Published 15 May 2022

အသက်၁၈နှစ်အရွယ် လူဖြူလူငယ်သေနတ်သမားဟာ မေလ(၁၄)ရက် စနေနေ့ မွန်းလွဲပိုင်းက နယူးယောက်အထက်ပိုင်း လူမည်းရပ်ကွက်တစ်ခုထဲက ကုန်စုံဆိုင်တစ်ဆိုင်မှာ ပစ်ခတ်ခဲ့ရာ လူ(၁၀)ဦးသေဆုံးပြီး (၃)ဦးဒဏ်ရာရရှိသွားပါတယ်။

အဲဒီလူဖြူလူငယ်ဟာ ချေမှုန်းရေးပုံစံရိုင်ဖယ်တစ်လက်နှင့်ဖြစ်ပြီး တစ်ဦးတည်းကျူးလွန်ပုံရတယ်လို့ အာဏာပိုင်တွေက ပြောပါတယ်။ သူဟာ သူ့နေအိမ်ကနေ ဘတ်ဖယ်လိုကို နာရီပေါင်းများစွာ ကားမောင်းလာတာဖြစ်ပါတယ်။ သူဟာ သူ့တိုက်ခိုက်မှုကို အမေဇုန်ကပိုင်တဲ့ တွစ်ချ် Twitch ပလက်ဖောင်းကနေ တိုက်ရိုက်ရုပ်သံထုတ်လွှင့်ခဲ့ပါတယ်။

သေနတ်နှင့်အပစ်ခံရတဲ့သူ ၁၃ဦးမှာ ၁၁ဦးဟာ လူမည်းတွေဖြစ်တယ်လို့ အရာရှိတွေက ပြောပါတယ်။ အခြားနှစ်ဦးကတော့ လူဖြူတွေဖြစ်ပြီး ဒါဟာ လူမျိုးရေးပိုင်းချို့ယွင်းမှုလားဆိုတာ မရှင်းလင်းသေးပါဘူး။

တရားရုံးစာရွက်စာတမ်းများအရ သူဟာ နယူးယောက်တောင်ပိုင်းဒေသ ပင်န်စီဗေးနီးယားနယ်စပ်က လူဦးရေ ၅၀၀၀လောက်သာရှိတဲ့ ပေတွန်မြိုမှာနေထိုင်တဲ့  ဂျန်ဒရွန်ဆိုသူဖြစ်တယ်လို့ သိရပါတယ်။

သူ့ကို ပထမအဆင့် လူသတ်မှုနှင့် ပြည်နယ်တရားရုံးမှာ အမှုဖွင့်လိုက်ပြီး ဒါဟာ ပြစ်ဒဏ်လွတ်ငြိမ်းခွင့်မရှိ ဘဲ အမြင့်ဆုံး ထောင်တစ်သက်တစ်ကျွန်းကျခံနိုင်တဲ့ ပြစ်မှုဖြစ်ပါတယ်လို့ အီရီစီရင်စု ခရိုင်ရှေ့နေ ဂျွန်ဖလင်းက ပြောပါတယ်။  နယူးယောက်မှ သေဒဏ်မရှိပါဘူး။

သူဟာ ဘင်ဟမ်တွန်အနီးက နယူးယောက်ရဲ့ဘရွမ်းကွန်မြူနတီကောလိပ် ကျောင်းသားတစ်ဦးဖြစ်ပြီး သူ့ကိုမဖမ်းမိခင်မှာ ကိုယ့်ကိုကိုယ်သတ်သေဖို့လုပ်သေးတယ်လို့ ဘတ်ဖယ်လိုပုလိပ်မင်းကြီး ဂျိးဇက် ဂရမ်မက်လျားက သတင်းစာရှင်းလင်းပွဲမှာ ပြောပါတယ်။

သူဟာ Tops Friendly Markets ရဲ့ ကားရပ်ရာနေရာမှာ လူသုံးဦးကို အရင်ဆုံးပစ်သတ်ခဲ့တာဖြစ်ပါတယ်။ အဲဒီနောက် သူဟာ စတိုးဆိုင်လုံခြုံရေးလုပ်နေတဲ့ အငြိမ်းစားရဲအရာရှိနှင့် အပြန်အလှန်ပစ်ခတ်ခဲ့ပါတယ်။ ဒါပေမယ့် သူက ကျည်ကာ အင်္ကျီဝတ်ထားပါတယ်။ သေဆုံးသူ(၁၀)ဦးထဲမှာ အဲဒီလုံခြုံရေးလည်းပါဝင်ပါတယ်။ကျန်(၉)ယောက်က ဈေးဝယ်တွေဖြစ်ပါတယ်။ စတိုးဆိုင်ဝန်ထမ်း(၃)ဦးဟာ ဒဏ်ရာရရှိခဲ့ပြီး သူတို့ဟာ အသက်ရှင်ဖို့များပါတယ်။

သူ့ကိုယ်သူစစ်တပ်ထဲကလိုပုံစံနှင့်” လို့ ဆိုင်မန်နေဂျာ ရွန်နယ်လ်ဟာရစ်က သတင်းစာကိုပြောပါတယ်။ သူဟာ သေနတ်နှင့် အချက်ပေါင်း (၇)လောက်ပစ်ခဲ့တာလို့ သူကဆက်ပြောပါတယ်။

