကမ္ဘောဒီးယား၊ စင်ကာပူ စသည့်နိုင်ငံနှင့် ဒေသပေါင်း (၁၀)ခုကျော်သို ပို့ဆောင်နိုင်ခဲ့ခြင်း ဖြစ်ပါတယ်။

ကုန်ပစ္စည်းအမျိုးအစားသည်လည်း စတင်လည်ပတ်သည့် ကနဦးကာလက ရာဘာ၊ ဓာတ်မြေသြဇာ၊ ကုန်မျိုးစုံမှ အီလက်ထရောနစ်၊ photovoaltic ၊ ဆက်သွယ်ရေး၊ မော်တော်ယာဉ်၊ ပန်းမန်စသည့် အမျိုးအစား (၁၀၀)ကျော်အထိ တိုးချဲ့လာပြီဖြစ်တယ်လို့ မြန်မာနိုင်ငံဆိုင်ရာ တရုတ်သံရုံးက သတင်းထုတ်ပြန်ထားပါတယ်။

ဓါတ်ပုံ - တရုတ် သံရုံး

ymg/kg
#Yangon_Media_Group

#LocalNews
Published_12 May 2022

ကိုဗစ်ကြောင့် ပိတ်ထားခဲ့သည့် စစ်တွေတက္ကသိုလ်၏ ၂၀၂၁- ၂၀၂၂ ပညာသင်နှစ်အတွက် နေ့သင်တန်းများကို ယနေ့ မေလ ၁၂ ရက်မှ ဇူလိုင်လ ၂၇ ရက်ထိ ဖွင့်လှစ်သွားမည် ဖြစ်ကြောင်းသိရသည်။

ပြီးခဲ့သည့် ၂၀၂၀ ပြည့်နှစ် မတ်လမှစတင်၍ ကိုဗစ်-၁၉ ကပ်ရောဂါကြောင့် တက္ကသိုလ်၊ ဒီဂရီကောလိပ်နှင့် ကောလိပ်ကျောင်းများကို ပိတ်ထားခဲ့ကြရခြင်းလည်း ဖြစ်သည်။

စစ်တွေတက္ကသိုလ်တွင် ပြီးခဲ့သည့် ၂ဝ၂၁ ခုနှစ်၊ မေလ ၅ ရက်ကလည်း ဝိဇ္ဇာ၊ သိပ္ပံ နောက်ဆုံးနှစ်အတန်း၊ တတိယနှစ် ဂုဏ်ထူးတန်း၊ ပဉ္စမနှစ် ဥပဒေတန်း၊ မဟာအရည်အချင်းစစ်အတန်း၊ ပထမနှစ် မဟာအတန်းနှင့် ဒုတိယနှစ် ဂုဏ်ထူးတန်းတို့ကို စတင်ဖွင့်လှစ်ခဲ့သည်။

Photo-na rinjara

ymg/mt
#Yangon_Media_Group