Source Reuters

#LocalNews
Published - 15 May 2022

ယခု မေလဆန်းပိုင်းမှစလို့ ပုဂံ - ညောင်ဦးဒေသသို့ ခရီးသွားဝင်ရောက်မှုတွေ ပြန်လည်နည်းပါးလာခဲ့သည့်အတွက် ပုဂံဒေသခံများအနေနဲ့ အလုပ်ကိုင်များ ပြန်လည်ရှားပါးလာခဲ့တယ်လို့ သိရပါတယ်။

ပုဂံဒေသဟာ ခရီးသွားတွေကိုသာ အဓိကမှီခိုအားထားနေရတဲ့ ဒေသတစ်ခုဖြစ်ကာ ပြီးခဲ့တဲ့ သင်္ကြန်ရုံးပိတ်ရက်ကာလအတွင်းမှာ ပုဂံဒေသသို့ ပြည်တွင်းခရီးသွားအများအပြားဝင် ရောက်ခဲ့သော်လည်း ယခုကာလမှာတော့ ခရီးသွားဧည့်သည်တွေဝင်ရောက်မှုက အနည်းအကျင်းသာ ရှိနေတာဖြစ်တယ်လို့ ဆိုပါတယ်။

"လာတော့လာကြပေမယ့် အရင်ကလောက်မလာကြတော့ဘူးပေါ့။ ကျဲသွားတာပေါ့ ရုံးပိတ်ရက် စနေ၊တနဂ်နွေလိုရက်မျိုးတွေဆိုရင်တော့ ဧည့်သည်တွေ နည်းနည်းပါးပြန်ရှိတယ်။ ကျန်တဲ့ရက်တွေက အတော်ပါးတယ်။ ပြီးခဲ့တဲ့ လပိုင်းတွေကတော့ ဧည့်သည်တွေ အတော်လေးဝင်ရောက်ခဲ့တာရှိပါတယ်။ အခုကာလကျတော့ မိုးတွင်းလည်း ရောက်တော့မယ်လေ အဲ့တော့ ဧည့်သည်တွေကပါးသွားတယ်။ တချို့ မြို့ ကြီးတွေက ဧည့်သည်တွေကျ တော့ မိုးတွင်းဆိုတော့ မိုးတွေရွာရင် သွားရလာရမကောင်းဘူး၊ ဘုရားဖူးလို့ မကောင်းဘူး ထင်ကြတာ။ ဒါပေမဲ့ ဒီဘက်ဒေသတွေက အဲ့လိုမဟုတ်ဘူး။ မိုးရွာလည်း ခဏပဲ ပြီးရင်ပြန်တိတ်တယ်၊ ဆက်တိုက်ကြီးရွာတဲ့ ဒေသမဟုတ်ဘူး။

ခရီးသွားတွေအနေနဲ့ မိုးတွင်းကာလမှာလည်း ပုဂံဒေသကို လာရောက်လည်ပတ်လို့ရပါတယ်လို့ ဖိတ်ခေါ်ချင်ပါတယ်။"လို့ ပုဂံဒေသရှိ ခရီးသွားလုပ်ငန်းရှင်တစ်ဦးက အခုလိုပြောပြခဲ့ပါတယ်။

ပြီးခဲ့တဲ့ နှစ်နှစ်ကျော်ကာလအတွင်းမှာ ကိုဗစ်ကပ်ရောဂါအခြေအနေနဲ့ နိုင်ငံရေးဖြစ်စဉ်အ ခြေအနေအချို့ကြောင့် ပုဂံဒေသသို့ ခရီးသွားဝင်ရောက်မှုတွေ သိသိသာသာကျဆင်းသွားခဲ့ရတာဖြစ်ပါတယ်။

သို့သော်လည်း ပြီးခဲ့သည့်နှစ် ခရီးသွားရာသီကာလမှစတင်ပြီး ပုဂံဒေသသို့ ပြည်တွင်း ခရီးသွားတွေ ပြန်လည်ဝင်ရောက်မှုတွေ ရှိလာခဲ့တာဖြစ်ပါတယ်။

ဒါ့အပြင် ယခု သင်္ကြန်ရုံးပိတ်ရက် ကာလအတွင်းမှာလည်း ဟိုတယ်၊မိုတယ်တွေ ပြည့်သည်အထိ ပုဂံဒေသသို့ ပြည်တွင်းခရီးသွားများ စံချိန်တင်ဝင်ရောက်ခဲ့မှုတွေရှိခဲ့တာပါ။

သို့သော်လည်း ယခုမိုးရာသီကာလမှစတင်ပြီး ပုဂံဒေသသို့ ခရီးသွားဝင်ရောက်မှုတွေက နည်းပါးနေအုံးမည်ဖြစ်ပြီး လာမည့်ပွင့်လင်းရာသီ ခရီးသွားကာလမှသာ ပုဂံ- ညောင်ဦး ဒေသသို့ ပြည်တွင်း၊ပြည်ပဧည့်သည်တွေ ပြန်လည်ဝင်ရောက်မှုတွေ များပြားနိုင်မယ်လို့လည်း ခရီးသွားလုပ်ငန်း လုပ်ကိုင်သူများက ခန့်မှန်းထားကြပါတယ်။

ymg/kg
#Yangon_Media_Group

#LocalNews
Published - 15 May 2022

အရှိန်မထိန်းနိုင်သည့် အိမ်စီးယာဥ်တစ်စီးကအမြန်လမ်းရှိ ဂက်ဝေးတန်းနှင့် ခရေပင်များအားဝင်ရောက်တိုက်မိခဲ့သည့် ဖြစ်စဥ်တစ်ခု မေလ ၁၅ ရက်၊နံနက် ၈ နာရီ ၁၅ မိနစ် အချိန်က ဖြစ်ပွားခဲ့တယ်လို့ သိရပါတယ်။

ဖြစ်စဥ်မှာ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၇၇/၅)တွင် ရန်ကုန်ဘက်မှ နေပြည်တော်ဘက်သို့ မောင်းနှင်လာသော Landcruiser cygnus အမျိုးအစား (ခဲရောင်)ယာဉ်သည် အရှိန်မထိန်းနိုင်ဘဲ လမ်းလယ်ရှိ ဂက်ဝေးတန်းနှင့် ခရေပင်များအား ဝင်ရောက်တိုက်မိမှုဖြစ်ပွားခဲ့တာပါ။

ယာဥ်တိုက်မှု ဖြစ်ပွားရာသို့ ဥသျှစ်ကုန်းအမြန်လမ်းမီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများသွားရောက်ဆောင်ရွက်ခဲ့ရတယ်လို့ သိရပါတယ်။

အဆိုပါ ယာဉ်တိုက်မှုကြောင့် ယာဉ်ပေါ် ပါ အမျိုးသား(၄)ဦးအနက် ယာဉ်မောင်းအမျိုးသား(၁)ဦး ထိခိုက်ဒဏ်ရာ(မစိုးရိမ်ရ)တိုအား မြို့ချောင်းပြည်သူ့ဆေးရုံသို့ ကူညီပို့ဆောင်ပေးခဲ့ရကြောင်း အမြန်လမ်း မီးသတ်တပ်ဖွဲ့က သတင်းထုတ်ပြန်ထားပါတယ်။

Photo - MFSD

ymg/kg
#Yangon_Media_Group

#WorldHealth
Published 15 May 2022

အကိုက်အခဲပျောက်ဆေးများသုံးစွဲလေ့ရှိတဲ့ ကိုယ်ဝန်ဆောင်အမျိုးသမီးများမှာ မွေးဖွားတဲ့အခါဘေးထွက်ဆိုးကျိုးများဖြစ်ပေါ်တတ်ကြောင်း လေ့လာတွေ့ရှိထားပါတယ်။

ပါရာစီတမော၊ အိုင်ဗျူပရိုဖန်တို့လို အကိုက်အခဲပျောက်ဆေးများသုံးစွဲတဲ့ကိုယ်ဝန်ဆောင်တွေမှာ လမစေ့ဘဲမွေးဖွားခြင်းမျိုးနဲ့ ကလေးအသေမွေးခြင်းမျိုး ဖြစ်နိုင်ချေများကြောင်း အဘာဒင်းတက္ကသိုလ်မှသုတေသီများက တွေ့ရှိခဲ့ပါတယ်။

ကိုယ်ဝန်ဆောင်ကာလအတွင်း လူသုံးများတဲ့အကိုက်အခဲပျောက်ဆေးတစ်မျိုးမျိုးကို သုံးစွဲခဲ့တဲ့အမျိုးသမီးတွေမှာ လမစေ့ဘဲမွေးဖွားခြင်းမျိုး ၅၀ ရာခိုင်နှုန်းဖြစ်ပေါ်နိုင်ချေရှိပါတယ်။

ပြီးခဲ့တဲ့ဆယ်စုနှစ် ၃ ခုအတွင်း ကိုယ်ဝန်သည်အယောက် ၁ သိန်းခွဲကျော်ကိုစောင့်ကြည့်လေ့လာခဲ့ရာမှာ ကလေးအသေမွေးခြင်းဖြစ်နိုင်ချေက ၃၃ ရာခိုင်နှုန်းရှိနေပါတယ်။

ကိုယ်ဝန်ဆောင်တဲ့အခါ အဖျားတက်ခြင်း၊ အဆစ်အမြစ်နာခြင်း စတဲ့ဝေဒနာများသက်သာစေဖို့အတွက် ၁၀ ယောက်မှာ ၈ ယောက်လောက်က အကိုက်အခဲပျောက်ဆေးသောက်သုံးကြပါတယ်။

ကိုယ်ဝန်ဆောင်တွေမှာ အကိုက်အခဲပျောက်ဆေးသုံးခြင်းက စိတ်ချရလား စိတ်မချရဘူးလားဆိုတာ အငြင်းပွားနေကြဆဲဖြစ်ပါတယ်။

NHS က ပါရာစီတမောကို ကိုယ်ဝန်သည်များအတွက် ပထမဦးစားပေးအကိုက်အခဲပျောက်ဆေးလိုသတ်မှတ်ထားပေမယ့် ရောင်ရမ်းခြင်းသက်သာစေတဲ့ အိုင်ဗျူပရိုဖန်နဲ့ အက်စ်ပရင်ပမာဏများပြားစွာအသုံးပြုခြင်းကိုတော့ သတိပေးထားပါတယ်။

လက်ရှိအကြံပြုလမ်းညွှန်ချက်တွေက ပြုပြင်ပြောင်းလဲဖို့လိုအပ်နေကြောင်း အဘာဒင်းတက္ကသိုလ်မှသုတေသီများက တိုက်တွန်းနေပါတယ်။

လေ့လာမှုပြုလုပ်ရာမှာ ပါရာစီတမော၊ အက်စ်ပရင်၊ အိုင်ဗျူပရိုဖန်၊ ဒိုင်ကလိုဖန်နက်၊ နာပရိုဇန်ဆေးတွေကိုအသုံးပြုခဲ့ကြတဲ့ အမျိုးသမီးတွေကို လေ့လာမှတ်ချက်ပြုခဲ့ကြပါတယ်။ လက်ရှိမှာတော့ပါရာစီတမောက ကိုယ်ဝန်ဆောင်စဉ်အတွင်း ဘေးကင်းစိတ်ချရတယ်လို့ သတ်မှတ်လို့ရပါတယ်။

ဒါပေမဲ့ ကိုယ်ဝန်ဆောင်ကာလ ၃၀ ပတ်ကျော်လာရင်တော့ အက်စ်ပရင်ပမာဏများများသုံးစွဲခြင်းက သန္ဓေသားရဲ့သွေးလည်ပတ်မှုကို ထိခိုက်စေတာကြောင့် သုံးစွဲဖို့အကြံမပြုထားပါဘူး။

ကျန်တဲ့ဆေး ၃ မျိုးကလည်း ကလေးရဲ့သွေးလည်ပတ်မှုနဲ့ ကျောက်ကပ်တိုကိုထိခိုက်စေတာကြောင့် မသုံးစွဲသင့်ပါဘူး။

၂၀၀၈ မှ ၂၀၁၅ ခုနှစ်ကြားလေ့လာချက်မှာ ကိုယ်ဝန်ဆောင်ကာလအတွင်း အကိုက်အခဲပျောက်ဆေးသုံးစွဲတဲ့အမျိုးသမီးတွေက ၆၀ ရာခိုင်နှုန်းလောက်ရှိလာပါတယ်။

ထိုထဲမှာမှ ၅ ယောက်မှာ ၁ ယောက်က ဘေးထွက်ဆိုးကျိုးခံစားရတတ်ပြီး မွေးဖွားမှုခက်ခဲခြင်းက ၂၈ ရာခိုင်နှုန်းများလာပါတယ်။

မွေးဖွားပြီးရက်ပိုင်းအတွင်း ကလေးသေဆုံးမှုနှုန်းက ၅၀ ရာခိုင်နှုန်းအထိရှိလာပါတယ်။
ပါရာစီတမောနဲ့ အခြားအကိုက်အခဲပျောက်ဆေးတွေ တွဲစပ်သုံးစွဲခြင်းက အန္တရာယ်အများဆုံးအခြေအနေဖြစ်ကြောင်း သုတေသီတွေက သတိပေးထားပါတယ်။

Source: DailyMail.
#Yangon_Media_Group

#WorldHealth
Published 15 May 2022

ဖိုင်ဇာကုမ္ပဏီက ကိုဗစ်ကုသရေးသောက်ဆေးပက်ဇ်လိုဗစ်(Paxlovid)ဆေးဝါးပေါင်း ၂.၈ သန်းကျော်ကို အမေရိကန်တဝှမ်းရှိဆေးဆိုင်များမှာ ဖြန့်ဖြူးထားပြီဖြစ်ပြီး အစိုးရအဖွဲ့ကလည်း လူအများဆေးဝါးသုံးစွဲရရှိရေးအတွက် ကြိုးပမ်းလုပ်ကိုင်ပေးနေပါတယ်။

ပက်ဇ်လိုဗစ်ဆေးကို လူအများအပြားသုံးစွဲခဲ့ကြပြီး ရောဂါကုသပျောက်ကင်းသွားပြီးနောက် အချို့လူနာတွေမှာ ကိုဗစ်ရောဂါလက္ခဏာများ ပြန်လည်ပေါ်ပေါက်ခဲ့ကြောင်း အကြောင်းကြားလာကြပါတယ်။

ဖိုင်ဇာဆေးဝါးအသုံးပြုကုသခဲ့တဲ့ လူဒါဇင်လောက်က ရောဂါလက္ခဏာများပြန်လည်ပေါ်ပေါက်ခဲ့ကြောင်းကို လူမှုကွန်ရက်နဲ့ အမေရိကန် FDA တိုဆီမှာ တင်ပြခဲ့ကြပါတယ်။

ဒါပေမယ့် ဖိုင်ဇာကုမ္ပဏီဘက်ကတော့ ဒါဟာရှားပါးဖြစ်စဉ်တစ်ခုသာဖြစ်တယ်လို့ဆိုပါတယ်။ ၅ ရက်တာသောက်သုံးကုသရတဲ့ ပက်ဇ်လိုဗစ်ဆေးအသုံးပြုခဲ့သူ ၃ သိန်းကျော်ကို စောင့်ကြည့်လေ့လာခဲ့ရာမှာ အယောက် ၃,၀၀၀ မှာ ၁ ယောက်နှုန်းဖြစ်ပွားခဲ့ပြီး ၀.၀၃ ရာခိုင်နှုန်းက ဆေးဝါးသုံးစွဲပြီးနောက် ရောဂါပြန်ထလာကြောင်း သိရှိခဲ့ရပါတယ်။

ဒါပေမယ့် ဒီပမာဏဟာ ပက်ဇ်လိုဗစ်ဆေးဝါးစမ်းသပ်မှုပြုလုပ်စဉ်ကထက် ပိုမိုနည်းပါးပြီး စမ်းသပ်ချက်ပြုလုပ်တုန်းက ၂ ရာခိုင်နှုန်းသောလူနာတွေမှာ ဗိုင်းရပ်စ်ပြန်လည်တွေ့ရှိခဲ့တာဖြစ်ပါတယ်။

ရောဂါလက္ခဏာပြန်ထတာက ကိုဗစ်သဘာဝဖြစ်ပြီး စမ်းသပ်မှုများပြုလုပ်စဉ်ကလည်း အလားတူဗိုင်းရပ်စ်ပြန်လည်ပေါ်ပေါက်ခြင်းဖြစ်ပေါ်တတ်ကြောင်း ဖိုင်ဇာကဖော်ပြထားပါတယ်။

ဒီလိုပြန်လည်ဖြစ်ပေါ်ရတဲ့အဓိကအကြောင်းအရင်းကို သေချာမသိရှိရသေးပေမယ့် အချို့ဆရာဝန်တွေအကြံပြုတာကတော့ ဆေးကဗိုင်းရပ်စ်ကိုလျင်မြန်စွာတိုက်ခိုက်လိုက်တာကြောင့် အချို့လူနာတွေရဲ့ကိုယ်ခံအားစနစ်က အလုပ်မလုပ်ဘဲရှိနေပြီး ဗိုင်းရပ်စ်ကထပ်မံပျံ့ပွားတာဖြစ်ပါတယ်။

ဒီလိုဖြစ်ပေါ်ခြင်းဟာ ဗိုင်းရပ်စ်နဲ့သက်ဆိုင်ပြီး ပက်ဇ်လိုဗစ်နဲ့မသက်ဆိုင်ကြောင်း၊ အဆိုပါဆေးသောက်သုံးတဲ့လူတွေရော မသောက်သုံးတဲ့သူတွေမှာပါ ရောဂါပြန်ထခြင်းမျိုးတွေ့ရှိရကြောင်း ဖိုင်ဇာမှ ထုတ်လုပ်ရေးအရာရှိချုပ်'ဝီလီယံပေါင်'က ပြောကြားသွားပါတယ်။

ပက်ဇ်လိုဗစ်ဆေး ၅ ရက်တာကုသရခြင်းကို နောက်ထပ်တစ်ကြိမ်ကုသခြင်းမျိုး ဒါမှမဟုတ် ၁၀ ရက်တာကုသခြင်းမျိုးက အကျိုးသက်ရောက်မှုမရှိဘူးလို FDA က ပြောခဲ့ပေမယ့် ပက်ဇ်လိုဗစ်ကတော့ နောက်ထပ်တစ်ကြိမ် ၅ ရက်ကုသခြင်းက ဗိုင်းရပ်စ်ကိုဖယ်ရှားပေးနိုင်ကြောင်း အမှုဆောင်ချုပ်'အယ်လ်ဘတ်ဘိုလာ'က ဆိုပါတယ်။

အမေရိကန်မှာ ပက်ဇ်လိုဗစ်ဆေးတွေကို ကိုဗစ်ရောဂါပြင်းထန်စွာခံစားရနိုင်တဲ့သူများ၊ အသက် ၆၅ နှစ်နဲ့အထက်လူကြီးများ၊ အခြားရောဂါအခံရှိသူတွေမှာ သုံးစွဲဖို ခွင့်ပြုထားပါတယ်။

Source: The Straits Times 15 Sunday
#Yangon_Media_Group

#Local_News
Published_ 15 May 2022

နိုင်ငံတော်၏ အချုပ်အခြာအာဏာပိုင်ဆိုင်မှု၊ တန်းတူရည်တူရှိမှုတို့ကို လေးစားလိုက်နာ ခြင်းမှ သွေဖည်နေသည့်အတွက် အာဆီယံ-အမေရိကန် အထူးထိပ်သီး အစည်းအဝေးသို့ မြန်မာနိုင်ငံက ပါဝင်တက်ရောက်ခြင်းမပြုခဲ့ကြောင်း နစက နိုင်ငံခြားရေးဝန်ကြီးဌာနရဲ့ မေ ၁၄ ရက်ထုတ် သတင်းထုတ်ပြန်ချက်မှာ ဖော်ပြထားပါတယ်။

အဆိုပါ အထူးထိပ်သီးအစည်းအဝေးနှင့် ဆက်စပ်အစည်းအဝေးများသို့ အမေရိကန် ပြည်ထောင်စုက မြန်မာနိုင်ငံမှ နိုင်ငံရေးအရကိုယ်စားမပြုသူကိုသာ တက်ရောက်ရန် ဖိတ်ကြားစာကို ပေးပိုခဲ့ပြီး အဆိုပါဖိတ်ကြားမှုသည် အာဆီယံပဋိညာဉ်စာတမ်း၊ အရှေ့တောင်အာရှ ချစ်ကြည်ရေးနှင့်ပူးပေါင်းဆောင်ရွက်ရေးစာချုပ်၊ ကုလသမဂ္ဂပဋိညာဉ် စာတမ်းပါ အခြေခံမူများဖြစ်သော နိုင်ငံတော်၏ အချုပ်အခြာအာဏာ ပိုင်ဆိုင်မှု၊ တန်းတူရည်တူရှိမှုတို့ကို လေးစားလိုက်နာခြင်းမှ သွေဖည်နေသည့်အတွက် မြန်မာနိုင်ငံက ပါဝင်တက်ရောက်ခြင်းမပြုခဲ့ပါဟု ဖော်ပြထားပါတယ်။

အာဆီယံ-အမေရိကန် အထူးထိပ်သီးအစည်းအဝေးအပြီးတွင် ပူးတွဲကြေညာချက် ထုတ်ပြန်ခဲ့သည်ကိုသိရှိရပြီး အဆိုပါပူးတွဲကြေညာချက်တွင် မြန်မာနိုင်ငံ၏ ဖြစ်ပေါ်တိုးတက်မှုများကို အထူးပြုထည့်သွင်းဖော်ပြထားသည့် စာပိုဒ်ပါရှိသည်ကို တွေ့ရှိရတယ်လို့ ဆိုပါတယ်။

မြန်မာနိုင်ငံအနေဖြင့် အဆိုပါစာပိုဒ်ကို ထည့်သွင်းခြင်းမပြုရန် တောင်းဆိုခဲ့သော်လည်း အာဆီယံ၏ တူညီဆန္ဒမပါရှိဘဲ ပူးတွဲကြေညာချက်ကို ထုတ်ပြန်ခဲ့သည်ကို တွေ့ရှိရသည်။ ထိုစာပိုဒ်တွင်ပါရှိသည့် အသုံးအနှုန်းများသည် အချုပ်အခြာအာဏာပိုင် နိုင်ငံတစ်နိုင်ငံ၏ ပြည်တွင်းရေးကို ဝင်ရောက်စွက်ဖက်ခြင်း၊ သက်ဆိုင်ရာနိုင်ငံကို သမာသမတ် ကျသည့်နည်းဖြင့် ချဉ်းကပ်မှုမရှိခြင်းကို အထင်အရှား တွေ့ရှိရသည်။ ထို့အပြင် အချို့အကြောင်းအရာများသည် မြန်မာနိုင်ငံ၏ အချုပ်အခြာအာဏာအတွင်း ရှိခြင်း၊ ၂၀၂၁ ခုနှစ်၊ ဧပြီလတွင် ပြုလုပ်ခဲ့သည့် အာဆီယံခေါင်းဆောင်များ အစည်းအဝေးတွင် သဘောတူညီခဲ့သည့် အာဆီယံ၏ တူညီဆန္ဒ (၅) ချက်ပါ အချက်များထက် ကျော်လွန်နေသော တောင်းဆိုချက်များ ပါဝင်နေခြင်းကို တွေ့ရှိရတယ်လို့ ဆိုပါတယ်။

အာဆီယံ၏ ထုတ်ပြန်ကြေညာချက်များတွင် နိုင်ငံတစ်နိုင်ငံ၏ကိစ္စရပ်ကို နိုင်ငံအလိုက် အထူးပြုထည့်သွင်းဖော်ပြခြင်း မပြုသင့်ကြောင်းကို မြန်မာနိုင်ငံအနေဖြင့် အစဉ်တစိုက် ရပ်တည်ထားရှိပြီး အာဆီယံ-အမေရိကန် အထူးထိပ်သီးအစည်းအဝေး၏ ပူးတွဲကြေညာချက်ကို အာဆီယံတူညီဆန္ဒမပါရှိဘဲ ထုတ်ပြန်ခဲ့ခြင်းကြောင့် မြန်မာနိုင်ငံမှ စာပိုဒ်အမှတ် ၂၆ ကို ပြတ်သားစွာပယ်ချပြီး ပါဝင်ပတ်သက်မှုမရှိကြောင်း ဖော်ပြထားပါတယ်။

ထို့ပြင် အာဆီယံအဖွဲ့ဝင်နိုင်ငံအားလုံးနှင့် မိတ်ဖက်နိုင်ငံများမှ အစိုးရတာဝန်ရှိ သူများနှင့် လွှတ်တော် အမတ်များအနေဖြင့် အကြမ်းဖက်အဖွဲ့အစည်းများနှင့် ၎င်းတို့၏ ကိုယ်စားလှယ်များအား ထိတွေ့ဆက်ဆံခြင်းနှင့် အားပေးပံ့ပိုးခြင်းများ မပြုလုပ်ကြရန် ထပ်လောင်းတောင်းဆို ထားပါတယ်။

မေလ ၁၂ ရက်မှ ၁၃ ရက်အထိ အမေရိကန်ပြည်ထောင်စု ဝါရှင်တန်ဒီစီမြို့တွင် အာဆီယံ - အမေရိကန် အထူးထိပ်သီးအစည်းအဝေးကျင်းပခဲ့တာ ဖြစ်ပါတယ်။

ymg-mnn
#Yangon_Media_Group

Published 14 May 2022

နေပြည်တော်ရှိ မာရဝိဇယဗုဒ္ဓ ဥယျာဉ်တော်ဝတ္တုကံတော်အတွင်း တည်ထားပူဇော်မယ့် ဆဋ္ဌသင်္ဂါယနာမူ ပိဋကတ်ကျောက်စာတော်များ စတင်ရေးထိုးပူဇော်ခြင်း မဟာမင်္ဂလာအခမ်းအနားကို ကဆုန်လပြည့် ဗုဒ္ဓနေ့ဖြစ်တဲ့ (၁၄)ရက်နေ့ နံနက်က ကျင်းပခဲ့ကြောင်းသိရပါတယ်။

အခမ်းအနားမှာ ပိဋကတ်ကျောက်စာတော် ရေးထိုးပူဇော်မည့် မင်္ဂလာစက်ယန္တရားများ၏ မင်္ဂလာလိုက်ကာတွေကို ဗန်းမော်ဆရာတော်ကြီးနှင့် သီတဂူဆရာတော်ကြီးတို့က စက်ခလုတ်နှိပ်ပြီး ဖွင့်လှစ်ပေးတော်မူကြပါတယ်။

အဲဒီနောက် နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က စက်ယန္တရားတွေကို မင်္ဂလာစက်ခလုတ်နှိပ်၍ ပိဋကတ်   ကျောက်စာတော် စတင်ရေးထိုးပူဇော်ပြီး ပရိတ်နံ့သာရည်များပက်ဖျန်းပေးပါတယ်။ အဲဒီနောက် ဆရာတော်ကြီးတွေနှင့် အခမ်းအနားတက်ရောက်လာသူတွေဟာ ကျောက်စာတော်တွေကို ခေတ်မီစက်ကိရိယာတွေအသုံးပြုပြီး ရေးထိုးနေမှုတွေကို ကြည့်ရှုကြပြီး ပရိတ်နံ့သာရည်တွေ ပက်ဖျန်းပေးကြပါတယ်။

ဗန်းမော်ဆရာတော်ကြီးနှင့် သီတဂူ ဆရာတော်ကြီးတို့အား မာရဝိဇယ ဗုဒ္ဓရုပ်ပွားတော်မြတ်ကြီး၏ ဆင်းတုတော် အပိုင်း ၁၊ အပိုင်း ၂၊ အပိုင်း ၃ နှင့် အပိုင်း ၄ တို့ ထုဆစ်ပြီးစီးမှုနှင့် ဗုဒ္ဓဥယျာဉ် တည်ဆောက်ပြီးစီးမှု အခြေအနေတွေကို ဗိုလ်ချူပ်မှူးကြီးက  ရှင်းလင်းလျှောက်ထားပြီး ဆရာတော်ကြီးတွေရဲ့ ဩဝါဒကိုခံယူပါတယ်။

အဆိုပါ ကျောက်စာရုံစေတီများတည်ထားရာတွင် သမိုင်းမော်ကွန်းကျောက်စာထားရှိမည့် အလယ်ဗဟို ကျောက်စာရုံ စေတီသည် အလျား ၂၁ ပေ၊ အနံ ၂၁ ပေ၊ အမြင့် ၂၇ ပေရှိမည်ဖြစ်ပြီး အခြား ကျောက်စာရုံစေတီများအနေဖြင့် အလျား ၁၂ ပေ၊ အနံ ၁၂ ပေ၊ အမြင့် ၁၈ ပေ ရှိမည်ဖြစ်ကာ ကျောက်စာချပ်အနေဖြင့် အလျား ၄၅ လက်မ၊ အမြင့် ၆ ပေ ၃ လက်မ၊ ထု ၇ ဒသမ ၂ လက်မရှိမည်ဖြစ်ပါတယ်။ ကျောက်စာချပ်တွေဟာ ဗုဒ္ဓမြတ်စွာ၏ မုခပါဌ်တော်များကို ရေးထိုးပူဇော်ထားခြင်းဖြစ်တဲ့အတွက် မာရဝိဇယ ဗုဒ္ဓရုပ်ပွားတော်မြတ်ကြီး၏ မျက်နှာတော်မူရာ ရှေ့မျက်နှာစာ၌ စိုက်ထူပူဇော်ထားရှိမည်ဖြစ်ရာ ဘုရားဖူးလာ မိဘပြည်သူများအနေဖြင့် ဗုဒ္ဓရုပ်ပွားတော်မြတ်ကြီးအား လာရောက်ဖူးမြော်ရာတွင် ကျောက်စာရုံစေတီများအတွင်းရှိ ဘုရားဟောဒေသနာတော်များကို ပြည့်စုံစွာကြည်ညိုလေ့လာနိုင်ရေး စီစဉ်ဆောင်ရွက်သွားမယ်လို့လည်းသိရပါတယ်။

ယင်းသို့ ရေးထိုးပူဇော်နိုင်ရေးဆောင်ရွက်ရာတွင် ကျမ်းစာတော်များကို စကျင်ကျောက်တော်များ၌ ခေတ်မီစက်ကိရိယာများ အသုံးပြု၍ ပါဠိအက္ခရာ၊ Romanize Language တို့ဖြင့် ရေးထိုးပူဇော်သွားမည်ဖြစ်ကြောင်းလည်းသတင်းရရှိပါတယ်။

အဆိုပါမင်္ဂလာအခမ်းအနားကို နိုင်ငံတော်သံဃမဟာနာယကအဖွဲ့ဥက္ကဋ္ဌ၊ မန္တလေးမြို့၊ ဗန်းမော်ကျောင်းတိုက်ဆရာတော်၊ အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မ ဇောတိက ဒေါက်တာဘဒ္ဒန္တကုမာရာဘိဝံသ၊ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိရွှေကျင်နိကာယ ဥပဥက္ကဋ္ဌ အဘိဓဇမဟာရဋ္ဌဂုရု အဘိဓဇအဂ္ဂမဟာသဒ္ဓမ္မ ဇောတိကမဟာဓမ္မကထိက ဗဟုဇနဟိတဓရ ဒေါက်တာ ဘဒ္ဒန္တဉာဏိဿရ၊ နေပြည်တော်၊ လယ်ဝေးမြို့၊ ပေါက်မြိုင်ကျောင်းတိုက် ပဓာနနာယကအဘိဓဇမဟာ ရဋ္ဌဂုရုဘဒ္ဒန္တဇနိန္ဒ၊ တပ်ကုန်းမြို့၊ မဟာသီဟနာဒကျောင်းတိုက် ဆရာတော် အဘိဓဇမဟာရဋ္ဌဂုရုဘဒ္ဒန္တအာစိဏ္ဏတို့ အမှူးပြုသည့် သံဃာတော်များ ကြွရောက်ချီးမြှင့်တော်မူကြပြီး နစကဥက္ကဋ္ဌ၊ ဒုတိယဥက္ကဋ္ဌနှင့်ကောင်စီဝင်တွေ၊နစကအစိုးရအဖွဲ့ဝင်တွေနှင့်ဧည်ပရိဿတ်တွေ တက်ရောက်ခဲ့ကြပါတယ်။

နစက ဥက္ကဋ္ဌနှင့်အဖွဲ့ဟာ နေပြည်တော်ရှိ ဥပ္ပါတသန္တိစေတီတော်မြတ်ကြီးနှင့် လောကချမ်းသာ ဆုတောင်းပြည့်အသင်း  ဘုရားကြီး ဝင်းအတွင်းရှိ မဟာဗောဓိညောင်ပင်တော်တွေကို ညောင်ပင်သွန်းလောင်း ပူဇော်ခဲ့ကြတယ်လို့ သတင်း ထုတ်ပြန် ချက်အရသိရပါတယ်။

#WorldAuction
Published 14 May 2022

လေလံတင်ရောင်းချဖူးသမျှစိန်ဖြူထဲမှာ အကြီးဆုံးစိန်ဖြစ်တဲ့ The Rock အမည်ရှိ စိန်ဖြူတုံးကိုဒေါ်လာ ၁၈.၈ သန်းဖြင့် ဗုဒ္ဓဟူးနေ့က လေလံတင်ရောင်းချခဲ့ရပါတယ်။

#Yangon_Media_Group

#HealthMatters
Published - 14 May 2022

၁။ ရွှေ့ပြောင်းအလုပ်သမားတွေဟာ ကမ္ဘာလုံးဆိုင်ရာစီးပွာရေးမှာ အဓိကကျတဲ့အခန်းကဏ္ဍက ဘယ်လိုပါဝင်နေတယ်ဆိုတာကို ကိုဗစ်ကပ်ဘေးက မီးမောင်းထိုးပြခဲ့ပါတယ်လို့ ကုလကပြောတဲ့အပေါ် ဘယ်လိုမြင်ပါသလဲ??

၂။ သူတို့ကလဲ ရွှေ့ပြောင်းတဲ့သဘောရှိတယ် ကိုဗစ်ကလည်း ရွှေ့ပြောင်းတဲ့သဘောရှိတော့ သူတို့ကို လက်ခံဖို့အတွက်ကရော အန္တရာယ်ကြီးတစ်ခုဖြစ်မနေဘူးလား??

၃။ ရှဉ့်လည်းလျှောက်သာ ပျားလည်းစွဲသာအောင် ကိုဗစ်နှင့်အတူ ရွှေ့ပြောင်းအလုပ်သမားတွေရွှေ့ပြောင်းရှင်သန်ခွင့် ဘယ်လိုပေးမလဲ??

#Yangon_Media_Group

Published 14 May 2022

ကဆုန်လပြည့် ဗုဒ္ဓနေ့ အထိမ်းအမှတ် သံဃာတော် ၁၀၂၆၄ ပါးကို ဆွမ်း၊လှုဖွယ်ပစ္စည်းများနှင့် နဝကမ္မဝတ္ထုငွေများ လောင်းလှူပူဇော်ပွဲကို ယနေ့ မေလ၁၄ ရက် ကဆုန်လပြည့်နေ့တွင် မန္တလေးမြို့ နန်းမြို့ရိုးလေးပြင်လေးရပ်၌ တစ်ပြိုင် နက်ကျင်းပခဲ့ပါတယ်။

ယနေ့ မနက်၆နာရီမှစတင်ကာ မန္တလေးမြို့ နန်းမြို့ရိုးလေးပြင်လေးရပ်တွင် တစ်ဖက်လျှင် သံဃာတော် ၂၅၆၆ပါးစီကို ဆွမ်းနှင့်လှူဖော်ပစ္စည်းတွေ၊နဝကမ္မဝတ္ထုငွေတွေကို လောင်းလှုခဲ့ကြပါတယ်။

အဆိုပါအခမ်းအနားကို နစက၊မန္တလေးတိုင်းဒေသကြီး အစိုးရအဖွဲ့က ကြီးမှူးကျင်းပခဲ့တာဖြစ်ပါတယ်။

အဆိုပါအခမ်းအနားကျင်းပပုံတွေကို AFPသတင်းဌာနက ယခုလို သတင်းရုပ်သံရိုက်ကူးတင်ဆက်ထားတာဖြစ်ပါတယ်။

Source AFP

#LocalNews
Published - 14 May 2022

စက်သုံးဆီ စျေးနှုန်းမြင့်တက်လာမှုနှင့် အလှူရှင်နည်းပါးလာမှုတို့ကြောင့် ရန်ကုန်အခြေစိုက် ပရဟိတအဖွဲ့များအနေနဲ့စရိတ်မျှပေးစနစ်ဖြင့်သာ လူနာလမ်းကြောင်းများကို ကူညီပို့ဆောင်ပေး နေရတယ်လို့ သိရပါတယ်။

#Yangon_Media_Group

#LocalNews
Published - 14 May 2022

မိုးရာသီအဝင်နဲ့ မိုးရာသီကာလတွေမှာ သွေးလွန်တုပ်ကွေး၊ဝမ်းပျက်ဝမ်းလျှော၊အစာအဆိပ်သင့်နှင့် အသက်ရူလမ်းကြောင်းဆိုင်ရာ ရောဂါအမျိုးမျိုးဖြစ်ပွားနိုင်တဲ့အတွက် အထူးသတိပြုဖို့လိုအပ်တယ်လို့ ပြည်သူ့ကျန်းမာရေးဖောင်ဒေးရှင်းဥက္ကဌ ဒေါက်တာသန်းစိန်ကပြောပါတယ်၊၊

#Yangon_Media_Group